အောင်စာရင်း

အောင်စာရင်းက ဇူလိုင်လ ၂၆ ရက်နေ့ကတည်းက စာတိုက်ပုံးထဲရောက်နေကြောင်း အီးမေးရခဲ့ပေမယ့် ကိုယ်တိုင်လည်း ခရီးထွက်နေလို့ ကျောင်းမှာမရှိ၊ မလိုချင်တဲ့ ရလဒ်အတွက် စိတ်အနှောင့်အယှက်လည်း မဖြစ်ချင်လို့ အခုမှ စိတ်အေးလက်အေး ဖွင့်ကြည့်မိတယ်။ ကိုယ်လုပ်ခဲ့သလောက် ကိုယ်ရတာကို တွေ့တယ်။ စာမေးပွဲအတွက် ဖတ်ဖို့ငှားထားတဲ့၊ စာမေးပွဲပြီးတာတောင် ချက်ချင်းပြန်မအပ်ရဲသေးတဲ့ စာအုပ်တွေအားလုံး စိတ်ချလက်ချ ပြန်အပ်ပစ်လိုက်လို့ရတာကို အကျေနပ်ဆုံးပဲ၊ သုတေသနအဆိုပြုချက်ကတော့ ပြန်ပြင်ရအုံးမတဲ့၊ ဘာပဲပြောပြော အဆင့်တစ်ခုကိုတော့ ကျော်ဖြတ်ဖြစ်ခဲ့ပြီ

MOBA လေ့လာရေးခရီး

.
. . . ပြီးခဲ့တဲ့ ရက်ပိုင်းက မြန်မာပြည်ကလာတဲ့ လေ့လာရေးအဖွဲ့တစ်ခုကို လိုအပ်တာတွေ ၀ိုင်းလုပ်ပေးဖို့ အခွင့်အရေးရခဲ့တယ်။ ကျွန်တော်တို့ တက္ကသိုလ်မှာ သုံးညအိပ်လေးရက်နေသွားတဲ့ သူတို့အတွက် တက်တဲ့အတန်းတွေမှာ သင်ကြားရေးလက်ထောက် လုပ်ပေးဖို့ တာဝန်ပေးလို့ သူတို့အတန်းတွေ လိုက်တက်ပြီး ကိုယ်လည်း ဗဟုသုတ တော်တော်များများ ရလိုက်တယ်။ ကိုယ်ကိုယ်တိုင်ကလည်း နုတ်ဖြေစာမေးပွဲရှိတော့ ကျန်တဲ့ နှစ်ရက်မှာ သူတို့အတန်းတွေ လိုက်တက်ပေးခဲ့တယ်။ သင်ကြားရေးလက်ထောက် ဆိုပေမယ့် တကယ်တမ်းကျတော့ သင်ကြားရေးနဲ့ ပတ်သက်ပြီး ကိုယ်က ဘာမှ ကူညီဆောင်ရွက်ပေးရတာ မရှိခဲ့ပါဘူး။ ကိုယ်က အိမ်ရှင်တစ်ယောက်အနေနဲ့ပဲ လိုအပ်တဲ့ နေရေးထိုင်ရေး စားရေးသောက်ရေး အဆင်ပြေအောင် အခြားအိမ်ရှင်ကျောင်းသားတွေနဲ့အတူ ပူးပေါင်း ဆောင်ရွက်ပေးရတာပဲ ရှိတာပါ . . .
.
. . . ကျောင်းကိုရောက်ပြီးနောက်တစ်ရက်ညနေမှာ ကျောင်းက ဧည့်ခံတဲ့ ကြိုဆိုရေးအခမ်းအနားကို တက်ပြီး စားသောက်နုတ်ဆက် စကားပြောကြပေါ့။ ပြီးတော့ ကျွန်တော်တို့မြို့ရဲ့ အမှတ်တရ ရေနွေးစိမ်ကန်ကို လိုက်ပို့ပေးပါတယ်။ နောက်တစ်ရက်ညကျတော့ ကျောင်းက ပွဲတွေလုပ်တဲ့ ခန်းမမှာ စားကြသောက်ကြ သီချင်းဆိုကြ ကကြနဲ့ ပျော်စရာတော့ အကောင်းသားပါ။ နောက်ဆုံးနေ့မှာ မနက်ပိုင်း ဆရာကြီးနာကာမူရရဲ့ ဂျပန်ဒေသဆိုင်ရာ အုပ်ချုပ်ရေးစနစ်နဲ့ ပတ်သက်တဲ့ အတန်းအပြီး နေ့လယ်စာစားပြီးတော့ ကျောင်းက စီစဉ်ပေးတဲ့ ကားနဲ့ပဲ အီချီဂို ယူဇာဝါ ဆိုတဲ့ မြို့က မြို့နယ်အုပ်ချုပ်ရေးမှူးရုံးကို လေ့လာရေး သွားကြပါတယ်။ သွားတဲ့ လမ်းခရီးတစ်လျှောက် ကားစီးတဲ့ အချိန်ခဏလေးမှာ လမ်းမှာတွေ့တဲ့ မြင်တဲ့ ရှုခင်းလေးတွေကို အခြေခံပြီး ကျွန်တော်တို့ နယ်အကြောင်း မိုက်တစ်လုံးကိုင်ရှင်းပြ၊ ကိုယ့်ကင်မရာလေးယူသွားပြီး ဓာတ်ဆရာလည်း လုပ်ပေး။ ပြီးတော့ ကျည်ဆန်ရထားစီးမယ့် အီချီဂိုယူဇာဝါ ဘူတာ ဈေးတန်းမှာ လျှောက်ကြည့် ဓာတ်ပုံရိုက်ပေး။ ရထားစီးတော့လည်း ရထားပေါ်မှာ ကိုယ်တွေချည်းပဲမို့ အားလုံး စုစုစည်းစည်းနဲ့ အမှတ်တရ ဓာတ်ပုံလေးတွေ ရိုက်ပေးဖြစ်ခဲ့တယ် . . .
.
. . . တိုကျိုရောက်တော့ အီခဲဘုကူရိုဘူတာနားက ရိပ်သာတစ်ခုမှာ တည်းကြတယ်။ နောက်တစ်နေ့မှာ ကမာကူရဘုရား မနက်ပိုင်းလိုက်ပို့တယ်။ ကိုယ့်အတွက်ကတော့ သုံးကြိမ်မြောက် ရောက်ခြင်းပါပဲ။ နေ့လည်ပိုင်းမှာ တိုကျိုရဲ့ နာမည်ကျော် အဆာကုဆဘုရားကျောင်းနဲ့ တိုကျိုကောင်းကင်သစ်ပင် Sky Tree လို့ခေါ်တဲ့ အသံလွှင့်မျှော်စင်ကြီး တက်ကြတယ်။ ကမ္ဘာပေါ်မှာ အမြင့်ဆုံးမျှော်စင်ဖြစ်တဲ့ ဒီအဆောက်အအုံဟာ ပေပေါင်း ၂၀၀၀ ကျော်မြင့်ပြီး အဆောက်အအုံအနေနဲ့တော့ ဒူဘိုင်းက ကာလီဖာအဆောက်အအုံပြီးရင် ဒုတိယအမြင့်ဆုံးဖြစ်ပါတယ်။ အပေါ်ဆုံးထိ နှစ်ခေါက်ရောက်ဖူးပြီး ဒီတစ်ခေါက်မှာတော့ အပေါ်ဆုံးထိ မရောက်ဖြစ်ခဲ့ဘဲ အလယ်ထပ်ထိပဲ ရောက်ခဲ့ပါတယ်။ ခါတိုင်းဆိုရင် ဖူဂျီတောင်ကြီးကိုတောင် လှမ်းမြင်ရပေမယ့် ဒီတစ်ခေါက်တော့ ရာသီဥတုကလည်း မကောင်းတာကြောင့် ရှုခင်းကောင်းကောင်း မကြည့်ခဲ့ရပါဘူး။ ပြန်အဆင်းမှာ မျှော်စင်အခြေမှာရှိတဲ့ ဈေးဝယ်စင်တာမှာ အဖွဲ့သားတွေ လျှောက်ကြည့် ၀ယ်ခြမ်းကြပြီး တည်းတဲ့နေရာ ပြန်ခဲ့ကြပါတယ် . . .
.
. . . နောက်တစ်ရက် ခရီးစဉ်ကတော့ မနက်ပိုင်း နိပွန်ဖောင်ဒေးရှင်း ရုံးချုပ်မှာလုပ်တဲ့ ပို့ချမှုတစ်ခုကို တက်ရောက်ပြီး နေ့လည်စာကို အဲသည်အနီးနားက Dipmahal လို့ခေါ်တဲ့ အိန္ဒိယစားသောက်ဆိုင်တစ်ခုမှာ နိပွန်ဖောင်ဒေးရှင်းက တည်ခင်းပါတယ်။ စားသောက်ပြီးတဲ့အခါကျတော့ တစ်ရပ်ကွက်တည်းလောက်မှာပဲရှိတဲ့ ဒိုင်းယက်ဥပဒေပြုလွှတ်တော်ကို လေ့လာရေး သွားကြပါတယ်။ ဒိုင်းယက်ကို ပထမအကြိမ်လေ့လာရေး သွားဖူးထားတာမို့ ဒီတစ်ခေါက်မှာ ဒိုင်းယက်ထဲက သိသင့်သိထိုက်တာလေးတွေကို မျှဝေရှင်းပြပေးနိုင်ခဲ့ပါတယ်။ ဒိုင်းယက်က ထွက်လာအပြီးမှာ လျှပ်စစ်မြို့တော် အာကီဟာဘာရ နဲ့ နိပိုးရီမှာရှိတဲ့ ကီမိုနိုဈေးတန်းကို သွားပြီး တည်းတဲ့နေရာပြန်လာ နားကြပါတယ် . . .
.
. . . နောက်တစ်နေ့ မနက်မှာ အီခဲဘူကူရို ဘူတာကနေ နာရီတာလေဆိပ်ကိုသွားပြီး လေဆိပ်မှာ အားလုံးပစ္စည်းတွေဘာတွေ အပ်၊ လက်မှတ်တွေဘာတွေ ထုတ်ပြီးသူတို့တွေ အတွင်းထဲဝင်သွားကြမှ လေဆိပ်ထဲမှာ ကော်ဖီလေးသောက် မုန့်လေးစားပြီး တိုကျိုမြို့ထဲကို ပြန်ပါတယ်။ ကျည်ဆန်ရထား မစီးခင် အူရဲနို ဘူတာနားက ညောင်ပင်လေးဈေးလို့ ကျွန်တော်နာမည်ပေးထားတဲ့ ဈေးထဲမှာ မြန်မာကြိုက် စားသောက်ဖွယ်ရာလေးတွေ ၀င်ဝယ်ပြီး ကျောင်းကို ပြန်ခဲ့ကြပါတယ်။ သူတို့နဲ့အတူ လျှောက်သွား ၀ယ်ခြမ်းနေဖြစ်လို့ ပိုက်ဆံကုန် အချိန်ကုန်ပေမယ့် ကိုယ်တွေဆီ လေ့လာရေးလာတဲ့သူတွေ တတ်နိုင်သမျှ အကျိုးရှိအောင် ဗဟုသုတရအောင် လိုက်ပို့ရှင်းပြခွင့်ရတဲ့အတွက် ကျွန်တော် ပျော်ပါတယ် . . .
.
၂၉ ဇူလိုင် ၂၀၁၇

ရွှေဖီဦး

လူတစ်ရပ်လောက် အသာလေးမြုပ်အောင် နှင်းထူထူကျတတ်တဲ့ ဒီလိုနေရာမျိုးမှာ နွေရာသီဆိုရင် ရန်ကုန်ထက်တောင် ပိုပူသေးတယ်လို့ ကြားဖူးတုန်းက ဟုတ်မှ ဟုတ်ပါ့မလားပေါ့။ ကိုယ်တွေလည်း သုံးနှစ်သုံးဆောင်းသာ ကျော်ဖြတ်ခဲ့တာ နွေတော့လည်း ဒီမှာ မနေဖူးဘူးကိုး . . .
.
. . . မနေ့ညက ရေမိုးချိုး အိပ်ယာဝင်ခါနီး အဲယားကွန်းလေးပိတ် ပြတင်းပေါက်လေးဖွင့်ပြီး အိပ်လိုက်တာ၊ လားလား အိပ်မက်ဆိုးတွေများတောင်မက်ပြီး လန့်နိုးလာတယ်။ ပူလွန်းလို့၊ ဒါတောင် အပြင်မှာ မိုးတဖြောက်ဖြောက် ကျနေတာကြီးနော်၊ နာရီကြည့်လိုက်တော့ မနက် လေးနာရီ မိုးက လင်းလုလင်းခင် . . .
.
. . . မဖြစ်သေးပါဘူးဆိုပြီး အဲယားကွန်း ထဖွင့်၊ အခန်းထဲမှာက မနေနိုင်လောက်အောင် ပူနေတာ ချွေးကျတော့လည်း တစ်စက်မှ မထွက်၊ အဲယားကွန်း ဖွင့်လိုက်ပြန်တော့လည်း အေးပုံကြီးက တစ်မျိုးကြီး၊ စိတ်ထဲ မသိုးမသန့်ဖြစ်မိ၊ မတော်လေများဖြတ်သွားရင် ခက်ရချည်ရဲ့ဆိုပြီး ပြတင်းပေါက်ကို ပြန်ဖွင့်၊ တံခါးပေါက်ကိုဖွင့် ၊ လေ၀င်လေထွက်ကောင်းအောင် အခန်းအပြင် စင်္ကြန်က ပြတင်းပေါက်ကိုပါ သွားဖွင့်၊ တံခါးကို ဟဟလေးထားပြီး အသာလေး နေကြည့်တယ်၊ မဟန်ဘူး၊ ပူတာ ပူတာပဲ . . .
.
. . . အဲဒါနဲ့ ပြတင်းပေါက်ကို တစ်ခါပြန်ပိတ်၊ အဲယားကွန်းကို ဖွင့်၊ အအေးဓာတ်ကို မိုင်ကုန်တင်၊ ဒီတစ်ခါတော့ နည်းနည်း အဆင်ပြေလာသလိုပဲ၊ အဲဒါနဲ့ မီးလေးပိတ် ခုတင်ပေါ်ပြန်တက်၊ တစ်ရက်နှစ်ရက်နေရင် လူတွေ့စာမေးပွဲစစ်မယ့် ဆရာဆရာမတွေကို မေတ္တာလေးပို့၊ ဆရာဆရာမတို့ အခု ကျွန်တော် ပူသလို မပူကြပါစေနဲ့။ ကျွန်တော် အိပ်ယာက လန့်နိုးသလို မလန့်နိုးကြပါစေနဲ့၊ အေးချမ်းကြပါစေ၊ အိပ်ကောင်းခြင်း အိပ်ကြရပါစေ၊ ချမ်းချမ်းသာသာ အိပ်စက် အနားယူနိုင်ကြပါစေ၊ စိတ်စက်ကြည်လင်စွာ နိုးထနိုင်ကြပါစေ ဘာညာပေါ့၊ ဆရာဆရာမတွေကို ပို့သတဲ့ မေတ္တာဓာတ်ကြောင့်လား မသိဘူး၊ ခဏနေတော့ ကိုယ်ပါ ပြန်အိပ်ပျော်သွားရော.
.
. . . မနက်အိပ်ယာနိုးတော့ နေ့လည်စာ စား၊ အပြင်သွားအုံးမယ်စိတ်ကူးတာ၊ နည်းနည်း ပူတာနဲ့ မသွားဖြစ်တော့ဘဲ စာကြည့်ခန်းသွား စာလုပ် . . .
.
. . . ခါတိုင်းဆိုရင် စာကြည့်ခန်းမှာ ငြီးငွေ့လာတယ်ဆို ကျောင်းတစ်ပတ်လောက် ပတ်လျှောက်ပြီး လတ်လျားလတ်လျား လုပ်တာ၊ အခုတော့ ပူလွန်းလို့ စာကြည့်ခန်းထဲက မထွက်ရဲဘူး၊ ဆရာမြန်မာပြည်က ယူလာပေးတဲ့ ရွှေဖီဦးလက်ဘက်ရည်လေးသောက်ပြီး ရုပ်ရှင်ကောင်းကောင်းလေးတစ်ကား ကြည့်ရရင် ကောင်းမလားလို့ . .

Dissertation Proposal Submission

နစ်ကိုးခရီးစဉ် မနက်စာမကျွေးတဲ့ဟော်တယ်

မနက်စာမကျွေးတဲ့ ဟော်တယ်များတော့ ဒီတစ်ခါ တည်းဖူးတာပဲ . . .
အ၀င်မှာ စီးလာတဲ့ ဖိနပ်ကို ချွတ်ပြီး ဧည့်ကြိုနေရာနားက သော့ခတ်ဘီရိုလေးထဲ ဖိနပ် ထည့်သိမ်းရတယ်။ အပြင်လေးဘာလေးထွက်ရင် စီးချင်စီးသွားလို့ရအောင် ညှပ်ဖိနပ်လေးတွေ ချပေးထားတယ်။ ဟော်တယ်ထဲမှာတော့ ဖိနပ်ချွတ်ထားပေါ့။ အခန်းကို သွားမယ်ဆိုရင် လိုအပ်မယ့် တဘက်၊ မျက်နာသုတ်ပုဝါ၊ သွားတိုက်တံ၊ ကီမိုနို စတာတွေကို ကိုယ်သုံးဖို့ လိုသလောက် ခြင်းလေးနဲ့ ထည့်သွားရတယ်။ အခန်းမှာ ခုတင်တွေဘာတွေ မရှိဘဲ ဂျပန်ရိုးရာ တာတာမီဖျာ ခင်းထားပြီး အိပ်ယာခင်းကို ကြမ်းမှာ ခင်းပေးထားတယ်။ တီဗီ ရေခဲသေတ္တာ လေအေးပေးစက် ရေနွေးအိုး တယ်လီဖုန်း စတာတွေကတော့ တစ်ခြား ဟော်တယ်တွေလိုပါပဲ၊ အခန်းထဲမှာ အိပ်ယာက နှစ်ယောက်စာပဲ ခင်းပေးထားတာမို့ လိုရင် ထပ်ခင်းလို့ရအောင် ဗီရိုထဲမှာ အိပ်ယာခင်းနဲ့စောင်တွေ အပိုထည့်ထားပေးတယ်။ ရေနွေးစိမ်ကန် အွန်ဆန်း မရှိဘူးဆိုပေမယ့် ရှိတဲ့နေရာကို သွားချင်ရင် လိုက်ပို့ပေးတယ်။ မနက်စာကိုလည်း ကြိုတင်မှာကြားထားနိုင်ပြီး မနက်ကျမှ စားမယ့်နေရာကို လိုက်ပို့ပေးတာတဲ့. . .
မနက်စာမကျွေးတဲ့ ဟော်တယ်တော့ ဒီတစ်ခါ တည်းဖူးတာပဲ

နစ်ကိုးခရီးစဉ် Nikko Tamozawa Imperial Villa

အခန်းပေါင်း ၁၀၆ ခန်းပါတဲ့ အင်ပါရာဘုရင်မင်းမြတ်နဲ့ မိသားစု တော်ဝင်စံအိမ်တော်၊ ငါးဧကခွဲကျော်ကျော်လောက်ကျယ်တဲ့ ဂျပန်ရိုးရာ ဥယျာဉ်ကြီးအလယ်မှာ တည်ဆောက်ထားတဲ့ သစ်သားစံအိမ်တော်ကြီး၊ မူလဆောက်ခဲ့တဲ့ သူတွေက ဘုရင့်ဘဏ္ဍာတော်အဖြစ် ဆက်သလိုက်လို့ ၁၈၇၂ ခုနှစ်ကစပြီး အင်ပါယာဘုရင်မင်းမြတ် ယာယီစံအိမ်တော်အဖြစ်ရော ဘုရင့်သားတော်ရဲ့ စံအိမ်အဖြစ်ရော အသုံးပြုခဲ့ပြီး အခုတော့ ပြတိုက်သဘောမျိုး ပြထားတဲ့ အိမ်ကြီး၊ သစ်သားနဲ့ ဆောက်ထားတဲ့ အိမ်က တစ်ထပ်အိမ် တစ်ချို့နေရာ နှစ်ထပ်၊ တစ်နေရာမှာတော့ သုံးထပ် ပဲရှိပေမယ့် ရိုးရှင်းစွာ ခမ်းနားနေတယ်။ ဥယျာဉ်ထဲမှာ နှစ်ပေါင်း လေးရာလောက်ရှိပြီဆိုတဲ့ ချယ်ရီပင် တစ်ပင်ရှိတယ်၊ ဥယျာဉ်နဲ့ အိမ်က ပနံရလွန်းလို့ အဲလိုအိမ်ကြီးမျိုး ရွာကခြံထဲမှာ အမေနေဖို့ ဆောက်ပေးချင်လိုက်တာ

နစ်ကိုးခရီးစဉ် 龍王峡.

နစ်ကိုးခရီးစဉ် အီတလီသံအမတ်ကြီး အပန်းဖြေစံအိမ်

.
ပြာမှိုင်းနေတဲ့ တောင်တန်းတွေရဲ့ အခြေမှာရှိတဲ့ ရေကန်စပ်က စိမ်းစိုနေတဲ့သစ်ပင်တွေ အုံ့အုံ့ဆိုင်းဆိုင်းကြား မှန်တံခါးတွေ အပြည့်တပ်ထားတဲ့ လင်းလင်းရှင်းရှင်း သစ်သားအိမ်ကြီးမျိုးကို ရောက်ဖူးသူတိုင်း ဒီလိုအိမ်ကြီးမျိုး ဆောက်ပြီး ချစ်ခင်မြတ်နိုးသူတွေနဲ့ အတူတူနေဖို့ စိတ်ကူးယဉ်မိကြမှာပါပဲ . . .
.

.
. . . လွန်ခဲ့တဲ့ နှစ်ပေါင်း နှစ်သောင်းလောက်က ဂျပန်နိုင်ငံရဲ့ အကြီးဆုံးပင်မကျွန်းကြီးအလယ်လောက်မှာ နန်တာအိစံလို့ခေါ်တဲ့ မီးတောင်ကြီး ပေါက်ကွဲတဲ့အခါ မီးတောင်ချော်ရည်တွေက အဲသည်အနီးမှာ စီးဆင်းနေတဲ့ မြစ်တစ်စင်းကို ပိတ်ဆို့ပြီး တောင်တွေကြားထဲမှာ ရေအိုင်ကြီးတစ်အိုင် ဖြစ်လာခဲ့တယ်။ အဲသည်နေရာက အခု ဂျပန်နိုင်ငံအလယ်ပိုင်းက တိုချီဂီပြည်နယ်ထဲမှာရှိတဲ့ နစ်ကိုးဒေသမှာ ချူးဇန်းဂျိ ရေကန်လို့ခေါ်တဲ့ ရေအိုင်ကြီးဖြစ်ပါတယ်။ ရေကန်ကြီးက စတုရန်းမိုင် လေးမိုင်ခွဲလောက် ကျယ်ပြီး ကန်ရဲ့ အနားသတ်ပတ်ပတ်လည် အရှည်က ၁၅ မိုင်ခွဲလောက်ရှိပါတယ်။ တောင်တွေကြားထဲမှာ ပေါ်လာတဲ့ ရေအိုင်ကြီးက ပင်လယ်ရေမျက်နာပြင်အထက် ပေလေးထောင်ကျော်မှာရှိပြီး အနက်ဆုံးနေရာက ပေငါးရာကျော် နက်ပါသတဲ့။ ကန်ထဲကို စီးဝင်တဲ့ မြစ်က ယူကာဝါမြစ်ဖြစ်ပြီး ကန်ထဲကနေ ရေတွေ စီးထွက်သွားတဲ့ နေရာမှာ အလွန်လှပကျော်ကြားတဲ့ ကီဂွန် ရေတံခွန်ရှိပါတယ် . . .
.
. . . အဲသည်ကန်ကြီးကို ခရစ်နှစ် ၇၈၂ ခုနှစ်မှာ ဘုန်းတော်ကြီး ရှိုဒိုနဲ့အဖွဲ့က နာတာအိတောင်တက်ကြရင်း စတင်တွေ့ရှိခဲ့တာဖြစ်ပါသတဲ့။ နာတာအိတောင်ဆိုတာကလည်း အလွန်ကို မြင့်မြတ်တဲ့တောင်အဖြစ် သိမှတ်ထားကြတာမို့ ၁၈၇၇ ခုနှစ် မတိုင်ခင်အထိက မိန်းမတွေ၊ မြင်းတွေ၊ နွားတွေ မတက်ရလို့ ပိတ်ပင်ထားတဲ့ နာမည်ကျော် နတ်တောင်တစ်ခု ဖြစ်ပါတယ် . . .
.
. . . ရာသီအလိုက် စိမ်းလိုက် ၀ါလိုက် နီလိုက် ဖြူလိုက် အရောင်အမျိုးမျိုးနဲ့ လှပလွန်းလှတဲ့ တောင်အသွယ်သွယ်ကြားက ရေကန်ပြာပြာကြီး ဘယ်လောက်တောင် ရင်သပ်ရှုမော ဖြစ်လိမ့်မလဲဆိုတာ မှန်းဆကြည့်လို့ ရပါတယ်။ ဒီလို တောတောင် သဘာဝအလှအပ ရှုခင်းတွေကို အင်မတန် တန်ဖိုးထားတဲ့ ဥရောပသားတွေဟာ မေဂျီခေတ်လည်ပိုင်းနဲ့ ရှိုဝါခေတ်ဦးပိုင်း (၁၈၉၀ - ၁၉၃၀) အချိန်တွေတုန်းက ဒီရေကန်ကြီး ပတ်ပတ်လည်မှာ အပန်းဖြေစံအိမ်တွေ ဆောက်ခဲ့ကြပါတယ် . . .
.
. . . အခု ဒီဓာတ်ပုံထဲက ကျွန်တော်ထိုင်နေတဲ့ နေရာကတော့ အီတလီသံအမတ်ကြီး အပန်းဖြေစံအိမ်ဖြစ်ပါတယ်။ ရေကန်ကြီးကို မျက်နာမူထားတဲ့ လေသာဆောင်မှာ ရိုက်ထားတာပါ။ ဒီအိမ်ကြီးကို ၁၉၂၈ ခုနှစ်မှာ အန်တိုနီရေမွန် ဆိုတဲ့ ဗိသုကာပညာရှင် သံတမန်တစ်ဦးက ပုံစံထုတ် တည်ဆောက်ခဲ့တာဖြစ်ပြီး ၁၉၉၇ ခုနှစ်အထိ အီတလီ သံအမတ်ကြီး အပန်းဖြေအိမ်အဖြစ် အသုံးပြုခဲ့ပါတယ်။ နောက်ပိုင်းမှာတော့ အိမ်ကြီးကို မူလအတိုင်း ရှေးမူမပျက် ပြန်လည်ပြင်ဆင်ပြီးတော့ အတတ်နိုင်ဆုံး မူရင်းပရိဘောဂတွေ ခင်းကျင်းပြီး ပြတိုက်သဘောမျိုး ပြထားတာပါ။ ပြတိုက်သဘောမျိုး ဆိုပေမယ့် တကယ့်အိမ်ကြီးလိုပဲ ခင်းကျင်းထားပြီး အိမ်ထဲမှာ ကိုယ်တိုင် နေနေရသလို ခံစားလို့ရပါတယ် . . .
.
. . . အိမ်ကို ဂျပန်ရိုးရာ ဒေသထွက်ပစ္စည်းတွေနဲ့ ဆောက်ထားပြီး အပေါ်ထပ်မှာ ရေကန်ကြီးကို အပေါ်စီးက မြင်ရတဲ့ အိပ်ခန်းတွေ ရှိပြီး အောက်ထပ်မှာတော့ ဧည့်ခန်း ထမင်းစားခန်း စာကြည့်ခန်း တို့ရှိပါတယ်။ ကျွန်တော်အကြိုက်ဆုံးက အိမ်ကြီးတစ်ခုလုံး ရေကန်ကြီးဘက်ကို မျက်နှာမူထားတဲ့ ဘက်က လေသာဆောင်ကို ဂျပန်ရိုးရာ သစ်သားကွက်တွေမှာ မှန်အကြည်တွေ တပ်ထားတာဖြစ်ပါတယ်။ တံခါးတွေကလည်း ဂျပန်ရိုးရာ ဆွဲတံခါးတွေဖြစ်လို့ တစ်အိမ်လုံးက လင်းရှင်းပြီး ခဏလေးရောက်သွားတာတောင် တော်တော် သက်တောင့်သက်သာနဲ့ နေလို့ထိုင်လို့ ကောင်းတယ်ဆိုတာ သိသာပါတယ်။ ရေကန်ကို မျက်နာမူထားတဲ့ လေသာဆောင်မှာ ဆိုဖာထိုင်ခုံတွေ ပက်လက်ကုလားထိုင်တွေ တန်းစီချထားပြီး အဲသည်မှာထိုင်လို့ ရေကန်ကြီးကို ငေးကြည့်နေရတဲ့ အရသာက ဘာနဲ့မှ မတူအောင် ငြိမ်းချမ်းဆိတ်ငြိမ်တဲ့ ခံစားချက်ကို ပေးပါတယ်။ ပြတိုက်လုပ်ထားတဲ့ နေရာကို ရောက်နေတယ်လို့ မခံစားရဘဲ ကိုယ့်ဆွေကိုယ့်မျိုး ကိုယ့်သူငယ်ချင်း အရင်းခေါက်ခေါက်အိမ်ကို အလည်လာရသလို သက်တောင့်သက်သာရှိလွန်းလှပါတယ် . . .
.
. . . အိမ်ရဲ့ မျက်နာစာ ရေကန်စပ်မှာတော့ ရွက်လှေတွေ လှေတွေ ဆိုက်တဲ့ တံတားတစ်ခု ထိုးထားပြီး အိမ်ရဲ့ ညာဘက် သစ်ပင်တွေအောက်မှာလည်း သစ်သားကပြင်တွေ အနိမ့်အမြင့် လှေခါးတွေနဲ့ အေးချမ်းစိုပြေလှပါတယ်။ ပြာမှိုင်းနေတဲ့ တောင်တန်းတွေရဲ့ အခြေမှာရှိတဲ့ ရေကန်စပ်က စိမ်းစိုနေတဲ့သစ်ပင်တွေ အုံ့အုံ့ဆိုင်းဆိုင်းကြား မှန်တံခါးတွေ အပြည့်တပ်ထားတဲ့ လင်းလင်းရှင်းရှင်း သစ်သားအိမ်ကြီးမျိုးကို ရောက်ဖူးသူတိုင်း ဒီလိုအိမ်ကြီးမျိုး ဆောက်ပြီး ချစ်ခင်မြတ်နိုးသူတွေနဲ့ အတူတူနေဖို့ စိတ်ကူးယဉ်မိကြမှာပါပဲ . . .
.
၈ ဇူလိုင် ၂၀၁၇
Italian Embassy Villa Memorial Park

နစ်ကိုးခရီးစဉ် ကီဂွန်တာကီရေတံခွန်

華厳滝

.
. . . နစ်ကိုးဒေသက ပင်လယ်ရေမျက်နှာပြင်အထက် ပေလေးထောင်ကျော်လောက်မှာရှိတဲ့ ချူးဇန်းဂျိ ရေအိုင်ကြီးထဲက ရေတွေစီးထွက်သွားတဲ့ နေရာမှာ ကီဂွန်တာကီ လို့ခေါ်တဲ့ နာမည်ကျော် ရေတံခွန်ကြီးရှိပါတယ်။ ရေတံခွန်က အမြင့်ပေ သုံးရာကျော်လောက်ရှိပြီး ရေကန်ကြီးရဲ့ အကျေပိုင်းမှာရှိတဲ့ လျှိုအနက်ကြီးထဲကို စီးကျနေတာပါ။ အဲသည်ရှုခင်းဟာ ဂျပန်နိုင်ငံရဲ့ အလှဆုံး ရှုခင်း ရှစ်ခုထဲက တစ်ခုအပါအ၀င် ဖြစ်ပါသတဲ့။ ရေတံခွန်ကို အောက်ခြေကနေ ကြည့်ရှုခံစားနိုင်ဖို့အတွက် ပေသုံးရာလောက်နက်တဲ့ လျှိုထဲကို ကျောက်တောင်ကြီးဖောက်ပြီး ဓာတ်လှေခါး ဆင်ပေးထားပါတယ်။ ရေတံခွန်ကို အပေါ်စီးကနေ ကြည့်နိုင်သလို အောက်ခြေထိ ဓာတ်လှေခါးနဲ့ဆင်းပြီးတော့လည်း ကြည့်ရှုခံစားလို့ ရပါတယ် . . .
.
. . . ဒီရေတံခွန်နားက သစ်ပင်ကြီးတစ်ပင်မှာ ဂျပန်ဒသနိကဗေဒ ကျောင်းသူ ကဗျာဆရာမလေး မီဆာအို ဖူဂျီမူရာ သစ်ပင်ပေါ်မှာ ရေးထွင်းခဲ့တဲ့ ကဗျာလေးတစ်ပုဒ် ရှိပါတယ်။ ရေတံခွန် ချောက်ကမ်းပါးရှိတဲ့ လျှိုကြီးထဲကို ခုန်ချပြီး ကိုယ့်ကိုယ်ကို သတ်မသေခင် နုတ်ဆက်ခဲ့တဲ့ ကဗျာလေးပါ။ အဲသည်နောက်ပိုင်းမှာတော့ ရှုခင်းလှပတဲ့ ဒီနေရာလေးဟာ အချစ်ရေးကံခေတဲ့ အသည်းကွဲလုလင်နဲ့ လုံမပျိုလေးတွေရဲ့ အချစ်အတွက် အသက်စွန့်ရာနေရာတစ်ခုအဖြစ် အကျည်းတန်နေခဲ့ရပြန်ပါတယ် . . .
.
၈ ဇူလိုင် ၂၀၁၇

ဒဏ်ရာပေးသော ဆူးများ

ပင်ပန်းလွန်းလှတယ်
ခါးသီးလွန်းလှတယ်
ညီအစ်ကိုချင်းဆိုတဲ့ ချစ်တဲ့စိတ်နဲ့သာ မဟုတ်ဘူးဆိုရင် ဒီလောက်ခါးသီးမောက်မာလှတဲ့ အခြေအနေ သဘောသဘာဝတွေ ရှင်းပြနေတာကို ဒီလောက်အကြာကြီး ဆက်နားထောင်နေနိုင်မှာ မဟုတ် . . .
ကိုယ့်နှလုံးသားအတွက် မကြားဝံ့မနာသာ အမှန်တရားတွေ ၊ မှန်ပင်မှန်ငြားသော်လည်း မျိုချဖို့ ခက်လောက်အောင် ခါးသက်တဲ့ အမှန်တရားတွေ . . .
အဲဒီ ခါးသီးရက်စက်မှုတွေကို နှလုံးမသွင်းဘဲ နေလို့လည်း ရနေတာပဲလေ၊ ဘာလို့များ ကိုယ့်နှလုံးသားထဲ စူးတွေ ထိုးထည့်နေမှာလည်း ပင်ပန်းလွန်းလှပါတယ် . . .
အခန့်မသင့်ရင် နှလုံးသားကို ဒဏ်ရာအနာတရ ဖြစ်စေနိုင်တဲ့ ဒီလို စူးတွေအကြောင်းတော့ဖြင့် . . .
မမြင်လို မကြားလို မပြောလို . . .
၅ ဇူလိုင် ၂၀၁၇

ရေးဖြေပြီး

ရေးဖြေ သုံးဘာသာတော့ ပြီးသွားပြီ
ဒီစာအုပ်တွေ စာကြည့်တိုက်ပြန်အပ်လို့ ရပြီလားတော့ မသေချာသေး
ဘုရား သိကြားမလို့ ဒီစာအုပ်တွေ အမြန်ဆုံး ပြန်အပ်ပါရစေပါဘုရား
အင်း . . .
ဆုတောင်းလက်စနဲ့
ဒီလကုန်မှာလုပ်မယ့်
ခေါင်းစဉ် နဲ့ ပတ်သက်တဲ့ နုတ်ဖြေစာမေးပွဲကိုလည်း
ချောချောမောမော ကျော်ဖြတ်ပါရစေဘုရား

Good Morning ပါဘုရား

စာမေးပွဲ