နှမလက်လျှော့နေလေတော့

. . . မြန်မာခေတ်ဟောင်းသီချင်းတွေ ကာလပေါ်သီချင်းတွေ ကြိုက်တတ်တဲ့ ၀ါသနာက အမေ့ဆီက ရတယ်ထင်တာပဲ။ အမေက ငယ်ငယ်ကဆို သီချင်းလေးတအေးအေး ဆိုလေ့ရှိတော့ မာမာအေးတို့ တင်တင်မြတို့ သီချင်းသံတွေက နားယဉ်နေတာကိုး။ အိမ်မှာက လေဒီယို တစ်လုံးပဲ နားထောင်စရာရှိတာမို့ မြန်မာ့အသံကလွှင့်တဲ့ သီချင်းတော်တော်များများလည်း အမှတ်တမဲ့ပဲဖြစ်ဖြစ် နားထောင်ဖြစ်ခဲ့တယ်။ နောက်ပိုင်း အိမ်ကထွက်သွားပြီးတဲ့နောက်မှာလည်း ကက်ဆက်ခေတ်၊ စီဒီဓာတ်ပြားခေတ်၊ ကွန်ပြူတာလက်တော့၊ အင်တာနက်နဲ့ အခုလက်ရှိ အိုင်ဖုန်း အိုင်ပေါ့တွေခေတ်အထိ မြန်မာသံစဉ်သီချင်းတွေကို စွဲစွဲမြဲမြဲ နားထောင်ဖြစ်ပြီး ဆိုရတာလည်း သဘောကျနေတုန်း

. . . ဟိုနေ့က မီးဖိုထဲမှာ ကိုယ့်မြန်မာတွေချည်းပဲရှိနေတော့ ဟင်းချက်ရင်း တွံတေးသိန်းတန်ရဲ့ နှမလက်လျှော့နေလေတော့ ဆိုတဲ့ သီချင်းလေးကို ဆိုမိတော့ သူငယ်ချင်းတစ်ယောက်က အဲသည်သီချင်းရဲ့ မူရင်းအစကို သိလားတဲ့ ။ သိတာပေါ့လို့ ကဗျာကို အခုဆိုရင်တောင် ရနေသေးတယ်ဆိုပြီး ဆိုပြ တစ်ချို့နေရာတွေ မေ့တာလည်းရှိတော့ သူကလည်း ထောက်ပြပေးပေါ့။ ကိုယ့်လို ရှေးကဗျာတွေ မြတ်နိုးတတ်တဲ့သူတစ်ယောက်နဲ့ အခုလို ကဗျာအချီအချ ဆိုရတဲ့ အရသာကို မရဖူးတာ ကြာခဲ့ပါပြီကော

. . . နှမလက်လျှော့နေလေတော့ ဆိုတဲ့ သီချင်းရဲ့ မူရင်းအစဖြစ်တဲ့ ပုရေနိသင်အစချီ ပိုဒ်စုံရတုကို ရှင်မဟာရဌသာရ ရေးခဲ့တာပါ။ ကိုယ်တိုင်တော့ တက္ကသိုလ်မှာ ပြဌာန်းစာအနေနဲ့ မသင်ဖူးပေမယ့် ပထမနှစ်နဲ့ ဒုတိယနှစ်မြန်မာကဗျာလက်ရွေးစင်စာအုပ်ကို အိမ်က အမတွေရဲ့ စာအုပ်ပုံထဲကရခဲ့လို့ ဖတ်မိပြီး စာအုပ်ကို အပိုင်သိမ်းထား ကြုံတိုင်းဖတ်ဖြစ်နေတာ အခုထိပါပဲ။ အငယ်တုန်းက အားရင် စာတွေပဲအဖတ်များတော့ ကိုယ်ကြိုက်တဲ့ ကဗျာတွေဆို အလွတ်နီးပါးကို ရနေတဲ့အထဲ ဒီကဗျာလည်း အပါအ၀င်၊ ကျောင်းမှာ မသင်ခဲ့ရတော့ သူ့ရဲ့ ဖွင့်ဆိုရှင်းပြချက်တွေ သေချာကြီး နားလည်နေတာ မဟုတ်ပေမယ့် ကိုယ်နားလည်သလောက်နဲ့ ဒီကဗျာကို ကြိုက်မိစွဲမိတယ်။

. . . ရှင်မဟာရဌသာရက ပဉ္ဇင်းတက်ပြီးချိန်မှာ လူငယ်ဘာသာဘာဝ ရပ်ထဲရွာထဲက မာတုဂါမတစ်ယောက်နဲ့ ရည်ငံမိတယ်ထင်ပါရဲ့။ ကလေးမက “ထပ်ရစ်လက်သင် ထုံးစတွင်” ဆိုတာ ဆံပင်အုပ်လုံးသိမ်းအရွယ်ကို ပြောပုံရတယ်။ ဒီလိုနဲ့ ခိုးပြေးဖို့လားဘာလား မိန်းကလေးနဲ့ အချိန်းအချက် လုပ်ပြီးခါမှ သတိသံဝေဂရပြီး ကိုယ့်ရဲ့စိတ်ကို ပြန်ထိန်းပြီး ကောင်မလေးကို “ဒီဘ၀တွင် နှမလက်လျှော့ နေလေတော့ဟု” နုတ်ဆက်လိုက်ပုံပါပဲ။

. . . ဒီကဗျာမှာ သူ့နဲ့ရည်ငံနေတဲ့ ကောင်မလေးကို ငြင်းပယ်လိုက်တာကိုပဲ လူသိများပြီး ဘာလို့ သတိတမန် ဥာဏ်မြေကတုတ်နဲ့ ကိုယ့်စိတ်ကို ချွန်းပြန်အုပ်နိုင်ခဲ့လဲဆိုတာကို သိပ်သတိမထားမိကြတာ များပါတယ်။ ကိုယ်နားလည်မှုအရဆိုရင် ရှင်မဟာရဌသာရ သာသနာ့ဘောင်ကို ၀င်တယ်ဆိုတာ “လူ့မြေတိတွင် ဘက်မမြင်သား” လို့ ဒုတိယပိုဒ်မှာချီထားတဲ့ ရဟန်းမယ်တော်ရဲ့ ဆုံးမမှုကို ငဲ့ကွက်ပြီးအခုလို သတိသံဝေနဲ့ ပြန်ထိန်းသိမ်းခဲ့တယ်လို့ နားလည်ရပါတယ်။ ဒါပေမယ့်

. . . ကဗျာရဲ့ တတိယပိုဒ်မှာတော့ စာဆိုအရှင်ရဲ့ သက်ပြင်းသံ တငြီးငြီးကို ကြားနေရသလိုပါပဲ။ သူ့ကောင်မလေးကို ရဟန်းဘ၀နဲ့ မအပ်စပ်လို့ စွန့်လွှတ်လိုက်ရပေမယ့် တကယ်တမ်းကျတော့ သူ့ရင်ထဲမှာ ကောင်မလေးကို မေ့နိုင်ပုံမရပါဘူး။ မြို့ရှေ့က ညောင်ပင်ရုက္ခစိုးကို သက်သေထားပြီး အချစ်တွေတိုင်တည်ခဲ့တာကို တတမ်းတတဖြစ်ပြီး ညတွေညတွေမှာ နာရီတွေသာ တစ်နာရီပြီးတစ်နာရီ ကုန်သွားတယ် သူ့မှာတော့ အိပ်၍မပျော်သော ညတစ်ညသံသရာလည် ဖြစ်နေရတဲ့အကြောင်း သနားစရာ ရေးဖွဲ့ထားတာကို ခံစားမိပါတယ်

. . . နောင်များကြုံတဲ့အခါ မြန်မာစာဆရာတွေနဲ့တွေ့ရင် ကဗျာအကြောင်း သေချာရှင်းပြခိုင်းဖို့ မှတ်ထားတယ်၊ အလျဉ်းသင့်တဲ့အခါ သီချင်းဆိုပြီး တင်ပေးပါအုံးမယ်

ဗိုလ်ကောင်း

၁၀ သြဂုတ် ၂၀၁၉

သောက်တလွဲဗျူရိုကရေစီ

. . . ဗျူရိုကရေစီကိုပဲ ဆဲရမလား ဗျူရိုကရက်တွေကိုပဲ ဆဲရမလား
နဂိုကတည်းကိုက ဒီလိုကိစ္စတွေအတွက် ချမှတ်ထားတဲ့ လုပ်ထုံးလုပ်နည်းကို မရှိဘဲ လက်တန်းတွေ လုပ်ခဲ့ကြသလား၊ ရှိလျက်နဲ့ပဲ လုပ်ထုံးလုပ်နည်းကို သောက်ဂရုမစိုက်ဘဲ စိတ်ကူးတည့်ရာတွေ လျှောက်လုပ်နေကြလားတော့မသိဘူး
.
. . . ပတ်စ်ပို့သက်တမ်းကုန်လို့ စစ်သံရုံးကနေတစ်ဆင့် သံရုံးကို သတင်းပို့ပြီး သက်တမ်းတိုးဖို့လုပ်တယ်၊ ကိုယ်တိုင်ရေးတင်ပြစာ၊ သက်ဆိုင်ရာ ၀န်ကြီးဌာနစာ စသည်ဖြင့် တောင်းတဲ့စာရွက်စာတမ်းတွေ အကုန်ပေးလိုက်တယ်၊ ဟော ကိုယ့်ကိစ္စကြီး မြန်မာပြည်ရောက်တော့လည်း ကိုယ့်ရုံးထိ ပြန်ရောက်သွားပြီး ကိုယ့်ရုံးကနေ ပတ်စ်ပို့အသစ်ထုတ်သလို လုပ်ငန်းစဉ်ကို အစအဆုံး လိုက်လုပ်ရပြန်တာပဲ၊ ဒါနဲ့များ ဘာလို့ သံရုံးကို ဖြတ်ခိုင်းနေသေးလဲ၊ စစ်သံရုံးကနေတစ်ဆင့် မြန်မာပြည်က ကိုယ့်ရုံးကိုယ်ပဲ တိုက်ရိုက်ဆက်သွယ်ပြီး လုပ်တော့မပေါ့၊ နားရွက်ပတ်ကိုင်နေရတာကိုပြောပါတယ်၊ မြန်မာပြည်က လိုအပ်တာ အသေးစိတ် စိတ်ရှည်လက်ရှည်လိုက်လုပ်ပေးတဲ့ ညီလေးတွေရှိလို့မှ ကျေးဇူးတင်စွာနဲ့ တော်ပါသေးရဲ့လို့ အောက်မေ့မိတယ်
.
. . . အခု ပတ်စ်ပို့စာအုပ်အသစ်ထွက်လာပြီဆိုတော့လည်း ကိုယ့်ရုံးကပဲ ထုတ်ပြီး တိုက်ရိုက်ပို့ပေးရမလိုလို၊ နိုင်ငံခြားရေးဝန်ကြီးဌာနကပဲ သံရုံးကို ပို့ပေးမလိုလို၊ ဟိုလိုလိုဒီလိုလို ဖြစ်နေတုန်း
.
. . . မြန်မာပြည်ကနေ ဂျပန်ပြည်ဝင်ခွင့်အတွက် လုပ်ရတုန်းကတောင် အလုပ်ကိုရှင်းနေတာ၊ ကိုယ်နိုင်ငံမှာ ကိုယ့်ကိစ္စကိုယ်လုပ်ခါမှ တိုင်လာပတ်နေတယ်
.
. . . နေစမ်းပါအုံး
ခင်ဗျားတို့ မိုဖာက အာ့လိုပဲ လက်တန်းတွေ လျှောက်လျှောက်လုပ်နေတာလား

အံ့သြဘ

kaki business

Let's see it from the perspective of the state's economic strength in the market economic system. In the current system, the sole function of the state in the entire economy of the country is regulation. The state must focus on the fact that all the economy must be under the regulation of the state including the economic enterprises of the military. If the state can view the military as the biggest taxpayer of the country (currently the state can do nothing else other than that), the best job for the state is to make sure that the military's businesses are playing in the level ground with the other businesses in the country and all of them are following the rule governed. We should not forget the point that we are focusing on the civilian control of the military, NOT destroying the asset of the military because the asset of the military is the asset of the country too. If the government is really willing to do, the military's giant businesses can be under the control of the rule and regulation. To sum up my opinion, the attempt to eradicate the military's asset of the country should not be viewed optimistically.

ခေတ်ပညာတတ်

. . . ခေတ်ပညာတတ်တယ်ဆိုတာ ဆယ်တန်းအောင်ပြီး ဘွဲ့ရတာကို ပြောတာမဟုတ်ဘူး၊ ခေတ်ရေစီးကြောင်းထဲမှာ မလွှဲမရှောင်သာတဲ့ နည်းပညာတွေ အသုံးအစွဲတွေကို အကျွမ်းတ၀င်ကြီးမဟုတ်ရင်တောင် တီးမိခေါက်မိတော့ ရှိတာကိုပြောတာဖြစ်တယ်လို့ ဆိုချင်တယ်။
.
. . . အွန်လိုင်းမှာ မိတ်ဆွေဖြစ်တဲ့ ညီငယ်လေးတစ်ယောက်နဲ့ စကားစမြည်ပြောပြီး ဒီစာကို ထရေးဖြစ်တယ်။ အဲသည်ညီငယ်လေးက ဂျပန်ကို အလုပ်သမားလေ့ကျင့်ရေးဗီဇာနဲ့ ရောက်နေတာ တစ်နှစ်လောက်ရှိပြီတဲ့၊ နေတာကလည်း တိုကျိုမြို့နဲ့ လော်ကယ်ရထားစီးရင် တစ်နာရီလောက်ပဲ စီးရတဲ့ မြို့လေးမှာနေတယ်။ ရထားခကလည်း တိုကျိုနဲ့ အသွားအပြန်မှ ယန်းနှစ်ထောင်ကျော်လောက်ပဲ ကျသင့်တဲ့နေရာ။
.
. . . စကားတွေပြောနေရင်းနဲ့ လာမယ့် သြဂုတ်လ ပိတ်ရက်မှာ ဘယ်ကိုသွားလည်မလဲ မေးတော့ သူက အူရဲနိုကို သွားလည်မယ်တဲ့။ ကိုယ့်မှာ နားမရှင်းလို့ ပြန်မေးတာ အူရဲနိုကို သွားလည်မှာတဲ့။ ကိုယ်ဘာလို့ နားမရှင်းဖြစ်ရလဲ ဆိုရင် အူရဲနိုဆိုတာ တိုကျိုရဲ့တစ်စိတ်တစ်ပိုင်း နာမည်ကြီး တိုကျိုကိုသွားတယ်ဆိုရင်တောင် ခလုတ်တိုက်နေရတဲ့ နေရာမျိုး အာ့လိုနေရာမျိုးကို ပိတ်ရက်ရှည်မှာ တကူးတက သွားလည်မှာဆိုတော့ ကိုယ့်မှာ အထူးအဆန်းတွေဖြစ်လို့၊ ဘာလို့ထူးဆန်းသလဲဆိုရင် ပိတ်ရက်ဆိုတာမျိုးက ရပ်ဝေးနေရာတွေကိုပဲ တကူးကတ သွားလည်တတ်ကြပြီး တိုကျိုမြို့ထဲဟိုနားဒီနားသွားတယ်ဆိုတာ တကူးတက လုပ်နေရတဲ့အလုပ် မဟုတ်ဘူးလို့ပဲ ယူဆထားလို့။
.
. . . ဒါနဲ့ စကားဆက်စပ်ပြီး မေးကြည့်တော့မှ ဆရာသမားလေးက တိုကျိုကိုတောင် တစ်ယောက်တည်း မသွားဖူးဘူးတဲ့၊ သွားရင်လည်း သူများကို မေးရလွန်းလို့ ရှက်လာတယ်တဲ့။ မင်းက တယ်လီဖုန်း မရှိဘူးလားဆိုတော့ ရှိတယ်တဲ့ မသုံးတတ်ဘူးတဲ့ ဆိုလို့ တယ်လီဖုန်းကို ခရီးသွားတဲ့အခါ ရထားစီးတဲ့အခါ နေရာတွေဘာတွေ စားသောက်ဆိုင်တွေ ရှာတဲ့အခါ စသည်ဖြင့် ဘယ်လိုသုံးရလဲဆိုတာ ဖုန်းထဲကနေ သင်ပေးနေရသေးတယ်။ သင်သာပေးနေရတာ ဒီကောင် ငါ့ကို အကြောင်ရိုက်ပြီး မသိချင်ယောင်ဆောင်မေးနေတာလားလည်း မေးရသေး၊ တကယ်ကို ဖုန်းကို အသုံးမချတတ်တာပါဗျာ၊ အံ့ကြီးကို သြရပါလေရော။
.
. . . ပြောချင်တာက အခုလို လက်ကိုင်ဖုန်းတွေ စမတ်ဖြစ်နေတဲ့ ခေတ်ကြီးမှာ လက်ထဲက ဖုန်းကိုတော့ အကျိုးရှိရှိ သုံးကြပါလို့ ပြောချင်တယ်။ စမတ်ဖုန်းဆိုတာ ဖုန်းပြောဖို့နဲ့ ဖေ့ဘုတ်ပွတ်ဖို့လောက်ပဲ သုံးရတာမဟုတ်ဘူး၊ တကယ့်ကို သုံးရင်သုံးတတ်သလောက် အသုံးဝင်တဲ့ ပစ္စည်းလေးပဲ ဆိုတာ ပြောပြချင်တာ။
.
. . . ဘယ်လိုသုံးရမှာလဲတော့ လာမမေးနဲ့၊ ဖုန်းထဲက app တွေကို လျှောက်စမ်းကြည့် စာတွေဖတ် မေး သုံးကြည့် ဒါမှ သိတော့မပေါ့။ အထက်က ပြောခဲ့တဲ့ ညီငယ်လေးက ဖုန်းကို အာ့လို မသုံးတတ်ဘူး၊ ဂျပန်လိုနိုင်ငံမျိုးမှာ အစစအရာရာ သတင်းအချက်အလက်တွေက အလျှံအပယ်ရှိပြီးသားမို့ ဖုန်းကို ကောင်းကောင်း မသုံးတတ်ရင်၊ ကိုယ်တိုင်က မျက်စိဖွင့်နားဖွင့် မလေ့လာရင် တစ်နေရာကနေ တစ်နေရာ ရောက်ဖို့ မလွယ်ဘူး၊ မေးလည်းမမေးရဲ့ ကိုယ်တိုင်လည်း မလေ့လာ စာလည်းမဖတ်။ ကိုယ့်လက်ထဲက ဖုန်းလေးတောင် လိုအပ်သလောက် မသုံးတတ်မှတော့ ဂျပန်ကိုရောက်နေပေမယ့် တကယ့်ကို ဂနိုင်ကျတယ်၊ ငယ်ငယ်တုန်းက စကားနဲ့ပြောရင် မြစ်အရှေ့ဘက်ကမ်းသားပေါ့။ ကျော်တို့ ငယ်ငယ်က မြစ်အရှေ့ဘက်ကမ်းကိုပြောတာနော် အခုက လျှပ်စစ်မီးနဲ့ ကားလမ်းက စစ်တောင်းမြစ်ကိုတောင် ကျော်နေပြီဆိုတော့ အခု ဒီနေ့မြစ်အရှေ့ဘက်ကမ်းသားတွေက အထက်ကပြောခဲ့တဲ့ ဂျပန်ငတိထက် အပုံကြီးသာတယ်ပြောရမယ်။
.
. . . ကျော်တို့ ငယ်ငယ်ကဆို ပျဉ်းမနားကို သွားချင်ရင် ကားရထားစီးရတယ်၊ မနက် ခုနစ်နာရီဆိုပေမယ့် မလာမချင်းစောင့်ရတဲ့ ကားရထား။ တစ်စီးပဲရှိတာမို့ ရထားလည်း မှားတက်စရာမရှိဘူး၊ အသွားလားအပြငန်လားလည်း မှားစရာမရှိဘူး၊ တိုကျိုလိုမြို့မှာကျတော့ ဒီလိုနဲ့ မရဘူး၊ တိုကျိုဘူတာမှာ ပလက်ဖောင်း ၂၈ ခုရှိတယ်၊ ပလက်ဖောင်းတိုင်းမှာ ရထားတွေက သုံးမိနစ်ကနေ ငါးမိနစ်ခြား တစ်စီးစီလောက် အ၀င်အထွက်လုပ်နေပြီး ရထားတိုင်းမှာလည်း လူတွေက တက်နေဆင်းနေကြတာဆိုတော့ တိုကျိုဘူတာ ဘယ်လောက်ရှုပ်မလဲ စဉ်းစားသာကြည့်ပေတော့။
.
. . . ဒါပေမယ့် ဘယ်လောက်ပဲရှုပ်ရှုပ် ပူစရာမလိုဘူး၊ ဘူတာထဲရောက်သွားရင် ဘုတ်တွေမှာ ပြထားတယ် ဘယ်ရထား ဘယ်ပလက်ဖောင်း ဘယ်အချိန် ဘယ်ကိုရောက်မယ်စသည်ဖြင့် တီဗီဖန်သားပြင်မှာ အသံနဲ့လည်း ကြေညာတယ် မြေပုံတွေ လိုင်းတွေပြတဲ့ လက်ကမ်းစာရွက်တွေဆိုတာလည်း အောတိုက်နေအောင် ချပေးထားတာ၊ အဲ ခင်ဗျားဘက်က လုပ်စရာ တစ်ခုပဲရှိတယ်၊ ဖတ် လေ့လာ၊ တစ်ဘူတာလုံးက စနစ်ကြီးတစ်ခုလုံး သိစရာမလိုပေမယ့် ခင်ဗျားသွားမယ့်နေရာ တန်းတန်းမတ်မတ် မမှားမယွင်း အမြန်ဆုံး ဈေးအသက်သာဆုံး ဘယ်လိုရောက်မလဲ ဆိုတာ သိဖို့ကတော့ ခုနပေးထားတဲ့ သတင်းအချက်အလက်တွေကို ဖတ်မှ လေ့လာမှ သိလိမ့်မယ်
.
. . . ကျော်တို့ အမေတို့ ခေတ်နဲ့ ကျော်တို့ခေတ်နဲ့ အခုဆယ်ကျော်သက်တွေခေတ်နဲ့က ကွာချင်တိုင်း ကွာသွားပြီ။ အမေတို့တုန်းက ကျော်တို့တုန်းက ခေတ်က ငယ်ငယ်က သာဝတ္ထိဘူတာလိုပဲ၊ သတင်းအချက်အလက် သိပ်မလိုဘူး၊ ရွေးချယ်စရာလည်း သိပ်မရှိဘူး၊ သိစရာလည်း များများစားစားမရှိဘူး၊ ပျဉ်းမနားကို ကုန်ကျစရိတ်သက်သက်သာသာနဲ့ မနက်ပိုင်းမှာ သွားမယ်ဆို ကားရထားသွားစီး၊ ပလက်ဖောင်းက တစ်ခုတည်းပေမယ့် ရပ်ချင်တဲ့ လမ်းကြောင်းမှာရပ်တယ် ရထားကလည်း တစ်စီးတည်းမို့ လာရင်တက် လိုက်သွား၊ အင်မတန်မှကို ရိုးရှင်းတယ်
.
. . . အခုခေတ်က တိုကျိုဘူတာခေတ်ဖြစ်လာပြီ၊ ရွေးချယ်စရာတွေများလာတယ်၊ ရောက်မယ့်နေရာတွေများလာတယ်၊ သတင်းအချက်အလက်တွေကလည်း များလွန်းအားကြီးတော့ အကုန်လည်း အလွတ်မရနိုင်ဘူး၊ ကိုယ်လိုချင်တဲ့အချိန်မှာကိုယ်လိုချင်တဲ့အရာကို ရဖို့အတွက်က အမြဲတမ်း လေ့လာနေဖို့ လိုလာပြီ၊ နို့မဟုတ်ရင် ရထားတွေ လမ်းတွေအများကြီးထဲ ဘယ်ရထားတက်စီးလို့ စီးရမှန်းမသိတဲ့ အကန်းအအ ဖြစ်တော့မယ်
.
. . . ဒါကြောင့် လူငယ်တွေ ခေတ်ပညာတတ်အောင်လုပ်ကြ။ မကင်းနိုင်တဲ့အရာတွေကို သိတန်သရွေ့သိအောင်လုပ်ထားကြ။ ဖေ့ဘုတ်ကို အပျော်သုံးတယ်ဆိုရင်တောင် ကိုယ့်အကောင့်ကို ဘယ်လိုလုံခြုံအောင်လုပ်ထားမလဲ သိအောင်လုပ် လုံအောင်လုပ်၊ အင်တာနက်ကမ္ဘာကြီးထဲ ဂူဂဲလောက်တော့ ခေါက်တတ်ကြပါစေ၊ မြေပုံကြည့်တတ်ကြပါစေ၊ ကိုယ့်လုပ်ငန်း ကိုယ့်ပတ်ဝန်းကျင် ကိုယ့်ဝါသနာနဲ့ ဆက်စပ်တဲ့ အပလီကေးရှင်းလေးတွေ ဘယ်လိုသုံးမလဲ စသည်ဖြင့် စူးစမ်းတတ်ကြပါစေ
.
. . . ပြောချင်တာတွေကများတော့ စာက မကျစ်လျစ်ဘူးဖြစ်နေပေမယ့် အဆုံးထိ ဖတ်ပေးတဲ့အတွက် ကျေးဇူးတင်ပါတယ်။ ဒီခေတ်ဒီအခါကြီးမှာ ငပိန်းတွေ အဖြစ်မခံကြပါနဲ့ လေ့လာပါ အသုံးချပါ၊ မဟုတ်တာတွေနဲ့ပဲ အချိန်ကုန်မခံကြပါနဲ့
.
ကိုကိုမောင်
၂၅ ဇူလိုင် ၂၀၁၉

နည်းပညာ

. . . ဒီစကားလုံးကတော့ ကြားရလွန်းလို့ ရိုးအီနေတဲ့ စကားလုံးပါ။ အရင်ရေးခဲ့တဲ့ ခေတ်ပညာတတ်ဆိုတဲ့ စာထဲကလိုပဲ ကိုယ်တွေ ငယ်ငယ်က နည်းပညာနဲ့ ပတ်သက်ရင် သိပ်ပြီး မသိသာပေမယ့် အခုက တော်တ်ာကို သိသာသွားပြီ
.
. . . ပြီးခဲ့တဲ့ ရက်က ကျောင်းပြီးလို့ မြန်မာပြည်ပြန်တော့မယ့် ညီလေးတစ်ယောက်နဲ့ စကားစမြည်ပြောရင်း သူက မြန်မာပြည်ရောက်ရင် အ၀တ်လျှော်စက် ထောင်မယ်ဆိုတဲ့ စိတ်ကူးလေးကို ပြောပြတယ်။ (ဂျပန်မှာက အိမ်တိုင်းမှာ အ၀တ်လျှောက်စက် ရှိချင်မှ ရှိမယ်၊ အ၀တ်လျှောက်စက်လေးတွေထားပေးထားတဲ့ နေရမှာ သွားလျှော်လို့ရတယ်၊ မစ္စတာဘင်း ဟာသတွဲတွေထဲမှာတောင် ပါသေး၊ အ၀တ်ကိုယူသွား ကိုယ့်ဘာသာ စက်ထဲကို ပိုက်ဆံထည့် ဆပ်ပြာမှုန့်ထည့်လျှော်၊ ကိုယ့်ဘာသာ အခြောက်ခံစက်ထဲထည့် ပြန်ယူလာ၊ အ၀တ်လျှော်စက်ဝန်ဆောင်မှုလို့ခေါ်ရမယ်ထင်တယ်)
.
. . . ကိုယ်တွေကျောင်းမှာရှိတဲ့ စက်တွေက ပိုက်ဆံအကြွေစေ့ထည့်ရတဲ့ စက်တွေ တစ်ခါလျှော် ယန်းတစ်ရာစေ့တစ်စေ့၊ အခြောက်ခံ ယန်းတစ်ရာတစ်စေ့ စသည်ဖြင့်ပေါ့။ အဲသည်ညီလေးက အာ့လို ပိုက်ဆံထည့်တဲ့ စနစ်မျိုးနဲ့ လုပ်မယ်ဆိုတော့ ကိုယ်က အကြံပေးတယ်။ ညီလေး မင်း လုပ်မယ့်လုပ် ဘာလို့ အကြွေစေ့လုပ်နေအုံးမလဲ၊ တရုတ်လို နိုင်ငံမျိုးမှာ သူတောင်းစားတောင် QR Code နဲ့ ပိုက်ဆံတောင်းနေတဲ့ ခေတ်ကြီးမှာ အာ့လိုနည်းလေးနဲ့ လုပ်ဖို့ စဉ်းစားပါလားဆိုတော့ သူက ခါးခါးသီးသီးငြင်းတယ်။ သူ့အကြောင်းပြချက်က လူတွေက နည်းပညာ အာ့လောက် မသိသေးဘူးတဲ့၊ သူပြောတာ မှားတယ်လို့ ဆိုချင်တယ်။
.
. . . ကိုယ့်အထင်ပြောရရင် လူတိုင်းလက်ထဲမှာ အင်တာနက်ပါတဲ့ စမတ်ဖုန်းတွေရှိနေပြီ၊ ဘဏ်အကောင့်လိုဟာမျိုးလည်း တော်တော်ကို လွယ်လွယ်ကူကူ လုပ်လို့ရနေတာအပြင် ဘဏ်တွေကလည်း အွန်လိုင်းငွေပေးချေမှုစနစ်တွေကို တော်တော်လေး အားပေးမြှင့်တင်နေပြီမို့ အခုလက်ရှိ နောက်ဆုံးဖြစ်နေတဲ့ QR Code စနစ်ကို တစ်ခါတည်းသွားလိုက်ဖို့ စဉ်းစားသင့်တယ်လို့ ကျွန်တော်က အကြံပေးခဲ့တာပါ။ သူ့ကို ပြောပြီး အခန်းပြန်ရောက်တော့ မြန်မာပြည်ရဲ့ QR Code သုံးနိုင်မှုနဲ့ ငွေပေးငွေယူဝန်ဆောင်မှုတွေကို တော်တော်လေး ရှာဖတ်ဖြစ်လိုက်သေးတယ်။ ရန်ကုန်မှာတော့ မသိဘူး မန်လေးမှာတော့ ဘုရား အလှူခံပုံးမှာ QR Code နဲ့ လှူလို့ရနေပြီ။ ပုဂံမှာ ဘုရားတစ်ဆူချင်းစီရဲ့အကြောင်းကို ရောက်တဲ့ ဘုရားမှာ QR Code နဲ့ဝင်ဖတ်လို့ရနေပြီ၊ ဒါ့အပြင် တစ်နိုင်ငံလုံး ငွေပေးငွေယူဝန်ဆောင်မှုတွေအတွက် နိင်ငံလုံးဆိုင်ရာအဆင့် QR Code စနစ်တစ်ခုကိုတောင် ဖော်ဆောင်ထားပြီဆိုတာ တွေ့ရတယ်
.
. . . ဒီစာမှာ အဓိက ပြောချင်တာက QR Code အကြောင်းတော့ မဟုတ်ဘူး။ နည်းပညာအကြောင်း၊ နည်းပညာတွေ အလျင်အမြန် တိုးတက်နေတဲ့ ခေတ်ကြီးမှာ နည်းပညာနောက်ကို မလိုက်နိုင်ရင် တိုးတက်တန်သရွေ့ တိုးတက်မှာ မဟုတ်ဘူးဆိုတာ ပြောချင်တာ၊ ယုံချင်လည်း မယုံလည်း နေကြပေါ့၊ ဒီထက်တော့ ပိုမပြောတတ်တော့ဘူး
.
. . . ကိုယ် ဂျပန်မှာ ပထမဆုံး ရထားစီးတော့ စာရွက်လက်မှတ်လေးနဲ့၊ လက်မှတ်ရောင်းစက်မှာ ကိုယ်သွားမယ့်ခရီးကျသင့်သလောက် လက်မှတ်ဖိုးထည့်ပြီး လက်မှတ်ထွက်လာတဲ့ အလိုအလျောက် လက်မှတ်ရောင်းစက်က ၀ယ်ရတာ။ ရထားတစ်ခါစီးတိုင်း တစ်ခါ ၀ယ်ရတယ်၊ အလုပ်တစ်ခုပိုတယ်၊ အချိန်ပိုကုန်တယ်။ နောက်ကျတော့ တိုကျိုမှာ အသွားအလာများတော့ လက်မှတ်ကတ် လုပ်လိုက်တယ်။ Suika ဖရဲသီးတံဆိပ်လေးနဲ့ စမတ်ကတ်လေး၊ ပိုက်ဆံကလည်း တစ်ခါထည့်ထားရင် မကုန်မချင်း ထပ်ဝယ်စရာမလိုတော့ အချိန်ကုန်သက်သာတဲ့အပြင် လက်မှတ်ဖြတ်တဲ့နေရာမှာလည်း အဲသည်ကတ်လေးကို ကတ်ဖတ်စက်မှာ ကပ်ပြလိုက်ရုံပဲ၊ ကတ်က ပိုက်ဆံအိတ်ထဲ ထည့်ထားတယ်ဆို ပိုက်ဆံအိတ်လေးကို ကတ်ဖတ်စက်ကို ထိလိုက်တာနဲ့ လက်မှတ်ဖြတ်သွားပြီးသားဆိုတာကိုး။ နောက် မဟာဘွဲ့ရပြီး မြန်မာနိုင်ငံကို ပြန်ပြီး တစ်ခေါက်ပြန်လာတော့ အဲသည်ကတ်တောင် မလိုတော့တဲ့ စနစ်ဖြစ်နေပြီ။ ဖုံးထဲမှာ တစ်ခါတည်း app ထည့်ပြီး ပိုက်ဆံဖြည့်ရုံပဲ။ ပိုက်ဆံတောင် ကိုယ့်ဘဏ်အကောင့်ထဲက တိုက်ရိုက်ဖြည့်လို့ရတဲ့အပြင် ဖုန်းလေးနဲ့ လက်မှတ်ဖြတ်စက်ကပ်လိုက်တာနဲ့ လက်မှတ်ဖြတ်ပြီးပြီ အာ့လောက်ထိ လွယ်သွားတယ်။ ပြောရရင် ဂျပန်မှာ ကိုယ်ရောက်နေတဲ့ ငါးနှစ်အတွင်း ကိုယ်သုံးတဲ့ ရထားလက်မှတ်မျိုးဆက်က နည်းပညာသုံးဆင့် မြင့်သွားတယ်။
.
နည်းပညာကို အထင်မသေးကြနဲ့၊ နည်းပညာကို ခိုင်းစားနိုင်အောင်လုပ်ကြဖို့ သတိပေးချင်တယ်
.
ကိုကိုမောင်
၂၅ ဇူလိုင် ၂၀၁၉

စန်းကလျာ

. . . ဒီစာဖတ်မိတဲ့သူတွေထဲ စန်းကလျာကို မှတ်မိသေးတဲ့သူ ဘယ်နယောက်လောက်ရှိပါလိမ့် ၊ အငြိမ့်မင်းသမီး စန်းကလျာကို သိလိုက်တာ ကိုယ်တွေက နောင်ဆုံးမျိုးဆက်တော့ မဟုတ်လောက်ဘူး။ မှတ်မှတ်ရရ ကိုယ်ဆယ်တန်းအောင်တဲ့နှစ်တုန်းက စန်းကလျာရဲ့ အငြိမ့်ကြော်ငြာဆိုင်းဘုတ်ကို ပျဉ်းမနားဟောင်းလို့ ခေါ်ကြတဲ့ လမ်းပျဉ်းမနားမှာ တွေ့လိုက်သေးလို့ပဲ။
.
. . . စန်းကလျာဆိုတာ ကိုယ်တွေငယ်ငယ်က သိပ်ကိုရင်းနှီးနေတဲ့ အငြိမ့်သမ။ ရင်းနှီးတယ်ဆိုတာ လူချင်း သိတာကို ပြောတာတော့ မဟုတ်ပါဘူး။ သူက ကိုယ့်ရွာမှာလာကတဲ့ အငြိမ့်မင်းသမီး၊ ကိုယ်က အငြိမ့်မင်းသမီး လှလှလေးကိုတောင် မငမ်းတတ်သေးတဲ့ ချာတိတ်ပေါက်စ။ အင်းသာရွာမှာ အလှူအတန်းလေးများရှိလို့ အငြိမ့်ထည့်ပြီဆို စန်းကလျာက မပါမဖြစ်လို့ ပြောရမယ်ထင်တယ်။
.
. . . အငြိမ့်မင်းသမီးကို ကာလသားလို မငမ်းတတ်သေးဘူးဆိုပေမယ့် စန်းကလျာ လှတာကိုတော့ ကိုယ်တွေ ခံစားတတ်တယ်။ သူ့ကိုယ်လုံးကိုယ်ပေါက်ဘာညာသာရကာ အလှကိုတော့ မမှတ်မိဘူးပေါ့လေ၊ ကြည့်လည်း မကြည့်တတ်သေးဘူးကိုး၊ မျက်နာလေး လှတာကိုတော့ ကောင်းကောင်းမှတ်မိနေတယ်။ စံပယ်တင်မဲ့လေးနဲ့ အသားဖွေးဥဥလေးနဲ့ စန်းကလျာက တော်တော်ချစ်ဖို့ကောင်းတဲ့ ပုံစံလေး၊ မှတ်မိတယ်ဆိုပေမယ့် စန်းကလျာ အစစ်ကို မှတ်မိတာတော့ မဟုတ်ပါဘူး။ မီးရောင်အောက်ကိုဝင် လူပြက်တွေနဲ့တွဲပြီး မိတ်ကပ်အဖွေးသားနဲ့ ခါးမှာယပ်တောင်လို ခါးထောင်ထိုင်မသိမ်းအင်္ကျီနဲ့ ဘော်ကြယ်ပြောင်ပြောင်လက်လက်တွေ ထိုးထားတဲ့ ရေသီအနားရှည် ဗလာထမီနဲ့ ဆံထုံးကြီးနဲ့ သီချင်းတွေဆိုလိုက် လူပြက်တွေ သားပြောမယားပြော ပြောတာခံလိုက် ဆိုင်းဆရာကို စိန်ခေါ်လိုက် ကလိုက် အလုပ်လုပ်နေတဲ့ အငြိမ့်ခွင်က အငြိမ့်သမ စန်းကလျာကိုပဲ မှတ်မိတာပါ။ တစ်ခါတစ်လေတော့လည်း စပ်စပ်စုစုနဲ့ စန်းကလျာ မိတ်ကပ်ပြင်တဲ့အိမ်မှာ အငြိမ့်ခွင်မစခင် မင်းသမီး အလှပြင်တာကို တစ်ခြားချာတိတ်ပေါက်စတွေနဲ့အတူ လိုက်ကြည့်ဖူးပေမယ့် သူ့မူရင်းရုပ်ကို မမှတ်မိပါဘူး။ ကိုယ့်ဦးလေးက ဓာတ်ပုံဆရာဆိုတော့ သူ့မှာ ရွာနဲ့ပတ်သက်တဲ့ ပုံတွေ တော်တော်များများရှိတယ်။ လက်တည့်စမ်းရိုက်ထားတာလား လာမရွေးကြတာလားမသိ။ အငယ်တုန်းက စန်းကလျာ ဓာတ်ပုံတစ်ပုံ အိမ်မှာရှိတယ်၊ အခုရော ရှာရင်တွေ့ပါအုံးမလား မပြောတတ်ဘူး။ ပြန်ရောက်မှ ရှာကြည့်ရအုံးမယ်
.
. . . ကိုယ်တွေရွာမှာ ကထိန်တွေဘာတွေဆို စတိတ်ရှိုးတစ်ည အငြိမ့်တစ်ည ထည့်တတ်တော့ အငြိမ့်ကတိုင်း စန်းကလျာက မပါမဖြစ်ပဲလားလို့တောင် ထင်မိတယ်။ အင်းသာမြောက်ကျောင်း နှစ်ဆောင်ပြိုင်ကျောင်းကြီးမျက်နာစာက သဲတွေဖွေးနေတဲ့ မန်ကျည်းတန်းကြီးရှေ့ မြေကွက်လပ်ကျယ်ကြီးမှာ သိမ်ကိုကျောပေးပြီးထိုးထားတဲ့ ဇာတ်စင်ပေါ် စန်းကလျာ ကခဲ့ဖူးမှာပဲ။ နွေရာသီမှာ လုပ်လေ့ရှိတဲ့ အလှူပွဲတွေဘာတွေဆိုရင်လည်း အလှူ့ရှင်အိမ်က မဏ္ဍာပ်ကြီးထဲ ခုတင်ကြမ်းလေးခုလောက်ဆက်လိုက်ထားတဲ့ အငြိမ့်စင်မှာလည်း စန်းကလျာ ကခဲ့ဖူးမှာပဲ။ အသေးစိတ်တော့ ကိုယ်လည်း မမှတ်မိတော့ဘူး။ သေချာတာကတော့ အငြိမ့်မင်းသမီးက အနည်းဆုံး နှစ်ခါတော့ ကရတယ်။ ပထမ အ၀င်နေ့ညမှာ ဇာတ်စင်ပေါ်တစ်ခါက၊ နောက်နေ့ ပွဲကြီးနေ့ ရှင်လောင်းလှည့်ရင် နွားလှည်းပေါ်မှာ တစ်ခါက
.
. . . စန်းကလျာတစ်ယောက် ဘ၀ဇာတ်ဆရာ ဆိုသမျှ အလိုကျ ငိုခဲ့ရ ကျွန်မဘ၀ပါရှင် ဆိုတဲ့ သီချင်းလေးကို ငိုသံပါလေးနဲ့ရှိုက်ငင်ရှိုက်ငင်ဆို၊ မျက်တောင်လေး ပုတ်ခတ်ပုတ်ခတ်လုပ်နေတာကို တကယ်ကြီးသနားမိပြီး၊ အငြိမ့်သမကို ဆူပူဟိန်းဟောက်နေတဲ့ ဇာတ်ဆရာလူပြက်ကိုလည်း စိတ်ဆိုးခဲ့ဖူးတယ်။ အငြိမ့်သမတို့ ထုံးစံအတိုင်း အငြိမ့်စင်ပေါ်ကနေ အကိုကာလသားတွေကို စောင်းချိတ်ပြောတာလေးတွေ ၊ ဟိုးစင်ထောင့်က အစ်ကိုကာလသားက သူ့ကို ဘယ်လိုပိုးတယ်ဆိုတာတွေပြောတဲ့အခါ ကိုယ်တွေက တကယ်တွေ အဟုတ်ကြီးမှတ်နေတာကိုလည်း သတိရမိတယ်။ အငြိမ့်မင်းသမီးက အာ့လိုလေး တစ်ခါလောက်ပြောလိုက်ရင် အငြိမ့်စင်ဘေးမှာ စုပြုံတိုးကြည့်နေကြတဲ့ ရွာက အကိုရွယ်ကာလသားတစ်သိုက်က ဟေးကနဲ ၀ါးကနဲ ညာသံပေးကြတာကိုလည်း အဲသည်တုန်းက အိနြေ္ဒမဲ့လိုက်တဲ့သူတွေဆိုပြီိး စိတ်ထဲက ကဲ့ရဲ့ဖူးတယ်။ ဟုတ်တယ်လေ ကိုယ်တွေက ဇတ်စင်ရှေ့မှာ ဖျာတွေဘာတွေခင်းပြီး အမေတွေ အစ်မတွေ အဒေါ်တွေနဲ့ အိနြေ္ဒရရ ပွဲကြည့်တဲ့သူဆိုတော့ သူတို့ကို ကဲ့ရဲ့မိတာပေါ့။ ဒါပေမယ့် အခုမှ ပြန်စဉ်းစားမိတာက အခုနေ ငါသာဆိုလည်း သူတို့လိုပဲ မင်းသမီးကို အနီိးကပ်မြင်ရမယ့် အငြိမ့်စင်ဘေးသွားပြီိး ဘော်ဒါတွေနဲ့အတူ ဟေးလေးဝါးလေးလုပ် ကြည့်ဖြစ်မှာပဲလို့ တွေးမိတယ်။
.
. . . တွေးမိတယ်ဆိုပေမယ့် တကယ်နောက်ဆုံးကြည့်ခဲ့ရတုန်းက အာ့လို မကြည့်ခဲ့ရပါဘူး။ ပြီးခဲ့တဲ့ နှစ်နှစ်လောက် မြန်မာပြည်ကို နောက်ဆုံးရောက်ခဲ့တဲ့အခေါက်က အမေ့အိမ်ပြန်တာမှာ ဘုန်းကြီးကျောင်းထဲ အငြိမ့်ပွဲနဲ့တိုးလို့ အမေတို့ မမတို့ အဒေါ်တို့နဲ့အတူ ပွဲခင်းထဲ ထိုင်ကြည့်ခဲ့ရပါရောလား။ ဘာရယ်တော့ မဟုတ်ဘူး အငြိမ့်မင်းသမီးကို ဆုလေးဘာလေးချပြီး သီချင်းတောင်းလို့ရတယ်ဆိုလို့ ပိုက်ဆံနည်းနည်းဆုချပြီး သီချင်းတောင်းဖို့ အစ်ကိုတစ်ယောက်ကို တိုးတိုးတိတ်တိတ် လွှတ်လိုက်ပါတယ်။ ဟိုအစ်ကိုလုပ်သူက ကိုယ့်နာမည်ပါသွားပြောလို့ လူပြက်က စင်ပေါ်ကနေ မိုက်ကြီးနဲ့ ကိုယ့်နာမည်ထုတ်အော်တာ အရှက်တွေ ဗြန်းဗြန်းကွဲခဲ့ပါရောလား၊ ရှက်လည်းရှက်ပါရဲ့ ရှက်လည်းမရှက်နိုင်ပေါင်၊ နောက်တစ်ခါဆိုရင်တော့ ဟိုအစ်ကိုကို သေချာမှာလွှတ်ရမယ် . . .
.
ကိုကိုမောင်
၁၀ ဇူလိုင် ၂၀၁၉
.
(စကားချပ်။ နှစ်တွေကလည်း ကြာပြီဆိုတော့ ကိုယ့်မှတ်ဥာဏ်ကလည်း ဝေေ၀၀ါးဝါးရယ်၊ ရေးထားတဲ့အထဲ အမှားတွေပါရင်လည်း သိတဲ့သူ ပြင်ပေးခဲ့ကြ)
ပုံက ပန်းချီဆရာ အောင်မင်းမင်းရဲ့ Blue Dance ပန်းချီကား

https://fineartamerica.com/fea…/blue-dance-aung-min-min.html
.
အငြိမ့်သမ၀တ်စုံက အခေါ်အဝေါ်လေးတွေ ရှင်းပြပေးတဲ့ ယဉ်ကျေးမှုဝန်ကြီးဌာနက KoTin Latt Yu ကိုကျေးဇူးတင်ပါတယ်

ဗစ်တိုးရီးယားလေးအမှုနဲ့ပတ်သက်ပြီး

၁။ အရွယ်မရောက်သေးတဲ့ သမီးလေးအဖေတစ်ယောက်အနေနဲ့ ဒီလိုအမှုမျိုးကို ကြားရတာ ဖတ်ရတာနဲ့တင် ရင်ထဲမှာ မွန်းကျပ်လှတယ်

၂။ သမ္မတအိမ်တော် သတင်းစာရှင်းလင်းပွဲမှာ ဒုရဲချုပ်ပြောသွားတဲ့စကားတွေနဲ့ ပတ်သက်ပြီး (ကိုယ့်လိုဘာမဟုတ်တဲ့ လူတစ်ယောက်အနေနဲ့တောင်) ပြန်လှန်မေးခွန်းထုတ်စရာတွေ တစ်သီကြီးရှိနေတယ်၊ ပြည်သူတစ်ယောက်အနေနဲ့ စိတ်ကျေနပ်ဖွယ်ရာ ရှင်းပြချက်မျိုးမဟုတ်ဘူးဆိုပေမယ့် သူ့မှာလည်း ကျင့်ဝတ်အရဖြစ်စေ လုပ်ထုံးလုပ်နည်းအရပဲဖြစ်စေ၊ အခြား အကြောင်းတွေအရဖြစ်စေ မပြောဘဲ ထားရအုံးမယ် အကြောင်းအရာတွေ ရှိနေအုံးမယ်လို့ ယူဆတယ်။ ရုံးတော်မှာ ဒီဟာကွက်တွေကို စေ့စေ့စပ်စပ် မေးမြန်းဖော်ထုတ်နိုင်မယ်လို့ မျှော်လင့်ပါတယ်

၃။ တရားမျှတမှုဆိုတာ ဗစ်တိုးရီးယားလေးတစ်ယောက်တည်းအတွက် လိုအပ်တာမဟုတ်ဘူး၊ အခုအမှုမှာ ကျော်စောသတင်းနဲ့ စွပ်စွဲခံနေရသူတွေအတွက်ပါ တရားမျှတမှုကို ထည့်သွင်းစဉ်းစားနိုင်မှသာ ကျွန်တော်တို့တွေရဲ့ တရားမျှတမှုလိုလားချက်က အဓိပ္ပာယ်ရှိလိမ့်မယ်

၎။ လူမှုကွန်ယက်တွေမှာ ဗစ်တိုးရီးယားလေးအတွက် ၀န်းရံနေကြတာတွေက အတိုင်းအတာတစ်ခုအထိ နစ်နာသူအတွက် အားဖြစ်စေပေမယ့် အခုလာက်ဆို လုံလောက်ပါပြီ။ ဒီထက်ဆက်သွားနေရင် ပြောင်းပြန်အကျိုးသက်ရောက်မှုတွေ ခံရမှာစိုးတယ်။

၅။ တရားရုံးတော်ကိုရောက်သွားတဲ့ အမှုတစ်ခုမှာ တရားစီရင်ရေးကို ထိခိုက်စေမယ့် မလိုလားအပ်တဲ့ဖိအားဖြစ်စေမယ့် ပြောဆိုမှု ရေးသားမှုတွေသည် တရားရုံးတော်ကို မထေမဲ့မြင်ပြုရာရောက်ပါတယ်။ ပြစ်မှုမြောက်ပါတယ်။ ၀န်းရံကြသူတွေအနေနဲ့ စိတ်ခံစားချက်တွေကို ဆင်ခြင်တုံတရားအနေနဲ့ ပြောင်းလဲဝန်းရံနိုင်ရင်တော့ ပိုပြီးကောင်းတယ်ဆိုတာ သိပေမယ့် လူတွေက စိတ်ခံစားချက်ကို ဦးစားပေးပြီး လျှောက်ရေးလျှောက်ပြောနေကြတာကို ဘယ်လိုလုပ် ထိန်းသိမ်းလို့ ရပါ့မလဲ

၆။ မြန်မာပြည်က သမီးရှင်တွေအတွက် ကိုယ့်သမီးကို ဘယ်လိုသွန်သင်ပညာပေးထားရမယ်ဆိုတာ ဒီအမှုမတိုင်ခင်ကတည်းကိုက သတိထားမိကြပြီးသားဖြစ်ပေမယ့် ဒီအမှုက ပိုပြီး လေးနက်တဲ့ စိတ်ကူးကိုပေးတာမို့ အာ့တာကို မမေ့မပျောက်ကြသေးခင် သက်ဆိုင်ရာ အင်စတီကျူးရှင်းတွေက ဒါနဲ့ပတ်သက်ပြီး ပညာပေးမှုတွေကို ကျယ်ကျယ်ပျံ့ပျံ့ စနစ်တကျ လုပ်ကြဖို့ အချိန်အခါကောင်းပါပဲ

၇။ သားရှင်တွေအတွက်လည်း ဗစ်တိုးရီးယားလေးအမှုမှာ စာနာစိတ်ရှိတာကို ရပ်မထားဘဲ ကိုယ့်သားတွေကို ဘယ်လို သွန်သင်ရမယ်ဆိုတာအထိ တွေးဖြစ်ကြစေချင်ပါတယ်

ကလေးတွေကို ပျော်ခွင့်ပေးလိုက်ပါ

၂၀၁၃ က တစ်ခါ
၂၀၁၈ က တစ်ခါ
စာဖတ်အားသန်တဲ့
Social science စိတ်ဝင်စားတဲ့
ကလေးနှစ်ယောက်
ဆယ်တန်းဘာသာစုံဂုဏ်ထူးနဲ့အောင်တော့
ကလေးတွေရော
မိဘတွေရောနဲ့
စကားသေချာပြောဖူးတယ်

ကလေးတွေရဲ့ဝါသနာက
တစ်ခြားဟာဖြစ်ပေမယ့်
မိဘတွေက
ဆေးကျောင်းမှဆေးကျောင်းပဲ

ကလေးတွေကို
ပျော်ခွင့်ပေးလိုက်ပါ
ကိုငြိမ်းမောင်ရယ်ဆိုပြီး
မရဲတရဲတောင်းဆိုကြည့်ပေမယ့်
သူတို့စိတ်ဝင်စားမှုနဲ့ထိုက်တန်တဲ့
ကျောင်းကောင်းကောင်း
တက္ကသိုလ်ကောင်းကောင်းကို
လမ်းမညွှန်ပေးနိုင်တာမို့
သိပ်လည်း
မပြောရဲဘူး

ဆိုလိုချင်တာက
ကျွန်တော်တို့နိုင်ငံမှာ
ဆေး အင်ဂျင်နီယာ
ကွန်ပြူတာကျောင်းတွေအပြင်
လူမှုရေးဘာသာရပ်တွေကိုပါ
အဆင့်အတန်းမီမီသင်ပေးနိုင်တဲ့
ဂုဏ်သတင်းရှိတဲ့ကျောင်းတွေ
လိုအပ်နေပြီ

ဥပမာ
ရန်ကုန်တက္ကသိုလ်ဆိုရင်
ဦးသိန်းစိန်လက်ထက်က
ပညာသင်ဆုပေးတဲ့
COE program အရ
သက်ဆိုင်ရာ ဘာသာရပ်အသီးသီးမှာ
ရေပေါ်ဆီထိပ်တန်း
ပညာရှင်တွေ
မွေးထုတ်ပေးနိုင်တဲ့အလားအလာရှိခဲ့ပေမယ့်

အခုအစိုးရက
အာ့လိုပညာတတ်တွေ
သီးသန့်မြေတောင်မြှောက်ပေးမယ့်
မူဝါဒမျိုးကို
စိတ်အားထက်သန်ပုံမရဘူး

မှတ်မိနေတာတစ်ခုရှိတာ
ဒေါ်အောင်ဆန်းစုကြည်ရဲ့မှတ်ချက်တစ်ခုပဲ
ဒီလို သီးသန့်လုပ်တာဟာ
လူတန်းစားမညီမျှမှုကို
အားပေးရာရောက်တယ်ဆိုတဲ့သဘောမျိုး
သူပြောဖူးတယ်
ဒီစကားကြားတော့
ဒီမိုကရေစီနာမည်တပ်ပြီး
ကွန်မြူနစ်တွေးရှိနေတာပဲလို့
ကိုယ်က အထင်သေးဖူးတယ်

အရင်က
ပညာသင်ဆုရထားတဲ့ကလေးတွေ
အခု
မဟာတန်းတက်နေကြပြီ
ပညာသင်ဆုက
တစ်လတစ်သိန်းနဲ့
တစ်နှစ်ဆယ့်နှစ်သိန်းကို
ပါရဂူဘွဲ့ထိတက်ရင်တက်သလောက်
ဆက်ပြီးထောက်ပံ့ပေးသွားမယ်ဆိုပေမယ့်
အာ့လိုပညာသင်ဆုတွေ
ဒီအစိုးရလက်ထက်မှာ
အသစ်ဆက်ပေးနေသေးလား
ရပ်လိုက်ပြီလား
မသိဘူး

ကိုယ့်အမြင်အရတော့
ပညာကြိုးစားတဲ့သူကို
ရန်ကုန်တက္ကသိုလ်
မန်းလေးတက္ကသိုလ်လို
တက္ကသိုလ်ကြီးတွေမှာ
သီးသန့်
အထူးပရိုဂရမ်တွေဖွင့်လှစ်ပြီး
မြေတောင်မြှောက်ပေးစေချင်တယ်

Social science
ဝါသနာပါတဲ့ကျောင်းသားတွေကို
ဂုဏ်ရှိန်ထည်ဝါတဲ့
ကျောင်းကြီးတွေမှာ
ဂုဏ်သိက္ခာမြင့်မြင့်
တက်ခွင့်ရစေချင်တယ်

အမြင်လေးတွေ
ပြောပေးသွားပါအုံး

ယောက်ျား မိန်းမ တိုက်ပွဲ

ကိုယ်အမြဲစောင့်ဖတ်ဖြစ်နေတဲ့
ဖေ့ဘုတ်ပေါ်က
ဆရာသမားတစ်ယောက်ရေးထားတာ
ဘယ်သူလဲ အခုမေ့နေလို့
.
လင်မယားတွေ ရန်ဖြစ်ကြပြီဆို
မိန်းမလုပ်သူက
သူရဲ့ခွန်အားဖြစ်တဲ့
ပါးစပ်သေနတ်ကို
အစွမ်းကုန်အသုံးချပြီး
ပက်ပက်စက်စက်
တိုက်စစ်ဆင်နေချိန်မှာ


ယောက်ျားလုပ်သူက
သူရဲ့ခွန်အားဖြစ်တဲ့
ကိုယ်ခန္ဓာအင်အားနဲ့
မိန်းမကို ပြန်မလုပ်မိအောင်
မနည်းထိန်းသိမ်းနေရတယ်ဆိုတာ

တစ်ဘက်က
သူ့ခွန်အားကိုသုံးပြီး
အနိုင်ယူနေချိန်မှာ
တစ်ဘက်က
ကိုယ့်ခွန်အားကို မသုံးမိအောင်
အတင်းအံကြိတ်ပြီးထိန်းနေရတယ်ဆိုတာ

အာ့တာမျိုးက
လင်ရယ်မယားရယ်မှမဟုတ်ဘူး
မိန်းမတွေက
လုပ်လိုက်ရင်တစ်ချက်တည်းနဲ့
သေသွားမှာကို
မလုပ်ဘဲနေတာကို
သိပ်ကမ်းတက်တယ်
ဒါလည်း သူတို့သဘာဝပဲထင်ပါရဲ့

မထိန်းနိုင်တဲ့ယောက်ျားနဲ့တွေ့တော့
အကြမ်းဖက်ခံရပါတယ်ဖြစ်ကုန်ရော

တကယ်တမ်း
လောကကြီးမှာ
မိန်းမတွေရဲ့ပါးစပ်သေနတ်နဲ့
အကြမ်းဖက်ခံနေရတဲ့ယောက်ျားတွေ
ဘယ်နယောက်တောင်ရှိနေလဲ
သိဖို့တော့မလွယ်

stay away from them

As long as you are an emotional being, you might not even notice that you are one of the subjects vulnerable to be manipulated by the player who intentionally keeps trying to mislead you into the trap of illusion which is much worse than the gravitational pull of a black hole you will never escape once you get in.

my emails

အခုလက်ရှိရောက်နေတဲ့ တက္ကသိုလ်ရဲ့ အီးမေးကို မသုံးခင်အထိ ကိုယ့်ရဲ့တရားဝင်အီးမေးအဖြစ်သုံးခဲ့တဲ့ အီးမေးကို ၂၀၀၃ ခုနှစ်လောက်က ဖွင့်ခဲ့တာဆိုတော့ အီးမေးသက်တမ်းက ဆယ့်ခြောက်နှစ်လောက်ဖြစ်နေပြီ၊ အခုထိ ကိုယ့်ရဲ့ ဒုတိယတရားဝင်အီးမေးအဖြစ် သုံးနေတုန်း၊

ပထမဆုံးဖွင့်ခဲ့တဲ့ ဘလော့ကတော့ သင်ကြားရေးကိစ္စတွေနဲ့မို့ ရေရှည်ဆက်မသုံးဖြစ်လိုက်ပေမယ့် ဒုတိယဖွင့်တဲ့ ဘလော့က အခုဝင်ကြည့်ရင် ကိုယ့်ရဲ့ ငယ်ဘ၀မှတ်တမ်းတွေကို တွေ့နေရတုန်း။ ၂၀၀၇ လောက်မှာ စဖွင့်ခဲ့တာဆိုတော့ ဆယ့်တစ်နှစ်လောက်ရှိပြီ

အခုလက်ရှိ မှတ်တမ်းတိုက်အဖြစ်သုံးနေတဲ့ ဘလော့ကို အိန္ဒိယမှာနေတုန်းက စဖွင့်ခဲ့တာ။ အိန္ဒိယအခြေခံဥပဒေအကြောင်း တစ်ခန်းချင်းရှင်းလင်းမှတ်စုတွေကို မြန်မာလို မှတ်တမ်းတင်မယ်၊ နေခဲ့တဲ့ တွေ့ခဲ့တဲ့ အတွေ့အကြုံတွေကို ရေးမယ်ဆိုပြီး ဖွင့်လိုက်တာကနေ အခုချိန်ထိ စွဲစွဲမြဲမြဲ မှတ်တမ်းတင်ဖြစ်နေတုန်းပဲ

ဖေ့ဘုတ်ကတော့ အယုံအကြည်သိပ်မရှိလို့ စိတ်ကူးပေါက်ရင်တင်တယ်၊ ဖျက်ချင်လည်းဖျက်တယ်။ ပိုစ့်တွေ ပုံတွေတင်မကဘူး၊ ဖေ့ဘုတ်အကောင့်ကိုလည်း တစ်နှစ်တစ်ခါနီးပါးလောက် ဖျက်ပြီး အသစ်ပြန်သုံးဖြစ်တယ်။ ဖေ့ဘုတ်မှာ သုံးတဲ့ အီးမေးကိုလည်း ကိုယ်တရားဝင်သုံးနေတဲ့ အီးမေးနဲ့ ဘယ်တော့မှ ချိတ်မထားဘူး။ ဖေ့ဘုတ်အကောင့်တစ်ခုဖွင့်ရင် အီးမေးအသစ်တစ်ခုဖွင့်ပြီး သုံးတာပဲ။ ကိုယ့်အကောင့်လုံခြုံရေးရယ် ကိုယ့်အီးမေးတွေ လုံခြုံရေးရယ် ဒီလောက်တော့ ခွဲခြားထားမှဖြစ်မယ်လို့ အောက်မေ့တယ်

ဒါကြောင့် ဖေ့ဘုတ်ကို အကြောင်းပြုပြီးတော့ဖြင့် ကိုယ့်ကို နောက်ကြောင်းလှန်ဖို့ ဘယ်တော့မှများ စိတ်မကူးကြလေနဲ့။ကိုယ်ပုံမှန်စာရေးနေတဲ့ ဂျာနယ်တွေ သတင်းစာတွေတောင် တစ်ချို့ သိပ်ကို စည်းစနစ်တကျနဲ့ မှတ်တမ်းတင်တဲ့ တိုက်တွေကလွဲရင် ကိုယ်ဘယ်သူလဲဆိုတာ သိကြတာမဟုတ်။ ကိုယ့်မှာ သတင်းစာဂျာနယ်တိုက်နဲ့ ဆက်သွယ်တဲ့ အီးမေးက သပ်သပ်၊ ကျောင်းကိစ္စ တက္ကသိုလ်ကိစ္စ နဲ့ ပညာရေးကိစ္စအတွက် သုံးတဲ့ အီးမေးက သပ်သပ်၊ ကိုယ်ဖတ်ချင်တဲ့စာတွေဘာတွေနဲ့ ပတ်သက်ပြီး သုံးတဲ့အီးမေးက သပ်သပ်၊ ဖေ့ဘုတ်အီးမေးက သပ်သပ်၊ ကိုယ့်ဓာတ်ပုံတွေဘာတွေကို ဂူဂဲဆာဗာမှာ သိမ်းတဲ့ အီးမေးက သပ်သပ်။

တစ်ခုတော့ရှိတယ်

ကိုယ့်ဖုန်းကို ရအောင်ယူနိုင်ရင်တော့ အာ့တာတွေ ရကောင်းရမယ်

ဒါပေမယ့် ကိုယ့်ဖုန်းက စကားဝှက် ဆယ်ခါ မှားထည့်မိတာနဲ့ ဖုန်းထဲက ဒေတာ အကုန်ပျက်မှာ၊ဖုန်းထဲကဒေတာပျက်တာက ကိုယ့်အတွက် ကိစ္စမရှိဘူး၊ ဖုန်းထဲကဒေတာက ကလောက်ထဲ အချိန်နဲ့တစ်ပြေးညီရောက်နေတာ အချိန်မရွေး ပြန်ဆွဲချလို့ရတယ်။ ကိုယ့်ဖုန်းကိုခိုးရင် ဖုန်းအခွံပဲရကောင်းရမယ်။ ဆင်းကတ်ကတော့ စဉ်းစားမနေနဲ့ ဖုန်းထဲကဆင်းကတ်က အင်တာနက်သုံးဖို့အတွက်ပဲ ကျန်တဲ့ကိစ္စတွေအတွက် သုံးတဲ့ နံပတ်ပါတဲ့ ဆင်းကတ်တွေကို ကိုယ်နဲ့အတူ ထားလေ့မရှိဘူး။

ကိုယ့်အကြောင်းကို သေချာသိချင်ရင် အသေချာဆုံးနည်းလမ်းက တစ်ခုပဲရှိတယ်။ သိချင်ရင် ကိုယ်နဲ့ခင်အောင်လုပ် ကိုယ်ကချစ်အောင်နေ၊ ချစ်တဲ့သူတွေကို ကိုယ်က သိပ်ယုံတာ

:p :p :p

ငါ့သယ်ရင်း ဟက်ကာတွေ မမြင်ပါစေနက်

ဗူးသီးကြော်

. . . ခင်ဗျားကို ဗူးသီးကြော်ခိုင်းတယ်ဆိုပါတော့၊ ဗူးသီးကို အပြင်မှာ တကယ်မကြော်ခင် ပါးစပ်နဲ့ အရင်ကြော်ပြဆိုရင် ခင်ဗျား ဘယ်လိုပြောမလဲ။ ခင်ဗျား ဗူးသီးလှီးမယ် မုန့်နှစ်စပ်မယ် မီးဖိုမယ် ဒယ်အိုးတယ်မယ် ဆီထည့်မယ် ဆီကျက်ရင် ဗူးသီးစိတ်ကို မုန့်နှစ်နဲ့နယ်ပြီး ဆီပူထဲထည့်ကြော်မယ် ကျက်ရင် ပြန်ဆယ်မယ် စသည်ဖြင့်ပေါ့လေ။
.
. . . ကောင်းပါပြီ ဗူးသီးကြော်တာ ခင်ဗျားကို မလုပ်ခိုင်းဘူး ကွန်ပြူတာကို လုပ်ခိုင်းမယ် ပရိုဂရမ်ရေးပေးဗျာဆိုရင် ဘယ်လိုရေးမလဲ၊ အခြေခံအားဖြင့်တော့ ခုနပြောတဲ့ အဆင့်တွေကို ကွန်ြ့ပူတာနားလည်တဲ့ ဘာသာစကားနဲ့ ရေးပြီး စက်ကို ခိုင်းရမှာပါပဲ။ အာ့လိုခိုင်းရင် အဆင့်ကျော်လို့ လွဲလို့မရဘူးနော်၊ ဥပမာအားဖြင့် မုန့်နှစ်နဲ့ဗူးသီးစိတ်နယ်တဲ့အဆင့်ရယ် ဗူးသီးဖတ်ကို ဆီပူထဲထည့်တဲ့ အဆင့်ရယ် နှစ်ခုက ရှေ့နောက်လွဲလို့မရဘူး၊လွဲရင် မုန့်နှစ်ကျွပ်ကျွပ်ရွရွလေးနဲ့ ဗူးသီးကြော်မထွက်ပဲ ဗူးသီးဖတ်ဆီပူကြော်မှာ မုန့်နှစ်အစိမ်းတွေနယ်ထားတာကြီးရမှာ
.
. . . လွန်ခဲ့တဲ့ ဆယ့်လေးငါးနှစ်က ကိုယ်လည်း ရန်ကုန်တက္ကသိုလ်မှာ ကွန်ပြူတာအခြေခံနဲ့ ပရိုဂရမ်ရေးနည်းတွေကို သင်ဖူးခဲ့တာရယ် လုပ်ငန်းခွင်မှာ လက်တွေ့သုံးဖူးတာရယ်တွေကြောင့် ဒီဟာတွေနဲ့ ပတ်သက်ရင် အခုထိကို ထိတွေ့သုံးစွဲနေဖြစ်တာ။ အခု အသက်ကိုးနှစ်ထဲရောက်နေတဲ့ သမီးဖြစ်သူကို ကွန်ပြူတာ ပရိုဂရမ်ကုတ်ရေးသားနည်း စသင်တော့မယ်ဆိုတော့ အဲ့သည်ပညာရပ်နဲ့ အဆင့်မြင့်ဘွဲ့ရထားပြီး လက်တွေ့လည်း အသက်မွေးဝမ်းကျောင်း ပညာရှင်တစ်ပိုင်းဖြစ်နေတဲ့ သူငယ်ချင်းက မျက်ကလဲဆန်ပြာနဲ့ မှတ်ချက်ဆန်တဲ့ မေးခွန်းတစ်ခု ထမေးတယ်။
.
. . . ကလေးက မငယ်သေးဘူးလား တဲ့
.
. . . ကိုယ်တွေကျော်ဖြတ်ခဲ့တဲ့ အတွေ့အကြုံအရဆိုရင်တော့ အသက်ရှစ်နှစ်ကိုးနှစ်က ကွန်ပြူတာ ပရိုဂရမ်ကုတ်ရေးနည်းသင်ဖို့ အလွန်ကို ငယ်သေးတယ်လို့ ယူဆနိုင်ပေမယ့် တကယ်တမ်းက ပရိုဂရမ်တစ်ခုရေးတဲ့နေရာမှာ စဉ်းစားရတဲ့ ယုတ္တိဗေဒနဲ့ လုပ်ငန်းစဉ်စဉ်းစားနည်းက အသက် ငါးနှစ်ခြောက်နှစ် ဆိုရင်ကိုပဲ စသင်လို့ ရနေပါပြီ။ နောက်ပြီး ကလေးတွေကို ပရိုဂရမ်ကုတ်ရေးသားနည်းနဲ့ ပတ်သက်တဲ့ ကလေးကစားစရာစာအုပ်တွေ ရှိနေပါပြီ။ အဲသည်ထဲက ကစားနည်းလေးတွေ ကစားရင်းနဲ့ ကလေးက ပရိုဂရမ်ကုတ်တွေ ဘယ်လိုရေးရတယ်ဆိုတာ သင်ယူသွားမှာဖြစ်ပါတယ်။ အင်္ဂလိပ်စာ အခြေခံတော့ လိုတာပေါ့လေ။
.
. . . စတုတ္ထမြောက်စက်မှုတော်လှန်ရေးခေတ်မှာ လူဖြစ်လာတဲ့ ပန်းပွင့်လေးအနေနဲ့ အခုအချိန်ကတည်းက ဒါတွေနဲ့ပတ်သက်ပြီး ထိတွေ့ရင်းနှီးမှုရထားမှ အဆင်ပြေလိမ့်မယ်။ လောလောဆယ်တော့ သူနဲ့အတူ ကစားဖို့ ကိုယ့်ရဲ့ လွန်ခဲ့တဲ့ ဆယ့်ငါးနှစ်လောက်က သင်ခဲ့တဲ့ ပရိုဂရမ်ကုတ်ရေးသားနည်း သင်ခန်းစာရဲ့ ခုခေတ် နောက်ဆုံးပေါ်နည်းလမ်းတွေကို ပြန်နွှေးရအုံးမယ်။ လောလောဆယ်တော့ မယ်မင်းကြီးမက ရွာက အဖွားအိမ်ခြံကျယ်ကြီးထဲက သစ်ပင်တွေကြား ပတ်ပြေးပြီး ပျော်နေလေရဲ့
.
ဇေယျာနိုင်
၂၅ မေ ၂၀၁၉

Academic Freedom

. . . မနက်က အိပ်ယာနိုးနိုးချင်း ဖတ်လိုက်ရတဲ့ စာတစ်ပုဒ်ထဲမှာ Academic Freedom နဲ့ Freedom of Learner ဆိုတဲ့ ဝေါဟာရနှစ်ခုကို တွေ့မိလို့ရယ်၊ အဲသည် သဘောအဓိပ္ပာယ်နဲ့ အနှစ်သာရကို နားလည်မှုလွဲနေကြတဲ့ အရိပ်အယောင်တွေ တွေ့လို့ရယ် ဒီစာကို ရေးဖြစ်ပါတယ်။
.
. . . ကျောင်းသားက တက်ချင်တဲ့အတန်းကို တက်လို့ရတယ်၊ ဆရာကလည်း သင်ချင်ရာသင်လို့ရတယ်ဆိုတာ တော်တော်ကို စည်းမရှိဘောင်မရှိသဘောသက်ရောက်တဲ့ အရေးအသားကြောင့် ဆိုင်ရာဗဟုသုတနောက်ခံအားနည်းသူအနေနဲ့ နားလည်မှုလွဲနိုင်ပါတယ်။ သင်ချင်တာသင်လို့ရတယ် တက်ချင်တဲ့အတန်းတက်လို့ရတယ်ဆိုတာက သတ်မှတ်ထားတဲ့ စည်းဘောင်ထဲမှာသာဖြစ်ပါတယ် ဆိုတာကို ရှင်းပြချင်ပါတယ်။
.
. . . ကျွန်တော်အခု တက်နေတဲ့ တက္ကသိုလ်ရဲ့ နည်းစနစ်ကို ရှင်းပြရင် လွတ်လပ်တဲ့ပညာသင်ကြားမှုသဘောတရားကို အနည်းငယ်ဖြစ်ဖြစ် တီးမိခေါက်မိရှိနိုင်မယ်ထင်ပါတယ်။ ကျွန်တော်ရဲ့ တက္ကသိုလ်က နိုင်ငံတကာဆက်ဆံရေးပညာရပ်နဲ့ မူဝါဒရေးရာကို အဓိကထားသင်ကြားပေးတဲ့ လူမှုရေးရာသိပ္ပံပညာရပ်အထူးပြု တက္ကသိုလ်ဖြစ်ပါတယ်။ ဒါကြောင့် ဒီကျောင်းကို လာတက်တဲ့သူတွေအနေနဲ့ အဲသည်နယ်ပယ်က ဘာသာရပ်တွေကိုပဲ မျှော်လင့်ထားလို့ရပြီး အဲသည်ဘာသာရပ်တွေကို ဆည်းပူးမယ့်သူတွေပဲ လာရောက်ကြပါတယ်။ လွတ်လပ်တဲ့ သင်ကြားသင်ယူမှုဝန်းကျင်ကို ဒီတက္ကသိုလ်က ဘယ်လို တည်ဆောက်ထားလဲဆိုတာ အပိုင်းနှစ်ပိုင်းခွဲ တင်ပြပါ့မယ်
.
သင်ကြားရေးပိုင်း
.
. . . ပထမပိုင်းအနေနဲ့ တက္ကသိုလ်က သင်ကြားရေးအပိုင်းရဲ့ လွတ်လပ်မှုဖြစ်ပါတယ်။ တက္ကသိုလ်မှာ ဘယ်ဘာသာရပ်တွေ သင်ကြားပေးမလဲဆိုတာကို တက္ကသိုလ်ဘုတ်အဖွဲ့က ဆုံးဖြတ်ပြီးတဲ့အခါ အဲသည်ဘာသာရပ်တွေ သင်ကြားပေးနိုင်တဲ့ ဆရာတွေကို ခေါ်ယူပါတယ်။ ခေါ်တဲ့အခါမှာလည်း တက္ကသိုလ်က ပိုက်ဆံတတ်နိုင်ရင်တတ်နိုင်သလောက် တက္ကသိုလ် ဂုဏ်သတင်းကြီးရင်ကြီးသလောက် ဆရာကောင်းတွေရပြီး ဆရာတွေကောင်းလေလေ တက္ကသိုလ်ရဲ့ ဂုဏ်သတင်းတက်လေဖြစ်တာမို့ အဲသည်နှစ်ခု အပြန်အလှန် ဟန်ချက်ညီနေအောင် တက္ကသိုလ်အုပ်ချုပ်ရေးဘုတ်အဖွဲ့က လုပ်ဆောင်ကြပါတယ်။ တက္ကသိုလ်အဆင့်အတန်းမြင့်မှ ဆရာကောင်းတွေလာမယ်၊ ဆရာကောင်းတွေလာမှ တက္ကသိုလ်အဆင့်အတန်းမြင့်မယ်၊ ဒါမှသာ အဆင့်အတန်းမီတဲ့ကျောင်းသားကောင်းတွေလာတက်မယ်၊ ကျောင်းသားတွေရဲ့ ပညာရပ်ဆိုင်ရာ အဆင့်အတန်းမြင့်မြင့် မွေးထုတ်ပေးနိုင်မှ တက္ကသိုလ်ဂုဏ်တက်မယ်၊ တက္ကသိုလ်ဂုဏ်တက်မှ ဆရာကောင်းတွေလာချင်မယ် စသည်ဖြင့် တစ်ခုနဲ့တစ်ခု အမီသဟဲဖြစ်နေတာကြောင့် အဲသည်ဟန်ချက်မပျက် တက္ကသိုလ်ရဲ့ ဂုဏ်သတင်းတက်အောင် သက်ဆိုင်ရာဘုတ်အဖွဲ့က ဆရာတွေ ခေါ်ယူရာမှာ ဘာသာရပ်တွေ သတ်မှတ်ရာမှာ အောင်မြင်မှုအဆင့်တွေ သတ်မှတ်ရာမှာ မူဝါဒတွေချပြီး လုပ်ဆောင်ကြရပါတယ်။
.
. . . ဆက်လက်ပြီး ဆရာတွေ တစ်ဦးချင်းရဲ့ လွတ်လပ်တဲ့ လုပ်ဆောင်ချက်တွေအကြောင်း ဆက်ပြောပါ့မယ်။ ဆရာတွေဟာ ဘယ်ဘာသာရပ်တွေကို ပို့ချမယ်ဆိုတာ ကျောင်းရဲ့ ဆရာများအစည်းအဝေးမှာ ဆွေးနွေးညှိနှိုင်းကြရပါတယ်။ ကျောင်းရဲ့အထူးပြုဘာသာရပ်ဘောင်ထဲလည်းဝင်အောင် ကျောင်းသားတွေအတွက် ဈေးကွက်ဝင်တဲ့ ဘာသာရပ်လည်းဖြစ်အောင်၊ စိတ်ဝင်စားတဲ့ကျောင်းသားတွေများတဲ့ ဘာသာလည်းဖြစ်အောင် ဘက်ပေါင်းစုံက စဉ်းစားတိုင်ပင်ပြီး ဘယ်ဆရာက ဘယ်ဘာသာရပ်တွေကို သင်ကြားမလဲဆိုတာ ဆွေးနွေးဆုံးဖြတ်ရပါတယ်။ ဆရာများအဖွဲ့အစည်းအဝေး (Faculty meeting) မှာ အဆိုပါအတိုင်း ဆုံးဖြတ်ပြီးတဲ့အခါ သက်ဆိုင်ရာဆရာများက သူတို့သင်မယ့် ဘာသာရပ်သင်ရိုးညွှန်းတမ်းကို ကိုယ့်ဘာသာ ရေးဆွဲတင်ပြကြရပါတယ်။ (ကျွန်တော်တို့ဆီက တက္ကသိုလ်အများစုလို အရင်ကတည်းက ရေးဆွဲထားတဲ့ သင်ရိုးညွှန်းတမ်းနဲ့ ပြဌာန်းစာအုပ်ကိုကိုင်ပြီး ဘယ်ဆရာက သင်မလဲတာဝန်ပေးတာနဲ့ ပြောင်းပြန်ဖြစ်နေတာကို သတိပြုစေလိုပါတယ်)
.
. . . ဒီနေရာမှာ ဘာသာရပ်တစ်ခုကို သင်ကြားတဲ့ ဆရာတစ်ယောက်အနေနဲ့ သူ့ဘာသာရပ်နဲ့ ပတ်သက်ပြီး ဘယ်လိုသင်ကြားမယ် ဘာတွေကိုသင်ကြားမယ်၊ တက္ကသိုလ်ကချမှတ်ထားတဲ့ မူဝါဒအဆင့်အတန်းနဲ့အညီ အမှတ်ပေးစည်းမျဉ်းကို ဘယ်လိုရေးဆွဲသတ်မှတ်ထားမယ်ဆိုတာတွေကို မိမိဘာသာ တစ်ဦးတည်းလွတ်လပ်စွာ သတ်မှတ် ဆုံးဖြတ်ပိုင်ခွင့်ရှိပါတယ်။ ဒါကြောင့် ဆရာတစ်ယောက်နဲ့တစ်ယောက် တစ်ဘာသာနဲ့တစ်ဘာသာ အမှတ်ပေးပုံခြင်း မတူသလို ကျောင်းသားရဲ့ အရည်အသွေးကို အကဲဖြတ်ပုံခြင်းလည်း မတူပါဘူး။
.
. . . တစ်ချို့ဆရာတွေက အတန်းတက်အမှတ်ကို ရာခိုင်နှုန်းတစ်ခုအနေနဲ့ ထည့်တွက်ပေမယ့် တစ်ချို့က ထည့်တွက်ချင်မှ တွက်ပါမယ်။ တစ်ချို့က စာမေးပွဲနှစ်ခါဖြေခိုင်းပေမယ့် တစ်ချို့ စာမေးပွဲလုံးဝမဖြေခိုင်းတာရှိသလို စာမေးပွဲခန်းထဲ ယူချင်တဲ့စာအုပ်ယူလာကိုးကားဖြေခွင့်ပေးတဲ့ ဆရာတွေလည်းရှိပါတယ်။ တစ်ချို့ စာတမ်းတစ်စောင်နှစ်စောင်ရေးခိုင်းသလို တစ်ချို့က အဖွဲ့လိုက်လုပ်ငန်းတွေမှာ အမှတ်ပိုပေးတာ စသည်ဖြင့် ဆရာတစ်ယောက်ချင်းစီက ကိုယ်ပိုင်မူနဲ့ အရာရာကို ဆုံးဖြတ်ပိုင်ခွင့်ရှိပါတယ်။ ကျွန်တော်တို့ဆီမှာလို ကျောင်းသားအားလုံး စာမေးပွဲဖြေရတဲ့ စာမေးပွဲကြီးဆိုတာမျိုး မရှိဘဲ ဆရာတစ်ယောက်ချင်းစီရဲ့ အကဲဖြတ်စနစ်အတိုင်းသာ ကျောင်းသားက လိုက်ပါလုပ်ဆောင်ရတာဖြစ်ပါတယ်။
.
. . . ဒုတိယပိုင်းအနေနဲ့ ကျောင်းသားတွေရဲ့ ရွေးချယ်နိုင်ခွင့်ကို တင်ပြလိုပါတယ်။ ကျောင်းသားက ရွေးချယ်နိုင်ခွင့်ရှိတယ်ဆိုပေမယ့် သတ်မှတ်ထားတဲ့ ဘောင်ထဲမှာပဲ ရွေးချယ်ခွင့်ရှိတယ်ဆိုတာ အထက်မှာပြောခဲ့ပါတယ်။ ဒါကြောင့် မူဝါဒရေးရာအထူးပြုကျောင်းမှာ ဆေးပညာတွေ အင်ဂျင်နီယာပညာတွေ မျှော်လင့်လို့မရသလို စိုက်ပျိုးရေးအထူးပြုတဲ့ကျောင်းမှာလည်း ဘာသာစကားဆိုင်ရာပညာရပ်တွေ မျှော်လင့်လို့မရပါဘူး။
တက္ကသိုလ် (University) အောက်မှာကို သက်ဆိုင်ရာဘာသာရပ်အထူးပြု (Schools) တွေ ခွဲထားပြီး အဲသည်အောက်မှာမှ ကျောင်းသားက ဘယ်ဘာသာရပ်အထူးပြုသလဲ (Program) ရွေးချယ်တဲ့အပေါ်မူတည်ပြီး ဘယ်ဘာသာရပ်တွေကို ရွေးချယ်သင်ကြားခွင့်ရှိသလဲဆိုတာ ဖြစ်လာတာပါ။ ကျွန်တော့်တက္ကသိုလ်မှာ International Relations School နဲ့ International Development School ဆိုတဲ့ ကျောင်းနှစ်ခုခွဲထားပြီး ကျောင်းတစ်ခုချင်းစီရဲ့အောက်မှာ သက်ဆိုင်ရာ Program တွေရှိပါတယ်။
.
. . . ဒါကြောင့် International Relations School အောက်က International Relations Program ကိုယူထားတဲ့ ကျောင်းသားတစ်ယောက်က အဲသည်ပရိုဂရမ်က သတ်မှတ်ထားတဲ့ မယူမဖြစ် ဘာသာရပ် (Core Courses) ဆယ်ခုလောက်ကို မဖြစ်မနေ ယူကြရပါတယ်။ အဲသည်သတ်မှတ်ထားတဲ့ ဘာသာရပ်အတန်းတွေကို မယူဘဲ သတ်မှတ်ထားတဲ့ အဆင့်နဲ့ မအောင်မြင်ဘဲနဲ့ ဘွဲ့မပေးပါဘူး။ ဒီပရိုဂ၇မ်မှာ မှတ်ပုံတင်ထားတဲ့ ကျောင်းသားတစ်ယောက်အနေနဲ့ အဲသည်သတ်မှတ်ထားတဲ့ မယူမနေရဘာသာရပ်တွေကို မယူဘူးလို့ ငြင်းခွင့်မရှိပါဘူး။ ငြင်းပယ်မယ်ဆိုအုံးတော့ ဘွဲ့မရရုံပဲရှိမှာပါ။

ပိုနားလည်အောင်ရှင်းပြရရင်

. . . IR Program မှာ မယူမနေရ ဘာသာရပ်က ဆယ်ခုရှိတယ်ဆိုပါစို့။ ဘာသာရပ်တစ်ခုအတွက် ခရက်ဒစ်နှစ်မှတ်ပေးပြီး ဘွဲ့ရဖို့လိုအပ်တဲ့ အနည်းဆုံး ခရက်ဒစ်က အမှတ်လေးဆယ်ဆိုပါစို့။ ကျန်တဲ့ ခရက်ဒစ် အမှတ် နှစ်ဆယ်အတွက် ဘယ်အတန်းတွေ တက်မလဲဆိုတာကို သတ်မှတ်ထားတဲ့ (Elective Courses) တွေထဲကနေ ကျောင်းသားက ရွေးခွင့်ရှိပါတယ်။ ရွေးခွင့်ရှိတယ်ဆိုတာတောင်မှ University တစ်ခုလုံးက သင်ကြားသမျှတွေထဲကနေ ယူချင်ရာယူလို့မရပါဘူး။ သက်ဆိုင်ရာ School အောက်က Program တွေထဲကပဲ အများဆုံး ရွေးရတာပါ။ ဥပမာ IR School အောက်က IR Program တက်နေတဲ့ကျောင်းသားက IM School အောက်က ဘာသာရပ်တွေကို သွားယူချင်တယ်ဆိုရင် ခရက်ဒစ် လေးမှတ်ထက် ပိုမပေးပါဘူး။ ဆိုလိုချင်တာက အချိန်ရလို့ စိတ်လည်းဝင်စားလို့ တစ်ခြား School အောက်က အတန်းတွေကို မှတ်ပုံတင်ပြီး သွားတက်မယ်ဆိုရင်တောင် ခရက်ဒစ် လေးခုအထိပဲ ရမှတ်ထဲ ထည့်တွက်ပေးပါတယ်။ ဘာလို့လဲဆိုတော့ ကျောင်းသားကို သက်ဆိုင်ရာ ဘာသာရပ်နယ်ပယ်နဲ့ နီးစပ်တဲ့ ဘာသာရပ်တွေကိုပဲ ယူစေချင်လို့ စနစ်အားဖြင့် ထိန်းကျောင်းကန့်သတ်ထားတာဖြစ်ပါတယ်။
.
. . . ကျောင်းသားက ဘာသာရပ်တွေကို ရွေးချယ်တဲ့ နည်းစနစ်ကလည်း အဆင်ပြေအောင် လုပ်ပေးထားပါတယ်။ အတန်းတစ်တန်း မစခင် တစ်လလောက်အလိုမှာ ကျောင်းသားဟာ သူတက်မယ့်အတန်းအတွက် ကြိုတင်မှတ်ပုံတင်ခြင်းကို လုပ်ဆောင်ရပါတယ်။ အွန်လိုင်းကနေ လုပ်ရတာပါ။ အဲလိုလုပ်တဲ့အခါမှာ တက္ကသိုလ်ဝက်ဆိုက်ထဲဝင်ပြီး ဒီအတန်းမှာတော့ ဘယ်ဘာသာရပ်တွေကို ပို့ချပေးမယ်ဆိုတာကို ဖော်ပြထားပြီး ဘာသာရပ်တစ်ခုချင်းအလိုက် သင်ရိုးနဲ့ လုပ်ဆောင်ရမယ့်အရာတွေ ဖတ်ရမယ့် စာအုပ်တွေ၊ စာသင်ချိန်တစ်ခုချင်းအလိုက် သင်ကြားမယ့် ခေါင်းစဉ်တွေ၊ အမှတ်ပေးစည်းမျဉ်းတွေကို သက်ဆိုင်ရာ သင်ကြားမယ့် ဆရာတွေက တင်ထားပေးပါတယ်။ ဒါ့အပြင် သင်ကြားပေးမယ် အချိန်ဇယားကိုလည်း တစ်ပါတည်းဖော်ပြပေးထားပါတယ်။ ဒါကြောင့် ကျောင်းသားက အတန်းကို ရွေးချယ်ဖို့အတွက် လုံလောက်တဲ့ သတင်းအချက်အလက်ကိုရပြီး ကိုယ်တက်ချင်တဲ့ ဘာသာရပ်နှစ်ခုက အချိန်တိုက်နေရင် ဘယ်ဟာကို ရွေးရမလဲ ဆိုတာကအစ စီစဉ်လို့ရပါတယ်။
.
. . . အတန်းတစ်ခု စစချင်း ပထမတစ်ပတ်မှာ ကျောင်းသားက သူမှတ်ပုံတင်ထားတဲ့ အတန်းတွေကို လိုက်တက်ကြည့်ပြီး သူမှတ်ပုံမတင်ထားပေမယ့် စိတ်ဝင်စားတဲ့အတန်းတွေကိုလည်း သက်ဆိုင်ရာဆရာတွေကို ခွင့်တောင်းပြီး လိုက်တက်ရင်း ဆရာတွေနဲ့ ဘာသာရပ်သဘောတွေကို အကဲခတ်ခွင့်ရှိပါတယ်။ ကျောင်းတက်ချိန် ပထမတစ်ပတ်ပြီးတဲ့အခါကျမှ ဘာသာရပ်မှတ်ပုံတင်ကို အပြီးသတ်လုပ်ဆောင်ရပါတယ်။ ဒါက ကျောင်းသားဘက်က ရွေးချယ်နိုင်ခွင့်ပါ။
.
. . . ဆရာက ကျောင်းသားရဲ့ လိုက်ပါလုပ်ဆောင်နိုင်မှုကို အကဲဖြတ် အမှတ်ပေးသလို ကျောင်းသားကလည်း ဆရာကို အကဲဖြတ် အမှတ်ပေးတဲ့စနစ်ပါရှိပါတယ်။ အတန်းတစ်ခုရဲ့ နောက်ဆုံး သတင်းပတ်မှာ သက်ဆိုင်ရာ ဘာသာရပ်နဲ့ နည်းပြဆရာကို အကဲဖြတ်တဲ့ အကဲဖြတ်လွှာကို ကျောင်းသားက ဖြည့်ရပါတယ်။ သက်ဆိုင်ရာ ၀က်ဆိုက်ကနေ အချိန်အကန့်အသတ်နဲ့ ကျောင်းသားဆီပို့ပေးတဲ့ အကဲဖြတ်လွှာကို ကျောင်းသားက သူ့စကားဝှက်နဲ့ ၀င်ရောက်ပြီး ဘာသာရပ်ပိုင်းဆိုင်ရာ သင်ကြားမှုပိုင်းဆိုင်ရာ စသည်ဖြင့် အကဲဖြတ်လွှာမှာ မိမိစိတ်ကြိုက် အမှတ်ပေးရပါတယ်။ ဘာသာရပ်ကို ဆရာကို ဝေဖန်ဆန်းစစ်ချက်တွေကို စိတ်ကြိုက်ရေးသားရပါတယ်။ ဒီလိုကျောင်းသားက ရေးသားတဲ့ အကဲဖြတ်ချက်ကို သက်ဆိုင်ရာ အုပ်ချုပ်ရေးအဖွဲ့ကလွဲပြီး ဘယ်သူမှ မသိစေရပါဘူးဆိုတဲ့ အာမခံချက်ပေးထားတာကြောင့် ကျောင်းသားတစ်ယောက်က ဘာသာရပ်အပေါ်မှာဖြစ်စေ ဆရာပေါ်မှာဖြစ်စေ သင်ကြားနည်းစနစ်ပေါ်မှာဖြစ်စေ ဝေဖန်ဆန်းစစ်အကြံ့ပု အမှတ်ပေးခွင့်ရှိနေပါတယ်။
.
. . . အတန်းတစ်တန်းပြီးတိုင်းမှာလည်း ကျောင်းသားတွေရဲ့ အမှတ်စာရင်းနဲ့ အောင်မြင်မှုအဆင့်အတန်းတွေကို တစ်ယောက်ချင်းစီပို့ပေးသလို ဆရာတွေအပေါ် ကျောင်းသားတွေရဲ့ အကဲဖြတ်အမှတ်ပေးချက်တွေကို အားလုံးသိအောင် ပွင့်လင်းမြင်သာ ထုတ်ပြန်ပေးပါတယ်။ ဒါကြောင့် ကျောင်းသားတစ်ယောက်ဟာ ဘာသာရပ်တစ်ခု ဆရာတစ်ယောက်ကို သူ့ရဲ့သင်ရိုးညွှန်းတမ်းတွေ အမှတ်ပေးစည်းမျဉ်းတွေအပေါ်မှာသာမက သူသင်ခဲ့တဲ့အတန်းက ကျောင်းသားတွေရဲ့ ဝေဖန်အကြံပြုချက်တွေကိုပါ မြင်သာထင်သာ လေ့လာခွင့်ရပြီး လွတ်လွတ်လပ်လပ် ရွေးချယ်နိုင်ခွင့်ရှိနေပါတယ်။
ဒါကြောင့် တစ်ချို့အတန်းတွေမှာ ကျောင်းသားတွေ စုပြုံနေပြီး တစ်ချို့အတန်းတွေမှာ ကျောင်းသားတွေ နည်းနေတာစသည်ဖြင့် မျိုးစုံရှိနေနိုင်တာဖြစ်ပါတယ်။
.
. . . အခုရေးသားခဲ့တာကတော့ လွတ်လပ်တဲ့ သင်ကြားသင်ယူမှုဝန်းကျင်နဲ့ ပတ်သက်ပြီး စနစ်ပိုင်းဆိုင်ရာ ကိုယ်တွေ့ ဗဟုသုတတစ်ချို့ကို မျှဝေပေးတာဖြစ်ပါတယ်။ ပြောမယ်ဆိုရင်တော့ အများကြီးကျန်သေးပေမယ့် ဒီလောက်ဆိုရင်တော့ တီးမိခေါက်မိရှိပြီလို့ ယူဆပါတယ်။ ပိုသိချင်တာများရှိရင် အောက်က မှတ်ချက်နေရာမှာ မေးပေးပါ။ အများသိအောင် ဖြေပေးပါ့မယ်။

ကျေးဇူးတင်ပါတယ်ခင်ဗျ
.
ဇေယျာနိုင်

Value Factor

သဘောထားကြီးလှချည် ထင်မနေကြနဲ့ သူတို့အတွက် ခြေအိတ်က ယုတ်နိမ့်တယ်လို့ အယူမရှိတာ ဂျပန်မှာ ကမာကူရဘုရားရောက်ဖူးရင်တွေ့လိမ့်မယ် ဆင်းတုတော်ပုံကို မုန့်လုပ်တယ် ယပ်တောင်လုပ်တယ် ခြေအိတ်လုပ်တယ်

ဒီလိုလုပ်ပြတာက
ကျွန်တော်က ခင်ဗျားဖန်ပါလို့ ပြောတဲ့သဘောပဲ၊ စိုင်းစိုင်းပွဲသွားတဲ့ခလိန်းမတွေ ပါးမှာ SAI လို့ စတစ်ကာကပ်ထားသလိုပဲ၊ ဟိုက သဘောတောင်ကျအုံးမယ်

ယဉ်ကျေးမှု ဓလေ့ တန်ဖိုးတွေ မတူကြတာကို နားလည်ဖို့လိုတယ်၊ သူ့ဓလေ့ကိုယ့်ဓလေ့ တူတာမဟုတ်

အာ့တာကိုလစ်ဘရယ်ကြောင်ပြီး
သောက်ရူးထပြီး
တို့လဲလုပ်မယ်ကွဆို
မြန်မာ့တန်ဖိုးတွေနဲ့ကန့်လန့်တိုက်ပြီး
အနည်းဆုံးတော့
အဆဲခံရလိမ့်မယ်

ရာဇဘိသေသ

ဘူမိဘောဘုရင်မင်းမြတ်နတ်ရွာစံပြီးတဲ့နောက် မဟာချက်ကရီမင်းဆက်ရဲ့ ဒသမမြောက်ရာမမင်းအဖြစ်တင်မြှောက်တဲ့ ရာဇဘိသေသမင်္ဂလာရဲ့ အဓိကအကျဆုံး အစီအစဉ်များကို ဒီနေ့ ထိုင်းနိုင်ငံ ဘန်ကောက်မြို့က ဘုရင့်နန်းတော်မှာ ကျင်းပပါတယ်။

ဘုရင်အဖြစ်ဘိသိက်မခံယူခင်မှာ အရင်ဆုံး ၀တ်ဖြူစင်ကြယ်ကို ဖိုးသူတော်လိုဝတ်ဆင်ပြီး ထိုင်းနိုင်ငံတစ်လွှား နေရာပေါင်း ၉ နေရာက ရေကို ဂါထာမန္တန်များနဲ့စီမံထားတဲ့ ရေစင်နဲ့ ကိုယ်လက်သန့်စင်ပါတယ်။ 


ပြီးတဲ့အခါ မင်းဝတ်တန်ဆာကို ဆင်မြန်းပြီးတဲ့အခါ ရှစ်ထောင့်ပုံသစ်သားပလ္လင်မှာထိုင်ပြီး ရာဇဘိသေသ ရေစင်သွန်းပါတယ်။ မြန်မာပြည်က တပ်ချုပ်ကြီးရဲ့ မွေးစားဖခင်အဖြစ် လူသိများတဲ့ ထိုင်းဘုရင့်အတိုင်ပင်ခံကောင်စီ ဥက္ကဌ အငြိမ်းစားဗိုလ်ချုပ်ကြီး ဖရမ်၊ အာဏာသိမ်းစစ်ခေါင်းဆောင် ဗိုလ်ချုပ်ကြီး ပရာယွတ်ချန်အိုချာ အပါအ၀င် ထိုင်းအဆင့်မြင့်အရာရှိကြီး ရှစ်ယောက်က ထိုင်းနိုင်ငံတစ်လွှား နေရာပေါင်း ၁၀၈ နေရာက ဆောင်ယူလာတဲ့ ရေစင်ကို ဆက်သရပြီး ပုဏ္ဏားရှစ်ယောက်က ရေစင်ကို သွန်းပေးရပါတယ်။ 


အဲသည်နောက် ရာဇဘိသေသ မင်္ဂလာရဲ့ အထွဋ်အထိပ်ကာလဖြစ်တဲ့ ဥသျှောင်ဆောင်းတဲ့ အစီအစဉ်ဖြစ်ပါတယ်။ မေရုမြင့်မိုရ်တောင်ထွတ်သဖွယ် ပြုလုပ်ထားအပ်တဲ့ ဘုရင့်ဥသျှောင်ကို ရွှေအလေးချိန် လေးပိသာခွဲကျော် (၁.၆၅ ကီလိုဂရမ်) နဲ့ ပြုလုပ်ထားပြီး ဘုရင့်ရဲ့ ကြီးလေးတဲ့တာဝန်ကို ဦးထိပ်ပန်ဆင်တယ်လို့ အဓိပ္ပာယ်ရှိတယ်လို့ ဆိုပါတယ်။ ဥသျှောင်ဆောင်းပြီးတဲ့အချိန်မှာ ဘုရင့်ဘွဲ့တော်ရေးထွင်းထားတဲ့ ရွှေစင်ပြားနဲ့ မင်းမြောက်တန်ဆာငါးပါးကို သိမ်းပိုက်ခံယူတော်မူပါသတဲ့။ မင်းမြောက်တန်ဆာ ငါးပါးကတော့ ဥသျှောင်၊ သံလျက်၊ ကျိုင်း၊ သားမြီးယပ်နဲ့ ရွှေခြေနင်းတို့ဖြစ်ပါတယ်။ 


ဘုရင့်ဥသျှောင်ဆောင်းနေချိန်မှာ ကောင်းကင်ယံမှာ နေထီးဆောင်းနေတယ်လို့သတင်းဖြစ်နေတာရှိပေမယ့် အတည်ပြုလို့မရသေးပါဘူး။ 


ပြီးခဲ့တဲ့ မေလ တစ်ရက်နေ့က ကျင်းပတဲ့ ဂျပန်ဧကရာဇ်မင်းမြတ် အရိုက်အရာဆက်ခံပွဲက ရိုးရှင်းတိတ်ဆိတ်သလောက် ထိုင်းဘုရင်မင်းမြတ်ဘိသိက်ခံပွဲက အမြောက်ပစ်သံ ခရုသင်းမှုတ်သံ ဆိုင်းသံဗုံသံတစ်ညံညံနဲ့ ကြီးကျယ်ခမ်းနား စည်ကားလွန်းလှတယ်။ 


Refer to different multiple sources

ဗိုလ်ကောင်း

၎ မေ ၂၀၁၉

ကျောင်းလခ

. . . မြန်မာ့ပညာရေးစနစ်က ဘယ်လို၊ မြန်မာတက္ကသိုလ်တွေရဲ့ အဆင့်က ဘယ်ချမ်းသာ စသည်ဖြင့် ပြောပြောနေကြတဲ့ သူတွေ မေ့ထားလေ့ရှိတဲ့ အချက်ကတော့ မြန်မာတက္ကသိုလ်တွေရဲ့ ကျောင်းဝင်ကြေး တစ်နည်းအားဖြင့် ကျောင်းလခလို့ ပြောရပါမယ်။ ကိုယ်တိုင်လည်း ရန်ကုန်တက္ကသိုလ်ကျောင်းသားဖြစ်ခဲ့ဖူးတာမို့ ကျွန်တော်တို့ မြန်မာပြည်က အစိုးရတက္ကသိုလ်တွေမှာ ကြည့်လိုက်မယ်ဆိုရင် ကျောင်းလခ နဲ့ စာကြည့်တိုက်ကြေးဘာညာဆိုတာ အခုခေတ် ဈေးနှုန်းတွေအရဆို ကွမ်းစားဆေးသောက် ကျပျောက်သလောက်ပဲ ရှိတဲ့ အတိုင်းအတာဖြစ်ပါတယ်။ ပြောရမယ်ဆိုရင် မြန်မာ့တက္ကသိုလ်ပညာရေး ကုန်ကျစရိတ်ဟာ အစိုးရက အားလုံးနီးပါး စိုက်ထုတ်ကုန်ကျပေးထားတဲ့ အခမဲ့နီးနီးအခြေအနေမှာရှိပါတယ်။ ကျောင်းဆောင်တွေပေးနိုင်တဲ့ ရန်ကုန်တက္ကသိုလ်လို ကျောင်းမှာတက်တဲ့ ကျောင်းသားတွေမှာသာ လစဉ်အဆောင်လခ၊ ထမင်းလခ ပေးရတာရှိပေမယ့် ကျန်တာကတော့ အလကားနီးနီးဈေးနှုန်းနဲ့ပဲ ပေးသွင်းကျောင်းတက်ခွင့်ရနေတာဖြစ်ပါတယ်။
.
. . . ဒီလိုပြောရင် အခုလက်ရှိ ကျောင်းတက်နေတဲ့ တက္ကသိုလ်ကျောင်းသားတွေက ဆဲချင်ကြမှာဖြစ်ပေမယ့် ဆက်ပြီးတော့ ပြောပါရစေ
.
. . . နိုင်ငံရေးစနစ်ကိုလည်း ဗဟိုဦးစီး ဆိုရှယ်လစ်စနစ်ကနေ ဈေးကွက်စီးပွားရေးနဲ့ ပါတီစုံဒီမိုကရေစီစနစ်ကို ပြောင်းလိုက်ပြီဆိုရင် ပညာရေးစနစ်ကိုလည်း ခေတ်စနစ်နဲ့အညီ လိုက်လျောညီထွေ ပြောင်းလဲလိုက်ပါဖို့ လိုပါတယ်။ ဆိုရှယ်လစ်ခေတ်ကလို အစိုးရကပဲ နေရာတကာ အကုန်လုံး အကုန်အကျခံနေရတဲ့ စနစ်ကနေ ကိုယ့်အားကိုယ်ကိုးတဲ့ စနစ်ကို သွားနေချိန်မှာ အစိုးရက ဖွင့်လှစ်ထားတဲ့ တက္ကသိုလ်တွေလည်း ကိုယ့်အားကိုယ်ကိုး စနစ်ကို သွားနေဖို့ လိုလားအပ်တဲ့အလျောက် ကြိုးစားနေကြချိန်မှာ ကျောင်းသားတွေထံကနေပြီးတော့လည်း ထိုက်သင့်တဲ့ အခကြေးငွေကို ယူဖို့ သင့်ပါပြီ။
.
. . . တစ်ချို့တွေပြောပြောနေတဲ့ တက္ကသိုလ်တွေရဲ့ ကိုယ်ပိုင်စီမံခန့်ခွဲပိုင်ခွင့်ဆိုတာ တက္ကသိုလ်တွေ ကိုယ့်ဝင်ငွေနဲ့ကိုယ် ရပ်တည်နိုင်မှသာ လွတ်လွတ်လပ်လပ် စီမံခန့်ခွဲနိုင်ခွင့်ကို တောင့်တအပ်ပါတယ်။ အစိုးရကပေးတဲ့ ပြည်သူ့ဘဏ္ဍာနဲ့ လည်ပတ်နေသမျှတော့ တက္ကသိုလ်ကိုယ်တိုင်က စီမံခန့်ခွဲပိုင်ခွင့်လိုချင်လို့မရပါ။
ဒါကြောင့် ကျောင်းတွေမှာ ကျောင်းသားတွေထံက ကောက်ခံနေတဲ့ ကျောင်းဝင်ကြေးနှုန်းထားတွေကို ခေတ်နဲ့အညီကြီး မဟုတ်သေးဘူး ဆိုရင်တောင် ထိုက်သင့်တဲ့ အတိုင်းအတာတစ်ခုထိ ပြောင်းလဲကောက်ခံသင့်ပါပြီ။
.
. . . ကျောင်းသားတစ်ယောက်အတွက် အမှန်တကယ်ကုန်ကျတဲ့ ပမာဏအထိ ချက်ချင်းကောက်ခံဖို့ ဖြစ်နိုင်မှာ မဟုတ်သေးဘူးဆိုရင်တောင် ပုံမှန်အတိုင်း စာမေးပွဲ မအောင်တဲ့ ကျောင်းသား ဥပမာအားဖြင့် တစ်နှစ်တည်းကို နောက်တစ်ခါ ပြန်တက်ရပြီဆိုရင် ကျောင်းလခကို ဘယ်လောက်တိုးလိုက်တယ်ဆိုတဲ့ စနစ်မျိုးနဲ့ဆို ကျောင်းသားတွေကို ဆုပေးဒဏ်ပေးစနစ် ကျင့်သုံးရာလည်းရောက် ကျောင်းအတွက်လည်း နှစ်ပိုနေတဲ့ ကျောင်းသားတွေရဲ့ ၀န်အားကို တစ်နည်းအားဖြင့် လျှော့ချပေးနိုင်စရာ အကြောင်းတစ်ခုလို့ ထင်မြင်မိပါကြောင်း

ဗိုလ်ကောင်း
၃ မေ ၂-၁၉

Astronomy

Some of the so called educated people share this news as a silly and funny story. Is it really funny?
No.
Regardless of mythical and religious belief, the temple is still meaningful for its beauty of the combination of architecture and astronomy.
Why should not we and our children witness the significant moment of the year the temple was intentionally designed for?

ပြည့်တန်ဆာမှောင်ခိုဈေးကွက်

ဘောဂဗေဒ သဘောတရားအရဆိုရင် ၀ယ်လိုအားနဲ့ ရောင်းလိုအားရှိပြီး ၀ယ်နိုင်ရောင်းနိုင်ကြတယ်ဆိုရင် ဈေးကွက်ဆိုတာ ရှိလာတာပါပဲ။ အဲသည်ဈေးကွက်တစ်ခုက အစိုးရက စည်းမျဉ်းဥပဒေနဲ့ လည်ပတ်ခွင့်မပေးဘူးဆိုရင်လည်း ဈေးကွက်က ပျောက်မသွားဘဲ မှောင်ခိုဈေးကွက် ဖြစ်သွားရပါတယ်။ ဆိုရှယ်လစ်ခေတ်ကို ကျော်ဖြတ်လာခဲ့တဲ့ ကျွန်တော်တို့နိုင်ငံက မှောင်ခိုဈေးကွက်ရဲ့ သဘောတရားကို ကောင်းကောင်းနားလည်ပါတယ်။
.
. . . ပြည့်တန်ဆာကိစ္စဟာ မြန်မာ့ဥပဒေက ခွင့်ပြုမထားတဲ့ မှောင်ခိုဈေးကွက်တစ်ခုဖြစ်ပါတယ်။ မှောင်ခိုဈေးကွက်တို့ရဲ့ သဘောသဘာဝအတိုင်း အစိုးရက ပျောက်အောင်လည်း မလုပ်နိုင် (လုပ်လည်းမလုပ်ထိုက်)၊ စည်းမျဉ်းစည်းကမ်းနဲ့လည်း ထိန်းချုပ်လို့မရဘဲ ဘယ်ကကြည့်ကြည့် ဆိုးကွက်တွေချည်းသာပါပဲ။ အစိုးရက မထိန်းချုပ်နိုင်ဘူးဆိုတာ ဥပဒေစိုးမိုးရေးအားနည်းချက်တစ်ခု ဖြစ်နေရုံသာမက အဲသည်ဈေးကွက်ထဲမှာ ပါဝင်ပတ်သက်နေတဲ့ ရွှေကြာလေးတွေလည်း ရသင့်ရထိုက်တဲ့ အဖိုးအခမရ ဥပဒေရဲ့ အကာအကွယ်မရဘဲ ခေါင်းပုံဖြတ်အမြတ်ထုတ်ခံရ၊ အားပေးသူတွေကလည်း စမတ်ကျကျ အားပေးလို့မရ၊ လုပ်ငန်းရှင်ကလည်း အလုပ်ရယ်လို့ ပီပီပြင်ပြင်လုပ်မရ၊ နိုင်ငံတော်ကလည်း ရသင့်ရထိုက်တဲ့ အခွန်အခမရ၊ ၊ နယ်မြေအာဏာပိုင်တွေရဲ့ လာဘ်ပေးလာဘ်ယူမှုကိုလည်း အားပေးရာရောက်တဲ့အပြင် ပြည်သူ့ကျန်းမာရေးကိုပါ ခြိမ်းခြောက်တဲ့ ကိစ္စကြီးတစ်ခု ဖြစ်နေပါတယ်။
.
. . . ဘယ်ခေတ်မှာ ဘယ်လိုတွေတွေးပြီး ဘယ်လိုဥပဒေတွေပဲ ပြဌာန်းခဲ့ခဲ့ အခုချိန်ဟာ ပြည့်တန်ဆာကိစ္စကို ဥပဒေသေချာပြုစုပြီး စနစ်တကျ ထိန်းသိမ်းကြပ်မတ်ဖို့ အချိန်တန်ပါပြီ။ အခုဆို လူတွေလည်း ဒီကိစ္စကို တော်တော်များများ လက်ခံလာကြပါပြီ
.
. . . ရွှေကြာရုပ်ရှင် အကယ်ဒမီရတာကို အခွင့်ကောင်းယူ Window opportunity ပွင့်တယ်လို့ မှတ်ယူပြီး လူတွေ စိတ်ဝင်စားမှု မြင့်တက်နေချိန်မှာ သက်ဆိုင်ရာ Social Influencer တွေနဲ့ ဥပဒေပြုအမတ်တွေက ဒီကိစ္စကို ဥပဒေပြုဖို့ တည်ဆဲဥပဒေတွေထဲက ပြင်သင့်တာပြင်ဖို့ စတင်လှုံ့ဆော်သင့်တဲ့ အချိန်ကောင်းကို ရောက်နေပါပြီ။ လုပ်နိုင်သူတွေလုပ်ကြဖို့ တိုက်တွန်းချင်ပါတယ်
.
ဇေယျာနိုင်
၂၄ မတ် ၂၀၁၉

အမှိုက် Window Opportunity

. . . အခုနောက်ပိုင်း အမှိုက်နဲ့ပတ်သက်ပြီး ကျွန်တော်တို့နိုင်ငံမှာ ပိုပိုပြီး သတိထားဖြစ်လာတာတွေ အမှိုက်သိမ်းကြဖို့ ဆော်သြတာတွေ လုပ်ကြကိုင်ကြတာတွေ မြင်ရတာ တကယ်ကို ၀မ်းသာစရာကောင်းပါတယ်။ အဲသလို လူထုက စိတ်ဝင်စားနေတာကို အခွင့်ကောင်းယူပြီး ဒီအချိန်မှာ အမှိုက်နဲ့ ပတ်သက်တဲ့ စီမံခန့်ခွဲမှုကို ထိထိရောက်ရောက် လုပ်နိုင်ရင် ရေရှည်အတွက် အကျိုးရှိနိုင်တယ်လို့မြင်ပါတယ်။
.
. . . အမှိုက်တွေကို ကောက်ကြတာတော့ ဟုတ်ပါရဲ့ အဲသည်အမှိုက်ကို တစ်နေရာကနေ နောက်တစ်နေရာကို ပို့ဖို့ရာက သင့်တော်တဲ့နေရာဟုတ်ရဲ့လား၊ မီးရှို့ရမယ့်အမှိုက်လား၊ ကျင်းတူးမြှပ်ရမယ့်အမှိုက်လား၊ စည်းကမ်းမဲ့ အမှိုက်ပစ်တဲ့နေရာမှာ နောက်ထပ် အမှိုက်တွေ ထပ်မပစ်အောင် ဘယ်လိုလုပ်မလဲ၊ ပညာပေး ဒဏ်ပေးကိစ္စတင် မလုံလောက်ဘဲ စီမံခန့်ခွဲမှုနည်းလမ်းနဲ့ပါ အမှိုက်ကိစ္စ သေချာကိုင်တွယ်ဖို့ လိုမယ်လို့ထင်ပါတယ်။
.
. . . ရန်ကုန်မှာဆို နှစ်တိုင်းလိုလို သင်္ကြန်အခါလိုမျိုးမှာ တော်ကို ရုပ်ဆိုးတဲ့ အမှိုက်စည်းကမ်းပျက်မှုမျိုးကို ပန်းခြံတွေလို ကန်တော်ကြီးတို့ အင်းလျားတို့ကန်စောင်းလို နေရာတွေမှာ မြင်မြင်နေရတာပေမယ့် သက်ဆိုင်ရာ တာဝန်ရှိသူတွေက အဲဒါကို အဆင်ပြေအောင် စီမံခန့်ခွဲနိုင်ပုံ မပေါ်ပါဘူး။ စည်းကမ်းရှိချင်သူတွေတောင် အမှိုက်ကို လွယ်လွယ်ကူကူ စနစ်တကျ စွန့်ပစ်လို့ရမယ့် အစီအမံမျိုး မရှိဘူးဆို စည်းကမ်းကို စိတ်မ၀င်စားတဲ့သူတွေ စည်းကမ်းပျက်ကြတာ ဆန်းတော့မဆန်းတဲ့ကိစ္စပါ။
.
. . . အမှိုက်ကိစ္စကို သေချာ စီမံခန့်ခွဲမှုကောင်းကောင်းနဲ့သာ လုပ်ကြရင် ပွဲပြီးလို့ အမှိုက်ကောက်ရတယ်ဆိုတာမျိုးကို အလုပ်ကြီးလုပ်နေရဖို့ မရှိပါဘူး။ မူလကတည်းကိုက အလွယ်တကူ အမှိုက်ထည့်စရာထားပေးမယ်၊ ပြည့်ရင် လဲလှယ်ပေးမယ်ဆိုတာ စီစဉ်ထားရင် ပွဲပြီးလို့ အမှိုက်ကောက်ရတယ်ဆိုတာ တစ်စွန်းတစ်စလောက်ပဲ လုပ်ရမယ့်အလုပ်ဖြစ်ပါတယ်။
.
. . . သင်္ကြန်လိုပွဲမျိုးမှာ လူငယ်တွေရဲ့ လုပ်အားကိုလည်း အသေအချာ တောင်းခံ အသုံးပြုသင့်ပါတယ်။ သေချာလေ့ကျင့်ပေးထားတဲ့ စေတနာ့ဝန်ထမ်း တာဝန်ထမ်းဆောင်တဲ့ လူငယ်တွေက အမှိုက်ကို ဘယ်လိုပစ်ပါ ဆော်သြကြမယ်၊ သက်ဆိုင်ရာ စည်ပင်က အမှိုက်သိမ်းဝန်ထမ်းကလည်း အမှိုက်ပုံးပြည့်ရင် အချိန်မီလဲပေးမယ် စသည်ဖြင့် ဟန်ချက်ညီညီလုပ်ကြရင် သင်္ကြန်ဟာ အမှိုက်ကြောင့် ရုပ်ဆိုးမယ့်အဖြစ်မျိုး ကင်းဝေးနိုင်ပါတယ်။
.
. . . ဒါမျိုးကို စည်ပင်က တာဝန်ရှိသူများသာမက ရပ်ကွက်ထဲ လမ်းထဲ မြို့ထဲမှာ ကိုယ့်ရပ်ကွက်အလိုက် လမ်းအလိုက် လုပ်ကြမယ်ဆိုရင်တောင် တစ်ယောက်တစ်လက်နဲ့ ကျွန်တော်တို့ မြို့ရွာတွေ ပိုပြီး သန့်ရှင်းလှပသွားမှာပါ
.
. . . အနီးဆုံး လာမယ့် သင်္ကြန်မှာ အမှိုက်ကို ဘယ်လို စီမံကိုင်တွယ်သလဲ စောင့်ကြည့်အုံးမယ်
.
ဓာတ်ပုံ၊ ဂျပန်နိုင်ငံက လူစည်ကားရာနေရာတိုင်း ကားရပ်နားစခန်းတိုင်းမှာ ချလည်းချထား ပြည့်ရင်လည်း အချိန်မီလာသိမ်းလဲလှယ်တဲ့ စနစ်ရယ် လူတွေကိုယ်တိုင်လည်း အမှိုက်ကို စနစ်တကျပစ်ရပါလားဆိုတဲ့ အသိရယ်ပေါင်းလိုက်တော့ အမှိုက်စည်းကမ်းမဲ့ပစ်တာ မရှိသလောက်ပေါ့။ လူတွေကို ပညာပေးရတာ သိပ်မခက်လောက်ပါဘူး။ အမှိုက်ပုံးတွေ လုံလုံလောက်လောက် ချထားဖို့နဲ့ အမှိုက်သိမ်းစနစ်ကို သက်ဆိုင်ရာက သေချာစီမံဖို့သာ အရေးကြီးတာပါ။ ကျွန်တော်တို့ လူမျိုးတွေက စိတ်ကောင်းရှိပါတယ်။
.
ဇေယျာနိုင်
၁၈ မတ် ၂၀၁၉

WTF Yangon Government

This notification makes me remember of the days when the country was under the management of the military council.
.
. . . The government has to request the people to use the alternative way, to apologize for any inconvenience, and say thank you in advance for their understanding. It is the practice of any administrative body when they are to do something even for public welfare purpose which can cause the people inconvenience.
.
Unfortunately
. . . The Yangon government seems not to have a public oriented mindset. The tones of the language used in the notification clearly indicates that the government doesn’t care about the inconvenience of the people as if the people are responsible to sacrifice their rights for the interest of a foreign film company.
.
Who would teach the so-called democratic government how to respect the people’ right?