အိုင်ယူဂျေမှ ရေးတဲ့စာ (၄)

သူငယ်ချင်း...၊
ဒီတစ်ခေါက်တော့ ငါတို့တက္ကသိုလ်မှာ ပညာသင်ကြားရမယ့် အချိန်အတိုင်းအတာနဲ့ ပတ်သက်ပြီး အနည်းငယ် ပြောပြချင်တယ်။ မင်းတက်ရမယ့် တစ်နည်းအားဖြင့် အခုလက်ရှိ ငါတို့တက်ရောက်နေတဲ့ မဟာဘွဲ့သင်တန်းတွေဟာ ၂ နှစ်ကြာ သင်တန်းတွေ ဖြစ်တယ်ဆိုတာကို သူငယ်ချင်း သိပြီးဖြစ်လိမ့်မယ်။ ဒီနေရာမှာ ၂ နှစ်ဆိုတာဟာ ပြက္ခဒိန်နှစ်ကို ရည်ညွှန်းတာမဟုတ်ဘဲ စာသင်နှစ် ၂ ခုကို ဆိုလိုခြင်းဖြစ်တယ်။ စာသင်နှစ်တစ်ခုစီမှာ သင်တန်းကာလ (term) ၃ ခု ရှိတယ်။ ဆောင်းဦးသင်တန်းကာလ၊ ဆောင်းတွင်းသင်တန်းကာလ နဲ့ နွေဦးသင်တန်းကာလလို့ မြန်မာလို ပြောလို့ရမယ်ထင်တယ်။ သိုးဆောင်းလို ပြောရမယ်ဆိုရင်တော့ Fall term, Winter term နဲ့ Spring term တွေပေါ့ကွာ။ အရင်ရေးတဲ့စာထဲမှာ ငါပြောခဲ့ဖူးသလိုပဲ term တစ်ခုစီဟာ စာသင်ရက်သတ္တပတ် ၁၀ ပတ်စီ ကြာမြင့်ကြတယ်။ ပုံမှန်အားဖြင့်ဆိုရင်တော့ ဘာသာရပ်ဆိုင်ရာ ပါမောက္ခအပေါ် မူတည်ပြီး ပဉ္စမပတ် သို့မဟုတ် ဆဌမပတ်မှာ mid-term စာမေးပွဲ ဖြေဆိုရလေ့ရှိတယ်။ အချို့သော ဘာသာရပ်တွေမှာတော့ အဲဒီစာမေးပွဲ စစ်မေးလေ့မရှိဘူး။ နောက်ဆုံးရက်သတ္တပတ်မှာတော့ final exam ဖြေဆိုကြရတယ်။ ဒီနေရာမှာလည်း ခြွင်းချက်တွေ ရှိတတ်ကြတယ်။ အချို့ပါမောက္ခတွေက စာမေးပွဲတစ်ခုတည်း စစ်မေးကြတယ်၊ အချို့ဆရာတွေကတော့ စာမေးပွဲဖြေစရာမလိုဘဲ စာတမ်းငယ် (paper) တစ်စောင် တင်ခိုင်းတတ်ကြတယ်၊ အဲ... အချို့သော တက်ကြွလွန်းသူ ပါမောက္ခတွေကတော့ စာမေးပွဲရော၊ စာတမ်းငယ်ပါ နှစ်မျိုးလုံးနဲ့ ကျောင်းသားတွေကို အလုပ်ပေးတတ်ကြတယ်။ ရေတစ်ဝက်ပဲ ကျန်ပါတော့လားဆိုတဲ့ စိတ်အခံနဲ့ဆိုရင်တော့ စိတ်ညစ်စရာ ဖြစ်ကောင်းဖြစ်ပေမယ့် မင်းပြောနေကျ စကားအတိုင်းဆိုရင်တော့ ချွေးထွက်များမှ သွေးထွက်နည်းမယ် ဆိုတာမျိုးပေါ့ကွာ။ Fall term နဲ့ Winter term ပြီးချိန်တွေမှာတော့ နားချိန်အဖြစ် တစ်ပတ်ခန့် အချိန်အား ရတတ်ကြတယ်။ ဒီနေရာမှာ Spring term ကို ဘာဖြစ်လို့ ထည့်မပြောရသလဲဆိုတော့ အဲဒီသင်တန်းကာလ ပြီးတဲ့အချိန်မှာ နွေရာသီအားလပ်ရက်ရှည် စတင်ပြီဖြစ်လို့ပါပဲ။ အနှစ်ချုပ်ပြန်ပြောရရင် သူငယ်ချင်းအနေနဲ့ IUJ ကနေ မဟာဘွဲ့တစ်ခု ရရှိနိုင်ဖို့အတွက် ရက်သတ္တပတ်ပေါင်း ၆၀ မဖြစ်မနေ ကြိုးစားအားထုတ်ရမယ် ဆိုတာပါပဲ။ အခုရေးထားတာကို ကိန်းဂဏန်းအနေနဲ့ ဖတ်တဲ့အခါ ကျော်ဖြတ်ရမယ့် ရက်သတ္တပတ်တွေ များလှပါလားလို့ တွေးချင်စရာ ဖြစ်ကောင်းဖြစ်နေပေမယ့် တကယ်တမ်း စာသင်နေတဲ့ အချိန်ကျတော့ အချိန်တွေဆိုတာ ဘယ်လိုကုန်လွန်သွားမှန်း မသိလောက်အောင် မြန်လွန်းလှပါတယ်ကွာ။ စာသင်ခန်းမှာ ဦးနှောက်မုန်တိုင်းဆင်လိုက်၊ အိမ်စာတွေနဲ့ ချာချာလည်လိုက်၊ စာမေးပွဲတွေနဲ့ အိပ်ရေးပျက်လိုက်၊ အားကစားလုပ်ရင်း စိတ်ကိုလျှော့လိုက်၊ ပါတီတွေနဲ့ ပျော်လိုက်ပါးလိုက်၊ ပြင်ပလေ့လာရေးခရီးတွေနဲ့ စိတ်လန်းဆန်းလိုက်၊ အင်တာနက်ကမ္ဘာကြီးထဲမှာ စီးဝင်မျောလိုက်၊ နှင်းတွေကြားမှာ မြူးထူးလိုက်နဲ့ တက္ကသိုလ်ကျောင်းသားဘ၀ ၆ လသားလောက် ဖြစ်လာတဲ့အချိန်မှာ အချိန်တွေကုန်သွားမှာကိုတောင် ကြောက်လာတဲ့အထိ ဖြစ်သွားပါလိမ့်မယ်။ သူငယ်ချင်းကို ပိုပြီးတော့ ရှင်းလင်းမြင်သာအောင် အောက်မှာ ညီမျှခြင်းလေး ချပြလိုက်တယ်။ အတိအကျ မဟုတ်ပေမယ့် အကြမ်းဖျဉ်း အဲဒီအတိုင်းပေါ့ကွာ။

ဆောင်းဦး ၁၀ ပတ် + နားချိန် ၁ ပတ် + ဆောင်း ၁၀ ပတ် + နားချိန် ၁ ပတ် + နွေဦး ၁၀ ပတ် + နွေကျောင်းပိတ်ရက် ၃ လ + ဆောင်းဦး ၁၀ ပတ် + နားချိန် ၁ ပတ် + ဆောင်း ၁၀ ပတ် + နားချိန် ၁ ပတ် + နွေဦး ၁၀ ပတ် = မဟာဘွဲ့

ငါ့စာကို ဒီနေရာမှာပဲ နိဂုံးချုပ်ပါရစေကွာ။ နောက်စာတွေမှာ သင်ကြားရေးစနစ်တွေနဲ့ ပတ်သက်ပြီး မင်းဆ၀ါးနိုင်အောင် ငါသိသလောက် ပြောပြပါဦးမယ်။
( Ichiro Nyanmyokyaw @ IUJ )