အိုင်ယူဂျေမှ ရေးတဲ့စာ (၅)

သူငယ်ချင်း...၊
ဒီရက်ပိုင်းမှာ စာမေးပွဲတွေ၊ စာတမ်းတွေကြောင့် အလုပ်ရှုပ်နေတာမို့ မင်းဆီကို စာမရေးဖြစ်တာကို တောင်းပန်ပါရစေ။ ငါတို့စီနီယာ ဒုတိယနှစ် ကျောင်းသားကြီးတွေ ကျမ်းခုခံမှု လုပ်နေကြတာ၊ ဘွဲ့ယူဖို့အတွက် ပြင်ဆင်နေကြတာကိုကြည့်ပြီး အားကျသလိုလို ၀မ်းသာသလိုလိုဖြစ်၊ နွေရာသီ ကျောင်းပိတ်ရက်ရှည် စတော့မှာဆိုတော့ စိတ်ထဲမှာ ပျော်ရွှင်နေသလိုလိုဖြစ်၊ အိုလံပစ်ပြိုင်ပွဲတွေ နှုတ်ဆက်ပွဲတွေကလည်း ရက်ဆက်ဆိုသလို ဖြစ်နေလေတော့ စိတ်လေချင်သလိုလိုနဲ့ ဝေလေလေဖြစ်နေတဲ့အချိန်မှာ အချိန်မီအပ်ရမယ့် စာတမ်းငယ်တွေ၊ ဖြေဆိုရမယ့် စာမေးပွဲတွေအကြောင်း တွေးမိတော့မှ ခေါင်းနပန်းတွေကြီးပြီး စာကြည့်ချင်စိတ်လေး မနည်းပြန်သွင်းလိုက်ရတယ်။ အခုတော့ အပ်ရမယ့် စာတမ်းငယ် တစ်စောင်ပဲ ကျန်တော့တာမို့ ငါ့စာကို မျှော်နေမယ်မှန်း သိနေတဲ့ သူငယ်ချင်းအတွက် စာတစ်စောင် ထပ်ရေးလိုက်ပါတယ်။ ပြီးခဲ့တဲ့ စာထဲမှာ သင်တန်းအချိန်ကာလတွေနဲ့ ပတ်သက်ပြီး သူငယ်ချင်းကို ပြောပြခဲ့တယ်။ ဒီစာမှာတော့ သင်တန်းကာလ (term) အလိုက် သင်ယူရမယ့်ဘာသာရပ် ရွေးချယ်တာနဲ့ ပတ်သက်ပြီး ပြောပြချင်တယ်။ ကျောင်းသားတိုင်းဟာ သင်တန်းကာလအလိုက် သင်ယူလိုတဲ့ ဘာသာရပ်တွေကို မိမိတို့ကိုယ်တိုင် မှတ်ပုံတင်ကြရတယ်။ အော်... တစ်ခုကြိုတင်ပြီး ပြောထားချင်တာက ငါရှင်းပြမှာတွေဟာ နိုင်ငံတကာဆက်ဆံရေး အထူးပြုသင်တန်း IRP တက်ရောက်နေသူတစ်ဦးဖြစ်တဲ့ ငါ့အတွေ့အကြုံတွေအပေါ် အခြေခံတာဖြစ်တဲ့အတွက် အခြားသော မဟာသင်တန်းကျောင်းသားတွေ လုပ်ဆောင်ရတာတွေနဲ့ ကွဲလွဲကောင်း ကွဲလွဲနိုင်တယ် ဆိုတာပါပဲ။ IDP ကျောင်းသားတွေရဲ့ ရွေးချယ်ရတဲ့ပုံစံဟာ ငါတို့နဲ့ ကွဲလွဲကောင်း ကွဲလွဲနိုင်တယ်။ ထို့အတူ PMPP ကျောင်းသားတွေရဲ့ ရွေးချယ်တဲ့ပုံစံဟာလည်း တစ်မျိုးတစ်ဘာသာ ဖြစ်ကောင်းဖြစ်နေနိုင်တယ်။ ဒါပေမယ့် ကျောင်းသားတိုင်းဟာ term တစ်ခုချင်းစီအတွက် ကိုယ်တိုင်ကိုယ်ကျ မဖြစ်မနေ မှတ်ပုံတင်ကြရတယ် ဆိုတာကတော့ တူညီကြတယ်။ သူငယ်ချင်းကို ပထမဆုံး မိတ်ဆက်ပေးချင်တာ တစ်ခုကတော့ အမှတ်စနစ်ပါပဲ။ အင်္ဂလိပ်လိုတော့ Credit ပေါ့ကွာ။ ဒီတက္ကသိုလ်ကနေ ဘွဲ့မရမချင်း မင်းအနေနဲ့ အဲဒီစကားလုံးကို မကြားချင်အဆုံး ကြားနေပြောနေရလိမ့်မယ်။ ကျောင်းသားတွေ ရွေးချယ်သင်ယူရမယ့် ဘာသာရပ်တစ်ခုချင်းစီအလိုက် သတ်မှတ်ထားတဲ့ အမှတ် (Credit) တွေ ရှိကြတယ်။ ဘယ်ဘာသာရပ်ကိုယူရင် အမှတ် ၂ မှတ်ရမယ်၊ ဘယ်သာသာရပ်ကတော့ အမှတ် ၁ မှတ်ရမယ်၊ ဘယ်ဘာသာရပ်ကတော့ အမှတ်မပေးဘူး၊ စသဖြင့်ပေါ့လေ။ များသောအားဖြင့် ဘာသာစကား သင်တန်းတွေဟာ (အင်္ဂလိပ်ဘာသာစကား၊ ဂျပန်ဘာသာစကား) အမှတ် ၁ မှတ်ပဲ ပေးလေ့ရှိတယ်။ အမှတ် ၁ မှတ်ပဲပေးတဲ့ အချို့သော ဘာသာရပ်တွေလည်း ရှိကြပါတယ်။ လောလောဆယ် credit အကြောင်းကို ဒီလောက်ပဲ ရှင်းပြပါရစေ။ ဆက်ဖတ်ရင်းနဲ့ သူငယ်ချင်း နားလည်သွားမှာပါ။ ကျောင်းသားတစ်ယောက် မဟာဘွဲ့ရဖို့အတွက် စာသင်နှစ် ၂ နှစ်အတွင်းမှာ အနည်းဆုံး credit ဘယ်နှခု ရဖို့လိုတယ်ဆိုပြီး သက်ဆိုင်ရာ ဌာနအလိုက် သတ်မှတ်ထားတာတွေ ရှိကြတယ်။ ဌာနတစ်ခုနဲ့တစ်ခု မတူညီကြဘူး။ ဥပမာအားဖြင့် IDP ကျောင်းသားတစ်ယောက်ဟာ အနည်းဆုံး credit ၄၄ ခု ရဖို့လိုအပ်ပြီး၊ IRP ကျောင်းသားတစ်ယောက်ကတော့ အနည်းဆုံး credit ၄၀ ခု ရဖို့လိုအပ်တယ်။ အနည်းဆုံးလို့ သုံးနှုန်းထားတာကို မင်းသတိပြုမိလိမ့်မယ် ထင်ပါတယ်။ သဘောကတော့ သတ်မှတ်ထားတဲ့ အရေအတွက်ထက် ပိုပြီးတော့ယူလို့ ရတယ်ဆိုတာပါပဲ။ ခြွင်းချက်အနေနဲ့တော့ ဘာသာစကားနဲ့ရတဲ့ အမှတ် (credit) တွေကို ထည့်သွင်းတွက်ချက်ခြင်း မပြုတာပါပဲ။ ဆိုပါတော့... ဂျပန်ဘာသာစကားကို သင်တန်းကာလတိုင်းမှာ ယူထားခဲ့တာမို့ ၂ နှစ်ပြည့်တဲ့အချိန်မှာ credit ၆ ခု ရခဲ့တယ်ဆိုပါတော့။ ဒါပေမယ့် အဲဒီအမှတ် ၆ မှတ်ကို ဌာနကသတ်မှတ်တဲ့ အနည်းဆုံးလိုအပ်ချက် အမှတ်တွေထဲမှာ ထည့်သွင်းတွက်ချက်မှာ မဟုတ်ပါဘူး။ ကျောင်းသားတစ်ယောက်ဟာ term တစ်ခုချင်းစီမှာ credit ဘယ်နှခု ယူရမယ့်လို့ သတ်မှတ်ထားတာ မရှိပါဘူး။ ဒါပေမယ့် အများဆုံး ၁၁ ခုပဲ ယူလို့ရတဲ့ ကန့်သတ်ချက်တော့ ရှိတယ်။ သဘောကတော့ တက်ကြွလွန်းတဲ့၊ ပညာသင်ယူလိုစိတ် ပြင်းပြလွန်းတဲ့ ကျောင်းသားတစ်ယောက်ဟာ သင်တန်းကာလတိုင်းမှာ credit ပေါင်း ၁၁ ခု ယူခဲ့တယ်ဆိုရင် မဟာဘွဲ့ရတဲ့အချိန်မှာ သူယူခဲ့တဲ့အမှတ်ပေါင်းဟာ ၆၆ ခု ရှိမှာဖြစ်ပါတယ်။ ဒီတက္ကသိုလ်သမိုင်းမှာ credit အများဆုံးယူခဲ့တဲ့ ကျောင်းသားဟာ ဘယ်သူလဲဆိုတာ ငါတကယ်မသိပါဘူး။ ဒါပေမယ့် credit ပေါင်း ၆၀ ကျော်ယူမယ့် မြန်မာကျောင်းသားတစ်ယောက်တော့ ပေါ်ထွက်လာတော့မယ်လို့ ငါ့စိတ်ထဲမှာ အလိုလို ခံစားမိနေသလိုပဲကွာ။ ပြောနေတာ မပြီးသေးပေမယ့် ငါ့စာလည်း အရမ်းရှည်နေပြီဆိုတော့ ခေတ္တနားပါရစေဦး။ နောက်စာမှာ ဆက်ရှင်းပြပါ့မယ်။
( Ichiro Nyanmyokyaw @ IUJ )