မတော်တော့တဲ့ဂျင်းဘောင်းဘီ

မင်းအချစ်ကိုမျှော်ရတာက
မတော်တော့တဲ့ဂျင်းဘောင်းဘီကို
တစ်နေ့ပြန်ဝတ်ရနိုးနဲ့
သိမ်းထားရသလိုပဲ
မျှော်လင့်ချက်ရှိပေမယ့်
ဖြစ်နိုင်ချေနည်းလွန်းတယ်
😞😞😞

ကြောက်တယ်

တစ်ယောက်တည်းနေရမှာ
ကြောက်ကြောက်လာပြီ

တစ်ယောက်တည်းဆိုတာနဲ့
ဘယ်ချောင်မှာပုန်းနေမှန်းမသိတဲ့
အလွမ်းနတ်ဆိုးက
ေပၚလာၿပီး
ကူကယ်ရာမဲ့တဲ့ကိုယ့်ကို
နှိပ်စက်တော့တာပဲ

တစ်ယောက်တည်းနေရမှာ
ကြောက်ကြောက်လာပြီ

စောင်ရေးမပါတဲ့သူ

‌‌ေလောကမှာ
စောင်ရေးမပါတဲ့လူတစ်ယောက်
ဖြစ်ဖို့အတွက်
အရည်အချင်းများများမလိုဘူး
နှစ်ချက်ရှိရင်ရပြီ

တစ်
.
ကိုယ့်ကိုဘယ်တော့မှပြန်မချစ်မယ့်သူကို
ရင်ဘတ်ကြီးနဲ့နှစ်ပြီးချစ်ရမယ်

နှစ်
.
ပြီးရင်
စောက်ရှက်မရှိတဲ့လေသံနဲ့
မင်းငါ့ကိုချစ်လားလို့
သွားမေးရဲရမယ်

စစ်သည်တော်

စစ်မြေပြင်မှာကျဆုံးခဲ့ရတဲ့ သူငယ်ချင်း မီရှယ်၊ ဘယ်ဆီရောက်လို့ရောက်နေမှန်းမသိတဲ့ မြင်းလေး၊ ဂျောပြား တို့နဲ့ နေပြည်တော်မှာ အတူတာဝန်ထမ်းဆောင်ခဲ့တဲ့ အချိန်တွေကို သတိတရဖြစ်စေခဲ့တဲ့ တိုကျိုမြို့လယ်က ဧကရာဇ်နန်းတော် မလှမ်းမကမ်းမှာရှိတဲ့ ယာစုကုနိ နတ်ကွန်း နှစ်ပေါင်းတစ်ရာ့ငါးဆယ်ပြည့် အထိမ်းအမှတ်တွေလုပ်တဲ့အချိန်မှာ ကိုယ်က ပထမဆုံးအကြိမ်ရောက်ဖြစ်ခဲ့တယ်
.
ဂျပန်နိုင်ငံ ပါဝင်တိုက်ခိုက်ခဲ့တဲ့စစ်ပွဲတွေအတွင်းကျဆုံးခဲ့တဲ့ စစ်သည်တော်တွေ အရပ်သူအရပ်သား ယောက်ျားမိန်းမ ကလေးသူငယ် သက်ကြီးရွယ်အိုနဲ့ အိမ်မွေးခွေးကြောင် အသက်ပေါင်း ၂၄၆၆၅၃၂ ရဲ့ အမည်စာရင်းကို မော်ကွန်းထိုးထားတဲ့ အထဲမှာ စစ်ရာဇဝတ်ကောင်အဖြစ် သတ်မှတ်ထားတဲ့ စစ်သည်တော်တွေပါ ပါနေတယ်ဆိုပြီး အငြင်းပွားဖွယ် သိမှတ်ချက်နဲ့ဆက်စပ်ပြီး ဒီနတ်ကွန်းကို ဂျပန်အစိုးရ အရာရှိကြီးတွေ သွားရောက်ဂါရဝပြုတိုင်း တရုတ်နဲ့ ကိုရီးယားတို့က ပြင်းပြင်းထန်ထန် ကန့်ကွက်ရှုတ်ချနေကြတာ ဒီနေ့ထိထက်တိုင်ပါပဲ
.
တိုင်းပြည်နဲ့လူမျိုးအတွက် တိုက်ပွဲဝင် အသက်စွန့်ခဲ့ရတာချင်းတူပေမယ့် တစ်ချို့က သူရဲကောင်းအဖြစ်မော်ကွန်းတင်ခံရပြီး တစ်ချို့က စစ်ရာဇဝတ်ကောင်အဖြစ် သတ်မှတ်ခံရတာတွေကိုကြည့်ရင် စစ်သည်တော်ဆိုတာ စစ်ကိုနိုင်အောင်တိုက်နိုင်ရုံနဲ့တင် မပြီးသေးဘဲ ကိုယ်တိုက်ခဲ့တဲ့စစ်ဟာ တရားမျှတကြောင်း သမိုင်းတွင်ရစ်အောင် ကမ္ဗည်းထိုးခဲ့နိုင်စွမ်းရှိဖို့လဲ အရေးကြီးကြောင်း သတိတရားရမိပါတယ်
.
နတ်ကွန်းရှေ့မှာ တွေတွေကြီးရပ်နေမိနေမိတဲ့ ကိုယ့်ရဲ့ခေါင်းထဲဘာတွေတွေးမိနေလဲဆိုတာ ကိုယ့်နှလုံးသားထဲ ဘာတွေခံစားနေရလဲဆိုတာ အပေါ်မှာပြောခဲ့သူငယ်ချင်းသုံးယောက်သာသိရင် လှောင်ပြုံးပြံုးပြီးများ ဝိုင်းကြည့်နေကြမလားဆိုပြီး မလုံမလဲဖြစ်မိတယ်
.
ဗိုလ်ကောင်း
၇ ဒီဇင္ဘာ ၂၀၁၉

Romantic Night

The snowfall night was romantic
Nineteen December five to six
It will be my nostalgia
The remaining life for many years

သမုဒယဆိုသော တဏှာရယ်

. . . တစ်ခါတစ်လေလည်း စဉ်းစားမိတယ်၊ အချစ်တို့ မေတ္တာတို့အကြောင်းပေါ့၊ ချစ်တာဆိုတာ ဘာကိုခေါ်တာလဲ၊ အချစ်ရဲ့အဓိပ္ပာယ်က ဘာတွေလဲ၊ ပန်းလေးတစ်ပွင့်ကို သဘောကျတာက ချစ်တာလား၊ ရေမြေတောတောင်သာယာတဲ့ ရှုခင်းကို သဘောကျတာက ချစ်တာလား၊ တယ်လီဖုန်းအကောင်းစားလေးတစ်ခုကို ကြိုက်မိတာက ချစ်တာလား ကြိုက်တာလား၊ ချစ်တာနဲ့ ကြိုက်တာနဲ့ အတူတူပဲလား၊ ဘာကွာလဲ၊ သက်မဲ့အရာဝတ္ထုတွေကို မြတ်နိုးစွဲလန်းရတာနဲ့ လူတစ်ယောက် ဒါမှမဟုတ် လူတွေကို ဒါမှမဟုတ် လူအချင်းချင်း ခင်မင် နှစ်သက် ချစ်ကြိုက် ကြည်ညို လေးစား ချစ်ခင်ရတာနဲ့ ဘာကွာလဲ၊ ခုနပြောခဲ့တဲ့ လူတစ်ယောက်အပေါ် ကိုယ့်ရဲ့သဘောထားရေချိန်ကို ဖော်ပြတဲ့ စကားလုံးတွေရဲ့ တစ်လုံးချင်းအဓိပ္ပာယ်တွေမှာ ပါဝင်တဲ့ သဘောတရားတွေက အတူတူပဲလား ဘယ်လောက်ထိတူပြီး ဘာတွေ ကွဲပြားနေတာလဲ
.
. . . ကိုယ်နားလည်မိသလောက်ဆိုရင် တစ်ခုခုကို စွဲလန်းမိတာမှန်သမျှ တဏှာဆိုတဲ့ တရားကိုယ်နဲ့ဆိုင်ပြီး နှစ်သက်စဖွယ် ရနဲ့လေးတစ်ခုကို အာရုံရလို့ သဘောကျသွားတာကနေ လူတစ်ယောက်ကို အရူးအမူးချစ်မိတာတွေအထိ အကုန်လုံး ဒီတရားကိုယ် သဘောတရားနယ်ပယ်ထဲမှာပဲ ရှိနေတယ်ဆိုတာပါပဲ၊ ဒါဆိုရင် သက်မဲ့တစ်ခုကို မြတ်နိုးစွဲလန်းရတာနဲ့ လူတစ်ယောက်ကို မြတ်နိုးစွဲလန်းရတာကရော ဘာတွေ ကွာခြားလဲ၊ ဒါကတော့ တော်တော်ကွာမှာပါ၊ သက်မဲ့ကို မြတ်နိုးစွဲလန်းမှုမှာ တစ်လမ်းသွားသဘောပဲရှိပြီး ကိုယ့်ရဲ့သူ့အပေါ် နှောင်ဖွဲ့မိတဲ့ စိတ်ခံစားချက်သက်သက်ပဲရှိတာ၊ လူတစ်ယောက်ကို မြတ်နိုးစွဲလန်းမိတာကတော့ အပြန်အလှန်သဘောဆောင်တာလေ၊ လူတစ်ယောက်ရယ်လို့မှ မဟုတ်ပါဘူး၊ မွေးထားတဲ့ ခွေးလေး ကြောင်လေးတွေ အသိဉာဏ်မြင့်လို့ ချစ်ခင်စွဲလန်းမှုကို ခံစားတတ်တဲ့ အသိများတာနဲ့အမျှ အချင်းချင်းကြား ‌နှောင်ဖွဲ့မှုက ပိုများတတ်တာမဟုတ်လား
.
. . . ချစ်ခင်မှုနဲ့သံယောဇဉ်အ‌နှောင်အဖွဲ့ကို ခံစားနိုင်စွမ်းရှိကြတဲ့ လူတွေအချင်းချင်းပဲဖြစ်ဖြစ် လူနဲ့ တစ်ခြားခွေးကြောင် တိရစ္ဆာန်တွေကြားမှာပဲဖြစ်ဖြစ် သက်မဲ့ကို စွဲလန်းမိတာနဲ့ မတူတဲ့အချက်က သတ္တဝါအချင်းချင်းမှာက ကိုယ့်ဘက်က သံယောဇဉ်ထားသလို သူ့ဘက်က သံယောဇဉ်ကိုလည်း မျှော်လင့်တတ်ကြတာပဲ၊ ရရင်ပျော်ရတယ် မရတော့ ဝမ်းနည်းကြရတယ်၊ ဒါထက်ဆိုးရင် ဆုတ်နစ်တဲ့ ဒေါသတရားကိုယ်ကနေ တက်ကြွတဲ့ဒေါသတရားကိုယ်အဖြစ်ကိုပြောင်းပြီး မခံချင်စိတ်တွေဖြစ်ကြတယ်၊ နေမထိထိုင်မသာတွေဖြစ်တယ်၊ ငါမင်းကို သတ်ချင်တယ်တွေဘာတွေထိ ဖြစ်ကြရတယ်၊ တကယ်တမ်းကျတော့ လူ့ဘဝတိုတိုလေးမှာ ကိုယ်ချစ်တဲ့သူကို ချစ်နေရရင်ပြီးရော မဟုတ်ဘူးလား၊ ဘာလို့များ သူ့အချစ်ကို ပြန်မရတာနဲ့ ကိုယ့်ဘာသာလောင်မြိုက်ခံနေအုံးမှာလဲ
.
. . . အခု နားလည်သလိုသာဆိုရင် လူတွေပြောပြောနေတဲ့ ဖြူစင်ပါတယ်ဆိုတဲ့ မေတ္တာအဖြစ် တင်စားနေကြတဲ့ ညီအစ်ကို မောင်နှမ သူငယ်ချင်း သားအမိသားအဖ အချင်းချင်း ချစ်ခင်မြတ်နိုးကြချင်းတွေမှာ စွဲလန်းမှုဆိုတဲ့ တဏှာပါနေသေးတာပဲ၊ သူတစ်ထူးကောင်းရာကိုသာလိုလားတဲ့ မေတ္တာအပြင် ချစ်ခင်မြတ်နိုးစွဲလန်းခြင်းတွေ ရောယှက်ပါနေတော့ အတူတူရှိကြသခိုက်မှာ ပျော်ကြရတယ်၊ ဝေးသွားရင် လွမ်းရတယ် ဆွေးရတယ် စိတ်မကောင်းဖြစ်ရတယ်၊ ခွဲခွာရတဲ့အခါ ငိုကြရတယ်၊ ကိုယ်က အဘိဓမ္မာမသင်ဖူးတော့ စိတ်တွေကို သရုပ်မခွဲတတ်ပေမယ့် အခုပြောတာက တက္ကသိုလ်ဘုန်းနိုင်ရဲ့ သူငယ်ချင်းခိုင် ဝတ္ထုထဲမှာပါတဲ့ သူငယ်ချင်း မိဘ မောင်နှမ သားအမိအချစ်တွေဟာ အေးချမ်းတဲ့ မေတ္တာနယ်ပယ်ကို ကျော်လွန်ပြီး ပူလောင်တဲ့ ကိလေသာနယ်ပယ်ထဲထိ ရောက်နေကြလို့ လွမ်းရဆွေးရ ငိုကြရတာပါဆိုတာကို ကိုးကားပြီးပြောတာပါ
.
. . . ဒါဆိုရင် ကိုယ့်ရဲ့ ငယ်ချစ်ဦးလေးကို အခုထိ ချစ်နေသေးတာကရော ဘာစိတ်လဲ၊ အဲသည်စိတ်ထဲမှာ သူနဲ့အတူရှိစဉ်ကအချိန်လေးတွေကို ပြန်ပြောင်းအောက်မေ့ပြီး ကြည်နူးသာယာတာ လွမ်းဆွတ်တာကလွဲရင် အခုနေသူနဲ့တွေ့ချင်နေတာတွေ သူ့ကိုမှ မမြင်ရရင် စားမဝင်အိပ်မပျော်တာတွေ မပါတော့ဘူးနော်၊ ဒါပေမယ့် ကိုယ်သိပ်ချစ်တယ် အခုထိလည်း ချစ်နေတုန်းပဲလို့ ကိုယ့်ဘာသာထင်နေတဲ့ ငယ်ချစ်ဦးအကြောင်း တွေးမိတိုင်း ကြည်နူးရတဲ့ ချိုမြိန်မှုလေးက ဘာနဲ့မှမတူတဲ့ ခံစားချက်လေးပဲ၊ အမြဲတမ်းကြီးမဟုတ်ပေမယ့် သူနဲ့ပတ်သက်တဲ့ အကြောင်းတိုက်ဆိုင်တဲ့အခါ ကိုယ့်ရဲ့စိတ်ထဲ သူတစ်ယောက်ဖြတ်ပြေးသွားတဲ့ တစ်ဒင်္ဂအချိန်လေးမှာ လှိုက်နဲနွေးသွားတဲ့ နှလုံးသားရဲ့ ခံစားချက်လေးက တစ်စက္ကန့်လောက်ပဲ ကြာချင်မှတောင်ကြာမယ်ဆိုပေမယ့် အာ့တာလေးကိုပဲ စွဲလန်းတသနေတတ်တဲ့ စိတ်ကိုရော ဘာလို့ နာမည်တပ်လို့ရမလဲ ၊ ဒါလည်းပဲ အချစ်ပဲလား အထက်ကပြောခဲ့တဲ့ တရားကိုယ်တွေနဲ့ ဘာကွာလဲ ၊ ကိုယ်လည်းမသိတော့ဘူးရယ်
.
နောက်ပြီး
ဒီသံသရာတစ်လျှောက်လုံး ချစ်ရခင်ရစွဲလန်းရ မြတ်နိုးရဆိုတဲ့ ဝန်ထုပ်ဝန်ပိုးတွေ ထမ်းပြီး ဘယ်ချိန်ထိအောင် လွမ်းရဆွေးရ ငိုနေကြရအုံးမှာလဲ
.
မောင်လွမ်းဝေ
၅ ဒီဇင္ဘာ ၂၀၁၉

ယင်ကောင်လေး

. . . ကိုယ့်အခန်းထဲကို ရောက်နေတာ မှတ်မှတ်ရရ တစ်ပတ်လောက်ရှိသွားပြီ၊ နေသာတဲ့ တစ်ရက်တုန်းက အခန်းထဲလည်း လေကောင်းလေသန့် ဖလှယ်ရအောင်ဆိုပြီး ပြတင်းပေါက်ဖွင့်ရင်း အကောင်တွေမဝင်အောင်ကာတဲ့ သံဇကာကိုပါ ဖွင့်မိတော့ ဝင်လာတာထင်တယ်၊ ယင်ကောင်ဆိုတာကလည်း သိတဲ့အတိုင်း တစ်နေရာတည်း ငြိမ်ငြိမ်နေတာမှ မဟုတ်ဘဲကိုး၊ တဝီဝီလျှောက်သွားနေတာ အခန်းထဲမှာ တော်တော်အာရုံနောက်တယ်၊ မောင်းထုတ်ဖို့ကြိုးစားတာလည်း မအောင်မြင်၊ သတ်ကလည်း မသတ်ချင်လို့မို့ လေးငါးရက်နေရင်တော့ သူ့ဘာသာ သက်တမ်းပြည့်ပြီးသေသွားမှာပဲလေဆိုပြီး လွှတ်ထားတယ်၊ သူ့အသံ တဝီဝီကို သည်းခံနိုင်ခဲ့ပေမယ့် အခန်းထဲ ဟိုပေါ်နား ဒီပေါ်နား လျှောက်နားတဲ့အခါ သူနားတဲ့နေရာမှာ အစက်လေးတွေ ပေပြီးကျန်ရစ်တယ်၊ တဖြည်းဖြည်းနဲ့ အခန်းထဲက မော်နီတာစကရင်ပေါ်မှာ၊ ကိုယ့်သောက်ရေတကောင်းအဖုံးမှာ၊ ဆေးထားတဲ့ ပန်းကန်တွေ‌ပေါ်မှာ လျှောက်နားလို့ ရေသောက်တာတောင် ဖန်ခွက်ကို ဆေးဆေးသောက်နေရတော့ စိတ်က မရှည်ချင်တော့ဘူး၊ ငါမင်းကိုသတ်ချင်တယ် ဆိုပြီး လိုက်ရိုက်တော့လည်း သူကလွတ် ဘယ်လိုမှ မမိ၊ ဒုက္ခပေးမြဲ အသံဆူမြဲ ညစ်ပတ်အောင်လုပ်မြဲ
.
. . . ဒီနေ့တော့ ဒင်းကို တော်တော်စိတ်ကဆိုးနေပေမယ့် စိတ်ဆိုးနေလို့လည်း မပြီးသေးပါဘူးဆိုပြီး စိတ်အေးအေးထားပြီး ဘယ်လိုနှိမ်နင်းရမလဲ စဉ်းစားတယ်၊ အတွေးတစ်ခုရလာတယ်၊ လုပ်ကြည့်မယ်ဆိုပြီး အခုညနေမှာ စာကြည့်စားပွဲမှာထိုင်ပြီး လိုအပ်တဲ့ လက်နက်ကို လက်တစ်ကမ်းမှာထားပြီး စိတ်ရှည်ရှည်နဲ့စောင့်တယ်၊ အမယ် သကောင့်သားက ဒီနေ့မှ မျက်ခုံးတွေဘာတွေလှုပ်လို့လား အိမ်မက်တွေ မကောင်းလို့လားမသိဘူး လူနားကို သီကို မသီတာဗျ၊ ဒါပေမယ့် သူလည်း ကံကုန်တဲ့နေ့မို့လို့ ထင်ပါရဲ့ ရေတကောင်းပေါ် လာနားတယ်၊ အသင့်ဆောင်ထားတဲ့ လက်နက်နဲ့ ပစ်ချလိုက်တာ ချက်ချင်းတော့ မသေဘူး၊ တန်းမှာချိတ်ထားတဲ့ အကျႌပေါ်သွားနားတယ်၊ လက်နက်နဲ့ တစ်ချက်လိုက်ပစ်တယ်၊ ကြမ်းပေါ်ပြုတ်ကျတယ် မသေဘူး၊ ယက်ကန်ယက်ကန်လုပ်နေတုန်း ငါ့ကို ဒီလောက်စိတ်ဒုက္ခပေးတဲ့ကောင်ဆိုပြီး စိတ်ရှိလက်ရှိဖနောင့်နဲ့ပေါက်ပစ်လိုက်တယ် သေသွားရော
.
. . . ခဏနေတော့ ဂျူနီယာတစ်ယောက်က စာမေးမလို့ဆိုပြီး အခန်းထဲဝင်အလာ အကိုကြီးအခန်းက ရေမွှေးနံ့တွေ မွှန်နေတာပဲတဲ့၊ အေး အဲသည်ရေမွှေးနဲ့ သတ္တဝါတစ်ကောင်ကို ဇီဝိန်ခြွေခဲ့ပြီကွလို့တော့ မပြောပြလိုက်ပါဘူး စိတ်မကောင်းဖြစ်နေမှာစိုးလို့
.
ယင်ကောင်လေး ကောင်းရာသုဂတိလားပါစေ
.
ပုံက အင္တာနက္က

Do not disturb

မင်းနှလုံးသား
တံခါးဝမွာ
မနှောင့်ယှက်ပါနဲ့ လို့
စာတစ်ကြောင်းသာရေးထားလိုက်
ငါက
မဖြစ်မနေ
ရပ်နေမှာပါ
.
.
.
.
.
ရင်တွေဘယ်လောက်ကွဲကွဲ

ချောနကျယ် ဖြစ်ချင်တယ်

ကိုယ်သာ ကိုယ်မဟုတ်ဘူးဆို
ချောနကျယ် ဖြစ်ချင်တယ်

စောက်သဲကွဲတဲ့အကြောင်းတွေကို
ဟာသလုပ်ပြီးရေးတော့
ဖတ်ရတဲ့သူမှာ
ရယ်နေရင်းပဲငိုရလား
ငိုနေရင်းပဲရယ်ရလား
ဘာမှန်းကိုမသိအောင်
ဖမ်းစားတတ်တဲ့စာတွေ
ရေးတတ်ချင်လို့

ဟုတ်တယ်လေ
အသဲကွဲလို့ဆိုပြီး
တစ်ယောက်တည်း
တိတ်တိတ်လေးကြိတ်
ငိုနေရမယ့်အစား
ရင်ဘတ်တူတဲ့သူတွေနဲ့ပေါင်းပြီး
ဟီလာတိုက်နေတော့မပေါ့

ရင်ထဲမှာဘာတွေရှိရှိ
အပြင်မှာဟီနေနိုင်ဖို့အတွက်
ကိုယ်သာ ကိုယ်မဟုတ်ဘူးဆို
ချောနကျယ်ဖြစ်ချင်တယ်

မေးချင်ပေမယ့်

ကိုယ်ချစ်နေတဲ့သူကို
ကိုယ့်ကိုချစ်လားလို့
မျက်နာလေးကြည့်ပြီး
မေးချင်ပေမယ့်

မချစ်တတ် မမုန်းတတ်တဲ့သူ

ဆရာတော် အရှင်ဆန္ဒာဓိကရဲ့
မချစ်တတ်မမုန်းတတ်တဲ့သူ ဆိုတဲ့စာအုပ်ကို ဖတ်ရတုန်းက ကိုယ့်အသက်က နှစ်ဆယ်ကျော်အစိတ်ပိုင်း အရွယ်တော် တစ်စိတ်ဟိုင်းနေပေမယ့် ကိုယ့်မှာ လူပျိုပေါက်လေးလို အသည်းတွေ ကွဲလို့ကောင်းနေတုန်း၊ ရန်ကုန်တက္ကသိုလ်ကနေ ကျောင်းပြီးခါစ တောထဲမှာ တာဝန်ကျတော့ အထွေအထူးလည်း လုပ်စရာမရှိချိန်မို့ စာအုပ်တွေမှာဖတ်ပြီး တစိမ့်စိမ့်စဉ်းစားသုံးသပ်ချိန် ရတဲ့အခိုက်အတန့်ပဲ
.
.. . ဆရာတော်ရဲ့ စာတွေဖတ်ပြီး သံယောဇဉ်တွေ အနှောင်အဖွဲ့တွေရဲ့ ပူလောင်မှုနဲ့ မေတ္တာရဲ့ ငြိမ်းအေးမှုကို ခွဲခွဲခြားခြား ခံစားနားလည်တတ်လာခဲ့တာမို့ ဆရာတော်ဘုရားရဲ့ ကျေးဇူးကြီးမားပါတယ်
.
.. . ကိုယ့်စိတ်ရဲ့အခြေအနေကို စောင့်ကြည့်တဲ့အလေ့အကျင့်လည်း ချမ်းမြေ့ရိပ်သာမှာ ရလာခဲ့ပြီမို့ ကိုယ်ချစ်တဲ့သူတွေအပေါ် ကိုယ့်ရဲ့ ယိုင်ညွတ်မှုအခြေအနေကို အေးအေးချမ်းချမ်း စဉ်းစားသုံးသပ်ဖြစ်ခဲ့တယ်
.
.. . ပုထုဇဉ်ပီပီ သံယောဇဉ်အနှောင်အဖွဲ့နဲ့ တွယ်တာစွဲလန်းမှုတွေကို မပယ်သတ်နိုင်တာပေမယ့် ရှင်းရှင်းလင်းလင်းတော့ မြင်အောင်ကြည့်တတ်ပြီမို့ ဘယ်လောက်ပဲချစ်ချစ် ဘဝဆက်တိုင်းတို့ဘာတို့ဆိုတာမျိုး မတောင်းအပ်တဲ့ဆုကို ဘယ်တော့မှ မတောင်းဖြစ်ခဲ့တော့ဘူး၊ တစ်ဘဝစာရဲ့ နှစ်အပိုင်းအခြားလောက်လေး ချစ်ရတာတောင်မှ ဘယ့်ကလောက်ပူလောင်ပင်ပန်းရသလဲဆိုတာ သံယောဇဉ်ဝဋ်ကြွေးကြီးပုံရတဲ့ ကိုယ်တွေလိုလူမျိုးတွေသာ အပ်ချမတ်ချသိန်ုင်တာမျိုးမို့
.
.. . ကိုယ်ချစ်ခင်မြတ်နိုးစွဲလန်းမိသူတွေ ကိုယ့်ကြောင့် စိတ်အနှောင့်အယှက်မဖြစ်ကြစေဖို့ ၊ ကိုယ့်ကိုအကြောင်းပြုပြီး ကုသိုလ်တရားသာ ပွားများနိုင်စေဖို့၊ ကိုယ့်ကိုချစ်ကြသူတွေအပေါ် တုန့်လှယ်မေတ္တာ များများကြီးထားနိုင်ဖို့ နဲ့ ကိုယ်ကချစ်ပါလျက် ကိုယ့်ကိုစိမ်းကားသူတွေအပေါ် လျစ်လျူရှုခြင်းဖြင့် ကိုယ့်ရဲ့ချမ်းသာကိုမွေးမြူဖို့ ကြိုးစားလေ့ကျင့်ဖြစ်ခဲ့တယ်
.
.. . နောက်ဆုံးတစ်ခုကလွဲရင် ကျန်တာတွေတော့ တော်တော်အလုပ်ဖြစ်နေတုန်း ထင်ပါရဲ့

ဖြတ်လျှောက်

လုပ်နေလက်စ ပညာရေးကိစ္စလေးတွေ ပြီးသွားပြီးရင်တော့ စာလေးဘာလေး ရေးအုံးမှလို့ စိတ်ကူးမိတယ်၊ အရင်တုန်းက ရေးခဲ့တဲ့ ဆောင်းပါးမျိုးတွေဘာတွေထက် ရသစာတွေ ပိုပြီး ရေးနိုင်ချင်တယ်၊ ဝတ္ထုတွေလည်း ရေးချင်တယ်၊ ကိုယ့်ဘဝအတွက် မှတ်မှတ်ရရဖြစ်လောက်မယ့် ဝတ္ထုရှည်တစ်ပုဒ်လောက်လည်း မသေခင် ‌ရေးခဲ့နိုင်ချင်တယ်၊ ကိုယ်ရေးတဲ့ ဝတ္တုတွေထဲမှာ အလျဉ်းသင့်ရင်သင့်သလို မထင်မရှားဇာတ်ကောင်လေးတစ်ခုအဖြစ် ဝင်ဝင်ပြီးလည်း အသုံးတော်ခံချင်တယ်၊ ဥပမာ ဇာတ်လိုက် ဒါမှမဟုတ် ဇာတ်လိုက်တွေရဲ့ သိပ်ပြီး နေရာမယူတဲ့ ခပ်မှိန်မှိန် သူငယ်ချင်း‌လေးတစ်ယောက်နေရာက ဖြစ်ရင်ဖြစ်မယ်၊ သူတို့တွေ ခရီးသွားဟန်လွှဲ ခဏတဖြုတ်ကြုံခဲ့ရတဲ့ လူတစ်ယောက်အနေနဲ့ ဖြစ်ရင်ဖြစ်မယ်၊ တက္ကသိုလ်ကျောင်းပတ်ဝန်းကျင်အခြေခံ ဝတ္ထုမျိုးဆိုရင် သူတို့နဲ့ တစ်ခန်းတည်းက အတန်းဖော်တစ်ယောက်အနေနဲ့ဖြစ်ရင်ဖြစ်မယ်၊ ဒါမှမဟုတ် သူတို့ထိုင်တဲ့ဆိုင်က စားပွဲထိုးကောင်လေးဖြစ်ဖြစ်၊ ကျောင်းက လုံခြုံရေးဝန်ထမ်းဖြစ်ဖြစ်၊ သူတို့ခရီးထွက်တုန်း ကားမောင်းပေးတဲ့ ကားသမားကြီးဖြစ်ဖြစ်၊ ဒီလိုမဟုတ်ရင်လည်း သူတို့နဲ့ရန်ဖြစ်လို့ ရဲစခန်းရောက်ရတဲ့ လူပေလူတေလေးဖြစ်ဖြစ်ပေါ့
.
. . . အပြင်လောကမှာ ကိုယ်ကိုယ်တိုင် ဇာတ်လိုက်နေရာမှာ နေနေကြရတဲ့ လောကနိယာမကြီးကို မေ့ထားပြီး ကိုယ်ရေးတဲ့ ဝတ္ထုတွေထဲမှာတော့ မထင်မရှား မပေါ်မလွင် ခပ်မှိန်မှိန် အဖြည့်ဇာတ်ကောင်လေးအဖြစ် သရုပ်ဆောင်ကြည့်ချင်တယ်
.
မောင်လွမ်းဝေ
၁၉ ႏိုဝင္ဘာ ၂၀၁၉

2019 version of gerrymandering?

. . . တပ်မ‌တော်သားနဲ့ မှီခိုသူမိသားစုဝင်တွေ မဲ‌ပေးတာနဲ့ ပတ်သက်ပြီး ပြီးခဲ့တဲ့ ကြားဖြတ်ရွေးကောက်ပွဲတွေမှာ အာဏာရပါတီ ထောက်ခံမဲမရခဲ့တာတွေ သိသိသာသာ ဖြစ်လာတာကစလို့ ဒီချုပ်ပါတီ တာဝန်ရှိသူတွေဟာ တပ်မဲရုံတွေနဲ့ ပတ်သက်ပြီး မယုံမကြည်ဖြစ်တဲ့အကြောင်းတွေ တရားဝင်ထုတ်ပြောလာခဲ့ကြပါတယ်၊ ၂၀၁၅ အထွေထွေရွေးကောက်ပွဲမှာလည်း ဒီဥပဒေလုပ်ထုံးလုပ်နည်းတွေအောက်မှာပဲ တပ်ရင်းတပ်ဖွဲ့မဲဆန္ဒနယ်တွေမှာပါ ဒီချုပ်ပါတီအနိုင်ရခဲ့ပေမယ့် နောက်ပိုင်းလုပ်တဲ့ ကြားဖြတ်ရွေးကောက်ပွဲတွေ ရှုံးနိမ့််ရတဲ့အပေါ် မိမိတို့ပါတီရဲ့ တပ်မတော်နဲ့တပ်မတော်သားတွေအပေါ်ထားတဲ့ သဘောထားတွေ ဆက်ဆံရေးတွေ အပြောအဆိုတွေကို ပြန်လည်သုံးသပ် ပြင်ဆင်ရမယ့်အစား တပ်ထဲမှာ မဲရုံတွေထားလို့ ဒီချုပ်ရှုံးနိမ့်ရတာမို့ တပ်မတော်သားနဲ့ မှီခိုသူမိသားစုဝင်တွေကို တပ်အပြင်ဘက်ထွက် မဲပေးခိုင်းလိုက်ရင် အာဏာရပါတီအတွက် အသာစီးရမယ်လို့ ယူဆနေကြပုံပေါ်ပါတယ်
.
. . . ၂၀၁၉ ခုနှစ် အောက်တိုဘာလ ၃ ရက်‌ နေ့စွဲနဲ့ ပြည်သူ့လွှတ်တော်ရွေးကောက်ပွဲ နည်းဥပဒေများ ပ ဉ္စမအကြိမ်ပြင်ဆင်ချက် အမိန့်ကြော်ငြာစာကို ပြည်ထောင်စုရွေးကောက်ပွဲကော်မရှင်က ထုတ်ပြန်လိုက်ပါတယ်၊ ထုတ်ပြန်တဲ့ ရက်စွဲရဲ့နောက် တစ်လအကြာမှာ အမျိုးသားလွှတ်တော်ကိုယ်စားလှယ်တစ်ဦးက လူမှုကွန်ယက်မှာ တင်ထားတာတွေ့လို့ လေ့လာကြည့်မိပါတယ်
.
. . . စာမျက်နာ ဆယ်မျက်နာပါတဲ့ အဲသည်ထုတ်ပြန်ချက်မှာ တပ်မတော်သားနဲ့ မှီခိုသူမိသားစုဝင်တွေ မဲပေးရေးနဲ့ ပတ်သက်ပြီး သိသာထင်ရှားတဲ့ ပြောင်းလဲချက်နှစ်ချက်ကို သတိပြုမိပါတယ်။ ပထမတစ်ချက်ကတော့ တပ်ရင်းတပ်ဖွဲ့ပုရဝုဏ်အတွင်း ဖွင့်လှစ်ပေးခဲ့တဲ့ မဲရုံတွေကို တပ်ရင်းတပ်ဖွဲ့အပြင်ဘက်ကို ထုတ်ဖို့၊ ဒုတိယအချက်က တပ်မတော်သားနဲ့ မိသားစုဝင်တွေ ကြိုတင်ဆန္ဒမဲပေးခြင်းကို ကော်မရှင်က သတ်မှတ်သော နေ့ရက်နဲ့အချိန်အတွင်းလုပ်ဆောင်ဖို့ စတဲ့နှစ်ချက်ဖြစ်ပါတယ် (နည်းဥပဒေများ ပုဒ်မ ၃၉ ၊ ၆၀ )
.
. . . ပထမတစ်ချက်ဖြစ်တဲ့ မဲရုံတွေ တပ်အပြင်ထုတ်ဖို့ဆိုရင် ဥပဒေအရမဲပေးပိုင်ခွင့်ရှိသူအင်အား ထောင်ချီရှိတဲ့အပြင် အကျယ်အဝန်းအားဖြင့်လည်း သာမန်ရပ်ကွက်ကြီး တစ်ခုစာမက သီးခြားမြို့ငယ်လေးတွေလို ဖြစ်နေတဲ့ စစ်ဘက်ဆိုင်ရာတက္ကသိုလ်ကြီးတွေ တပ်မြို့စည်ပင်သာယာရေးနယ်နမိတ်သတ်မှတ်ပေးထားတဲ့ ဌာနချုပ်ကြီးတွေမှာ ဒီနည်းဥပဒေအရ မဲဆန္ဒရှင်တွေ အဆင်ပြေပြေ မဲပေးဖို့ကို အဟန့်အတားများ ဖြစ်လေမလားလို့ တွေးမိပါတယ်၊ ဒုတိယအချက်ကလည်း ထိုနည်းလည်း‌ကောင်းပါပဲ၊ မဲပေးတဲ့ရက်မှာ နောက်တန်းဌာနချုပ်မှာ ရှိမနေနိုင်တဲ့ စစ်ဆင်ရေးနဲ့ စစ်ရေးတာဝန်ထမ်းဆောင်နေရတဲ့ တပ်မတော်သားတွေက ကော်မရှင်က သတ်မှတ်တဲ့ရက်နဲ့ အချိန်မှာ မဲပေးဖို့ဆိုတာ အဆင်ပြေပါ့မလား၊ မဲပေးနိုင်တဲ့အခွင့်အရေးဆုံးရှုံးနိုင်မယ့် သတ်မှတ်ချက်တွေများ ဖြစ်နေမလား တွေးမိပါတယ်
.
. . . အထက်ပါနည်းဥဒေများ ပြင်ဆင်ချက်မှာပါတဲ့အချက်တွေကို သဘောမတူလို့ ပြင်ဆင်ချင်တယ်ဆိုရင် ပြည်သူ့လွှတ်တော်ဆိုင်ရာနည်းဥပဒေများ ပုဒ်မ ၂၀၂ နဲ့ အမျိုးသားလွှတ်တော်ဆိုင်ရာနည်းဥပဒေများ ပုဒ်မ ၂၀၅ တို့အရ အရ သက်ဆိုင်ရာလွှတ်တော်ကိုယ်စားလှယ်က ပြင်ဆင်ချက်အဆိုကို နည်းဥပဒေထုတ်ပြန်ပြီး ရက်ပေါင်း ကိုးဆယ်အတွင်း လွှတ်တော်ကို တင်သွင်းဆွေးနွေးပြီး လွှတ်တော်ရဲ့ ဆုံးဖြတ်ချက်နဲ့ ပြင်ဆင်လို့ရနိုင်ပါတယ်
.
. . . ဒီနည်းဥပဒေပြင်ဆင်ချက်တွေနဲ့ ပတ်သက်ပြီး တပ်မတော်သား လွှတ်တော်ကိုယ်စားလှယ်တွေက ဒီအတိုင်းပဲ လက်ခံလိုက်မလား၊ ပြင်ဆင်ချက်အဆို တင်သွင်းပြီး ပြင်ဆင်ဖို့ ကြိုးစားအုံးမလားဆိုတာ ဥပဒေကပေးထားတဲ့ ရက်ကိုးဆယ်အတွင်းစောင့်ကြည့်ရအုံးမှာဖြစ်ပါတယ်၊ အာဏာရပါတီရဲ့ သဘောထားကို အာဏာရပါတီက ဖွဲ့စည်းပေးထားတဲ့ ရွေးကောက်ပွဲကော်မရှင်က ထုတ်ပြန်လိုက်တဲ့ နည်းဥပဒေတွေနဲ့ပတ်သက်ပြီး တပ်မတော်က ပြင်ဆင်ချက်အဆိုတင်သွင်းခဲ့ရင်လည်း အာဏာရပါတီကြီးစိုးတဲ့ လွှတ်တော်ထဲ အောင်မြင်နိုင်ဖို့ အလားအလာနည်းပေမယ့် တပ်မတော်သားနဲ့ မှီခိုသူမိသားစုဝင် မဲဆန္ဒရှင်တွေရဲ့ အခြေခံဥပဒေက‌ပေးထားတဲ့ လွတ်လပ်စွာရွေးကောက်နိုင်ခွင့် အခွင့်အရေးကို ကာကွယ်ဖို့ ကြိုးပမ်းသင့်တယ်လို့ ထင်မြင်ယူဆပါကြောင်း
.
ဗိုလ်ကောင်း
၅ နိုဝင်ဘာ ၂၀၁၉

********

တရားသူကြီးချုပ်နဲ့ ရှေ့နေချုပ်

. . . တရားသူကြီးချုပ်နဲ့ ရှေ့နေချုပ်ဆိုတာ လုပ်ငန်းသဘောသဘာဝအရ တရားရုံးတွေနဲ့ နီးစပ်တာမို့ တရားစီရင်ရေးမဏ္ဋိုင် ထဲကသူတွေလို့ သာမန်အားဖြင့် ထင်စရာရှိပါတယ်၊ ဒါပေမယ့် နိုင်ငံရေးနဲ့ ပတ်သက်ပြီး တီးမိခေါက်မိရှိတယ်ဆိုရင်တော့ ဒီနှစ်ယောက်ရဲ့ ထမ်းဆောင်ရတဲ့တာဝန်နဲ့ နိုင်ငံရေးအရ အရေးပါမှုက တော်တော်ကို ကွဲပြားတယ်ဆိုတာ သိကြမှာပါ
.
. . . နိုင်ငံ‌တော်မှာ အချုပ်အခြာအာဏာ ဒေါက်တိုင်ကြီး သုံးခုရှိတဲ့အနက် တရားသူကြီးချုပ်ဆိုတာ တရားစီရင်ရေးမဏ္ဋိုင်ရဲ့ အထွတ်အထိပ်ပုဂ္ဂိုလ်ဖြစ်ပြီး ရှေ့နေချုပ်ဆိုတာက‌တော့ နိုင်ငံတော်သမ္မတရဲ့ ဥပဒေဆိုင်ရာ အကြံပေးရာထူးမျှသာဖြစ်ပါတယ်
.
. . . တရားသူကြီးချုပ်ရော ရှေ့နေချုပ်ရော နှစ်‌ယောက်လုံးကို နိုင်ငံတော်သမ္မတက နာမည်စာရင်းတင်သွင်းပြီး ပြည်ထောင်စုလွှတ်တော်ရဲ့ သဘောတူညီချက်နဲ့ ခန့််ရတာချင်း တူပေမယ့် တရားသူကြီးချုပ်က အသက်ခုနစ်ဆယ်ပြည့်တဲ့အထိ တာဝန်ထမ်းဆောင်နိုင်ပြီး ရှေ့နေချုပ်ကတော့ သမ္မတသက်တမ်းအတိုင်းပဲမို့ သမ္မတပြုတ်ရင် သူလည်းပြုတ်မှပါပဲ၊ နောက်တစ်ချက်က တရားသူကြီးချုပ်ကို သမ္မတက ခန့်ခွင့်သာရှိပြီး ပြန်ဖြုတ်ခွင့် မရှိပါဘူး၊ ဒါ့အပြင် ရှေ့က သမ္မတတစ်ယောက်ခန့်သွားတဲ့ တရားသူကြီးချုပ်က အသက်မပြည့်သေးလို့ ဆက်ပြီး တာဝန်ထမ်းဆောင်နေသေးတယ်ဆိုရင်လည်း တရားသူကြီးချုပ် နောက်တစ်ယောက် ထပ်ခန့်လို့ မရပါဘူး။ တရားစီရင်ရေးမဏ္ဋိုင်ရဲ့ လွတ်လပ်မှုကို ဒီနည်းနဲ့ ထိန်းထားတာပါ၊ ရှေ့နေချုပ်ကတော့ သမ္မတက မလိုချင်တဲ့အချိန် ဖြုတ်ပြီး အသစ်ခန့်လို့ရပါတယ်။
.
. . . လက်ရှိအခြေအနေနဲ့ ပြောရမယ်ဆိုရင် လက်ရှိ ပြည်ထောင်စုတရားလွှတ်တော်ချုပ်က တရားသူကြီးချုပ် ဦးထွန်းထွန်းဦးကို နိုင်ငံတော်သမ္မတဦးသိန်းစိန် အမည်စာရင်း တင်သွင်းခန့််အပ်ခဲ့တာဖြစ်ပြီး အသက်က အခု ၆၃ နှစ်မို့ နောက်ထပ် ခုနစ်နှစ် ဆက်လက်တာဝန်ထမ်းဆောင်ခွင့် ရှိနေပါတယ်။ သူနဲ့နာမည်တူ ရှေ့နေချုပ်ဦးထွန်းထွန်းဦးကိုတော့ သမ္မတဦးထင်ကျော်ခန့်အပ်ခဲ့တာဖြစ်ပြီး သူ့ရဲ့ရာထူးသက်တမ်းက အခုလက်ရှိအစိုးရအဖွဲ့ရာထူးသက်တမ်းနဲ့အတူ ကုန်ဆုံးမှာဖြစ်ပါတယ်။ နောက်ကြောင်းနည်းနည်းထပ်ပြောရရင် လက်ရှိတရားသူကြီးချုပ်က ၁၉၉၀ - ၁၉၉၄ တပ်မတော်ရဲ့ စစ်ဥပဒေချုပ်အဖြစ် တာဝန်ထမ်းဆောင်ခဲ့ပြီး နယကအစိုးရရဲ့ ဒုတိယတရားသူကြီးချုပ်အဖြစ် ၂၀၀၇ ခုနှစ်ကနေ ၂၀၁၁ ထိ တာဝန်ထမ်းဆောင်ခဲ့တဲ့သူ ဖြစ်ပါတယ်။ လက်ရှိ ရှေ့နေချုပ် ဦးထွန်းထွန်းဦးကလည်း နယကအစိုးရလက်ထက် ၂၀၀၆ ခုနှစ်ကနေ ဒုတိယရှေ့နေချုပ်အဖြစ် တာဝန်ထမ်းဆောင်လာရာကနေ သမ္မတဦးသိန်းစိန်လက်ထက်မှာလည်း ဒုတိယရှေ့နေချုပ်အဖြစ် တာဝန်ပေးခံရပြီး သမ္မတဦးထင်ကျော်က ရှေ့နေချုပ်အဖြစ် ခန့်အပ်ခဲ့သူဖြစ်ပါတယ်။
.
ဗိုလ်ကောင်း
၁၈ အောက်တိုဘာ ၂၀၁၉

အင်္ဂလန်မှာအချေနိုင်ဆုံးပုဂ္ဂိုလ်

. . . အင်္ဂလန်နိုင်ငံရေးအသိုင်းအဝိုင်းမှာ ကိုယ်သဘောအကျဆုံးသူကိုပြပါဆိုရင် ကွန်ဆာဗေးတစ်ပါတီက အောက်လွှတ်တော်ဥက္ကဌ ဂျွန်ဘားကိုးကို ပြရမယ်ထင်တယ်၊ ၂၀၀၉ ခုနှစ်ကတည်းက အောက်လွှတ်တော်မှာ ဥက္ကဌလုပ်လာခဲ့တဲ့ သူ့ရဲ့ လွှတ်တော်ကို ထိန်းကျောင်းတဲ့ စတိုင်ကို သဘောကျတာအဓိကပေါ့
.
. . . ဘုရင်စနစ်ရှိတဲ့ နိုင်ငံတွေကနေ စတဲ့ လွှတ်တော်ထုံးစံတစ်ခုမှာ အမတ်တွေထဲက တစ်ယောက်ယောက်ကို လွှတ်တော်ဥက္ကဌအဖြစ် တင်မြှောက်လိုက်ရင် ဥက္ကဌ မလုပ်ချင်ကြလို့ အမတ်တွေက အတင်းဆွဲခေါ်ပြီး ဥက္ကဌထိုင်ခုံကို လိုက်ပို့ရသတဲ့၊ ဘုရင်တွေ အာဏာရှိတဲ့ခေတ်က လွှတ်တော်က တစ်ခုခု ဘုရင်မကြိုက်တာလုပ်မိရင် လွှတ်တော်အကြီးအကဲကို ဘုရင်က ခေါင်းဖြတ်သတ်တာမို့ အဲသည်ရာထူးကို မယူချင်ကြဘူးဆိုတဲ့ ဓလေ့က အခုထက်တိုင် ဟာသသဘောပဲဖြစ်ဖြစ် နိုင်ငံတစ်ချို့က လွှတ်တော်တွေမှာ ကျင့်သုံးနေကြတုန်းပါပဲ
.
. . . ရွေးကောက်ပွဲပြီးလို့ လွှတ်တော်သက်တမ်းတစ်ခု စတော့မယ်ဆိုရင် အစဉ်အလာအရ ဘုရင်မကြီးက အထက်လွှတ်တော်ကို မိန့်ခွန်းလာပြောရတယ်၊ မင်းမျိုးမင်းနွယ်တွေက ရှေးရုပ်ရှင်တွေထဲက နန်းဝတ်နန်းစားဝတ်ရုံကြီးတွေနဲ့ ထိုင်စောင့်နေကြတဲ့ အထက်လွှတ်တော်ထဲ ဘုရင်မကြီးက မင်းခမ်းမင်းနားနဲ့လာတာ၊ ဘက်ကင်ဟမ်နန်းတော်ကနေ ပါလီမန်အထိ မြင်းဖြူခြောက်ကောင်ကတဲ့ ရထားလုံးကိုစီး၊ မြင်းစီးစစ်သည်တော်တွေ တော်ဝင်မိသားစုဝင်တွေ ခြံရံပြီး အထက်လွှတ်တော်ခန်းမထဲ ဘုရင်မကြီးက အကျအန နေရာယူပြီးချိန်အထိ အောက်လွှတ်တော်ဥက္ကဌနဲ့အဖွဲ့က သူ့လွှတ်တော်ခန်းမထဲမှာပဲ အမြိုင့်သားထိုင်စောင့်နေကြတာ၊ အထက်လွှတ်တော်ထဲ ဘုရင်မကြီးနဲ့ကြင်ယာတော်ရော တော်ဝင်မိသားစုတွေရော အစုံအညီနေရာယူပြီးပြီဆိုမှ ဆက်သားလွှတ်ပြီး အောက်လွှတ်တော်ဥက္ကဌကို ဘုရင်မကြီးက အခေါ်တော်ရှိကြောင်းခေါ်မှ ဟိုကအောက်လွှတ်တော်ဥက္ကဌနဲ့ အစိုးရတစ်ဖွဲ့လုံး ထလိုက်လာတာ၊ အစဉ်အလာအရ ဘုရင်မကြီးကလွှတ်လိုက်တဲ့ ဆက်သားက အောက်လွှတ်တော် တံခါးမကြီးကို လက်နဲ့ခေါက်ရသတဲ့၊ အင်္ဂလန်လွှတ်တော်သက်တမ်းတစ်လျှောက် အာ့လိုခေါက်လာတာဆိုတော့ တံခါးမှာတောင် အရာကြီးထင်နေတယ်ဆိုပဲ
.
. . . အဲသလို ဘုရင်မကြီးခေါ်တယ်ဆိုတော့မှ အောက်လွှတ်တော်ဥက္ကဌနဲ့ အစိုးရတစ်ဖွဲ့လုံးရော လွှတ်တော်အမတ်တွေရော စကားတပြောပြောနဲ့ အထက်လွှတ်တော်ဘက်ကို ချီတက်ပြီး ဘုရင်မကြီးပြောတဲ့မိန့်ခွန်းကို နားထောင်ရတာကိုး၊ အထက်လွှတ်တော်မှာက သူတို့အတွက် ထိုင်ခုံနေရာမရှိတော့ လွှတ်တော်ဥက္ကဌရော ဝန်ကြီးချုပ်ရော ကျန်တဲ့သူတွေအကုန်လုံး မတ်တပ်နားထောင်ကြရတယ်
.
. . . အင်္ဂလန်မှာ ဘုရင်မကြီးလာမှန်းသိတာတောင် ကြိုစောင့်မနေဘဲ ခေါ်မှလာမယ်ဆိုပြီး ခပ်ချေချေနေလို့ရတဲ့ အောက်လွှတ်တော်ဥက္ကဌကို သဘောကျလို့ မနေ့ကလုပ်တဲ့ လွှတ်တော်အသစ်ဖွင့်ပွဲသတင်းကြည့်ရင်း ရေးလိုက်တာ
.
ဗိုလ်ကောင်း
၁၅ ေအာက္တိုဘာ ၂၀၁၉

စာကြမ်းပိုး ၅

. . . အောင်ကောင်းထက်စာကြည့်တိုက်ကို အခုလက်ရှိ စာအုပ်စာကြည့်တိုက်အဖြစ်သာမကဘဲ အရင်တုန်းက e-library လို့ခေါ်တဲ့ ဒီဂျစ်တယ်စာကြည့်တိုက်အဖြစ်ပါ အဆင့်တိုးမြှင့်သွားဖို့လိုအပ်မှာဖြစ်ပါတယ်၊ သမားရိုးကျ စာအုပ်စာကြည့်တိုက်တစ်ခုမှာတော့ စာအုပ်စာတမ်း မှတ်တမ်းတွေ ပစ္စည်းတွေကို မူရင်းအတိုင်းထားရှိပြီး ဒီဂျစ်တယ်စာကြည့်တိုက်မှာတော့ အဲဒါတွေကို ဒီဂျစ်တယ်ပုံစံ အရုပ်အသံ အွန်လိုင်း စနစ်တွေနဲ့ သိမ်းဆည်းတာမျိုးကို ဆိုလိုတာဖြစ်ပါတယ်။ ကျွန်တော်တို့ မျှော်မှန်းထားတာက လုံးဝဒီဂျစ်တယ်စာကြည့်တိုက်ကို ပြောင်းလဲပစ်မှာမျိုး မဟုတ်ဘဲ သမားရိုးကျ စာကြည့်တိုက်ထဲမှာမှ ဒီဂျစ်တယ်စနစ်နဲ့ပါ လေ့လာလို့ရအောင် လုပ်ဆောင်သွားဖို့ ဖြစ်ပါတယ်။
.
. . . စာကြည့်တိုက်ကို ဒီဂျစ်တယ် စာကြည့်တိုက်အဖြစ် ဖြည့်ဆည်းရာမှာ အင်းသာအထက်အတန်းကျောင်းအနေနဲ့ စိန်ခေါ်မှုတစ်ချို့ကို ကြုံရနိုင်ပါတယ်။ ပထမဆုံးကတော့ လိုအပ်တဲ့ ပစ္စည်းများ စုဆောင်းခြင်းဖြစ်ပါတယ်။ အများမြင်သာတဲ့ ကွန်ပြူတာ လက်တော့ တက်ဘလက် စတာတွေအပြင် အချက်အလက်များ သိုမှီးထားနိုင်တဲ့ ဆာဗာစနစ်လည်း လိုအပ်မှာဖြစ်ပါတယ်။ ရုပ်ဝတ္ထုပစ္စည်းလိုအပ်ချက်က ကြီးမားတဲ့ စိန်ခေါ်မှုတစ်ခုလို့တော့ မယူဆပါဘူး၊ အလှူရှင်တစ်ဦး သို့မဟုတ် စုပေါင်းလှူဒါန်းကြရင် ရုပ်ဝတ္ထုပစ္စည်းတွေက ချက်ချင်း ပြည့်စုံနိုင်ပါတယ်။
.
. . . ဒုတိယ စိန်ခေါ်မှုကတော့ ပစ္စည်းများ ထိန်းသိမ်းတဲ့စနစ်ဖြစ်ပါတယ်။ ထိန်းသိမ်းတယ်ဆိုရာမှာ ပထမဆုံးအနေနဲ့ စာကြည့်တိုက်ထဲက ကွန်ပြူတာတွေ လက်တော့တွေ တက်ဘလက်တွေ မပျောက်မရှအောင် မသမာသူက ဖောက်ထွင်းခိုးယူလို့မရအောင် ထိန်းသိမ်းနိုင်တဲ့ စနစ်တစ်ခုကို ဖော်ဆောင်ရမှာပါ၊ အများသိကြတဲ့အတိုင်း စာသင်ကျောင်း စာကြည့်တိုက်ဆိုတာ နေအိမ်လို လူတွေ နှစ်ဆယ့်လေးနာရီ ရှိနေတဲ့ နေရာမျိုး မဟုတ်ပါဘူး၊ သတ်မှတ်ချိန်တန်ရင် တံခါးပိတ်ပြီး ထားခဲ့ရတဲ့ နေရာမျိုးပါ။ ဒါကြောင့်မို့ စာကြည့်တိုက်ကို လုံခြုံအောင်ဘယ်လိုလုပ်မလဲဆိုတာကို သေချာစီစဉ်ရမှာဖြစ်ပါတယ်။
.
. . . တတိယ စိန်ခေါ်မှုကတော့ စနစ်ပိုင်းဆိုင်ရာ ထိန်းသိမ်းမှုစနစ်ဖြစ်ပါတယ်။ ဒီဂျစ်တယ်စာကြည့်တိုက်တစ်ခုမှာ သိုမှီးထားတဲ့ အချက်အလက်တွေကို ထိန်းသိမ်းရတာက သာမန် စာစီစာရိုက် နဲ့ တစ်ကိုယ်ရေသုံး ကွန်ပြူတာတွေကို ထိန်းသိမ်းမှုနဲ့ မတူပါဘူး၊ လူအများ ကိုင်တွယ်အသုံးပြုမယ့် ကွန်ပြူတာတွေကို စနစ်တကျနဲ့ ရေရှည်မှာ ကောင်းကောင်းမွန်မွန် လည်ပတ်အသုံးပြုလို့ရအောင် စည်းကမ်းတွေ နည်းလမ်းတွေနဲ့ ချမှတ်ထိန်းသိမ်းလိုက်နာကြဖို့ လိုသလို စနစ်ပိုင်းဆိုင်ရာမှာလည်း ဗိုင်းရပ်စ်ကာကွယ်ရေး ဆာဗာစနစ်လည်ပတ်ရေး အင်တာနက်မှာ ကလေးသူငယ်များ မမြင်သင့်မမြင်ထိုက်တာတွေကို ကာကွယ်ရေး လိုအပ်ရင်လိုအပ်သလို အဆင့်မြှင့်တင်ရေး စတာတွေကို ပုံမှန်လုပ်ဆောင်နေရမှာဖြစ်လို့ ထိန်းသိမ်းကိုင်တွယ်နိုင်မယ့် သူ အမာခံတစ်ဦးကို တိတိကျကျ တာဝန်ပေးလုပ်ဆောင်စေဖို့ လိုအပ်မှာဖြစ်ပါတယ်။
.
. . . စတုတ္ထစိန်ခေါ်မှုကတော့ စာကြည့်တိုက် ဆာဗာမှာ အချက်အလက်များ အမြဲမပြတ် ဖြည့်ဆည်းဆောင်ရွက်နေရေး ဖြစ်ပါတယ်။ အချိန်နဲ့အမျှ ပြောင်းလဲတိုးတက်နေတဲ့ ကမ္ဘာကြီးမှာ အချက်အလက်တွေကို တစ်ခါထည့်ထားရုံနဲ့ မပြီးဘဲ အမြဲတမ်း အဆင့်မြင့်တင်ဖြည့်ဆည်းနေရမှာဖြစ်ပါတယ်။ ဘာတွေ ဖြည့်ဆည်းသင့်တယ်ဆိုတာကို နောက်စာတစ်ပုဒ်မှာ ဆက်လက်ရေးသားတင်ပြသွားပါမယ်
.
. . . ပ ဉ္စမစိန်ခေါ်မှုကတော့ တည်ဆောက်ထားတဲ့ ဒီဂျစ်တယ် စာကြည့်တိုက်စနစ်ကို ဆရာဆရာမများနဲ့ ကျောင်းသာကျောင်းသူများ စနစ်တကျ အသုံးပြုနိုင်အောင် လေ့ကျင့်သင်ကြားပေးရေးနဲ့ အမြဲမပြတ် သုံးစွဲနေရေးဖြစ်ပါတယ်။ ကျွန်တော်တက်နေတဲ့ တက္ကသိုလ်မှာတောင် ဒီဂျစ်တယ်စာကြည့်တိုက်က ဆာဗာတွေကို ဘယ်လိုအသုံးပြုရမလဲဆိုတဲ့ သင်တန်းတွေကို အမြဲမပြတ်ပေးနေရပါတယ်။ ကွန်ပြူတာတွေ လက်တော့တွေ တက်ဘလက်တွေကို ငွေကုန်ကြေးကျခံ ဝယ်ယူဖြည့်ဆည်းထားပြီး အသုံးမဝင်ဘူး မသုံးတတ်ဘူးဆိုရင်လည်း အဟောသိကံဖြစ်တတ်ပါတယ်
.
. . . ဆဌမမြောက် စဉ်းစားသင့်တဲ့ အချက်ကတော့ အင်တာနက်တပ်ထားတဲ့အခါမှာ ကျောင်းသားကျောင်းသူများကို တက်ဘလက်လို တယ်လီဖုန်းလို အင်တာနက်သုံးလို့ရနိုင်တဲ့ ပစ္စည်းများ ခွင့်ပြုပေးသင့်မပေးသင့် ကိစ္စပဲဖြစ်ပါတယ်၊ ကိုယ့်သဘောအရဆိုရင်တော့ ကလေးသူငယ်များကို သက်ဆိုင်ရာ ကြီးကြပ်သူမပါဘဲ ကြီးကြပ်မှုမရှိဘဲ တက်ဘလက်တွေ တယ်လီဖုန်းတွေ သုံးစွဲခွင့်ပေးတာမျိုး လုပ်သင့်တယ်လို့ မထင်ပါဘူး။ တစ်ချို့နိုင်ငံတွေမှာ ကလေးငယ်တွေကို ကွန်ပြူတာတွေ တက်ဘလက်တွေ အိုင်ပက်တွေနဲ့ သင်ကြားရေးလုပ်ဆောင်ကြတယ် ဆိုရာမှာလည်း အတန်းထဲမှာဖြစ်ဖြစ် အတန်းပြင်ပမှာဖြစ်ဖြစ် သတ်မှတ်ပြင်ဆင်ထားတဲ့ သင်ခန်းစာများကိုသာ လုပ်ဆောင်စေတာဖြစ်ပါတယ်။ ဒါကြောင့်မို့ ဒီဂျစ်တယ်စာကြည့်တိုက်ရဲ့ တစ်စိတ်တစ်ပိုင်းအနေနဲ့ အင်တာနက်ဝိုင်ဖိုင်လိုမျိုး တပ်ဆင်ပေးမယ်ဆိုရင်တောင် ဆရာဆရာများအတွက်သာ ခွင့်ပြုသင့်ပြီး ကျောင်းသားကျောင်းသူများ ကို ခွင့်ပြုသင့်မသင့် သေချာဝေဖန်သုံးသပ်ဖို့ လိုအပ်မယ်လို့ ယူဆပါတယ်
.
. . . အထက်ပါ တင်ပြခဲ့တဲ့ အချက်တွေကတော့ အင်းသာအထက်တန်းကျောင်းက အောင်ကောင်းထက် စာကြည့်တိုက်ကို ဒီဂျစ်တယ်စာကြည့်တိုက်တစ်ခုအဖြစ် အဆင့်မြှင့်တင်ရာမှာ မလွဲမသွေ ကြုံရမယ့် စိန်ခေါ်ချက်တွေဖြစ်တာမို့ ကြိုတင်စဉ်းစားပြင်ဆင်သင့်ပါကြောင်း စဉ်းစားမိသမျှ တင်ပြလိုက်ရပါတယ်၊ စာကြည့်တိုက်ကို စာအုပ်စာတမ်းနဲ့ ဗဟုသုတ သိုမှီးရာနေရာတစ်ခုအဖြစ်သာမကဘဲ အင်းသာရွာ သာဝတ္ထိတိုက်နယ် လယ်‌ဝေးမြို့နယ်ရဲ့ အချက်အလက်များ သိုမှီးရာ သုတဘဏ်တစ်ခုအဖြစ်လည်း တည်ဆောက်ဖို့ လိုအပ်တဲ့အကြောင်းကို နောက်စာတွေမှာ ဆက်လက်တင်ပြပေးသွားပါမယ်
ရွှင်လန်းချမ်းမြေ့ကြပါစေခင်ဗျ
.
ဗိုလ်ကောင်း
၈ ေအာက္တိုဘာ ၂၀၁၉

မှ က

မိသားစု #က လှူဒါန်းသည် (အမှန်)✅
မိသားစု #မွ လှူဒါန်းသည် (အမှား)❌
.
မြန်မာစာမှာ (က) အသုံးကို စာရေးတဲ့နေရာမှာ သုံးရင် မခန့်မထည်ဘူးလို့ ထင်ကြပုံရတယ်၊ (က) သုံးရမယ့်နေရာမှာ (မှ) ကိုသုံးမှ အရေးပီသတယ်ထင်ကြတယ်၊ အသုံးမှားကြတာများတော့ မှားတာကပဲ မှန်သလိုလိုဖြစ်၊ အမှန်ပြင်ပေးတဲ့သူကပဲ လူကန့်လန့်လိုလိုဖြစ်။ က နဲ့ မှ မှာ သီးခြား ကိုယ်ပိုင်အသုံးလက္ခဏာတွေရှိကြတာကို သတိထားသင့်တယ်။ မြန်မာသဒ္ဒါလည်း အလယ်တန်း အထက်တန်းမှာ သင်ခဲ့ရ၊ စစ်တက္ကသိုလ်ရောက်တော့လည်း မြန်မာစာဆရာ ဗိုလ်မှူးကြီးမင်းနိုင်နဲ့ သင်ခဲ့ရ၊ ရန်ကုန်တက္ကသိုလ်ရောက်တော့လည်း ဘာသာဗေဒသင်တုန်းက မြန်မာစာပါမောက္ခ ဆရာကြီး မောင်ခင်မင်(ဓနုဖြူ) ရဲ့စာတွေဖတ်ခဲ့ရ။ ကိုယ်လည်း မြန်မာစာနဲ့ပတ်သက်ရင် အကုန်မသိပေမယ့် တန်ဖိုးထားတဲ့သူမို့

စာကြမ်းပိုး (၄)

. . . ပြီးခဲ့တဲ့ အစိုးရလက်ထက်တုန်းက ပြန်ကြားရေးနဲ့ပြည်သူ့ဆက်ဆံရေးက စာကြည့်တိုက်ပေါင်း ဘယ်နခုဖွင့်ပြီးပါပြီဆိုပြီး ဂုဏ်လုပ်ကြေညာနေခဲ့တာ တကယ့်မြေပြင်မှာတော့ စာကြည့်တိုက်ဖွင့်ပွဲက စာကြည့်တိုက်ပိတ်ပွဲဖြစ်ဖြစ်သွားတယ်ဆိုတဲ့အသံကို စိတ်မချမ်းသာစရာ ကြားသိနေရပေမယ့် ကိုယ်လေ့လာမိသလောက်ဆိုရင် အဲလိုအခြေအနေက ကတယ်ကိုဖြစ်နေခဲ့တာ၊ အစိုးရက ဘယ်လိုအကြောင်းနဲ့ပဲဖြစ်ဖြစ် စာကြည့်တိုက်တွေဖွင့်ဖို့ အရေအတွက်တိုးဖို့ ဘယ်လိုလုပ်နေနေ အစိုးရထောက်ပံ့ပေးနိုင်တဲ့ ငွေကြေးအင်အား လူအရင်းအမြစ်အင်အားနဲ့ပဲဆိုရင် ဘယ်လောက်ပဲကောင်းအောင်လုပ်ပေးထားထား သက်ဆိုင်ရာ ရပ်ကွက်မြို့ရွာအသိုင်းအဝိုင်းက စိတ်ဝင်တစားနဲ့ မလုပ်ဘူးဆိုရင် စာကြည့်တိုက်ဖွင့်ပွဲလုပ်တဲ့အချိန်အထိပဲ သိုင်းကြဝိုင်းကြ အားတက်သရောလုပ်ကြပြီး ဖွင့်ပွဲလည်းပြီးသွားရော စာကြည့်တိုက်က တစ်ခါတည်းပိတ်သွားရောဆိုတာတွေက တကယ်ကိုဖြစ်နေခဲ့တာပါ
.
. . . ကိုယ်တို့တစ်အိမ်လုံးက စာဖတ်ဝါသနာပါကြတဲ့သူတွေမို့ သာဝတ္ထိဘောလုံးကွင်းကြီးဘေးက နှင်းမိုးဖြူစာပေ၊ သာဝတ္ထိလမ်းဆုံက အခုမီးလောင်သွားတဲ့ ရပ်ကျေးသမရုံးကြီးအောက်ထပ်မှာ ဖွင့်ခဲ့တဲ့ စာအုပ်အငှားဆိုင်၊ အင်းသာက စံပယ်ဦး ဦးချစ်လှိုင်အိမ်မှာဖွင့်ခဲ့တဲ့ စာအုပ်အငှားဆိုင်၊ အဲသည်ဆိုင်တွေအားကိုးနဲ့ စာအုပ်တွေ ဖတ်ခွင့်ရခဲ့တဲ့သူအနေနဲ့ အင်းသာစာသင်ကျောင်း သာဝတ္ထိကျောင်းကြီးတို့မှာ ကျောင်းစာကြည့်တိုက်ကောင်းကောင်းရှိရင်ကောင်းမှာပဲလို့ တောင့်တမိခဲ့တာက စာကြည့်တိုက်ဆိုတဲ့ ဝေါဟာရကို စကြားဖူး၊ ရွှေသွေး တေဇ မင်္ဂလာမောင်မယ် မိုးသောက်ပန်းစာစောင်တွေကို စပြီးခုံခုံမင်မင်ဖတ်ဖူးတဲ့ မူလတန်းကျောင်းသားအရွယ်ကတည်းကပါ။ ဆရာလေးဦးဝင်းကြိုင် ဆရာမဒေါ်ခင်ထားရည် ဆရာမဒေါ်စိန်တင့် ဆရာမဒေါ်သိန်းသိန်းဦးတို့က ကိုယ့်ရဲ့ စာဖတ်ဝါသနာကို အသိအမှတ်လည်းပြု အားလည်းအားပေးတာကြောင့် ကျောင်းရုံးခန်းထဲက စာအုပ်တွေကို စိတ်တိုင်းကျ မွှေနှောက်ဖတ်ခွင့်ရတာ တကယ်ကိုကျေးဇူးတင်ပါတယ်၊ ကိုယ်လိုချင်တဲ့ ကျောင်းစာကြည့်တိုက်မျိုး ကိုယ့်လက်ထက်မှာ မရခဲ့ဘူးဆိုရင်တောင် နောင်လာနောက်သားတွေအတွက် တည်ထောင်ပေးမယ်ဆိုတဲ့ စိတ်ကူးကိုလည်း ဆယ်တန်းအောင်ပြီးကတည်းက ရင်ထဲမှာ ပျိုးထားမိခဲ့တာပါ
.
. . . စစ်တက္ကသိုလ်က ကျောင်းဆင်းပြီး တာဝန်ကျတဲ့နေရာတိုင်းမှာ ကိုယ်စိတ်ဝင်တစား လေ့လာဖြစ်တာက မြို့နယ်ပြန်ဆက်စာကြည့်တိုက်တွေရယ် အခြားရပ်ရွာကတည်ထောင်ထားတဲ့ စာကြည့်တိုက်တွေရယ်၊ များသောအားဖြင့် ရပ်ရွာက ကိုယ်တိုင်တည်ထောင်ထားတဲ့ စာကြည့်တိုက်တွေက ပိုအသက်ဝင်ပိုအလုပ်ဖြစ်တာကို တွေ့ခဲ့ရပြီးနောက် စာကြည့်တိုက်ထောင်ရင် အစိုးရကို အားကိုးနေတာထက် ရပ်ရွာကိုပဲ အားကိုးရမယ်ဆိုတာ သဘောပေါက်လာခဲ့တယ်၊
.
. . . အင်းသာကျောင်းမှာ စာကြည့်တိုက်ထောင်ဖို့ ပထမဆုံးကြိုးစားမှုကို ၂၀၀၃-၂၀၀၄ ကိုယ်ရန်ကုန်တက္ကသိုလ်ကျောင်းသားဘဝက တစ်ခါလုပ်ခဲ့တယ်၊ တစ်ခြားလိုအပ်ချက်တွေ မဖြည့်ဆည်းနိုင်ရင်တောင် စာအုပ်တွေအလှူခံပြီး ကျောင်းကိုပို့ပေးမယ် ကလေးတွေ စာအုပ်တွေနဲ့ ထိတွေ့ရင်းနှီးခွင့်ရလည်း မနည်းဘူးဆိုတဲ့ စိတ်ကူးနဲ့ ရန်ကုန်တက္ကသိုလ်က နီးစပ်ရာ ဆရာဆရာမ ကျောင်းသားကျောင်းသူ သူငယ်ချင်းတွေဆီက လက်လှမ်းမီသရွေ့ စာအုပ်တွေ အလှူခံပြီး ရွာကိုပို့၊ ကျောင်းရုံးခန်းထဲမှာ စာအုပ်တွေထားဖို့ အိမ်က ဗီရိုတစ်လုံးကိုပါပို့ထားပြီး စာကြည့်တိုက်သန္ဓေလေးများ ပျိုးလာလေမလား ကြိုးစားကြည့်ခဲ့ဖူးပေမယ့် ကိုယ့်ရပ်ရွာက အခြားသူတွေကို ဆွဲဆောင်စည်းရုံးမလုပ်နိုင်ခဲ့လို့ ကိုယ့်ကြိုးစားမှုက မျှော်မှန်းထားသလောက် အရာမထင်ခဲ့ဘူး
.
. . . ဒါပေမယ့် စာကြည့်တိုက်ထောင်ဖို့စိတ်ကူးကို မစွန့်လွှတ်ဘဲ ရောက်သမျှနေရာတိုင်းမှာ တည်ထောင်ထားတဲ့ ရပ်ရွာစာကြည့်တိုက်တွေရဲ့ အားသာချက်အားနည်းချက်တွေကို အမြဲလေ့လာသင်ယူနေတာကို မရပ်တန့်ခဲ့ပါဘူး၊ အခု ဂျပန်နိုင်ငံကိုရောက်နေခဲ့တဲ့ ငါးနှစ်အတွင်းမှာ မြန်မာပြည်က ရပ်ရွာစာကြည့်တိုက်တွေ ထွန်းကားလာတာကို အားတက်စရာကောင်းလောက်အောင် တွေ့လာရကြောင့် စာကြည့်တိုက်တည်ထောင်ဖို့ စိတ်ကူးက ပိုပိုပြီး ထက်သန်ထွန်းပလာခဲ့ပါတယ်၊ အခု နှစ်နှစ် သုံးနှစ်အတွင်းကိုလတ်နဲ့ စကားပြောဖြစ်တိုင်း ရွာမှာစာကြည့်တိုက်တစ်ခု တည်ထောင်ဖို့ ဖြစ်နိုင်ခြေ နည်းလမ်းတွေ လုပ်ရမယ့်အလုပ်တွေကို အမြဲတိုင်ပင်ဆွေးနွေးဖြစ်နေခဲ့တယ်၊ ကိုလတ်လို ငွေအားစိတ်အား ထက်ထက်သန်သန်နဲ့ ပံ့ပိုးပေးနိုင်တာမျိုးနဲ့ဆို ကိုယ်တိုင်သာလုပ်နိုင်ခဲ့ရင် ရှင်သန်သက်ဝင်နေတဲ့ စာကြည့်တိုက်တစ်ခုကို တည်ထောင်ထိန်းသိမ်းထားနိုင်မှာပဲလို့ ယုံကြည်တဲ့အလျောက် ကိုယ်မြန်မာပြည်ပြန်လာတာနဲ့ စပြီးလုပ်ကြဖို့ ကိုလတ်ကလည်း လိုအပ်တာတွေ ပံ့ပိုးပေးမယ့်အကြောင်း အားပေးထားလို့ ပြန်လာရင်စာကြည့်တိုက်ထောင်မယ်ဆိုပြီး အားခဲထားရာကနေ အခုလို အချိန်စောစောလုပ်ဖြစ်သွားတော့ ပိုပြီးဝမ်းသာနေရတာပါ
.
. . . မနက်ဖြန် အောက်တိုဘာလ ၂ ရက်နေ့မှာဖွင့်ပွဲလုပ်မယ့် စာကြည့်တိုက်အတွက် ဒီနေ့အချောသပ်ပြင်ဆင်နေကြပြီ ဆိုပေမယ့် မနက်ဖြန်မှာမြင်တွေ့ရမယ့် စာကြည့်တိုက်က ကိုယ်တွေ တကယ်မျှော်မှန်းထားတဲ့ စာကြည့်တိုက်အဆင့်မဟုတ်သေးပါဘူး။ ကိုယ်တွေမျှော်မှန်းထားတဲ့ စာကြည့်တိုက်အဆင့်ကို တက်လှမ်းဖို့အတွက် ပထမဆုံးခြေလှမ်းကိုသာ နက်ဖြန်ဖွင့်ပွဲမှာ မြင်ရအုံးမှာဖြစ်ပြီး နောက်ပိုင်းမှာဆက်လက်ပြင်ဆင်ဖြည့်စွက် မွမ်းမံရအုံးမယ့် ရုပ်ပိုင်းဆိုင်ရာလိုအပ်ချက်တွေ စနစ်ပိုင်းဆိုင်ရာ တည်ဆောက်မှုတွေ ရပ်ရွာအကျိုးအတွက် စာကြည့်တိုက်ဘက်က ကျေပွန်ရအုံးမယ့်တာဝန်ဝတ္တရားတွေအတွက် ခရီးရှည်ကြီးကို ဆက်လျှောက်ရအုံးမှာမို့ အဲသည်ခရီးရှည်ကြီးကို ဆက်လျှောက်နိုင်ဖို့အတွက် ကျောင်းကသက်ဆိုင်ရာ ဆရာဆရာမတွေရဲ့ စိတ်ဝင်စားမှု ကျောင်းအကျိုးတော်ဆောင်ရပ်မိရပ်ဖများရဲ့ ပူးပေါင်းဆောင်ရွက်မှု ရပ်ထဲရွာထဲက ငွေအားလူအားစိတ်အားထက်သန်သူများရဲ့ ထောက်ပံ့ကူညီမှု ကျောင်းသားကျောင်းသူများရဲ့ စာကြည့်တိုက်အပေါ်အားကိုးနှစ်လိုမှုတွေကို မူရင်းအလှူရှင်မိသားစုရဲ့ ရေရှည်စောင့်ရှောက်မှုနဲ့ပေါင်းစပ်လျှောက်လှမ်းကြရမှာဖြစ်ပါတယ်
.
. . . နောက်တစ်ပုဒ်မှာ ကိုယ်တွေမျှော်မှန်းထားတဲ့ ကျောင်းစာကြည့်တိုက်ရဲ့ အနာဂတ်ရည်မှန်းချက်တွေကို တင်ပြသွားပါမယ်
.
ဗိုလ်ကောင်း
၁ ေအာက္တိုဘာ ၂၀၁၉

စာကြမ်းပိုး(၃)

. . . စက်တင်ဘာလကုန်ပိုင်းလောက်မှာ စာကြည့်တိုက်ကလည်း ဆောက်လို့ပြီးခါနီးမှာ စာကြည့်တိုက်အပြင်အဆင်နဲ့ ပတ်သက်ပြီးဘာတွေလုပ်ရင်ကောင်းမလဲ သူငယ်ချင်းနှစ်ယောက်တိုင်ပင်ကြတာ တစ်ခါတစ်လေ စကားပြောရင်း မိုးလင်းသွားတဲ့နေ့တွေတောင်ရှိတယ်။ ကိုယ်က စာကြည့်တိုက်ကို အဝေးကနေ စိတ်ကူးနဲ့ပုံဖော်နေတဲ့သူမို့ စိတ်ကူးတည့်တာလေးတွေ လျှောက်ပြောမိနေပေမယ့် တကယ်တမ်းကျတော့ ကိုယ်စိတ်ကူးမိတာတွေက ကိုလတ်လုပ်ဖို့ စီစဉ်ပြီးတဲ့ကိစ္စတွေ များပါတယ်။ တစ်ခါတစ်ခါကျတော့လည်း ကိုယ်က ပိုကောင်းစေချင်တဲ့ စေတနာနဲ့ ဇောကပ်ပြီးပြောမိတယ်ဆိုတာ ကိုယ့်ဘာသာနားလည်ပေမယ့် တကယ်တမ်းလူရောစိတ်ရောငွေကြေးရော စီမံခန့်ခွဲမှုရော လက်တွေ့ကျကျ တကယ်လုပ်နေတဲ့သူကို ပြောရတာ တော်တော်ကို အားနာမိတယ်၊ ကိုလတ်လို အကြောင်းသိဓာတ်သိ သူငယ်ချင်းမို့လို့သာပေါ့ တစ်ခြားသူများသာဆို ဒီကောင်ကိုယ်တိုင်မလုပ်ရတိုင်း လေနဲ့လျှောက်ပြောနေတယ်လို့ အထင်ခံရမယ့်ကိန်း
.
. . . ငယ်ငယ်ကတည်းက စာတော်ပြီး ဆယ်တန်းကိုလည်း ထူးထူးချွန်ချွန်အောင်ခဲ့တဲ့အပြင် ဂျပန်တက္ကသိုလ်ကြီးတစ်ခုကပေးတဲ့ ပညာသင်ဆုကိုလည်းရထားတဲ့ သားတော်မောင်ကို ဂုဏ်ပြုပြီး စာကြည့်တိုက်ကို အောင်ကောင်းထက်စာကြည့်တိုက်လို့ နာမည်ပေးရမယ်လို့ ကိုယ်က အဆိုပြုတော့ အဖေရောသားရော နှစ်ယောက်လုံးက သိပ်ပြီး ဟက်ဟက်ပက်ပက် လက်ခံချင်ပုံမရဘူး၊ သူတို့ကလည်း သူတို့အကြောင်းနဲ့သူတို့။ အဖေလုပ်သူ ကိုလတ်ရဲ့သဘောက ဒီစာသင်ကျောင်းရဲ့ ကျောင်းအကျိုးတော်ဆောင်အဖွဲ့မှာလည်း ဥက္ကဌလိုတာဝန်မျိုး ယူထားရတဲ့သူ၊ စာကြည့်တိုက်ကို ငွေအားလူအားအကုန်စိုက်ထုတ်ပြီးဆောက်တယ်ဆိုပေမယ့် ကိုယ့်သားနာမည်ပေးတယ်ဆိုတာ လူကဲ့ရဲ့စရာများ ဖြစ်လေမလားပေါ့ သူများမျက်စိစူးစရာများ ဖြစ်လေမလားပေါ့ ကိုလတ်အတွေးက၊ သားတော်မောင်ကျပြန်တော့လည်း စာကြည့်တိုက်ကို သူ့နာမည်ကြီးပေးတယ်ဆိုတော့ ဘယ်လိုကြီးလဲပေါ့ အာ့လိုထင်ထင်ပေါ်ပေါ်ကြီးဖြစ်မှာကို ရှက်စနိုးတယ်ထင်ပါရဲ့၊ ဒီလိုကြောင့် စာကြည့်တိုက်ကို သားတော်မောင်နာမည်နဲ့ပေးဖို့ကိစ္စကို ဖအေရောသားရောကို နားချရတယ်
.
. . . ဒီမှာသူငယ်ချင်းရဲ့ ဒီမှာညီလေးရဲ့ (အဖေကို သူငယ်ချင်းခေါ်ပြီးသားကိုညီလေးခေါ်ရတာနော် :P ) စာကြည့်တိုက်ကို ဒီနာမည်ပေးတယ်ဆိုတာ မိသားစုအကျိုးစီးပွားလည်း မဟုတ်ဘူး ညီလေးရဲ့ အကျိုးစီးပွားလည်း မဟုတ်ဘူး၊ ဒီစာကြည့်တိုက် ဒီမှာရှိနေသရွေ့ မြင်နေတွေ့နေရမယ့် အင်းသာကျောင်းမှာ ကျောင်းတက်နေကြတဲ့ ကျောင်းတက်ကြမယ့် ကလေးတွေရဲ့ အကျိုးစီးပွားပဲ၊ အနည်းဆုံးတော့ တို့နောက်ကလေးတွေမှာ ထူးထူးချွန်ချွန်နောင်တော်ကျောင်းသားတစ်ယောက်ကို အမှတ်ထင်ထင်ရှိသွားပြီ၊ ဆရာဆရာမတွေအနေနဲ့ သားရဲ့နာမည်ကိုပြောပြီး ကလေးတွေကို နမူနာပြစရာတစ်ခု ရသွားပြီ။ အခု ဆောက်ထားတဲ့ စာကြည့်တိုက်ဟာ စာကြည့်တိုက်လုပ်ငန်းတစ်ခုတည်းကိုသာမက နောင်လာနောက်သားတွေအတွက် ခွန်အားပေးမယ့် စံပြနမူနာတစ်ခုအဖြစ်ပါ တာဝန်ထမ်းဆောင်နေတော့မယ်၊ စာကြည့်တိုက်ကို ဒီနာမည်ပေးလိုက်ခြင်းဖြင့်လည်း မိသားစုအနေနဲ့ စာကြည့်တိုက်မှာ အစဉ်အမြဲကုသိုလ်ဆက်နေဖို့ အောက်မေ့စရာတစ်ခုပိုဖြစ်ပြီးတော့ သားတော်မောင်အတွက်လည်း ကိုယ့်နာမည်တစ်လုံးကို ဆက်လက်ထိန်းသိမ်းစရာ၊ တစ်နေ့နေ့ တစ်ချိန်ချိန်မှာ ပညာရေးခရီးမှာဘဲဖြစ်ဖြစ်လျှောက်လှမ်းရင်း အခက်အခဲတွေ စိန်ခေါ်မှုတွေ ရင်ဆိုင်ရလို့ စိတ်ပျက်စရာတွေ ကြုံရတဲ့အခါ ငါတစ်ချိန်တုန်းက လုပ်နိုင်ခဲ့ပါလား ငါ့ကိုစံနမူနာယူနေကြမယ့်သူတွေ ရှိနေပါလား ငါလက်လျှော့လိုက်လို့မဖြစ်ဘူးဆိုတဲ့ တွန်းအားတစ်ခုအနေနဲ့ တစ်သက်လုံး ရှိသွားမှာဖြစ်တဲ့အပြင် တို့ရပ်တို့ရွာမှာ ဘုရားကျောင်းကန်တွေမှာ လှူဒါန်းကြသလိုမျိုး ပညာရေးပါရမီကိုလည်း ဒီလိုလှူဒါန်းဖြည့်ဆည်းရကောင်းပါလားဆိုတဲ့ ရှေ့ဆောင်လမ်းပြအလှူတစ်ခုအဖြစ်လည်း ပိုပြီး ပေါ်လွင်ထင်ရှားစေချင်လို့ စာကြည့်တိုက်ကို ဒီနာမည်ပေးဖို့ကိစ္စကို လက်ခံထိုက်တဲ့အကြောင်း တရားချမှ သားအဖနှစ်ယောက် ကိုယ်ပြောတာ နားညည်းသက်သာအောင်လားမသိဘူး လက်ခံလိုက်ကြတယ်
.
. . . စာကြည့်တိုက် အပြင်အဆင်အနေနဲ့ ဆေးကိုဘာရောင်သုတ်ရင်ကောင်းမလဲဘာညာ တိုင်ပင်ကြတယ်ဆိုပေမယ့် တကယ်စာကြည့်တိုက်ပုံလေးပေါ်လာတဲ့အခါကျတော့ ကိုယ်ထင်ထားတာထက်တောင် အများကြီးသပ်သပ်ရပ်ရပ် လှလှပပနဲ့မို့ သေချာဆောက်ပေးတဲ့ သူငယ်ချင်းကျော်မိုးခိုင်ကို ကျေးဇူးတင်ရပါသေးတယ်။ အထဲမှာထည့်မယ့် စာအုပ်စင်တွေကိုလည်း ကိုလတ်ကိုတိုင် သေသေချာချာ ကျွန်းသားတွေဘာတွေနဲ့ လုပ်နေ ကိုယ့်ကိုပုံတွေပြတော့ ဟိုလိုလုပ်ပါလားသည်လိုလုပ်ပါလား ဘာညာပြောဖြစ်တာလေးတွေရှိတာပေါ့၊ စာကြည့်တိုက်အဝင်ဝမှာ သဲထဲဖုန်ထဲဆော့ရင်း တက်လာကြမယ့်ကလေးတွေ အဆင်ပြေအောင် ခြေသုတ်ခုံကြီးကြီးကောင်းကောင်းနဲ့ ဖိနပ်တင်စင်လေးထားပေးဖို့၊ အခင်းကို သန့်ရှင်းရေးလုပ်ရလွယ်တဲ့ ဖယောင်းပုဆိုးအထူသားလေး ခင်းပေးဖို့၊ နေရောင်တိုက်ရိုက်ဝင်မယ့် အရှေ့ဘက်ပြတင်းနှစ်ပေါက်ကို လိပ်တင်လို့ရတဲ့ ခန်းဆီးမျိုးလေးကာပေးဖို့ စတဲ့ အသေးအဖွဲလောက်ပဲ ကိုယ်က အကြံပေးခဲ့ရတာရှိပါတယ်၊ အသေးစိတ်ကိစ္စတွေအားလုံးက ကိုလတ်စေ့စေ့စပ်စပ်စိတ်ကူး စီမံထားတာ ကိုယ်တွေးတာထက်တောင် ပိုပြည့်စုံနေပါသေးတယ်
.
. . . စာအုပ်တွေဖြည့်ဖို့ကိစ္စမှာတော့ သားတော်မောင်က ရန်ကုန်မှာ ရှာဖွေဝယ်ထားတာလေးတွေက တော်တော်ကို ကောင်းကောင်းလေးတွေပါ၊ ကိုယ်ငယ်ငယ်ကလည်း သိပ်ကြိုက်ခဲ့လို့ အခုလည်း အစုံလိုက်ဝယ်လှူမယ်လို့ စိတ်ကူးထားတဲ့ ကလေးသူငယ်များအတွက် သုတရတနာသိုက် ဆယ်အုပ်တွဲကိုတောင် ဝယ်ပြီးစာရင်းထဲ ပါနေလို့ နောက်ထပ်စာကြည့်တိုက်ထဲမှာထားမယ့် အဘိဓာန်တို့ စာလုံးပေါင်းသတ်ပုံကျမ်းတို့လောက်ပဲ ထပ်ပြောဖြစ်ပါတယ်။ လောလောဆယ်မှာ ကိုလတ်အဖေ ဆရာဦးမောင်မောင်ကြီး ပင်စင်လစာထဲကလှူတဲ့ တစ်သိန်းခွဲ၊ ဦးဇော်ဇော်က လှူတဲ့ တစ်သိန်း၊ Grand Royal Company ကလှူတဲ့ နှစ်သိန်းကို မတည်ပြီး သားတော်မောင်ကိုယ်တိုင် စာအုပ်တွေဝယ်နေတယ်၊ မန္တလေးက အင်းသာကျောင်းနေဘက်သူငယ်ချင်း သန်းထိုက်ကလည်း စာကြည့်တိုက်အတွက် စာအုပ်နှစ်သိန်းကျော်ဖိုးဝယ်ပို့လိုက်တာလည်း ရောက်နေပါပြီ၊ ကိုယ်ကတော့ စစ်သားပီပီ ကိုယ်သိပ်ကြိုက်တဲ့ မြဝတီတိုက်ထုတ်တွေထဲက ကျောင်းစာကြည့်တိုက်နဲ့ သင့်လျော်မယ့်စာအုပ်အကုန်ဝယ်ပါမယ် ကူညီပေးပါဆိုပြီး စာတည်းမှူးညီလေးတစ်ယောက်ကို အကူအညီတောင်းထားတာ သေချာထုပ်ပိုးပို့ပေးပါမယ်ဆိုလို့ စောင့်နေပါတယ်
.
. . . ဆေးတက္ကသိုလ်ရဲ့ ပထမနှစ်နောက်ဆုံးစာမေးပွဲတွေကလည်း စက်တင်ဘာနောက်ဆုံးပတ်ထဲလောက်မှ ပြီးတာမို့ သားတော်မောင်လည်း ရွာကိုပြန်လာပြီး အောက်တိုဘာလ ၂ ရက်မှာလုပ်မယ့် စာကြည့်တိုက်ဖွင့်ပွဲအတွက် အသင့်ဖြစ်နေပါပြီ၊ ကိုလတ်နဲ့ တိုးတိုးတို့လည်း စာကြည့်တိုက်ဖွင့်ပွဲအတွက် အခုရက်ပိုင်း အလုပ်များနေကြမှာပဲလေ၊ ဖွင့်ပွဲကို မြို့နယ်ကလူကြီးတွေ လွှတ်တော်အမတ်တွေ ဆရာဆရာမအသိုင်းအဝိုင်း ရပ်မိရပ်ဖရပ်ရွာလူကြီးပိုင်းတွေ နဲ့ အခြားနီးစပ်ရာတွေပါဖိတ်ပြီး အခမ်းအနားအစီအစဉ်တွေ အကျွေးအမွေးတွေနဲ့ဆိုတော့ စီရစဉ်ရတာတွေရှိနေတာပေါ့
.
နောက်ဆုံး စာတစ်ပုဒ်ကျရင် စာကြည့်တိုက်နဲ့ပတ်သက်ပြီး ဆက်လုပ်သွားမယ့် ကိုယ်တို့လောလောဆယ် စိတ်ကူးတိုင်ပင်ထားကြတာလေးတွေကို ရေးပြမယ်စိတ်ကူးတယ်၊ စိတ်ဝင်စားတဲ့သူတွေရှိရင်လည်း အကြံဉာဏ်လေးဘာလေး ပေးလို့ရတာပေါ့
.
ဗိုလ်ကောင်း
၁ ေအာက္တိုဘာ ၂၀၁၉

စာကြမ်းပိုး ၁

. . . တိုကျိုမြို့လည်က မြန်မာသံရုံးရှိတဲ့ ရပ်ကွက်က ရှင်နာဂါဝါပရင့်စ် ဟိုတယ် အောက်ဆုံးထပ် ဧည့်ခန်းဆောင်ထဲကို ဝင်လာကြတဲ့ တူညီဝတ်စုံဝတ်ထားကြတဲ့ မြန်မာကလေးတွေကြားမှာ သူ့ကို အလွယ်တကူပဲ ရှာတွေ့ခဲ့တယ်၊ ကိုယ့်ဘဝမှာ ရင်းရင်းနှီးနှီးရှိနေတဲ့ လူနှစ်ယောက်ကို ပေါင်းစပ်ထားတဲ့ မျက်နာလေး၊ ကိုယ်ကလေးဘဝတုန်းက နီးနီးကပ်ကပ်ခင်ခဲ့ရတဲ့ လူနှစ်ယောက်ကို တစ်ပြိုင်တည်းတွေ့လိုက်ရသလိုမျိုး
.
. . . အင်းသာရွာမှာ အရင်တုန်းကတော့ ကိုယ်တွေနေတဲ့ခြံကျယ်ကြီးနေရာက ရွာမြေတောင်မပေါက်သေးတဲ့ ရွာအစွန်ပိုင်းက ခြံကြီးပေါ့၊ ကိုယ်တွေ ကလေးဘဝ မူလတန်းကျောင်းသားအရွယ်အထိကို ကိုယ့်အိမ်မြောက်ဘက် လေးခြံကျော်မှာ သုဿန်ရှိပြီး အဲ့သည်မြောက်ဘက်မှာ အိမ်ခြေက နည်းနည်းပဲရှိတော့တယ်၊ ကားလမ်းအရှေ့ဘက်ခြမ်းမှာဆို မိဖုရားကုန်းဘုရားကြီးမြောက်ဘက်မှာ အစိုးရစပါးဒိုင် မြောက်ဘက်အစွန်ဆုံးဖြစ်ပြီး စပါးဒိုင်နဲ့မျက်နာချင်းဆိုင် စခန်းထောက်ကျောင်းက ကားလမ်းအနောက်ဘက်ခြမ်းမှာဆို ရွာမြောက်ဘက်အစွန်ဆုံးလို့ ပြောလို့ရတယ်
.
. . . လေးတန်းရောက်မှ အင်းသာကျောင်းကိုပြောင်းလာတဲ့ သရက်ကုန်းသား ကိုလတ်နဲ့ အင်းသာသားကိုကိုမောင်တို့က ဘယ်လိုကဘယ်လို ပေါင်းမိသွားတယ်မသိပေမယ့် ခုနစ်တန်းနှစ်ကစပြီး စာအတူကျက်ဖော်တွေဖြစ်ခဲ့တာ၊ ရွာသိင်္ချိုင်းရဲ့တောင်ဘက် လေးခြံကျော်မှာနေတဲ့ ကိုကိုမောင်က သင်္ချိုင်းရဲ့မြောက်ဘက် သုံးခြံကျော်လောက်မှာနေတဲ့ ကိုလတ်တို့အိမ်ကို စာအတူကျက်ဖို့ ညညသွားရတဲ့ဒုက္ခကလည်း မသေးလှဘူး၊ အဲ သွားရတဲ့ ဒုက္ခမဟုတ်ဘူး ပြန်ရတဲ့ ဒုက္ခပေါ့လေ၊ ည ကိုးနာရီဆယ်နာရီ စာကျက်ပြီးအိမ်ပြန်ရင် တစ်ယောက်တည်း မပြန်ရဲလို့ ကိုလတ်က စက်ဘီးနဲ့လိုက်လိုက်ပို့ရတယ်၊ ကိုလတ်ကတော့ သိင်္ချိုင်းရှေ့က ညကြီးကိုးနာရီဆယ်နာရီဖြတ်ရတာကို ကြောက်ပုံမရဘူး
.
. . . ကိုလတ်တို့အိမ်က အရှေ့ဘက်မှာပျဉ်ထောင်အိမ်ကြီးနဲ့ ကပ်လျက်မှာ ရင်စို့လောက်မြင့်တဲ့ အိမ်သေးသေးလေးထဲ စာကျက်ကြတာဆိုတော့ တစ်ခါတစ်လေ အိမ်ပေါ်က ရုပ်မြင်သံကြားဇတ်လမ်းကောင်းလို့ဖြစ်ဖြစ် ကြည့်ချင်တဲ့အခါ ပျဉ်ထောင်အိမ်ကြီး လှေခါးပေါ်ကနေ လူကြီးတွေ မသိအောင် သွားသွားချောင်းကြည့်ကြတယ်၊ ကြည့်လို့ကောင်းနေတုန်း ဦးဦးဖြစ်ဖြစ် အန်တီဝင်းဖြစ်ဖြစ် တွေ့သွားတဲ့အခါ သားတို့ ကြည့်ချင်ရင် ခဏတဖြုတ်လာကြည့်ကြဆိုတော့လည်း မကြည့်တော့ပါဘူးဆိုပြီး ခပ်တည်တည်နဲ့ စာကြည့်စားပွဲ ပြန်လိုက်ကြတာပဲ
.
. . . အင်းသာမူလတန်းကျောင်းက ဆရာမဒေါ်စိန်တင့်တို့ ဆရာလေးဦးဝင်းကြိုင်တို့ အားထားရတဲ့ တပည့်တွေထဲ မမျိုး၊ သိန်းသိန်းဦး၊ အေးမာ၊ ဆာကေး၊ တိုးတိုး၊ ကိုကိုမောင်တို့က ထိပ်ဆုံးကပေါ့၊ ဒါပေမယ့် ဖြစ်လေ့ရှိတဲ့အတိုင်း ယောက်ျားလေးတွေထက် မိန်းကလေးတွေက စာကျက်နိုင်ကြတော့ မိန်းကလေးတွေပဲ အဆင့်ကောင်းကောင်းရကြတာ များပါတယ်၊ အမြဲတမ်းလိုလို ပထမရရနေတာကတော့ တိုးတိုးအေးပေါ့၊ ရှစ်ဆယ့်ရှစ်အရေးအခင်းကြောင့် လေးတန်းကို နှစ်ခါပြန်တက်ပြီးတဲ့အခါ ဒုတိယမြောက်နှစ်မှာ သုံးတန်းက စာတော်တဲ့ သူတွေကိုပါ လေးတန်းကိုပေးတက်ပြီး တန်းလုံးကျွတ်အောင်တော့ ပျော်ကြရတာ မှတ်မိသေးတယ်၊ အင်းသာကျောင်းမှာ အတန်းကုန်လို့ သာဝတ္ထိအထက်တန်းကျောင်းကြီးကိုရောက်တော့ သူတို့ဆီမှာ အစဉ်အလာစာတော်ခဲ့တဲ့ နေလင်းဦးနဲ့ တိုးတိုးတို့အဖွဲ့တွေက စာပြိုင်ဘက်တွေ ထပ်ဖြစ်ကြပေါ့ . . .
.
. . . ကိုကိုမောင်လည်း ဆယ်တန်းအောင်ပြီး စစ်ထဲလိုက်သွားတော့ ရွာနဲ့အဆက်အစပ်တော်တော်နည်းသွားတယ်၊ ကိုလတ်နဲ့ တိုးတိုးနဲ့ ရသွားပြီကြားတော့ နည်းနည်းအံ့သားသင့်မိခဲ့သေးတာ၊ ကိုယ်ရွာမှာရှိနေခဲ့တဲ့ နောက်ဆုံးအချိန်အထိ သူတို့နှစ်ယောက် အဆက်အစပ်ရှိတယ်လို့ သိမှ မသိထားတာကိုး၊ နောက်ပိုင်းနှစ်တွေအကြာကြီးအထိ ရွာနဲ့ အဆက်အစပ်က ဝေးနေခဲ့တော့ သူတို့နှစ်ယောက် သားလေးတစ်ယောက်မွေးထားတဲ့အကြောင်း သိသလိုလိုရှိပေမယ့် အမှုမဲ့ အမှတ်မဲ့ပါပဲ၊ ရွာကိုရောက်တဲ့အခါတွေမှာ ကိုလတ်နဲ့ တွေ့ဖြစ်ကြပေမယ့် သူ့သားအကြောင်းကို တစ်ခါမှကို စကားမစပ်မိခဲ့ကြပုံပါပဲ
.
. . . ပြီးခဲ့တဲ့ နှစ်နှစ်လောက်ကမှ ကိုလတ်နဲ့ အွန်လိုင်းမှာ ဖရန့်ပြန်ဖြစ်ကြတော့ တစ်ခါတစ်လေ စကားတွေဘာတွေ ပြောဖြစ်ကြတယ်၊ အင်းသာရွာစာသင်ကျောင်းမှာ လေးတန်းတစ်နှစ်ပဲနေဖူးပေမယ့် ရွာမှာမွေးပြီးရွာမှာကြီးတဲ့ တကယ့်ငယ်မွေးခြံပေါက် ရွာကြီးသားတစ်ယောက်လို ရွာကျောင်းကို ငွေကြေးအရ လူအရ အဓိကစောင့်ရှောက်နေတဲ့သူဖြစ်တာကြောင့် ရွာက စာသင်ကျောင်းအကြောင်းတွေ သိချင်တဲ့အခါ သူ့ကိုမေးရတယ်၊ စကားတွေစပ်မိတဲ့အခါ သူ့သားအကြောင်း သေချာမေးကြည့်တော့ သားတော်မောင်က ဆယ်တန်းတောင်ရောက်နေပြီဆိုတော့မှ အံ့ကြီးကိုဩရပါလေရော၊ ငါတို့အသက်တွေ အာ့လောက်တောင်ကြီးနေပြီလားဆိုပြီး သံဝေဂလိုလိုဘာလိုလိုတောင် ဖြစ်လိုက်မိသေး
.
. . . ကိုလတ်က သူ့သားအကြောင်းပြောရင် တော်တော်ကို တက်တက်ကြွကြွ၊ သူ့သား စာဘယ်လိုတော်ကြောင်း စာတွေဘယ်လိုဖတ်ကြောင်း တစ်ခါတစ်လေ သူ့ကိုပါ စာဖတ်ဖို့ အိမ်စာပေးကြောင်း သူ့သားနေတဲ့ ကျောင်းကနေ ခွင့်ရလို့ သွားတွေ့ခါနီး သားတော်မောင်ပေးထားတဲ့ အိမ်စာတွေ မလုပ်ရသေးတဲ့အခါ စာမေးရင်ဖြေနိုင်အောင် အပြေးအလွှားဖတ်ပြီးမှ သွားတွေ့ရကြောင်းဘာညာပေါ့၊ နောက်ပြီးတော့ ပြောသေးတယ်၊ သူ့သား စာတွေဘာတွေဖတ်တာ စိတ်ဝင်စားတာကိုတွေ့တော့မှ ကိုကိုမောင်ငယ်ငယ်က စာတွေကြိုက်တတ်တာကို နားလည်လာကြောင်းဘာညာပေါ့၊ ဖြစ်ချင်တော့ သူ့သားကလည်း ကိုယ့်နာမည်နဲ့ ခပ်ဆင်ဆင်မို့ မင်းသားကို ဘာလို့ ငါနဲ့ နာမည်ဆင်အောင်ပေးထားရတာလဲ ငါနဲ့ ဘာမှ မဆိုင်ဘူးနော်ဆိုပြီး ခပ်တည်တည်နဲ့ ပြန်နောက်ရသေးတယ်
.
. . . ကလေးက ဆယ်တန်းကို ဘာသာစုံဂုဏ်ထူးနဲ့အောင်ပြီး မြန်မာ-ဂျပန်အသင်းက စီစဉ်ပေးတဲ့ ဂျပန်ပြည်လေ့လာရေးခရီးစဉ်ကျမှဘဲ တွေ့ဖို့အကြောင်းဖန်လာတော့တယ်၊ သူ့ရဲ့လေ့လာရေးခရီးစဉ်အချိန်ဇယားတွေကြား ရတဲ့အချိန်လေးကို အပြေးအလွှားသွားတွေ့ပြီး အဖွဲ့ကိုခေါင်းဆောင်လာတဲ့ ဂျပန်သံအမတ်ကြီးဟောင်း ဦးစောလှမင်းဆိုတာကလည်း ကိုယ်တွေကျောင်းဆင်းစက တပ်မမှူးဆိုတော့ သူ့ကိုခွင့်တောင်းပြီး ကလေးကို အပြင်ခေါ်လာပြီး အေးအေးဆေးဆေး စကားပြောဖြစ်ကြတယ် (ကလေးနဲ့ဆွေးနွေးဖြစ်ခဲ့တဲ့ သူဆက်လျှောက်မယ့် ပညာရေးလမ်းကြောင်းကိစ္စက အင်မတန် စိတ်ဝင်စားဖို့ကောင်းပေမယ့် အခုရေးပြလို့ မဖြစ်သေးလို့ နောက်ဆယ်နှစ်လောက်နေလို့ ကိုယ်မသေသေးရင် ရေးပြပါ့မယ်)
.
. . . ကလေးက ရန်ကုန်ဆေးတက္ကသိုလ်ဝင်ခွင့်ရပြီး တက်နေတုန်းမှာ ဂျပန်နိုင်ငံ International University of Health and Wealthfare, Narita Campus က ချီးမြှင့်တဲ့ ပညာသင်ဆုရတော့ မြန်မာပြည်က ဆေးတက္ကသိုလ်ကို မထမနှစ်ပြီးအောင်တက်ပြီး အခုစက်တင်ဘာလကုန် အောက်တိုဘာလဆန်းမှာ ဂျပန်ကိုလာတော့မယ် ပြင်ဆင်နေပြီပေါ့လေ
.
. . . ကိုလတ်နဲ့ ကိုကိုမောင်နဲ့ အရင်ကတည်းက တိုင်ပင်ထားကြတဲ့ အလုပ်တစ်ခုရှိတယ်၊ အစကတော့ အေးအေးဆေးဆေး အချိန်ယူလုပ်ကြဖို့ပေမယ့် အခု သားတော်မောင်က ဂျပန်ပြည်ကို ပညာတော်သင်သွားတော့မှာမို့ အပူတပြင်းနဲ့ လုပ်ကြဖို့ ပြင်နေတာတစ်ခုအကြောင်းကို နောက်စာတစ်ပုဒ်ရေးပြီး ပြောပြပါ့မယ်၊ အခုစာတောင် တော်တော်ရှည်ပြီး တိုင်ပတ်နေတာ သိပေမယ့် သည်းခံပြီးအဆုံးထိ ဖတ်ပေးတာ ကျေးဇူးတင်ပါတယ်
.
ဗိုလ်ကောင်း
၂၉ စက္တင္ဘာ ၂၀၁၉

ႏွမလက္ေလွ်ာ့ေနေလေတာ့

. . . ျမန္မာေခတ္ေဟာင္းသီခ်င္းေတြ ကာလေပၚသီခ်င္းေတြ ႀကိဳက္တတ္တဲ့ ၀ါသနာက အေမ့ဆီက ရတယ္ထင္တာပဲ။ အေမက ငယ္ငယ္ကဆို သီခ်င္းေလးတေအးေအး ဆိုေလ့ရွိေတာ့ မာမာေအးတို႕ တင္တင္ျမတို႕ သီခ်င္းသံေတြက နားယဥ္ေနတာကိုး။ အိမ္မွာက ေလဒီယို တစ္လံုးပဲ နားေထာင္စရာရွိတာမို႕ ျမန္မာ့အသံကလႊင့္တဲ့ သီခ်င္းေတာ္ေတာ္မ်ားမ်ားလည္း အမွတ္တမဲ့ပဲျဖစ္ျဖစ္ နားေထာင္ျဖစ္ခဲ့တယ္။ ေနာက္ပိုင္း အိမ္ကထြက္သြားၿပီးတဲ့ေနာက္မွာလည္း ကက္ဆက္ေခတ္၊ စီဒီဓာတ္ျပားေခတ္၊ ကြန္ျပဴတာလက္ေတာ့၊ အင္တာနက္နဲ႕ အခုလက္ရွိ အိုင္ဖုန္း အိုင္ေပါ့ေတြေခတ္အထိ ျမန္မာသံစဥ္သီခ်င္းေတြကို စြဲစြဲၿမဲၿမဲ နားေထာင္ျဖစ္ၿပီး ဆိုရတာလည္း သေဘာက်ေနတုန္း

. . . ဟိုေန႕က မီးဖိုထဲမွာ ကိုယ့္ျမန္မာေတြခ်ည္းပဲရွိေနေတာ့ ဟင္းခ်က္ရင္း တြံေတးသိန္းတန္ရဲ႕ ႏွမလက္ေလွ်ာ့ေနေလေတာ့ ဆိုတဲ့ သီခ်င္းေလးကို ဆိုမိေတာ့ သူငယ္ခ်င္းတစ္ေယာက္က အဲသည္သီခ်င္းရဲ႕ မူရင္းအစကို သိလားတဲ့ ။ သိတာေပါ့လို႕ ကဗ်ာကို အခုဆိုရင္ေတာင္ ရေနေသးတယ္ဆိုၿပီး ဆိုျပ တစ္ခ်ိဳ႕ေနရာေတြ ေမ့တာလည္းရွိေတာ့ သူကလည္း ေထာက္ျပေပးေပါ့။ ကိုယ့္လို ေရွးကဗ်ာေတြ ျမတ္နိုးတတ္တဲ့သူတစ္ေယာက္နဲ႕ အခုလို ကဗ်ာအခ်ီအခ် ဆိုရတဲ့ အရသာကို မရဖူးတာ ၾကာခဲ့ပါၿပီေကာ

. . . ႏွမလက္ေလွ်ာ့ေနေလေတာ့ ဆိုတဲ ့သီခ်င္းရဲ႕ မူရင္းအစျဖစ္တဲ့ ပုေရနိသင္အစခ်ီ ပုိဒ္စံုရတုကို ရွင္မဟာရဌသာရ ေရးခဲ့တာပါ။ ကိုယ္တိုင္ေတာ့ တကၠသိုလ္မွာ ျပဌာန္းစာအေနနဲ႕ မသင္ဖူးေပမယ့္ ပထမႏွစ္နဲ႕ ဒုတိယႏွစ္ျမန္မာကဗ်ာလက္ေရြးစင္စာအုပ္ကို အိမ္က အမေတြရဲ႕ စာအုပ္ပံုထဲကရခဲ့လို႕ ဖတ္မိၿပီး စာအုပ္ကို အပိုင္သိမ္းထား ႀကံဳတိုင္းဖတ္ျဖစ္ေနတာ အခုထိပါပဲ။ အငယ္တုန္းက အားရင္ စာေတြပဲအဖတ္မ်ားေတာ့ ကိုယ္ႀကိဳက္တဲ့ ကဗ်ာေတြဆို အလြတ္နီးပါးကို ရေနတဲ့အထဲ ဒီကဗ်ာလည္း အပါအ၀င္၊ ေက်ာင္းမွာ မသင္ခဲ့ရေတာ့ သူ႕ရဲ႕ ဖြင့္ဆိုရွင္းျပခ်က္ေတြ ေသခ်ာႀကီး နားလည္ေနတာ မဟုတ္ေပမယ့္ ကိုယ္နားလည္သေလာက္နဲ႕ ဒီကဗ်ာကို ႀကိဳက္မိစြဲမိတယ္။

. . . ရွင္မဟာရဌသာရက ပဥၨင္းတက္ၿပီးခ်ိန္မွာ လူငယ္ဘာသာဘာ၀ ရပ္ထဲရြာထဲက မာတုဂါမတစ္ေယာက္နဲ႕ ရည္ငံမိတယ္ထင္ပါရဲ႕။ ကေလးမက “ထပ္ရစ္လက္သင္ ထံုးစတြင္” ဆိုတာ ဆံပင္အုပ္လံုးသိမ္းအရြယ္ကို ေျပာပံုရတယ္။ ဒီလိုနဲ႕ ခိုးေျပးဖို႕လားဘာလား မိန္းကေလးနဲ႕ အခ်ိန္းအခ်က္ လုပ္ၿပီးခါမွ သတိသံေ၀ဂရၿပီး ကိုယ့္ရဲ႕စိတ္ကို ျပန္ထိန္းၿပီး ေကာင္မေလးကို “ဒီဘ၀တြင္ ႏွမလက္ေလွ်ာ့ ေနေလေတာ့ဟု” ႏုတ္ဆက္လိုက္ပံုပါပဲ။

. . . ဒီကဗ်ာမွာ သူ႕နဲ႕ရည္ငံေနတဲ့ ေကာင္မေလးကို ျငင္းပယ္လိုက္တာကိုပဲ လူသိမ်ားၿပီး ဘာလို႕ သတိတမန္ ဥာဏ္ေျမကတုတ္နဲ႕ ကိုယ့္စိတ္ကို ခၽြန္းျပန္အုပ္ႏိုင္ခဲ့လဲဆိုတာကို သိပ္သတိမထားမိၾကတာ မ်ားပါတယ္။ ကိုယ္နားလည္မွုအရဆိုရင္ ရွင္မဟာရဌသာရ သာသနာ့ေဘာင္ကို ၀င္တယ္ဆိုတာ “လူ႕ေျမတိတြင္ ဘက္မျမင္သား” လို႕ ဒုတိယပုိဒ္မွာခ်ီထားတဲ့ ရဟန္းမယ္ေတာ္ရဲ႕ ဆံုးမမွုကို ငဲ့ကြက္ၿပီးအခုလို သတိသံေ၀နဲ႕ ျပန္ထိန္းသိမ္းခဲ့တယ္လို႕ နားလည္ရပါတယ္။ ဒါေပမယ့္

. . . ကဗ်ာရဲ႕ တတိယပုိဒ္မွာေတာ့ စာဆိုအရွင္ရဲ႕ သက္ျပင္းသံ တၿငီးၿငီးကို ၾကားေနရသလိုပါပဲ။ သူ႕ေကာင္မေလးကို ရဟန္းဘ၀နဲ႕ မအပ္စပ္လို႕ စြန္႕လႊတ္လိုက္ရေပမယ့္ တကယ္တမ္းက်ေတာ့ သူ႕ရင္ထဲမွာ ေကာင္မေလးကို ေမ့ႏိုင္ပံုမရပါဘူး။ ၿမိဳ႕ေရွ႕က ေညာင္ပင္ရုကၡစိုးကို သက္ေသထားၿပီး အခ်စ္ေတြတိုင္တည္ခဲ့တာကို တတမ္းတတျဖစ္ၿပီး ညေတြညေတြမွာ နာရီေတြသာ တစ္နာရီၿပီးတစ္နာရီ ကုန္သြားတယ္ သူ႕မွာေတာ့ အိပ္၍မေပ်ာ္ေသာ ညတစ္ညသံသရာလည္ ျဖစ္ေနရတဲ့အေၾကာင္း သနားစရာ ေရးဖြဲ႕ထားတာကို ခံစားမိပါတယ္

. . . ေနာင္မ်ားႀကံဳတဲ့အခါ ျမန္မာစာဆရာေတြနဲ႕ေတြ႕ရင္ ကဗ်ာအေၾကာင္း ေသခ်ာရွင္းျပခိုင္းဖို႕ မွတ္ထားတယ္၊ အလ်ဥ္းသင့္တဲ့အခါ သီခ်င္းဆိုၿပီး တင္ေပးပါအံုးမယ္

ဗိုလ္ေကာင္း

၁၀ ၾသဂုတ္ ၂၀၁၉

ေသာက္တလြဲဗ်ဴရိုကေရစီ

. . . ဗ်ဴရိုကေရစီကိုပဲ ဆဲရမလား ဗ်ဴရိုကရက္ေတြကိုပဲ ဆဲရမလား
နဂိုကတည္းကိုက ဒီလိုကိစၥေတြအတြက္ ခ်မွတ္ထားတဲ့ လုပ္ထံုးလုပ္နည္းကို မရွိဘဲ လက္တန္းေတြ လုပ္ခဲ့ၾကသလား၊ ရွိလ်က္နဲ႕ပဲ လုပ္ထံုးလုပ္နည္းကို ေသာက္ဂရုမစိုက္ဘဲ စိတ္ကူးတည့္ရာေတြ ေလွ်ာက္လုပ္ေနၾကလားေတာ့မသိဘူး
.
. . . ပတ္စ္ပို႕သက္တမ္းကုန္လို႕ စစ္သံရံုးကေနတစ္ဆင့္ သံရံုးကို သတင္းပို႕ၿပီး သက္တမ္းတိုးဖို႕လုပ္တယ္၊ ကိုယ္တိုင္ေရးတင္ျပစာ၊ သက္ဆိုင္ရာ ၀န္ႀကီးဌာနစာ စသည္ျဖင့္ ေတာင္းတဲ့စာရြက္စာတမ္းေတြ အကုန္ေပးလိုက္တယ္၊ ေဟာ ကိုယ့္ကိစၥႀကီး ျမန္မာျပည္ေရာက္ေတာ့လည္း ကိုယ့္ရံုးထိ ျပန္ေရာက္သြားၿပီး ကိုယ့္ရံုးကေန ပတ္စ္ပို႕အသစ္ထုတ္သလို လုပ္ငန္းစဥ္ကို အစအဆံုး လိုက္လုပ္ရျပန္တာပဲ၊ ဒါနဲ႕မ်ား ဘာလို႕ သံရံုးကို ျဖတ္ခိုင္းေနေသးလဲ၊ စစ္သံရံုးကေနတစ္ဆင့္ ျမန္မာျပည္က ကိုယ့္ရံုးကိုယ္ပဲ တိုက္ရိုက္ဆက္သြယ္ၿပီး လုပ္ေတာ့မေပါ့၊ နားရြက္ပတ္ကိုင္ေနရတာကိုေျပာပါတယ္၊ ျမန္မာျပည္က လိုအပ္တာ အေသးစိတ္ စိတ္ရွည္လက္ရွည္လိုက္လုပ္ေပးတဲ့ ညီေလးေတြရွိလို႕မွ ေက်းဇူးတင္စြာနဲ႕ ေတာ္ပါေသးရဲ႕လို႕ ေအာက္ေမ့မိတယ္
.
. . . အခု ပတ္စ္ပို႕စာအုပ္အသစ္ထြက္လာၿပီဆိုေတာ့လည္း ကိုယ့္ရံုးကပဲ ထုတ္ၿပီး တိုက္ရိုက္ပို႕ေပးရမလိုလို၊ ႏိုင္ငံျခားေရး၀န္ႀကီးဌာနကပဲ သံရံုးကို ပို႕ေပးမလိုလို၊ ဟိုလိုလိုဒီလိုလို ျဖစ္ေနတုန္း
.
. . . ျမန္မာျပည္ကေန ဂ်ပန္ျပည္၀င္ခြင့္အတြက္ လုပ္ရတုန္းကေတာင္ အလုပ္ကိုရွင္းေနတာ၊ ကိုယ္ႏိုင္ငံမွာ ကိုယ့္ကိစၥကိုယ္လုပ္ခါမွ တိုင္လာပတ္ေနတယ္
.
. . . ေနစမ္းပါအံုး
ခင္ဗ်ားတို႕ မိုဖာက အာ့လိုပဲ လက္တန္းေတြ ေလွ်ာက္ေလွ်ာက္လုပ္ေနတာလား

အံ့ၾသဘ

kaki business

Let's see it from the perspective of the state's economic strength in the market economic system. In the current system, the sole function of the state in the entire economy of the country is regulation. The state must focus on the fact that all the economy must be under the regulation of the state including the economic enterprises of the military. If the state can view the military as the biggest taxpayer of the country (currently the state can do nothing else other than that), the best job for the state is to make sure that the military's businesses are playing in the level ground with the other businesses in the country and all of them are following the rule governed. We should not forget the point that we are focusing on the civilian control of the military, NOT destroying the asset of the military because the asset of the military is the asset of the country too. If the government is really willing to do, the military's giant businesses can be under the control of the rule and regulation. To sum up my opinion, the attempt to eradicate the military's asset of the country should not be viewed optimistically.

စာကြမ်းပိုး (၂)

. . . အငြိမ်းစားကျောင်းဆရာကြီး ဦးမောင်မောင်ကြီးနဲ့ ဒေါ်ဝင်းကြည်က သားသုံးယောက်နဲ့ သမီးထွေးလေးတစ်ယောက်ရှိပြီး မောင်နှမလေးယောက်လုံးကို အဖေနာမည်ရော အမေနာမည်ပါထည့်ပြီး ကဗျာဆန်ဆန်လေးတွေ နာမည်ပေးထားတာ၊ ကိုလတ်က ကိုကိုမောင်နဲ့အတန်းတူ၊ ညီအငယ်ဆုံးက ကိုကိုမောင့်အောက်က ညီညီနဲ့ အတန်းတူ။ ညီညီရော ဇာနည်မောင်ရော နှစ်ယောက်လုံးက စာတော်ကြတယ် အတန်းတွေမှာ ပထမဒုတိယ အလှည့်ကျယူကြတာပေါ့။ ကိုလတ်တို့ ညီမအငယ်ဆုံးလေးက သူတို့အိမ်မှာ စာအတော်ဆုံးနဲ့ အချောဆုံးလို့ဆိုတယ်၊ ကိုယ်ရွာမှာရှိတုန်းက ညီမအငယ်ဆုံးကစ်ကစ်က ကလေးပဲရှိသေးတော့ ကြီးမှလှလာတာကို ပုံထဲမှာပဲမြင်ဖူးသေးတာ၊ တွေ့မှ သေချာကြည့်ရအုံးမယ်
.
. . . ကိုလတ်နဲ့ ကိုကိုမောင်က စာအတူကျက်ကြတယ်ဆိုပေမယ့် ကိုလတ်က အပေါင်းအသင်းဝင်ဆန့်တဲ့သူမို့ ကျောင်းမှာအပေါင်းအသင်းနည်းတဲ့ ကိုမောင်နဲ့ သိပ်တွဲဖြစ်ကြတယ် မရှိပါဘူး၊ ကိုလတ်အိမ်မှာစာကျက်တဲ့အခါပဲ အပေါင်းအသင်းဖြစ်တာပါ။ ကိုလတ်အဖေ ဆရာဦးမောင်မောင်ကြီးကလည်း ကျောင်းဆရာပီပီ ပညာရေးကို အားပေးတဲ့သူဆိုတော့ ကိုလတ်တို့အိမ်မှာ စာလုပ်ရတာ ကိုယ့်မိဘအိမ်မှာလိုပါပဲ၊ လူကြီးတွေရဲ့ ဂရုစိုက်မှုကြောင့် သိပ်ပြီး ဂလေရိုက်လို့မရဘူးရယ်၊ စာမလုပ်ဘဲ နည်းနည်းလောက်လေဖောမိရင် ဦးဦးကဖြစ်ဖြစ် အန်တီကဖြစ်ဖြစ် သားတို့ရေဆိုတဲ့အသံကြားရင် ချက်ချင်း စာအော်ကျက်ရတယ်၊ ဒီလိုနဲ့ပဲ ကိုယ်လည်း ဆယ်တန်းတွေဘာတွေအောင်ပြီး စစ်တပ်ထဲ ရောက်သွားတယ်ဆိုပါတော့
.
. . . ကိုယ်တွေနေခဲ့တုန်းက မူလတန်းပဲရှိသေးတဲ့ စာသင်ကျောင်းကလည်း တွဲဘက်အထက်တန်းတွေဘာတွေဖြစ်နေပြီး ကိုလတ်ကလည်း အနီးကပ်လိုတာပံ့ပိုးပေးနေတဲ့သူဆိုတော့ ကျောင်းနဲ့ပတ်သက်ရင် ကိုလတ်ကိုပဲ သိချင်တာတွေလှမ်းလှမ်းမေးရတယ်၊ စာဖတ်ဝါသနာပါတဲ့ ကိုလတ်သားရယ်၊ ကိုယ်ကလည်း ကျောင်းမှာ စာကြည့်တိုက်တစ်ခုတည်ထောင်ဖို့ နဂိုကတည်းက စိတ်အားထက်သန်နေတာရယ်၊ သူ့သားလုပ်ချင်တာကို ဖြည့်ဆည်းပေးဖို့ အမြဲအသင့်ရှိနေတဲ့ ကိုလတ်ရယ် သုံးယောက်အကြောင်းတိုက်ဆိုင်ပြီး အင်းသာစာသင်ကျောင်းမှာ စာကြည့်တိုက်တစ်ခုတည်ထောင်ဖို့ ဖြစ်လာခဲ့တယ်
.
. . . ကိုလတ်တို့သားအဖကလည်း တစ်ယောက်နဲ့တစ်ယောက် သားအဖဆိုတာထက် သူငယ်ချင်းတွေလို ရင်းရင်းနှီးနှီးနေကြတော့ ကိုယ်နဲ့ ကလေးနဲ့ကလည်း သူငယ်ချင်းတွေလိုပေါ့၊ ဂျပန်ကိုလေ့လာရေးခရီးလာတုန်းက သူနဲ့ပြောဖြစ်တဲ့အထဲမှာ စာကြည့်တိုက်ထောင်ဖို့ကိစ္စပါ ပါတယ်၊ ပထမဆုံး စဉ်းစားရတာက စာကြည့်တိုက်ကို အပြင်မှာထောင်မလား ကျောင်းထဲမှာထောင်မလားပေါ့၊ အပြင်မှာထက် ကျောင်းထဲမှာပဲထောင်ဖို့ အတည်ပြုလိုက်ကြပြီး လက်ရှိအဆောင်တွေထဲနေရာယူပြီးလုပ်မလား သီးသန့်သပ်သပ်ဆောက်မလား စဉ်းစားတဲ့အခါ ကိုလတ်က သပ်သပ်ဆောက်ပေးမယ်လို့ပြောတယ်၊ အစကတော့ ကိုကိုမောင် မြန်မာပြည်ပြန်လာမှ မင်းစိတ်ကြိုက်လုပ် ငါလိုတာလုပ်ပေးမယ်လို့ ကိုလတ်က ပြောထားပေမယ့် ချက်ချင်းထလုပ်ဖို့အကြောင်းက ဖန်လာခဲ့တယ်
.
. . . နိုင်ငံရပ်ခြားကပေးတဲ့ ပညာသင်ဆုတွေနဲ့ပတ်သက်ပြီး သူကြိုးစားနေတာတွေရှိတယ်လို့ ကလေးက ပြောထားတာရှိပေမယ့် ဒီလောက်အဆင်ပြေပြေနဲ့ မြန်မြန်ကြီးရလိမ့်မယ်လို့တော့ မမြော်လင့်ထားခဲ့ဘူး။ ပြီးခဲ့တဲ့ ဇူလိုင်လနောက်ဆုံးပတ်လောက်မှာ ကိုလတ်က ဖုန်းခေါ်ပြီး ကလေးက ပညာသင်ဆုတစ်ခုရလို့ အာ့တာနဲ့ပတ်သက်ပြီး သူ့သားက တိုင်ပင်ချင်လို့ဖုန်းပြောပေးပါအုံးဆိုပြီး ပြောလာတဲ့အထိ အာ့လောက်ကောင်းတဲ့ ပညာသင်ဆုမှန်း မသိခဲ့ဘူး၊ ကလေးနဲ့ စကားပြောတော့မှသာ ကိုယ်လည်း သေချာလေ့လာကြည့်ပြီး တော်တော်ကောင်းတဲ့ ပညာသင်ဆုဆိုတာ သိခဲ့ရတာ၊
.
. . . အခုလက်ရှိတက်နေတဲ့တက္ကသိုလ်ကလည်း ပထမနှစ်ပြီးအောင်တက်သွား ကျန်တဲ့နှစ်တွေ ဆက်တက်ဖို့ကို ဘယ်အချိန်ဖြစ်ဖြစ်လက်ခံမယ်ဆိုတဲ့အခြေအနေ၊ ပညာသင်ဆုပေးတဲ့ တက္ကသိုလ်ကလည်း ဆေးပညာဘွဲ့ရတဲ့အထိ ဆရာဝန်ဖြစ်တဲ့အထိ ပညာသင်စရိတ် ကျောင်းလခ နေစရိတ်စားစရိတ်အပြည့်ပေးမယ်၊ မြန်မာပြည်က ကျန်းမာရေးဝန်ကြီးဌာနကလည်း ဂျပန်နိုင်ငံကပေးတဲ့ဘွဲ့ကို အသိအမှတ်ပြုပြီး ပြန်လာရင် ဆေးကုသခွင့်လက်မှတ်ထုတ်ပေးမယ်ဆိုတဲ့ အစီအစဉ်နဲ့ ရတဲ့ ပညာသင်ဆုဆိုတော့ ဆေးကျောင်းတက်နေတဲ့ သူတစ်ယောက်အတွက် ဒီထက်ကောင်းတဲ့ ပညာသင်ဆုမျိုး ဘယ်မှာမှတောင်ရှာလို့ရမှာ မဟုတ်ဘူးလို့ ဆိုနိုင်လောက်တယ်။ ပညာသင်ဆုပေးတဲ့တက္ကသိုလ်ကလည်း ဂျပန်နိုင်ငံ တိုကျိုမြို့နားက နာရီတာ အပြည်ပြည်ဆိုင်ရာလေဆိပ်ကြီးရှိတဲ့ Narita Campus မှာဖွင့်ထားတဲ့ International University of Health and Welfare သူကလည်း နိုင်ငံတကာက ကျောင်းသားတွေကို လက်ခံသင်ပေးနေတဲ့ ဆေးဘက်ဆိုင်ရာတက္ကသိုလ်ကြီးဆိုတော့ ဂျပန်ပြည်ကိုသွားတက်တယ်ဆိုပေမယ့် ဂျပန်လူမျိုးတွေတင်မက နိုင်ငံတကာက တော်ပေ့ဆိုတဲ့ ကျောင်းသားတွေနဲ့ပါ အတူတက်ခွင့်ရအုံးမှာဆိုတော့ နည်းတဲ့အခွင့်အလမ်းမဟုတ်ဘူးလို့ ပြောရမယ့်အခြေအနေမျိုး၊ ဒါပေမယ့် (ဒါပေမယ့် ပြီးတော့ ဘာဆက်ရေးမလဲဆိုတော့ အခုမရေးသေးဘူး နောက်ဆယ်နှစ်လောက်နေလို့ မသေသေးရင် ရေးမယ်) ဒီလိုနဲ့ ကိုယ့်ကိုတိုင်ပင်တော့ အထက်မှာပြောခဲ့တဲ့ အချက်တွေအရ ပညာသင်ဆုကို လက်ခံသင့်တဲ့အကြောင်း ထောက်ခံတာပေါ့၊ ဒီလိုနဲ့ ကလေးက ပညာသင်ဆုကို လက်ခံပြီး ကျောင်းသွားတက်ဖို့ လိုအပ်တဲ့ ပြင်ဆင်မှုတွေ စ လုပ်ရတော့တာပေါ့
.
. . . ကလေး ဂျပန်ပြည်ကို ထွက်မသွားခင်မှာ အရင်တုန်းက အေးအေးဆေးဆေး အချိန်ယူလုပ်မယ်ဆိုတဲ့ စာကြည့်တိုက်ကိုလည်း သူဒီမှာရှိနေတုန်း ဖွင့်သွားနိုင်အောင်ပြင်ဆင်မယ်ဆိုပြီး ကိုလတ်က စာကြည့်တိုက်ကို စ ဆောက်တယ်၊ ကျောင်းက တာဝန်ရှိသူတွေနဲ့ တိုင်ပင်ညှိနှိုင်းပြီး နေရာရွေးတာ၊ ပုံဆွဲတာတွေလုပ်၊ ကလေးကိုယ်တိုင် ရန်ကုန်ကပြန်လာပြီး စာကြည့်တိုက်ပန္နက်ရိုက်တာတွေဘာတွေလုပ်ပြီး ကိုယ်တွေသူငယ်ချင်းလည်းဖြစ် အင်းသာကျောင်းနေဘက်သူငယ်ချင်းလည်းဖြစ်တဲ့ စည်ပင်သာရွာသား ကျော်မိုးခိုင်က ဦးစီးပြီးစာကြည့်တိုက်လေးကို ဆောက်ပေးတယ်၊ ဆောက်နေတဲ့ စာကြည့်တိုက်လေး ပြီးလုလုမှာ
(နောက်နေ့ ဆက်ရေးပါမည်)
.
ဗိုလ်ကောင်း
၃၀ စက္တင္ဘာ ၂၀၁၉
.
ဓာတ်ပုံ ၅ ဩဂုတ် ၂၀၁၉ စာကြည့်တိုက်ဆောင်ပန္နက်ရိုက်

ဗုဒၶဓမၼပရဟိတေဖာင္ေဒးရွင္း တရား၀င္ျခင္းမ၀င္ျခင္းႏွင့္ ပတ္သက္ၿပီး

 ဗုဒၶဓမၼပရဟိတေဖာင္ေဒးရွင္း တရား၀င္ျခင္းမ၀င္ျခင္းႏွင့္ ပတ္သက္ၿပီး ဒီေမးခြန္းေတြ ေမးခဲ့ပါတယ္

ဘာသာေရးကိုအေျခခံတဲ့
လူမႈေရးအသင္းအဖြဲ႕ေတြကို
ဥပေဒအရ ဖြဲ႕ခြင့္ရွိသလား

သံဃာေတာ္ေတြက
သံဃာ့အဖြဲ႕အစည္းမဟုတ္တဲ့
လူမႈေရးအသင္းအဖြဲ႕ေတြမွာ
အဖြဲ႕ဝင္ျဖစ္ခြင့္ရွိသလား

ဥပေဒကခြင့္ျပဳထားတဲ့
အသင္းအဖြဲ႕အမ်ိဳးအစားက
ဘယ္ႏွခုေလာက္ရွိလဲ

တရားမဝင္အသင္း
မတရားသင္းအျဖစ္
ဘယ္လိုအခ်က္ေတြနဲ႔ကိုက္ညီရင္
ေၾကညာလို႔ရသလဲ
အသင္းအဖြဲ႕ဆိုင္ရာ ဥပေဒသံုးခု ေတြ႕ပါတယ္
.
၁။ အသင္းအဖြဲ႕မ်ားမွတ္ပံုတင္ျခင္းဥပေဒ
https://www.constitutionaltribunal.gov.mm/lawdatabase/my/law/226?fbclid=IwAR0KevSlekwluJYMRJ3jm7T-BNo-7uYx4SQuRg2elCFZeRpGkADtaOjE3oQ
.
၂။ THE UNLAWFUL ASSOCIATION ACT
https://www.constitutionaltribunal.gov.mm/lawdatabase/my/content/unlawful-association-act-india-act?fbclid=IwAR1PbE5m0_K2gW4YGha5zm_dT-GIXr2RwPkjaT97JWprnThUedWT6kxS6LQ
.
၃။ သံဃာ့အဖြဲ႕အစည္းဆိုင္ရာဥပေဒ
https://www.constitutionaltribunal.gov.mm/lawdatabase/my/law/620

အေျခခံဥပေဒပုဒ္မ ၃၅၄(ဂ) နဲ႕
ဒီဥပေဒသံုးခုရယ္ကို ေလ့လာၿပီးတဲ့အခါမွာ ေအာက္ပါအတိုင္း သံုးသပ္ရရွိပါတယ္

ဗုဒၶဓမၼပရဟိတေဖာင္ေဒးရွင္း တရားဝင္ျခင္းမဝင္ျခင္းကို ႏိုင္ငံေတာ္ရဲ႕ တည္ဆဲ အသင္းအဖြဲ႕ဆိုင္ရာ ဥပေဒမ်ားအရသာလွ်င္ သက္ဆိုင္ရာ ဥပေဒေစာင့္ထိန္းေရးအဖြဲ႕အစည္းမ်ားက ဆံုးျဖတ္ရမယ့္ကိစၥျဖစ္ပါတယ္။ မဘသက ဝင္ဆံုးျဖတ္ေပးရမယ့္ကိစၥလို႔ မျမင္ပါဘူး၊ မဘသမွာလည္း အဲ့သည္လိုဆံုးျဖတ္ေပးႏိုင္တဲ့အာဏာရွိတယ္လို႔ မေတြ႕ပါဘူး၊ သက္ဆိုင္ရာ ဥပေဒမ်ားဟာလည္း အေျခခံဥပေဒကေပးထားတဲ့ ႏိုင္ငံသားတို႔ရဲ႕ မူလအခြင့္အေရးျဖစ္တဲ့ လြတ္လပ္စြာသင္းပင္းဖြဲ႕စည္းေဆာင္ရြက္တာကို အားေပးကူညီဖို႔ ျပဌာန္းထားတဲ့ ဥပေဒမ်ားျဖစ္ပါတယ္၊ ဆိုလိုတာက နည္းလမ္းမက်တဲ့ ဖြဲ႕စည္းမႈျဖစ္ေနသည့္တိုင္ေအာင္ နည္းလမ္းတက်ဖြဲ႕စည္းေဆာင္ရြက္ဖို႔ ကူညီေပးရဖို႔ပါ ႏွိပ္ကြပ္ဖို႔မဟုတ္ပါ သာသနာေရးဝန္ႀကီးဌာနသည္လည္း ဒီအဖြဲ႕က တရားမဝင္ဘူးလို႔ ဆံုးျဖတ္ေပးခြင့္ရွိတဲ့ ဝန္ႀကီးဌာနတစ္ခုမဟုတ္ပါ၊ အခုက ဥပေဒအရ ဆံုးျဖတ္ေပးခြင့္ရွိတဲ့ သက္ဆိုင္ရာေတြမေျပာဘဲ မဆိုင္သူေတြက ၾကည့္မရလို႔ေလွ်ာက္ေျပာေနသလိုျဖစ္ေနပါတယ္၊ ဒီမိုကေရစီစနစ္မွာ ဥပေဒလြတ္ စည္းမ်ဉ္းလြတ္ စိတ္ထင္ရာေလွ်ာက္ေျပာေနျခင္းက ေဘာင္မဝင္ပါဘူး အားလည္းမေပးထိုက္ပါဘူး ဒီအဖြဲ႕တရားဝင္ျခင္းမဝင္ျခင္းနဲ႔ပတ္သက္ၿပီး အုပ္ခ်ဳပ္ေရးပိုင္းက ထိုက္သင့္တဲ့ကူညီေစာင့္ေရွာက္မႈမ်ိဳးအစား ႏွိပ္ကြပ္တာေတြပဲ ဆက္လာေနမယ္ဆိုရင္ ေဖာင္ေဒးရွင္းအေနနဲ႔ ျပည္ေထာင္စုတရားလႊတ္ေတာ္ခ်ဳပ္ကေန သင့္ေတာ္ရာစာခၽြန္ေတာ္တစ္ခု ထုတ္ဆင့္ေပးဖို႔ ေလွ်ာက္ထားၿပီး မိမိတို႔ရဲ႕ လြတ္လပ္စြာသင္းပင္းဖြဲ႕စည္းေဆာင္ရြက္ခြင့္ မူလအခြင့္အေရးကို ကာကြယ္ဖို႔ နည္းလမ္းရွာသင့္ပါတယ္ ဆိုခဲ့တဲ့အထဲက အမွားအယြင္း အေကာက္အယူလြဲေနတာမ်ားရွိရင္ တည့္မတ္ေပးၾကမယ္ဆို ဝမ္းေျမာက္ဝမ္းသာႀကိဳဆိုပါတယ္

 ေဇယ်ာႏိုင္

 ၃၁ ဇူလိုင္ ၂၀၁၉

ေခတ္ပညာတတ္

. . . ေခတ္ပညာတတ္တယ္ဆိုတာ ဆယ္တန္းေအာင္ၿပီး ဘြဲ႕ရတာကို ေျပာတာမဟုတ္ဘူး၊ ေခတ္ေရစီးေၾကာင္းထဲမွာ မလႊဲမေရွာင္သာတဲ့ နည္းပညာေတြ အသံုးအစြဲေတြကို အကၽြမ္းတ၀င္ႀကီးမဟုတ္ရင္ေတာင္ တီးမိေခါက္မိေတာ့ ရွိတာကိုေျပာတာျဖစ္တယ္လို႕ ဆိုခ်င္တယ္။
.
. . . အြန္လိုင္းမွာ မိတ္ေဆြျဖစ္တဲ့ ညီငယ္ေလးတစ္ေယာက္နဲ႕ စကားစျမည္ေျပာၿပီး ဒီစာကို ထေရးျဖစ္တယ္။ အဲသည္ညီငယ္ေလးက ဂ်ပန္ကို အလုပ္သမားေလ့က်င့္ေရးဗီဇာနဲ႕ ေရာက္ေနတာ တစ္ႏွစ္ေလာက္ရွိၿပီတဲ့၊ ေနတာကလည္း တိုက်ိဳၿမိဳ႕နဲ႕ ေလာ္ကယ္ရထားစီးရင္ တစ္နာရီေလာက္ပဲ စီးရတဲ့ ၿမိဳ႕ေလးမွာေနတယ္။ ရထားခကလည္း တိုက်ိဳနဲ႕ အသြားအျပန္မွ ယန္းႏွစ္ေထာင္ေက်ာ္ေလာက္ပဲ က်သင့္တဲ့ေနရာ။
.
. . . စကားေတြေျပာေနရင္းနဲ႕ လာမယ့္ ၾသဂုတ္လ ပိတ္ရက္မွာ ဘယ္ကိုသြားလည္မလဲ ေမးေတာ့ သူက အူရဲနိုကို သြားလည္မယ္တဲ့။ ကိုယ့္မွာ နားမရွင္းလို႕ ျပန္ေမးတာ အူရဲနိုကို သြားလည္မွာတဲ့။ ကိုယ္ဘာလို႕ နားမရွင္းျဖစ္ရလဲ ဆိုရင္ အူရဲနိုဆိုတာ တိုက်ိဳရဲ႕တစ္စိတ္တစ္ပိုင္း နာမည္ႀကီီး တိုက်ိဳကိုသြားတယ္ဆိုရင္ေတာင္ ခလုတ္တိုက္ေနရတဲ့ ေနရာမ်ိဳး အာ့လိုေနရာမ်ိဳးကို ပိတ္ရက္ရွည္မွာ တကူးတက သြားလည္မွာဆိုေတာ့ ကုိယ့္မွာ အထူးအဆန္းေတြျဖစ္လို႕၊ ဘာလို႕ထူးဆန္းသလဲဆိုရင္ ပိတ္ရက္ဆိုတာမ်ိဳးက ရပ္ေ၀းေနရာေတြကိုပဲ တကူးကတ သြားလည္တတ္ၾကၿပီး တိုက်ိဳၿမိဳ႕ထဲဟိုနားဒီနားသြားတယ္ဆိုတာ တကူးတက လုပ္ေနရတဲ့အလုပ္ မဟုတ္ဘူးလို႕ပဲ ယူဆထားလို႕။
.
. . . ဒါနဲ႕ စကားဆက္စပ္ၿပီး ေမးၾကည့္ေတာ့မွ ဆရာသမားေလးက တိုက်ိဳကိုေတာင္ တစ္ေယာက္တည္း မသြားဖူးဘူးတဲ့၊ သြားရင္လည္း သူမ်ားကို ေမးရလြန္းလို႕ ရွက္လာတယ္တဲ့။ မင္းက တယ္လီဖုန္း မရွိဘူးလားဆိုေတာ့ ရွိတယ္တဲ့ မသံုးတတ္ဘူးတဲ့ ဆိုလို႕ တယ္လီဖုန္းကို ခရီးသြားတဲ့အခါ ရထားစီးတဲ့အခါ ေနရာေတြဘာေတြ စားေသာက္ဆိုင္ေတြ ရွာတဲ့အခါ စသည္ျဖင့္ ဘယ္လိုသံုးရလဲဆိုတာ ဖုန္းထဲကေန သင္ေပးေနရေသးတယ္။ သင္သာေပးေနရတာ ဒီေကာင္ ငါ့ကို အေၾကာင္ရိုက္ၿပီး မသိခ်င္ေယာင္ေဆာင္ေမးေနတာလားလည္း ေမးရေသး၊ တကယ္ကို ဖုန္းကို အသံုးမခ်တတ္တာပါဗ်ာ၊ အံ့ႀကီးကို ၾသရပါေလေရာ။
.
. . . ေျပာခ်င္တာက အခုလို လက္ကိုင္ဖုန္းေတြ စမတ္ျဖစ္ေနတဲ့ ေခတ္ႀကီးမွာ လက္ထဲက ဖုန္းကိုေတာ့ အက်ိဳးရွိရွိ သံုးၾကပါလို႕ ေျပာခ်င္တယ္။ စမတ္ဖုန္းဆိုတာ ဖုန္းေျပာဖို႕နဲ႕ ေဖ့ဘုတ္ပြတ္ဖို႕ေလာက္ပဲ သံုးရတာမဟုတ္ဘူး၊ တကယ့္ကို သံုးရင္သံုးတတ္သေလာက္ အသံုး၀င္တဲ့ ပစၥည္းေလးပဲ ဆုိတာ ေျပာျပခ်င္တာ။
.
. . . ဘယ္လိုသံုးရမွာလဲေတာ့ လာမေမးနဲ႕၊ ဖုန္းထဲက app ေတြကို ေလွ်ာက္စမ္းၾကည့္ စာေတြဖတ္ ေမး သံုးၾကည့္ ဒါမွ သိေတာ့မေပါ့။ အထက္က ေျပာခဲ့တဲ့ ညီငယ္ေလးက ဖုန္းကို အာ့လို မသံုးတတ္ဘူး၊ ဂ်ပန္လိုႏိုင္ငံမ်ိဳးမွာ အစစအရာရာ သတင္းအခ်က္အလက္ေတြက အလွ်ံအပယ္ရွိၿပီးသားမို႕ ဖုန္းကို ေကာင္းေကာင္း မသံုးတတ္ရင္၊ ကိုယ္တိုင္က မ်က္စိဖြင့္နားဖြင့္ မေလ့လာရင္ တစ္ေနရာကေန တစ္ေနရာ ေရာက္ဖို႕ မလြယ္ဘူး၊ ေမးလည္းမေမးရဲ႕ ကိုယ္တိုင္လည္း မေလ့လာ စာလည္းမဖတ္။ ကိုယ့္လက္ထဲက ဖုန္းေလးေတာင္ လိုအပ္သေလာက္ မသံုးတတ္မွေတာ့ ဂ်ပန္ကိုေရာက္ေနေပမယ့္ တကယ့္ကို ဂႏိုင္က်တယ္၊ ငယ္ငယ္တုန္းက စကားနဲ႕ေျပာရင္ ျမစ္အေရွ႕ဘက္ကမ္းသားေပါ့။ ေက်ာ္တို႕ ငယ္ငယ္က ျမစ္အေရွ႕ဘက္ကမ္းကိုေျပာတာေနာ္ အခုက လွ်ပ္စစ္မီးနဲ႕ ကားလမ္းက စစ္ေတာင္းျမစ္ကိုေတာင္ ေက်ာ္ေနၿပီဆိုေတာ့ အခု ဒီေန႕ျမစ္အေရွ႕ဘက္ကမ္းသားေတြက အထက္ကေျပာခဲ့တဲ့ ဂ်ပန္ငတိထက္ အပံုႀကီးသာတယ္ေျပာရမယ္။
.
. . . ေက်ာ္တို႕ ငယ္ငယ္ကဆို ပ်ဥ္းမနားကို သြားခ်င္ရင္ ကားရထားစီးရတယ္၊ မနက္ ခုနစ္နာရီဆိုေပမယ့္ မလာမခ်င္းေစာင့္ရတဲ့ ကားရထား။ တစ္စီးပဲရွိတာမို႕ ရထားလည္း မွားတက္စရာမရွိဘူး၊ အသြားလားအျပငန္လားလည္း မွားစရာမရွိဘူး၊ တိုက်ိဳလိုၿမိဳ႕မွာက်ေတာ့ ဒီလိုနဲ႕ မရဘူး၊ တိုက်ိဳဘူတာမွာ ပလက္ေဖာင္း ၂၈ ခုရွိတယ္၊ ပလက္ေဖာင္းတိုင္းမွာ ရထားေတြက သံုးမိနစ္ကေန ငါးမိနစ္ျခား တစ္စီးစီေလာက္ အ၀င္အထြက္လုပ္ေနၿပီး ရထားတိုင္းမွာလည္း လူေတြက တက္ေနဆင္းေနၾကတာဆိုေတာ့ တိုက်ိဳဘူတာ ဘယ္ေလာက္ရွဳပ္မလဲ စဥ္းစားသာၾကည့္ေပေတာ့။
.
. . . ဒါေပမယ့္ ဘယ္ေလာက္ပဲရွဳပ္ရွဳပ္ ပူစရာမလိုဘူး၊ ဘူတာထဲေရာက္သြားရင္ ဘုတ္ေတြမွာ ျပထားတယ္ ဘယ္ရထား ဘယ္ပလက္ေဖာင္း ဘယ္အခ်ိန္ ဘယ္ကိုေရာက္မယ္စသည္ျဖင့္ တီဗီဖန္သားျပင္မွာ အသံနဲ႕လည္း ေၾကညာတယ္ ေျမပံုေတြ လိုင္းေတြျပတဲ့ လက္ကမ္းစာရြက္ေတြဆိုတာလည္း ေအာတိုက္ေနေအာင္ ခ်ေပးထားတာ၊ အဲ ခင္ဗ်ားဘက္က လုပ္စရာ တစ္ခုပဲရွိတယ္၊ ဖတ္ ေလ့လာ၊ တစ္ဘူတာလံုးက စနစ္ႀကီးတစ္ခုလံုး သိစရာမလိုေပမယ့္ ခင္ဗ်ားသြားမယ့္ေနရာ တန္းတန္းမတ္မတ္ မမွားမယြင္း အျမန္ဆံုး ေစ်းအသက္သာဆံုး ဘယ္လိုေရာက္မလဲ ဆိုတာ သိဖို႕ကေတာ့ ခုနေပးထားတဲ့ သတင္းအခ်က္အလက္ေတြကို ဖတ္မွ ေလ့လာမွ သိလိမ့္မယ္
.
. . . ေက်ာ္တို႕ အေမတို႕ ေခတ္နဲ႕ ေက်ာ္တို႕ေခတ္နဲ႕ အခုဆယ္ေက်ာ္သက္ေတြေခတ္နဲ႕က ကြာခ်င္တုိင္း ကြာသြားၿပီ။ အေမတို႕တုန္းက ေက်ာ္တိို႕တုန္းက ေခတ္က ငယ္ငယ္က သာ၀တၳိဘူတာလိုပဲ၊ သတင္းအခ်က္အလက္ သိပ္မလိုဘူး၊ ေရြးခ်ယ္စရာလည္း သိပ္မရွိဘူး၊ သိစရာလည္း မ်ားမ်ားစားစားမရွိဘူး၊ ပ်ဥ္းမနားကို ကုန္က်စရိတ္သက္သက္သာသာနဲ႕ မနက္ပိုင္းမွာ သြားမယ္ဆို ကားရထားသြားစီး၊ ပလက္ေဖာင္းက တစ္ခုတည္းေပမယ့္ ရပ္ခ်င္တဲ့ လမ္းေၾကာင္းမွာရပ္တယ္ ရထားကလည္း တစ္စီးတည္းမို႕ လာရင္တက္ လိုက္သြား၊ အင္မတန္မွကို ရိုးရွင္းတယ္
.
. . . အခုေခတ္က တိုက်ိဳဘူတာေခတ္ျဖစ္လာၿပီ၊ ေရြးခ်ယ္စရာေတြမ်ားလာတယ္၊ ေရာက္မယ့္ေနရာေတြမ်ားလာတယ္၊ သတင္းအခ်က္အလက္ေတြကလည္း မ်ားလြန္းအားႀကီးေတာ့ အကုန္လည္း အလြတ္မရနိုင္ဘူး၊ ကိုယ္လိုခ်င္တဲ့အခ်ိန္မွာကိုယ္လိုခ်င္တဲ့အရာကုိ ရဖို႕အတြက္က အၿမဲတမ္း ေလ့လာေနဖို႕ လိုလာၿပီ၊ နို႕မဟုတ္ရင္ ရထားေတြ လမ္းေတြအမ်ားႀကီးထဲ ဘယ္ရထားတက္စီးလို႕ စီးရမွန္းမသိတဲ့ အကန္းအအ ျဖစ္ေတာ့မယ္
.
. . . ဒါေၾကာင့္ လူငယ္ေတြ ေခတ္ပညာတတ္ေအာင္လုပ္ၾက။ မကင္းနိုင္တဲ့အရာေတြကို သိတန္သေရြ႕သိေအာင္လုပ္ထားၾက။ ေဖ့ဘုတ္ကို အေပ်ာ္သံုးတယ္ဆိုရင္ေတာင္ ကိုယ့္အေကာင့္ကို ဘယ္လိုလံုၿခံဳေအာင္လုပ္ထားမလဲ သိေအာင္လုပ္ လံုေအာင္လုပ္၊ အင္တာနက္ကမာၻႀကီးထဲ ဂူဂဲေလာက္ေတာ့ ေခါက္တတ္ၾကပါေစ၊ ေျမပံုၾကည့္တတ္ၾကပါေစ၊ ကိုယ့္လုပ္ငန္း ကိုယ့္ပတ္၀န္းက်င္ ကိုယ့္၀ါသနာနဲ႕ ဆက္စပ္တဲ့ အပလီေကးရွင္းေလးေတြ ဘယ္လိုသံုးမလဲ စသည္ျဖင့္ စူးစမ္းတတ္ၾကပါေစ
.
. . . ေျပာခ်င္တာေတြကမ်ားေတာ့ စာက မက်စ္လ်စ္ဘူးျဖစ္ေနေပမယ့္ အဆံုးထိ ဖတ္ေပးတဲ့အတြက္ ေက်းဇူးတင္ပါတယ္။ ဒီေခတ္ဒီအခါႀကီးမွာ ငပိန္းေတြ အျဖစ္မခံၾကပါနဲ႕ ေလ့လာပါ အသံုးခ်ပါ၊ မဟုတ္တာေတြနဲ႕ပဲ အခ်ိန္ကုန္မခံၾကပါနဲ႕
.
ကိုကိုေမာင္
၂၅ ဇူလိုင္ ၂၀၁၉

နည္းပညာ

. . . ဒီစကားလံုးကေတာ့ ၾကားရလြန္းလို႕ ရိုးအီေနတဲ့ စကားလံုးပါ။ အရင္ေရးခဲ့တဲ့ ေခတ္ပညာတတ္ဆိုတဲ့ စာထဲကလိုပဲ ကိုယ္ေတြ ငယ္ငယ္က နည္းပညာနဲ႕ ပတ္သက္ရင္ သိပ္ၿပီး မသိသာေပမယ့္ အခုက ေတာ္တာ္ကို သိသာသြားၿပီ
.
. . . ၿပီးခဲ့တဲ့ ရက္က ေက်ာင္းၿပီးလို႕ ျမန္မာျပည္ျပန္ေတာ့မယ့္ ညီေလးတစ္ေယာက္နဲ႕ စကားစျမည္ေျပာရင္း သူက ျမန္မာျပည္ေရာက္ရင္ အ၀တ္ေလွ်ာ္စက္ ေထာင္မယ္ဆိုတဲ့ စိတ္ကူးေလးကို ေျပာျပတယ္။ (ဂ်ပန္မွာက အိမ္တိုင္းမွာ အ၀တ္ေလွ်ာက္စက္ ရွိခ်င္မွ ရွိမယ္၊ အ၀တ္ေလွ်ာက္စက္ေလးေတြထားေပးထားတဲ့ ေနရမွာ သြားေလွ်ာ္လို႕ရတယ္၊ မစၥတာဘင္း ဟာသတြဲေတြထဲမွာေတာင္ ပါေသး၊ အ၀တ္္ကိုယူသြား ကိုယ့္ဘာသာ စက္ထဲကို ပိုက္ဆံထည့္ ဆပ္ျပာမွဳန္႕ထည့္ေလွ်ာ္၊ ကိုယ့္ဘာသာ အေျခာက္ခံစက္ထဲထည့္ ျပန္ယူလာ၊ အ၀တ္ေလွ်ာ္စက္၀န္ေဆာင္မွုလို႕ေခၚရမယ္ထင္တယ္)
.
. . . ကိုယ္ေတြေက်ာင္းမွာရွိတဲ့ စက္ေတြက ပိိုက္ဆံအေၾကြေစ့ထည့္ရတဲ့ စက္ေတြ တစ္ခါေလွ်ာ္ ယန္းတစ္ရာေစ့တစ္ေစ့၊ အေျခာက္ခံ ယန္းတစ္ရာတစ္ေစ့ စသည္ျဖင့္ေပါ့။ အဲသည္ညီေလးက အာ့လို ပိုက္ဆံထည့္တဲ့ စနစ္မ်ိဳးနဲ႕ လုပ္မယ္ဆိုေတာ့ ကိုယ္က အႀကံေပးတယ္။ ညီေလး မင္း လုပ္မယ့္လုပ္ ဘာလို႕ အေၾကြေစ့လုပ္ေနအံုးမလဲ၊ တရုတ္လို နိိုင္ငံမ်ိဳးမွာ သူေတာင္းစားေတာင္ QR Code နဲ႕ ပိုက္ဆံေတာင္းေနတဲ့ ေခတ္ႀကီးမွာ အာ့လိုနည္းေလးနဲ႕ လုပ္ဖို႕ စဥ္းစားပါလားဆိုေတာ့ သူက ခါးခါးသီးသီးျငင္းတယ္။ သူ႕အေၾကာင္းျပခ်က္က လူေတြက နည္းပညာ အာ့ေလာက္ မသိေသးဘူးတဲ့၊ သူေျပာတာ မွားတယ္လို႕ ဆိုခ်င္တယ္။
.
. . . ကိုယ့္အထင္ေျပာရရင္ လူတိုင္းလက္ထဲမွာ အင္တာနက္ပါတဲ့ စမတ္ဖုန္းေတြရွိေနၿပီ၊ ဘဏ္အေကာင့္လိုဟာမ်ိဳးလည္း ေတာ္ေတာ္ကို လြယ္လြယ္ကူကူ လုပ္လို႕ရေနတာအျပင္ ဘဏ္ေတြကလည္း အြန္လိုင္းေငြေပးေခ်မွဳစနစ္ေတြကို ေတာ္ေတာ္ေလး အားေပးျမွင့္တင္ေနၿပီမို႕ အခုလက္ရွိ ေနာက္ဆံုးျဖစ္ေနတဲ့ QR Code စနစ္ကို တစ္ခါတည္းသြားလိုက္ဖို႕ စဥ္းစားသင့္တယ္လို႕ ကၽြန္ေတာ္က အႀကံေပးခဲ့တာပါ။ သူ႕ကို ေျပာၿပီး အခန္းျပန္ေရာက္ေတာ့ ျမန္မာျပည္ရဲ႕ QR Code သံုးနိုင္မွဳနဲ႕ ေငြေပးေငြယူ၀န္ေဆာင္မွုေတြကို ေတာ္ေတာ္ေလး ရွာဖတ္ျဖစ္လိုက္ေသးတယ္။ ရန္ကုန္မွာေတာ့ မသိဘူး မန္ေလးမွာေတာ့ ဘုရား အလွဴခံပံုးမွာ QR Code နဲ႕ လွဴလို႕ရေနၿပီ။ ပုဂံမွာ ဘုရားတစ္ဆူခ်င္းစီရဲ႕အေၾကာင္းကို ေရာက္တဲ့ ဘုရားမွာ QR Code နဲ႕၀င္ဖတ္လို႕ရေနၿပီ၊ ဒါ့အျပင္ တစ္ႏိုင္ငံလံုး ေငြေပးေငြယူ၀န္ေဆာင္မွုေတြအတြက္ နိင္ငံလံုးဆိုင္ရာအဆင့္ QR Code စနစ္တစ္ခုကိုေတာင္ ေဖာ္ေဆာင္ထားၿပီဆိုတာ ေတြ႕ရတယ္
.
. . . ဒီစာမွာ အဓိက ေျပာခ်င္တာက QR Code အေၾကာင္းေတာ့ မဟုတ္ဘူး။ နည္းပညာအေၾကာင္း၊ နည္းပညာေတြ အလ်င္အျမန္ တိုးတက္ေနတဲ့ ေခတ္ႀကီးမွာ နည္းပညာေနာက္ကို မလိုက္နိုင္ရင္ တိုးတက္တန္သေရြ႕ တိုးတက္မွာ မဟုတ္ဘူးဆိုတာ ေျပာခ်င္တာ၊ ယံုခ်င္လည္း မယံုလည္း ေနၾကေပါ့၊ ဒီထက္ေတာ့ ပိုမေျပာတတ္ေတာ့ဘူး
.
. . . ကိုယ္ ဂ်ပန္မွာ ပထမဆံုး ရထားစီးေတာ့ စာရြက္လက္မွတ္ေလးနဲ႕၊ လက္မွတ္ေရာင္းစက္မွာ ကိုယ္သြားမယ့္ခရီးက်သင့္သေလာက္ လက္မွတ္ဖိုးထည့္ၿပီး လက္မွတ္ထြက္လာတဲ့ အလိုအေလ်ာက္ လက္မွတ္ေရာင္းစက္က ၀ယ္ရတာ။ ရထားတစ္ခါစီးတိုင္း တစ္ခါ ၀ယ္ရတယ္၊ အလုပ္တစ္ခုပိုတယ္၊ အခ်ိန္ပိုကုန္တယ္။ ေနာက္က်ေတာ့ တိုက်ိဳမွာ အသြားအလာမ်ားေတာ့ လက္မွတ္ကတ္ လုပ္လိုက္တယ္။ Suika ဖရဲသီးတံဆိပ္ေလးနဲ႕ စမတ္ကတ္ေလး၊ ပိုက္ဆံကလည္း တစ္ခါထည့္ထားရင္ မကုန္မခ်င္း ထပ္၀ယ္စရာမလိုေတာ့ အခ်ိန္ကုန္သက္သာတဲ့အျပင္ လက္မွတ္ျဖတ္တဲ့ေနရာမွာလည္း အဲသည္ကတ္ေလးကို ကတ္ဖတ္စက္မွာ ကပ္ျပလိုက္ရံုပဲ၊ ကတ္က ပိုက္ဆံအိတ္ထဲ ထည့္ထားတယ္ဆို ပိုက္ဆံအိတ္ေလးကို ကတ္ဖတ္စက္ကို ထိလိုက္တာနဲ႕ လက္မွတ္ျဖတ္သြားၿပီးသားဆိုတာကိုး။ ေနာက္ မဟာဘြဲ႕ရၿပီး ျမန္မာနိုင္ငံကို ျပန္ၿပီး တစ္ေခါက္ျပန္လာေတာ့ အဲသည္ကတ္ေတာင္ မလိုေတာ့တဲ ့စနစ္ျဖစ္ေနၿပီ။ ဖံုးထဲမွာ တစ္ခါတည္း app ထည့္ၿပီး ပိုက္ဆံျဖည့္ရံုပဲ။ ပိုက္ဆံေတာင္ ကိုယ့္ဘဏ္အေကာင့္ထဲက တိုက္ရိုက္ျဖည့္လို႕ရတဲ့အျပင္ ဖုန္းေလးနဲ႕ လက္မွတ္ျဖတ္စက္ကပ္လိုက္တာနဲ႕ လက္မွတ္ျဖတ္ၿပီးၿပီ အာ့ေလာက္ထိ လြယ္သြားတယ္။ ေျပာရရင္ ဂ်ပန္မွာ ကိုယ္ေရာက္ေနတဲ့ ငါးႏွစ္အတြင္း ကိုယ္သံုးတဲ့ ရထားလက္မွတ္မ်ိဳးဆက္က နည္းပညာသံုးဆင့္ ျမင့္သြားတယ္။
.
နည္းပညာကို အထင္မေသးၾကနဲ႕၊ နည္းပညာကို ခိုင္းစားနိုင္ေအာင္လုပ္ၾကဖို႕ သတိေပးခ်င္တယ္
.
ကိုကိုေမာင္
၂၅ ဇူလိုင္ ၂၀၁၉

စန္းကလ်ာ

. . . ဒီစာဖတ္မိတဲ့သူေတြထဲ စန္းကလ်ာကို မွတ္မိေသးတဲ့သူ ဘယ္နေယာက္ေလာက္ရွိပါလိမ့္ ၊ အၿငိမ့္မင္းသမီး စန္းကလ်ာကို သိလိုက္တာ ကိုယ္ေတြက ေနာင္ဆံုးမ်ိဳးဆက္ေတာ့ မဟုတ္ေလာက္ဘူး။ မွတ္မွတ္ရရ ကို္ယ္ဆယ္တန္းေအာင္တဲ့ႏွစ္တုန္းက စန္းကလ်ာရဲ႕ အၿငိမ့္ေၾကာ္ျငာဆိုင္းဘုတ္ကို ပ်ဥ္းမနားေဟာင္းလို႕ ေခၚၾကတဲ့ လမ္းပ်ဥ္းမနားမွာ ေတြ႕လိုက္ေသးလို႕ပဲ။
.
. . . စန္းကလ်ာဆိုတာ ကိုယ္ေတြငယ္ငယ္က သိပ္ကိုရင္းႏွီးေနတဲ့ အၿငိမ့္သမ။ ရင္းနွီးတယ္ဆိုတာ လူခ်င္း သိတာကို ေျပာတာေတာ့ မဟုတ္ပါဘူး။ သူက ကိုယ့္ရြာမွာလာကတဲ့ အၿငိမ့္မင္းသမီး၊ ကိုယ္က အၿငိမ့္မင္းသမီး လွလွေလးကိုေတာင္ မငမ္းတတ္ေသးတဲ့ ခ်ာတိတ္ေပါက္စ။ အင္းသာရြာမွာ အလွဴအတန္းေလးမ်ားရွိလို႕ အၿငိမ့္ထည့္ၿပီဆို စန္းကလ်ာက မပါမျဖစ္လို႕ ေျပာရမယ္ထင္တယ္။
.
. . . အၿငိမ့္မင္းသမီးကို ကာလသားလို မငမ္းတတ္ေသးဘူးဆိုေပမယ့္ စန္းကလ်ာ လွတာကိုေတာ့ ကိုယ္ေတြ ခံစားတတ္တယ္။ သူ႕ကိုယ္လံုးကိုယ္ေပါက္ဘာညာသာရကာ အလွကိုေတာ့ မမွတ္မိဘူးေပါ့ေလ၊ ၾကည့္လည္း မၾကည့္တတ္ေသးဘူးကိုး၊ မ်က္နာေလး လွတာကိုေတာ့ ေကာင္းေကာင္းမွတ္မိေနတယ္။ စံပယ္တင္မဲ့ေလးနဲ႔ အသားေဖြးဥဥေလးနဲ႔ စန္းကလ်ာက ေတာ္ေတာ္ခ်စ္ဖို႔ေကာင္းတဲ့ ပံုစံေလး၊ မွတ္မိတယ္ဆိုေပမယ့္ စန္းကလ်ာ အစစ္ကို မွတ္မိတာေတာ့ မဟုတ္ပါဘူး။ မီးေရာင္ေအာက္ကို၀င္ လူျပက္ေတြနဲ႕တြဲၿပီး မိတ္ကပ္အေဖြးသားနဲ႕ ခါးမွာယပ္ေတာင္လို ခါးေထာင္ထိုင္မသိမ္းအက်ၤီနဲ႕ ေဘာ္ၾကယ္ေျပာင္ေျပာင္လက္လက္ေတြ ထိုးထားတဲ့ ေရသီအနားရွည္ ဗလာထမီနဲ႕ ဆံထံုးႀကီးနဲ႕ သီခ်င္းေတြဆိုလိုက္ လူျပက္ေတြ သားေျပာမယားေျပာ ေျပာတာခံလိုက္ ဆိုင္းဆရာကို စိန္ေခၚလိုက္ ကလိုက္ အလုပ္လုပ္ေနတဲ့ အၿငိမ့္ခြင္က အၿငိမ့္သမ စန္းကလ်ာကိုပဲ မွတ္မိတာပါ။ တစ္ခါတစ္ေလေတာ့လည္း စပ္စပ္စုစုနဲ႕ စန္းကလ်ာ မိတ္ကပ္ျပင္တဲ့အိမ္မွာ အၿငိမ့္ခြင္မစခင္ မင္းသမီး အလွျပင္တာကို တစ္ျခားခ်ာတိတ္ေပါက္စေတြနဲ႕အတူ လိုက္ၾကည့္ဖူးေပမယ့္ သူ႕မူရင္းရုပ္ကို မမွတ္မိပါဘူး။ ကိုယ့္ဦးေလးက ဓာတ္ပံုဆရာဆိုေတာ့ သူ႕မွာ ရြာနဲ႕ပတ္သက္တဲ့ ပံုေတြ ေတာ္ေတာ္မ်ားမ်ားရွိတယ္။ လက္တည့္စမ္းရိုက္ထားတာလား လာမေရြးၾကတာလားမသိ။ အငယ္တုန္းက စန္္းကလ်ာ ဓာတ္ပံုတစ္ပံု အိမ္မွာရွိတယ္၊ အခုေရာ ရွာရင္ေတြ႕ပါအံုးမလား မေျပာတတ္ဘူး။ ျပန္ေရာက္မွ ရွာၾကည့္ရအံုးမယ္
.
. . . ကိုယ္ေတြရြာမွာ ကထိန္ေတြဘာေတြဆို စတိတ္ရွိဳးတစ္ည အၿငိမ့္တစ္ည ထည့္တတ္ေတာ့ အၿငိမ့္ကတိုင္း စန္းကလ်ာက မပါမျဖစ္ပဲလားလို႕ေတာင္ ထင္မိတယ္။ အင္းသာေျမာက္ေက်ာင္း ႏွစ္ေဆာင္ၿပိဳင္ေက်ာင္းႀကီးမ်က္နာစာက သဲေတြေဖြးေနတဲ့ မန္က်ည္းတန္းႀကီးေရွ႕ ေျမကြက္လပ္က်ယ္ႀကီးမွာ သိမ္ကိုေက်ာေပးၿပီးထိုးထားတဲ့ ဇာတ္စင္ေပၚ စန္းကလ်ာ ကခဲ့ဖူးမွာပဲ။ ေႏြရာသီမွာ လုပ္ေလ့ရွိတဲ့ အလွဴပြဲေတြဘာေတြဆိုရင္လည္း အလွဴ႕ရွင္အိမ္က မ႑ာပ္ႀကီးထဲ ခုတင္ၾကမ္းေလးခုေလာက္ဆက္လိုက္ထားတဲ့ အၿငိမ့္စင္မွာလည္း စန္းကလ်ာ ကခဲ့ဖူးမွာပဲ။ အေသးစိတ္ေတာ့ ကိုယ္လည္း မမွတ္မိေတာ့ဘူး။ ေသခ်ာတာကေတာ့ အၿငိမ့္မင္းသမီးက အနည္းဆံုး ႏွစ္ခါေတာ့ ကရတယ္။ ပထမ အ၀င္ေန႕ညမွာ ဇာတ္စင္ေပၚတစ္ခါက၊ ေနာက္ေန႕ ပြဲႀကီးေန႕ ရွင္ေလာင္းလွည့္ရင္ ႏြားလွည္းေပၚမွာ တစ္ခါက
.
. . . စန္းကလ်ာတစ္ေယာက္ ဘ၀ဇာတ္ဆရာ ဆိုသမွ် အလိုက် ငိုခဲ့ရ ကၽြန္မဘ၀ပါရွင္ ဆိုတဲ့ သီခ်င္းေလးကို ငိုသံပါေလးနဲ႕႐ွိဳက္ငင္႐ွိဳက္ငင္ဆို၊ မ်က္ေတာင္ေလး ပုတ္ခတ္ပုတ္ခတ္လုပ္ေနတာကို တကယ္ႀကီးသနားမိၿပီး၊ အၿငိမ့္သမကို ဆူပူဟိန္းေဟာက္ေနတဲ့ ဇာတ္ဆရာလူျပက္ကိုလည္း စိတ္ဆိုးခဲ့ဖူးတယ္။ အၿငိမ့္သမတို႕ ထံုးစံအတိုင္း အၿငိမ့္စင္ေပၚကေန အကိုကာလသားေတြကိို ေစာင္းခ်ိတ္ေျပာတာေလးေတြ ၊ ဟိုးစင္ေထာင့္က အစ္ကိုကာလသားက သူ႕ကိို ဘယ္လိုပိုးတယ္ဆိုတာေတြေျပာတဲ့အခါ ကိုယ္ေတြက တကယ္ေတြ အဟုတ္ႀကီးမွတ္ေနတာကိုလည္း သတိရမိတယ္။ အၿငိမ့္မင္းသမီးက အာ့လိုေလး တစ္ခါေလာက္ေျပာလိုက္ရင္ အၿငိမ့္စင္ေဘးမွာ စုၿပံဳတိုးၾကည့္ေနၾကတဲ့ ရြာက အကိုရြယ္ကာလသားတစ္သိုက္က ေဟးကနဲ ၀ါးကနဲ ညာသံေပးၾကတာကိုလည္း အဲသည္တုန္းက အိေျႏၵမဲ့လိုက္တဲ့သူေတြဆိုၿပီိး စိတ္ထဲက ကဲ့ရဲ႕ဖူးတယ္။ ဟုတ္တယ္ေလ ကိုယ္ေတြက ဇတ္စင္ေရွ႕မွာ ဖ်ာေတြဘာေတြခင္းၿပီး အေမေတြ အစ္မေတြ အေဒၚေတြနဲ႕ အိေျႏၵရရ ပြဲၾကည့္တဲ့သူဆိုေတာ့ သူတို႕ကို ကဲ့ရဲ႕မိတာေပါ့။ ဒါေပမယ့္ အခုမွ ျပန္စဥ္းစားမိတာက အခုေန ငါသာဆိုလည္း သူတို႕လိုပဲ မင္းသမီးကို အနီိးကပ္ျမင္ရမယ့္ အၿငိမ့္စင္ေဘးသြားၿပီိး ေဘာ္ဒါေတြနဲ႕အတူ ေဟးေလး၀ါးေလးလုပ္ ၾကည့္ျဖစ္မွာပဲလို႕ ေတြးမိတယ္။
.
. . . ေတြးမိတယ္ဆိုေပမယ့္ တကယ္ေနာက္ဆံုးၾကည့္ခဲ့ရတုန္းက အာ့လို မၾကည့္ခဲ့ရပါဘူး။ ၿပီးခဲ့တဲ့ ႏွစ္ႏွစ္ေလာက္ ျမန္မာျပည္ကို ေနာက္ဆံုးေရာက္ခဲ့တဲ့အေခါက္က အေမ့အိမ္ျပန္တာမွာ ဘုန္းႀကီးေက်ာင္းထဲ အၿငိမ့္ပြဲနဲ႕တိုးလို႕ အေမတို႕ မမတိို႕ အေဒၚတို႕နဲ႕အတူ ပြဲခင္းထဲ ထုိင္ၾကည့္ခဲ့ရပါေရာလား။ ဘာရယ္ေတာ့ မဟုတ္ဘူး အၿငိမ့္မင္းသမီးကို ဆုေလးဘာေလးခ်ၿပီး သီခ်င္းေတာင္းလို႕ရတယ္ဆိိုလို႕ ပိုက္ဆံနည္းနည္းဆုခ်ၿပီး သီခ်င္းေတာင္းဖို႕ အစ္ကိုတစ္ေယာက္ကို တိုးတိုးတိတ္တိတ္ လႊတ္လိုက္ပါတယ္။ ဟိုအစ္ကိုလုပ္သူက ကိုယ့္နာမည္ပါသြားေျပာလို႕ လူျပက္က စင္ေပၚကေန မိုက္ႀကီးနဲ႕ ကို္ယ့္နာမည္ထုတ္ေအာ္တာ အရွက္ေတြ ျဗန္းျဗန္းကြဲခဲ့ပါေရာလား၊ ရွက္လည္းရွက္ပါရဲ႕ ရွက္လည္းမရွက္နိုင္ေပါင္၊ ေနာက္တစ္ခါဆိုရင္ေတာ့ ဟိုအစ္ကိုကို ေသခ်ာမွာလႊတ္ရမယ္ . . .
.
ကိုကိုေမာင္
၁၀ ဇူလိုင္ ၂၀၁၉
.
(စကားခ်ပ္။ ႏွစ္ေတြကလည္း ၾကာၿပီဆိုေတာ့ ကိုယ့္မွတ္ဥာဏ္ကလည္း ေ၀ေ၀၀ါး၀ါးရယ္၊ ေရးထားတဲ့အထဲ အမွားေတြပါရင္လည္း သိတဲ့သူ ျပင္ေပးခဲ့ၾက)
ပံုက ပန္းခ်ီဆရာ ေအာင္မင္းမင္းရဲ႕ Blue Dance ပန္းခ်ီကား

https://fineartamerica.com/fea…/blue-dance-aung-min-min.html
.
အၿငိမ့္သမ၀တ္စံုက အေခၚအေ၀ၚေလးေတြ ရွင္းျပေပးတဲ့ ယဥ္ေက်းမွဳ၀န္ႀကီးဌာနက KoTin Latt Yu ကိုေက်းဇူးတင္ပါတယ္

ဗစ္တိုးရီးယားေလးအမွဳနဲ႕ပတ္သက္ၿပီး

၁။ အရြယ္မေရာက္ေသးတဲ့ သမီးေလးအေဖတစ္ေယာက္အေနနဲ႕ ဒီလိုအမွဳမ်ိဳးကို ၾကားရတာ ဖတ္ရတာနဲ႕တင္ ရင္ထဲမွာ မြန္းက်ပ္လွတယ္

၂။ သမၼတအိမ္ေတာ္ သတင္းစာရွင္းလင္းပြဲမွာ ဒုရဲခ်ဳပ္ေျပာသြားတဲ့စကားေတြနဲ႕ ပတ္သက္ၿပီး (ကိုယ့္လိုဘာမဟုတ္တဲ့ လူတစ္ေယာက္အေနနဲ႕ေတာင္) ျပန္လွန္ေမးခြန္းထုတ္စရာေတြ တစ္သီႀကီးရွိေနတယ္၊ ျပည္သူတစ္ေယာက္အေနနဲ႕ စိတ္ေက်နပ္ဖြယ္ရာ ရွင္းျပခ်က္မ်ိဳးမဟုတ္ဘူးဆိုေပမယ့္ သူ႕မွာလည္း က်င့္၀တ္အရျဖစ္ေစ လုပ္ထံုးလုပ္နည္းအရပဲျဖစ္ေစ၊ အျခား အေၾကာင္းေတြအရျဖစ္ေစ မေျပာဘဲ ထားရအံုးမယ္ အေၾကာင္းအရာေတြ ရွိေနအံုးမယ္လို႕ ယူဆတယ္။ ရံုးေတာ္မွာ ဒီဟာကြက္ေတြကို ေစ့ေစ့စပ္စပ္ ေမးျမန္းေဖာ္ထုတ္ႏိုင္မယ္လို႕ ေမွ်ာ္လင့္ပါတယ္

၃။ တရားမွ်တမွဳဆိုတာ ဗစ္တိုးရီးယားေလးတစ္ေယာက္တည္းအတြက္ လိုအပ္တာမဟုတ္ဘူး၊ အခုအမွဳမွာ ေက်ာ္ေစာသတင္းနဲ႕ စြပ္စြဲခံေနရသူေတြအတြက္ပါ တရားမွ်တမွုကို ထည့္သြင္းစဥ္းစားႏိုင္မွသာ ကၽြန္ေတာ္တို႕ေတြရဲ႕ တရားမွ်တမွဳလိုလားခ်က္က အဓိပၸာယ္ရွိလိမ့္မယ္

၄။ လူမွဳကြန္ယက္ေတြမွာ ဗစ္တိုးရီးယားေလးအတြက္ ၀န္းရံေနၾကတာေတြက အတိုင္းအတာတစ္ခုအထိ နစ္နာသူအတြက္ အားျဖစ္ေစေပမယ့္ အခုလာက္ဆို လံုေလာက္ပါၿပီ။ ဒီထက္ဆက္သြားေနရင္ ေျပာင္းျပန္အက်ိဳးသက္ေရာက္မွုေတြ ခံရမွာစိုးတယ္။

၅။ တရားရံုးေတာ္ကိုေရာက္သြားတဲ့ အမွဳတစ္ခုမွာ တရားစီရင္ေရးကို ထိခိုက္ေစမယ့္ မလုိလားအပ္တဲ့ဖိအားျဖစ္ေစမယ့္ ေျပာဆိုမွု ေရးသားမွုေတြသည္ တရားရံုးေတာ္ကို မေထမဲ့ျမင္ျပုရာေရာက္ပါတယ္။ ျပစ္မွဳေျမာက္ပါတယ္။ ၀န္းရံၾကသူေတြအေနနဲ႕ စိတ္ခံစားခ်က္ေတြကို ဆင္ျခင္တံုတရားအေနနဲ႕ ေျပာင္းလဲ၀န္းရံနိုင္ရင္ေတာ့ ပိုၿပီးေကာင္းတယ္ဆိုတာ သိေပမယ့္ လူေတြက စိတ္ခံစားခ်က္ကို ဦးစားေပးၿပီး ေလွ်ာက္ေရးေလွ်ာက္ေျပာေနၾကတာကို ဘယ္လိုလုပ္ ထိန္းသိမ္းလို႕ ရပါ့မလဲ

၆။ ျမန္မာျပည္က သမီးရွင္ေတြအတြက္ ကိုယ့္သမီးကုိ ဘယ္လိုသြန္သင္ပညာေပးထားရမယ္ဆိုတာ ဒီအမွဳမတိုင္ခင္ကတည္းကိုက သတိထားမိၾကၿပီးသားျဖစ္ေပမယ့္ ဒီအမွဳက ပိုၿပီး ေလးနက္တဲ့ စိတ္ကူးကိုေပးတာမို႕ အာ့တာကို မေမ့မေပ်ာက္ၾကေသးခင္ သက္ဆိုင္ရာ အင္စတီက်ဴးရွင္းေတြက ဒါနဲ႕ပတ္သက္ၿပီး ပညာေပးမွုေတြကို က်ယ္က်ယ္ပ့်ံပ်ံ႕ စနစ္တက် လုပ္ၾကဖို႕ အခ်ိန္အခါေကာင္းပါပဲ

၇။ သားရွင္ေတြအတြက္လည္း ဗစ္တိုးရီးယားေလးအမွဳမွာ စာနာစိတ္ရွိတာကို ရပ္မထားဘဲ ကိုယ့္သားေတြကို ဘယ္လို သြန္သင္ရမယ္ဆိုတာအထိ ေတြးျဖစ္ၾကေစခ်င္ပါတယ္

က်ားမ

ကိုယ္ အလယ္တန္းေက်ာင္းသားဘ၀က မန္းေလးကို သြားလည္ရင္း အေၾကာင္းအားေလ်ာ္စြာ မိန္းကေလး သီးသန္႕ေက်ာင္းတစ္ခုကို ေရာက္သြားဖူးတယ္။ ကိုယ့္အကိုက အာ့ေက်ာင္းကို ပစၥည္းတစ္ခ်ိဳ႕သြားပို႕ေတာ့ သူ႕ကားလိုက္စီးရင္း ေရာက္ဖူးတာ။ ျမန္မာျပည္မွာ ဒီလို က်ားမ သီးသန္႕ေက်ာင္းေတြလည္း ရွိပါလားဆိုတာ ပထမဆံုး သိလိုက္ရတဲ့အခ်ိန္ပဲ
.
ကိုယ့္သမီးကို ဟိုဟိုဒီဒီ ကိစၥေတြ စိုးရိမ္လို႕ဆိုၿပီး ဒီလိုေက်ာင္းမ်ိဳးမွာ ထားမလားဆိုရင္ေတာ့ မထားဘူးလို့ဘဲ ေျဖရမယ္။
.
ေလာကႀကီးမွာ ကင္းလို႕မရတဲ့ သဘာ၀တရားကို လ်စ္လွ်ဴရွဳလိုက္ရင္ ကိုယ့္သမီးအတြက္ သူ႕အရြယ္တန္ သိသင့္သိထိုက္တာကို သိခြင့္မရေအာင္ ပိတ္ပင္လိုက္ရာပဲေရာက္မွာမို႕ မိန္းကေလး ေယာက်္ားေလး ေရာေႏွာေနရတဲ့ ေက်ာင္းမွာပဲ သမီးက ေနပါေစ၊ ေယာက္်ားေလးဆိုတာ အထူးအဆန္းသတၱ၀ါႀကီးျဖစ္ၿပီး အေၾကာင္းလည္းမသိ မပတ္သက္ရဲ႕ ေယာက္်ားေတြေရွ႕ေရာက္ရင္ အရွက္အေၾကာက္ေတြၾကီးၿပီး ေခါင္းႀကီးငံု႕ေနမယ့္ လူအ လူေၾကာက္ မျဖစ္ေစခ်င္
.
ေနျပည္ေတာ္ေက်ာင္းကိစၥ အင္တာဗ်ူးမွာ ကေလးေတြကို အတန္းထဲက အက္တီဗတီေတြ လုပ္တဲ့အခါ က်ားမ ခြဲျခားၿပီး သတ္သတ္စီ ေဆာ့ခိုင္းတယ္တဲ့ ။ ကိုယ္သာ အာ့ေက်ာင္းက ေက်ာင္းသားမိဘဆိုရင္ ဒီအခ်က္ကို ကန္႕ကြက္မိလိမ့္မယ္
.
ကိုယ့္ကေလးကို စိုးရိမ္လို႕ဆိုၿပီး မတူတဲ့လိင္ေတြနဲ႕ ေ၀းေ၀းထားမနား ထိေတြ႕မွုေပးထားမလားဆိုတာ မိဘေတြ စဥ္းစားမိၾကဖို႕

ေက်ာင္းေကာင္စီဖြဲ႕တယ္ဆိုတာ

အေျခခံပညာေက်ာင္းမ်ားမွာကတည္းက
ေက်ာင္းသူေက်ာင္းသားမ်ားရဲ႕
ဒီမိုကေရစီႏိုင္ငံသားဓေလ့ကို
ျပဳစုပ်ိဳးေထာင္ေပးတာျဖစ္တဲ့အတြက္
ႀကိဳဆိုပါတယ္

ကေလးဘဝကစလို႔
အမ်ားကိုစည္းရံုးၿပီး
အမ်ားရဲ႕ေရြးေကာက္တင္ေျမႇာက္မႈနဲ႔
အမ်ားအက်ိဳးကို
ဦးစီးေဆာင္ရြက္တဲ့ဓေလ့

မိမိၿပိဳင္ဘက္ႏိုင္ၿပီး
မိမိရံႈးနိမ့္တဲ့အခါမွာလည္း
အရွံုးကိုလက္ခံၿပီး
အႏိုင္ရသူကို
ဂုဏ္ျပဳလက္ဆြဲႏုတ္ဆက္ႏိုင္တဲ့သေဘာထား

လူကိူမူတည္တာမဟုတ္ဘဲ
စည္းမ်ဉ္းလုပ္ထံုးကို
မူတည္အေလးထားတဲ့
သင္းဖြဲ႕စည္းမ်ဉ္းတန္ဖိုး

မိမိအက်ိဳးေဆာင္ရြက္မယ့္သူကို
မိမိဉာဏ္ပညာနဲ႔
ေရြးခ်ယ္ေပးတဲ့
မဲဆႏၵရွင္သေဘာထား

အမ်ားတင္ေျမႇာက္ထားသူရဲ႕
ဦးစီးေခါင္းေဆာင္မႈမွာ
ပူးေပါင္းေဆာင္ရြက္တတ္တဲ့
သင္းဖြဲ႕စိတ္ဓာတ္

စတာေတြကို
ျပဳစုပ်ိဳးေထာင္ေပးႏိုင္တဲ့
ေရခံေျမခံေကာင္းလည္း
ျဖစ္လာမွာပါ

သို႔ေသာ္လည္း
ေရွ႕ေဆာင္လမ္းျပမယ့္
သက္ဆိုင္ရာ
ပညာေရးဝန္ထမ္းမ်ားက
အထက္ေဖာ္ျပပါ
ဓေလ့တန္ဖိုးေတြကို
လ်စ္လ်ဴ႐ွဳၿပီး
လက္လြတ္စပယ္
လုပ္ပစ္ၾကမယ္ဆိုရင္လည္း
ဆန္႔က်င္ဘက္ဆိုးက်ိဳးသက္ေရာက္မႈေတြကို
ကေလးငယ္ေတြ
ခံၾကရမွာမို႔

သတိႀကီးႀကီးထားလုပ္ေဆာင္ၾကဖို႔
တိုက္တြန္းလိုရင္းျဖစ္ပါတယ္

ႏိုင္ငံေတာ္အတိုင္ပင္ခံရာထူး ပုဒ္မ ၂၃၂(ဋ) ႏွင့္ ပါတီသို႕ျပန္သြားျခင္း

ရန္ကုန္ေခတ္သစ္မွာေရးထားတဲ့ သတင္းတစ္ပုဒ္အရ “အမ်ဳိးသားဒီမုုိကေရစီအဖြဲ႕ခ်ဳပ္ဥကၠ႒ ေဒၚေအာင္ဆန္းစုုၾကည္သည္ အစုုိးရတာ၀န္မ်ား ရပ္နား၍ ၂၀၂၀ ေရြးေကာက္ပြဲအတြက္ NLD ပါတီသုုိ႔ ျပန္၍ စည္းရုုံးေရးလုုပ္ငန္းမ်ား ေဆာင္ရြက္ႏုုိင္ သည့္ အေျခအေနမ်ား ရွိေနၿပီး ပါတီျပန္မည့္ အေျခအေနမ်ားကိုု အရိပ္အျမြတ္ထုုတ္ေဖာ္ေျပာဆိုုမႈမ်ားရွိေနေၾကာင္း” ဆိုၿပီး ရန္ကုန္တိုင္းျပည္သူ႕လႊတ္ေတာ္နဲ႕ အမ်ိဳးသားလႊတ္ေတာ္ကိုယ္စားလွယ္တစ္ခ်ိဳ႕ကို ကိုးကားၿပီး ေဖာ္ျပထားတာကိုေတြ႕မိေတာ့ အတိုင္ပင္ခံရာထူးနဲ႕ျပည္ေထာင္စု၀န္ႀကီးရာထူးေတြယူထားတဲ့ အစိုးရအဖြဲ႕၀င္တစ္ေယာက္အေနနဲ႕ ပါတီကို ဘယ္လိုျပန္သြားလို႕ ရႏိုင္မလဲဆိုတာေတြ ေတြးမိပါတယ္။
.
အမွန္ေျပာရရင္ ကိုယ္က ဒီခ်ဳပ္ပါတီကို ေတာ္ေတာ္ကို ေမွ်ာ္လင့္ထားခဲ့တာပါ။ သမၼတႀကီးဦးသိန္းစိန္လက္ထက္က မယ္မယ္ရရ လက္ဆုပ္လက္ကိုင္ျပႏိုင္တဲ့ တိုးတက္မွဳေတြ ထင္သာျမင္သာျပဳျပင္ေျပာင္းလဲေရးေတြကို ျမင္ခဲ့ရေတာ့ စစ္အစိုးရ အေငြ႕အသက္မကင္းတဲ့ စစ္သားေဟာင္းႀကီးေတြေတာင္ ဒီေလာက္လုပ္နိုင္တာ၊ ဒီမိုကေရစီကို ဆီမန္းမန္းသလို တတြတ္တြတ္ရြတ္ခဲ့တဲ့သူေတြက ပိုၿပီးေတာင္ အစြမ္းျပႏိုင္မွာပါေလဆိုၿပီး ေမွ်ာ္လင့္ခဲ့တာပါ။ အရင္အစိုးရလက္ထက္က အတိုက္အခံအျဖစ္နဲ႕ ဘယ္အရာကိုမဆို ေ၀ဖန္ေထာက္ျပေနတဲ့သူေတြဆိုေတာ့ သူတို႕က ပိုလုပ္တတ္လို႕ပါေလလို႕ ထင္ခဲ့မိတာလည္း ပါတာေပါ့။
.
ပါတီရဲ႕ စြမ္းေဆာင္ရည္နဲ႕ ပတ္သက္ၿပီး ပထမဆံုး သံသယကို ဘယ္မွာ စရွိခဲ့သလဲဆိုေတာ့ အစိုးရအဖဲြ႕၀င္ေတြရဲ႕ နာမည္စာရင္း လႊတ္ေတာ္ကို တင္တဲ့အခ်ိန္မွာပါ။ ကိုယ္ထင္ထားတာက တကယ့္ကို ဒိတ္ဒိတ္က်ဲ ျပည္တြင္းျပည္ပ ပညာရွင္ေတြ တကယ့္ကို ႏိုင္ငံေတာ္တည္ေဆာက္ေရးကို အားေကာင္းေမာင္းသန္လုပ္နိုင္မယ့္သူေတြနဲ႕ ပြဲထြက္လာမယ္လို႕ ထင္ထားရာကေန ပါတီဥကၠဌကိုယ္တိုင္ေတာင္ ၀န္ႀကီးရာထူး ေလးေနရာ ယူထားရတဲ့အျပင္ ပါလာတဲ့ သူေတြတစ္ခ်ိဳ႕မွာလည္း ပညာအရင္အခ်င္းပိုင္းဆိုင္ရာေဖာ္ျပခ်က္ေတြမွာ ေ၀ဖန္ေထာက္ျပစရာေတြ ပါလာတာမို႕ အရင္တုန္းက သံသယရွိခဲ့တဲ့ ေဒၚေအာင္ဆန္းစုၾကည္ဟာ အက်ယ္ခ်ဳပ္က လြတ္လာၿပီးေနာက္ပိုင္း ပါတီ တည္ေဆာက္ေရးကို ေသခ်ာေရာ လုပ္ေနရဲ႕လားဆိုတဲ့ အခ်က္ဟာ ပိုၿပီး ေမးခြန္းထုတ္စရာ ျဖစ္ခဲ့ရပါတယ္။
.
ကိုယ့္အေတြးအရဆိုရင္ ဥကၠဌဟာ ပါတီကို ဆက္လက္ၿပီး တည္ေဆာက္ေနဖို႕ လိုအပ္တယ္။ တကယ္လို႕ အစိုးရရဲ႕ အုပ္ခ်ဳပ္ေရးမ႑ိဳင္ထဲ ၀င္လိုက္မယ္ဆို အေျခခံဥပေဒအရ ပါတီလုပ္ငန္းေတြ ဆက္လက္လုပ္ကိုင္ခြင့္ မရွိေတာ့တာေၾကာင့္ ပါတီကို ထင္ထင္ေပၚေပၚ ဆက္ၿပီး ဦးစီးလို႕ရမွာ မဟုတ္ဘူး။ ပါတီတည္ေဆာက္ေရးမွာ အားနည္းသြားႏိုင္တယ္။ တကယ္လို႕သာ လႊတ္ေတာ္ဥကၠဌလို ဒုကၠဌလို ရာထူးမ်ိဳးကိုယူလိုက္မယ္ဆိုရင္ ပါတီကိုလည္း ဆက္လက္ၿပီး တရား၀င္ဦးစီးေနလို႕ရတဲ့အျပင္ ပါတီဥကၠဌအေနနဲ႕ေရာ အျပန္အလွန္ထိန္းေက်ာင္းျခင္းအေနနဲ႕ပါ အစိုးရအဖြဲ႕ကို ေကာင္းေကာင္းႀကီးၾကပ္ေနႏိုင္တာမို႕ အစိုးရထဲမသြားဘဲ လႊတ္ေတာ္ထဲမွာပဲ ေနမယ္လို႕ ထင္ခဲ့တာ။ ဒါေပမယ့္ သူက ပါတီကို ပစ္ၿပီး အစိုးရထဲ သြားေနခဲ့တယ္။
.
အခု ပါတီကို ျပန္လာေတာ့မယ္ဆိုေတာ့ အေျခခံဥပေဒ ပုဒ္မ ၂၃၂(ဋ) အရ ျပည္ေထာင္စု၀န္ႀကီးရာထူးကို ကိုင္ထားၿပီး ျပန္လာလို႕ေတာ့ မျဖစ္ႏိုင္ဘူး။ ျပည္ေထာင္စု၀န္ႀကီးရာထူးကိုစြန္႕လႊတ္ၿပီး အစိုးရထဲက ရာထူးကို ဆက္ယူထားအံုးမယ္ဆိုရင္လည္း စၿပီး တီထြင္ကတည္းကိုက အေျခခံဥပေဒဆိုင္ရာ အျငင္းပြားဖြယ္ ရာထူးျဖစ္တဲ့ ႏိုင္ငံေတာ္အတိုင္ပင္ခံရာထူးကို ဆက္ကိုင္ထားမယ့္သေဘာရွိတယ္။ အေျခခံဥပေဒရဲ႕ အႏွစ္သာရ (spirit of law) အရ ျပည္ေထာင္စုအဆင့္အုပ္ခ်ဳပ္ေရးအာဏာပိုင္ေတြကို ပါတီလုပ္ငန္းေတြနဲ႕ သီးျခားခြဲထားတာျဖစ္ေပမယ့္ အေျခခံဥပေဒမွာ မပါတဲ့ အတိုင္ပင္ခံလိုရာထူးမ်ိဳးကို ဂယ္ေပါက္ရွာၿပီး ထြင္ထားမွေတာ့ အေျခခံဥပေဒထဲ မပါဘူးဆိုၿပီး အတိုင္ပင္ခံက ပါတီလုပ္ငန္းမွာ ၀င္လုပ္ခြင့္ရွိတယ္လို႕ ေကာက္ခ်က္ဆြဲဖို႕လည္း ၀န္ေလးမယ္လို႕ မထင္ဘူး။ ဒါေၾကာင့္ ျပည္ေထာင္စု၀န္ႀကီးရာထူးကိုစြန္႕လႊတ္ အတိုင္ပင္ခံရာထူးကို ကိုင္ထားၿပီး ပါတီကို ျပန္ဦးစီးမယ့္နည္းလမ္းတစ္ခုေတာ့ရွိတယ္။

အင္း

ကိုယ္ကသာ ဥပေဒ ေဘာင္၀င္ေအာင္ ေလွ်ာက္စဥ္းစားေနတာပါ၊ တကယ္တမ္းက်ေတာ့ လုပ္ခ်င္ရင္လည္း ဥပေဒကို ကိုယ္လိုသလို အဓိပၸာယ္ဖြင့္ၿပီး လုပ္လို႕ရေနတာႀကီးကို၊ လႊတ္ေတာ္တင္ၿပီး မဲသာခြဲလိုက္၊ ဘာလာလာေဒါင္းေနတာ ေရွ႕မွာ သာေကတေတြမွ ပံုလို႕ပဲမဟုတ္လား

Ref: https://www.facebook.com/khitthitnews/posts/665474250556591

ကေလးေတြကို ေပ်ာ္ခြင့္ေပးလိုက္ပါ

၂၀၁၃ က တစ္ခါ
၂၀၁၈ က တစ္ခါ
စာဖတ္အားသန္တဲ့
Social science စိတ္ဝင္စားတဲ့
ကေလးႏွစ္ေယာက္
ဆယ္တန္းဘာသာစံုဂုဏ္ထူးနဲ႔ေအာင္ေတာ့
ကေလးေတြေရာ
မိဘေတြေရာနဲ႔
စကားေသခ်ာေျပာဖူးတယ္

ကေလးေတြရဲ႕ဝါသနာက
တစ္ျခားဟာျဖစ္ေပမယ့္
မိဘေတြက
ေဆးေက်ာင္းမွေဆးေက်ာင္းပဲ

ကေလးေတြကို
ေပ်ာ္ခြင့္ေပးလိုက္ပါ
ကိုၿငိမ္းေမာင္ရယ္ဆိုၿပီး
မရဲတရဲေတာင္းဆိုၾကည့္ေပမယ့္
သူတို႔စိတ္ဝင္စားမႈနဲ႔ထိုက္တန္တဲ့
ေက်ာင္းေကာင္းေကာင္း
တကၠသိုလ္ေကာင္းေကာင္းကို
လမ္းမၫႊန္ေပးႏိုင္တာမို႔
သိပ္လည္း
မေျပာရဲဘူး

ဆိုလိုခ်င္တာက
ကၽြန္ေတာ္တို႔ႏိုင္ငံမွာ
ေဆး အင္ဂ်င္နီယာ
ကြန္ျပဴတာေက်ာင္းေတြအျပင္
လူမႈေရးဘာသာရပ္ေတြကိုပါ
အဆင့္အတန္းမီမီသင္ေပးႏိုင္တဲ့
ဂုဏ္သတင္းရွိတဲ့ေက်ာင္းေတြ
လိုအပ္ေနၿပီ

ဥပမာ
ရန္ကုန္တကၠသိုလ္ဆိုရင္
ဦးသိန္းစိန္လက္ထက္က
ပညာသင္ဆုေပးတဲ့
COE program အရ
သက္ဆိုင္ရာ ဘာသာရပ္အသီးသီးမွာ
ေရေပၚဆီထိပ္တန္း
ပညာရွင္ေတြ
ေမြးထုတ္ေပးႏိုင္တဲ့အလားအလာရွိခဲ့ေပမယ့္

အခုအစိုးရက
အာ့လိုပညာတတ္ေတြ
သီးသန္႔ေျမေတာင္ေျမႇာက္ေပးမယ့္
မူဝါဒမ်ိဳးကို
စိတ္အားထက္သန္ပံုမရဘူး

မွတ္မိေနတာတစ္ခုရွိတာ
ေဒၚေအာင္ဆန္းစုၾကည္ရဲ႕မွတ္ခ်က္တစ္ခုပဲ
ဒီလို သီးသန္႔လုပ္တာဟာ
လူတန္းစားမညီမွ်မႈကို
အားေပးရာေရာက္တယ္ဆိုတဲ့သေဘာမ်ိဳး
သူေျပာဖူးတယ္
ဒီစကားၾကားေတာ့
ဒီမိုကေရစီနာမည္တပ္ၿပီး
ကြန္ျမဴနစ္ေတြးရွိေနတာပဲလို႔
ကိုယ္က အထင္ေသးဖူးတယ္

အရင္က
ပညာသင္ဆုရထားတဲ့ကေလးေတြ
အခု
မဟာတန္းတက္ေနၾကၿပီ
ပညာသင္ဆုက
တစ္လတစ္သိန္းနဲ႔
တစ္ႏွစ္ဆယ့္ႏွစ္သိန္းကို
ပါရဂူဘြဲ႕ထိတက္ရင္တက္သေလာက္
ဆက္ၿပီးေထာက္ပံ့ေပးသြားမယ္ဆိုေပမယ့္
အာ့လိုပညာသင္ဆုေတြ
ဒီအစိုးရလက္ထက္မွာ
အသစ္ဆက္ေပးေနေသးလား
ရပ္လိုက္ၿပီလား
မသိဘူး

ကိုယ့္အျမင္အရေတာ့
ပညာႀကိဳးစားတဲ့သူကို
ရန္ကုန္တကၠသိုလ္
မန္းေလးတကၠသိုလ္လို
တကၠသိုလ္ႀကီးေတြမွာ
သီးသန္႔
အထူးပ႐ိုဂရမ္ေတြဖြင့္လွစ္ၿပီး
ေျမေတာင္ေျမႇာက္ေပးေစခ်င္တယ္

Social science
ဝါသနာပါတဲ့ေက်ာင္းသားေတြကို
ဂုဏ္ရွိန္ထည္ဝါတဲ့
ေက်ာင္းႀကီးေတြမွာ
ဂုဏ္သိကၡာျမင့္ျမင့္
တက္ခြင့္ရေစခ်င္တယ္

အျမင္ေလးေတြ
ေျပာေပးသြားပါအံုး

ေယာက္်ား မိန္းမ တုိက္ပြဲ

ကိုယ္အၿမဲေစာင့္ဖတ္ျဖစ္ေနတဲ့
ေဖ့ဘုတ္ေပၚက
ဆရာသမားတစ္ေယာက္ေရးထားတာ
ဘယ္သူလဲ အခုေမ့ေနလို႕
.
လင္မယားေတြ ရန္ျဖစ္ၾကၿပီဆို
မိန္းမလုပ္သူက
သူရဲ႕ခြန္အားျဖစ္တဲ့
ပါးစပ္ေသနတ္ကို
အစြမ္းကုန္အသံုးခ်ၿပီး
ပက္ပက္စက္စက္
တိုက္စစ္ဆင္ေနခ်ိန္မွာ


ေယာက္်ားလုပ္သူက
သူရဲ႕ခြန္အားျဖစ္တဲ့
ကိုယ္ခႏၶာအင္အားနဲ႕
မိန္းမကို ျပန္မလုပ္မိေအာင္
မနည္းထိန္းသိမ္းေနရတယ္ဆိုတာ

တစ္ဘက္က
သူ႕ခြန္အားကိုသံုးၿပီး
အနိုင္ယူေနခ်ိန္မွာ
တစ္ဘက္က
ကိုယ့္ခြန္အားကို မသံုးမိေအာင္
အတင္းအံႀကိတ္ၿပီးထိန္းေနရတယ္ဆိုတာ

အာ့တာမ်ိဳးက
လင္ရယ္မယားရယ္မွမဟုတ္ဘူး
မိန္းမေတြက
လုပ္လိုက္ရင္တစ္ခ်က္တည္းနဲ႕
ေသသြားမွွာကို
မလုပ္ဘဲေနတာကို
သိပ္ကမ္းတက္တယ္
ဒါလည္း သူတို႕သဘာ၀ပဲထင္ပါရဲ႕

မထိန္းႏိုင္တဲ့ေယာက္်ားနဲ႕ေတြ႕ေတာ့
အၾကမ္းဖက္ခံရပါတယ္ျဖစ္ကုန္ေရာ

တကယ္တမ္း
ေလာကႀကီးမွာ
မိန္းမေတြရဲ႕ပါးစပ္ေသနတ္နဲ႕
အၾကမ္းဖက္ခံေနရတဲ့ေယာက္်ားေတြ
ဘယ္နေယာက္ေတာင္ရွိေနလဲ
သိဖို႕ေတာ့မလြယ္

stay away from them

As long as you are an emotional being, you might not even notice that you are one of the subjects vulnerable to be manipulated by the player who intentionally keeps trying to mislead you into the trap of illusion which is much worse than the gravitational pull of a black hole you will never escape once you get in.

my emails

အခုလက္ရွိေရာက္ေနတဲ့ တကၠသိုလ္ရဲ႕ အီးေမးကို မသံုးခင္အထိ ကိုယ့္ရဲ႕တရား၀င္အီးေမးအျဖစ္သံုးခဲ့တဲ့ အီးေမးကို ၂၀၀၃ ခုႏွစ္ေလာက္က ဖြင့္ခဲ့တာဆိုေတာ့ အီးေမးသက္တမ္းက ဆယ့္ေျခာက္ႏွစ္ေလာက္ျဖစ္ေနၿပီ၊ အခုထိ ကိုယ့္ရဲ႕ ဒုတိယတရား၀င္အီးေမးအျဖစ္ သံုးေနတုန္း၊

ပထမဆံုးဖြင့္ခဲ့တဲ့ ဘေလာ့ကေတာ့ သင္ၾကားေရးကိစၥေတြနဲ႕မို႕ ေရရွည္ဆက္မသံုးျဖစ္လိုက္ေပမယ့္ ဒုတိယဖြင့္တဲ့ ဘေလာ့က အခု၀င္ၾကည့္ရင္ ကိုယ့္ရဲ႕ ငယ္ဘ၀မွတ္တမ္းေတြကို ေတြ႕ေနရတုန္း။ ၂၀၀၇ ေလာက္မွာ စဖြင့္ခဲ့တာဆိုေတာ့ ဆယ့္တစ္ႏွစ္ေလာက္ရွိၿပီ

အခုလက္ရွိ မွတ္တမ္းတိုက္အျဖစ္သံုးေနတဲ့ ဘေလာ့ကို အိႏၵိယမွာေနတုန္းက စဖြင့္ခဲ့တာ။ အိႏၵိယအေျခခံဥပေဒအေၾကာင္း တစ္ခန္းခ်င္းရွင္းလင္းမွတ္စုေတြကို ျမန္မာလို မွတ္တမ္းတင္မယ္၊ ေနခဲ့တဲ့ ေတြ႕ခဲ့တဲ့ အေတြ႕အႀကံဳေတြကို ေရးမယ္ဆိုၿပီး ဖြင့္လိုက္တာကေန အခုခ်ိန္ထိ စြဲစြဲၿမဲၿမဲ မွတ္တမ္းတင္ျဖစ္ေနတုန္းပဲ

ေဖ့ဘုတ္ကေတာ့ အယံုအၾကည္သိပ္မရွိလို႕ စိတ္ကူးေပါက္ရင္တင္တယ္၊ ဖ်က္ခ်င္လည္းဖ်က္တယ္။ ပိုစ့္ေတြ ပံုေတြတင္မကဘူး၊ ေဖ့ဘုတ္အေကာင့္ကိုလည္း တစ္ႏွစ္တစ္ခါနီးပါးေလာက္ ဖ်က္ၿပီး အသစ္ျပန္သံုးျဖစ္တယ္။ ေဖ့ဘုတ္မွာ သံုးတဲ့ အီးေမးကိုလည္း ကိုယ္တရား၀င္သံုးေနတဲ့ အီးေမးနဲ႕ ဘယ္ေတာ့မွ ခ်ိတ္မထားဘူး။ ေဖ့ဘုတ္အေကာင့္တစ္ခုဖြင့္ရင္ အီးေမးအသစ္တစ္ခုဖြင့္ၿပီး သံုးတာပဲ။ ကိုယ့္အေကာင့္လံုၿခံဳေရးရယ္ ကိုယ့္အီးေမးေတြ လံုၿခံဳေရးရယ္ ဒီေလာက္ေတာ့ ခြဲျခားထားမွျဖစ္မယ္လို႕ ေအာက္ေမ့တယ္

ဒါေၾကာင့္ ေဖ့ဘုတ္ကို အေၾကာင္းျပုၿပီးေတာ့ျဖင့္ ကိုယ့္ကို ေနာက္ေၾကာင္းလွန္ဖို႕ ဘယ္ေတာ့မွမ်ား စိတ္မကူးၾကေလနဲ႕။ကိုယ္ပံုမွန္စာေရးေနတဲ့ ဂ်ာနယ္ေတြ သတင္းစာေတြေတာင္ တစ္ခ်ိဳ႕ သိပ္ကို စည္းစနစ္တက်နဲ႕ မွတ္တမ္းတင္တဲ့ တိုက္ေတြကလြဲရင္ ကိုယ္ဘယ္သူလဲဆိုတာ သိၾကတာမဟုတ္။ ကိုယ့္မွာ သတင္းစာဂ်ာနယ္တိုက္နဲ႕ ဆက္သြယ္တဲ့ အီးေမးက သပ္သပ္၊ ေက်ာင္းကိစၥ တကၠသိုလ္ကိစၥ နဲ႕ ပညာေရးကိစၥအတြက္ သံုးတဲ့ အီးေမးက သပ္သပ္၊ ကိုယ္ဖတ္ခ်င္တဲ့စာေတြဘာေတြနဲ႕ ပတ္သက္ၿပီး သံုးတဲ့အီးေမးက သပ္သပ္၊ ေဖ့ဘုတ္အီးေမးက သပ္သပ္၊ ကိုယ့္ဓာတ္ပံုေတြဘာေတြကို ဂူဂဲဆာဗာမွာ သိမ္းတဲ့ အီးေမးက သပ္သပ္။

တစ္ခုေတာ့ရွိတယ္

ကိုယ့္ဖုန္းကို ရေအာင္ယူႏိုင္ရင္ေတာ့ အာ့တာေတြ ရေကာင္းရမယ္

ဒါေပမယ့္ ကိုယ့္ဖုန္းက စကား၀ွက္ ဆယ္ခါ မွားထည့္မိတာနဲ႕ ဖုန္းထဲက ေဒတာ အကုန္ပ်က္မွာ၊ဖုန္းထဲကေဒတာပ်က္တာက ကိုယ့္အတြက္ ကိစၥမရွိဘူး၊ ဖုန္းထဲကေဒတာက ကေလာက္ထဲ အခ်ိန္နဲ႕တစ္ေျပးညီေရာက္ေနတာ အခ်ိန္မေရြး ျပန္ဆြဲခ်လို႕ရတယ္။ ကိုယ့္ဖုန္းကိုခုိးရင္ ဖုန္းအခြံပဲရေကာင္းရမယ္။ ဆင္းကတ္ကေတာ့ စဥ္းစားမေနနဲ႕ ဖုန္းထဲကဆင္းကတ္က အင္တာနက္သံုးဖို႕အတြက္ပဲ က်န္တဲ့ကိစၥေတြအတြက္ သံုးတဲ့ နံပတ္ပါတဲ့ ဆင္းကတ္ေတြကို ကိုယ္နဲ႕အတူ ထားေလ့မရွိဘူး။

ကိုယ့္အေၾကာင္းကို ေသခ်ာသိခ်င္ရင္ အေသခ်ာဆံုးနည္းလမ္းက တစ္ခုပဲရွိတယ္။ သိခ်င္ရင္ ကိုယ္နဲ႕ခင္ေအာင္လုပ္ ကိုယ္ကခ်စ္ေအာင္ေန၊ ခ်စ္တဲ့သူေတြကို ကိုယ္က သိပ္ယံုတာ

:p :p :p

ငါ့သယ္ရင္း ဟက္ကာေတြ မျမင္ပါေစနက္

ဗူးသီးေၾကာ္

. . . ခင္ဗ်ားကို ဗူးသီးေၾကာ္ခိုင္းတယ္ဆိိုပါေတာ့၊ ဗူးသီးကို အျပင္မွာ တကယ္မေၾကာ္ခင္ ပါးစပ္နဲ႕ အရင္ေၾကာ္ျပဆိုရင္ ခင္ဗ်ား ဘယ္လိုေျပာမလဲ။ ခင္ဗ်ား ဗူးသီးလွီးမယ္ မုန္႕ႏွစ္စပ္မယ္ မီးဖိုမယ္ ဒယ္အိုးတယ္မယ္ ဆီထည့္မယ္ ဆီက်က္ရင္ ဗူးသီးစိတ္ကို မုန္႕ႏွစ္နဲ႕နယ္ၿပီး ဆီပူထဲထည့္ေၾကာ္မယ္ က်က္ရင္ ျပန္ဆယ္မယ္ စသည္ျဖင့္ေပါ့ေလ။
.
. . . ေကာင္းပါၿပီ ဗူးသီးေၾကာ္တာ ခင္ဗ်ားကို မလုပ္ခိုင္းဘူး ကြန္ျပဴတာကို လုပ္ခိုင္းမယ္ ပရိုဂရမ္ေရးေပးဗ်ာဆိုရင္ ဘယ္လိုေရးမလဲ၊ အေျခခံအားျဖင့္ေတာ့ ခုနေျပာတဲ့ အဆင့္ေတြကို ကြန္ျ့ပဴတာနားလည္တဲ့ ဘာသာစကားနဲ႕ ေရးၿပီး စက္ကို ခိုင္းရမွာပါပဲ။ အာ့လိုခိုင္းရင္ အဆင့္ေက်ာ္လို႕ လြဲလို႕မရဘူးေနာ္၊ ဥပမာအားျဖင့္ မုန္႕ႏွစ္နဲ႕ဗူးသီးစိတ္နယ္တဲ့အဆင့္ရယ္ ဗူးသီးဖတ္ကို ဆီပူထဲထည့္တဲ့ အဆင့္ရယ္ ႏွစ္ခုက ေရွ႕ေနာက္လြဲလို႕မရဘူး၊လြဲရင္ မုန္႕ႏွစ္ကၽြပ္ကၽြပ္ရြရြေလးနဲ႕ ဗူးသီးေၾကာ္မထြက္ပဲ ဗူးသီးဖတ္ဆီပူေၾကာ္မွာ မုန္႕ႏွစ္အစိမ္းေတြနယ္ထားတာႀကီးရမွာ
.
. . . လြန္ခဲ့တဲ့ ဆယ့္ေလးငါးႏွစ္က ကိုယ္လည္း ရန္ကုန္တကၠသိုလ္မွာ ကြန္ျပဴတာအေျခခံနဲ႕ ပရိုဂရမ္ေရးနည္းေတြကို သင္ဖူးခဲ့တာရယ္ လုပ္ငန္းခြင္မွာ လက္ေတြ႕သံုးဖူးတာရယ္ေတြေၾကာင့္ ဒီဟာေတြနဲ႕ ပတ္သက္ရင္ အခုထိကို ထိေတြ႕သံုးစြဲေနျဖစ္တာ။ အခု အသက္ကိုးႏွစ္ထဲေရာက္ေနတဲ့ သမီးျဖစ္သူကို ကြန္ျပဴတာ ပရိုဂရမ္ကုတ္ေရးသားနည္း စသင္ေတာ့မယ္ဆိုေတာ့ အဲ့သည္ပညာရပ္နဲ႕ အဆင့္ျမင့္ဘြဲ႕ရထားၿပီး လက္ေတြ႕လည္း အသက္ေမြး၀မ္းေက်ာင္း ပညာရွင္တစ္ပိုင္းျဖစ္ေနတဲ့ သူငယ္ခ်င္းက မ်က္ကလဲဆန္ျပာနဲ႕ မွတ္ခ်က္ဆန္တဲ့ ေမးခြန္းတစ္ခု ထေမးတယ္။
.
. . . ကေလးက မငယ္ေသးဘူးလား တဲ့
.
. . . ကိုယ္ေတြေက်ာ္ျဖတ္ခဲ့တဲ့ အေတြ႕အႀကံဳအရဆိုရင္ေတာ့ အသက္ရွစ္ႏွစ္ကိုးႏွစ္က ကြန္ျပဴတာ ပရိုဂရမ္ကုတ္ေရးနည္းသင္ဖို႕ အလြန္ကို ငယ္ေသးတယ္လို႕ ယူဆႏိုင္ေပမယ့္ တကယ္တမ္းက ပရိုဂရမ္တစ္ခုေရးတဲ့ေနရာမွာ စဥ္းစားရတဲ့ ယုတၱိေဗဒနဲ႕ လုပ္ငန္းစဥ္စဥ္းစားနည္းက အသက္ ငါးႏွစ္ေျခာက္ႏွစ္ ဆိုရင္ကိုပဲ စသင္လို႕ ရေနပါၿပီ။ ေနာက္ၿပီး ကေလးေတြကို ပရိုဂရမ္ကုတ္ေရးသားနည္းနဲ႕ ပတ္သက္တဲ့ ကေလးကစားစရာစာအုပ္ေတြ ရွိေနပါၿပီ။ အဲသည္ထဲက ကစားနည္းေလးေတြ ကစားရင္းနဲ႕ ကေလးက ပရိုဂရမ္ကုတ္ေတြ ဘယ္လိုေရးရတယ္ဆိုတာ သင္ယူသြားမွာျဖစ္ပါတယ္။ အဂၤလိပ္စာ အေျခခံေတာ့ လိုတာေပါ့ေလ။
.
. . . စတုတၳေျမာက္စက္မွုေတာ္လွန္ေရးေခတ္မွာ လူျဖစ္လာတဲ့ ပန္းပြင့္ေလးအေနနဲ႕ အခုအခ်ိန္ကတည္းက ဒါေတြနဲ႕ပတ္သက္ၿပီး ထိေတြ႕ရင္းႏွီးမွဳရထားမွ အဆင္ေျပလိမ့္မယ္။ ေလာေလာဆယ္ေတာ့ သူနဲ႕အတူ ကစားဖို႕ ကိုယ့္ရဲ႕ လြန္ခဲ့တဲ့ ဆယ့္ငါးႏွစ္ေလာက္က သင္ခဲ့တဲ့ ပရိုဂရမ္ကုတ္ေရးသားနည္း သင္ခန္းစာရဲ႕ ခုေခတ္ ေနာက္ဆံုးေပၚနည္းလမ္းေတြကို ျပန္ေႏႊးရအံုးမယ္။ ေလာေလာဆယ္ေတာ့ မယ္မင္းႀကီးမက ရြာက အဖြားအိမ္ၿခံက်ယ္ႀကီးထဲက သစ္ပင္ေတြၾကား ပတ္ေျပးၿပီး ေပ်ာ္ေနေလရဲ႕
.
ေဇယ်ာႏိုင္
၂၅ ေမ ၂၀၁၉