အိုင်ယူဂျေမှ ရေးတဲ့စာ (၁၄)

သူငယ်ချင်း...၊
အစကတော့ ဒီစာထဲမှာ အခြားအကြောင်းအရာတွေကို ရေးဖို့အတွက် စိတ်ကူးထားတာပါပဲ။ ဒါပေမယ့် ပြီးခဲ့တဲ့ တစ်ပတ်လုံး သူငယ်ချင်းဆီကို စာမရေးနိုင်ခဲ့တဲ့အတွက် ဘာတွေများ ဖြစ်နေလဲလို့ မေးထားတဲ့ မင်းရဲ့မေးခွန်းကို ဖြေဖို့အတွက် မူလရည်ရွယ်ထားတဲ့ အကြောင်းအရာတွေကို ခေတ္တဆိုင်းငံ့ထားလိုက်ပြီး အဖြေနဲ့ သက်ဆိုင်တဲ့ အကြောင်းအရာအချို့ကို ပြောပြချင်တယ်။ ငါရှင်းပြတာတွေကို အရင်ဆုံး ဖတ်ပြီးမှသာလျှင် ငါဖြေတဲ့အဖြေကို မင်းနားလည်နိုင်လိမ့်မယ်။ အခြားအကြောင်းအရာတော့ မဟုတ်ပါဘူးကွာ။ ငါတို့တက္ကသိုလ်မှာရှိတဲ့ ကျောင်းသားတွေ နေထိုင်တဲ့ အဆောင်တွေအကြောင်း ပြောပြချင်တာပါ။ အဆောင်တွေအကြောင်း မပြောပြခင် အခြားသိသင့်တာတွေနဲ့ အရင်ဆုံး နိဒါန်းပျိုးပါရစေ။ နေထိုင်မှုစနစ်နဲ့ ပတ်သက်ပြီး ခွဲခြားရမယ်ဆိုရင် ကျောင်းသား နှစ်မျိုးနှစ်စား ရှိကြတယ်။ တက္ကသိုလ်တွင်းနေ (on-campus) နဲ့ တက္ကသိုလ်ပြင်ပနေ (off-campus) တို့ ဖြစ်ကြတယ်။ ဒါက အထူးအဆန်းတော့ မဟုတ်ပါဘူး။ ကမ္ဘာပေါ်က ဘယ်တက္ကသိုလ်တွေပဲဖြစ်ဖြစ် ဒီစနစ်နှစ်မျိုး ရှိကြတာပါပဲ။ အဆောင်တွေအကြောင်း ဆက်ပြောရရင် ငါတို့ တက္ကသိုလ်ဝန်းအတွင်းမှာ ကျောင်းသားတွေ နေထိုင်နိုင်တဲ့ အဆောင် ၄ ခု ရှိတယ်ကွ။ အဆောင်-၁၊ အဆောင်-၂၊ အဆောင်-၃ နဲ့ အိမ်ထောင်သည်ဆောင် တို့ဖြစ်ကြတယ်။ ငါတို့ကျောင်းသားတွေကတော့ အတိုကောက်အနေနဲ့ SD-1, SD-2, SD-3, MSA လို့ ခေါ်ကြတယ်ကွ။ SD ဆိုတာက Student Dormitory ကို ရည်ညွှန်းတာဖြစ်ပြီး MSA ဆိုတာကတော့ Married Student Apartment ကို ပြောလိုခြင်းဖြစ်တယ်။ တက္ကသိုလ်ပြင်ပမှာတော့ အဆောင်တစ်ခုရှိပြီး ငါတို့က SD-4 လို့ ပြောဆိုရည်ညွှန်းကြတယ်။ အဲဒီအဆောင်ဟာ ငါတို့တက္ကသိုလ်ကနေ ပုံမှန်လမ်းလျှောက်သွားမယ်ဆိုရင် ၁၅ မိနစ်လောက်ပဲ ကြာမြင့်တဲ့ အကွာအဝေးမှာ တည်ရှိတယ်။ ကျောင်းသားဆောင်တွေမှာ ရှိကြတဲ့ အခန်းတွေအားလုံးဟာ တစ်ယောက်ခန်းတွေ ဖြစ်ကြတယ်။ ငါတို့တက္ကသိုလ်မှာ တစ်ယောက်ခန်းပေါင်း ၃၀၀ ကျော်ရှိတယ်။ MSA ဆောင်မှာတော့ နှစ်ယောက်ခန်း အခန်းပေါင်း ၁၈ ခန်း ရှိတယ်။ အဲဒီအခန်းတွေမှာ နေထိုင်လိုတဲ့ ကျောင်းသားတွေဟာ အမြဲတစေ ပြည့်နှက်နေလေ့ရှိတယ်။ စာသင်နှစ်တစ်နှစ်ပြီးလို့ ကျောင်းသားဟောင်းတွေ ထွက်သွားတဲ့အခါတိုင်း လွတ်သွားတဲ့ အခန်းနေရာတွေအတွက် စာရင်းပေးထားတဲ့ ကျောင်းသားအရေအတွက်ဟာ အခန်းအရေအတွက်ထက် အမြဲတစေ အဆမတန် များပြားနေလေ့ရှိတယ်။ အခန်းလိုချင်လို့ စာရင်းပေးသွင်းထားတဲ့ ကျောင်းသားတွေကို မဲဖောက်ပေးတဲ့ စနစ်နဲ့ နေရာချထားပေးလေ့ရှိတယ်။ ဟိုးအပေါ်မှာ ငါပြောခဲ့တဲ့စကားကို ပြန်ကောက်ရမယ်ဆိုရင် on-campus နဲ့ off-campus ကျောင်းသားဆိုပြီး နှစ်မျိုးနှစ်စား ရှိရာမှာ တက္ကသိုလ်ပြင်ပနေ ကျောင်းသားတွေကိုလည်း နှစ်မျိုးခွဲနိုင်တယ်ကွ။ အဆောင်-၄ (SD-4) ဟာ ငါတို့တက္ကသိုလ်ဝန်းရဲ့ ပြင်ပမှာ တည်ရှိတယ်ဆိုတာ ငါရှင်းပြခဲ့ပြီးပြီ။ အဲဒီတော့ အဲဒီအဆောင်မှာ နေကြသူတွေဟာ ပြင်ပနေကျောင်းသားတွေ ဖြစ်ကြတယ်ဆိုတာကို အထူးအထွေ ပြောပြနေစရာ လိုမယ်မထင်ဘူး။ နောက်ထပ် ပြင်ပနေ ကျောင်းသားတစ်မျိုးကတော့ မိမိအစီအစဉ်နဲ့မိမိ တက္ကသိုလ်ဝန်းပြင်ပမှာ အခန်းငှားပြီး နေထိုင်ကြသူတွေ ဖြစ်ကြတယ်။ MSA ဆောင်မှာ နေခွင့်မရတဲ့ ကျောင်းသားတွေဟာ မိသားစုနဲ့အတူ တက္ကသိုလ်ဝန်းပြင်ပမှာ အခန်းငှားရမ်း နေထိုင်ကြလေ့ရှိတယ်။ ဒါဆိုရင် ပြင်ပနေ ကျောင်းသားတွေနဲ့ ပတ်သက်လို့ မင်းနားလည်လောက်ပြီလို့ ငါထင်တယ်။ အခု ငါဆက်ပြောချင်တာက တက္ကသိုလ်ဝန်းအတွင်းနေ ကျောင်းသားတွေနဲ့ ပတ်သက်တဲ့ အကြောင်းအရာပဲကွ။ MSA အကြောင်းကိုလည်း အပေါ်မှာ ရှင်းပြခဲ့ပြီဆိုတော့ ထပ်ရှင်းဖို့ မလိုတော့ဘူး။ အဲဒီတော့ ကျန်တဲ့ အဆောင် ၃ ဆောင်နဲ့ ပတ်သက်လို့ပဲ ရှင်းပြရတော့မယ်။ အဆောင်-၁ ဟာ ဒီတက္ကသိုလ် စတင်တည်ထောင်စဉ်ကတည်းက တည်ရှိခဲ့တဲ့ မူလကျောင်းသားအဆောင်ဖြစ်တယ်။ အဲဒီတော့ ရှေးဆန်တယ်၊ ပုံတုန်းတယ်ပေါ့ကွာ။ အဝေးကလှမ်းကြည့်ရင် ရဲတိုက်အို ရဲတိုက်ဟောင်းကြီးနဲ့ ထင်ယောင်မှားနိုင်တဲ့ ၃ ထပ်ဆောင်ဖြစ်ပြီး စတုရန်းပုံ ဖွဲ့စည်းတည်ဆောက်ထားတယ်။ အဆောင်-၂ နဲ့ အဆောင်-၃ ကတော့ နောက်မှဆောက်တဲ့ အဆောက်အဦတွေဖြစ်တော့ နုပျိုသစ်လွင်ကြတာပေါ့ကွာ။ အဲဒီအဆောင် နှစ်ခုလုံးက ၆ ထပ်ဆောင်တွေ ဖြစ်ကြတယ်။ ငါတို့တက္ကသိုလ်မှာတော့ အမြင့်ဆုံး အဆောက်အဦတွေဖြစ်ကြပြီး အဝေးကလှမ်းကြည့်ရင် ဖြူဖြူဖွေးဖွေး ငွားငွားစွင့်စွင့်နဲ့ပေါ့ကွာ။ အခန်းတွေအားလုံးမှာ သီးသန်ရေချိုးခန်းနဲ့အိမ်သာတွဲလျက်ပါတယ်။ စားပွဲခုံတစ်လုံး၊ ဆုံလည်ကုလားထိုင်တစ်လုံး၊ တယ်လီဖုန်းတစ်လုံး၊ ကုတင်တစ်လုံး၊ မွေ့ယာတစ်ခု၊ ခေါင်းအုံးတစ်လုံး၊ အိပ်ရာပစ္စည်းတစ်စုံ (ခေါင်းအုံးစွပ်၊ စောင်စွပ်၊ အိပ်ရာခင်း)၊ ဘေးကင်းလုံခြုံရေး အရေးပေါ် ပစ္စည်းအိတ်တစ်အိတ် (အဖြူရောင် လုံခြုံရေးခေါင်းဆောင်းဦးထုပ်၊ ဓာတ်မီး၊ လက်အိတ်)၊ အမှိုက်ပုံးသေး ၂ ခု (လောင်ကျွမ်းနိုင်တဲ့ အမှိုက်တွေ စွန့်ပစ်ဖို့တစ်ခုနဲ့ ဖန်ပုလင်း၊ သံဗူးလို မလောင်ကျွမ်းနိုင်တဲ့ အမှိုက်တွေ စွန့်ပစ်ဖို့တစ်ခု) ထည့်ပေးထားတယ်။ အဆောင်-၁ က အခန်းတွေမှာဆိုရင်တော့ စားပွဲတင်မီးအိမ်တစ်ခုစီပါ ထည့်ပေးထားတယ်။ MSA ဆောင်က အခန်းတွေမှာတော့ သီးသန့်မီးဖိုချောင်ပါ ပါရှိကြတယ်။ အဆောင်-၁ က အခန်းတွေဟာ အဆောင်-၂ နဲ့ အဆောင်-၃ က အခန်းတွေထက် သိသိသာသာ ကျဉ်းမြောင်းကြတယ်။ ပစ္စည်းပစ္စယ အများကြီးရှိတဲ့ ကျောင်းသားတစ်ယောက်အတွက်တော့ တကယ့်ကို ကျဉ်းထဲကျပ်ထဲမှာ နေရမယ့်အခန်းတွေပါပဲ။ ငါ့အနေနဲ့ အမှန်အတိုင်း ပြောရမယ်ဆိုရင် ရောက်လာတဲ့ ပထမနှစ် ကျောင်းသားသစ်တွေကို အဆောင် ၃ ခုမှာ နေရာချထားတာကို ဘယ်လိုစနစ်နဲ့ စီစဉ်ကြတယ်ဆိုတာ လုံးဝမသိပါဘူး။ ကျောင်းသားအဆောင်တွေ အားလုံးဟာ တက္ကသိုလ်ဝန်းထဲမှာ ရှိကြတာပဲ၊ ဘယ်အဆောင်မှာပဲနေနေ အတူတူပဲပေါ့လို့ ပုံမှန်အားဖြင့် ထင်ချင်စရာပါပဲ။ တကယ်တော့ အဲလိုမဟုတ်ဘူးကွ။ ခြွင်းချက်လေးတွေ ရှိနေတဲ့အတွက် မင်းကို ဒီလောက်အထိ ရှင်းပြနေရတာဖြစ်တယ်။ ပထမနှစ်ကျောင်းသားအဖြစ် စရောက်ကတည်းက အဆောင်-၂ သို့မဟုတ် အဆောင်-၃ မှာ နေရာချထားပေးခြင်းခံရတဲ့ ကျောင်းသားတွေဟာ ပညာသင်ကြားမယ့် ၂ နှစ်တာလကာလလုံး အဲဒီအဆောင်တွေမှာပဲ နေခွင့်ရကြတယ်။ သူတို့အနေနဲ့ တက္ကသိုလ်ပြင်ပနေ ကျောင်းသားတွေအဖြစ် ပြောင်းလိုတဲ့ဆန္ဒရှိရင် ပြောင်းနိုင်ကြသလို ပထမနှစ်ပြီးဆုံးချိန်မှာ အဆောင်-၄ ကို ရွှေ့ချင်တယ်ဆိုရင်လည်း ရွှေ့ခွင့်ရနိုင်ကြတယ်။ တကယ်လို့သာ အိမ်ထောင်သည်ဖြစ်လို့ မိသားစုလည်းလိုက်နေမယ်၊ မဲလည်းပေါက်မယ်ဆိုရင်တော့ MSA ဆောင်ကို ပြောင်းရွှေ့နေထိုင်ခွင့် ရကြမှာဖြစ်တယ်။ ဒါပေမယ့် တက္ကသိုလ်ဝန်းအတွင်းက အခြားအဆောင် တစ်ခုခုကိုတော့ ပြောင်းရွှေ့ခွင့် မရှိကြဘူး။ ပထမနှစ်ကျောင်းသားအဖြစ် ရောက်လာတဲ့အချိန်မှာ အဆောင်-၁ မှာနေဖို့အတွက် နေရာချထားပေးခံရတဲ့ ကျောင်းသားတွေကတော့ ခြွင်းချက်အများဆုံး ကျောင်းသားတွေပါပဲ။ သူတို့အနေနဲ့ ပထမနှစ်ပြီးဆုံးချိန် နွေရာသီကာလမှာ အဆောင်-၁ ကနေ အခြားအဆောင် တစ်ခုခုကို ပြောင်းရွှေ့ဖို့အတွက် မဖြစ်မနေ စဉ်းစားကြရတယ်။ ဘာကြောင့်လဲဆိုတော့ နွေရာသီ ၃ လတာ ကာလဆိုရင် ငါတို့တက္ကသိုလ်မှာ အင်္ဂလိပ်စာအထူးသင်တန်း ဖွင့်လှစ်သင်ကြားလေ့ရှိပြီး အဲဒီသင်တန်းကို လာတက်ကြတဲ့ အနယ်နယ်အရပ်ရပ်က ကျောင်းသားတွေကို အဆောင်-၁ မှာ တစ်စုတစ်စည်းတည်း နေရာချထားပေးလို့ ဖြစ်တယ်။ အဲဒီတော့ နွေရာသီကျောင်းပိတ်ရက် စပြီဆိုတာနဲ့ အဆောင်-၁ ကျောင်းသားတွေအနေနဲ့ အခြားအဆောင် တစ်ခုခုကို ပြောင်းရွှေ့ဖို့အတွက် မဖြစ်မနေ ဆုံးဖြတ်ကြရတယ်။ ဒီနေရာမှာလည်း ခြွင်းချက်ရှိတယ်။ တကယ်လို့ သူတို့ဟာ နွေရာသီ ၃ လ ပြီးဆုံးချိန်မှာ အဆောင်-၁ မှာပဲ ပြန်နေချင်ကြတယ်ဆိုရင် နေခွင့်ရှိကြတယ်။ ဒါပေမယ့် နွေရာသီ ၃ လ ကာလအတွင်းမှာတော့ အခြားအဆောင် တစ်ခုခုကို မဖြစ်မနေ ပြောင်းရွှေ့ပေးကြရမယ်။ နွေရာသီ ၃ လ ကုန်ဆုံးချိန်ကျမှ အဆောင်-၁ က မိမိအခန်းမှာ ပြန်နေကြပေါ့။ အခြားအဆောင်က ကျောင်းသားတွေကတော့ အဆောင်-၁ ကို ပြောင်းရွှေ့ခွင့် လုံးဝမရှိကြဘူး။ ကဲ... ဒီလောက်ဆိုရင် ငါပြောချင်တာကိုလည်း မင်းခန့်မှန်းမိနေလောက်ပါပြီ။ ဟုတ်ပါတယ်.. မင်းခန့်မှန်းသလိုပါပဲ။ ငါပထမနှစ်ကျောင်းသားအဖြစ် ရောက်လာချိန်မှာ အဆောင်-၁ မှာနေရာချထားပေးခြင်း ခံခဲ့ရတယ်။ အဲဒီတော့ အခုလို နွေရာသီကျောင်းပိတ်ရက် ရောက်ပြီဆိုတော့ ငါ့အနေနဲ့ အဆောင်ပြောင်းရွှေ့ဖို့ ပြင်ဆင်ရတော့တာပေါ့ကွာ။ ပစ္စည်းတွေသိမ်း၊ မလိုတာတွေ စွန့်ပစ်၊ ပြောင်းရွှေ့မယ့်အခန်းကို ပစ္စည်းတွေရွှေ့၊ အခန်းကို ငါစရောက်ကာစ မူလအခြေအနေတိုင်း သန့်ရှင်းရေးပြန်လုပ်ပေး၊ အခန်းအပ်နှံပုံစံဖြည့်စွက်၊ သော့ပြန်အပ် စတဲ့လုပ်ငန်းစဉ်တွေနဲ့ ပြီးခဲ့တဲ့ တစ်ပတ်လုံး ငါအလုပ်ရှုပ်နေခဲ့တယ်ကွ။ အဲဒါကြောင့် မင်းဆီကို စာမရေးဖြစ်ခဲ့တာဖြစ်ပါကြောင်း ပြန်လည်ဖြေကြားအပ်ပါသည် ငါ့ရဲ့ အကောင်းစား သူငယ်ချင်းကြီးခင်ဗျား...။ ပြီးခဲ့တဲ့ စာသင်နှစ်တစ်ခုလုံး ၉ လတာ နေထိုင်ခဲ့ရတဲ့ အဆောင်-၁ ကို လွမ်းမိတာတော့ အမှန်ပါပဲ။ ဒါပေမယ့် အခု ငါပြောင်းလာတဲ့ အခန်းသစ်က အရင်အခန်းထက် အများကြီးပိုကျယ်တာ၊ ရှုခင်းပိုကောင်းတာတွေကြောင့် ငါ့အနေနဲ့ မကြာခင်မှာပဲ နေသားတကျဖြစ်သွားပြီး ပျော်ရွှင်လာလိမ့်မယ်လို့ ခံစားမိပါတယ်။ အဆောင်သစ်၊ အခန်းသစ်မှာ စိတ်ကူးသစ်တွေနဲ့ မင်းဆီကို စာတွေဆက်ရေးပါဦးမယ်ကွာ။ အခုတော့ နားကြဦးစို့။
( Ichiro Nyanmyokyaw @ IUJ )