AMI Conference 2017

ခူးချင်ပါနဲ့ကွယ်

.
. . . ဒီအချိန်မှာ ဒီပန်းမပွင့်ဘူးဆိုတာ သိပေမယ့် အရွက်စိမ်းစိမ်းအုပ်အုပ်တွေကြားမှာ အနီရောင်ပန်းဆွဲလေးတွေ တွဲရရွဲကျနေတတ်တဲ့ သော်ကကြီးပန်းလေးတွေကို မြင်ရနိုးနဲ့ အပင်အောက်ကို ရောက်လာခဲ့တယ်။ ဒီနေရာရောက်တိုင်း ပန်းခူးပေးဖို့ ပူဆာတတ်တဲ့ ကလေးမလေး မိခိုင်ရေ . . . အခုလောက်ဆိုရင် မင်းလည်း ဦးလူကြီးကို မေ့လောက်ရောပေါ့ . . . မိခိုင်လေး ပူဆာတဲ့ ပန်းကို ဘယ်တုန်းကမှ မခူးပေးခဲ့ဖူးတဲ့ ဦးလူကြီးတစ်ယောက် အခု သော်ကပင်ကြီးအောက် ရောက်လာရပြန်ပြီလေ . . .
.
. . . မခူးချင်စမ်းပါနဲ့ ကလေးရယ် ပန်းဆိုတာ အပင်ပေါ်မှာ လှနေတာ အကောင်းဆုံးပါ . . . ကလေးလိုချင်လို့ ကိုယ်ခူးပေးတယ်ပဲ ထားပါတော့ ဒီပန်းက ကလေးလက်ထဲမှာ ဘယ့်ကလောက်ကြာအောင် လှနိုင်မှာလဲ. . . လာလာ ကလေးကြည့်ချင်တယ်ဆိုရင် ကိုယ်နဲ့အတူ နေ့တိုင်းလာကြည့်ကြတာပေါ့ . . . မခူးခိုင်းနဲ့နော် . . .
.
. . . အဓိပတိလမ်းထိပ် ဘွဲ့နှင်းခန်းမကြီး ဘေးတစ်ဘက်တစ်ချက်က သော်ကကြီးပင်တွေအောက်ရောက်တိုင်း ခိုင် ဆိုတဲ့ ကောင်မလေးကို ပြောရ ချော့ရတဲ့ စကား၊ ဒီအပင်ကြီးအောက်ရောက်တိုင်း ဒီပန်းတွေကို မော့ကြည့်ကြတိုင်း ပန်းခူးပေးဖို့ သူကလည်း အပ်ကြောင်းထပ်အောင် ပူဆာသလို ကိုယ်ကလည်း ဒီစကားနဲ့ပဲ မရိုးနိုင်အောင် ချော့နေကြ။ တောင်ငူဆောင်မှာတက်တဲ့ ပုံမှန်အတန်းတွေ ပြီးတဲ့အခါ ညနေပိုင်း ကွန်ပြူတာသင်တန်းတက်ဖို့ သင်္ချာဌာနဘက်ကို အသွား အာစီထဲက ကုက္ကိုပင်ကိုင်းကိုင်းကြီးတွေအောက်က အုတ်ခုံမှာ ထိုင်ထိုင်စောင့်နေတတ်တဲ့ခိုင့်ကိုခေါ်ပြီး ဘွဲ့နှင်းခန်းမဘေးက သော်ကကြီးပန်းတွေကို မပျက်မကွက် လိုက်ပြရတယ်။ အရွက်စိမ်းစိမ်းတွေကြားမှာ အခိုင်လိုက် အခိုင်လိုက် တွဲရရွဲကျနေတတ်တဲ့ အနီရောင်ပန်းဆွဲလေးတွေကို မြင်တိုင်း သူကလည်း ခူးပေးဖို့ ပူဆာတတ်သလို ကိုယ်ကလည်း အမြဲငြင်းနေကျ . . .
.
. . . ဒီနေ့လည်း ခါတိုင်းလိုပဲ သော်ကကြီးပင်အောက်ရောက်တော့ သူက ခူးပေးဖို့ မပူဆာခင် ကိုယ်က တစ်ခုကို သတိရပြီး ပြုံးလိုက်မိတယ်။ ကွန်ပြူတာပရိုဂရမ်ဘာသာရပ်မှာ သင်ရတဲ့ Looping ပတ်တယ်ဆိုတဲ့အကြောင်း၊ ပရိုဂရမ်တစ်ခုကို လိုအပ်တဲ့အခါ ထပ်ခါထပ်ခါ အလုပ်လုပ်နေအောင် စီစဉ်ရေးသားရတဲ့ သဘောတရားတစ်ခု။ အခုလည်း သော်ကကြီးပန်းနဲ့ သူပူဆာတာနဲ့ ကိုယ်ငြင်းတာနဲ့က အမြဲ လူပင်ပတ်နေကြောင်း သူ့ကို ရှင်းပြတော့ သူကလည်း သဘောကျပြီး ရယ်တယ်။ အဲသည် လူပင်ပတ်တာကို ရပ်သွားအောင် ဘယ်လိုလုပ်ကြမလဲဟင် ဆိုတော့ ကျောင်းပြီးရင်တော့ လူပင်ပတ်တာ ရပ်သွားမှာပါလို့ ရင်ထဲမှာပဲ တိုးတိုးလေး ပြန်ဖြေလိုက်တယ်. . . ဘာလိုလိုနဲ့ ကျောင်းတောင် ပြီးတော့မှာပါလား ဆိုတဲ့ အတွေးက လူကို မွန်းကျပ်သွားစေပြန်တယ် . . .
.
သွားခါနီး မောင်ကြီးရယ်တဲ့ မှာခဲ့မယ်
သစ်ပင်ကို လူမဆွတ်စေနဲ့ ကိုင်းညွှတ်တတ်တယ်
တောမြိုင်လယ် သားရေကွယ့်နွယ်ရှာတုန်း
မောင်ကြီး တစ္ဆေကိုက်လိမ့်မယ်
မင်းလိုက်ခဲ့အုံး . . . ဆိုတဲ့ ကိုယ်ကြားဖူးတဲ့ ကဗျာအပိုင်းအစတစ်ခုကို စာရွက်ပေါ် ချရေးပြတော့ ကလေးမက မျက်စောင်းထိုး နုတ်ခမ်းစူတယ် . . . ဟွင်း ဦးလူကြီးက အကြာကြီး သွားစရာရှိလို့ သူများကို နုတ်ဆက်ကဗျာလေး ရေးပေးမယ်ဆိုလို့ စိတ်ကူးတွေယဉ်လိုက်ရတာ . . . ရေးမယ့်ရေးတော့လည်း တောကဗျာကြီး လို့ ဆိုလာတဲ့ ခိုင်ဆိုတဲ့ ကောင်မလေးရဲ့ မချင့်မရဲလေသံကြားမှာ ကိုယ့်ရင်ထဲက တကယ်ရှိနေတာကို ထုတ်မပြောရက်တဲ့အကြောင်း အသံမထွက်ပဲ ဖြေရှင်းချက်ပေးနေမိတယ် . . . ကလေးလေးရယ် . ဘာလို့များ ကိုယ်လိုလူကို သံယောဇဉ် လာတွယ်နေရတာလဲကွယ် . . . ငယ်ရွယ်နုနယ်လွန်းတဲ့ ကလေးလေး ခိုင့်ကို စိတ်ဒဏ်ရာတွေ မပေးခဲ့ချင်ပါဘူး။ ခိုင်တို့အရွယ်က ဘယ်လိုပဲ စိတ်ကစားတယ်ဆိုပေတဲ့ ကိုယ့်မှာတော့ စည်းစောင့်ရမယ် မဟုတ်လား။ ညနေကျောင်းဆင်းတယ် ကွန်ပြူတာသင်တန်းတက်တယ် ခိုင်က လာကြိုတယ် . ပြီးတာနဲ့ ခိုင်တို့အိမ်ကို လိုက်သွားမယ် . ခိုင့်ကို တစ်နာရီခွဲလောက် အင်္ဂလိပ်စာသင်မယ် . ပြီးရင်ပြန်မယ် . ဒီအတောအတွင်း ဖြူစင်ရှင်းသန့်နေသေးတဲ့ ခိုင်ဆိုတဲ့ ကလေးလေး စိတ်ကစားပြီး စိတ်ကူးယဉ်နေတာတွေကို ကိုယ်က အခွင့်ကောင်းမယူပါရစေပါနဲ့ မိခိုင်လေး . . .
.
. . . "ဦးလူကြီး . . . ခိုင်မေးနေတယ်လေ ခိုင့်ကို လွမ်းနေမှာလားလို့. . ."
တကယ့်တကယ်ကျတော့ ကိုယ်က ကျောင်းပြီးရင် ကိုယ်တာဝန်ကျတဲ့ နေရာကိုပြန်. . . ခိုင်ဆိုတဲ့ ကလေးမလေးက ရန်ကုန်မှာ ကျန်ခဲ့တော့မှာပဲလို့ တွေးထားခဲ့ပေမယ့် တကယ်ကျန်ခဲ့တဲ့သူက ကိုယ်ပဲဖြစ်နေပါလားဆိုတာ ကျောင်းမပြီးခင် နောက်ဆုံးအတန်းမှာ သိလိုက်ရတယ်။ ဒီအသက်ဒီအရွယ်နဲ့မို့ တွေ့ရကြုံရတာတွေ သံယောဇဉ်တွယ်ခဲ့ရတာတွေ ခွဲခွာခဲ့ရတာတွေ အထိုက်အလျောက် ရှိခဲ့ဖူးတယ်ဆိုပေမယ့် ကိုယ်က ထားချန်ရစ်ခံရတော့မယ်ဆိုတော့လည်း လွယ်လွယ်ဖြတ်လို့မရတဲ့ သံယောဇဉ်ဆိုတာကြီးကို မုန်းမိပြန်တယ် . . .
.
. . . " . . . ဘယ့်နှယ်လုပ် လွမ်းနိုင်အားပါ့မလဲ ကလေးရာ ဦးလူကြီးက မကြာခင် စာမေးပွဲတွေ ဖြေရတော့မယ်၊ ဟော စာမေးပွဲတွေ ပြီးပြီဆိုတာနဲ့ တပ်ကိုပြန်ပြီး ခေါင်းမဖော်နိုင်အောင် လုံးချာလည်လိုက် အလုပ်များတော့မှာ ၊ ကလေးကို သတိရဖို့ နေနေသာသာ ကိုယ့်ဘာသာ ယားရင်တောင် မကုတ်အားလို့ ထုံးတို့မှတ်ထားရမယ့် အခြေအနေကိုများ . . . " ရင်ထဲက လာတဲ့ စကား မဟုတ်ပေမယ့် ခါတိုင်းလိုပဲ ဟီးဟီးဟားဟားလုပ်ပြီး စကားကို သော့ပစ်လိုက်ရတယ်။ ကိုယ့်အဖြေကို မကျေနပ်မှန်း သိပေမယ့် ကလေးကျေနပ်မယ့် အဖြေမျိုးတော့ မပေးပါရစေပါနဲ့တော့၊ ကလေး သွားစရာရှိတာ စိတ်လွတ်လွတ်လပ်လပ်နဲ့ သွားပါစေတော့ . . .
.
. . . မိခိုင်ဆိုတဲ့ ကလေးမလေး ဟောသည် မြန်မာပြည်မှာ မရှိတော့ဘူးဆိုကတည်းက ကိုယ်လည်း သော်ကပင်ကြီးဘက်ကို ခြေဦးမလှည့်ဖြစ်တော့တာ . . . အခု နှစ်ပေါင်းတွေအများကြီးကြာတော့မှ တက္ကသိုလ်ထဲတစ်ခေါက်ပြန်ရောက်လို့ အဓိပတိလမ်းဆုံးအောင် လျှောက်လာရင်း ဒီအပင်ခြေရင်းကို အမှတ်မထင်ရောက်လာဖြစ်တာ . . . ဒီအပင်နားရောက်တော့လည်း ခိုင်ဆိုတဲ့ ကလေးမလေးကို လွမ်းဖြစ်အောင် လွမ်းမိလိုက်သေးတယ် . . . အခုနေများ ဒီကလေးမလေးနဲ့ ဒီအပင်ကြီးအောက် မတော်တဆဖြစ်ဖြစ် ပြန်ဆုံကြတယ်ထားပါတော့ . သူကများ ပန်းခူးပေးဖို့ပူဆာမယ်ဆိုရင် ဟိုးလွန်ခဲ့တဲ့ ဆယ့်ငါးနှစ်အချိန်တုန်းကလို မခူးချင်စမ်းပါနဲ့ကလေးရယ်ဆိုပြီး ပန်းတရားဟော ဖြေသိမ့်ဖြစ်မလား . . . ဒါမှမဟုတ် မိခိုင်မလေးအလိုကိုလိုက်ပြီး ပန်းတွေခူးပေးဖြစ်လိမ့်မလားဆိုတာတော့ . . .
.
မောင်လွမ်းဝေ
၂၇ နိုဝင်ဘာ ၂၀၁၇

စိမ်းသခင်

.
. . . ကိုယ့်နာရီလေး စက်ရပ်သွားပြန်ပြီ . . .
ကုန်ခဲ့တဲ့ တစ်နှစ်ကျော်လောက်တုန်းက တစ်ခါ စက်ရပ်သွားလို့ မြန်မာပြည်ပြန်ရောက်တာနဲ့ကြုံလို့ ဓာတ်ခဲလဲပြီးသုံးနေရင်း အခု ဒုတိယမ္ပိ စက်ရပ်သွားတာ၊ ဒီတစ်ခါတော့ ဓာတ်ခဲလဲပြီး မသုံးချင်တော့ဘူး အသစ်ပဲ လိုချင်တော့တယ် . . .
.
. . . ကိုယ့်တစ်ယောက်တည်းပတ်ဖို့ရှိနေတဲ့ နာရီလေးမို့ ကိုယ့်နာရီလေးလို့ ဆိုရပေမင့် တကယ်တမ်းကျတော့ နာရီလက်ထဲရောက်ပြီးကတည်းက အခု ဒုတိယအကြိမ် စက်ရပ်သွားတဲ့အထိ ပတ်ခဲ့တာ ဘယ်နှစ်ကြိမ်လဲဆိုတာတောင် ရေလို့ရလောက်တယ်။ ကိုယ်က နာရီတွေ လက်စွပ်တွေ ၀တ်လေ့ဝတ်ထ မရှိသလို လက်မှာ အဲဒါတွေ ရှိနေရင်လည်း လက်မှာ မလွတ်လပ်သလို ခံစားရလို့ မဖြစ်မနေ နာရီလေးပတ်မှ တော်ပါမယ်လေဆိုတဲ့ အခြေအနေမျိုးမှ မဟုတ်ရင် ဘယ်တော့မှ နာရီပတ်လေ့မရှိတာ။ လက်စွပ်လည်း ထိုနည်းလည်းကောင်းပဲ။ မင်္ဂလာဆောင်တုန်းက ယောက္ခမအမေက လက်ဖွဲ့ထားတဲ့ စိန်လက်စွပ်လေးလည်း ဟိုနားချွတ် ဒီနားချွတ်နဲ့ ပျောက်ခဲ့တာပဲ။ လက်စွပ်မရှိတော့လို့ လက်စွပ်ဝတ်ရတဲ့ဒုက္ခ လက်စွပ်ဘယ်နားထားမိလဲ ရှာရတဲ့ဒုက္ခ လျော့သွားတယ်ဆိုပေမင့် ကိုယ့်ကို သားတစ်ယောက်လို ချစ်တဲ့ ယောက္ခမ အမေက အမြတ်တနိုးဆင်ပေးထားတဲ့ လက်စွပ်မို့ ကိုယ်က ကောင်းကောင်း မထိန်းသိမ်းမိတာကို အင်မတန် အားနာမိတယ်။
.
. . . နာရီဆိုရင်လည်း အဲလိုပဲ၊ မြန်မာပြည်မှာနေတုန်းက အလုပ်သွား ရုံးသွား နာရီပတ်သွားတဲ့အခါ ရုံးရောက်ရင် နာရီကို ချွတ်ပြီး စားပွဲပေါ်တင်ထား၊ တကယ်တမ်း ကြည့်ဖြစ်လားဆိုတော့လည်း မဟုတ်ဘူး။ အိမ်ပြန်တော့မယ်ဆို ပြန်ပတ်၊ အိမ်ရောက်တော့ပြန်ချွတ်၊ လက်ပတ်နာရီဆိုပေမယ့် လက်မှာနေရတာထက် စားပွဲပေါ် ဗီရိုပေါ် မှန်တင်ခုံပေါ် နေရတဲ့အချိန်က ပိုများတယ်။ ကျောင်းတက်ရင်လည်း စာသင်ခန်းထဲက စားပွဲပေါ်တင်ရင်တင်ထား ဒါမှမဟုတ် အိတ်ထဲဖြစ်ဖြစ် ကောက်ထည့်ထားလိုက်တာပဲ။ တော်တော်စိမ်းကားတဲ့ သခင်ပါလားလို့ နာရီလေးက ထင်ရှာပေလိမ့်မယ် . . .
.
. . . အခု ဒီကျောင်းကိုရောက်ကတည်းက နာရီကို ပတ်ကို မပတ်ဖြစ်တော့သလောက်ပဲ။ ကိုယ့်အခန်းမှာ တိုင်ကပ်နာရီကြီးကြီးတပ်ထားပြီး လုပ်စရာရှိတာတွေကို အိုင်ဖုန်းထဲမှာ အချိန်ဇယားဆွဲထည့်ထားတော့ ဖုန်းက သတိပေးတဲ့အချိန် ရေထချိုး၊ စာသင်ခန်းသွား၊ အိပ်ယာထ စသည်ဖြင့်ဆိုတော့ လက်မှာရှုပ်နေတယ်လို့ထင်တဲ့ နာရီကို ပတ်ထားရတဲ့ ဒုက္ခက ဝေးဝေးနေလို့ရတဲ့သဘောပဲ။ တစ်ခါတစ်ခါ စမတ်ကျကျ ၀တ်ဖို့စားဖို့ လိုအပ်တဲ့အခါ၊ ဧည့်သည်စောင်သည် တွေ့ဖို့ရှိတဲ့အခါ၊ မြို့ကြီးပြကြီး သွားတဲ့အခါ နာရီပတ်မလို့ စိတ်ကူးရင် သင်းကလေးက ပျောက်ရင်ပျောက်နေပြန်ရော။ သူ့အပေါ်စိမ်းတဲ့သခင်မို့ သူကလည်း မခင်တွယ်ဖူးထင်ပါရဲ့ . . .
.
. . . ယောက်ျားလေးဆိုတာ နာရီကောင်းကောင်းပတ်ရတယ်လို့ သြ၀ါဒပေးတာ ကြားဖူးနားဝမို့ နာရီကောင်းကောင်းလေး လိုချင်သော်ငြား ဒီနာရီလေး ၀ယ်ပြီးရင်လည်း စားပွဲပေါ် ဗီရိုပေါ် တစ်ခါတစ်ခါ အံဆွဲထဲဖြစ်ဖြစ် ရက်ရှည်လများ ပုန်းနေပြီး တစ်ခါတစ်ခါ အခွင့်သင့်မှ ပတ်ဖြစ်မယ်မို့ ကိုယ်တကယ်သဘောကျတဲ့ နာရီလေးတွေ တွေ့တဲ့အခါ ပိုက်ဆံတွေအများကြီးပေးပြီး ၀ယ်လိုက်ရမှာလည်း နှမြောမိပြန်တယ်၊ အထူးသဖြင့် ဂျပန်လုပ်နာရီထဲက ORIENT တံဆိပ်နာရီလေးတွေဆို သိပ်သဘောကျတာကလား။ နာရီဒီဇိုင်းလေးတွေ လိုက်ကြည့်လိုက်ရင်လည်း ကိုယ်အကြိုက်ဆုံး ဒီဇိုင်းတွေက လက်မှာပတ်ထားမှ နာရီစက်က ပုံမှန်လည်ပတ်နေမယ့် အော်တိုမစ်တစ်စနစ်နဲ့ နာရီတွေဆိုတော့ ကိုယ်နဲ့ မကိုက်လှပြန်ဘူး။ တစ်ခါထုတ်ပတ်ခါနီးတိုင်း တစ်ခါ နာရီတိုက်ရမှာလည်း မဟန်လှဘူး ထင်တာပဲ၊ ကိုယ်မကြိုက်သော်လည်း ကိုယ်နဲ့ကိုက်တဲ့ ဓာတ်ခဲအားနဲ့သွားတဲ့ နာရီဆိုပြန်တော့လည်း အော်တိုမစ်တစ်နာရီလောက် အထင်က မကြီးပြန်ဘူး . . .
.
. . . ပေါ့ပေါ့ပါးပါးနဲ့ အလုပ်မျိုးစုံလည်း လုပ်ပေးနိုင်တဲ့ ပန်းသီးတစ်ခြမ်းကိုက် နောက်ဆုံးပေါ် မျိုးဆက်အမှတ်သုံး နာရီလေးဝယ်ရင်ကောင်းမလား ဆိုပြီးတော့လည်း တစ်ခါရူးသွပ်ဖူးတယ်။ ဘ၀မှာ လိုလိုချင်ချင် ရှိမိတဲ့ တစ်မျိုးတည်းသောနာရီပဲ။ ဒါပေမယ့် ကျိုးကြောင်းကျကျ စဉ်းစားလိုက်ရင် ကိုယ်လို နာရီပတ်ပျင်းပုံမျိုးနဲ့တော့ နာရီကို ၀ယ်ထားလည်း နာရီရှိနေတယ် ဆိုတာကလွဲရင် သူလုပ်ပေးနိုင်တဲ့အလုပ်တွေ ကိုယ်ရမှာ မဟုတ်ဘူး။ ပြီးတော့ ဓာတ်ခဲနာရီလိုမျိုး အားလည်း သွင်းသွင်းနေရအုံးမှာဆိုတော့ ကိုယ့်အတွက် အလုပ်လုပ်ပေးဖို့ အသုံးမချနိုင်တဲ့ပြင် ကိုယ်ကပါ သူ့ကို ၀န်ဆောင်မှု ပြန်ပေးနေရအုံးမလို ဖြစ်တော့မှာမို့ မ၀ယ်တော့ပါဘူးလို့ စိတ်ကူးလိုက်တယ်၊ ပြောသာပြောတာ၊ အဲသည်နာရီလေး ၀ယ်မိရင်လည်း တစ်ခြားနာရီတွေလို မဟုတ်တော့ ပတ်ဖြစ်ချင် ပတ်ဖြစ်နေမှာပါ . . .
.
. . . နာရီအကြောင်းပြောရင် အခုချိန်ထိ နှမြောတသနဲ့ လွမ်းနေမိတာတစ်ခုကတော့ စစ်တက္ကသိုလ် နောက်ဆုံးနှစ်တုန်းက ပတ်ခဲ့တဲ့ နာရီလေးပဲ။ အဲသည်နာရီလေးက ဘ၀မှာ ပထမဆုံး ပတ်ခဲ့တဲ့ နာရီလေးလို့ ဆိုရင်တောင်ရတယ်။ အိမ်က မမကြီး ၀ယ်ပေးခဲ့တာ။ ကျွန်တော်တို့ စစ်တက္ကသိုလ်မှာ စစ်ရေးပြလေ့ကျင့်တဲ့အခါ နာရီတို့ လက်စွပ်တို့ မ၀တ်ရဘူးဆိုတဲ့ စည်းကမ်းရှိတယ်။ ကျောင်းဆင်းပွဲ စစ်ရေးပြကြီး ၀တ်စုံပြည့်လေ့ကျင့်တဲ့ နောက်ဆုံးနေ့မှာ စစ်ရေးပြဌာနမှူး ဗိုလ်မှူးကြည်လင်းက ရှောင်တခင် စစ်ဆေးတာမှာ မိသွားတာ။ ကိုယ်က နာရီပတ်လေ့ပတ်ထ မရှိပေမယ့် အဲသည်နေ့က ကံဆိုးစွာနဲ့ နာရီပတ်လာမိတယ်။ နောက်ပြီးတော့ တစ်ချို့တွေ အကြံပေးသလို နာရီကို ညာလက်မှာ မပတ်ဘဲ သမားရိုးကျအတိုင်း ဘယ်လက်မှာ ပတ်လာမိတယ်။ အကျီင်္လက်ရှည်နဲ့ လက်အိတ်နဲ့မို့ နာရီပတ်ထားတာကို မမြင်ရဘူးဆိုပေတဲ့ ဆရာသမားက ဘယ်လက်တွေကို လိုက်စမ်းတာလေ။ စစ်ရေးပြ စစ်ကြောင်းကြီးအကုန်လုံးကို တန်းစီကွင်းထဲက မချီတက်ခင် စနစ်တကျ တန်းစီပြီးတဲ့အချိန်မှာ လိုက်စစ်တာ၊ စစ်ကြောင်းတွေရှေ့က ဓားကိုင်ထားတဲ့ဗိုလ်လောင်းတွေကိုချည်း ရွေးစစ်တာ၊ ကိုယ့်အလှည့်မရောက်ခင် သူများတွေ စစ်နေကတည်းက ကိုယ်က မြင်နေသိနေပေမင့် အောင်စစ်သည်အလံတော်ရှေ့က ကိုယ့်တပ်ခွဲ ညီငယ်တွေရှေ့မှာ လှုပ်လှုပ်ရွရွလုပ်ပြီး ခိုးကြောင်ခိုးဝှက်နဲ့ နာရီကို ချွတ်ပြီး ဖွက်လိုက်ဖို့ မသင့်ပါဘူးလေဆိုတဲ့ စိတ်နဲ့ ကိုယ့်အလှည့်ကို စောင့်လိုက်ရတာ။ ထင်ထားတဲ့အတိုင်းပဲ ဓားထမ်းပြီးသက်သာခွဲထားတဲ့ အနေအထားမှာ ဘယ်ဘက်လက်ကောက်ဝတ်ကို လာစမ်းပြီး နာရီကို ချွတ်ယူသွားတာ။ စစ်ရေးပြတန်းဖြုတ်ရင် လာရွေးပါတဲ့ . . . ကျောင်းဆင်းဖို့ ရက်ပိုင်းလောက်ပဲလိုတော့တဲ့ ဗိုလ်လောင်းတစ်ယောက်ကို နစ်နစ်နာနာတော့ အရေးမယူလောက်ပါဘူးလေလို့ ကိုယ့်ကိုယ်ကိုဖြေသိမ့်ပြီး တန်းဖြုတ်တဲ့အချိန် နာရီသွားရွေးတော့ ကိုယ့်နာရီလေးကို မှတ်တောင် မမှတ်မိချင်ဘူး။ နာရီဒိုင်ခွက်ကို ဖနောင့်နဲ့ပဲ ပေါက်ထားသလား တစ်ခုခုနဲ့ပဲ ထုထားသလားမဆိုနိုင်ဘူး၊ မှန်လေးတွေ ကွဲကျေလို့ အထဲက လက်တံလေးတွေ ကွေးကောက်လို့ . . . ကိုယ်စည်းကမ်းဖောက်လို့ ရခဲ့တဲ့ ပြစ်ဒဏ်တစ်ခုအဖြစ် ကိုယ့်ကိုယ်ကို အမြဲသတိပေးနိုင်အောင် အဲသည်နာရီလေးကို သိမ်းထားခဲ့တာ တော်တော်ကြာကြာပါပဲ၊ နှစ်တွေ အများကြီးကြာတော့မှ မေ့မေ့ပျောက်ပျောက်နဲ့ အခုတော့ အဲသည်နာရီလေး ဘယ်ကိုတောင် ရောက်နေပါလိမ့် . . .
.
နာရီဒေသနာ ဤတွင်တစ်ခန်းရပ်၊ နာရီပတ်ပျင်းတယ်ဆိုပေမယ့် နာရီတစ်လုံးတော့ မဖြစ်မနေ ၀ယ်ရအုံးမှာပ
.
ဗိုလ်ကောင်း
၉ နိုဝင်ဘာ ၂၀၁၇

စာတတ်အောင်လုပ်လေ

.
. . . ပထမဆုံး စာပေဟောပြောပွဲ နားထောင်ဖြစ်တဲ့အချိန်တုန်းက အလယ်တန်းကျောင်းသားလောက်ပဲ ရှိအုံးမယ်ထင်တယ်။ သာဝတ္ထိလမ်းဆုံ အုပ်ချုပ်ရေးမှူးရုံးရှေ့က ကြက်လျှာစွန်း မြေကွက်လပ်မှာ ထရန်စဖော်မာကြီး နောက်ကျောပေးပြီးဇာတ်စင်ဆောက် လုပ်တဲ့ စာပေဟောပြောပွဲ။ ဆရာကြီး ဦးအောင်သင်းရယ်၊ စာရေးဆရာဖေမြင့်ရယ်၊ နောက်တစ်ယောက်က ဘယ်သူပါလိမ့် မေ့နေပြီ . . . ထားပါတော့ . . .
.
. . . အဲသည်ပွဲမှာ ဆရာကြီး ဦးအောင်သင်း ပြောခဲ့တဲ့ စကားလေးဟာ ခုထိကို နားထဲက မထွက်ဘူး။ မထွက်ဆို နောက်ပိုင်း ဆရာကြီးရေးတဲ့ စာအုပ်တွေမှာသာမက ခုနောက်ပိုင်း အင်တာနက်တွေ ခေတ်စားလာလို့ နားထောင်ရ ကြည့်ရတဲ့ ဆရာကြီးရဲ့ ဟောပြောပွဲတွေမှာပါ အဲသည်အကြောင်း ခဏခဏ ထည့်ပြောတာကိုး . . .
.
. . . စစ်သူကြီး မဟာဗန္ဓုလလောက် သတ္တိရှိတဲ့သူ ရှိအုံးမလားတဲ့ . . . ဒါပေတဲ့ တိုက်ပွဲဖြစ်တော့ ဟို အင်္ဂလိပ်ကောင်က ထုန်းဆို အမြောက်နဲ့ ထုလိုက်ရော၊ ဟော စစ်သူကြီး မဟာဗန္ဓုလ သေရော တဲ့။ သူထုန်းသလို ကိုယ်ကမှ ပြန်မထုန်းနိုင်တာတဲ့ . . . မြန်မာတွေ ဘယ်လောက် သတ္တိရှိရှိ ဘယ်လောက် မျိုးချစ်စိတ်ရှိရှိ ပညာမရှိတော့ သူ့ကျွန်ဖြစ်တာပဲ တဲ့ . . . ဆရာကြီးပြောတဲ့ စကားအတိအကျမဟုတ်ပေမယ့် အဲသည်သဘော ဆရာကြီးက ပြောတဲ့အခါ အလယ်တန်းကျောင်းသားပေါက်စလေး ကိုယ့်မှာ ကြက်သီးတွေဘာတွေတောင် ထသွားခဲ့ဖူးတယ် . . .
.
. . . အခုလည်း တစ်ချိန်က စစ်တပ်က အုပ်ချုပ်တာကို မကြိုက်လို့ တော်လှန်တဲ့သူတွေ ဒီမိုကလေဆီဆိုသူတွေက သူတို့ကိုယ်သူတို့ အင်မတန်မှကို တရားမျှတတာ မြတ်နိုးလှချည်ရဲ့၊ လူ့အခွင့်အရေးကို လေးစားလှချည်ရဲ့၊ အနစ်နာခံ စွန်လွှတ်နိုင်လှချည်ရဲ့ စသည်ဖြင့် လက်သီးလက်မောင်းတန်း ကြွေးကြော်ရင်း နိုင်ငံကို စီမံခန့်ခွဲသူနေရာရောက်လာတဲ့အခါ အရင်တုန်းက သူတို့ အဆင့်မမီဘူးပြောပြောနေတဲ့၊ သာမန်ဥာဏ်ရည်ရှိတဲ့ ဘယ်သူမဆို လက်လှမ်းတမီယူနိုင်လောက်တဲ့ အတန်းကျောင်းပြီးမြောက်မှု အဆင့်လောက်တောင် ကိုယ့်ကိုယ်ကို မဖြည့်ဆည်းခဲ့ဘဲနဲ့၊ အရင့်အရင်က စစ်တပ်ကို တော်လှန်လို့ ထောင်ကျတဲ့ကာလ အတိုအရှည်နဲ့ ကိုယ့်ကိုယ်ကို သိဒ္ဓိတင်ရင်း ပညာသင်ယူဖို့ လစ်ဟင်းခဲ့တဲ့အခါ ခုနေအခါ ဘယ်လိုတွေ ပရမ်းပတာ ပြောဆိုပြုမူနေကြသလဲဆိုတာ အထွေအထူး ပြောစရာတောင် မလို . . .
.
. . . ဒီမိုခလေဇီတွေ လူ့ခွင့်ရေးတွေ လက်သီးလက်မောင်းတန်းရင်း ထောင်ထဲမှာတင် အချိန်ကုန်နေကြတဲ့အခါမှာ သူတို့တော်လှန်နေပါတယ်ဆိုတဲ့ စစ်တပ်ကြီးက သူ့ကိုသူ စနစ်တကျနဲ့ ပြုစုပျိုးထောင်လို့၊ ပညာရှင်တွေ မွေးမြူလို့၊ အနာဂတ်ခေါင်းဆောင်လောင်းလျာတွေ တန်းစီလို့ ဖြစ်နေတာကို မြင်ရခါမှ ကိုယ့်လိုအပ်ချက်ကို ဖြည့်ဆည်းဖို့ စိတ်ကူးမရဘဲ ပုတ်ခတ်ဆဲရေးဖို့လောက်သာ အတွေးဝင်နေမယ်ဆို နောင်လည်း ဒီလိုပဲ သူများလုပ်တိုင်း ခံနေရအုံးမှာပဲ . . .
.
. . . ပြောလိုက်ရင် အရပ်ဘက်အုပ်စိုးမှု၊ စစ်ဘက်ကို အရပ်ဘက်ထိန်းချုပ်မှုအောက်ထားရှိရေး။ တကယ်လုပ်နေတာက ကိုယ့်အရည်အချင်းကို မြှင့်တင်ဖို့ မကြိုးစားဘဲ၊ အရည်အချင်းရှိသူကို တာဝန်ပေးဖို့ မြေတောင်မြှောက်ဖို့ ခေါင်းဆောင်မှု လက်ဆင့်ကမ်းဖို့ မစဉ်းစားဘဲ ကိုယ့်စကားနားထောင်မယ် ကိုယ်ပြောသမျှ ဗောင်းတော်ညိတ် စိတ်တော်သိ ခပ်ဒူဒူ ခပ်ထုံထုံတွေကိုပဲ ၀န်းရံခစားစေမယ်ဆိုရင်တော့ဖြင့် အနှီပုဂ္ဂိုလ်တို့ရဲ့ လက်သီးလက်မောင်းတန်း မစားရ၀ခမန်း ကြွေးကြော်သံတွေက ကြွေးကြော်သံအဆင့်ထက် ထပ်တက်လာဖို့ မမြင် . . .
.
. . . စစ်ဘက်ကို ထိန်းချုပ်ချင်ရင် စစ်ဘက်ထက် သာအောင်ကြိုးစားကြပါ၊ သစ်ပင်တစ်ပင်ကို စိုက်ပျိုးဖို့ အကောင်းဆုံးအချိန်က လွန်ခဲ့တဲ့ နှစ်နှစ်ဆယ်က ဖြစ်ပါတယ်။ အကောင်းဆုံးအချိန်တုန်းက မစိုက်ဖြစ်ခဲ့မိလို့ သူများတွေ သစ်ပင်တွေ စိမ်းလန်းဝေစည်နေတာမြင်ရင်လည်း အဲသည်အပင်တွေကို ခုတ်ထွင်ဖယ်ရှားဖို့လောက်ပဲ စိတ်ကူးမနေပါနဲ့။ ဒုတိယအကောင်းဆုံးအချိန်ဖြစ်တဲ့ ဒီနေ့ဒီအခါမှာ သစ်ပင်စိုက်ဖို့ စိတ်ကူးပါ စီမံကိန်းချပါ လက်တွေ့အကောင်အထည်ဖော်ပါ။ ကိုယ့်ထက်သာသူတွေကို ပုတ်ခတ်နေရုံနဲ့တော့ ကိုယ်ရဲ့ ငတုံးဘ၀က ကျွတ်သွားမှာမဟုတ် . . .
.
. . . ဆရာကြီးဦးအောင်သင်းရဲ့ စကားနဲ့ပဲ ပြောရရင် စစ်တပ်ကို တော်လှန်နေတယ်လို့ ကိုယ့်ကိုယ်ကို ခံယူထားသူများ စစ်တပ်က တစ်ချက်ထုန်းရင် ကိုယ်က ဆယ်ချက်လောက် ပြန်ထုန်းနိုင်အောင် စာသင်ကြ . . .
.
ဗိုလ်ကောင်း
၆ နိုဝင်ဘာ ၂၀၁၇

အချစ်စစ်သည်တော်

.
. . . ဂျပန်ကောင်မလေးတစ်ယောက်ယောက်နဲ့ တိုကျိုသွားတဲ့ လော်ကယ်ရထားပေါ်မှာဖြစ်ဖြစ် ကျောင်းပြင်ပကိစ္စတစ်ခုခုမှာ ကြုံကြိုက်လို့ဖြစ်ဖြစ် တစ်ယောက်နဲ့တစ်ယောက် မိတ်ဆက်ဖြစ်ကြတဲ့အခါ ကောင်မလေးလှလှလေးမို့ ကိုယ်က စကားများများပြောချင်ရင် ကိုယ်နေနေတဲ့မြို့လေးအကြောင်း တစ်ခမ်းတစ်နားပြောပြလေ့ရှိတယ်။ တစ်ထိုင်တည်းနဲ့ စကားတွေအများကြီး ပြောဖြစ်ဖို့ဆိုတာ သူစိတ်ဝင်စားတဲ့အကြောင်းလည်း ဖြစ်အုံးမှကိုး။ ကိုယ်က နာမည်ပြောမိတ်ဆက်ပြီးတာနဲ့ သူ့ကို ဘယ်မှာနေလဲ မေးလိုက်တယ်။ သူကလည်း ပြန်မေးတယ်လေ၊ ကိုယ့်ကိုဘယ်မှာနေလဲလို့ အမေးခံရပြီဆိုတာနဲ့ အဲဒါ ကိုယ့်အကွက်ထဲ ရောက်လာတာပဲ။ တစ်ခါတည်း ကောင်မလေးမျက်လုံးကို တည့်တည့်ကြည့် မျက်နှာကို အပြုံးရွှင်ဆုံးထားပြီး
. . . အချစ်စစ်သည်တော်ကြီးရဲ့ အချစ်မြို့လေးမှာ နေပါတယ်လို့ . . . ဖြေလိုက်တာပဲ . . .
.
. . . အဲသည်လို ဖြေလိုက်လို့ ကောင်မလေးမျက်လုံးလေးတွေ အရောင်တွေတောက်လာပြီး စိတ်ဝင်စားတဲ့ပုံပြပြီဆိုလို့ကတော့ ကိုယ့်ရဲ့ အချစ်မြို့လေးအကြောင်း စီကာပတ်ကုံး ပြောပြတော့တာပေါ့. . .
.
. . . ချစ်ခြင်းမေတ္တာကို ဂျပန်လို ခန်းကြီးနဲ့ဆိုရင် 愛 လို့ရေးတယ်။ အိုင်းယ် ဆိုတဲ့အသံထွက်မျိုးပဲ။ လွန်ခဲ့တဲ့ နှစ်ပေါင်း လေးရာကျော်လောက်တုန်းက အခု မီနာမီအွန်နူမာလို့ခေါ်တဲ့ ဒီဒေသမှာ ဆာမူရိုင်းစစ်သည်တော်ကြီးတစ်ဦးရှိခဲ့တယ်။ အဲသည်ခေတ် အဲသည်အခါက လူတွေဟာ အမြီးကျက်အမြီးစား ခေါင်းကျက်ခေါင်းစား လုပ်ဖို့လောက်ပဲ စိတ်ဝင်စားကြလို့ လူ့အဖွဲ့အစည်းမှာလည်း အချင်းချင်း ယုံကြည်မှုတွေ ပျက်ယွင်းနေကြတဲ့ အချိန်အခါပေါ့။ နာအိုအဲကန့်တက်စုဂု (直江兼続) လို့အမည်တွင်တဲ့ အဲသည် ဆာမူရိုင်းကြီးဟာ လူအချင်းချင်း ချစ်ခြင်းတရားနဲ့ မျှတညီညွတ်မှုကိုလိုလားကြောင်း ဖော်ကျူးတဲ့အနေနဲ့ သူ့ရဲ့ ဆာမူရိုင်းစစ်ဥသျှောင်မှာ ချစ်ခြင်းမေတ္တာလို့ အဓိပ္ပာယ်ရတဲ့ 愛 ခန်းကြီးစာလုံးကို ၀တ်ဆင်ပြခဲ့ပါသတဲ့။ ဒါကြောင့် ဒီဆာမူရိုင်းကြီးကို အချစ်စစ်သည်တော်ကြီးအဖြစ် မော်ကွန်းတင်ကြပြီး အဲသည်ဆာမူရိုင်းကြီး နေသွားတဲ့ ကျွန်တော်တို့နေတဲ့ မြို့လေးမှာလည်း အချစ်စစ်သည်တော် ဆာမူရိုင်းကြီး သင်္ကေတကို အခုအချိန်ထိ အမြတ်တနိုး ဂုဏ်ယူစွာ ၀ိသေသပြုထားတာဖြစ်ပါတယ် . . .
.
. . . ကျွန်တော်တို့ကျောင်းမှာ အရင်တုန်းက ချစ်ချစ်ခင်ခင် ဆိုတဲ့ အဓိပ္ပာယ်မျိုးရှိတဲ့ ဒိုင်စုကီ ( 大好き ) ဆိုတဲ့ အားကစားအသင်းတစ်ခု ရှိခဲ့တယ်။ အလွယ်ခေါ်ရင်တော့ ချစ်တတ်သူများအသင်းပေါ့လေ။ အိုင်ယူဂျေ အိုလံပစ်ပွဲကျရင် စိတ်တူကိုယ်တူ လူတွေစုပြီး ဖွဲ့ကြတဲ့ အသင်းတွေက ချစ်စရာကောင်းတဲ့ နာမည်လေးတွေ ပေးကြတယ်။ သက်တန့်အသင်း (Rainbow) ရှိတယ်။ သိမ်းငှက် (Falcon) အသင်းရှိတယ်။ ၀ါဆာဘီ (山葵) လို့ခေါ်တဲ့ ဂျပန်ရိုးရာ ငါးစိမ်းအသားစိမ်းတွေစားရာမှာ တို့စားရတဲ့ စားစရာတစ်မျိုးနာမည်ပေးထားတဲ့ အသင်းလည်းရှိတယ်။ ကိုယ်အကြိုက်ဆုံး အသင်းကတော့ IDC လို့နာမည်ပေးထားတဲ့ အပြည်ပြည်ဆိုင်ရာအရက်သမားများအသိုက်အ၀န်းဆိုတဲ့ အသင်းပဲ။ ယင်းဂလိပ်လိုဆိုရင်တော့ International Drinkers' Community လို့ခေါ်မယ်ထင်ပါရဲ့။ [သူတို့က တစ်ခါအသင်းဝင်ရင် ရာသက်ပန် အသင်းသားဖြစ်သတဲ့။ အရက်သမားအသင်းသားတို့ရေ နာမည်အရှည်ကောက်ရေးတာ မှားနေရင် ပြောကြအုံး]။ ဒါပေမယ့် ဒါတွေက သမိုင်းထဲမှာ ကျန်ခဲ့ရပါပြီ။ ပြီးခဲ့တဲ့နှစ် အိုလံပစ်ပွဲအထိ အဲသည် အသင်းတွေရှိခဲ့ပေမယ့် အခုကျောင်းမှာ ကျန်စစ်သားအသင်းတို့ အောင်ဇေယျအသင်းတို့ ဖွဲ့သလို ကျောင်းကိုတည်ထောင်ခဲ့တဲ့ ပုဂ္ဂိုလ်ကြီးတွေနာမည်နဲ့ အသင်းတွေဖွဲ့လိုက်တော့ အဲသည်အသင်းလိုက်ပဲ လုပ်ရတော့မယ့်သဘောပဲ။ အတိတ်မှာပဲ နေရစ်ခဲ့တော့ ဒိုင်စုကီရေလို့ ပြောရတော့မယ် . . .
.
. . . ဒီတစ်ခေါက် မြန်မာပြည်ကိုပြန်ရင် ပန်းပွင့်လေးမေမေအတွက် အချစ်စစ်သည်တော်ကိုယ်စားပြု ဆာမူရိုင်းစစ်ဥသျှောင်လေးတစ်ခု လက်ဆောင်ပေးမယ်လို့ စိတ်ကူးထားတယ်။ မပြန်ခင်တော့ အဲဒါလေး တွေ့အောင်ရှာရအုံးမှာပ . . .
.
ဗိုလ်ကောင်း
၎ နိုဝင်ဘာ ၂၀၁၇