ရင်တွင်းမှ ပိတောက်ပန်း ( တက္ကသိုလ် ဘုန်းနိုင် )

“ကိုယ့်ဘဝ…..

ပွင့်လာရ ချစ်ဦးလွှာ။

ပိတောက်ကို ပမာခိုင်း

နှိုင်းချင်ရဲ့ မောင့်သက်လျာ

တစ်သက်တွင် သည်တစ်ချစ်

တစ်ချစ်သည် တစ်ယောက်ထည်း

မဖောက်လွှဲပါတဲ့ ခိုင်သစ္စာ

မေတ္တာနှစ် သင်္ကြန်ပန်း။


ဪ…..မဆင်ငြင်းရင်လှ

ပင်မင်းမှာ မာလာသုဉ်းသည်သို့

ဘဝမှာ ပိတောက်တုံးပေလိမ့်

ဆံထုံးနောင် မပြင်နဲ့

တာသဘင် တစ်ကြိမ်သစ်မည်က

သံသရာ ဟိုတစ်ခေတ်မှာမို့

(ကွယ်) လွမ်းရစ်တော့ မငိုတမ်း….”




တက္ကသိုလ်ဘုန်းနိုင် (ပိတောက်ပွင့်ဆဲ လသာဆဲဝယ်)

ပစ်တိုင်းထောင် (ဆရာကြီး - ဇ၀န )

 

 

 

-

ပစ်တိုင်းထောင်လေး ပုတိုတို

မျက်နှာ ပြုံးချိုချို

ပစ်ချင်သလို ပစ်လို့ချ

ကျရာ ထောင်လို့ထ။

သူ့ဘ၀နှင့် သူ့ဖြစ်ထွေ

အံ့သြလောက်ပါပေ

ခြေတွေ လက်တွေ မရှိပဲ

ကိုယ်ထူ ကိုယ်ထမြဲ။

အခက်အခဲ သူရင်ဆိုင်

စိတ်ဓာတ် မယိမ်းယိုင်

အနိုင်မခံ ရှုံးမပေး

အပြေး ပြိုင်ချင်သေး။

 

ပိတောက်ဦး --- ( ဒဂုန်တာရာ )

-

အို လှလိုက်ထာ

ကိုင်းငိုက်ယိုယီး၊ တွဲလောင်းစီး၍

ရွှေသီးဝါသွေး၊ ပြွတ်သိပ်လေးအောင်

ညွတ်ကွေးရွရွ၊ လှ...လှ...လှ...သည်

ပထမ ပိတောက် ပွင့်စဉ်က။

-

"ဟော ဟော ပွင့်ပြီ"

ကျူးရင့်အော်ကြ၊ တံခါးဝမှ

လှစ်ဟဆိုကာ၊ ပြေးထွက်လာပြီး

ဝင်းဝါပိတောက်၊ သစ်ပင်အောက်ဝယ်

လုကောက် ကြွေသည့် ပွင့်များကို။

-

ငမ်းငမ်းတက်၍

လုယက်ခုန်တက်၊ ဓားလက်နက်ဖြင့်

ချိုးဖျက်ရွက်ကိုင်း၊ ခုတ်ထစ်စိုင်း၍

ပိုင်းပိုင်းဖြတ်ခြွေ၊ ယူကြလေသော်

ရောထွေ ရုန်းရင်း ဆန်ခတ်တည်း။

-

လုဖျက်မှုန်းကြောင့်

ကြေပြုန်းလဲကျ၊ ဒဏ်ရာရနှင့်

ရွက်မြပြာညို၊ သစ်ငုတ်တိုသာ

ဖရိုဖရဲ ကျန်ရစ်၏။

-

ငါ့စိတ်တွင်ကား

မေခင်နှမ၊ ဆံကေမြထက်

လှလှကလေး၊ ကိုယ်တိုင်ရွေး၍

ဆင်ပေး ထုံးချင် လှသောကြောင့်။

-

ကျိုးပဲ့နေသော

ပင်ခြေအောက်တည့်၊ ငါရပ်ကြည့်၍

ကြွင်းသည့်တပွင့်၊ ကောက်မည်လင့်သော်

"အို.....ရှင့်....ကျမ -

ဗုဒ္ဓမြတ်ထံ၊ လှူကပ်ရန်" ဟု

လုပြန်အတင်း၊ ဆိုကာချင်းသော်

လက်ချင်းဆုံ၍ နေသတည်း။ ။

-

ဒဂုန်တာရာ
[တာရာ မဂ္ဂဇင်း၊ ၁၉၄၇]

နွေဦးဂီတ

နွေဦးဂီတ
-----------
တစိမ့်စိမ့်နှင့်
နှစ်သိမ့်ကြည်နူး ရွက်သစ်ဖူးသော်
ရွှင်မြူးအံ့သြ ဖော်ချင်းနှော၍
တောင်တောသာခွင့် ရာသီဖွင့်လျက်
ပင်မြင့်ထက်တွင် ငှက်သဘင်လည်း
တူယှဉ်နှစ်ကို ချစ်တင်းဆိုသည်
မပို၏သို့ ပို၏သို့

တသိမ့်သိမ့်နှင့်
ညှင်းငြိမ့်လေပွေ ထက်ဝန်းဝေလျက်
နွေလည်းအ၀င် ဆောင်းလျှင်အစဲ
မတည်ဘဲလျှင်
ဖက်လှဲတကင်း ပန်းနံ့သင်းကို
ချဉ်း၍ချဉ်း၍ ဆောင်ကာဝှေ့လျက်
ရွှန်းမြေ့သလို သွင်းလာပိုသည်
မချို၏သို့ ချို၏သို့

တငြိမ့်ငြိမ့်နှင့်
လှိမ့်၍လှိမ့်၍ လေအဝေ့၀ယ်
ကြွေမြေ့ခမန်း အသံစမ်းလျက်
သာဆန်းရဂုံဗွေ နွေဦးမေလျှင်
မျှော်လေယောင်မော့ တေးကိုကျော့၍
လေးတော့်နတ်သွင် ထက်ဝန်းကျင်ကို
ကြည်ရွှင်ခလို ချစ်ဖွယ်ဆိုသည်
မပျို၏သို့ ပျို၏သို့

တခြိမ့်ခြိမ့်နှင့်
သံနိမ့်သံမြင့် သံချိုဆင့်၍
ခါသင့်မထင် မိုးနတ်ရှင်လည်း
ရှစ်ခွင်တလွှား မြေးကစား၍
လှည့်စားလေဟန် မိုးရိပ်ဖန်လျက်
နဘံတခို တိမ်ခိုးသိုသည်
မညို၏သို့ ညို၏သို့

နန်းညွန့်ဆွေ

သူလည်းလေ လောကီသားပေမို့

ဒီနေ့ မြို့ထဲမှာ ပိတောက်ပင်ကြီးတစ်ပင် ထိန်နေအောင်ပွင့်နေတာ မြင်ခဲ့တယ်။ တစ်ချို့ကလည်း ပြောကြတယ် ပိတောက်ပန်းတွေက သစ္စာမရှိတော့ဘူးတဲ့။ ပွင့်ချင်တဲ့အချိန် ပွင့်နေကြပြီတဲ့။ အော် ခမျာမှာလည်း သူ့အကြောင်းနဲ့သူ ရှိရှာပေမပေါ့။ ဘာပဲဖြစ်ဖြစ်လေ သစ္စာရှိလို့ပဲ ပွင့်ပွင့် သစ္စာမရှိလို့ပဲ ပွင့်ပွင့် ပိတောက်ပန်းလေးတွေ ပွင့်နေတာ မြင်ရင်တော့ ခူးချင်ကြတာပဲ မဟုတ်လား။ တစ်နှစ်မှာ တစ်ခါသာ ပွင့်ခွင့်ကြုံကြရှာတဲ့ ပိတောက်ပန်းလေးတွေ အပင်ပေါ်မှာ လှကြပါစေတော့ မော်ကြကြွားကြ ပါစေတော့လို့ ကိုယ်ချင်းစာစိတ်ကလေးနဲ့ စိတ်မှ ကူးမိကြရဲ့လား။ ကဗျာဆရာ ဇော်ဂျီကတော့ ပိတောက်ပန်းလေးတွေ လှလှပပ ပွင့်နေတာများ မြင်ကြရင် မခူးချင်ကြစမ်းပါနဲ့တဲ့။ သူတို့တွေလည်း လောကီသားတွေပေမို့ လှချင်ပချင် မော်ချင်ကြွားချင်ကြရှာပေလိမ့်မယ်တဲ့။ ဆရာကြီး ဇော်ဂျီရဲ့ ကဗျာလေးကို ဖတ်ကြည့်ကြပါအုံးဗျာ

မခူးချင်စမ်းပါနဲ့
နှစ်ဆန်းခါတော်မီမို့
ဇမ္ဗော်ရည် ပြေပြေလိမ်းကာပါ့
ခပ်သိမ်းနယ် စုံစုံသို့
ပွင့်ငုံကို လင့်ကုန်ကြတော့လို့
ခေါင်းကြွကာ ဆာဝေေ၀နဲ့
သူလဲလေ လောကီသားလိုပ
ကြွားချင်လှ ပေလိမ့်မယ်။

တသိန်တင့်ပါဘိ
တိမ်မြင့် ရီပြာပြာက
ကြည်သာသာ ပွင့်လေ အဖျူးတွင်ဖြင့်
တီတာတာ ပွင့်ရွှေဖူးငယ်တို့
လည်ယှက်ကာ ဘယ်ညာလူးလေတော့
သူတို့လို ဘယ်သူမြူးနိုင်ပ
ထူးပါဘိတယ်။

တ၀ါဝါ ဆင်းသင်္ကန်းရယ်က
ကမ္ဘာမှာ ဘ၀င်ချမ်းစေတဲ့
သာသနာ ရွှင်ရွှင်လန်းအောင်လို့
တမင်မှန်းကာပါ့ သတိဆွယ်
ရည်ရွယ်တော့သလား

ခူးပါနဲ့ကွယ်
ပွင့်ဖူးမှာ အ၀ါချယ်၍
မာလာအလယ်မှာ နွှဲချင်တဲ့နှလုံးရယ်ကြောင့်
နှစ်ဆုံးကုန် အတာဝင်သို့
မာန်အင်ကို ဥာဏ်ဆင်မွေးကာပါ့
အရေးအခါ သာမှ
ခမျာမှာ တဂုဏ်ဆန်းရတယ်
ပန်းပိတောက်များ

ဇော်ဂျီ

နွေဦးကာလ မြူထသောခါ

 ၀န်ကြီး ပဒေသရာဇာရဲ့ ထန်းတက်သမားဘွဲ့ ကဗျာလေးပါ

နွေဦးကာလ မြူထသောခါ
ယင်းထောင်ယင်းဆွဲ ဆောင်မြဲအိုးလွယ်ကာ
ဓားနှီးထက်စွာ ခါးမှာချပ်လျက်
ထန်းပွင့်ထန်းခိုင် ရွှန်းမြိုင်မြိုင်
ကလိုင်သာလွယ်လို့ တက်သည်နှင့်လေး။

ထန်းပင်ထန်းလက် ထန်းရွက်ကယ်ဝေေ၀
စင်အောင်ခုတ်ထစ် နုမျစ်ကယ်ထန်းဦးရေ
မယားငယ်ဆွေ ထန်းရေသိမ်းဆည်း
သားမြေးဟစ်ကြော် ခွေးဝက်ကယ်ခေါ်
ထန်းလျှော်သာ ယုံပိုက်စည်းငယ်နှင့်လေး။

ခေါ်သံရိုက်ဟည်း လူလည်းကြော်ငြာ
ခွေးဟစ်လူဟစ် ခတ်ပစ်ကယ်ခြောက်သောခါ
ပုတတ်ကယ်ယုန်ခါ တောမှာရှိကြ
ငုံး ကြက်ကယ် ဖွတ် မြွေ ၀ံပုလွေ
မနေထွက်လာကြသည်တည့်လေး။

ဝမ်းသာအားရ မယားကတသွယ်
ဟင်းရွက်ဆိုးကောင်း သောင်းပြောင်းရော၍လွယ်
လင်ကတသွယ် ယုန်ငယ်ကစ
တောသတ္တ၀ါ တွေ့တိုင်းကိုသာ
အိတ်မှာသာယူ၍ ချသည်နှင့်လေး။

သို့နှင့်ရောက်က ခဏအောင့်လျှင်
တံစို့ထက်နှင့် ထန်းလျက်ဖိုမှာကင်
ဟင်းအိုးဆူလျှင် အကင်ခတ်ပြီး
အိုးကင်းနှင့်လှော် ရေနှင့်ကြော်
မိုးမျှော်ငရုတ်သီးငယ်နှင့်လေး။

နှီးဒေါင်းလန်းကြီး ခူးပြီးသောခါ
သမီးနှင့်သား များလို့ မ၀င်သာ
ဒူးတဘက်ဟာ တွန်းကာဖယ်လျက်
သူ့ထက်ငါလေ စားတော့မည်စေ
စားပေသာလှ အုန်းခွက်ကယ်နှင့်လေး

ငုံ့လျက်ကိုယ်စီသာ ဆုပ်ကာလွေးတော့သည်။
ပြီးလျှင်ရေမရှာ
ခွေးသာကျွေးတော့သည်။

တျာချင်း ၀န်ကြီးပဒေသရာဇာ

လတပေါင်း

ငွေသဲစိန်မှုန် စေတီဆင့်တဲ့ တပေါင်းလဘွဲ့လေးပါ

မြသွေးအခံ ပင်ယံပိန်းမှာ
ရွှေလိမ်းပြန်ကြ ဂုဏ်ပြိုင်ပြိုင်
သွေယိမ်းဟန်ပြ ပုံအကိုင်ဝယ်
လေသိမ်းမခိုင် ကြွေစလု
မရီတစ်ခါ့ ရီတစ်ခါငယ်
ကလီကမာ ညိုမင်းလွင်သို့စု

ကြိုင်ကြိုင်သင်းပျံ့ အင်ကြင်းချီသည်
ပင်မင်းရွှေဖီ ခါရတု
မြင်ကွင်းပီပီ လောင်စာနုနှင့်
တောင်ယာအပြု ခေတ်တစ်ပုံ
ပုလဲငွေရောင် သောင်ဗွေမော့မှာ
မောင်ဆွေမယ်ကြော့ ငှက်ပေါင်းညီလာစုံ။

ဖြေမရဲပ ကြေကွဲကြုံအောင်
ငွေသဲစိန်ခုံ စေတီဆင့်လို့
ဘရဂဏ္ဏီပွင့် ယုန်နှင့် ချိန်တာယာ
မိန်ဦးသာတင့်စွာ
ကာဠုဒါ့ကြောက်ဖွယ့်လျှာငယ်
ခြောက်ဆယ့်ဂါထာ စီကုံးပေရလေး။

ဦးပုည           တေးထပ်

တပေါင်းညှာကျင်

သရဖီရွှေခိုင်က လှိုင်ရှာလေကော ဆိုတဲ့ ကဗျာလေးပါခင်ဗျာ

တပေါင်းငယ်မှ ညှာကျင်
နွေဦးဆန်းသစ် ရွက်ရော်လှစ်လို့
ပုရစ်ကယ်ရွှေဥ ပင်တိုင်းစုကြသည်
နုညိုစင်ငယ်တဲ့လေ။

ဝန်းကျင်ငယ်မှပတ်ကုံး
တွန်ထူးဘာသာ ငှက်တို့မှာလည်း
စုကာရုံးလို့ ခြိမ့်အုံးငယ်ကျူးသီ
အမသံညောင်း သိုက်နန်းငယ်အောင်းလို့
သာပေါင်းငယ်ချီသည်
သရဖီရွှေခိုင်က လှိုင်ရှာလေကော။

ညှာကြောငယ်မှဖူးသစ်
ရဂုံတခွင် သာပေါင်းငယ်ရှင်သည်
မင်းလွင်လှစ်လို့ မူးမြစ်ကယ် ကမ်းယံ
ငါးထွေငါးမြင်း ငါးပူတင်းတို့
သောင်ရင်းငယ်ဆန်သည် ငါးတန်ငယ်ဝဲခိုလို့
ပိုက်ခြေကိုဆင်း။

ပျော်ခင်းငယ်မှသာလှ သည်ချိန်ကျလျှင်
တောဝဂနိုင် စုံသာမြိုင်မှာ
မခိုင်ရွက်ညောင်း ကြွေကျပြောင်းလို့
ထောင်းထောင်းငယ်လျှံငွေ့ လောင်ဓလေ့နှင့်
လွမ်း၍ငယ်တစေ အလို သေရချည့်
စိတ်ဖြေလို့ မရနိုင် ဘယ့်နှယ်လူခိုင်ပါ့မယ်
ယုဂန်ပိုင် ရှင်သိကြားတို့ မာန်ထားရင်းလေ။

အဲချင်း                    ဦးယာ

ပိတောက်ပန်း

ပိတောက်ပန်း
--------------
လတန်ခူးပေမို့ အလှထူးပါဘိ

မြမြဖူးရယ်တဲ့ ခိုင်ရွှေဝါ

တကယ်တမ်းသာဖြင့် ဘယ်ပန်းသော် စံမတူဘု

နန္ဒမူ ဖန်ဂူထိပ်မှာလ

ပစ္စေကာ ချွေးတော်သိပ်ရတယ်

 အေးရိပ်ဆာယာ

တစ်နှစ်တွင် သည်တစ်လပေပ

တစ်လတွင်တစ်ရက်တည်း 

ခက်ခဲတဲ့ ရက်ဗုဒ္ဓာ ပွင့်ရှာကြစုံမြိုင်တွင်း

မြူမင်းလွင်ထန် ကြူးသင်းတာချိန်ယံမတော့

ခါသင်္ကြန် ဂိန်မာန်ရောက်ပြီမို့

သိန်သရေ ထိန်ဝေလို့ တောက်တဲ့ပြင်

လမ်းတစ်လျှောက်သင်းပါဘိ

ဆန်းသလောက် မလင်းနိုင်ဘု

ပန်းပိတောက်မင်း

(ရေးသူ မေ့နေလို့ပါဗျာ)

မျက်ဖြေလင်္ကာ

သူတည်းတစ်ယောက်၊ ကောင်းဖို့ရောက်မူ၊ သူတစ်ယောက်မှာ၊ ပျက်လင့်ကာသာ၊ ဓမ္မတာတည်း။

ရွှေအိမ်နန်းနှင့်၊ ကြငှန်းလည်းခံ၊ မတ်ပေါင်းရံလျက်၊ ပျော်စံရိပ်ငြိမ်၊ စည်းစိမ်မကွာ၊ မင်းချမ်းသာကား၊ သမုဒ္ဒရာ၊ ရေမျက်နှာထက်၊ ခဏတက်သည့်၊ ရေပွက်ပမာ၊ တစ်သက်လျာတည်း။

ကြင်နာသနား၊ ငါ့အားမသတ်၊ ယခုလွှတ်လည်း၊ မလွတ်ကြမ္မာ၊ လူတကာတို့၊ ခန္ဓာခိုင်ကျည်၊အတည်မမြဲ၊ ဖောက်လွဲတတ်သည်၊ မချွတ်စသာ၊ သတ္တဝါတည်း။

ရှိခိုးကော်ရော်၊ ပူဇော်အကျွန်၊ ပန်ခဲ့တုံ၏၊ ခိုက်ကြုံဝိပါတ်၊ သံသာစက်၌၊ ကြုံ
လတ်တုံမူ၊ တုံ့မယူလို၊ (စိတ်မြဲသို၍) ကြည်ညိုစိတ်သန်၊ သခင်မွန်ကို၊ ချန်ဘိစင်စစ်၊ အပြစ်မဲ့ရေး၊ ခွင့်လျှင်ပေး၏ (သည်)၊၊ သွေးသည်အနိစ္စာ၊ ငါ့ခန္ဓာတည့် (တည်း)။ ။

အနန္တသူရိယအမတ်ကြီး
(ကဗျာတွေ တင်ပေးတဲ့ ကိုကြီးအောင်သူရိန်ကို ကျေးဇူးတင်ပါတယ်ဗျ)

ဖိုးမောင်လာပြီ

မှိုင်းညို့  ညဥ့်ရိပ်၊ လူခြေတိတ်၌
ရေဆိပ် အနား၊ ရွာတံခါးမှ
ဂုတ်ကျား ကျယ်လောင်၊ ဆီးကြို ဟောင်သော်
ဖိုးမောင်လာပြီ ဆိုကြသည်။
ဟောင်သံရပ်၍
ထက်ကြပ်ပေါ်လာ၊ အသံမှာကား
ညခါ ငါးထောင်၊ မောင်ဖိုးမောင်သည်
ရွာတောင်ချောင်းက ပြန်ခဲ့ပြီ။
ဖိုးမောင် သံ့ကြား၊ ကင်းသမားက
တံခါးကြီးအောက်၊ မလွယ်ပေါက်ကို
တယောက်ဝင်သာ၊ ဖွင့်လိုက်ပါသော်
ယာတွင် အုပ်ဆောင်း၊ ၀ဲ တက်ချောင်းနှင့်
ခါးစောင်း ကိုယ်ကိုင်း၊ ငါးပလိုင်းကို
လွယ်သိုင်းပြီးလျှင်၊ ရွာကိုဝင်သည်
လူပင်လေလား၊ တစ္ဆေလား။
တစ္ဆေမကြောက်၊ မြွေမကြောက်ပဲ
တယောက်တည်းပင်၊ ညဥ့်မှောင်တွင်၌
သူလျှင် ငါးရှာ၊ မကျွေးပါက
ထိုရွာသူသား၊ လူအများတို့ 
ငါးစို ငါးစိမ်း ငတ်ပေလိမ့်။
ဆောင်းတည၌
ချမ်းမြစိမ့်အေး၊ လခြမ်းကွေး၍
ရွာဘေးကျီပျက်၊ မှောင်နက်နက်မှ
ဇီးကွက်က အော်၊ တောက်တဲ့ ကြော်စဉ်
ရွာပေါ်လွှမ်းအောင်၊ ဂုတ်ကျားဟောင်သည်
ဖိုးမောင်လာချိန် ပါတကား။
သို့ ဖြစ်သော်ငြား၊ ခါတပါးသို့ 
တံခါးဝင်လို၊ သူမဆိုပဲ
မောင်းကိုထုပါ၊ လူစုပါဟေ့
ရွာကိုဘေးမှ၊ ကာကွယ်ကြလော့
ဒမြ ငါ့အား၊ ဖမ်း၍ထားဟု
စကားမဆုံး၊ ဟစ်အော်တုန်းတွင်
ဒိုင်းဒုန်း ဒိန်းသံ၊ ရွာလုံးညံသည်
ချောင်းယံပဲ့တင် ထပ်သတည်း။
ဖိုးမောင်နိဂုံး၊ ဤတွင်ဆုံးလည်း
ရွာလုံးစိတ်တွင်၊ ဖိုးမောင်ဝင်၍
ပဲ့တင်ထပ်ကာ၊ ဟည်းလျှက်ပါတည့်
ဘယ်ခါမဆို၊ ဆီးလင့်ကြိုသို့ 
မှိုင်းညို့  ညဥ့်ရိပ်၊ လူခြေတိတ်၌
ရေဆိပ်အနား၊ ရွာတံခါးမှ
ဂုတ်ကျား ကျယ်လောင်၊ ရမ်းရော်ဟောင်သော်
ဖိုးမောင်လာပြီ ဆိုဆဲပင်။ ။
ဆရာကြီးမင်းသုဝဏ် (၁၉၆၂)
(ကဗျာတွေ တင်ပေးတဲ့ ကိုကြီးအောင်သူရိန်ကို ကျေးဇူးတင်ပါတယ်ဗျ)

သူ့မှာတမ်း

သူတို့အဆုတ်၊ ထားခဲ့မြှုပ်သည့်

ဗုံးငုတ် တိုက်မှား၊ မောင်ပျောက်ကျားကို

ရွာသား ရွာသူ၊ မေးကြ မြူသည်

အူအူ ယမ်းငွေ့၊ ထတုန်းတည်း ။

“အမောင် ပြောက်ကျား၊ ချစ်သူအားကို

ဘာများ မှာခဲ့ လိုသနည်း။”

“ငယ်က ကြင်မြတ်၊ မိသက်မှတ်ကို

ခွင့်လွတ်ခဲ့ကြောင်း ပြောပါလေ။”

“အမောင် ပြောက်ကျား၊ မိဘအားကို

ဘာများ မှာခဲ့ လိုသနည်း”

“မွေးသည့် မိခင်၊ မွေးဖခင်ကို

ဦးတင် ခဲ့ကြောင်း ပြောပါလေ ”

“အမောင် ပြောက်ကျား၊ တိုင်းပြည်အားကို

ဘာများ မှာခဲ့ လိုသနည်း။”

”ခရီးမတ်တတ်၊ လမ်းခုလတ်တွင်

ကိုယ်လွတ် ရှောင်ခွာ၊ ခွဲရပါ၍

အားနာခဲ့ကြောင်း ပြောပါလေ။”

ယမ်းငွေ့ အူအူ၊ တလူလူနှင့်

မေးမြူကြတုန်း ၊ အနောက်ကုန်းတွင်

နေလုံး ကွယ်လေပြီ တကား။ ။

-မင်းသုဝဏ်
(ကဗျာတွေ တင်ပေးတဲ့ ကိုကြီးအောင်သူရိန်ကို ကျေးဇူးတင်ပါတယ်ဗျ)

သင်သေသွားသော်

သြော် လူ့ပြည်လောက လူ့ဘဝကား
အိုရ နာရ သေရ ဦးမည်
မှန်ပေသည်တည့်။

သို့တပြီးကား သင်သေသွားသော်
သင်ဖွားသောမြေ သင်တို့မြေသည်
အခြေတိုးမြင့် ကျန်ကောင်းသင့်၏။

သင်၏မျိုးသား စာစကားလည်း
ကြီးပွားတက်မြင့် ကျန်ကောင်းသင့်၏။

သင်ဦးချ၍ အမျှဝေရာ
စေတီသာနှင့် သစ္စာအရောင်
ဥာဏ်တန်ဆောင်လည်း
ပြောင်လျက် ဝင်းလျက် ကျန်စေသတည်း။

ဇော်ဂျီ
(ကဗျာတွေ တင်ပေးတဲ့ ကိုကြီးအောင်သူရိန်ကို ကျေးဇူးတင်ပါတယ်ဗျ)

ပျဉ်းမငုတ်တို

ဖုထစ်ရွတ်တွ ငှက်လင်းတသို့
ပျဉ်းမငုတ်တို သက်ကြားအိုသည်
ကုန်းမိုထက်တွင် တစ်ပင်တည်း။

ကုန်းမိုကမ်းပါး မြေပပ်ကြားတွင်
စစ်သားခမောက် ပိန်ခြောက်ခြောက်လည်း
စစ်ရောက်စခန်း လက်ပြညွှန်း။

ခွဆုံအကွေး သစ်ခေါင်းဆွေးလည်း
အဖေးတက်လာ အိုင်းအမာသို့
ကျယ်စွာဟက်ပက် ခြအိမ်ပျက်

ထိုပင်ငုတ်တို ပျဉ်းမအိုသည်
စစ်ကိုလည်းကြုံ ခြအုံလည်းဖြစ်
ဓားထစ်လည်းခံ နေလျှံလည်းတိုက်
လေပြင်းခိုက်လျက် မငိုက်ဦးခေါင်း
နွေသစ်လောင်းသော်
ရွက်ဟောင်းညှာကြွေ ရွက်သစ်ဝေ၍
လေပြည်ထဲတွင် ငယ်ရုပ်ဆင်သည်
အသင်ယောက်ျားကောင်းတကား။ ။

( မင်းသုဝဏ် )
(ကဗျာတွေ တင်ပေးတဲ့ ကိုကြီးအောင်သူရိန်ကို ကျေးဇူးတင်ပါတယ်ဗျ)