ဒီနေ့ဟာ ကျွန်တော့်ဘ၀မှာ အချစ်ဆုံးသူတစ်ယောက်ရဲ့ မွေးနေ့ ဖြစ်ပါတယ်။ စံပယ်ပန်း ဖြူဖြူကို မြတ်နိုးတတ်တဲ့၊ ကဗျာလှလှလေးတွေ ရေးတတ်တဲ့၊ ၀ိုင်ဝိုင်းနဲ့ အာဇာနည် သီချင်းတွေကို ကျွန်တော် ကြိုက်တတ်အောင် သင်ပေးခဲ့တဲ့၊ ပြီးတော့ ကျွန်တော်က ချစ်သလောက် ကျွန်တော့်ကို ပြန်မချစ်တဲ့ စံပယ်ပန်းလေးဟာ ဒီနေ့ အသက် ၂၈ နှစ်ပြည့်ပါပြီ။
.
ကျွန်တော်တို့ဟာ လွန်ခဲ့တဲ့ ဆယ်နှစ်က စပြီး တွေ့ခဲ့ကြတာပါ။ ဆယ်စုနှစ် တစ်ခုဟာ ချစ်တဲ့သူနှစ်ယောက် တစ်ယောက်ကို တစ်ယောက် နားလည်ပြီး တစ်ယောက်ရင်ကို တစ်ယောက် ထိုးဖောက် မြင်နိုင်ဖို့ လုံလောက်တဲ့ ကာလ ဖြစ်ပေမယ့် ကျွန်တော်တို့ နှစ်ယောက်ဟာ ဘယ်တုန်းကမှ မဆုံခဲ့ဖူးတဲ့ ဘယ်တော့မှလည်း ဆုံနိုင်စရာမှရှိတဲ့ မျဉ်းပြိုင်နှစ်ကြောင်းလို နီးလျက်နဲ့ ဝေးနေကြရပါတယ်။ ကျွန်တော်တို့ မာနချင်း ပြိုင်နေတယ်လို့ တစ်ချို့က ဆိုပေမယ့် သူ့ကို ကျွန်တော်က အလျှော့ပေးလွန်းလို့ ဒီလို ဖြစ်ရတာလို့ လည်း တစ်ချို့က ဆိုပြန်ပါတယ်။ တကယ့်တကယ်တော့ သူဟာ ကျွန်တော့်ကို အဆုံးစွန်ဆုံးထက် ပိုပြီး သီးညည်းခံတတ်တယ်ဆိုတာ ကျွန်တော် လူဆိုးသာ အသိဆုံးပါ။
.
ကျွန်တော်တို့ ကျော်ဖြတ်ခဲ့တဲ့ ဆယ်နှစ်တာခရီးမှာ ကျွန်တော်ဟာ သူ့အတွက် ဘာကောင်မှ မဟုတ်ခဲ့ရပေမယ့် သူဟာ ကျွန်တော့်အတွက်တော့ အလင်းရောင် ဖြစ်ခဲ့ပါတယ်။ ကျွန်တော် မာန်မာနကြီးတာ ခေါင်းမာတာ တဇွတ်ထိုးလုပ်တာ နဲ့ တကိုယ်ကောင်းဆန်မိတာတွေ အားလုံးဟာ သူ့ရှေ့ရောက်ရင် အမြဲ ဒူးထောက်သွားခဲ့ရတာချည်းပါပဲ။ ဖြူဖွေးနူးညံ့လှပတဲ့ စံပယ်ပန်းလေးတစ်ပွင့်ရှေ့မှာ ဘာလို့များ အမြဲတမ်း ရှုံးနိမ့်နေခဲ့ရသလဲ ဆိုတာ ဘယ်လိုမှ မတွေးတတ်နိုင်အောင်ပါပဲ။
.
သူနဲ့အနီးကပ် နေရတဲ့အခါ ကျွန်တော့်မှာ ဆရာတော်ရှေ့ရောက်နေတဲ့ ရှင်သာမဏေလေးလို အနေအထိုင် ကျဉ်းကျပ်လှပါတယ်။ သူကတော့ တကူးတက စောင့်ကြည့်မနေသော်လည်း စောင့်ကြည့်နေဘိသလို ခံစားရလို့ အရာရာကို သတိနဲ့ လုပ်ဆောင်နေမိလို့ပါ။
.
ဆယ်နှစ်အတွင်းမှာ သူနဲ့ကျွန်တော်ဟာ အကြာဆုံးဆယ်လသာ ခွဲခွာခဲ့ဖူးပေမယ့် ကျွန်တော်တို့ရဲ့ နွေးထွေးတဲ့ ဆက်ဆံရေးဟာ တစ်ကြိမ်မှာ ခြောက်လထက် ဘယ်တုန်းကမှ မပိုခဲ့ပါဘူး။ နွေးထွေးတဲ့ ရာသီတွေမှာ ကျွန်တော်တို့ဟာ တစ်လောကလုံးမှာ နှစ်ယောက်တည်းပဲ ရှိသလို စိတ်တူသဘောတူ ထင်ရာမြင်ရာ လျှောက်လုပ်ကြပြီးတော့ အေးစက်စက်အချိန်တွေ ရောက်လာပြီ ဆိုရင်လည်း တစ်ခါဖူးမျှ မသိကျွမ်းခဲ့ကြတဲ့ တစ်ယောက်စကား တစ်ယောက်နားမပေါက်တဲ့ လူမျိုးခြားတွေလို တကယ်ကို ဝေးကွာ သွားတတ်ကြပါတယ်။ ကျွန်တော်တို့ရဲ့ နောက်ဆုံး နွေးထွေးတဲ့ ရာသီဥတုဟာ ပြီးခဲ့တဲ့ နွေနှောင်းနဲ့ မိုးဦးကာလ ဖြစ်ခဲ့ပြီး ဘယ်ကနေ ဘယ်လို အေးစက်သွားခဲ့သလဲ မမှတ်မိပေမယ့် မနှစ်က သူ့ရဲ့ နှစ်ဆယ့်ခုနစ် နှစ်မြောက် မွေးနေ့လက်ဆောင်ပေးတဲ့အချိန်မှာ ကြားလူကနေ ပေးဖြစ်ခဲ့ပါတယ်။
.
သူ့ကို အရေးတယူ အလေးထားတာကို မုန်းတီးလှချည်ရဲ့ဆိုလို့ ရှောင်ဖယ်ရှောင်ဖယ်လုပ်ရင်းက တံတိုင်းအကြီးကြီး ခြားသွားပြီ ဆိုပေမယ့် အရင်တုန်းကလိုပဲ သူ့ကို ချစ်ခင်မြတ်နိုးတဲ့ ၀ိညာဉ်တစ်ခုက ကျွန်တော့်နှလုံးသားထဲမှာ ခိုအောင်းနေတုန်းပဲဆိုတာ သူလည်း သိမှာပါလို့ မျှော်လင့်ပါတယ်။
.
စံပယ်ပန်းလေးရေ
မင်းရဲ့ မွေးနေ့မှာ ငါ့ကို သတိမရပါနဲ့
ဘယ်တော့မှလည်း သတိမရပါနဲ့
မင်းရဲ့ ပျော်ရွှင်နေတဲ့ စိတ်ကို ငါ့ကိုသတိရခြင်းဆိုတဲ့ အမှိုက်တွေ မရှုပ်မိပါစေနဲ့ကွာ
(၂၀၀၈ ခုနှစ် စက်တင်ဘာလ )
