စိတ်ကျေနပ်သဘောကျ

. . . အောင်ငြိမ်းချမ်းရေးတဲ့ မျက်မှောက်ရေးရာဆောင်းပါးပေါင်းချုပ် (၂၀၂၃) ထွက်လာတော့ တော်တော်လေးကို ကျေနပ်မိတယ်၊ မနှစ်က ပထမဆုံးထုတ်တဲ့ (၂၀၂၂) စာအုပ်တုန်းကဆို တော်တော်လေးကို မချင့်မရဲဖြစ်စရာတွေ များခဲ့တော့ ဒီနှစ်စာအုပ်ကို ဆောင်းပါးတွေ စရေးတာ၊ စာစီတာ၊ ပုံတွေထည့်တာ၊ အောက်ခြေမှတ်စုတွေ၊ ရည်ညွှန်းကိုးကားတွေကို အတော်ကြီး စိတ်တိုင်းကျအောင် လုပ်နိုင်ခဲ့ပြီး လုပ်ခဲ့တဲ့အတိုင်းလည်း စာအုပ်မှာ အရာထင်တာမို့ ကျေနပ်မိတယ်လို့ ပြောတာပါ။ ဒါတောင်မှ သက်ဆိုင်သူတွေ အားလုံးဝိုင်းဝန်း ပူးပေါင်းဆောင်ရွက်ပေးတဲ့ ကြားထဲက၊ ကိုယ်တိုင် စက်ပေါ်တင်တဲ့အဆင့်အထိ စာအုပ်အပြင်အဆင်၊ ပုံတွေသုံးတာ၊ နေရာချတာ အဆုံး စိတ်တိုင်းကျ လုပ်ခွင့်ရတယ်ဆိုတာတောင် ပြင်မယ်ဆို ပြင်စရာက တွေ့နေသေးတာတော့ ထားလိုက်ပါတော့လေ
.
. . . အမှန်တော့ ဒီစာအုပ်က ဆောင်းပါးတွေက အပတ်စဉ်ထုတ်တဲ့ The Trend News Journal မှာ အပတ်စဉ် အခန်းဆက်ဖော်ပြခဲ့တဲ့ ဆောင်းပါးတွေ ဖြစ်ပြီး စုစုပေါင်း ၁၅ ပုဒ် ပါဝင်ပါတယ်။ ဆောင်းပါးတွေ စပြီး ခေါင်းစဉ်စဉ်းစားကတည်းကိုက ၂၀၂၃ ခုနှစ်ရဲ့ နှစ်ချုပ်မှတ်တမ်းသဖွယ်လည်းဖြစ်ရအောင်၊ နိုင်ငံတကာလေ့လာရေးနယ်ပယ်မှာ တာစားလာတဲ့ သဘောတရားတွေကိုလည်း တင်ပြပြီးသားဖြစ်ရအောင်ဆိုတဲ့ ရည်ရွယ်ချက်နဲ့ လုပ်ခဲ့တာမို့ အဲသည် ရည်ရွယ်ချက်တွေလည်း ရာခိုင်နှုန်း အတော်များများ ပေါက်မြောက်ခဲ့တယ်လို့ ဆိုရမှာ ဖြစ်ပါတယ်။
.
. . . ဒီဆောင်းပါးတွေကို ရေးစဉ်က နောက်ထပ်ရှိခဲ့တဲ့ ရည်ရွယ်ချက်တစ်ခုက ဒီဆောင်းပါးတွေဟာ ကိုယ်တိုင်လိုအပ်လို့ ပြန်ရည်ညွှန်းမယ်ဆိုရင်တောင် ယုံယုံကြည်ကြည် ရည်ညွှန်းကိုးကားနိုင်တာမျိုး ဖြစ်ရမယ်ဆိုတာပဲ ဖြစ်ပါတယ်။ ဘယ်သူမှ ဖတ်ဖတ်၊ မဖတ်ဖတ်၊ စိတ်ဝင်စားစား မစားစား၊ ငါရေးရင် ငါ့အတွက် မှတ်စုကောင်းကောင်းရတာပေါ့ ဆိုတဲ့ ဖေ့ဘုတ်မှာ စာရေးရင်တောင် ထားနေကျဖြစ်တဲ့ ခံယူချက်မျိုးနဲ့ ရေးခဲ့တာမို့လို့ ကိုယ့်အစွမ်းရှိသမျှတော့ တကယ့်ကို ယုံကြည်ကိုးကားထိုက်တဲ့ စာတွေပဲ ဆိုတာ အာမခံနိုင်ပါတယ်။
.
. . . စာမျက်နာ ၄၀၀ ကျော်မှာ စုစုပေါင်း ဆောင်းပါး ၁၅ ပုဒ်ထဲ ဆိုတော့ တစ်ပုဒ်ချင်းအတွက် ဘယ်လောက်နေရာပေးထားလဲ ဆိုတာ ခန့်မှန်းလို့ရပါတယ်။ ပါတဲ့ အကြောင်းအရာတွေက တရုတ်ကွန်မြူနစ်ပါတီညီလာခံနဲ့ ရှေ့ခရီးအကြောင်း၊ ဒေါ်လာရဲ့ အရေးပါမှုကို တိုက်စားလာတဲ့အကြောင်း၊ အမေရိကန်နဲ့ တရုတ်တို့ရဲ့ သုစီဒီးဒိစ်ထောက်ချောက်၊ တောင်ကမ္ဘာခြမ်းနိုင်ငံတွေရဲ့ ကမ္ဘာ့အရေးမှာ ဝင်ဆန့်လာမှု၊ အိန္ဒိယ နဲ့ အာဖရိကတို့ အရေးပါလာပုံအကြောင်း နဲ့ လက်ရှိဖြစ်နေတဲ့ အာရပ်-အစ္စရေးစစ်ပွဲအကြောင်းအထိ ပါတဲ့အတွက် ၂၀၂၃ ရဲ့ ကမ္ဘာ့သမိုင်း အကျဉ်းချုပ်လို့လည်း ဆိုနိုင်ပါတယ်။
.
. . . အရင်တုန်းက ဧကမဏ္ဍိုင်-ဒွိမဏ္ဍိုင်-ဗဟုမဏ္ဍိုင် ဆိုရာကနေ နောက်ပိုင်းပေါ်ထွက်လာတဲ့ ကဏ္ဍစုံကမ္ဘာသဘောတရားအကြောင်း (Multiplex World Order)၊ ပါဝါအမာ-ပါဝါအပျော့တို့ နောက်ပိုင်း ပေါ်ထွက်လာတဲ့ ချွန်မြမြပါဝါ (Sharp Power) သဘောတရားအကြောင်း၊ ကမ္ဘာ့သမိုင်းမှာ ခေတ်သစ်နိုင်ငံတော်ဆိုပြီး စတင်ပေါ်ပေါက်လာခဲ့တဲ့ ၁၆၄၈ ခုနှစ်ကနေ အခုအချိန်အထိ အချိန်ကာလ တိုက်စားပြောင်းလဲလာတဲ့ အချုပ်အခြာအာဏာဆိုတဲ့ သဘောတရားတွေ လျော့ရဲလာပုံ၊ စသည် စသည်ဖြင့် အကြောင်းအရာစုံ ပါဝင်ပါတယ်။
.
. . . ဒါပေမယ့် ဒီစာတွေကို ပညာရှင်များအတွက် ရည်ရွယ်ရေးထားတာ မဟုတ်ဘဲ၊ နိုင်ငံတကာရေးရာကို စိတ်ဝင်စားတဲ့ သူများအတွက်သာ ရေးထားတာဖြစ်လို့ Academic Paper လို ဟိတ်ကြီးဟန်ကြီး ခန့်ထည်လေးနက်နေမှာတော့ မဟုတ်ပါဘူး။ (ရိုးရိုးသားသားပြောရရင် ကိုယ့်ဆရာတွေ ဖတ်မှာကိုတောင် ကြောက်မိပါတယ်)
.
. . . စာအုပ်ထွက်ပြီလို့ ဝမ်းမြောက်ဝမ်းသာ ပိုစ့်တင်တဲ့အခါ စိတ်ဝင်တစားနဲ့ စာအုပ်လိုချင်ကြောင်း ပြောကြတာတွေကိုလည်း ကြည်နူးစွာတွေ့မြင်ရပါတယ်။ ဒါပေမယ့်. . .
.
. . . ဒီစာအုပ်က မရိုက်ခင်ကတည်းက ဘယ်အတွက် ဘယ်လောက်ဆိုပြီး တွက်ချက်ပုံနှိပ်တာဖြစ်တဲ့အတွက် အများကြီး ရောင်းပေးနိုင်ဖို့ သိပ်အလားအလာ မရှိသလို အပြင်ဆိုင်တွေမှာ တင်ပေးနိုင်ဖို့ အလားအလာလည်း မရှိလှပါဘူး၊ သို့သော်လည်း အရန်အဖြစ် တွက်ချက်ထားတဲ့ ပမာဏနည်းနည်းလေးထဲက တစ်ချို့ကို ထုတ်ရောင်းပေးနိုင်မယ်လို့ ယူဆတဲ့အတွက် စာအုပ်လိုချင်တဲ့သူများအတွက် ကျနော် ဖောင်လေးတစ်ခုပို့ပေးပါမယ်။ စာအုပ်တန်ဖိုးက အတိအကျပြောဖို့ခက်တာကြောင့် မယုတ်မလွန် တစ်သောင်းတစ်ထောင်ကျပ်ပဲ ဆိုကြပါစို့၊ အဲဒီလိုလေးဆိုရင် အဆင်ပြေလောက်မှာပဲလို့တွေးပြီး စာအုပ်လိုချင်သူများ အောက်က ဖောင်လေးကို ဝင်ဖြည့်ပေးကြပါ။
.
. . . ဖောင်ဖြည့်ရာမှာလည်း အမည်၊ Viber နံပတ်၊ ပို့ပေးစေလိုတဲ့ လိပ်စာ၊ ဖုန်းနံပတ်၊ ကားဂိတ်ကတင်ပေးရမယ်ဆို ကားလိုင်းအမည်၊ ချပေးရမယ့်ဂိတ်၊ Delivery Service နဲ့ ပို့ပေးရမယ့် လိပ်စာ၊ ကျနော့်ဆီကို ငွေလွှဲပြီးကြောင်း ပြေစာ screenshot ၊ တကယ်လို့များ စာအုပ် မရနိုင်ခဲ့ရင် ပိုက်ဆံပြန်လွှဲပေးရမယ့် Kpay နံပတ် နဲ့ အမည် စတာတွေကို ဖောင်ထဲမှာ ဖြည့်ပေးဖို့ လုပ်ထားပါတယ်။
.
. . . စာအုပ်က ဘယ်နအုပ်ရမယ်ဆိုတာ မသေချာတာကြောင့် အခုဖောင်ဖြည့်တဲ့ အစဉ်လိုက် ဦးစားပေးပြီး ပို့ပေးပါမယ်ခင်ဗျ၊ ဖေ့ဘုတ် ကွန်းမင့်နဲ့ မက်ဆေ့ဘောက်တွေမှာ စာတွေရေးပြီး မှာကြပြုကြတာကို ဝမ်းသာကျေးဇူးတင်ပေမယ့် အများနဲ့ဆိုတဲ့အခါ စီမံရ အဆင်ပြေအောင် ဒီဖောင်လေးကိုပဲ ဖြည့်ပေးကြဖို့ အထူးမေတ္တာရပ်ခံ ပန်ကြားချင်ပါတယ်။
.
ဖြည့်ရမယ့် Google Form က First Comment ထဲမှာပါခင်ဗျာ
.
ရွှင်လန်းချမ်းမြေ့ကြပါစေ

ဗိုလ်ကောင်း

၂၈ ဖေဖော်ဝါရီ ၂၀၂၄

မှတ်စုချုပ်

. . . သိပ်မကြာခင်တော့ The Trend News Journal မှာ ၃၁ ပတ် ဆက်တိုက်ပါခဲ့တဲ့ ဆောင်းပါးပေါင်းချုပ်စာအုပ် ထုတ်နိုင်မယ်ထင်တယ်။ ဒီထဲမှာတော့ ကိုယ်တိုင် ဂဃနဏ သိဖို့ လိုမယ့် စာတွေကို မှတ်စုသဘောလည်းဖြစ်အောင် ဆောင်းပါးတွေရေးထားတာ၊ သိပ်တတ်လို့ရေးတာ မဟုတ်ပေမယ့် ရေးရင်းနဲ့တော့ တတ်လာမလား အတွေးနဲ့ အနည်းဆုံးတော့ မြန်မာလို ကိုယ်တိုင်ရေးထားတဲ့ ခိုင်မာတဲ့ မှတ်စုလေးတွေ ရအောင်ဆိုတဲ့ ရည်ရွယ်ချက်နဲ့ပေါ့၊ ကိုယ်တိုင်ရေးတယ်ဆိုပေမယ့် တွဲပြီးရေးပေးတဲ့သူတွေလည်းပါတယ်၊ တခြားသူရေးထားတာကို ကိုယ်က စာပြန်ချောပေးတာလောက်နဲ့ ကိုယ်က Co-author နာမည်ခံလိုက်တာလည်း ရှိပါတယ်၊ အမှန်က Co-author ဆိုတာထက် Editor ဆိုရင်တော့ ပိုမှန်ပါတယ်။
.
. . . ဆောင်းပါးလို့ နာမည်တပ်ထားတဲ့ ဒီမှတ်စုတွေထဲမှာ တရုတ်ကွန်မြူနစ်ပါတီ ပြီးခဲ့တဲ့ပါတီညီလာခံကြီးနဲ့ပတ်သက်တဲ့ မှတ်စုတစ်ခု၊ ဒီခေါင်းစဉ်ကတော့ ကိုယ့်ဘာသာစီကာစဉ်ကာ ရေးသားတာ ဆိုပေမယ့် ဒီအကြောင်းလေ့လာပြီး ရေးထားတဲ့ လုပ်ဖော်ကိုင်ဖက်တစ်ယောက်ရဲ့ မှတ်စုကို အများကြီး ကိုးကားထားပြီး သူ့နဲ့ Co-author အနေနဲ့ရေးတာ
.
. . . ကိုယ့် ညီငယ်ညီမငယ်တွေကို လက်တွဲခေါ်ပြီး ကိုယ်က ဦးဆောင်ရေးခဲ့တဲ့ ခေါင်းစဉ်တွေက Thycucydidas Trap လို့ခေါ်တဲ့ စစ်နွံထောက်ချောက်၊ Multipolar World Order လို့ လူပြောများနေကြတာပေမယ့် Multiplex World Order ဆိုတဲ့ ကဏ္ဍစုံကမ္ဘာဆိုတဲ့ အယူအဆတစ်ခုလည်း ခိုင်ခိုင်မာမာ ရှိနေသေးတဲ့အကြောင်း၊ အခုနှစ်ပိုင်း ပိုပြီးခြေစွာလာတဲ့ Global South ကမ္ဘာ့တောင်ခြမ်းနိုင်ငံများလို့ သညာပြုထားကြတဲ့ ဖွံ့ဖြိုးဆဲနိုင်ငံများအစုအဖွဲ့၊ အရင်တုန်းက ပြောနေကြတဲ့ Soft Powe, Hard Power ကနေ အခု တရုတ်ကြီးကို သိက္ခာချဖို့သက်သက်သဘော ထွင်ထားတယ်ထင်ရတဲ့ Sharp Power ဆိုတဲ့သဘောသဘာဝ၊ Sovereignty ဆိုတဲ့ အချုပ်အခြာအာဏာ အယူဓလေ့တွေ ပြောင်းလဲလာတဲ့ ရေစီး၊ ကမ္ဘာ့ဘဏ္ဍာရေးနဲ့ ငွေကြေးရေစီးတွေ ပြောင်းလဲလာတဲ့အကြောင်း စတာတွေပေါ့။
.
. . . ကိုယ့်လုပ်ဖော်ကိုင်ဖက်တွေ အစအဆုံး လေ့လာရေးထားတာကို ကိုယ်က နှမ်းဖြူးပေးပြီး Co-author နာမည်ခံခဲ့တဲ့ အပုဒ်တွေက အိန္ဒိယယရဲ့ အိန္ဒိယသမုဒ္ဒရာဆိုင်ရာ SAGAR Doctrine, အာဖရိကမှာ ခြေရှုပ်နေကြတဲ့ အင်အားကြီးနိုင်ငံတွေအကြောင်း၊ အမေရိကန်နဲ့ အိန္ဒိယတို့ အားပြိုင်မှုတွေကြားက အရှေ့တောင်အာရှ စသည်ဖြင့်ပေါ့လေ
.
. . . စာအုပ်ထုတ်ဖြစ်လို့ ထွက်လာရင် ပြောပါ့မယ်၊ စာအုပ်ရောင်းတာတော့ မလုပ်ပါဘူး၊ ရောင်းမယ့်သူက သပ်သပ်ရှိတယ် :P
.

ဗိုလ်ကောင်း
၈ ဇူလိုင် ၂၀၂၃

ဇွန်ဘီနိုင်ငံတော်က နကျယ်ရဲ့ သားကောင်ဖြစ်ရသူများ

. . . ဇွန်ဘီဇာတ်ကားတွေ ကြည့်ဖူးကြမှာပေါ့၊ ဗိုင်းရပ်စ်ရောဂါတစ်မျိုးကြောင့် လူတွေဟာ ပုံပျက်ပန်းပျက်တွေဖြစ်ပြီး အသိစိတ်တွေ ပျောက်ဆုံးကုန်တယ်၊ သူတို့မှာ လူအချင်းချင်းဆိုတဲ့ အသိ မရှိတော့ဘူး၊ အရင်က သိခဲ့ကျွမ်းခဲ့ ခင်မင်ခဲ့ ချစ်ခဲ့ကြတာတွေ မသိတော့ဘူး၊ သူတို့သိတာ တစ်ခုပဲ ရှိတော့တယ်၊ အဲဒါကတော့ တွေ့သမျှလူကို လိုက်ကိုက်ပြီး ရောဂါဖြန့်ဖို့ပဲ

.
. . . ကျွန်တော်တို့ ဇွန်ဘီဇာတ်လမ်းတွေ ကြည့်ကြတဲ့အခါ ဒါဟာ စိတ်ကူးယာဉ်ဇာတ်လမ်းသက်သက်လို့ ထင်မိကြလိမ့်မယ်၊ ဇွန်ဘီလို အဖြစ်မျိုး လောကကြီးမှာ ဖြစ်နိုင်ပါ့မလား တွေးမိကြလိမ့်မယ်၊ မဖြစ်နိုင်ပါဘူးလို့ ထင်ကောင်းထင်မိကြလိမ့်မယ်၊ မထင်ပါနဲ့ ဇွန်ဘီဆိုတာ တကယ်ရှိပါတယ်
.
. . . အင်းဆက်လောကမှာတော့ တစ်ခြားအင်းဆက်တွေကို ဇွန်ဘီတွေဘဝရောက်အောင် အဖန်တီးနိုင်ဆုံးက နကျယ်ကောင်တွေပါပဲ၊ နကျယ်ကောင်တွေရဲ့ သားကောင်တွေကတော့ အများကြီး၊ အဓိက ကတော့ ပိုးတုန်းလုံးကောင်တွေ၊ ပိုးဟပ်၊ ပင့်ကူ၊ ပရွက်ဆိတ် စသည်ဖြင့်ပေါ့၊ သူတို့တွေမှာ နကျယ်ကောင်တွေကြောင့် ဇွန်ဘီဖြစ်ပြီး ဘဝပျက်ကြရရှာတယ်
.
. . . နကျယ်အိမ်တွေ တော်တော်များများ မြင်ဖူးကြမယ်ထင်ပါတယ်၊ အိမ်တွေရဲ့ အမြင့်နေရာတွေမှ ရွှံ့နဲ့ဆောက်ထားတဲ့ နကျယ်အိမ်တွေ ရှိတတ်တယ်၊ ငယ်ငယ်တုန်းက လူကြီးတွေပြောတာက နကျယ်ကောင်တွေက အိမ်ဆောက်တယ်၊ ပိုးတုန်းလုံးကောင်တွေ ဖမ်းယူလာပြီး အိမ်ထဲကို ထည့်ပိတ်တယ်၊ အပြင်ကနေ မန်းမှုတ်ပေးရင်းနဲ့ ပိုးတုန်းလုံးကောင်က နကျယ်ကောင်ဖြစ်ပြီး ပြန်ထွက်လာတယ် စသည်ဖြင့်ပေါ့၊ ဒါပေမယ့် တကယ်တမ်းကျတော့ နကျယ်ကောင်တွေဟာ ပိုးတုန်းလုံးတွေကို ဖမ်းပြီး နကျယ်အိမ်ထဲထည့်တာ နကျယ်ကောင်ဥ အကောင်ပေါက်လာတဲ့အခါ စားဖို့ပါ၊ နကျယ်ကောင်အိမ်ဆောက် ဥဥပြီးရင် ပိုးတုန်းလုန်းကောင်တွေကို ဖမ်းပြီး အိမ်ထဲထည့်ပိတ်ထား၊ နကျယ်ဥက အကောင်ပေါက်လာတဲ့အခါ အိမ်ထဲပိတ်ထားတဲ့ ပိုးတုန်းလုံးကောင်ကိုစား၊ ပြီးတော့ နကျယ်ကောင်ကြီးလာပြီး အပြင်ထွက်၊ နောက်ထပ် ပိုးတုန်းလုံးကောင်တွေရှာ သံသရာအသစ်ပြန်စ၊ ဒါဟာ အင်မတန်ကို ရိုးရှင်းတဲ့ ဖြစ်စဉ်တစ်ခု ဖြစ်ပါတယ်၊ ဒါပေမယ့် နကျယ်ကောင်တွေရဲ့ လုပ်နိုင်စွမ်းက ထင်တာထက် အများကြီး ပိုပါတယ်
.
. . . နကျယ်ကောင်ဟာ ပိုးတုန်းလုံးအကောင်ရဲ့ ခန္ဓာကိုယ်ထဲကိုလည်း ဥဥထည့်ပေးနိုင်ပါတယ်၊ အပြင်မှာ သွားလာလှုပ်ရှားနေတဲ့ ပိုးတုန်းလုံးကောင်ရဲ့ ကိုယ်ခန္ဓာထဲ ဥ ဥထည့်ပေးလိုက်တဲ့အခါ ဥနဲ့အတူ ဓာတုပစ္စည်းတစ်မျိုးကိုပါ ထိုးသွင်းပေးခဲ့လိုက်တာပါ၊ အဲသည် ဓာတုဓာတ်ကြောင့် ပိုးတုန်းလုံးဘဝကနေ အင်းဆက်ဘဝကို အဆင့်ဆင့်ပြောင်းသွားမည့် ဇီဝဖြစ်စဉ်ဟာ ရပ်သွားပြီး ပိုးတုန်းလုံး ဇွန်ဘီကောင်ဘဝ‌ ရောက်ရရှာပါတယ်၊ သူဟာ လိပ်ပြာ ဒါမှမဟုတ် အင်းဆက်ကောင်တစ်ခုခုအဖြစ် ဆက်မဖြစ်တော့ဘဲ ပိုးတုန်းလုံးဘဝနဲ့ပဲ အသက်ဆက်ဖို့ ဖြစ်လာပါတယ်၊ ဒါမှသာ သူ့ရဲ့ ကိုယ်ခန္ဓာထဲက နကျယ်ကောင်ဥတွေအတွက် နားခိုစရာ အိမ်ကောင်းကောင်းရမှာမို့ပါ
.
. . . ပိုးတုန်းလုံးရဲ့ ခန္ဓာကိုယ်ထဲက နကျယ်ကောင်ဥလေးတွေဟာ အချိန်တန်တော့ လောက်လိုအကောင်လေးတွေ ပေါက်လာပါတယ်၊ အဲသည်အကောင်လေးတွေဟာ ပိုးတုန်းလုံးရဲ့ ခန္ဓာကိုယ်ထဲမှာ ပိုးတုန်းလုံးရဲ့ အသားတွေကိုစားပြီး ကြီးလာပါတယ်၊ စိတ်ဝင်စားစရာကောင်းတဲ့ အချက်က နကျယ်ကောင်သားလောင်းလေးတွေဟာ ပိုးတုန်းလုံးရဲ့ ခန္ဓာကိုယ်ထဲက ပိုးတုန်းလုံး အသက်ကို သေသွားနိုင်လောက်တဲ့ အစိတ်အပိုင်းတွေကို မစားဘဲ သူတို့နားခိုရာ ခန္ဓာကြီး ဆက်တည်မြဲနေအောင် လုပ်ကြပါတယ်၊ အဲသည်လို စားနေတဲ့အချိန်မှာ ပိုးတုန်းလုံးကောင်ဟာ သူ့ကိုယ်လုံးထဲ နကျယ်ကောင်သားလောင်းတွေ သူ့အသားတွေစားပြီး ကြီးထွားနေကြတယ်ဆိုတာ မသိဘဲ ပုံမှန်အတိုင်း နေမြဲ စားမြဲလုပ်ပြီး သူ့ကိုယ်လုံးထဲက နကျယ်ကောင်သားလောင်းတွေအတွက် အာဟာရကို ထောက်ပံ့ပေးနေရပါတယ်
.
. . . ဒါပေမယ့် အချိန်တန်တဲ့အခါကျတော့ နကျယ်ကောင်သားလောင်းလေးတွေက ပိုးတုန်းလုံးရဲ့ ကိုယ်လုံးအရေပြားကို ဖောက်ပြီး ထွက်လာကြပါတယ်၊ မသိရင် ပိုးတုန်းလုံး အမေကြီးက ပိုးတုန်းလုံး သားပေါက်လေးတွေ ပေါက်လာသလိုပါပဲ၊ ဘာမှ မသိရှာတဲ့ သားကောင်အဖြစ်ကိုရောက်နေတဲ့ ဇွန်ဘီပိုးတုန်းလုံးကောင်ရဲ့ ရင်နာစရာအဖြစ်က အဲသည်မှာတင် မရပ်သေးပါဘူး၊ သူ့တစ်ကိုယ်လုံး စကာပေါက်ဖြစ်အောင် ဖောက်ထွက်လာကြတဲ့ နကျယ်ကောင်သားလောင်းလေးတွေကို သူ့ပါးစပ်က ပိုးမျဉ်တွေထုတ်ပြီး ရစ်ပတ်ထုပ်ပိုး ကာကွယ်ရပြန်ပါတယ်၊ အဲလို လုပ်နေရင်းနဲ့ပဲ နကျယ်ကောင်သားလောင်းလေးတွေ သူ့အသားတွေစားထားတဲ့ဒဏ်၊ အစာမစားရတော့လို့ ငတ်ပြတ်တဲ့ဒဏ်နဲ့ ပိုးတုန်းလုံးလေးခမျာ သေပွဲဝင်ရရှာပါတယ်၊ ပိုးတုန်းလုံး မသေခင် ပိုးမျဉ်တွေနဲ့ ရစ်ပတ်ထုပ်ပိုးကာကွယ်ပေးထားခဲ့တဲ့ နကျယ်ကောင်သားလောင်းလေးတွေက အချိန်တန်တော့ ပိုးမျှင်တွေကို ဖောက်ပြီးထွက်လာ နကျယ်ကောင်ဘဝကို အပြည့်အဝ ရောက်လာပြီး နောက်ထပ်သားကောင် ပိုးတုန်းလုံးတွေကို ရှာဖို့ ထွက်သွားပါတော့တယ်
.
. . . နကျယ်ကောင်တွေဟာ ပိုးတုန်းလုံးလို အားပျော့တဲ့ အစွမ်းအစမဲ့တဲ့ အကောင်တွေကိုတင် အာ့လိုလုပ်တာ မဟုတ်ပါဘူး၊ အင်းဆက်ပိုးအချင်းချင်း ပိုက်ကွန်ဖွဲ့ ဖမ်းဆီး စားသောက်တတ်တဲ့ ပင့်လူလို အကောင်မျိုးကိုတောင် သားကောင်အဖြစ် အမြတ်ထုတ်ပါတယ်၊ နကျယ်ကောင်ဟာ ပင့်ကူကို ဖမ်းပြီး တစ်ချက် တုပ်လိုက်ပါတယ်၊ အဲသည် တုပ်လိုက်တဲ့အထဲမှာ ပါသွားတဲ့ ဓာတ်တစ်မျိုးက ပင့်ကူရဲ့ ဥဏှောက်ကို ရောက်သွားတဲ့အခါ ပင့်ကူဟာဇွန်ဘီလိုဖြစ်သွားပြီး နကျယ်ကောင်အလိုကျ လုပ်ဆောင်ရတော့တာပါပဲတဲ့၊ ဘာတွေများ လုပ်ရတာပါလိမ့်၊ နကျယ်ကောင်ဟာ ပင့်ကူကို တုပ်ပြီးတဲ့အခါ ပင့်ကူရဲ့ ကိုယ်ပေါ်မှာ ဥတစ်လုံး ဥချခဲ့ပါတယ်၊ အဲသည်ဥလေးကို သယ်ပိုးပြီး နေရတဲ့ ပင့်ကူဟာ အနားမနေရရှာပါဘူး၊ ခုနက နကျယ်ကောင်ထည့်ခဲ့တဲ့ ဓာတုပစ္စည်းက ပင့်ကူဥဏှောက်ကို ရောက်သွားတဲ့အခါ ဇွန်ဘီဖြစ်နေတဲ့ပင့်ကူဟာ နကျယ်ကောင်လေး အကောင်ပေါက်လာတဲ့အခါ လုံလုံခြုံခြုံနေဖို့ ပင့်ကူအိမ်ကို ပုံမှန်ဆောက်နေကျပုံအတိုင်းမဟုတ်ဘဲ ပိုပြီး ခိုင်ခိုင်မာမာ ဆောက်ရပါတယ်၊ အဲသည်နောက်တော့ နကျယ်ကောင်ဟာ သူ့ကိုယ်လုံးပေါ်မှာတင် သားလောင်းဘဝရောက်လာပြီး လက်ခံ ပင့်ကူကောင်ကို စပြီး စားပါတော့တယ်၊ စားတဲ့အခါမှာလည်း ပင့်ကူကို တန်းခနဲ သေသွားစေမည့် နေရာတွေကို ရှောင်ပြီး စားရင်း ကြီးလာပါတယ်၊ ပင့်ကူ မသေသေးဘဲ ရှိနေမှ သူ့ကို ဆက်ပြီး စောင့်ရှောက်နေနိုင်မှာမို့ ချက်ချင်းသေမယ့်နေရာတွေကို မစားတာပါ၊ အချိန်တန်တဲ့အခါ ပင့်ကူလည်း နကျယ်ကောင်သားလောင်းစားတာခံရင်းသေ၊ နကျယ်ကောင်သားလောင်းလည်း ပင့်ကူဆောက်ပေးခဲ့တဲ့ လုံခြုံတဲ့ အိမ်မှာနေရင်း နကျယ်ကောင်ဘဝကို ရောက်ပါတော့တယ်၊ ပြီးတော့ သူ့ကျေးဇူးရှင် ပင့်ကူလို နောက်ထပ် သားကောင်တစ်ကောင်ထပ်ရှာပြီး မျိုးဆက်သံသရာကို ဆက်ပါတော့သတဲ့
.
. . . နကျယ်ကောင်ရဲ့ သားကောင်ဘဝရောက်ရတဲ့ နောက်တစ်မျိုးက ပိုးဟပ်ပါ၊ နကျယ်က ပိုးဟပ်ကို ဝင်လုံးပြီးရင် ပထမတစ်ချက် တုပ်လိုက်တဲ့အခါ ပိုးဟပ်ရဲ့ ရှေ့ဆုံးခြေထောက်နှစ်ချောင်းက လေဖြတ်သလို လှုပ်လို့မရဖြစ်သွားပြီး သူ့ကိုသူ မကာကွယ်နိုင်ဖြစ်သွားပါတယ်၊ အဲသည်အခါကျမှ နကျယ်က ပိုးဟပ်ကို ဒုတိယတစ်ချက် ထပ်တုပ်ပါတယ်၊ ဒုတိယအချက်တုပ်တဲ့အခါ ပိုးဟပ်ရဲ့ ဥဏှောက်ထဲကို ဓာတ်တစ်မျိုး ထည့်လိုက်တာပါ၊ အဲသည်ဓာတ်ကြောင့် ပိုးဟပ်ဟာ အသက်မသေပေမယ့် မလှုပ်နိုင် မပြေးနိုင်တဲ့ဘဝကို ရောက်ရပါတယ်၊ ခဏနေတော့ နကျယ်ကောင်က ပိုးဟပ်ရဲ့ ဥမင်နှစ်ချောင်းကို ဖြတ်ပစ်လိုက်ပါတယ်၊ ပိုးဟပ်ဘဝဟာ ရှင်လျက်နဲ့ သေခဲ့ရပါပြီ၊ အဲသည်အခါကျမှ နကျယ်ကောင်က ပိုးဟပ်ကို သူ့တွင်းထဲဆွဲသွင်းသွားပြီး ပိုးဟပ်ရဲ့ ကိုယ်ပေါ်မှာ ဥတစ်လုံး ဥချလိုက်ပါတယ်၊ ပြီးတဲ့အခါ တွင်းထဲက ပြန်ထွက်ပြီး တွင်းကို ပိတ်ပစ်လိုက်ပါတော့တယ်၊ တွင်းထဲက ပိုးဟပ်ဟာ သူ့ကိုယ်လုံးပေါ်က နကျယ်ကောင် သားလောင်းလေး အစားခံဖို့ဆိုတာကိုတောင် မသိနိုင်တော့ဘဲ အသိမဲ့ဘဝနဲ့ စောင့်နေရရှာပါတယ်၊ အချိန်တန်တဲ့အခါ နကျယ်ကောင်သားလောင်းလေး ပေါက်လာတဲ့အခါ ပိုးဟပ်ကို မသေအောင် တဖြည်းဖြည်းချင်းစားပြီး ပိုးဟပ်ကိုယ်ထဲ ဝင်သွားပါတယ်၊ နောက်ဆုံး ပိုးဟပ်လည်းသေ နကျယ်ကောင်လည်း အကောင်ဖြစ်ပြီး တွင်းထဲက ထွက်လာ၊ နောက်ထပ် သားကောင်ပိုးဟပ်တစ်ကောင်ကိုရှာပြီး မျိုးဆက်သံသရာဆက်ပါတော့တယ်
.
. . . အထက်မှာ ပြောခဲ့တဲ့ ပိုးတုန်းလုံးကောင်၊ ပင့်ကူနဲ့ ပိုးဟပ်တို့ကို နကျယ်ကောင်က အနိုင်ယူခဲ့တာ၊ သူတို့ရဲ့ ကိုယ်ခန္ဓာကို အမြတ်ထုတ်ပြီး နကျယ်မျိုးဆက်ခဲ့တာတွေမှာ နကျယ်ကောင်သုံးသွားတဲ့ နည်းက တစ်ခုတည်းပါ၊ အဲဒါကတော့ သူ့သားကောင်ရဲ့ ကိုယ်လုံးထဲ ဓာတ်တစ်မျိုးထည့်ပြီး သူတို့ရဲ့ ဘဝဖြစ်စဉ်တွေကို ရပ်တန့်သွားအောင်၊ သူတို့လုပ်စေချင်သလိုမျိုး လုပ်စေအောင်၊ သူတို့မျိုးဆက်အတွက် အသာအယာအစားခံရအောင် လုပ်သွားခဲ့တာပါ၊ တစ်နည်းအားဖြင့် သားကောင်တွေကို ဇွန်ဘီဘဝရောက်အောင်လုပ်ပြီး ပုံမှန်ပြုမူနေကျ အပြုအမူတွေကသွေဖည်ပြီး သူတို့မျိုးဆက်အတွက် အမြတ်ထုတ်သွားကြတာ ဖြစ်ပါတယ်
.
. . . အထက်မှာ ဖော်ပြခဲ့တဲ့ နကျယ်ကောင်နဲ့ တစ်ခြားအင်းဆက်များရဲ့ အဖြစ်အပျက်ကို ကြည့်ပြီး ဆက်တွေးမိတာက ကျွန်တော်တို့မှာရော အလားတူဖြစ်ရပ်တွေ ရှိနေသလား ???
.
. . . သူ့ကျွန်ဘဝကို ရောက်ခဲ့ကြတာချင်းအတူတူ၊ ရုန်းကန်ကြိုးစားခဲ့ကြရတာချင်း အတူတူ သူများတွေနိုင်ငံက ဖွံ့ဖြိုးတိုးတက်ပြီး လူလူသူသူ ဖြစ်နေတဲ့အချိန်ထိ ကျွန်တော်တို့ နိုင်ငံက နိုင်ငံဖွံ့ဖြိုးမှုဖြစ်စဉ် သိသိသာသာ နှေးကွေးနေရတာ မြန်မာနိုင်ငံကြီးက လှပတဲ့ လိပ်ပြာဘဝကို မရောက်တော့ဘဲ ပိုးတုန်းလုံးဘဝမှာတင် ရပ်တန့်နေစေတဲ့ နကျယ်ကောင်ရဲ့ ဂျင်းတွေမိနေခဲ့တာလား၊ ကျနော်တို့ရဲ့ ကိုယ်ခန္ဓာ အသွေးအသားတွေကို စားသုံးကြီးထွားနေတဲ့ နကျယ်ကောင်သားလောင်းတွေကို မြွေပွေးခါးပိုက်ပိုက်ထားသလို မသိလိုက်မသိဘာသာ လက်ခံထားမိနေပြီလား
.
. . . ပုံမှန်မဟုတ်တဲ့ အပြုအမူတွေနဲ့ ပိုပြီးခိုင်မာတဲ့ အိမ်ဆောက်နေမိတဲ့ ပင့်ကူကောင်လို ကျွန်တော်တို့ရဲ့ ကြိုးပမ်းအားထုတ်မှုတွေက ကိုယ့်ကိုယ်ပေါ် တွယ်ထားတဲ့ မကြာခင် ကိုယ့်ကိုစားပြီး မျိုးဆက်တော့မယ့် နကျယ်ကောင်အတွက် အိမ်ဆောက်ပေးနေသလိုများ ဖြစ်နေပြီလား
.
. . . ဥမင်တွေအဖြတ်ခံရပြီး တစ်ကိုယ်လုံး မလှုပ်နိုင်ဘဲ နကျယ်ကောင်ရဲ့ တွင်းထဲမှာ မကြာခင်ပေါက်လာမယ့် နကျယ်သားလောင်းလေးရဲ့ အစားခံရဖို့ အသိမဲ့ စောင့်နေရတဲ့ ပိုးဟပ်လေးလို ကျွန်တော်တို့ရဲ့ ခြေတွေလက်တွေတုပ်နှောင်ခံထားရပြီလား ဥမင်တွေ အဖြတ်ခံထားရပြီလား
.
. . . ကျွန်တော်တို့တွေ အထက်ဥပမာအတိုင်း သားကောင်ဘဝကို ရောက်နေပြီသာဆိုရင် နကျယ်ကောင်က ဘာလဲ၊ သူထိုးထည့်ခဲ့တဲ့ ကျွန်တော်တို့ ကိုယ်ခန္ဓာထဲက ဓာတုပစ္စည်းတွေက ဘာတွေလဲ ကျွန်တော်တို့ကို ဘယ်လမ်းကြောင်းကို လျှောက်နေစေတာလဲဆိုတာ သိဖို့ လုပ်ကြရပါလိမ့်မယ်
.
. . . ကျွန်တော်တို့ ပြည်ထောင်စုမြန်မာနိုင်ငံသားတွေက အသိဉာဏ်နိမ့်ပါးတဲ့ ပိုးတုန်းလုံးလို၊ ပိုးဟပ်လို၊ ပင့်ကူလိုအကောင်တွေမဟုတ်တဲ့အတွက် နကျယ်ကောင်တဲ့တူတဲ့ ရန်သူက ဘယ်သူလဲဆိုတာ ရှာဖွေဖော်ထုတ်ပြီး ချေမှုန်းနိုင်ရင် ကျွန်တော်တို့ရဲ့ အနာဂတ်ဘဝ လှပနိုင်ပါလိမ့်မယ်၊ သို့မဟုတ်ရင်တော့ . . .
.
ဗိုလ်ကောင်း
၁၂ စက်တင်ဘာ ၂၀၂၀
.
ပူးတွဲကြည့်ရန်
https://youtu.be/nHMppxpul5s
https://youtu.be/vMG-LWyNcAs
https://youtu.be/Cha-lmuPdek
https://youtu.be/EudG9t4B07M

ေစ်းကြက္ဥပေဒသရွုေထာင့္မွျမင္ရေသာ အရပ္ဘက္-စစ္ဘက္ဆက္ဆံေရး

. . . ဒီမိုကေရစီ အားေကာင္းေမာင္းသန္ ရွင္သန္ခိုင္မာဖို႕အတြက္ ႏိုင္ငံေရးမွာ စစ္ဘက္ရဲ႕ အခန္းက႑ကို ေလွ်ာ့ခ်ရမယ္ (၀ါ) အရပ္ဘက္ရဲ႕ အုပ္စိုးမွဳကို တိုးျမွင့္ရမယ္ဆိုတဲ့ အယူအဆက ဒီကေန႕ ျမန္မာ့ႏိုင္ငံေရးနယ္ပယ္မွာ တာအစားဆံုး အယူအဆလို႕ ေျပာလို႕ရပါတယ္။ သို႕ေသာ္လည္း စစ္ဘက္ရဲ႕ အခန္းက႑ေလွ်ာ့ခ်ဖို႕နဲ႕ အရပ္ဘက္အုပ္စိုးမွဳ တိုးျမွင့္ဖို႕အတြက္ လက္ေတြ႕က်တဲ့ အရွိတရားေတြကိုေတာ့ အေလးထားျပင္ဆင္တည္ေဆာက္တာေတြ အားနည္းေနေသးတဲ့ပံုပါပဲ။ အရပ္ဘက္အုပ္စိုးမွဳတိုးျမွင့္ျခင္းဆိုတဲ့ ကိစၥကို ေစ်းကြက္သေဘာတရား ရွုေထာင့္ကေန သံုးသပ္ တင္ျပလိုပါတယ္. . .
.
. . . ေစ်းကြက္ဥပေဒသကို ေျပာတဲ့အခါတိုင္း အရိုးရွင္းဆံုးနဲ႕ အလြယ္ကူဆံုး နားလည္နိုင္တဲ့ ရွင္းျပခ်က္ကေတာ့ ေရာင္းလိုအား ၀ယ္လိုအားနဲ႕ ေစ်းႏွုန္းတို႕ရဲ႕ အဆက္အစပ္ပဲ ျဖစ္ပါတယ္။ ေဘာဂေဗဒ ဘာသာရပ္ရဲ႕ အေျခခံအက်ဆံုး ျဖစ္တဲ့ ေရာင္းလိုအားနဲ႕ ၀ယ္လိုအားက ေစ်းႏွုန္းကို ဘယ္လိုျပဌာန္းသလဲ ဆိုတဲ့ မ်ဥ္းေကြးကို အရင္ဆံုးတင္ျပလိုပါတယ္။ လူ႕သေဘာသဘာ၀အရ ကုန္စည္တစ္ခုကို ေရာင္းတဲ့လူက အျမင့္ဆံုးေစ်းကို လုိခ်င္ၿပီး ၀ယ္တဲ့လူက အနိမ့္ဆံုးေစ်းနဲ႕ ရခ်င္တာပါ၊ သို႕ေသာ္လည္း အေရာင္းအ၀ယ္ျဖစ္ဖို႕ဆိုရင္ ေရာင္းသူလိုခ်င္တဲ့ အျမင့္ဆံုးေစ်းကို မရနိုင္သလိုု၊ ၀ယ္သူလိုခ်င္တဲ့ အနိမ့္ဆံုးေစ်းနဲ႕လည္း အလုပ္မျဖစ္ပါဘူး။ ေရာင္းသူဘက္က ေရာင္းေပးႏိုင္တဲ့ အနိမ့္ဆံုးေစ်းနဲ႕ ၀ယ္သူဘက္က ေပးလည္းေပးႏုိင္ ေပးလည္းေပးခ်င္တဲ့ အျမင့္ဆံုးေစ်းတို႕ ဆံုမွတ္တစ္ခုမွာ ေတြ႕ၾကတဲ့အခါမွသာ အဲသည္ဆံုမွတ္မွာရွိတဲ့ ေစ်းႏွဳန္းနဲ႕ အေရာင္းအ၀ယ္ျဖစ္ၾကတာပါ။ အဲသည္ေစ်းႏွဳန္းကို ေဘာဂေဗဒဘာသာရပ္မွာ မွ်ေျခေစ်းႏွဳန္းလို႕ ေခၚပါသတဲ့ . . .

. . . ဒီမိုကေရစီစနစ္ရဲ႕ အရပ္ဘက္အုပ္စိုးမွဳဆိုတဲ့ သေဘာတရားကို ကုန္စည္တစ္ခုလို သေဘာထားၿပီး အဲသည္ကုန္စည္ရဲ႕ ေရာင္းလိုအား ၀ယ္လိုအားနဲ႕ ေစ်းႏွုန္းတို႕ကို အထက္ပါ မ်ဥ္းေကြးမွာ တင္ၾကည့္တဲ့အခါ အခုလို ေတြ႕ရႏိုင္ပါတယ္။ မ်ဥ္းေကြးသေဘာတရားကို မရွင္းျပခင္ မ်ဥ္းေကြးမွာပါတဲ့ ေ၀ါဟာရမ်ားကို ဦးစြာရွင္းျပလိုပါတယ္။ အဓိကရွင္းျပထားခ်က္ကေတာ့ ႏိုင္ငံေတာ္လံုၿခံဳေရးစိုးရိမ္ရမွဳ နဲ႕ အရပ္ဘက္အုပ္စိုးမွဳ အဆက္အစပ္ကို ရွင္းျပထားတာျဖစ္ပါတယ္။ ႏိုင္ငံေတာ္လံုၿခံဳေရးစိုးရိမ္ရမွဳဆိုတာက ႏိုင္ငံေတာ္လံုၿခံဳေရးကို ၿခိမ္းေျခာက္တဲ့သမားရိုးက် ၿခိမ္းေျခာက္မွဳမ်ား (ဥပမာ - စစ္ေရးနည္းလမ္း အၾကမ္းဖက္တိုက္ခိုက္ျခင္း နည္းလမ္းမ်ားျဖင့္ ႏိုင္ငံေတာ္၏ အခ်ဳပ္အျခာ ႏွင့္ ျပည္သူလူထု၏ လံုၿခံဳေရးကို ထိပါးေစေသာကိစၥရပ္မ်ား) နဲ႕ ပတ္သက္ၿပီး တပ္မေတာ္ရဲ႕ စိုးရိမ္ပူပန္မွဳကို ဆိုလိုပါတယ္။ အရပ္ဘက္အုပ္စိုးမွဳ ဆိုတာကေတာ့ ႏိုင္ငံေတာ္ရဲ႕ ကာကြယ္ေရး လံုၿခံဳေရး အပါအ၀င္ ကိစၥအရပ္ရပ္ကို စီမံခန္႕ခြဲတဲ့ေနရာမွာ အရပ္ဘက္ႏိုင္ငံေရးသမားတို႕က ကိုင္တြယ္က်င့္သံုးစီမံခန္႕ခြဲႏိုင္စြမ္းရွိျခင္းနဲ႕ တကယ္လည္း စီမံခန္႕ခြဲႏိုင္ခြင့္ရွိျခင္းတို႕ကို ဆိုလိုပါတယ္။ အရပ္ဘက္ အရည္အခ်င္းျပည့္၀မွဳ လိုအပ္ခ်က္ဆိုတာက ႏိုင္ငံေတာ္ရဲ႕ ကာကြယ္ေရးလံုၿခံဳေရး ကိစၥရပ္မ်ားအပါအ၀င္ အာဏာသံုးရပ္က်င့္သံုးမွဳမွာ အရပ္ဘက္ႏိုင္ငံေရးသမားမ်ား မည္သည့္အတိုင္းအတာအထိ အရည္အခ်င္းျပည့္၀ေနထိုက္သည္ဆိုတာကို ရည္ညႊန္းတဲ့ လိုအပ္ခ်က္ျဖစ္ပါတယ္။ စစ္ဘက္၏ အရပ္ဘက္အေပၚ ယံုၾကည္မွု ဆိုရာမွာ တပ္မေတာ္ရဲ႕ ပေရာ္ဖက္ရွင္နယ္ကိစၥမ်ားျဖစ္တဲ့ ႏိုင္ငံေတာ္ကာကြယ္ေရး နဲ႕ လံုၿခံဳေရးဆိုင္ရာမူ၀ါဒါမ်ား ခ်မွတ္အေကာင္အထည္ေဖာ္ က်င့္သံုးရာမွာ အရပ္ဘက္ ေရြးေကာက္ခံ ႏိုင္ငံေရးသမားတို႕အေနနဲ႕ ဌာန္ကရိုဏ္းက်က် လုပ္ႏိုင္ကိုင္ႏိုင္စြမ္းရွိတယ္ဆိုတာကို စစ္ဘက္က ယံုၾကည္စိတ္ခ်ထားတဲ့ အေျခအေနမ်ိဳးကို ဆိုလိုပါတယ္ . . .
.

.
. . . လက္ရွိမွာေတာ့ စစ္ဘက္၏အရပ္ဘက္အေပၚယံုၾကည္မွဳနဲ႕ အရပ္ဘက္နိုင္ငံေရးသမားမ်ား အရည္အခ်င္းျပည့္၀မွဳလိုအပ္ခ်က္တို႕ရဲ႕ ဆံုခ်က္ကို ၂၀၀၈ အေျခခံဥပေဒက ျပဌာန္းသတ္မွတ္ေပးထားပါတယ္။ ကာကြယ္ေရး၊ နယ္စပ္ေရးရာနဲ႕ ျပည္ထဲေရး ဆိုတဲ့ ျပည္ေထာင္စုအစိုးရအဖြဲ႕၀င္ ၀န္ႀကီးသံုးေနရာကို တပ္မေတာ္ကာကြယ္ေရးဦးစီးခ်ဳပ္က အမည္စာရင္းေပးရတာ၊ လႊတ္ေတာ္ေတြထဲမွာ တပ္မေတာ္သားကိုယ္စားလွယ္ ၂၅ ရာခိုင္ႏွုန္း ပါေနတာ၊ တိုင္းေဒသႀကီးနဲ႕ ျပည္နယ္ အစိုးရေတြမွာ လံုၿခံဳေရးနဲ႕နယ္စပ္ေရးရာဆိုင္ရာ ၀န္ႀကီးတစ္ဦးကို တပ္မေတာ္ကာကြယ္ေရးဦးစီးခ်ဳပ္က အမည္စာရင္းေပးရတာ ဆိုတဲ့အေျခအေနအေနေတြ လက္ရွိဆံုခ်က္မွာ ရွိေနပါတယ္ . . .
.
. . . သို႕ေသာ္ ျမန္မာ့ဒီမိုကရက္ဆိုသူမ်ားအေနနဲ႕ လက္ရွိဆံုခ်က္နဲ႕တင္ ေက်နပ္ႏွစ္သိမ့္ျခင္း မရွိပါဘူး။ ဆံုခ်က္ကို ညာဘက္ကို ေရႊ႕ခ်င္ပါတယ္ (၀ါ) အရပ္ဘက္အုပ္စိုးမွဳ ပမာဏကို မ်ားႏိုင္သေလာက္ မ်ားမ်ားရခ်င္ပါတယ္။ အဲသည္အတြက္ အကန္႕အသတ္က ၂၀၀၈ အေျခခံဥပေဒလို႕ ျမင္ၾကပါတယ္။ လက္ရွိ အေျခခံဥပေဒဟာ ဒီမိုကေရစီရာႏွဳန္းျပည့္မဟုတ္ေသးတဲ့အတြက္ အေျခအေနအခ်ိန္အခါ အားေလ်ာ္စြာ အေျခခံဥပေဒကို ျပင္ဆင္ၿပီး ဒီမိုကေရစီစံႏွဳန္းမ်ား တိုးျမွင့္ရမယ္ဆိုတာကို မူအားျဖင့္ ဘက္အားလံုးက လက္ခံထားၾကၿပီးသား ျဖစ္ေနတာေၾကာင့္ အေျခခံဥပေဒရဲ႕ ကန္႕သတ္ခ်က္ဟာ တိုးသာဆုတ္သာရွိတဲ့ ကန္႕သတ္ခ်က္လို႕ ဆိုႏိုင္ပါတယ္။ ဒါေၾကာင့္လည္း အရပ္ဘက္အုပ္စိုးမွု ဆံုခ်က္ကို ေနရာေရႊ႕ႏိုင္ဖို႕ဆိုတာ မျဖစ္ႏိုင္တဲ့ ကိစၥမဟုတ္ဘဲ ျဖစ္ႏုိင္တဲ့ ကိစၥတစ္ခုသာျဖစ္တယ္လို႕ သေဘာထားၿပီး အထက္ပါ မ်ဥ္းေကြးမွာပါတဲ့ ဆံုခ်က္ကို ညာဘက္ေရႊ႕ႏိုင္မယ့္နည္းလမ္းကို ကားခ်ပ္မွာ သံုးသပ္ၾကည့္ႏိုင္ပါတယ္ . . .
.
. . . ကားခ်ပ္မွာပါတဲ့ အရပ္ဘက္အရည္အခ်င္းျပည့္၀မွု လိုအပ္ခ်က္နဲ႕ စစ္ဘက္၏အရပ္ဘက္အေပၚယံုၾကည္မွု ဆိုတဲ့ မ်ဥ္းေကြးႏွစ္ခုရဲ႕ အဆက္အစပ္ကို သံုးသပ္ၾကည့္ရေအာင္ပါ။ ႏိုင္ငံေတာ္လံုၿခံဳေရးစိုးရိမ္ရမွဳပိုမ်ားေလေလ အရပ္ဘက္ႏိုင္ငံေရးသမားတို႕ရဲ႕ အရည္အခ်င္းျပည့္၀မွုလိုအပ္ခ်က္ပိုမ်ားေလေလ ျဖစ္ေၾကာင္း ကားခ်ပ္မွာျပပါတယ္။ တစ္ဘက္ကေနၾကည့္မယ္ဆိုရင္လည္း အရပ္ဘက္အုပ္စိုးမွဳပမာဏ မ်ားေလေလ အရပ္ဘက္ႏိုင္ငံေရးသမားတို႕ အရည္အခ်င္းျပည့္၀ဖို႕လိုအပ္မွဳ ပိုမ်ားေလဆိုတာကို ျပပါတယ္ . . .
.
. . . စစ္ဘက္ရဲ႕ အရပ္ဘက္အေပၚယံုၾကည္မွဳကိုၾကည့္မယ္ဆိုရင္လည္း ႏိုင္ငံေတာ္လံုၿခံဳေရးစိုးရိမ္ရမွဳအေျခအေနနဲ႕ စစ္ဘက္ရဲ႕အရပ္ဘက္အေပၚ ယံုၾကည္မွဳအေျခအေနက ေျပာင္းျပန္အခ်ိဳးက်တာကို ေတြ႕ရမွာပါ။ ႏိုင္ငံေတာ္လံုၿခံဳေရးစိုးရိမ္ရမွုဳမ်ားေလေလ စစ္ဘက္ရဲ႕ အရပ္ဘက္အေပၚယံုၾကည္မွဳ ေလ်ာ့နည္းေလေလျဖစ္ၿပီး တစ္ဆက္တည္းမွာပဲ အရပ္ဘက္အုပ္စိုးမွဳလည္း ေလ်ာ့နည္းေလေလဆိုတာကို ေတြ႕ရမွာျဖစ္ပါတယ္ . . .
.
. . . ကားခ်ပ္တစ္ခုလံုးက ဘာကိုျပေနသလဲဆိုရင္ ႏိုင္ငံေတာ္လံုၿခံဳေရး စိုးရိမ္ရမွုအေျခအေနျမင့္တက္လာတာနဲ႕အမွ် အရပ္ဘက္အုပ္စုိးမွဳအေျခအေန ေလ်ာ့က်လာတာကို ျပသေနပါတယ္။ မည္သည့္ႏိုင္ငံမွာမဆို မတည္မၿငိမ္ျဖစ္တာ လံုၿခံဳေရးအေျခအေန စိုးရိမ္ရမွု ျမင့္တက္လာတာနဲ႕အမွ် အရပ္ဘက္ႏိုင္ငံေရးသမားေတြရဲ႕ စီမံခန္႕ခြဲမွဳ က်ဆင္းၿပီး စစ္ဘက္စီမံခန္႕ခြဲမွု ျမင့္တက္လာေလ့ရွိတယ္ဆိုတာကို ႏိုင္ငံမ်ားရဲ႕ အေရးေပၚအေျခအေနေတြ၊ စစ္အုပ္ခ်ဳပ္ေရးေၾကညာထိန္းသိမ္းရတဲ့ အေျခအေနေတြမွာ ေတြ႕ႏိုင္ပါတယ္ . . .
.
. . . ျမန္မာႏိုင္ငံရဲ႕အေျခအေနကို ဒီကားခ်ပ္နဲ႕ ရွင္းျပရမယ္ဆိုရင္ ၿငိမ္းခ်မ္းေရးမရေသးတဲ့ လက္နက္ကိုင္တပ္ဖြဲ႕ေတြမ်ားေနတာ၊ အဲသည္လက္နက္ကိုင္ တပ္ဖြဲ႕ေတြနဲ႕ တပ္မေတာ္တို႕ ထိေတြ႕မွဳေတြ လက္နက္ကိုင္ပဋိပကၡေတြေၾကာင့္ ျပည္ပက်ဴးေက်ာ္စစ္မ်ားအတြက္ ျပင္ဆင္ေနရမယ့္အစား ျပည္တြင္းမွာတင္ လံုၿခံဳေရးအေျခအေန စိုးရိမ္ရမွု ျမင့္တက္ေနတာေၾကာင့္ စစ္ဘက္ရဲ႕ လႊမ္းမိုးမွဳ မ်ားတန္သေရြ႕မ်ားေနတာကို ရွင္းျပႏိုင္ပါတယ္။ ဒီအေျခအေနေၾကာင့္ အရပ္ဘက္-စစ္ဘက္ဆက္ဆံေရးအေျခအေနက ကားခ်ပ္ရဲ႕ ဘယ္ဘယ္ေဘးကို ေရာက္ေနတာက တကယ္တမ္းက်ေတာ့ ဒီမိုကေရစီကို ေျမစမ္းခရမ္းပ်ိဳးထူေထာင္ေနရတဲ့ ျမန္မာႏိုင္ငံလို ႏိုင္ငံမ်ိဳးအတြက္ လိုလားအပ္တဲ့အေျခအေန မဟုတ္ပါဘူး။ ဒါဆိုရင္ ဘာလုပ္လို႕ရပါမလဲ။ အရပ္ဘက္-စစ္ဘက္ ဆက္ဆံေရးအေျခအေနကို အရပ္ဘက္အုပ္စိုးမွဳဘက္ မ်ားမ်ားေရာက္ဖို႕အတြက္ ဘာေတြလိုအပ္ေနပါသလဲ . . .
.
. . . ဒီေမးခြန္းကိုေျဖဖို႕အတြက္ စစ္ဘက္ရဲ႕ အရပ္ဘက္အေပၚယံုၾကည္မွဳ တိုးျမင့္လာဖို႕လိုအပ္သလို၊ အရပ္ဘက္ရဲ႕ ႏိုင္ငံေရးသမားမ်ား အရည္အခ်င္းျပည့္၀မွဳလိုအပ္ခ်က္ကို ေလွ်ာ့ခ်ဖို႕လိုပါတယ္။ တစ္နည္းအားျဖင့္ စစ္ဘက္နဲ႕ အရပ္ဘက္ လက္တြဲပူးေပါင္းေဆာင္ရြက္မွဳ ျမွင့္တင္ျခင္းျဖင့္ အရပ္ဘက္အေပၚ ယံုၾကည္မွဳ အတိုင္းအတာတစ္ခုအထိ တိုးျမင့္လာႏိုင္သလို တစ္ခ်ိန္တည္းမွာပဲ အရပ္ဘက္ႏိုင္ငံေရးသမားမ်ားရဲ႕ ႏိုင္ငံတည္ေဆာက္ေရးဆိုင္ရာ အရည္အခ်င္းအရည္အေသြးမ်ား ယံုၾကည္စိတ္ခ်ရေလာက္တဲ့အထိ တိုးတက္လာေအာင္ ဆက္လက္ျဖည့္ဆည္းဖို႕ လိုအပ္ပါတယ္။ အထူးသျဖင့္ စစ္ဘက္ကို စီမံခန္႕ခြဲႏိုင္ဖို႕အတြက္ ႏိုင္ငံေတာ္ကာကြယ္ေရးနဲ႕ လံုၿခံဳေရးဆိုင္ရာ အသိပညာဗဟုသုတမ်ားနဲ႕ စြမ္းေဆာင္ရည္မ်ား ျပည့္၀လာေအာင္ အရပ္ဘက္ႏိုင္ငံေရးသမားမ်ား ျဖည့္ဆည္းၾကဖို႕လိုပါတယ္။ စစ္ဘက္ဆိုင္ရာကၽြမ္းက်င္မွဳနယ္ပယ္ေတြျဖစ္တဲ့ ႏိုင္ငံေတာ္ကာကြယ္ေရးနဲ႕ လံုၿခံဳေရးဆိုင္ရာ သင့္ေလ်ာ္မွ်တၿပီး လက္ေတြ႕အေျခအေနနဲ႕ ကိုက္ညီတဲ့ မူ၀ါဒမ်ားကို အရပ္ဘက္ႏိုင္ငံေရးသမားက ေတာ္တည့္မွန္ကန္စြာခ်မွတ္ႏိုင္ၿပီလို႕ စစ္ဘက္က ယံုၾကည္မွသာ အရပ္ဘက္အရည္အခ်င္းျပည့္၀မွဳ လိုအပ္ခ်က္ကို ေလွ်ာ့ခ်ႏိုင္သလို၊ စစ္ဘက္၏ အရပ္ဘက္အေပၚယံုၾကည္မွဳလည္း ျမင့္တက္လာႏိုင္မွာျဖစ္ပါတယ္။ (ကားခ်ပ္တြင္ရွဳရန္)။ အက်ိဳးဆက္အျဖစ္ အရပ္ဘက္-စစ္ဘက္ဆက္ဆံေရးအေျခအေနဟာ ကားခ်ပ္ရဲ႕ ညာဘက္ တစ္နည္းအားျဖင့္ အရပ္ဘက္အုပ္စိုးမွဳ မ်ားတဲ့ဘက္ကို ေရြ႕လာမွာျဖစ္ပါတယ္။ အထက္မွာ တင္ျပခဲ့တဲ့ အခ်က္ႏွစ္ခ်က္က လိုလားရာအတိုင္း ေျပာင္းလဲလာတာနဲ႕ အရပ္ဘက္အုပ္စိုးမွဳမ်ားရာဘက္ကို အလိုလို ေရာက္လာမွာျဖစ္ပါတယ္ . . .
.
. . . ဒီေနရာမွာ သတိျပဳစရာတစ္ခုရွိတာက အရပ္ဘက္ႏိုင္ငံေရးသမားမ်ားရဲ႕ အရည္အခ်င္းျပည့္၀မွဳ လိုအပ္ခ်က္ ေလ်ာ့နည္းလာတာဟာ စစ္ဘက္ရဲ႕ ယံုၾကည္မွဳကို တိုးတက္ေစရာေသာ အေၾကာင္းတစ္ခ်က္မွ်သာျဖစ္တယ္ဆိုတာပါပဲ။ အရပ္ဘက္ႏိုင္ငံေရးသမားေတြ အရည္အခ်င္းျပည့္၀ထက္ျမက္လာတယ္ဆိုတာက စစ္ဘက္ရဲ႕ ယံုၾကည္မွဳကိုရဖို႕ တစ္ခုတည္းေသာ အလံုးစံုျပည့္၀တဲ့ အေၾကာင္းတရားမဟုတ္ေသးဘူးဆိုတာကိုလည္း ေမ့လို႕မျဖစ္ပါဘူး။ အထူးသျဖင့္ ျမန္မာ့တပ္မေတာ္ဟာ ယခင့္ယခင္ ႏိုင္ငံေရးသမားတို႕ အကြဲအၿပဲနဲ႕ ႏိုင္ငံေရးပါတီမ်ားက ႏိုင္ငံ့မ်က္နွာထက္ ကိုယ့္မ်က္ႏွာကိုယ္ ၾကည့္ခဲ့ၾကတဲ့ သမိုင္းကေပးတဲ့သင္ခန္းစာကို ေကာင္းေကာင္းမွတ္မိေနပါတယ္။ လြတ္လပ္ေရးရၿပီးကတည္းက ျဖစ္ခဲ့ပ်က္ခဲ့တဲ့ ႏိုင္ငံေရးအေျခအေနေတြကေန လက္ရွိႏိုင္ငံေရးသမားမ်ားက မည္သို႕မည္ပံု သင္ခန္းစာယူေနသလဲ ေသခ်ာမေျပာႏိုင္ေပမယ့္ တပ္မေတာ္ကယူခဲ့တဲ့ သင္ခန္းစာကေတာ့ ႏိုင္ငံေရးသမားမ်ားကို သူ႕ဘာသာလႊတ္ထားလို႕ မရဘူး၊ ေစာင့္ၾကည့္ေနမွရမယ္ဆိုတဲ့ သင္ခန္းစာကို ယူထားၾကတာပါ။ ႏိုင္ငံေရးသမားေတြ လုပ္ခ်င္ရာလုပ္ၾကလို႕ ႏိုင္ငံလည္းျဖစ္ခ်င္ရာျဖစ္ရၿပီဆို တကယ့္တကယ္ လက္ေတြ႕က်က် ၀င္ေရာက္ထိန္းသိမ္္းေပးႏုိင္တာ တပ္မေတာ္လို အင္စတီက်ဴးရွင္းသာရွိတယ္လို႕ ယံုၾကည္ထားၾကတာပါ။ သမိုင္းသင္ခန္းစာေတြကေပးတဲ့ အဲသည္ယံုၾကည္ခ်က္ကို မ်ိဳးဆက္အဆင့္ဆင့္ လက္ဆင့္ကမ္းေနၾကတာပါ။ ကားခ်ပ္မွာ ေျပာမယ္ဆိုရင္ အရပ္ဘက္ႏိုင္ငံေရးသမားမ်ားရဲ႕ အရည္အခ်င္းျပည့္၀မွဳ လိုအပ္ခ်က္ကို တျဖည္းျဖည္းပဲျဖစ္ျဖစ္ ေလွ်ာ့ခ်လာႏိုင္တယ္ဆိုရင္ေတာင္ စစ္ဘက္ရဲ႕ အရပ္ဘက္အေပၚယံုၾကည္မွဳ ျမင့္တက္လာဖို႕ဆိုတာ ႏိုင္ငံေရးသမားေတြရဲ႕ လုပ္ေဆာင္ျပဳမူေနတဲ့ လုပ္နည္းလုပ္ဟန္ေတြေပၚလည္း အမ်ားႀကီး မူတည္ေနေသးတာပါလို႕ သတိေပးလိုရင္းျဖစ္ပါတယ္ . . .
.
. . . အရပ္ဘက္ ႏိုင္ငံေရးသမားေတြ အရည္အခ်င္းျပည့္၀မွဳအတြက္ လိုအပ္ခ်က္ေတြ အမ်ားႀကီးရွိေနၾကေသးတဲ့ လက္ရွိအေျခအေနမွာ စစ္ဘက္အင္စတီက်ဴးရွင္းကေတာ့ ေသခ်ာခိုင္မာေအာင္ တည္ေဆာက္လ်က္ရွိေနတယ္ဆိုတာကို သတိထားမိရင္ ေတြ႕ၾကမွာျဖစ္ပါတယ္။ ႏိုင္ငံေတာ္ကာကြယ္ေရးနဲ႕ လံုၿခံဳေရးနယ္ပယ္မွာသာမက အျခားေသာ ႏိုင္ငံေတာ္တည္ေဆာက္ေရးအတြက္ လိုအပ္တယ္လို႕ယံုၾကည္ရတဲ့ နယ္ပယ္စံု က႑စံုအတြက္ လူ႕စြမ္းအားအရင္းအျမစ္ေတြ အလံုးအရင္းနဲ႕ ျပဳစုပ်ိဳးေထာင္ေမြးျမဴလ်က္ရွိေနတာကို ယေန႕ေခတ္အခါမွာ ပိုမိုျမင္ေတြ႕လာၾကရၿပီျဖစ္ပါတယ္။ ဒါဟာ မွန္သလား မွားသလား ဆိုတာထက္ ဒီအရွိတရားကို လက္ခံၿပီး ႏိုင္ငံေရးသမားေတြအေနနဲ႕ မိမိတို႕ႏိုင္ငံေရးအင္စတီက်ဴးရွင္းမ်ား ခိုင္မာအားေကာင္းလာေအာင္ စနစ္ဇယားအားျဖင့္လည္းေကာင္း လူ႕စြမ္းအားအရင္းအျမစ္အားျဖင့္လည္းေကာင္း အျပဳအမူအေျပာအဆို အလုပ္အကိုင္မွာ ေတာ္တည့္မွန္ကန္စြာ ေရွ႕ေဆာင္လမ္းျပေပးျခင္းျဖင့္လည္းေကာင္း တည္ေဆာက္သြားၾကဖို႕ အခ်ိန္က ေနာက္ပင္ေနာက္က်ေနေသာ္ျငား ယေန႕အခ်ိန္အခါကေတာ့ ဒုတိယအေကာင္းဆံုး အခ်ိန္အခါကို ေရာက္ေနပါၿပီ။ အခ်ိန္အခါမေႏွာင္းေသးတဲ့အတြက္တတိယအေကာင္းဆံုးအခ်ိန္ထိ ေစာင့္မေနသင့္ေတာ့ပါ။ မ်ိဳးဆက္သစ္ေတြ ျပဳစုပ်ိဳးေထာင္တဲ့ ကိစၥကို လူျမင္ေကာင္းရံု ေထာက္ခံသူမ်ားရံုတင္မက အရွိန္အဟုန္နဲ႕ လုပ္သင့္ကိုင္သင့္ ေဆာင္ရြက္သင့္လွပါၿပီ။ ႏိုင္ငံေရးအင္စတီက်ဴးရွင္းမ်ား ခိုင္မာအားေကာင္းဖို႕ကို မူ၀ါဒမ်ား အက်အနခ်မွတ္ လုပ္ေဆာင္သင့္လွပါၿပီ . . .
.
. . . အရပ္ဘက္-စစ္ဘက္ဆက္ဆံေရးမွာ အရပ္ဘက္အုပ္စိုးမွဳျမွင့္တင္ေရးနဲ႕ ပတ္သက္ၿပီး အင္မတန္ စိတ္ပ်က္စရာေကာင္းတဲ့ အယူအဆတစ္ခုကို တစ္ခ်ိဳ႕ေသာ ႏိုင္ငံေရးသမားဆိုသူမ်ားထံမွာ ျမင္ေတြ႕ေနရတာကလည္း ေကာင္းတဲ့ အလားအလာေတာ့ မဟုတ္ပါဘူး။ အဲဒါဘာလဲဆိုေတာ့ စစ္ဘက္အင္စတီက်ဴးရွင္းမ်ား အင္အားခ်ိနဲ႕မွသာလ်င္ အရပ္ဘက္က စစ္ဘက္ကို လႊမ္းမိုးခ်ဳပ္ကိုင္ႏိုင္မယ္ဆိုတဲ့ အယူအဆျဖစ္ပါတယ္။ စစ္ဘက္အင္စတီက်ဴးရွင္းမ်ား ခုိင္မာအားေကာင္းမွဳကိုသာ ဇက္ကိုင္ထိန္းခ်ဳပ္ၿပီး အက်ိဳးရွိရွိ အသံုးခ်ႏိုင္ခဲ့ရင္ ႏိုင္ငံေတာ္တည္ေဆာက္ေရးအတြက္ ဘယ္ေလာက္ေတာင္ တစ္အင္တစ္အားျဖစ္ေစမလဲဆိုတာ အဲသည္ႏိုင္ငံေရးသမားဆိုသူေတြ နားလည္ပံုမရပါဘူး။  အားလံုးရဲ႕ ရည္မွန္းခ်က္ ပန္းတိုင္ျဖစ္ေသာ ေခတ္မီဖြံ႕ၿဖိဳးတိုးတက္ၿပီး ကမာၻ႕အလယ္မွာ ဂုဏ္သိကၡာရွိရွိ ရပ္တည္ေနႏိုင္တဲ့ ႏိုင္ငံေတာ္တစ္ခုကို ၀ိုင္း၀န္းတည္ေဆာက္ေနၾကတယ္ဆိုတဲ့အခ်က္ကို အဲသည္ ႏိုင္ငံေရးသမားဆိုသူေတြ မ်က္ေျချပတ္ေနပံုပါပဲ။ အရပ္ဘက္အုပ္စိုးမွဳ အားေကာင္းခိုင္မာျခင္းဆိုတာ အထက္ပါ ဘံုရည္မွန္းခ်က္အတြက္ ႀကိဳးစားေနၾကတဲ့ နည္းလမ္းမ်ားစြာထဲက တစ္ခုပဲဆိုတာကို ေမ့ထားၿပီး၊ အရပ္ဘက္အုပ္စိုးမွဳ တိုးတက္ဖို႕အတြက္ ကိုယ့္ႏိုင္ငံရဲ႕ ကာကြယ္ေရးစြမ္းရည္ကို ထိပါးေစမယ့္အခ်က္ေတြကို ေတြးႀကံေျပာဆို ျဖန္႕ျဖဴးေနၾကတာဟာလည္း အဆိုပါ ႏိုင္ငံေရးသမားသူမ်ားရဲ႕ ႏိုင္ငံေတာ္ကာကြယ္ေရးနဲ႕ လံုၿခံဳေရးအျမင္ ခ်ိဳ႕တဲ့မွဳကို လွစ္ဟေဖာ္ျပေနသလိုပါပဲ . . .
.
. . . နိဂံုးခ်ဳပ္အေနနဲ႕ ေျပာရရင္ ျမန္မာ့ႏိုင္ငံေရးမွာ အင္မတန္ တာစားတဲ့ အရပ္ဘက္အုပ္စိုးမွုပမာဏ ဒီထက္မက မ်ားလာဖို႕ဆိုရင္ စစ္တပ္ကို ႏိုင္ငံေရးထဲက ထြက္သြားဆိုၿပီး ေမာင္းထုတ္ေနတာက အလုပ္ျဖစ္မယ့္နည္းလမ္း မဟုတ္ဘဲ စစ္ဘက္ရဲ႕ စိုးရိမ္ပူပန္မွုျဖစ္တဲ့ ျပည္တြင္းၿငိမ္းခ်မ္းေရးကို သိသာထင္ရွားတဲ့ တိုးတက္မွုရေအာင္ အေကာင္အထည္ေဖာ္တာ၊ အရပ္ဘက္ႏိုင္ငံေရးသမားေတြနဲ႕ ႏိုင္ငံေရးအင္စတီက်ဴးရွင္းေတြကို စစ္ဘက္က ေလးစားေလာက္တဲ့ အတိုင္းအတာအထိ စြမ္းေဆာင္ရည္ျမွင့္တင္ဖို႕ ႀကိဳးစားတာသာ လက္ေတြ႕က် အလုပ္ျဖစ္မယ့္နည္းလမ္းျဖစ္တယ္ဆိုတာ အထက္ပါ ေစ်းကြက္ဥေပဒသက ပမာျပဳ ညႊန္းဆိုေနပါေၾကာင္း . . .
.
ဉာဏ္ထက္ေဇာ္
၂၇ ေဖေဖၚ၀ါရီ ၂၀၁၈
.
The East
Ideas for the People Quarterly
Vol. (1), No. (2), April, 2018

.
(စကားခ်ပ္။ အရပ္ဘက္-စစ္ဘက္ဆက္ဆံေရးကို ေစ်းကြက္ဥပေဒသသံုးၿပီး ရွင္းျပထားခ်က္ဟာ စာေရးသူရဲ႕ အနုမာန ယူဆခ်က္သာျဖစ္ၿပီး ဒါကိုမွန္ကန္ေၾကာင္း သို႕မဟုတ္ မွားယြင္းေၾကာင္း သက္ေသျပႏိုင္မယ့္ သုေတသနေတြဆက္လုပ္ဖို႕ လိုအပ္ပါေသးတယ္။ ဒီအယူအဆမွာ ရွင္းျပထားခ်က္ေတြက စစ္ေဘာင္က်ယ္ၿပီး စစ္ဘက္ရဲ႕ ႏိုင္ငံေရးအေပၚ လႊမ္းမိုးမွဳႀကီးတဲ့ ႏိုင္ငံေတြရဲ႕ အရပ္ဘက္-စစ္ဘက္ ဆက္ဆံေရးအေျခအေနကိုသာ ရွင္းျပႏိုင္ပါတယ္။ အရပ္ဘက္ႏိုင္ငံေရးအင္စတီက်ဴးရွင္းမ်ား အားေကာင္းေမာင္းသန္ ရွင္သန္ခိုင္မာေနတဲ့ ႏိုင္ငံမ်ား၊ တစ္ပါတီစနစ္ရွင္သန္ထြန္းကားတဲ့ ႏိုင္ငံမ်ား၊ ဒီမိုကေရစီရွင္သန္ထြန္းကားတဲ့ႏိုင္ငံမ်ားရဲ႕ အေျခအေနကို ရွင္းျပျခင္း မရွိပါဘူး။)
.
ကုန္စည္ - Goods and Services
ေစ်းႏွဳန္း - Price
၀ယ္လိုအား - Demand
ေရာင္းလိုအား - Supply
မွ်ေျခေစ်းႏွဳန္း - Equilibrium Price
မ်ဥ္းေကြး - Curve

ခ်င္ပန္ဇီေကာင္းကင္ဘံုက ပံုျပင္ေျပာေသာလူသား

. . . ကၽြန္ေတာ္တို႕ေနေနတဲ့ ကမာၻႀကီးေပၚမွာ လူသားေတြက ဘာေၾကာင့္ အလႊမ္းမိုးႏိုင္ဆံုး သတၱ၀ါေတြ ျဖစ္ေနရသလဲဆိုတာနဲ႕ ပတ္သက္ၿပီး ရွင္းျပခ်က္ေတြ အမ်ားႀကီးရွိပါတယ္။ လူသားေတြက တစ္ျခားသတၱ၀ါေတြထက္ အသိဥာဏ္သာလို႕ တိုးတက္လာၿပီး တစ္ေလာကလံုးကို လႊမ္းမိုးနိုင္တာဆိုတာကေတာ့ အမ်ားလက္အခံႏိုင္ဆံုး ရွင္းျပခ်က္ျဖစ္ပါတယ္။ လူသားေတြ အခုအေျခအေနထိ ဖြံ႕ၿဖိဳးတိုးတက္လာခဲ့တာနဲ႕ ပတ္သက္ၿပီး လူသားေတြရဲ႕ အျပဳအမူ အေလ့အက်င့္ရွဳေထာင့္ကေန ရွင္းျပထားတဲ့ အျမင္သစ္တစ္ခုကို တင္ျပဖို႕အတြက္ ဒီစာကိုေရးပါတယ္ . . .
.
. . . အျခားသတၱ၀ါေတြအေပၚ ေက်ာ္လြန္ၿပီး လူသားေတြလႊမ္းမိုးသြားႏိုင္တဲ့ ေအာင္ျမင္မွဳလွ်ိဳ႕၀ွက္ခ်က္က ဘာလဲ ဆိုတဲ့ေမးခြန္းကို ႐ႈေထာင့္သစ္တစ္ခုကေန ေျဖဖို႔ႀကိဳးစားထားတဲ့ စာတစ္ပုဒ္ျဖစ္ပါတယ္ . . .
.
. . . ဒီေမးခြန္းကို မေျဖခင္မွာ စမ္းသပ္ခ်က္တစ္ခုကို စိတ္ကူးၾကည့္ရေအာင္ပါ။ က်န္းမာသန္စြမ္းၿပီး ဥာဏ္ထက္ျမက္တဲ့ လူသားတစ္ေယာက္နဲ႕ ခ်င္ပန္ဇီေမ်ာက္တစ္ေကာင္ကို သမုဒၵရာထဲက လူသူမေရာက္ေပါက္တဲ့ ကၽြန္းတစ္ခုေပၚ သြားတင္ထားတယ္ ဆိုၾကပါစို႕။ ကမာၻေျမႀကီးရဲ႕ ပင္ကိုယ္သဘာ၀ေလာကႀကီးထဲမွာ ဘယ္သူက ပိုၿပီး ရွင္သန္လွဳပ္ရွားႏိုင္မလဲ ၾကည့္မယ္ဆိုရင္ ခ်င္ပန္ဇီနဲ႕ လူသား စြမ္းရည္ခ်င္းသိပ္မကြာလွတာကို ေတြ႕ရမွာျဖစ္ပါတယ္။ လူတစ္ေယာက္နဲ႕ ခ်င္ပန္ဇီတစ္ေကာင္မွာ လူတစ္ေယာက္တည္းက ခ်င္ပန္ဇီတစ္ေကာင္တည္းထက္ပိုၿပီး ရွင္သန္ႏိုင္စြမ္းရွိဖို႕ မလြယ္ေပမယ့္ လူတစ္စုနဲ႕ ခ်င္ပန္ဇီေမ်ာက္တစ္အုပ္ကို ႏွိဳင္းယွဥ္မယ္ဆိုရင္ေတာ့ လူတစ္စုက ပိုၿပီး ရွင္သန္လွဳပ္ရွားႏိုင္စြမ္းပိုရွိတယ္ဆိုတာကို ေတြ႕ရမွာပါ . . .
.
. . . အစၥေရးႏိုင္ငံ ေဂ်ရုဆလင္တကၠသိုလ္က သမုိင္းပါေမာကၡ ယူဘယ္နိုအာ ဟာရာရီ ရဲ႕ အဆိုအရ လူသားေတြရဲ႕ ေအာင္ျမင္မွဳ လွ်ိဳ႕၀ွက္ခ်က္က ပူးေပါင္းေဆာင္ရြက္ႏိုင္စြမ္းရွိျခင္း ျဖစ္ပါတယ္တဲ့။ တိတိက်က် ေျပာရရင္ ေျမာက္ျမားစြာေသာလူသားေတြ စနစ္တစ္ခုအတြင္း အဆင္ေျပေျပ လိုက္ေလ်ာညီေထြ ပူးေပါင္းေဆာင္ရြက္ႏိုင္ျခင္းဆိုတဲ့ စြမ္းရည္ဟာ လူသားေတြကို တစ္ျခားသတၱ၀ါေတြထက္ ပိုၿပီး ေလာကႀကီးကို လႊမ္းမိုးႏိုင္တဲ့ သတၱ၀ါအျဖစ္ ေရာက္ေစခဲ့တာ ျဖစ္ပါသတဲ့။ အဲသည္ေတာ့ ေမးစရာရွိပါတယ္။ တစ္ျခားသတၱ၀ါေတြမွာေရာ ဒီလို ပူးေပါင္းေဆာင္ရြက္ႏိုင္စြမ္း မရွိဘူးလားေပါ့။ ဒီလိုေမးရင္ေတာ့ ရွိတယ္လို႕ ေျဖရမွာပါ။ ဥပမာ ပရြက္ဆိတ္တို႕ ပ်ားတို႕ ဆိုရင္လည္း ပူးေပါင္းေဆာင္ရြက္မွဳ ရွိပါတယ္။ ဒါေပမယ့္လူသားနဲ႕ အဓိကကြာျခားခ်က္က သူတို႕ရဲ႕ ပူးေပါင္းေဆာင္ရြက္မွဳဟာ ေမြးရာပါ ပါလာတဲ့ အသိတရားနဲ႕ အလိုလိုေနရင္း ျဖစ္သြားၾကတဲ့ ပူးေပါင္းေဆာင္ရြက္မွဳသာျဖစ္တဲ့အျပင္ ပူးေပါင္းေဆာင္ရြက္တဲ့ နည္းလမ္းကလည္း ပံုေသဆန္ပါတယ္။ ေျပာရရင္ေတာ့ လြန္ခဲ့တဲ့ ႏွစ္တစ္သန္းက ပရြက္ဆိတ္အံုတစ္ခု ပ်ားအံုတစ္အံုရဲ႕ ပူးေပါင္းေဆာင္ရြက္မွဳေတြနဲ႕ ဒီကေန႕လုပ္ေဆာင္ေနမွဳေတြက အတူတူပါပဲ။ ပ်ားအံုတစ္ခုက ပ်ားေတြက သူတို႕ရဲ႕ ပ်ားမွဳေရးရာ စီးပြားေရးစနစ္ေတြ ပ်ားႏိုင္ငံေတာ္ရဲ႕ ႏိုင္ငံေရးစနစ္ေတြနဲ႕ ပတ္သက္ၿပီး အခြင့္အေရးသစ္ေတြ ဖန္တီးတာ မရွိသလို ပ်ားႏိုင္ငံေတာ္ရဲ႕ ရပ္တည္မွဳကို ဘယ္ပ်ားႏိုင္ငံသားကမွ ၿခိမ္းေျခာက္တာ မရွိပါဘူး။ ပ်ားႏိုင္ငံေတာ္မွာ ပ်ားဘုရင္မကို ရာထူးဖယ္ရွား ဘုရင္စနစ္ဖ်က္သိမ္းၿပီး ပ်ားသမၼတႏိုင္ငံထူေထာင္ဖို႕တို႕၊ ပ်ားအာဏာရွင္စနစ္ျဖစ္ထြန္းလာဖို႕တို႕၊ ပ်ားကြန္ျမဴနစ္နဲ႕ ပ်ားအရင္းရွင္တို႕ စစ္ျဖစ္ဖို႕တို႕ဆိုတာ ျဖစ္လာႏိုင္စရာ မရွိပါဘူး။ လူသားနဲ႕ ပ်ား ကြာျခားတဲ့ အခ်က္က အဲဒါပါပဲ . . .
.
. . . ပ်ားတို႕ ပရြက္ဆိတ္တို႕နဲ႕စာရင္ ခ်င္ပန္ဇီတို႕၊ ျခေသၤ့တို႕၊ ၀ံပုေလြတို႕လို ႏို႕တိုက္သတၱ၀ါေတြရဲ႕ ပူးေပါင္းေဆာင္ရြက္မွဳက ပိုၿပီး လိုက္ေလ်ာညီေထြျဖစ္ပါတယ္။ ပ်ား နဲ႕ ပရြက္ဆိတ္ေလာက္ ပံုေသ မဆန္ပါဘူးတဲ့။ ၀ံပုေလြတစ္အုပ္က သူတို႕ထက္ ခႏၶာကိုယ္ႀကီးမား သန္စြမ္းတဲ့ အေကာင္ႀကီးေတြကို ပူးေပါင္းတိုက္ခိုက္ၿပီး သတ္ျဖတ္စားေသာက္ၾကတာမ်ိဳး ၾကားဖူးမွာပါ။ သူတို႕ေတြလည္း ပူးေပါင္းေဆာင္ရြက္ႏိုင္စြမ္း ရွိၾကပါတယ္။ ဒါေပမယ့္ လူသားေတြနဲ႕ မတူတဲ့ အခ်က္က ခုနေျပာတဲ့ သတၱ၀ါေတြဆိုတာ အေရအတြက္ နည္းနည္းေလးဆိုရင္သာ ပူးေပါင္းေဆာင္ရြက္ႏိုင္ၾကျခင္းပါပဲ။ ဘာေၾကာင့္လဲဆိုေတာ့ သူတို႕ေတြရဲ႕ ပူးေပါင္းေဆာင္ရြက္မွဳဆိုတာကလည္း ၀မ္းတြင္းပါ အခ်င္းခ်င္း ရင္းႏွီးမွဳအရ ျဖစ္ေပၚတဲ့ ပူးေပါင္းေဆာင္ရြက္ျခင္းပါတဲ့။ ခ်င္ပန္ဇီႏွစ္ေကာင္ ပူးေပါင္းေဆာင္ရြက္ဖို႕ဆိုရင္ ပထမဆံုး သူတို႕အခ်င္းခ်င္း တစ္ေကာင္နဲ႕တစ္ေကာင္ သိေနဖို႕ လိုအပ္ပါတယ္။ တစ္ေကာင္နဲ႕တစ္ေကာင္ မသိဘဲနဲ႕ ပူးေပါင္းေဆာင္ရြက္လို႕ မရပါဘူး။ အခ်င္းခ်င္းသာ ခင္မင္ရင္းႏွီးၾကမယ္ဆိုရင္ ခ်င္ပန္ဇီအေကာင္ငါးဆယ္ အေကာင္တစ္ရာ ပူးေပါင္းေဆာင္ရြက္ႏိုင္ၾကတာ ျဖစ္ေကာင္းေပမယ့္ ခ်င္ပန္ဇီ အေကာင္တစ္ေထာင္ေလာက္ဆိုရင္ေတာ့ ကိစၥတစ္ခုကို ပူးေပါင္းေဆာင္ရြက္ၾကမယ္ဆိုတာ မျဖစ္ႏုိင္ေတာ့ပါဘူး။ ဘာေၾကာင့္လဲဆိုေတာ့ သူတို႕ဟာ သူတို႕နဲ႕ မရင္းႏွီးတဲ့ သူစိမ္းေတြနဲ႕ ပူးေပါင္းေဆာင္ရြက္ႏိုင္စြမ္း မရွိၾကလို႕ပါပဲ . . .
.
. . . ဒါဆိုရင္ လူသားေတြကေရာ . . .
.
. . . အခုထိ ေလ့လာေတြ႕ရွိသမွ်ထဲမွာေတာ့ ကမာၻေပၚမွာလူသားေတြဟာ လိုက္ေလ်ာညီေထြရွိရွိနဲ႕ အေျမာက္အျမားပူးေပါင္းေဆာင္ရြက္ႏိုင္တဲ့ တစ္ခုတည္းေသာ သတၱ၀ါျဖစ္ပါတယ္တဲ့။ လူသားေတြဟာ ပ်ားတို႕ ပရြက္ဆိတ္တို႕ထက္ မ်ားျပားတဲ့ အေရအတြက္နဲ႕ ပူးေပါင္းေဆာင္ရြက္ႏိုင္ၾကသလို ခ်င္ပန္ဇီတို႕ ၀ံပုေလြတို႕နဲ႕ ျခားနားစြာ တစ္စိမ္းေတြနဲ႕ ပူးေပါင္းေဆာင္ရြက္ႏိုင္စြမ္းရွိၾကပါသတဲ့။ ဒါေၾကာင့္မို႕လို႕ တစ္ဦးခ်င္းႏွိဳင္းယွဥ္ရင္ ခ်င္ပန္ဇီတစ္ေကာင္က ပိုၿပီးရွင္သန္ႏိုင္စြမ္းမွာ သာေကာင္းသာမွာျဖစ္ေပမယ့္ ခ်င္ပန္ဇီတစ္ေထာင္နဲ႕ လူတစ္ေထာင္ဆိုရင္ေတာ့ လူသားေတြဟာ ဘယ္သူမွ လိုက္မမီေအာင္ ပူးေပါင္းေဆာင္ရြက္ အစြမ္းထက္သြားတာျဖစ္ပါတယ္။ ဥပမာတစ္ခုအေနနဲ႕ ခ်င္ပန္ဇီအေကာင္တစ္သိန္းေလာက္ကို တီအန္မန္ရင္ျပင္တို႕၊ ကမာၻ႕စီးပြားေရးဗဟိုဌာနတို႕၊ ဗာတီကန္နန္းေတာ္တို႕ထဲ စုၿပီး ထည့္ထားၾကည့္ပါလား။ အားလံုးေျဗာင္းဆန္ၿပီး ဘာတစ္ခုမွ ရစရာရွိေတာ့မွာကို မဟုတ္ေတာ့ဘူး။ ဒါေပမယ့္ လူတစ္သိန္းကို ခုနေျပာတဲ့ ေနရာေတြ ထည့္လိုက္ၾကည့္။ လူေတြက အခ်င္းခ်င္း လိုက္ေလ်ာညီေထြ ပူးေပါင္းေဆာင္ရြက္သြားတာကို ေတြ႕ရမွာပါ။ အင္မတန္ရွုပ္ေထြးေပြလီလွတဲ့ စည္းမ်ဥ္းစည္းကမ္း ကြန္ယက္စနစ္ေတြထဲမွာ လူသားေတြဟာ အဆင္ေျပေျပ ပူးေပါင္းေဆာင္ရြက္ႏိုင္တာကို ေတြ႕ရမွာျဖစ္ပါသတဲ့ . . .
.
. . . အခု စာဖတ္သူ ဒီစာကို ဖတ္ေနတဲ့အျဖစ္ကို ဥပမာေပးလိုပါတယ္။ ဒီစာဖတ္ေနသူဟာ စာေရးသူနဲ႕ ခင္မင္သူဟုတ္ေကာင္းမွ ဟုတ္ပါလိမ့္မယ္။ စာေရးသူလည္း ဒီစာေရးႏိုင္ေအာင္ ဖတ္ခဲ့တဲ့စာအုပ္ေတြ ေရးတဲ့သူေတြကို မခင္ပါဘူး။ မရင္းႏွီးပါဘူး။ အဲသလိုပဲ ဒီစာရိုက္ခဲ့တဲ့ ကီးဘုတ္နဲ႕ ကြန္ျပဴတာကိုထုတ္လုပ္သူ၊ ဒီစာကို အိမ္ကေန စာအုပ္တိုက္ေရာက္ေအာင္ပို႕ေပးတဲ့ အင္တာနက္၀န္ေဆာင္မွဳလုပ္တဲ့သူ၊ စာအုပ္တိုက္က စာစီစာရိုက္ အျပင္အဆင္လုပ္တဲ့သူ၊ စာအုပ္ခ်ဳပ္တဲ့သူ၊ စာအုပ္ကို စာေရးသူထံ ပို႕ေပးတဲ့ ကားသမား၊ စာအုပ္တင္ေရာင္းတဲ့ စာအုပ္ဆိုင္ကလူေတြကို မသိပါဘူး။ သို႕ေသာ္လည္း ဒီစာေရးတာကေန စာဖတ္သူလက္ထဲေရာက္တဲ့အထိ အခ်င္းခ်င္း လံုးလံုးမသိၾကတဲ့ သူစိမ္းေတြက ပူးေပါင္းေဆာင္ရြက္ခဲ့ၾကတာျဖစ္ပါတယ္။ ဒီလိုတစ္ေယာက္နဲ႕တစ္ေယာက္ ရွိမွန္းေတာင္မသိၾကတဲ့ သူစိမ္းေတြက ကိစၥတစ္ခုအတြက္ ပူးေပါင္းေဆာင္ရြက္ၾကတယ္ဆိုတဲ့ ဥပမာမ်ိဳး ခ်င္ပန္ဇီေတြလို အသိဥာဏ္ျမင့္ပါတယ္ဆိုတဲ့ သတၱ၀ါေတြမွာေတာင္ ေတြ႕ရစရာအေၾကာင္းမရွိပါဘူး . . .
.
. . . ေနာက္ထပ္ေမးစရာတစ္ခုက လူသားေတြရဲ႕ အဲသလိုပူးေပါင္းေဆာင္ရြက္ႏိုင္စြမ္းဟာ အၿမဲတမ္းေကာင္းေနေရာလားတဲ့။ ဟင့္အင္းလို႕ပဲ ေျဖရပါလိမ့္မယ္။ စစ္တိုက္တာေတြ၊ နာဇီေတြက ဂ်ဴးေတြကို အစုလိုက္အၿပံဳလိုက္သတ္ျဖတ္ခဲ့တာေတြ၊ ေခၽြးတပ္စခန္းေတြမွာ လူေတြကို အတင္းအက်ပ္ အလုပ္ခိုင္းတာေတြလို ေၾကာက္မက္ဖြယ္ကိစၥႀကီးေတြကလည္း လူသားေတြပူးေပါင္းေဆာင္ရြက္မွဳရလဒ္အေနနဲ႕ ရွိခဲ့တာပါပဲ။ လူသားေတြ ပူးေပါင္းေဆာင္ရြက္ၾကတယ္ဆိုတာ အေကာင္းေတြခ်ည္း လုပ္ဖို႕တင္ မဟုတ္ပါဘူး . . .
.
. . . ပိရမစ္ႀကီးေတြေဆာက္တာ၊ လကမာၻကိုသြားတာ၊ အာကာသကိုစူးစမ္းေလ့လာတာ၊ အက္တမ္ေတြကို ခြဲျခားစိတ္ျဖာ စတဲ့ ဒီေန႕ လူသားသမိုင္းမွာရွိတဲ့ ႀကီးက်ယ္ခမ္းနားတဲ့ အလုပ္ေတြကို လုပ္ခဲ့ၾကတာက လူသားတစ္ေယာက္ခ်င္းစီရဲ႕ ထူးခၽြန္ေျပာင္ေျမာက္မွဳေၾကာင့္ ဆိုတာထက္ အင္မတန္ ရွဳပ္ေထြးေပြလီလွတဲ့ စနစ္ေတြထဲမွာ လူသားေတြက ထိထိေရာက္ေရာက္ အဆင္ေျပေျပပူးေပါင္းေဆာင္ရြက္ႏိုင္စြမ္းရွိမွဳေၾကာင့္သာ ျဖစ္ပါတယ္လို႕ ဆိုပါတယ္ . . .
.
. . . ေကာင္းပါၿပီ။ ဒါဆိုရင္ ေနာက္ထပ္ေမးခြန္းတစ္ခု ထပ္ေမးၾကည့္ရေအာင္။ ဒီေလာက္ေျမာက္ျမားလွတဲ့ လူသားေတြ တစ္ေယာက္နဲ႕တစ္ေယာက္ ပုဂၢိဳလ္ေရး ခင္မင္ရင္းႏွီးျခင္းမရွိပါဘဲနဲ႕ ရွဳပ္ေထြးေပြလီလွတဲ့ စနစ္ေတြအတြင္း အဆင္ေျပေျပ ပူးေပါင္းေဆာင္ရြက္ေနႏိုင္တာ ဘာေၾကာင့္ပါလဲ။ အေျဖကေတာ့ ကၽြန္ေတာ္တို႕ လူသားေတြရဲ႕ ပံုေျပာစြမ္းရည္ေတြေၾကာင့္ပါပဲတဲ့ . . .
.
. . . လူေတြက စိတ္ကူးယဥ္တယ္။ ပံုျပင္ေတြ ဇာတ္လမ္းေတြဖန္တီးတယ္။ တကယ့္အျပင္ေလာကမွာ မရွိတဲ့ အေၾကာင္းအရာေတြကို ယုတၱိယုတၱာရွိရွိ စီမံဖန္တီးၿပီး တစ္ျခားသူေတြယံုေအာင္လုပ္တယ္။ လူေတြဆိုတာကလည္း စိတ္ကူးယဥ္အေၾကာင္းအရာတစ္ခု၊ ဒ႑ာရီတစ္ခု၊ ပံုျပင္တစ္ပုဒ္ကို တက္ညီလက္ညီ ယံုမိၾကၿပီလားဆိုရင္၊ တန္ဖိုးတစ္ခု စံႏွဳန္းတစ္ခု အယူအဆတစ္ခုကိုမ်ား ဘ၀င္က်မိၿပီလားဆိုရင္ တကယ့္ကိုဟန္က်ပန္က် ပူးေပါင္းေဆာင္ရြက္ၾကေတာ့တာပဲတဲ့ . . .
.
. . . တစ္ျခားသတၱ၀ါနဲ႕လူနဲ႕ကြာျခားတာက အဲဒါပဲ။ တစ္ျခားသတၱ၀ါေတြဆိုတာ တကယ့္ျဖစ္ပ်က္ေနတာကို ေဖာ္ျပဖို႕၊ အခ်င္းခ်င္း အသိေပးဖို႕ ဆက္သြယ္ဖို႕အတြက္ပဲ ဘာသာစကားကို သံုးၾကတာ။ ဥပမာ ေမ်ာက္ေတြေပါ့၊ ေမ်ာက္တစ္ေကာင္က ျခေသၤ့တစ္ေကာင္ သူတို႕နား ကပ္လာတာကို ျမင္ရင္ ငါတို႕နားျခေသၤ့တစ္ေကာင္ေတာ့ ကပ္လာၿပီေဟ့ ဆိုတဲ့ စကားကို ေမ်ာက္ဘာသာေဗဒနဲ႕ တစ္ျခားသူေတြသိေအာင္ အခ်က္ျပတယ္။ လူေတြ ဘာသာစကားကို သံုးတာက အဲသည္ထက္ အမ်ားႀကီးပိုတယ္။ လူေတြက အျပင္မွာရွိေနတာကိုတင္မက အျပင္မွာတကယ္ အေကာင္အထည္ျပစရာ မရွိသည့္တိုင္ သူတို႕စိတ္ထဲက စိတ္ကူးယဥ္ထားတဲ့ အေၾကာင္းအရာေတြကိုလည္း ဘာသာစကားသံုးၿပီး လုပ္ႀကံေျပာတတ္ၾကတယ္။ တကယ့္ျခေသၤ့တစ္ေကာင္ အနားကပ္လာတာကိုျမင္လို႕ ျခေသၤ့တစ္ေကာင္ေတာ့ အနားေရာက္ေနၿပီ ေျပးၾကေဟ့လို႕ ေျပာတတ္ရံုတင္မက ေကာင္းကင္ဘံုကျခေသၤ့တစ္ေကာင္ရွိတယ္။ အင္မတန္တန္ခိုးႀကီးတဲ့ အဲသည္ျခေသၤ့ႀကီးက ငါတို႕ကို အၿမဲေစာင့္ၾကည့္ေနတယ္။ သူေျပာတဲ့အတိုင္းလုိက္မလုပ္တဲ့သူေတြ သူက ဒဏ္ခတ္လိမ့္မယ္ စသည္ျဖင့္ စိတ္ကူးယဥ္လုပ္ႀကံဖန္တီးၿပီးေတာ့လည္း ေျပာျပႏိုင္ၾကတယ္။ တကယ္လို႕ အခုပံုျပင္ကိုသာ လူေတြ ယံုၾကၿပီဆိုရင္ အဲသည္လူေတြအခ်င္းခ်င္း တစ္ေယာက္နဲ႕တစ္ေယာက္ မခင္မင္ မရင္းႏွီးရင္သာရွိမယ္၊ အဲသည္ပံုျပင္နဲ႕ပတ္သက္တဲ့ ကိစၥအတြက္ဆို တက္ညီလက္ညီ ပူးေပါင္းေဆာင္ရြက္ၾကေတာ့တာပါပဲတဲ့ . . .
.
. . . တကယ္ေတာ့ အဲသည္လို ကိစၥမ်ိဳးဆိုတာလည္း လူသားေတြၾကားမွာပဲ ျဖစ္ေနတာပါ။ ဥပမာအားျဖင့္ ခင္ဗ်ား ေမ်ာက္တစ္ေကာင္ကို သြားေျပာၾကည့္။ အေမာင္ခ်င္ပန္ဇီ၊ မင္းလက္ထဲက ငွက္ေပ်ာသီး ငါ့ကိုလွဴလိုက္ပါလား၊ အဲသလိုလွဴလိုက္ရင္ရင္ မင္းဘာျဖစ္မလဲသိလား၊ အခုဘ၀ကေန မင္းေသသြားရင္ ေနာက္ဘ၀မွာ ငွက္ေပ်ာသီးပေဒသာပင္ေတြ ေျမကအလိုလိုေပါက္ေနတဲ့ ငွက္ေပ်ာသီးအျပည့္နဲ႕ ခ်င္ပန္ဇီေကာင္းကင္ဘံုကိုေရာက္မွာ။ အဲဒါေၾကာင့္ အခုေလာေလာဆယ္ မင္းလက္ထဲက ငွက္ေပ်ာသီး ငါ့ကိုေကၽြးဖို႕ အလွဴခံပါတယ္ကြာလို႕ သြားေျပာၾကည့္။ ဘယ္ေမ်ာက္မွ အဲသည္စကားကို ယံုမွာမဟုတ္ဘူး။ အဲသည္စကားကို ယံုတာ လူေတြပဲ ယံုတာ။ ဒါေၾကာင့္လည္း အျပင္မွာ လက္ဆုပ္လက္ကိုင္ျပလို႕မရတဲ့ စိတ္ကူးထဲမွာတည္ေဆာက္ထားတဲ့ စိတ္ကူးယဥ္ပံုျပင္ေတြကို ဖန္လည္းဖန္တီးတတ္တဲ့ လူသား၊ သူမ်ားဖန္တီးထားတဲ့ စိတ္ကူးယဥ္ပံုျပင္ေတြကို ယံုလည္းယံုတတ္တဲ့ လူသား၊ အဲသည္လူသားေတြသာလ်င္ ေလာကႀကီးကို လႊမ္းမိုးထားနိုင္တာျဖစ္ပါသတဲ့။ ဘာသာေရး၊ ႏိုင္ငံေရး၊ စီးပြားေရးစတဲ့ ကိစၥေတြမွာ လူသားေတြဖန္တီးထားတဲ့ ပံုျပင္ေတြ ဒ႑ာရီေတြ ယံုတမ္းစကားေတြေၾကာင့္ လူသားသန္းေပါင္းမ်ားစြာဟာ စနစ္တစ္ခုတည္းအတြင္းမွာ ဟန္ခ်က္ညီညီ ပူးေပါင္းလွဳပ္ရွားေနၾကတာျဖစ္ပါတယ္ . . .
.
. . . ဘာသာေရးမွာဆိုရင္ ကိုယ္ယံုၾကည္တို႕ ဘုရားသခင္ရဲ႕ ပညတ္ခ်က္ဆိုတာေတြကို လိုက္နာၾကတယ္။ အေလးထားၾကတယ္။ ဘုရားသခင္ဆိုတဲ့ အေကာင္အထည္ျပလို႕မရတဲ့ စိတ္ကူးထဲက ယံုၾကည္မွဳကို အေၾကာင္းျပဳၿပီး ဘာသာေရးစစ္ပြဲေတြကို အားတက္သေရာဆင္ႏႊဲၾကတယ္ . . .
.
. . . ႏိုင္ငံေရးမွာ အစြမ္းအထက္ဆံုး ယံုၾကည္ခ်က္က ႏိုင္ငံေတာ္ဆိုတဲ့ ယံုၾကည္ခ်က္ပါပဲ။ တကယ္ေတာ့ ႏိုင္ငံေတာ္ဆိုတာ စိတ္ကူးထဲမွာပဲ တည္ေဆာက္ထားတဲ့ ယံုတမ္းစကားတစ္ခုထက္ မပိုပါဘူး။ ဘုရားသခင္တို႕၊ ေကာင္းကင္ဘံုတို႕လို စိတ္ကူးထဲမွာပဲ တည္ေဆာက္ထားတဲ့ စိတ္ကူးယဥ္သက္သက္သာျဖစ္ပါတယ္။ ျမင္လည္းမျမင္ရ ကိုင္ၾကည့္လို႕လည္းမရ ဘယ္နားမွာမွလည္း သြားရွာလို႕မရတဲ့ ႏိုင္ငံေတာ္ဆိုတာကို ကမာၻ႕လူသားသန္းေပါင္းမ်ားစြာက ယံုၾကည္ေနၾကပါတယ္။ ့ ႏိုင္ငံေတာ္ဆိုတာ ျမင္ရထိေတြ႕ခံစားလို႕ရတဲ့ ေတာေတြေတာင္ေတြ ျမစ္ေခ်ာင္းအင္းအိုင္ေတြလည္း မဟုတ္ပါဘူး။ တကယ့္တကယ္တမ္းက်ေတာ့ ႏိုင္ငံေတာ္ဆိုတာ လူေတြရဲ႕ စိတ္ကူးယဥ္ဖန္တီးထားတဲ့ ယံုတမ္းပံုျပင္ဒ႑ာရီေတြထဲမွာရွိေနတဲ ့အရွိတရားသာ ျဖစ္ပါသတဲ့ . . .
.
. . . အလားတူပါပဲ။ ဥပေဒေရးရာဘက္မွာ ေျပာရမယ္ဆိုရင္ ဒီေန႕ေခတ္အခါမွာ လူသားေတြ ယံုၾကည္ေနတဲ့ကိစၥက လူ႕အခြင့္အေရး ဆိုတဲ့ကိစၥ ျဖစ္ေနပါတယ္။ အထက္ကေျပာခဲ့တဲ့ ဘုရားသခင္တို႕၊ ေကာင္းကင္ဘံုတို႕၊ ႏိုင္ငံေတာ္တို႕လိုပဲ လူ႕အခြင့္အေရးဆိုတဲ့ ဟာႀကီးကလည္း အျပင္မွာ တကယ္ထိေတြ႕ကိုင္တြယ္လို႕ရစရာ ရွိေနတာ မဟုတ္ပါဘူး။ ဇီ၀ေဗဒသေဘာအရလည္း လူ႕ခႏၶာကိုယ္ထဲ ရွိေနတာ မဟုတ္ပါဘူး။ လူေတြကို ခြဲစိတ္ၾကည့္ရင္ အေသြးအသားအသည္းႏွလံုးေတြပဲ ေတြ႕ရမွာပါ။ လူသားေတြရဲ႕လြတ္လပ္ခြင့္တို႕ လူ႕အခြင့္အေရးတို႕ ဆိုတာေတြကို ေတြ႕ရမွာ မဟုတ္ပါဘူး။ လူ႕အခြင့္အေရးဆိုတာကလည္း လူသားေတြအမ်ားႀကီး တစ္ညီတစ္ညြတ္ ယံုၾကည္ေနၾကတဲ့ ယံုတမ္းစကားတစ္ခုထက္ ဘာမွ မပိုပါဘူး . . .
.
. . . စီးပြားေရးနယ္ပယ္မွာလည္း ဒီလိုပါပဲ။ စီးပြားေရးနယ္ပယ္ထဲမွာ ရွိေနတဲ့ လူေတြယံုၾကည္ေနတဲ့ ကိစၥေတာ္ေတာ္မ်ားမ်ားကလည္း အျပင္မွာ တကယ္မရွိ ထိေတြ႕ကိုင္တြယ္လို႕လည္း မရတဲ့ ယံုတမ္းစိတ္ကူးဇာတ္လမ္းေတြပါပဲ။ ျမင္သာေအာင္ေျပာရမယ္ဆို လယ္ယာ ဆန္စပါး ကား စက္ရံု စတာေတြက ပကတိအရွိတရားေတြျဖစ္ၿပီး ကုမၸဏီတို႕ ဂူဂဲတို႕ ေဖ့ဘုတ္တို႕ တိုယိုတာတို႕ ဆိုတဲ့ ေကာ္ပိုေရးရွင္းေတြကေတာ့ စိတ္ကူးထဲမွာပဲ တည္ေဆာက္ျပလို႕ရတဲ့ စိတ္ကူးယဥ္အရွိတရားေတြ ျဖစ္ေနပါတယ္။ ကုမၸဏီတစ္ခု ေကာ္ပိုေရးရွင္းတစ္ခုဆိုတာ ထိေတြ႕ကိုင္တြယ္လို႕ရတဲ့ ပိုင္ဆိုင္မွဳပစၥည္းေတြကို ရည္ညႊန္းတာ မဟုတ္တဲ့အတြက္ ေကာ္ပိုေရးရွင္းကပိုင္ဆိုင္တဲ့ ပစၥည္းေတြကို ဖ်က္ဆီးပစ္ရံုနဲ႕ စီမံခန္႕ခြဲေနတဲ့ မန္ေနဂ်ာေတြ မရွိေတာ့ဘူးဆိုရံုနဲ႕ အဲသည္ကုမၸဏီႀကီးက ပ်က္သြားတာ မဟုတ္ပါဘူး . . .
.
. . . ကမာၻေပၚမွာ လူေတြအယံုဆံုး ယံုတမ္းအရွိတရားတစ္ခုကို ျပပါဆိုရင္ ပိုက္ဆံကိုျပရပါလိမ့္မယ္။ ပိုက္ဆံတစ္ရြက္ကို ယူၾကည့္လိုက္။ အဲသည္စာရြက္ေလးတစ္ရြက္မွာ ပကတိသံုးစားလို႕ရတဲ့ တန္ဖိုး ဘာမွ ေတြ႕ရမွာ မဟုတ္ပါဘူး။ အဲသည္ပိုက္ဆံဆိုတဲ့ စာရြက္ေလးကို ဗိုက္ဆာရင္လည္း စားလို႕မရဘူး၊ ေရငတ္ရင္လည္း ေသာက္လို႕မရဘူး၊ သူ႕ရဲ႕ ပကတိတန္ဖိုး ဘာမွ မရွိပါဘူး။ အဲသည္ဘာမွ စားမရေသာက္မရ စာရြက္ကေလးတစ္ရြက္က ငွက္ေပ်ာသီးဆယ္လံုးစာ တန္ဖိုးရွိပါတယ္လို႕ ဗဟိုဘဏ္ဥကၠဌတို႕ ဘ႑ာေရး၀န္ႀကီးတို႕က ယံုေလာက္ေအာင္ေျပာတဲ့အခါမွာ လူေတြကလည္း ယံုၾကပါေတာ့တယ္။ ဒါနဲ႕ပဲ အဲသည္စာရြက္ပိုင္းေလးကို ယူၿပီး ေစ်းကိုသြား၊ ေစ်းကိုေရာက္ေတာ့ အဲသည္စာရြက္ကေလးကို ေစ်းသည္ကိုေပးေတာ့ ေစ်းသည္ကလည္း ခုနပံုျပင္ကို ယံုေနတဲ့သူပဲမို႕ ငွက္ေျပာသီးဆယ္လံုး ျပန္ေပးလိုက္တယ္။ ဘာမွ စားမရေသာက္မရ စာရြက္ပိုင္းေလးတစ္ခုက လုပ္ႀကံဖန္တီးၿပီး ယံုေအာင္ေျပာတဲ ့ပံုျပင္တစ္ခုေၾကာင့္ အဲသည္ပံုျပင္ကိုလည္း လူေတြက တက္ညီလက္ညီ ယံုၾကည္ၾကတာေၾကာင့္ တကယ္စားလို႕ရတဲ ့ငွက္ေျပာသီးဆယ္လံုးနဲ႕ လဲလို႕ရသြားပါတယ္။ အဲသလို အလုပ္မ်ိဳးကို လူသားေတြသာ လုပ္ပါတယ္။ ခ်င္ပန္ဇီေတြဆိုပါေတာ့ ၊ သူတို႕အခ်င္းခ်င္း ငွက္ေပ်ာသီးနဲ႕ ပန္းသီးနဲ႕ လဲစားခ်င္စားပါလိမ့္မယ္။ ဒီစားမရေသာက္္မရစာရြက္ပိုင္းေလးက ငွက္ေပ်ာသီးဆယ္လံုးတန္ပါတယ္လို႕ သြားေျပာရင္ေတာ ့ဘယ္ေမ်ာက္ကမွ ယံုမွာမဟုတ္ပါဘူး။ အဲလိုယံုတာ လူေတြပဲယံုတာပါ . . .
.
. . . လူေတြလုပ္ႀကံဖန္တီးထားတဲ့ ယံုတမ္းစကားေတြထဲမွာေတာ့ ပိုက္ဆံပံုျပင္က အေအာင္ျမင္ဆံုးနဲ႕ အစြမ္းအထက္ဆံုးယံုတမ္းစကားလို႕ ဆိုရပါလိမ့္မယ္။ ဘာလို႕လည္းဆိုေတာ့ လူတိုင္းက ဘုရားသခင္တို႕ ေကာင္းကင္ဘံုတို႕ကို ယံုခ်င္မွ ယံုမယ္။ ႏိုင္ငံေတာ္ေတြ အမ်ိဳးသားေရးေတြ ယံုေကာင္းမွယံုမယ္။ ဒီမိုကေရစီေတြ ကြန္ျမဴနစ္စနစ္ေတြကို ယံုခ်င္မွယံုမယ္။ တရားမွ်တတာေတြ လူ႕အခြင့္အေရးေတြကို ယံုခ်င္မွ ယံုမယ္။ ပိုက္ဆံပံုျပင္ကိုေတာ့ လူတိုင္း ယံုပါတယ္။ ျမင္သာေအာင္ေျပာရရင္ အစၥလာမၼစ္အစြန္းေရာက္အၾကမ္းဖက္သမားေတြ ဆိုၾကပါစို႕။ သူတို႕က အေမရိကန္ကို မုန္းတယ္။ ဒီမိုကေရစီကိုမုန္းတယ္။ အေမရိကန္ယဥ္ေက်းမွဳကို မုန္းတယ္။ အေမရိကန္ႏိုင္ငံသားေတြကို မုန္းတယ္ဆိုၾကပါစို႕။ သူတို႕သာ အေမရိကန္ၿမိဳ႕တစ္ၿမိဳ႕ကို သိမ္းပိုက္ႏိုင္ၿပီဆိုရင္ ဘာလုပ္ၾကမလဲ။ လူေတြကို သတ္မယ္၊ အေဆာက္အအံုေတြကို မီးရွိဳ႕ဖ်က္ဆီးမယ္။ ျပတိုက္ေတြကိုၿဖိဳခ်မယ္။ ဘုရားေက်ာင္းေတြကို ရုပ္ထုေတြကို ထုခြဲမယ္။ အဲသလို ေတြ႕ကရာ ဖ်က္ဆီးၿဖိဳခ်ေနတဲ့သူေတြဟာ အေမရိကန္ေဒၚလာေတြအျပည့္နဲ႕ ေငြတိုက္ႀကီးတစ္ခုကို ေတြ႕ၿပီဆိုပါေတာ့။ သူတို႕မီးရွိဳ႕ပစ္မလား၊ ေ၀းပါေသးတယ္။ အေမရိကန္ကို မုန္းပါတယ္ဆိုတဲ့ အဲသည္အၾကမ္းဖက္သမားေတြဟာ သူတို႕အင္မတန္မုန္းပါတယ္ဆိုတဲ့ အေမရိကန္သမၼတႀကီးပံုပါတဲ့၊ အေမရိကန္ဒီမုိကေရစီသေကၤတေတြ ရိုက္ႏွိပ္ထားတဲ့ ေဒၚလာေငြကိုေတာ့ ယံုၾကည္ၾကပါတယ္။ ယူသြားၿပီး သံုးပစ္လိုက္ၾကမွာ မလြဲပါပဲ။ ေဒၚလာေငြဆိုတာ တန္ဖိုးရွိတယ္ဆိုတဲ့ ယံုတမ္းစကားဟာ ကမာၻေပၚမွာ ေျပာခဲ့သမွ် ပံုျပင္ေတြထဲမွာေတာ့ လူေတြအယံုဆံုးပံုျပင္တစ္ပုဒ္ ျဖစ္ပါတယ္ . . .
.
. . . အဲသည္ေတာ့ ေမးစရာရွိတာက လူေတြယံုမယ့္ပံုျပင္ေတြ လုပ္ၾကံေျပာရတာ လြယ္သလားတဲ့။ မလြယ္ေရးခ် မလြယ္ ေတာ္ေတာ့ကို ခက္ပါတယ္လို႕ ေျဖရပါလိမ့္မယ္။ သူတို႕ဘုရားကိုမယံုနဲ႕ ငါတို႕ဘုရားကိုယံု၊ သူတို႕ႏိုင္ငံေရးစနစ္ကိုမယံုနဲ႕ ငါတို႕ႏိုင္ငံေရးစနစ္ကိုယံု စသည္ျဖင့္ လူေတြကို ယံုေအာင္လုပ္ရတာ ေတာ္ေတာ့ကို ခက္ပါတယ္။ ဒီလိုခက္လို႕လည္း ကိုယ့္ပံုျပင္ေတြ သူမ်ားယံုေအာင္လုပ္ရင္း စစ္ေတြျဖစ္ၾက ေသၾကေက်ၾကရတာပါ။ အုပ္စုႏွစ္ခုမွာ ဆန္႕က်င္ဘက္ပံုျပင္ႏွစ္ပုဒ္ ရွိေနၿပီဆိုရင္ တစ္ေယာက္ပံုျပင္တစ္ေယာက္လႊမ္းမိုးေအာင္လုပ္ရင္း စစ္ေတြျဖစ္ၾကေတာ့တာပါပဲ . . .
.
. . . ပကတိအရွိတရားနဲ႕ ယံုတမ္းပံုျပင္ ႏွစ္ခုေပါင္းထားတဲ့ ေလာကႀကီးမွာ ယံုတမ္းပံုျပင္စိတ္ကူးယဥ္ေလာကႀကီးက လူသားေတြအေပၚ ပိုၿပီး လႊမ္းမိုးမွဳရွိေနတာပါ။ ဒါေၾကာင့္ ယံုတမ္းပံုျပင္ေတြ တီထြင္ဖန္တီးေျပာႏိုင္ေလေလ၊ ကိုယ့္ပံုျပင္ကို ယံုၾကည္သူေတြ မ်ားလာေလေလ ေလာကႀကီးကို လႊမ္းမိုးႏုိင္ေလေလျဖစ္တယ္ဆိုတဲ့ လူတို႕ရဲ႕တိုးလက္လာမွဳဆိုင္ရာ သမိုင္းေၾကာင္းအျမင္သစ္တစ္ခုကို မိတ္ဆက္တင္ျပလိုက္ရပါေၾကာင္း . . .
.
ဗိုလ္ေကာင္း
၁၅ ေဖေဖၚ၀ါရီ ၂၀၁၈

.
ရည္ညႊန္းမွတ္စု - "Sapiens: A Brief History of Humankind" စာအုပ္ကိုေရးသားခဲ့သူ Yuval Noah Harari သည္ အစၥေရးႏိုင္ငံ ေဂ်ရုဆလင္တကၠသိုလ္မွ သမိုင္းပါေမာကၡတစ္ဦးျဖစ္ပါသည္။ ယင္းစာအုပ္ကို ၂၀၁၁ ခုႏွစ္က ဟီဘရူးဘာသာျဖင့္ ေရးသားခဲ့ၿပီး ၂၀၁၄ ခုႏွစ္တြင္ အဂၤလိပ္ဘာသာသို႕ ျပန္ဆိုခဲ့ပါသည္။ ၂၀၁၇ ဇြန္လအထိ ဘာသာေျပာင္း ၄၅ ဘာသာျဖင့္ ျပန္ဆိုထုတ္ေ၀ခဲ့ၿပီးျဖစ္ေသာ္လည္း ျမန္မာဘာသာျဖင့္ျပန္ဆိုထားျခင္းကို မေတြ႕ရေသးပါ။ လူသားသမိုင္းဆိုင္ရာ ရွဳေထာင့္သစ္တစ္ခုကို ျမန္မာစာဖတ္ပရိသတ္မ်ားထံ မွ်ေ၀ေပးလိုသျဖင့္ ဤစာကို ေရးသားျဖစ္ခဲ့ပါသည္။

Sharp Power

. . . Sharp Power ဆိုတဲ့ ေ၀ါဟာရအသစ္တစ္ခုကို ၂၀၁၇ ႏို၀င္ဘာလ ၁၆ ရက္စြဲနဲ႕ Foreign Affairs အြန္လိုင္းစာမ်က္ႏွာမွာ ခရစ္စတိုဖာေ၀ါ့ကာ နဲ႕ ဂ်က္ဆီကာလုဒြစ္တို႕ စတင္မိတ္ဆက္ခဲ့ပါတယ္။ အဲသည္ အြန္လိုင္းေဆာင္းပါး နာမည္ကိုက "The Meaning of Shapr Power" ျဖစ္ပါတယ္။ Sharp Power အေၾကာင္း ရွင္းမျပခင္ အဲသည္စကားလံုးေလးရဲ႕ ျဖစ္ေပၚလာတဲ့ သမိုင္းေၾကာင္းနဲ႕ ေနာက္ခံအဖြဲ႕အစည္းအေၾကာင္း အရင္ေျပာျပခ်င္ပါတယ္။
.
. . . ဒီေဆာင္းပါးကိုေရးခဲ့တဲ့ ခရစ္စတိုဖာေ၀ါ့ကာ နဲ႕ ဂ်က္ဆီကာလုဒြစ္တို႕ ႏွစ္ဦးလံုးဟာ အေမရိကန္ကြန္ဂရက္အေထာက္အပံ့နဲ႕ ရပ္တည္ေနတဲ့ National Endowment for Democracy (NED) မွာ တာ၀န္ထမ္းေဆာင္ေနသူေတြျဖစ္ပါတယ္။ ကမာၻတစ္၀န္းလံုးမွာ ဒီမိုကေရစီျမွင့္တင္ေရး ရည္ရြယ္ခ်က္နဲ႕ ၁၉၈၃ ခုႏွစ္က စတင္တည္ေထာင္ခဲ့တဲ့ အဲသည္ NED ရဲ႕ အဓိကလည္ပတ္ေငြကို အေမရိကန္ကြန္ဂရက္ ႏွစ္စဥ္ခြင့္ျပဳေငြ ျပဌာန္းသတ္မွတ္ေပးၿပီး USIA (United States Information Agency) ကေနတစ္ဆင့္ ေထာက္ပံ့ပါတယ္။ NED ရဲ႕ ေအာက္မွာ the World Movement for Democracy, the International Forum for Democratic Studies, the Reagan–Fascell Fellowship Program, the Network of Democracy Research Institutes, နဲ႕ the Center for International Media Assistance တို႕ရွိၿပီး Journal of Democracy ကိုလည္း သံုးလတစ္ႀကိမ္ထုတ္ေ၀ပါတယ္။ အေမရိကန္ျပင္ပမွာရွိတဲ့ ဒီမိုကေရစီေရး လွဳပ္ရွားတက္ၾကြတဲ့ အဖြဲ႕အစည္းေတြကို ေငြေၾကးေထာက္ပံ့ေပးတဲ့ ကိစၥနဲ႕ ပတ္သက္ၿပီး အေမရိကန္ႏိုင္ငံျခားေရးမူ၀ါဒကို အေကာင္အထည္ေဖာ္ေနတယ္ဆိုတဲ့ ေ၀ဖန္မွဳေတြလည္း ရွိပါတယ္။ ဒီမိုကေရစီနဲ႕လူ႕အခြင့္အေရး လဳွပ္ရွားတက္ၾကြသူေတြကို ဆုေတြေပးေလ့ရွိရာမွာ ပထမဆံုးေပးတဲ့ ၂၀၁၂ ခုႏွစ္မွာပဲ ျမန္မာနိုင္ငံက ဦးခြန္ထြန္းဦး၊ ဦးေက်ာ္သူ၊ ေဒါက္တာစင္သီယာေမာင္တို႕ ရရွိခဲ့ပါတယ္။ ကမာၻတစ္လႊားမွာ ဒီမိုကေရစီနဲ႕ လူ႕အခြင့္အေရးေခါင္းစဥ္နဲ႕ လွဳပ္ရွားေထာက္ပံ့ေနတဲ့ NED ကို ရုရွားႏိုင္ငံက သူ႕ႏိုင္ငံထဲ လွဳပ္ရွားေဆာင္ရြက္ခြင့္ပိတ္ပင္ခဲ့ပါတယ္။ ရုရွားႏိုင္ငံရဲ႕ ေရြးေကာက္ပြဲရလဒ္ေတြနဲ႕ ပတ္သက္ၿပီး ၀င္ေရာက္စြက္ဖက္မွဳ၊ အာဏာပိုင္ေတြရဲ႕ ဆံုးျဖတ္ခ်က္ေတြကို လႊမ္းမိုးေစမယ့္ႏိုင္ငံေရးလွဳပ္ရွားမွဳေတြ လုပ္ေဆာင္မွဳ၊ စစ္တပ္ကိုအၾကည္ညိဳပ်က္ေစမွဳေတြအျပင္ ရုရွားဖက္ဒေရးရွင္းရဲ႕အေျခခံဥပေဒကို မူလအႏွစ္သာရေတြကို ပ်က္စီးေစျခင္း၊ ရုရွားရဲ႕ကာကြယ္ေရးစြမ္းရည္နဲ႕ ႏိုင္ငံေတာ္လံုၿခံဳေရးကို ထိပါးေစျခင္း စတဲ့အေၾကာင္းျပခ်က္ေတြနဲ႕ NED ရဲ႕ လဳွပ္ရွားမွဳေတြကို ၂၀၁၅ ဇူလိုင္လက စတင္အမိန္႕ထုတ္ပိတ္ပင္ခဲ့တာျဖစ္ပါတယ္။
.
. . . အဲသည္ NED လိုအဖြဲ႕အစည္းမွာ တာ၀န္ထမ္းေဆာင္ေနတဲ့သူေတြ ေရးသားတီထြင္လိုက္တဲ့ Sharp Power ဆိုတဲ့ စကားလံုးက ဘယ္လိုအဓိပၸာယ္ဘက္ကို ယိမ္းတဲ့ စကားလံုးလဲဆိုတာ မွန္းဆၾကည့္လို႕ ရႏိုင္ပါတယ္။ ဒီေ၀ါဟာရကို ၂၀၁၇ ႏို၀င္ဘာလမွာ လူသိရွင္ၾကား စတင္သံုးစြဲခဲ့တယ္ဆိုေပမယ့္ အဲသည္မတိုင္ခင္ကတည္းက NED က ဦးစီးက်င္းပတဲ့ ဒီမိုကေရစီနဲ႕လူ႕အခြင့္အေရးဆိုင္ရာ ေဆြးေႏြးပြဲႏွစ္ခုမွာ စတင္သံုးစြဲခဲ့တယ္လို႕ ယူဆရပါတယ္။ Sharp Power ဆိုတဲ့ အဓိပၸာယ္ကို အက်ယ္တ၀င့္ရွင္းလင္းတင္ျပထားတဲ့ ၂၀၁၇ ဒီဇင္ဘာလထုတ္ NED Forum အစီရင္ခံစာအရ ၂၀၁၆ ေမလနဲ႕ ၂၀၁၇ ဇန္န၀ါရီလတို႕မွာ က်င္းပျပဳလုပ္ခဲ့တဲ့ ေဆြးေႏြးပြဲေတြမွာ အဲသည္ေ၀ါဟာရသစ္ကို စတင္သံုးစြဲခဲ့ဟန္တူပါတယ္။ လက္တင္အေမရိက၊ ပီရူး၊ ပိုလန္၊ အာဂ်င္တီးနားနဲ႕ စလိုဗက္ကီးယားတို႕ရဲ႕ ႏိုင္ငံေရးအေျခအေနေတြနဲ႕ ပတ္သက္ၿပီး အဓိကေလ့လာသံုးသပ္ထားတဲ့ အဲသည္အစီရင္ခံစာရဲ႕ အဖြင့္မိတ္ဆက္အခန္းမွာ Sharp Power ဆိုတဲ့ အဓိပၸာယ္ကို ရွင္းျပထားတာပါ။
.
. . . Sharp Power ရဲ႕ ဆိုလိုရင္းကို ေစ့ငုမိေစဖို႕အတြက္ ပထမဆံုး Soft Power နဲ႕ Hard Power တို႕ရဲ႕ အဓိပၸာယ္ေတြကိုလည္း နားလည္ထားဖို႕ လိုပါေသးတယ္။ Hard Power ဆိုတာကေတာ့ ရွင္းပါတယ္။ ကိုယ္လိုခ်င္တာကို ဖိအားေပး အင္အားသံုးအနိုင္အထက္ျပဳၿပီး ရယူတဲ့စြမ္းရည္မ်ိဳးကို ေခၚတာပါ။ Soft Power ဆိုတာကေတာ့ ႏိုင္ငံတစ္ႏိုင္ငံကို ဖိအားေပးျခင္းအနိုင္အထက္ျပဳျခင္းမပါဘဲနဲ႕ ကိုယ္လိုခ်င္တာကို လုပ္ေဆာင္လာေအာင္ ဆြဲေဆာင္စည္းရံုးႏိုင္တဲ့ စြမ္းရည္လို႕ အၾကမ္းဖ်င္းအဓိပၸာယ္ဖြင့္လို႕ ရေပမယ့္ တကယ့္ႏိုင္ငံတကာဆက္ဆံေရးနယ္ပယ္မွာေတာ့ အဲသည္ထက္ အမ်ားႀကီးပိုၿပီး က်ယ္ပ်ံ႕တဲ့ အဓိပၸာယ္ကို ေဆာင္ပါတယ္။ Soft Power ဆိုတဲ့အမ်ိဳးက ခင္ဗ်ားကို ဘာမွ အတင္းအက်ပ္မလုပ္ဘဲနဲ႕ကို ကိုယ့္ဘာသာအလိုလို အထင္ႀကီးၿပီး သူျဖစ္ေစတာေတြ ေလွ်ာက္လုပ္ေနျဖစ္တဲ့ သေဘာပါ။ ရုပ္ရွင္ထဲက မင္းသမီးေလးေတြလို လွခ်င္ေတာ့ သူတို႕လို အတုခိုးၿပီး ၀တ္စားျပင္ဆင္ၾကတာ Soft Power လႊမ္းမိုးမွဳကိုျပတဲ့ ထင္ရွားတဲ့ ဥပမာတစ္မ်ိဳးျဖစ္ပါတယ္။ အေမရိကန္ဒီမိုကေရစီစနစ္ရဲ႕ Soft Power က ကမာၻကို လႊမ္းမိုးေနတာ ၾကာၾကာလွပါၿပီ။ အေမရိကန္ဒီမိုကေရစီစနစ္ေအာက္က လြတ္လပ္ပြင့္လင္းတဲ့ အေမရိကန္ လူ႕အဖြဲ႕အစည္းမ်ိဳးမွာသာ အေမရိကန္လို အဆင့္အတန္းျမင့္တဲ့ လူေနမွုစနစ္ကို ဖန္တီးေပးႏိုင္တယ္လို႕ လူေတာ္ေတာ္မ်ားမ်ား ယံုၾကည္ေနၾကတာလည္း အေမရိကန္ရဲ႕ Soft Power ၾသဇာသက္ေရာက္မွဳတစ္ခုျဖစ္ပါတယ္။
.
. . . အစီရင္ခံစာမွာ တရုတ္နဲ႕ ရုရွားတို႕ရဲ႕ Soft Power တည္ေဆာက္ၾကပံုနဲ႕ ပတ္သက္ၿပီး မီးေမာင္းထိုးတင္ျပထားပါတယ္။ ၂၀၀၇ ေအာက္တိုဘာလတုန္းက က်င္းပခဲ့တဲ့ ၁၇ ႀကိမ္ေျမာက္ တရုတ္ကြန္ျမဴနစ္ပါတီအမ်ိဳးသားကြန္ဂရက္မွာ Soft Power ကိုျမွင့္တင္ဖို႕လိုတယ္ဆိုတဲ့အေၾကာင္း သမၼတဟူက်င္ေတာင္ေျပာၾကားခဲ့သလို၊ ရုရွားကလည္း သူ႕နိုင္ငံပံုရိပ္ျမွင့္တင္ေရးအတြက္ RT လို႕နာမည္ႀကီးတဲ့ Russia Today ရုပ္သံလိုင္းကို ၂၀၀၅ ခုႏွစ္က စတင္တည္ေထာင္ခဲ့ပါတယ္။ ဒီလိုနဲ႕ပဲ တရုတ္နဲ႕ရုရွားတို႕ဟာ သူတို႕အေပၚကမာၻႀကီးက ျမင္ေစခ်င္တဲ့ပံုရိပ္ကို ေဖာ္ေဆာင္ဖို႕ရန္အတြက္ ၿပီးခဲ့တဲ့ ဆယ္စုႏွစ္မွာ ေငြေၾကးေဒၚလာ သန္းေထာင္ေပါင္းမ်ားစြာ သံုးစြဲလုပ္ေဆာင္ခဲ့ပါသတဲ့။ သူတို႕လုပ္ေဆာင္ခ်က္ေတြထဲမွာ ႏိုင္ငံသားေတြခ်င္း ကူးလူးဆက္သြယ္မွဳ ျမွင့္တင္တာ၊ ယဥ္ေက်းမွဳဖလွယ္ျခင္းဆိုင္အစီအစဥ္ေတြ၊ ပညာေရးဆိုင္ရာအစီအစဥ္ေတြ နဲ႕ သတင္းအခ်က္အလက္ဆိုင္ရာ အစီအစဥ္ေတြအတြက္ ေငြေၾကးပံုေအာသံုးစြဲၿပီး သူတို႕ႏိုင္ငံမ်ား ပံုရိပ္ျမင့္တက္ေအာင္ လုပ္ေဆာင္ခဲ့ၾကေၾကာင္း အထက္ေဖာ္ျပပါ အစီရင္ခံစာမွာ ေရးသားထားပါတယ္။ "အာဏာရွင္ႏိုင္ငံမ်ား" လို႕ အစီရင္ခံစာက ရည္ညႊန္းေဖာ္ျပထားတဲ့ တရုတ္နဲ႕ရုရွားတို႕ရဲ႕ ဆိုခဲ့ပါ ႀကိဳးပမ္းအားထုတ္မွဳမ်ားဟာ အထက္မွာ ရွင္းျပခဲ့တဲ့ Soft Power အတြက္ လုပ္ေနတာ မဟုတ္ပါဘူးတဲ့။ သူတို႕လုပ္ေနတာက သူတို႕ကို သေဘာက်လာေအာင္ ဆြဲေဆာင္စည္းရံုးေနရံုသက္သက္မဟုတ္ဘဲ ကမာၻ႕လူထုကို လိမ္လည္လွည့္စားၿပီး ေသြးေဆာင္ဖ်ားေယာင္း အျမတ္ထုတ္ဖို႕ျဖစ္တယ္။ တစ္နည္းအားျဖင့္ Sharp Power ကို တည္ေဆာက္ေနၾကတာျဖစ္တယ္လို႕ ေကာက္ခ်က္ခ်ထားပါတယ္။ ကမာၻတစ္လႊားမွာရွိတဲ့ ကြန္ျဖဴးရွပ္အင္စတီက်ဳေတြရယ္ တကၠဆက္တကၠသိုလ္တို႕ရယ္ကို ေဟာင္ေကာင္အေျခစိုက္ တရုတ္-အေမရိကန္ေဖာင္ေဒးရွင္းက ေငြေၾကးေထာက္ပံ့ေပးေနတာေတြကလည္း တရုတ္ရဲ႕ Sharp Power ဥပမာျဖစ္တယ္လို႕ဆိုပါတယ္။ သူတို႕ဦးတည္ခ်က္ပစ္မွတ္ထားတဲ့ႏိုင္ငံရဲ႕ ႏိုင္ငံေရး၀န္းက်င္မွာ သူတို႕လုိခ်င္တာကို ႏွက္ေၾကာင္းေပး ပံုေဖာ္ ထိုးေဖာက္ဖို႕အတြက္ လိုအပ္တဲ့ ႏိုင္ငံေရးလႊမ္းမိုးမွဳစြမ္းအားကို Sharp Power လို႕ ဖြင့္ဆိုျပထားပါတယ္။
.
. . . Sharp Power နဲ႕ ပတ္သက္ၿပီး အေၾကာင္းအခ်က္သံုးခုနဲ႕ ရွင္းျပထားပါတယ္။ ပထမတစ္ခုကေတာ့ သိသာထင္ရွားတဲ့ဘက္မညီတဲ့အေျခအေနေပၚမွာ အျမတ္ထုတ္ျခင္း ျဖစ္ပါသတဲ့။ ရုရွားနဲ႕ တရုတ္တို႕ဟာ သူတို႕ႏိုင္ငံေတြမွာ ျပင္ပကမာၻရဲ႕ ႏိုင္ငံေရးနဲ႕ယဥ္ေက်းမွဳဆိုင္ရာ လႊမ္းမိုးမွဳေတြကိုေတာ့ ပိတ္ပင္တားဆီးထားၿပီး ႏိုင္ငံရပ္ျခားက ဒီမိုကေရစနစ္ရဲ႕ ပြင့္လင္းျမင္သာမွဳေတြကိုေတာ့ ကိုယ့္အတြက္အက်ိဳးရွိေအာင္ ရသေလာက္အျမတ္ထုတ္ပါသတဲ့။ ဒုတိယတစ္ခုက သူတို႕ရဲ႕ အာဏာရွင္လႊမ္းမိုးမွဳကို ခ်ဲ႕ထြင္ျခင္းျဖစ္ပါတယ္တဲ့။ အစီရင္ခံစာမွာေတာ့ လက္တင္အေမရိကနဲ႕ဥေရာပအလယ္ပိုင္းက ႏိုင္ငံေလးခု (အာဂ်င္တီးနား၊ ပီရူး၊ ပိုလန္၊ စလိုဗက္ကီးယား) ကိုပဲ အထူးျပဳေလ့လာေရးသားထားေပမယ့္ ကမာၻတစ္၀န္းက ဒီမိုကေရစီႏိုင္ငံေတြအေပၚ တရုတ္နဲ႕ရုရွားတို႕ရဲ႕ လႊမ္းမိုးမွုက သိသာထင္ရွားေနေၾကာင္း ေဖာ္ျပထားပါတယ္။ တတိယတစ္ခ်က္ကေတာ့ သိပ္အေျခမခိုင္ေသးတဲ့ဒီမိုကေရစီႏိုင္ငံေတြအေပၚ ၿခိမ္းေျခာက္မွဳရွိေနတယ္ဆိုတဲ့အခ်က္ ျဖစ္ပါတယ္။ အာဏာရွင္ဦးေဆာင္ႏိုင္ငံေတြရဲ႕ ကမာၻလံုးခ်ီရည္မွန္းခ်က္ႀကီးေတြရဲ႕ေအာက္မွာ ဒီမိုကေရစီနုနယ္ေသးတဲ့ ႏိုင္ငံေတြက လႊမ္းမိုးမွဳကိုအခံရဆံုးျဖစ္ေနၿပီး အဲသည္ထဲကမွ ႏိုင္ငံခ်င္းနီးကပ္မွဳ နဲ႕ မဟာဗ်ဴဟာအရ အကြက္အကြင္းေကာင္းတဲ့ ေျမာက္အေမရိကနဲ႕ ဥေရာပအေနာက္ပိုင္းႏိုင္ငံေတြက အာဏာရွင္ႏိုင္ငံႀကီးေတြရဲ႕ ပစ္မွတ္ျဖစ္ေနရပါတယ္လို႕ ဆိုပါတယ္။
.
. . . အထက္ပါရွင္းျပခ်က္ေတြအရဆိုရင္ Sharp Power ဆိုတာ Soft Power နဲ႕ ဆင္သလိုလိုရွိေပမယ့္ Sharp Power ကိုပဲ ရန္လိုတဲ့ဦးတည္ခ်က္နဲ႕အသံုးျပဳတယ္ဆိုရင္ Hard Power သေဘာသက္ေရာက္ပါသတဲ့။ ကိုယ့္ဦးတည္ရန္သူကို တိုက္ခိုက္ေခ်မွဳန္းဖို႕အတြက္ သတင္းအခ်က္အလက္ေတြကို ပံုဖ်က္တာ လွည့္ဖ်ားတာ ဖံုးကြယ္တာ လိုတဲ့အပိုင္းပဲေဖာ္ျပၿပီး မလိုတဲ့အပိုင္းကို အေမွာင္ခ်ထားတာ စသည္ျဖင့္ လုပ္လာခဲ့ၾကတာ စစ္ေအးခတ္တစ္ေလွ်ာက္လံုး အေမရိကန္ေရာ ဆိုဗီယက္ေရာ ႏွစ္ဘက္စလံုးကပါပဲ။ နာမည္က အသစ္ေပမယ့္ သေဘာတရားကေတာ့ အေဟာင္းပါ။ ဒါေပမယ့္ အရင္နဲ႕ မတူတာက ဘာလဲဆိုရင္ အဲသည္သတင္းအခ်က္အလက္ေတြ ျဖန္႕ျဖဴးဖို႕အတြက္ ကုန္က်စရိတ္နဲ႕ အခ်ိန္ကေတာ့ အခုေခတ္အခါမွာ အရင္တုန္းကနဲ႕ မတူေအာင္ သက္သာလ်င္ျမန္သြားၿပီျဖစ္ပါတယ္။ ဒါ့အျပင္ Soft Power နဲ႕ Sharp Power တို႕ကို အသံုးခ်ပံုျခင္း ဦးတည္ခ်က္ မတူၾကေပမယ့္ အဲသည္ႏွစ္ခုကို ခြဲခြဲျခားျခား ျမင္ႏိုင္ဖို႕ေတာ့ အင္မတန္ခက္တဲ့အတြက္ Sharp Power ကို ဘယ္လိုဘယ္နည္းတုန္႕ျပန္ရမယ္ဆိုတာလည္း စိန္ေခၚခ်က္တစ္ခုျဖစ္ပါသတဲ့။ ဒီေခတ္ နည္းပညာတိုးတက္မွဳေတြေၾကာင့္ မိတ္ေဆြေရာ မိတ္ေဆြေယာင္ေဆာင္သူေတြေရာဟာ ကလစ္တစ္ခ်က္ႏွိပ္စာအကြာအေ၀းမွာပဲ ရွိေနၾကတဲ့အတြက္ သူတို႕ေပးတဲ့ သတင္းေတြက သတင္းအစစ္လား ဒါမွမဟုတ္ တစ္ေယာက္ေယာက္က ရည္ရြယ္ခ်က္ရွိရွိ လုပ္ႀကံျဖန္႕ျဖဴးလိုက္တဲ့ သတင္းတုလားဆိုတာ အစိုးရေတြသာမက ပုဂၢလိက တစ္ဦးခ်င္းမွာေတာင္ ခြဲျခားရခက္တဲ့အေျခအေန ျဖစ္ေနပါၿပီတဲ့။ အာဏာရွင္ႏိုင္ငံႀကီးေတြရဲ႕ Sharp Power ကို တိုက္စစ္ဆင္မယ္ဆိုရင္လည္း အေတာ္ကို သတိထားဖို႕ လိုပါလိမ့္မယ္တဲ့။ အာဏာရွင္ေတြသံုးတဲ့နည္းေတြနဲ႕ အာဏာရွင္ကိုတိုက္ခိုက္ရင္ ဒီမိုကေရစီႏိုင္ငံႀကီးေတြရဲ႕ Soft Power က်ဆင္းလာႏိုင္တဲ့ အႏၱရာယ္ရွိလို႕ျဖစ္တယ္လို႕ သတိေပးထားပါတယ္။
.
ဒါေပမယ့္. . .
. . . တရုတ္နဲ႕ရုရွားတို႕ကို အာဏာရွင္ႏိုင္ငံႀကီးေတြအျဖစ္ ရည္ညႊန္းၿပီး သတင္းအခ်က္အလက္ေတြကို လိုသလိုပံုေဖာ္လွည့္ဖ်ားေနတယ္ဆိုတဲ့ Sharp Power ဆိုတဲ့ ပညာရပ္ဆိုင္ရာေ၀ါဟာရအသြင္ဖမ္းထားတဲ့ စကားလံုးဟာ အေနာက္ႏိုင္ငံႀကီးေတြရဲ႕ ကိုယ္လိုရာကိုယ္ဆြဲဘက္လိုက္ေဖာ္ျပတတ္တဲ့ သေဘာသဘာ၀ရွိတယ္ဆိုတာကို ထပ္ေလာင္းအတည္ျပဳေပးလိုက္တဲ့ စကားလံုးသာျဖစ္တယ္လို႕ တရုတ္အစိုးရအာေဘာ္ အြန္လိုင္းစာမ်က္နာက တုန္႕ျပန္ပါတယ္။ တရုတ္တို႕အေနနဲ႕ အဲသေလာက္ႀကီး လုပ္ေဆာင္ႏိုင္စြမ္းမရွိသလို မိတ္ေဆြႏိုင္ငံမ်ားနဲ႕ နားလည္မွဳတိုးပြားေစဖို႕လုပ္ေဆာင္ေနတဲ့ ယဥ္ေက်းမွဳဖလွယ္ေရး အစီအစဥ္ေတြနဲ႕ အေနာက္ဒီမိုကေရစီသေဘာတရားေတြထဲမွာ တရုတ္အမွတ္တံဆိပ္လာခတ္ႏွိပ္ဖို႕ဆိုတာ စိတ္ထဲေတာင္ မေတြးမိဖူးပါဘူးလို႕ တုန္႕ျပန္ပါတယ္။ တရုတ္တို႕ရဲ႕ လုပ္ေဆာင္ခ်က္ေတြက အေနာက္ႏိုင္ငံႀကီးေတြရဲ႕ ႏိုင္ငံေရးနဲ႕ယဥ္ေက်းမွဳကို ထိုးေဖာက္ေႏွာက္ယွက္ဖို႕ ျမင္ေနၿပီဆိုရင္ တရုတ္နဲ႕ပတ္သက္ၿပီး အေနာက္ကမာၻရဲ႕ ကိုယ့္ကိုယ္ကိုယံုၾကည္မွဳ က်ဆင္းေနလို႕သာျဖစ္ၿပီး တရုတ္အေပၚ တိုက္စစ္ဆင္ေနရာက ခံစစ္အျဖစ္အေျခအေနေျပာင္းလဲလာျခင္းရဲ႕ အစကနဦး လကၡဏာသာျဖစ္တယ္လို႕ ေကာက္ခ်က္ျပဳထားတာကို ေတြ႕ရပါတယ္။
.
. . . အခု ေရးသားတင္ျပခဲ့တာေတြကေတာ့ ႏိုင္ငံတကာဆက္ဆံေရးနယ္ပယ္မွာ လတ္တေလာေပၚထြက္လာတဲ့ Sharp Power ဆိုတဲ့ ေ၀ါဟာရနဲ႕ ပတ္သက္တဲ့ သေဘာတရားမိတ္ဆက္မွ်သာျဖစ္တာမို႕ စိတ္ပါ၀င္စားသူမ်ား ဆက္လက္ ေလ့လာႏိုင္ၾကပါေၾကာင္း . . .
.
ဗိုလ္ေကာင္း
၃၀ ဇန္န၀ါရီ ၂၀၁၈
၂၀၁၈ ဇြန္လထုတ္ သုတအလင္း မဂၢဇင္း ေဆာင္းပါး
.
 https://www.foreignaffairs.com/articles/china/2017-11-16/meaning-sharp-power
 https://www.ned.org/
 http://genproc.gov.ru/smi/news/genproc/news-832994/
 https://www.ned.org/sharp-power-rising-authoritarian-influence-forum-report/
 https://www.foreignaffairs.com/articles/china/2018-01-24/how-sharp-power-threatens-soft-power
 http://www.globaltimes.cn/content/1087165.shtml
https://www.economist.com/news/leaders/21732524-china-manipulating-decision-makers-western-democracies-best-defence
https://www.project-syndicate.org/commentary/china-soft-and-sharp-power-by-joseph-s--nye-2018-01

မနက္ျဖန္ရဲ႕သမိုင္းအက်ဉ္း

.
. . . လူသားတို႕ အခ်င္းခ်င္း ဆက္သြယ္ေျပာဆိုရာ ဘာသာစကားေပၚေပါက္ခဲ့သည့္ လြန္ခဲ့ေသာ ႏွစ္ေပါင္း ခုနစ္ေသာင္းမွ စတင္ကာ လူမဳွဆက္သြယ္ဆက္ဆံေရးတို႕ စတင္ဖြံ႕ၿဖိဳးလာၿပီး နယ္နိမိတ္၊ ႏိုင္ငံ၊ ဘာသာတရား စသည္တို႕ တျဖည္းျဖည္း ျဖစ္ထြန္းလာခဲ့ၾကသည္ဟု ဆိုပါသည္။ ေရွးကနဦးက လူသားတို႕သည္ မိမိတို႕ သိလိုရာမ်ားကို ဘုရားသခင္ထံ သို႕မဟုတ္ ဘုရားသခင္နွင့္ ဆက္သြယ္ႏုိင္စြမ္းရွိသည္ဆိုသူမ်ားထံ ေမးျမန္းခဲ့ၾကသည္။ ေန႕စဥ္ျပႆနာမ်ားအတြက္ ေျဖရွင္းနည္းမ်ားကို သမၼာက်မ္းစာမ်ားတြင္ ရွာေဖြခဲ့ၾကသည္။ ဘုရားသခင္၏ ကိုယ္စားလွယ္ေတာ္မ်ားထံ ခ်ဥ္းကပ္ၿပီး မိမိတို႕ ျပႆနာမ်ားကို ေမးျမန္းခဲ့ၾကသည္။ လမ္းညႊန္ခ်က္မ်ားကို လိုက္နာခဲ့ၾကသည္။ နယ္နိမိတ္မ်ား ပိုင္းျခားသတ္မွတ္ၿပီး ႏိုင္ငံမ်ား တည္ေထာင္ၾကေသာအခါ ဘုရားသခင္က အခြင့္အာဏာခ်ီးျမွင့္ ခန္႕အပ္သည္ဆိုေသာ ဘုရင္မ်ားက တိုင္းျပည္အုပ္ခ်ဳပ္ မင္းလုပ္ခဲ့ၾကသည္။ လူသားမ်ားကို ဖန္ဆင္းေသာ ဘုရားသခင္အလိုေတာ္အရ တိုင္းသူျပည္သားမ်ားကို အုပ္ခ်ဳပ္ေသာ ဘုရင္က သက္ဦးဆံပိုင္ အခြင့္အာဏာရရွိခဲ့သည္။
.
. . . ထိုမွ တစ္ဆင့္တက္လာေသာအခါ ဘုရင္မင္းျမတ္တို႕သည္ ေမြးရာပါအခြင့္အေရးအရ သားစဥ္ေျမးဆက္ တိုင္းျပည္အုပ္ခ်ဳပ္ မင္းလုပ္ေနျခင္းကို အုပ္ခ်ဳပ္ခံသူတို႕က တျဖည္းျဖည္း ဆန္႕က်င္ ေတာ္လွန္လာၾကသည္။ လူသားအားလံုးကို ဘုရားသခင္က အတူတူ ဖန္ဆင္းထားသည္ ျဖစ္ေသာေၾကာင့္ ဘုရင့္မ်ိဳးဆက္ျဖစ္သည္ဆိုရံုမွ်ႏွင့္ ဘုရင္မျဖစ္ထိုက္၊ တိုင္းသူျပည္သားမ်ားကိုယ္တိုင္ ေရြးခ်ယ္ခန္႕အပ္ေသာသူကသာ တိုင္းေရးျပည္ရာကို စီမံခန္႕ခြဲပိုင္ခြင့္ရွိရမည္ ဟူေသာ အယူအဆ ထြန္းကားလာၿပီးေနာက္ သက္ဦးဆံပိုင္ ဘုရင္စနစ္မ်ား တျဖည္းျဖည္း ပ်က္သုဥ္းကာ ျပည္သူမ်ားက ေရြးခ်ယ္တင္ေျမွာက္သူမ်ားသာ တိုင္းျပည္ကို စီမံခန္႕ခြဲသည့္ လစ္ဘရယ္ဒီမိုကေရစီစနစ္ ေပၚေလာက္ထြန္းကားလာျပန္သည္။ ဘုရားသခင္ထံေတာ္ပါးထံမွ အခြင့္အာဏာမ်ားကို လူသားတို႕သိမ္းပိုက္လိုက္ၾကသည္။ လူတစ္ဦးခ်င္းစီသည္ မိမိကိုယ္ပိုင္ လြတ္လပ္ေသာ သေဘာဆႏၵရွိပိုင္ၾကသည္ျဖစ္၍ ထိုလြတ္လပ္ေသာ သေဘာဆႏၵမ်ားအေပၚ တည္မီဖြဲ႕စည္းထားေသာ လစ္ဘရယ္ဒီမိုကေရစီစနစ္သည္သာလ်င္ ကမာၻႀကီး၏ ေနာက္ဆံုးေသာ ႏိုင္ငံေရးစနစ္ျဖစ္ေသာေၾကာင့္ ထို႕ထက္ပို၍ ေနာက္တစ္ဆင့္တက္မည့္ ႏိုင္ငံေရးစနစ္မ်ိဳးမရွိေတာ့ၿပီ၊ သမိုင္းနိဂံုးခ်ဳပ္ခဲ့ေလၿပီဟု ေတြးေခၚၾက ေရးသားၾက ယံုၾကည္ၾကျပန္သည္။
.
. . . ကမာၻ႕ႏိုင္ငံေရးပညာရွင္မ်ားကို အုတ္ေအာ္ေသာင္းတင္း ျဖစ္ေစခဲ့ေသာ လြန္ခဲ့ေသာ ႏွစ္ေပါင္းအစိတ္၊ တစ္နည္းအားျဖင့္ ရာစုႏွစ္ ေလးပံုတစ္ပံုက ေရးသားထုတ္ေ၀ခဲ့သည့္ ဖရန္စစ္ဖူကူယားမား ၏ အဆိုအတိုင္း သမိုင္းနိဂံုးတကယ္ခ်ဳပ္မခ်ဳပ္ ဆက္လက္ မေဆြးေႏြးမီ ကမာၻ႕ေနာက္ဆံုးႏိုင္ငံေရးစနစ္ဟုဆိုေသာ လစ္ဘရယ္ဒီမိုကေရစီအေၾကာင္း နည္းနည္းေလာက္ ေျပာၾကည့္ခ်င္ပါသည္။
.
. . . လူတစ္ခ်င္းစီကို အဂၤလိပ္လို Individual ဟုေခၚသည္။ In ႏွင့္ dividual ေပါင္းထားျခင္းျဖစ္သည္။ ထပ္မံခြဲျခားစိတ္ျဖာ၍ မရေတာ့ေသာ ခႏၶာ ဟု အဓိပၸာယ္ဖြင့္ရမည္ထင္သည္။ လူသားတစ္ဦးခ်င္းစီတြင္ Soul ဟုေခၚေသာ ၀ိဥာည္ ရွိသည္။ ထို၀ိဥာည္သည္ လူသားခႏၶာထဲတြင္ ရွိေနသည္။ ထို၀ိဥာဏ္က လူသားေသသြားေသာ္လည္း မေသ၊ ဘုရားသခင္ႏွင့္ ေတြ႕ၿပီး ေကာင္းကင္ဘံု သို႕မဟုတ္ ငရဲသို႕ က်ခံေစရန္ စီရင္ခ်က္ခ်မွတ္သည့္အခ်ိန္အထိ ထို၀ိဥာည္ ရွိေနမည္။ စီရင္ခ်က္ခ်မွတ္ၿပီးသည့္ေနာက္ပိုင္းမွာပင္ ငရဲတြင္ အၿမဲတမ္းခံေနရေတာ့မည့္ ၀ိဥာည္၊ ေကာင္းကင္ဘံုတြင္ အၿမဲစံေနရေတာ့မည့္ ၀ိဥာည္္ စသည္ျဖင့္ ရွိေနေတာ့မည္။ ထို႕ေၾကာင့္ လူသားတြင္ ရွိေနေသာ လူသား၏ ကံကိုပိုင္စိုးေသာ ထို၀ိဥာည္သည္ ခြဲျခမ္းစိတ္ျဖာ၍ မရေသာ တရားကိုယ္ျဖစ္သည္။ ထို႕ေၾကာင့္ ထိုတရားကိုယ္ရွိေနေသာ လူသားသည္ ခြဲျခမ္းစိတ္ျဖာ၍ မရေတာ့ေသာ ခႏၶာျဖစ္သည္။ ထိုလူသားသည္ မိမိ စိတ္ဆႏၵအတိုင္း လြတ္လပ္စြာ ေရြးခ်ယ္ၿပီး လြတ္လပ္စြာ ဆံုးျဖတ္သည္။ ထိုလူသား၏ လြတ္လပ္မွဳကို မည္သည့္အရာကမွ် တားဆီးပိတ္ပင္ျခင္းငွာ မထိုက္တန္၊ ထိုလူသားကို လြတ္လပ္စြာ ရွင္သန္ရပ္တည္ ဆံုးျဖတ္ခြင့္ေပးရမည္။ ဘုရားသခင္က ဖန္ဆင္းထားေသာ ထိုလူသားတြင္ ဘုရားသခင္က ေပးအပ္ထားေသာ ၀ိဥာည္္၏ လြတ္လပ္စြာ ဆံုးျဖတ္ပိုင္ခြင့္ကို ေလးစားရမည္။ ထို႕ေၾကာင့္ မိမိကို အုပ္ခ်ဳပ္မည့္သူကို မိမိဘာသာ ေရြးခ်ယ္မည္။ ႏိုင္ငံေရး စီးပြားေရး မူ၀ါဒမ်ားကို မိမိပါ၀င္ဆံုးျဖတ္မည္။ ဤသည္ကပင္လ်င္ သမိုင္းနိဂံုးဟုေခၚေနၾကသည့္ လစ္ဘရယ္ဒီမိုကေရစီ၏ အေျခခံသေဘာတရားျဖစ္သည္ဟု ဆိုနိုင္သည္။
.
. . . နိုင္ငံေရးသေဘာတရားမ်ား တစ္ခန္းခဏရပ္ၿပီး သိပၸံဆိုင္ရာ ေလ့လာေတြ႕ရွိခ်က္မ်ားဘက္ တစ္ခ်က္လွည့္ၾကည့္ၾကပါစို႕။ ကုန္ခဲ့သည့္ ၂၀၁၆ ခုႏွစ္အထိ လူသားတို႕ ရွာေဖြေလ့လာေတြ႕ရွိသမွ်ထဲတြင္ လူသားခႏၶာထဲတြင္ ရွိသည္ဆိုေသာ ၀ိဥာည္္ဆိုသည့္အရာ မပါ၀င္။ လူသားကို ခြဲျခမ္းစိတ္ျဖာလိုက္ေသာအခါ ထိုအမ်ား ယံုၾကည္ေနၾကသည့္ ၀ိဥာည္္ဆိုေသာအရာကို မေတြ႕ရပါဟု ေခတ္သိပၸံေတြ႕ရွိခ်က္မ်ားက ဆိုပါသည္။ လူသားတြင္ အၿမဲတမ္း မေဖာက္မျပန္ ရပ္တည္ခိုင္ၿမဲေနေသာ ၀ိဥာည္္ဆိုသည့္အရာ ဘယ္မွာမွ မရွိဟု ဆိုျခင္းျဖစ္သည္။
.
. . . ၀ိဥာည္ကို ရွာမေတြ႕သည့္ေနာက္ လူသားတို႕၏ လြတ္လပ္ေသာ ေရြးခ်ယ္ဆံုးျဖတ္မွဳဆိုသည့္ကိစၥကို ဆက္ၾကည့္ၾကပါစို႕။ ေခတ္သစ္ ဓာတ္ခြဲခန္း ေလ့လာစမ္းသပ္ ေတြ႕ရွိခ်က္မ်ားအရ လူသားတို႕တြင္ လြတ္လပ္စြာ ေရြးခ်ယ္ဆံုးျဖတ္မွဳဟူသည္မွာလည္း မရွိပါဟု ဆိုျပန္သည္။ လူသားတို႕ ေရြးခ်ယ္ဆံုးျဖတ္လုပ္ကိုင္ေနသည္ဆိုေသာ အရာမွန္သမွ်သည္ မိမိတို႕၏ လြတ္လပ္ေသာ စိတ္ဆႏၵေရြးခ်ယ္ဆံုးျဖတ္ခ်က္အရ ျဖစ္လာၾကသည္မဟုတ္ဘဲ ခႏၶာကိုယ္ထဲတြင္ ျဖစ္ေပၚေနေသာ ဇီ၀ဓာတုစည္းမ်ဥ္းျဖစ္စဥ္မ်ား Biochemical Algorithm အရ အလ်ဥ္းသင့္သလို ျဖစ္ေနၾကျခင္းျဖစ္ေၾကာင္း ေတြ႕ရွိရသည္ဟု ဆိုပါသည္။ သင္သည္ ဦးထုပ္အ၀ါေဆာင္းမလား အျဖဴေဆာင္းမလား သင္ကိုယ္တုိင္ဆံုးျဖတ္သည္ဟု ထင္ျမင္မိေသာအခ်ိန္တြင္ သင့္ဦးေႏွာက္က ဆံုးျဖတ္ၿပီးျဖစ္ေနပါၿပီဟု ဆိုသည္။ သင့္ဆံုးျဖတ္ခ်က္ကို သင္ကိုယ္တိုင္ သိေသာအခ်ိန္မတိုင္မီ မီလီစကၠန္႕အခ်ိန္ပိုင္းအတြင္း သင့္ဦးေႏွာက္က ဆံုးျဖတ္ၿပီးျဖစ္ေနၿပီဟု ဆိုပါသည္။ ဆိုရလွ်င္ သင့္တြင္ အၿမဲတမ္းတည္ၿမဲေနေသာ ၀ိဥာည္လည္းမရွိ၊ သင္ကိုယ္တိုင္ ဆံုးျဖတ္ေသာ လြတ္လပ္မွဳလည္းမရွိ၊ သင့္ခႏၶာကိုယ္ ဇီ၀ဓာတုစည္းမ်ဥ္းမ်ားသာရွိသည္ဟု ေျပာရေပေတာ့မည္။
.
. . . ၿခံဳငံုသံုးသပ္ၿပီး ေကာက္ခ်က္ခ်ရေသာ္ ယေန႕ကမာၻတြင္ အလြန္ေခတ္စားေနေသာ လူသားတစ္ဦးခ်င္းစီ၏ ကိုယ္ပိုင္လြတ္လပ္ခြင့္အေပၚတြင္ အေျချပဳထားသည့္ လစ္ဘရယ္ဒီမိုကေရစီကို ယခုဆိုခဲ့ပါ ေလ့လာေတြ႕ရွိခ်က္မ်ားက အျမစ္ကလွန္ ၿဖိဳလွဲေနေၾကာင္း ဆိုရပါမည္။
.
. . . အထက္ဆိုခဲ့ပါ အေၾကာင္းအရာမ်ားကို ေရးသားခဲ့သူက အစၥေရးႏိုင္ငံ ေဂ်ရုဆလမ္ၿမိဳ႕ ဟီဘရူးတကၠသိုလ္က သမိုင္းပါေမာကၡ ယူဘယ္နိုအာ ဟာရာရီ ျဖစ္ပါသည္။ လတ္တေလာတြင္ ပါေမာကၡ ဟာရာရီေရးခဲ့ေသာ စာအုပ္ႏွစ္အုပ္ရွိရာ ပထမတစ္အုပ္မွာ လူသားတို႕၏ သမိုင္းအက်ဥ္း (Sapien: A Brief History of Humankind) ျဖစ္ၿပီး ယင္းစာအုပ္ကို ၂၀၁၁ ခုႏွစ္တြင္ ဟီဘရူးဘာသာျဖင့္ ေရးသားခဲ့ၿပီး ၂၀၁၄ ခုႏွစ္တြင္ အဂၤလိပ္ဘာသာသို႕ ျပန္ဆိုခဲ့သည္။ ၂၀၁၇ ဇြန္လတြင္ ဘာသာေပါင္း ၄၅ ဘာသာသို႕ျပန္ဆို ထုတ္ေ၀ခဲ့ၿပီးျဖစ္သည္ဟု ဆိုပါသည္။ ျမန္မာလို ဘာသာျပန္ဆို ထုတ္ေ၀သည္ေတာ့ မၾကားမိေသး။ ထိုစာအုပ္ျဖင့္ ကမာၻေက်ာ္သြားေသာ ပါေမာကၡ ဟာရာရီသည္ ဒုတိယစာအုပ္ျဖစ္ေသာ မနက္ျဖန္၏ သမိုင္းအက်ဥ္း (Homo Deus: A Brief History of Tomorow) ကို ၂၀၁၄ ခုႏွစ္တြင္ ဟီဘရူးဘာသာျဖင့္ ဆက္လက္ေရးသားခဲ့သည္။ ယင္းဒုတိယစာအုပ္ကို ၂၀၁၆ ခုႏွစ္ စက္တင္ဘာလတြင္ အဂၤလိပ္ဘာသာျဖင့္ အဂၤလန္က စတင္ျပန္ဆို ထုတ္ေ၀ခဲ့ၿပီး၊ ၂၀၁၇ ေဖေဖၚ၀ါရီတြင္ အေမရိကန္က ဆက္လက္ပံုႏွိပ္ထုတ္ေ၀ခဲ့သည္။ ဘာသာေပါင္း ဆယ္ဘာသာျဖင့္ ဆက္လက္ပံုႏွိပ္ထုတ္ေ၀သည္ဟု သိရပါသည္။ ျမန္မာလိုေတာ့ မေတြ႕မိေသး။ စာေရးသူတက္ေသာ အတန္းတစ္ခုတြင္ ဖတ္ရွုေဆြးေႏြးရမည့္ စာအုပ္စာရင္းတြင္ ပါ၀င္သျဖင့္ ဤစာအုပ္ကို ဖတ္ျဖစ္ခဲ့ျခင္းျဖစ္ၿပီး ျပန္လည္မွ်ေ၀လိုသျဖင့္ ဤစာကို ေရးျဖစ္ခဲ့ျခင္း ျဖစ္ပါသည္။ စာအုပ္အေၾကာင္း ဆက္ၾကအံုးစို႕ရဲ႕
.
. . . ၀ိဥာည္္မရွိေသာ ကိုယ္ခႏၶာ၏ ဇီ၀ဓာတုစည္းမ်ဥ္းျဖစ္စဥ္မ်ား Biochemical Algorithm ကိုသာ မွတ္ဥာဏ္တု (Artificial Intelligence) က လိုက္လုပ္ႏိုင္ခဲ့လွ်င္ လူသားအတု ထုတ္လုပ္နိုင္မည္လား ဆိုေသာ ေမးခြန္း ေပၚလာပါသည္။ လူသားအတုဆိုသည္မွာ လူႏွင့္တူေအာင္ လုပ္ထားေသာ စက္ရုပ္ထက္ အမ်ားႀကီး ပိုသည့္ လူတစ္ေယာက္၏ ဥာဏ္ရည္ႏွင့္ အလုပ္လုပ္ႏိုင္ေသာ ကြန္ျပဴတာလူသားကို ဆိုလိုပါသည္။ ေမးခြန္းကို ေျဖရလွ်င္ ရေနၿပီဟု ဆိုပါသည္။ အဆိုပါ မွတ္ဥာဏ္တု နည္းပညာကို အခ်က္အလက္သိုမွီးစနစ္ႏွင့္ ေပါင္းလိုက္ေသာအခါ လူသားမ်ားထက္ မ်ားစြာသာလြန္သည့္ စြမ္းေဆာင္ရည္ရွိေသာ လူသားတုကို ေမြးထုတ္နိုင္သည့္ အဓိပၸာယ္ ျဖစ္ပါသည္။
.
. . . ေခတ္သစ္သိပၸံဆိုင္ရာ တိုးတက္မွုမ်ားတြင္ လူသားေနရာ၀င္ အလုပ္လုပ္ႏိုင္ေသာ စက္ရုပ္မ်ားကို တီထြင္ အသံုးျပဳနိုင္ခဲ့သည္မွာ ႏွစ္ေပါင္း မနည္းေတာ့ပါ။ သို႕ေသာ္ ယခု လက္ရွိ အသံုးျပဳေနေသာ စက္ရုပ္မ်ားသည္ လူသားမ်ား လုပ္ေဆာင္သည့္ ရုပ္၀တၳဳပိုင္းဆိုင္ရာ ကိစၥမ်ားကိုသာ အစားထိုး လုပ္ေဆာင္ႏိုင္ပါေသးသည္။ ကားစက္ရံုတြင္ စက္ပစၥည္းအစိတ္အပိုင္းမ်ား တပ္ဆင္ေပးေသာ စက္ရုပ္၊ အိမ္တြင္ သန္႕ရွင္းေရးလုပ္ေပးေသာ စက္ရုပ္၊ အေလးအပင္ ခ်ီပိုးေပးေသာ စက္ရုပ္ စသည္ျဖင့္ လူသားတို႕ ၾကြက္သားအားျဖင့္ အလုပ္လုပ္သည့္ ကိစၥရပ္မ်ားကို လူသားကိုယ္စား လုပ္ေဆာင္ေပးႏိုင္သည့္ စက္ရုပ္မ်ား တြင္က်ယ္ေနသည္မွာ ၾကာခဲ့ၿပီျဖစ္ပါသည္။ သို႕ဆိုလွ်င္ ယခု ဆက္လက္ေျပာျပမည့္ ကြန္ျပဴတာလူသားႏွင့္ စက္ရုပ္ ဘာမ်ား ကြာျခားပါသနည္း။ ျမင္သာေအာင္ ေျပာရလွ်င္ ယခု တြင္က်ယ္ေနေသာ စက္ရုပ္မ်ားမွာ ေကာ္လာျပာ လုပ္သားမ်ားကိုသာ အစားထိုးနိုင္ၿပီး အနာဂတ္တြင္ တြင္က်ယ္လာမည့္ စက္ရုပ္မ်ားမွာ ေကာ္လာျဖဴ လုပ္သားမ်ားကို အစားထိုးလာႏိုင္ေတာ့မည္ဟု ဆိုရမည္ ျဖစ္ပါသည္။
.
. . . ဆက္လက္ရွင္းျပရန္အတြက္ ေ၀ါဟာရ အသစ္တစ္လံုးကို မိတ္ဆက္ေပးပါမည္။ အဂၤလိပ္လို Dataism ျမန္မာလိုေတာ့ အခ်က္အလက္၀ါဒလို႕ ေခၚရမည္လား၊ ဒီမိုကေရစီတို႕ ကြန္ျမဴနစ္ဇင္တို႕လို ေဒတာအစ္ဇင္လို႕ပဲ ေခၚရမည္လား မေ၀ခြဲတတ္ပါ။ မူရင္းစာေရးသူကေတာ့ Data Relegion ဘာသာတရားတစ္ခုအေနနွင့္ပင္ တင္စားထားပါသည္။ ထိုသို႕ ဘာသာတရားအေနႏွင့္ တင္စားရေလာက္ေအာင္ အခ်က္အလက္မ်ားသည္ ကၽြန္ေတာ္တို႕၏ ေန႕စဥ္ဘ၀မ်ားအတြက္ ဘယ္ေလာက္ေတာင္ အေရးပါ အရာေရာက္ေနပါၿပီလဲ။
.
. . . ယခု ဤစာကို ဖတ္ေနသူသည္ ေဖ့ဘုတ္သံုးသူတစ္ေယာက္ ျဖစ္ရန္ ရာခိုင္ႏွုန္းအေတာ္မ်ားပါသည္။ ေဖ့ဘုတ္မသံုးလွ်င္ပင္ အင္တာနက္လူမွုကြန္ယက္တစ္ခုခုကိုေတာ့ သံုးသူျဖစ္ႏိုင္ပါသည္။ သင္ ေဖ့ဘုတ္သံုးေနေသာအခါ သင္အင္တာနက္တြင္ စိတ္၀င္စားမိ၍ျဖစ္ေစ အမွတ္တမဲ့ပင္ျဖစ္ေစ ရွာေဖြစူးစမ္းမိေသာ ကိစၥရပ္မ်ားႏွင့္ ပတ္သက္ဆက္စပ္ေနသည့္ ကုန္ပစၥည္းေၾကာ္ျငာမ်ား သင့္ေဖ့ဘုတ္စာမ်က္ႏွာတြင္ ေပၚေနသည္ကို သတိထားမိမည္ ထင္ပါသည္။ ဂူဂဲတြင္ သင္အမွတ္မထင္ ရွာေဖြစူးစမ္းမိေသာ ကိစၥရပ္မ်ားကို သင္က ေမ့ေမ့ေပ်ာက္ေပ်ာက္ျဖစ္သြားေကာင္း ျဖစ္သြားႏိုင္ေသာ္လည္း ဂူဂဲက မေမ့ပါ။ သင့္ေဖ့ဘုတ္အေကာင့္ ဖြင့္ခ်ိန္တြင္ သင္၏အီးေမးတစ္ခု ေပးခဲ့ရသည္ကို သင္သတိရအံုးမည္ ထင္ပါသည္။ သင့္အီးေမးအေကာင့္ႏွင့္ ေဖ့ဘုတ္အေကာင့္ အဆက္အစပ္ကိုေတာ့ သင့္အေနႏွင့္ အမွတ္တမဲ့ ျဖစ္ေကာင္းျဖစ္ႏိုင္ပါသည္။ သင္စိတ္၀င္စားတတ္ေသာ ကုန္ပစၥည္းေၾကာ္ျငာမ်ား သင့္ေဖ့ဘုတ္စာမ်က္ႏွာတြင္ ေပၚေပၚလာျခင္းက တိုက္ဆိုင္မွုတစ္ခု မဟုတ္ပါ။ သင့္အႀကိဳက္ကို ေဖ့ဘုတ္က သိရွိမွတ္သားထားၿပီး သင့္အႀကိဳက္မ်ားကို ေရြးခ်ယ္ေၾကာ္ျငာေနျခင္း ျဖစ္ပါသည္။
.
. . . ကိုယ္ႀကိဳက္တတ္တာေလးေတြကို ေဖ့ဘုတ္က ဘယ္လိုမ်ား သိပါလိမ့္ သင္စဥ္းစားမိႏိုင္သည္။ သင္၀င္ၾကည့္ေသာ အေကာင့္မ်ား၊ သင္လိုက္ႏွိပ္လိုက္ေသာ ပိုစ့္မ်ား၊ သင္အဖြဲ႕၀င္ျဖစ္ေနေသာ ေဖ့ဘုတ္ဂရုမ်ား၊ သင္မိတ္ေဆြအျဖစ္ လက္ခံထားသူမ်ား၊ သင္ေဖာ္လိုလုပ္ထားေသာ အေကာင့္မ်ား ေပ့ခ်္မ်ား၊ သင္ေရးလိုက္ေသာ ကြန္းမင့္မ်ား၊ သင္ပို႕ေသာ မက္ေဆ့မ်ားကို သင္က ေမ့သြားမည္ျဖစ္ေသာ္လည္း ေဖ့ဘုတ္က မေမ့ပါ။ မေမ့သည့္အျပင္ ေသေသခ်ာခ်ာ မွတ္တမ္းတင္ၿပီး သင္ဘယ္လိုလူစားမ်ိဳး ျဖစ္သည္ဆိုသည္ကို တြက္ခ်က္ပံုေဖာ္ေနပါသည္။ သင္ေဖ့ဘုတ္ မ်ားမ်ားသံုးေလ သင့္အေၾကာင္း ေဖ့ဘုတ္က မ်ားမ်ားသိေလဟု မွတ္ပါ။ ေဖ့ဘုတ္သာမက Google Yahoo စသည့္ အင္တာနက္ရွာေဖြေရးစာမ်က္ႏွာမ်ားကလည္း သင့္ကို ေသေသခ်ာခ်ာ မွတ္တမ္းတင္ေနပါသည္။ ကၽြန္ေတာ္တို႕ ႏိုင္ငံတြင္ အေမဇံုကဲ့သို႕ အြန္လိုင္း ေစ်းေရာင္း ၀န္ေဆာင္မွဳ မတြင္က်ယ္သျဖင့္ အေမဇံုဥပမာကို မေပးလိုေသာ္လည္း နည္းနည္းေတာ့ ေျပာျပခ်င္ပါသည္။ အေမဇံုသည္ သင္၀င္ၾကည့္သမွ် ကုန္ပစၥည္းမ်ား ၀ယ္ခဲ့သမွ် ကုန္ပစၥည္းမ်ား၊ မ၀ယ္ေသာ္လည္း ေရြးခ်ယ္ထားခဲ့သမွ် ကုန္ပစၥည္းမ်ားကို အကုန္မွတ္မိေနၿပီး သင့္ထံကို ပစၥည္း၀ယ္ရန္ အႀကံျပဳခ်က္မ်ား အဆက္မျပတ္ ပို႕ေနပါသည္။ သင္က အေမဇံုကို သံုးေလေလ အေမဇံုေပးပို႕ေနေသာ အႀကံျပဳခ်က္မ်ားက သင္ႏွင့္ ကိုက္ညီေလေလ ျဖစ္ပါသည္။ ယခု တင္ျပေနေသာ ေဖ့ဘုတ္ ဂူဂဲ အေမဇံုတို႕မွာ အထက္တြင္ေျပာခဲ့သည့္ Dataism ႏွင့္ ပတ္သက္ေသာ သိသာထင္ရွားသည့္ ဥပမာမ်ား ျဖစ္ပါသည္။ ဒီေလာက္မ်ားျဖင့္ေတာ့ အခ်က္အလက္ေတြ မွတ္တမ္းတင္တာေလာက္ကို Data Relegion လို႕ မေခၚႏိုင္ေပါင္လို႕ သင္ထင္ေကာင္း ထင္ေပလိမ့္မည္။ အခ်က္အလက္မ်ား၏ အေရးပါ အသံုး၀င္မွဳက သင့္ကို ေၾကာ္ျငာေတြ ပို႕ရံုေလာက္တင္ ရပ္မသြားပါ။
.
. . . ေကာ္လာျပာ လုပ္သားမ်ား သာမက ေကာ္လာျဖဴ လုပ္သားမ်ားကုိပါ ကြန္ျပဴတာလူသားမ်ားက အစားထိုးမည္ဟု အထက္တြင္ ေျပာခဲ့သည္။ လူသားေက်ာင္းဆရာေနရာတြင္ စက္ရုပ္ေက်ာင္းဆရာတစ္ေယာက္ အစားထိုးၾကည့္ၾကပါစို႕။ စက္ရုပ္ေက်ာင္းဆရာ၏ ရုပ္ရည္ရူပကာသြင္ျပင္ႏွင့္ ပတ္သက္ၿပီး အေထြအထူး ေျပာစရာမလိုဟု ထင္ပါသည္။ နည္းပညာသည္ လူႏွင့္တူသည့္ စက္ရုပ္ကို ထုတ္လုပ္ဖို႕ေလာက္ေတာ့ျဖင့္ ပ်င္းေတာင္ပ်င္းေသးတယ္အဆင့္ ရွိေနၿပီျဖစ္ေၾကာင္း သင္သိၿပီးျဖစ္ပါလိမ့္မည္။ စက္ရုပ္ေက်ာင္းဆရာသည္ လူသားေက်ာင္းဆရာထက္ ဘာေတြမ်ား သာေနပါသနည္း။ စက္ရုပ္ေက်ာင္းဆရာသည္ လူသားေက်ာင္းဆရာတစ္ေယာက္လို ေက်ာင္းသားစိတ္ေနသေဘာထားႏွင့္ ပတ္သက္ေသာ အျပဳအမူအေျပာအဆိုမ်ားျဖင့္ ေက်ာင္းသားနား၀င္ေအာင္ သင္တတ္ပါမည္လား။ ဒါ့ထက္ေတာင္ပိုေသးလို႕ ေျပာရမည္ ထင္ပါသည္။ စက္ရုပ္ေက်ာင္းဆရာသည္ ေက်ာင္းသားကို စာသင္ေနစဥ္အတြင္း ေက်ာင္းသား၏ တုန္႕ျပန္မွဳမ်ားကို အေသးစိတ္ မွတ္တမ္းတင္ေနပါလိမ့္မည္။ မည္သို႕ေသာအေျခအေနတြင္ ေက်ာင္းသားသည္ စိတ္၀င္စားမွဳ နည္းသြားပါသနည္း။ ဆရာ့ေမးခြန္းမ်ားကို ေက်ာင္းသားက မည္သို႕ တုန္႕ျပန္ပါသနည္း။ မည္သို႕ေသာေမးခြန္းမ်ိဳးကို အလ်င္အျမန္တုန္႕ျပန္တတ္ၿပီး မည္သို႕ေသာေမးခြန္းမ်ိဳးကို တုန္႕ျပန္မွဳ ေႏွးပါသနည္း။ ေမးခြန္းတစ္ခုကို တုန္႕ျပန္ရန္ အခ်ိန္မည္မွ် ၾကာပါသနည္း။ မည္သို႕ေသာ အေၾကာင္းအရာမ်ိဳးကို ၾကားရသည့္အခါ ေက်ာင္းသားမ်က္လံုးမ်ား အေရာင္ေတာက္သြားပါသနည္း၊ ေက်ာင္းသားက မည္သုိ႕ေသာ ေမးခြန္းမ်ိဳးမ်ားကို ေမးတတ္ပါသနည္း။ ထိုထိုေသာ အခ်က္အလက္မ်ားကို စုေဆာင္းထားၿပီး သကာလ ေက်ာင္းသားႏွင့္ အသင့္ေတာ္ဆံုးေသာ သင္ၾကားနည္းျဖင့္ သင္ၾကားပါလိမ့္မည္။
.
. . . ထို႕အတူ ဆရာ၀န္မ်ား ေရွ႕ေနမ်ားသည္လည္း စက္ရုပ္ဆရာ၀န္ စက္ရုပ္ေရွ႕ေနမ်ားျဖင့္ အလုပ္ျဖစ္လာေတာ့မည္ျဖစ္ပါသည္။ ေကာင္းပါၿပီ။ လူသား ေက်ာင္းဆရာႏွင့္ စက္ရုပ္ေက်ာင္းဆရာ၊ လူသားဆရာ၀န္ႏွင့္ စက္ရုပ္ဆရာ၀န္ အဓိက ကြာျခားခ်က္က ဘာမ်ားျဖစ္မည္နည္း။ လူသားေက်ာင္းဆရာတစ္ေယာက္ ဆရာ၀န္တစ္ေယာက္ ျဖစ္ဖို႕အတြက္ ႏွစ္ေပါင္းမ်ားစြာ ပညာသင္ၾကားရသည္။ အေတြ႕အႀကံဳေပါင္းမ်ားစြာ ထိေတြ႕ေလ့က်င့္ေပးရသည္။ ထိုဆရာ၀န္ အသက္ႀကီးလာသည္ႏွင့္အမွ် အေတြ႕အႀကံဳ ရင့္က်က္လာသည္၊ ေနာက္ ထိုဆရာ၀န္ အခ်ိန္တန္လို႕ ေသသြားေသာအခါ သူ႕အေတြ႕အႀကံဳ သူ႕ပညာမ်ား ပါသြားေတာ့သည္။ ေနာက္ထပ္ဆရာ၀န္တစ္ေယာက္ကို အစက ျပန္ေလ့က်င့္ ေမြးထုတ္ေပးရျပန္သည္။ ဒါ့အျပင္ ဆရာ၀န္တစ္ေယာက္တတ္ေသာ ပညာသည္ ထို ဆရာ၀န္တစ္ေယာက္မွာသာရွိသည္၊ တစ္ျခားဆရာ၀န္တစ္ေယာက္ထံ သီခ်င္းကူးသလို ကူးေပးလို႕မရ။ ဒီေနရာမွာ စက္ရုပ္မ်ားက သာသည္။ စက္ရုပ္ဆရာ၀န္တစ္ေယာက္ အေတြ႕အႀကံဳမ်ားကို Data base တြင္ သိုမွီးထားျခင္းျဖင့္ တစ္ျခား စက္ရုပ္ဆရာ၀န္မ်ားထံ ထို အခ်က္အလက္မ်ား အခ်ိန္နွင့္ တစ္ေျပးညီ ပို႕ေပးေနလို႕ရသည္။ ထိုစက္ရုပ္ဆရာ၀န္သည္ ေသလည္းမေသ။ ေနာက္ဆံုးတစ္ေန႕ စက္ရုပ္ေဟာင္းသြားလို႕ပဲျဖစ္ျဖစ္ စက္ရုပ္အသစ္လဲရတယ္ဆိုရင္ေတာင္ Database ထဲ သိမ္းထားေသာ အခ်က္အလက္မ်ားကို ေနာက္စက္ရုပ္က အသာေလး ယူသံုးရံုသာ။ ထုိသို႕ေသာ စက္ရုပ္ေတြ အမ်ားႀကီး ကြန္ယက္ဖြဲ႕ထားသည့္ စက္ရုပ္ဆရာ၀န္မ်ား၊ ေမာပန္းျခင္း စိတ္တိုျခင္း ထမင္းဆာျခင္း ေရငတ္ျခင္း စသည့္ ေဘးပန္းပေယာဂ အေႏွာင့္အယွက္မ်ား မရွိေသာ စက္ရုပ္ဆရာ၀န္မ်ားကို ေဘးပန္းအေႏွာင့္အယွက္မ်ားစြာရွိေသာ အေသြးအသားျဖင့္ တည္ေဆာက္ထားသည့္ ဆရာ၀န္မ်ားက မည္သို႕မည္ပံု ယွဥ္နိုင္ပါမည္နည္း။ ယခု တင္ျပေနေသာ ဆရာ၀န္ဥပမာသည္ စိတ္ကူးယဥ္သက္သက္မဟုတ္၊ အမွန္တကယ္ပင္ လက္ေတြ႕က်င့္သံုး ေအာင္ျမင္ေနေသာ ေခတ္သိပၸံစြမ္းေဆာင္ခ်က္ သက္ေသတစ္ခုျဖစ္ပါသည္ဆိုလွ်င္ သင္အ့ံၾသေကာင္း အ့ံၾသမည္ျဖစ္ေသာ္လည္း နည္းနည္းေလာက္ ဆက္ေတြးၾကည့္လိုက္လွ်င္ ေၾကာက္စရာေကာင္းေလာက္ေအာင္ အနာဂတ္မဲ့ေနေသာ လူသားမ်ား အေျခအေနကို သင္ေတြ႕ရမည္ျဖစ္သည္။
.
. . . ယခုပင္လွ်င္ ေမာင္းသူမဲ့တကၠစီမ်ား စမ္းသပ္ေအာင္ျမင္ေနၿပီး လမ္းမမ်ားေပၚ ေျပးလႊားေနၾကၿပီ။ မၾကာေတာ့ေသာ အနာဂတ္တြင္ တကၠစီယာဥ္ေမာင္းမ်ား အလုပ္ရွိၾကေတာ့မည္မဟုတ္။ ထိုသို႕ေသာ အလုပ္မ်ိဳးမ်ားသာမက အထက္တြင္ ဆိုခဲ့သည့္ ဆရာ၀န္ ေရွ႕ေန ေက်ာင္းဆရာစေသာ အလုပ္မ်ားကိုလည္း ပိုမိုစြမ္းေဆာင္ရည္ျပည့္၀သည့္ စက္ရုပ္မ်ားက ေနရာ၀င္ယူၾကေတာ့မည္။ ဒါဆိုရင္ စာေရးဆရာအလုပ္၊ ဂီတပညာရွင္အလုပ္တို႕ကို ေျပာင္းလုပ္မည္ဟု စိတ္ကူးေနပါသလား။ ဒါေတြကိုေတာ့ စက္ရုပ္ေတြ မလုပ္ႏိုင္ေလာက္ဘူးဟု သင္ေတြးမိေနပါသလား။
.
. . . ကၽြန္ေတာ္တို႕ အထက္တန္းေက်ာင္းသားဘ၀ ၁၉၉၆- ၉၇ ေလာက္က Deep Blue ဟု အမည္ေပးထားေသာ စစ္တုရင္ကစားသည့္ စူပါကြန္ျပဴတာက ထိုစဥ္က စစ္တုရင္ခ်န္ပီယံ ဂယ္ရီကက္စပါေရာ့ကို အနိုင္ကစားလိုက္ေၾကာင္း သတင္းေတြ ၾကားရေတာ့ ေတာ္ေတာ္ေလး အံ့ၾသမိခဲ့ၾကသည္။ ဘယ္လိုေတာင္လားေပါ့။ ဒါေပမယ့္ ထိုသို႕အနိုင္ကစားခဲ့မွုသည္ လြန္ခဲ့ေသာဆယ္စုႏွစ္ ႏွစ္ခုကျဖစ္သည္။ ယခုကြန္ျပဴတာ ဥာဏ္ရည္တုနည္းပညာေတြက ထိုထက္ အဆေပါင္းမ်ားစြာ တိုးတက္ေနေပၿပီ။ ေတးဂီတသီကံုးႏိုင္ေသာ ဥာဏ္ရည္တုပင္ရွိေနၿပီျဖစ္ရာ လူသားေတးဂီတႏွင့္ စက္ရုပ္ေတးဂီတ အတူတူ တီးမွဳတ္ေစၿပီးေနာက္ လူလား စက္ရုပ္လား ခြဲျခားစမ္းသပ္ရာမွာ လူသားဖန္တီးထားေသာ ဂီတႏွင့္ မခြဲႏိုင္ေလာက္ေအာင္ ေျပာင္ေျမာက္လွေသာ ေတးဂီတကို ယခုေခတ္ ဥာဏ္ရည္တုက ဖန္ဆင္းေနႏုိင္ၿပီ ျဖစ္ပါသည္။ ေနာင္ဆိုလွ်င္ E-book မ်ား ဖတ္ရွဳသည့္ Kindle တက္ဘလက္မ်ားတြင္ ကင္မရာမ်ား ပါလာေတာ့မည္။ သင္က စာကိုဖတ္ေနစဥ္ Kindle က သင့္ကို ဖတ္ေနလိမ့္မည္။ သင္ ၀တၳဳတစ္အုပ္ ဖတ္သည္ဆိုပါစို႕။ မည္သည့္ေနရာတြင္ သင္စိတ္အ၀င္စားဆံုးျဖစ္သည္၊ မည္သည့္ေနရာတြင္ ဖတ္ေနရင္း သင္ပ်င္းလာသည္။ မည္သည့္ေနရာကို ႏွစ္ခါျပန္ဖတ္သည္။ မည္သည့္ေနရာတြင္ စာအုပ္ကို ပစ္ခ်ၿပီး ထြက္သြားသည္ စသည္ျဖင့္ သင္စာဖတ္ေနစဥ္ စာအုပ္က သင့္ကို ဖတ္ၿပီး မွတ္တမ္းတင္ေနလိမ့္မည္။ ၀တၳဳတစ္အုပ္ သင္ ဖတ္ၿပီးသြားေသာအခါ သင္သည္ ဘယ္လိုလူမ်ိဳးျဖစ္ေၾကာင္း၊ ဘာကိုႀကိဳက္တတ္ၿပီး ဘာကို မႀကိဳက္တတ္ေၾကာင္း Kindle Database က မွတ္တမ္းတင္ၿပီးသားျဖစ္သြားမည္။ ေနာက္တစ္ခါ သင္စာအုပ္ဖတ္ဖို႕ ေရြးေသာအခါ သင့္အႀကိဳက္စာအုပ္မ်ားကို Kindle က အႀကံေပးလိမ့္မည္။ သင့္အေၾကာင္းကို သင့္ထက္ပင္ပိုသိေသာ သင့္အႀကိဳက္ကို သင့္ထက္ပင္ ပိုေရြးေပးတတ္ေသာ Data Religion ဘာသာတရားကို သင္ကိုးကြယ္ရေတာ့မည္ျဖစ္သည္။
.
. . . ထို႕ေၾကာင့္ အခြင့္အာဏာႏွင့္ ကံၾကမၼာစီရင္ပိုင္ခြင့္မ်ားသည္ မူလက ဘုရားသခင္ထံ ရွိေနရာမွ လူသားမ်ားထံေရာက္လာသည္။ ဆက္လက္ၿပီး လူသားတို႕ကို စီရင္ဖန္တီးႏိုင္ခြင့္ကို စီလီကြန္ေတာင္ၾကားႏွင့္ ဂူဂဲ အေမဇံုတို႕က သိမ္းပိုက္ၾကေတာ့မည္။ သိမ္းလည္း သိမ္းပိုက္ေနၿပီျဖစ္သည္။ ကမာၻေပၚရွိ အင္တာနက္ အသံုးျပဳသူ သန္းေပါင္းမ်ားစြာေသာ လူသားမ်ားထံမွ အခ်က္အလက္မ်ားကို ေန႕စဥ္ႏွင့္အမွ် စုေဆာင္းေနၿပီး လူသားတို႕ကလည္း မိမိတို႕ အခ်က္အလက္မ်ားကို ရက္ရက္ေရာေရာ ေပးေနၾကသည္။ သို႕မဟုတ္ ေစ်းေပါေပါ ေရာင္းခ်ေနၾကသည္။ ဘာႏွင့္တူသနည္းဆိုေသာ္ မိမိတို႕ တိုင္းျပည္နယ္နိမိတ္မ်ားကို စာခ်ဳပ္စာတမ္း ခိုင္ခိုင္မာမာျဖင့္ သိမ္းပိုက္ယူငင္ရန္ လုပ္ေဆာင္ေနသည့္ ကိုလိုနီနယ္ခ်ဲ႕မ်ားအား တန္ဖိုးမရွိလွသည့္ ေရာင္စံုပုတီးလက္ေဆာင္ကိုမက္ၿပီး ဘုမသိဘမသိ သေဘာတူလက္မွတ္ေရးထိုးေပးမိေနေသာ မူရင္းေနတိုင္းရင္းသား လူမ်ိဳးစုအႀကီးအကဲမ်ားလိုျဖစ္ေနၾကသည္။ အင္တာနက္တြင္ မိမိသြားသမွ် ေနရာေတြကို လိုလိုလားလား မွတ္တမ္းတင္ေပးသည္။ မိမိခံစားခ်က္မ်ားကို ပြင့္ပြင့္လင္းလင္း ေျပာျပသည္။ မိမိအသက္ ဇာတိ ၀ါသနာ ပညာအရည္အခ်င္း ေဆြမ်ိဳးသားခ်င္း ခ်စ္သူအိမ္ေထာင္ဘက္ စသည္တို႕သာမက မိမိ ကိုယ္အေလးခ်ိန္ အရပ္အေမာင္း ေသြးခုန္ႏွုန္း စသည့္ သတင္းအခ်က္အလက္မ်ားကိုပါ ရက္ရက္ေရာေရာ ေပးေနၾကသည္။ ဤသို့ျဖင့္ ယေန႕ေခတ္ ကမာၻ႕လူသား သန္းေပါင္းမ်ားစြာတို႕သည္ Data Religion ဘာသာတရားအတြင္း တစ္ေန႕တစ္ျခား သက္ဆင္းမိေနၾကေလၿပီ။
.
. . . ပါေမာကၡဟာရာရီ၏ အဆိုအရ လူသားသန္းေပါင္းမ်ားစြာထံမွ စုေဆာင္းထားေသာ အခ်က္အလက္မ်ားႏွင့္ ဥာဏ္ရည္တုနည္းပညာ၊ အင္တာနက္ကြန္ယက္ စသည္တို႕ ေပါင္းစည္းစြမ္းအားျဖင့္ လူသားတို႕ လုပ္ေဆာင္ႏိုင္သမွ် အလုပ္တိုင္းကို ကြန္ျပဴတာလူသား စက္ရုပ္မ်ားက လုပ္ေဆာင္လာႏိုင္ေတာ့မည္ဟု ဆိုသည္။ ယင္းအခ်ိန္သည္ ကၽြန္ေတာ္တို႕ သက္တမ္းအတြင္းမွာပင္ ျဖစ္နိုင္ေနသည့္သေဘာျဖစ္သည္။ ေဆးကုသည့္ ဆရာ၀န္၊ ႏွစ္သိမ့္ေဆြးေႏြးသည့္ ဆရာ၀န္၊ အလိုအေလ်ာက္ေျဖၾကားေပးမည့္ ၀န္ေဆာင္မွဳ၊ ေက်ာင္းဆရာ၊ ေတးဂီတပညာရွင္ ႏွင့္ ယုတ္စြအဆံုး ၀တၳဳကဗ်ာ ေရးသားသည့္ စာေရးဆရာ အလုပ္မ်ားကုိပင္ ေခတ္သစ္ ဥာဏ္ရည္တုနည္းပညာက လုပ္ေဆာင္ႏုိင္ၾကေတာ့မည္။ ပထမဆံုးအေနႏွင့္ ကမာၻေပၚတြင္ ပထမဆံုး အလုပ္လက္မဲ့ ျဖစ္ၾကမည္မွာ တကၠစီယာဥ္ေမာင္းမ်ားျဖစ္သည္ဟုဆိုသည္။ ေနာက္ပိုင္း တျဖည္းျဖည္းခ်င္း အျခားအလုပ္မ်ားကိုလည္း စက္ရုပ္မ်ားက ၀င္လုပ္ၾကေတာ့မည္ျဖစ္ရာ မိမိေနာက္ မ်ိဳးဆက္မ်ားကို မည္သည့္အသက္ေမြး၀မ္းေက်ာင္းမွုပညာ သင္ၾကားေပးရမည္နည္းဆိုသည္ကိုပင္ စဥ္းစားမရေတာ့ဟု ဆိုပါသည္။
.
. . . ဤစာအုပ္ကို ဖတ္ေနစဥ္ စာေရးသူကို ျပန္ေမးခ်င္ေသာ ေမးခြန္းေတြ ရွိခဲ့သည္။ ဗုဒၶဘာသာ၀င္တစ္ဦးအေနႏွင့္ ေလာကႏွင့္ လူသားတို႕ကို ဖန္ဆင္းေသာ ဘုရားသခင္ဆိုတာ မရွိေၾကာင္း၊ လူမွာအၿမဲတည္တံ့ေနေသာ ၀ိဥာည္ဆိုတာ မရွိေၾကာင္းမ်ားကို မူလကပင္ လက္ခံယံုၾကည္ၿပီး ျဖစ္ေသာ္လည္း မိမိလုပ္ေဆာင္သမွ်တိုင္းသည္ မိမိ၏ ကိုယ္ပိုင္ေရြးခ်ယ္ဆံုးျဖတ္ခ်က္မ်ားမဟုတ္ဘဲ ခႏၶာကိုယ္အတြင္းက ဇီ၀ဓာတု စည္းမ်ဥ္းမ်ား Biochemical Algorithm မ်ား၏ က်ပန္းသေဘာ ျဖစ္ပ်က္ေျပာင္းလဲမွဳမ်ားအတိုင္း လိုက္ပါေနျခင္းျဖစ္သည္ဆိုသည့္အခ်က္ကိုမူ ဘ၀င္မက်လွပါ။ မိမိ ယံုၾကည္ထားေသာ ကံ ကံ၏ အက်ိဳးကို မ်က္ကြယ္ျပဳထားသလို ျဖစ္ေနေသာ အဆိုပါ သေဘာတရားကို ကိုယ္ေတြးႏိုင္စြမ္းရွိသေလာက္ ဆင္ျခင္သံုးသပ္ၾကည့္မိပါသည္။ ထိုက်ပန္းသေဘာ ဆိုသည္မ်ားမွာ ဗုဒၶအဘိဓမၼာတြင္ ထင္ထင္ရွားရွား ပိုင္းျခားျပထားသည့္ စိတ္ေစတသိက္ ေဇာ စသည့္ သေဘာတရားမ်ားအတိုင္း ျဖစ္ေလမလားဟု ေတြးၾကည့္မိပါသည္။ အကယ္၍သာ ပါေမာကၡ ဟာရာရီသည္ ဗုဒၶအဘိဓမၼာကို ေသေသခ်ာခ်ာ ေလ့လာထားခဲ့လွ်င္ လူသားတို႕ ေရြးခ်ယ္ဆံုးျဖတ္ခ်က္မ်ားဆိုင္ရာ Biochemical Algorithm သေဘာတရားမ်ားကို ပိုၿပီး ျပည့္ျပည့္စံုစံု ရွင္းျပႏိုင္ေလမလား ေစာေၾကာမိပါသည္။
.
. . . ယခု ဤစာကို ဖတ္ေနသည့္ စာရွုသူမ်ားအေနႏွင့္ ကၽြန္ေတာ္ျပန္လည္ေဖာက္သည္ခ်သည္မ်ားကို သေဘာတူသည္လည္းရွိမည္၊ သေဘာမတူသည္လည္းရွိမည္၊ အပိုေတြဟု ထင္ေကာင္းလည္းထင္မည္။ ကၽြန္ေတာ္ကလည္း ပါေမာကၡဟာရာရီ ေရးထားသမွ် အမွန္ေတြပါဟု မ်က္စိမွိတ္ယံုၾကည္ဖို႕ မတိုက္တြန္းလိုပါ။ ၁၉၉၂ ခုႏွစ္က ေရးသားထုတ္ေ၀ခဲ့သည့္ ဖူကူယားမား၏ သမိုင္းနိဂံုးစာအုပ္ေနာက္ပိုင္း လစ္ဘရယ္ဒီမိုကေရစီစနစ္ကုိ အထိေရာက္ဆံုး ကိုင္လွဳပ္ထားသည့္ စာအုပ္တစ္အုပ္ကို သတိျပဳမိေစလိုေသာသေဘာ၊ ေလာေလာဆယ္တြင္ အုတ္ေအာ္ေသာင္းတင္းျဖစ္ေနသည့္ သမိုင္းပညာရွင္တစ္ဦး၏ အျမင္မ်ားကို သိေစလိုေသာ သေဘာျဖင့္သာ ဤစာကို ေရးသားပါသည္။ ယံုတာမယံုတာ အပထားၿပီး ဖတ္ကိုဖတ္သင့္သည့္ စာအုပ္တစ္အုပ္ကို မိမိ နားလည္သမွ် ညႊန္းျပျခင္းသာျဖစ္ပါသည္။ ျဖစ္ႏိုင္လွ်င္ စာအုပ္ႏွစ္အုပ္လံုးကို ျမန္မာဘာသာျပန္ဆိုမွ်ေ၀ေပးခ်င္မိပါသည္။
.
ဗိုလ္ေကာင္း
၆ ေအာက္တိုဘာ ၂၀၁၇
.
the East
Ideas for the People
Vol. (1), No. (1),
January, 2018

တပ္မေတာ္ရဲ႕ ေျခလွမ္းသစ္

.
. . . စိုးရိမ္မွဳေတြ ျမင့္တက္လာေနတဲ ့အေနာက္တံခါး လံုၿခံဳေရးနဲ႕ ပတ္သက္ၿပီး အစိုးရဘက္က လိုအပ္တဲ့ အစီအမံေတြ ေဆာင္ရြက္ထားေၾကာင္း သမားရိုးက် ေျဖရွင္းခ်က္ေတြပဲ ေပးေနတဲ့ အခ်ိန္မွာပဲ တပ္မေတာ္က သမားရိုးက်မဟုတ္တဲ့ ေျခလွမ္းသစ္တစ္ခုကို လွမ္းလိုက္ပါတယ္။ အဲဒါကေတာ့ ရခိုင္တိုင္းရင္းသားတို႕ရဲ႕ အင္အားအႀကီးဆံုး ႏိုင္ငံေရးပါတီျဖစ္တဲ့ ရခိုင္အမ်ိဳးသားပါတီ ANP ထိပ္ပိုင္းေခါင္းေဆာင္ေတြနဲ႕ တိုက္ရိုက္ေတြ႕ဆံု ေဆြးေႏြးတဲ့အေၾကာင္းပဲ ျဖစ္ပါတယ္ . . .
.
. . . ရခိုင္အမ်ိဳးသားပါတီ ANP ဟာ ပါတီေတြ ေပါင္းစည္းတာ ျပန္လည္ လမ္းခြဲတာ စတဲ့ သမိုင္းေၾကာင္းေတြ ရွိေပမယ့္ လတ္တေလာ အေျခအေနမွာေတာ့ ရခိုင္ျပည္နယ္ လႊတ္ေတာ္မွာ အမတ္အင္အား အမ်ားစု ရထားတဲ့ ပါတီျဖစ္ပါတယ္။ တိုင္းေဒသႀကီးနဲ႕ ျပည္နယ္ ဆယ့္ေလးခုအနက္ အမ်ိဳးသားဒီမိုကေရစီအဖြဲ႕ခ်ဳပ္ NLD အေနနဲ႕ အမတ္ေနရာအမ်ားစု ဆံုးရွံးခဲ့တဲ့ တစ္ခုတည္းေသာ ျပည္နယ္ဟာ ရခိုင္ျပည္နယ္ျဖစ္ပါတယ္။ အမ်ိဳးသားရင္ၾကားေစ့ေရး ေၾကြးေၾကာ္သံနဲ႕ ေရြးေကာက္ပြဲ ၀င္လာခဲ့တဲ့ NLD ပါတီဟာ အမတ္ေနရာအမ်ားစု အနိုင္ရတဲ့ ANP ပါတီ ရဲ႕ ျပည္သူလူထု အားေပးေထာက္ခံမွဳကို လ်စ္လ်ဴရွဳၿပီး အေျခခံဥပေဒက ေပးအပ္ထားတဲ့ အာဏာကို အျပည့္အ၀ က်င့္သံုးကာ ျပည္နယ္၀န္ႀကီးခ်ဳပ္ကို NLD စိတ္ႀကိဳက္ ခန္႕အပ္ခဲ့လို႕ NLD ရဲ႕ တိုင္းရင္းသားေတြေပၚထားတဲ့ သေဘာထားကို ေမးခြန္းထုတ္စရာ ျဖစ္ခဲ့ပါေသးတယ္။ တိုင္းရင္းသားတို႕တန္းတူညီမွ်ခြင့္နဲ႕ ဖယ္ဒရယ္ျပည္ေထာင္စုကို ရည္မွန္းထားတယ္ဆိုတဲ့ အမ်ိဳးသားဒီမိုကေရစီအဖြဲ႕ခ်ဳပ္အေနနဲ႕အေျခခံဥပေဒက ႏိုင္ငံေတာ္သမၼတကို အပ္ႏွင္းထားတဲ့ ျပည္နယ္၀န္ႀကီးခ်ဳပ္မ်ား ခန္႕အပ္ပိုင္ခြင့္အရ သက္ဆိုင္ရာ ေဒသခံ အင္အားႀကီးပါတီကို ေနရာေပးလိမ့္မယ္လို႕ ေမွ်ာ္လင့္မိခဲ့ၾကေပမယ့္လည္း အေျခခံဥပေဒက ေပးအပ္တဲ့ အခြင့္အာဏာကိုပဲ အျပည့္အ၀ က်င့္သံုးၿပီး အမတ္အမ်ားစု ေရြးေကာက္ခံရတဲ့ တိုင္းရင္းသားပါတီႀကီးရဲ႕ လူထုေထာက္ခံမွုကို လ်စ္လွ်ဴရွဳခဲ့တာ ျဖစ္ပါတယ္ . . .
.
. . . ႏိုင္ငံေတာ္ရဲ႕ အမ်ိဳးသားလံုၿခံဳေရးဆိုင္ရာ ကိစၥရပ္မ်ားနဲ႕ ပတ္သက္ၿပီး လက္ရွိ NLD အစိုးရလက္ထက္မွာ ႏိုင္ငံေတာ္ကာကြယ္ေရးနဲ႕ လံုၿခံဳေရးေကာင္စီ NDSC အစည္းအေ၀းကို တစ္ႀကိမ္မွ ေခၚယူခဲ့ဖူးျခင္း မရွိေၾကာင္း ျပည္သူ႕လႊတ္ေတာ္ဥကၠဌက သတင္းစာရွင္းလင္းပြဲတစ္ခုမွာ ေျဖၾကားဖူးပါတယ္။ အဲသည္ေျဖၾကားခ်က္ေနာက္ပိုင္းမွာလည္း NDSC အစည္းအေ၀း ေခၚယူက်င္းပေၾကာင္း ၾကားသိခဲ့ရတာ မရွိခဲ့ေသးပါဘူး။ လံုၿခံဳေရးဆိုင္ရာ အေရးေပၚအေျခအေနမ်ိဳး ျဖစ္မွသာ လံုၿခံဳေရးအထူးအစည္းအေ၀း ဆိုတာမ်ိဳးကို အစိုးရက ဦးေဆာင္ၿပီး တစ္ခါတစ္ရံ ေခၚယူက်င္းပေနတာ ေတြ႕ရပါတယ္။ ႏိုင္ငံေတာ္ရဲ႕ အုပ္ခ်ဳပ္ေရးနဲ႕ ဥပေဒျပဳေရးမ႑ိဳင္အႀကီးအကဲေတြ တပ္မေတာ္ထိပ္တန္းအရာရွိႀကီးေတြနဲ႕ ဖြဲ႕စည္းထားတဲ့ NDSC ကို ပံုမွန္ေခၚယူစည္းေ၀းတာမ်ိဳး မလုပ္ဘူးဆိုရင္ စဥ္ဆက္မျပတ္ ေဆာင္ရြက္ေနရတဲ့ ႏိုင္ငံေတာ္ရဲ႕ လံုၿခံဳေရးကိစၥေတြကို ဘယ္လိုမ်ား ညွိႏွိဳင္းတုိင္ပင္ၾကသလဲဆိုတာလည္း ေမးခြန္းထုတ္စရာတစ္ခု ျဖစ္ေနပါတယ္။ အစိုးရရဲ႕ မူ၀ါဒမ်ားနဲ႕အညီ တာ၀န္ထမ္းေဆာင္လ်က္ရွိေနေၾကာင္း တပ္မေတာ္က စဥ္ဆက္မျပတ္ ေျပာၾကားေနေပမယ့္ ႏိုင္ငံေတာ္လံုၿခံဳေရးဆိုင္ရာ ကိစၥေတြနဲ႕ ပတ္သက္ၿပီး သတင္းထုတ္ျပန္သေလာက္သာ ျပည္သူေတြ သိခြင့္ရတဲ့ လံုၿခံဳေရး အထူးအစည္းအေ၀း ဆိုတာေတြနဲ႕တင္ သက္ဆိုင္ရာ ႏိုင္ငံေတာ္လူႀကီးမင္းမ်ား ဟန္ခ်က္ညီ ပူးေပါင္းေဆာင္ရြက္ေနႏိုင္ၾကပါၿပီလား ဆိုတာလည္း စိတ္၀င္စားစရာ ေကာင္းပါတယ္ . . .
.
. . . ၾသဂုတ္လ ကိုးရက္ေန႕က က်င္းပခဲ့တဲ့ ANP ေခါင္းေဆာင္မ်ားနဲ႕ တပ္မေတာ္ကာကြယ္ေရးဦးစီးခ်ဳပ္တို႕ ေတြ႕ဆံုေဆြးေႏြးပြဲဟာ အထက္ကေျပာခဲ့တဲ့ အစိုးရဦးေဆာင္တဲ့ လံုၿခံဳေရးအထူးအစည္းအေ၀းေတြနဲ႕တင္ မလံုေလာက္ေၾကာင္း သက္ေသျပလိုက္သလိုပါပဲ။ တပ္မေတာ္အေနနဲ႕လည္း ႏိုင္ငံေတာ္လံုၿခံဳေရးကိစၥေတြအတြက္ NDSC အစည္းအေ၀းကို ပံုမွန္က်င္းပၿပီး စဥ္ဆက္မျပတ္တိုင္ပင္ညွိႏွိဳင္း ပူးေပါင္းေဆာင္ရြက္လိုေကာင္း လိုမွာ ျဖစ္ေပမယ့္ ဒီကိစၥနဲ႕ ပတ္သက္ၿပီး လူသိရွင္ၾကား ေျပာဆိုတာမ်ိဳး သတင္းစကားပါးတာမ်ိဳးေတာ့ မလုပ္ခဲ့ပါဘူး။ အစိုးရရဲ႕ သတင္းထုတ္ျပန္ခ်က္ေတြအရ လံုၿခံဳေရးဆိုင္ရာ အထူးအစည္းအေ၀းေတြမွာ တပ္မေတာ္က တက္တက္ၾကြၾကြ တက္ေရာက္ေနတာေတြ႕ၿပီး တပ္မေတာ္ေခါင္းေဆာင္မ်ားကလည္း ႏုိင္ငံေတာ္အႀကီးအကဲမ်ားကို စစ္သားတို႕ရဲ႕ ေလးစားရိုေသမွဳမ်ိဳးနဲ႕ ဆက္ဆံေနခဲ့ၾကတာကို သတင္းထုတ္ျပန္ခ်က္မ်ားမွာ သတိထားမိပါတယ္ . . .
.
. . . တပ္မေတာ္ကာကြယ္ေရးဦးစီးခ်ဳပ္က ရခိုင္အမ်ိဳးသားပါတီ ထိပ္တန္းေခါင္းေဆာင္ေတြနဲ႕ ေတြ႕ဆံုေဆြးေႏြးေနတဲ့ တစ္ရက္တည္းမွာပဲ ျပည္ေထာင္စုအစိုးရအဖြဲ႕မွာလည္း ႏုိင္ငံေတာ္အတိုင္ပင္ခံပုဂၢိဳလ္ဦးစီးၿပီး ရခိုင္ျပည္နယ္လံုၿခံဳေရးအစည္းအေ၀းကို က်င္းပခဲ့တာျဖစ္ပါတယ္။ အစည္းအေ၀းႏွစ္ခုလံုးရဲ႕ သတင္းထုတ္ျပန္ခ်က္ထဲမွာပါတဲ့ တက္ေရာက္သူမ်ားစာရင္းအရ ျပည္ေထာင္စုအစိုးရရဲ႕ အစည္းအေ၀းမွာ တပ္မေတာ္၀န္ႀကီးသံုးဦး၊ ျပည္ေထာင္စု၀န္ႀကီးအခ်ိဳ႕၊ လံုၿခံဳေရးဆိုင္ရာအႀကံေပးပုဂၢိဳလ္၊ ေခတၱရဲခ်ဳပ္၊ ရခိုင္ျပည္နယ္ နယ္လံု၀န္ႀကီး၊ ရခိုင္ျပည္နယ္ လူမွုေရး၀န္ႀကီးတို႕ ပါ၀င္ေၾကာင္း သိရၿပီး၊ တပ္မေတာ္ဘက္က အစည္းအေ၀းမွာေတာ့ ရခိုင္အမ်ိဳးသားပါတီေခါင္းေဆာင္မ်ားနဲ႕ တပ္မေတာ္ရဲ႕ အဆင့္အျမင့္ဆံုး ထိပ္တန္းအရာရွိႀကီး သံုးဦးနဲ႕အတူ အျခား အရာရွိႀကီးႏွစ္ဦး တက္ေရာက္တာကို ေတြ႕ရပါတယ္ . . .
.
. . . ရခိုင္ေဒသတည္ၿငိမ္ေရးနဲ႕ ဖြံ႕ၿဖိဳးတိုးတက္ေရးအတြက္ ရခိုင္တိုင္းရင္းသားပါတီႀကီးတစ္ခုနဲ႕ အခုလို တိုက္ရိုက္ဖိတ္ေခၚ ေတြ႕ဆံုေဆြးေႏြးျခင္းရဲ႕ ပါးလိုတဲ့ သတင္းစကားက ဘာမ်ား ျဖစ္မွာပါလိမ့္။ ေသခ်ာတာကေတာ့ ျပည္ေထာင္စုအစိုးရ ဦးစီးေဆာင္ရြက္ေနတဲ့ လံုၿခံဳေရးဆိုင္ရာ ေပါင္းစပ္ညွိႏွိဳင္းမွုေတြ မလံုေလာက္ဘူးဆိုတာကို လွစ္ဟေဖာ္ျပလိုက္တာပါပဲ။ ဒါ့အျပင္ တပ္မေတာ္အေနနဲ႕ ျပည္ေထာင္စုအစိုးရရဲ႕ ဦးေဆာင္မွဳကို အျပည့္အ၀ ခံယူ လိုက္နာ ပူးေပါင္း ေဆာင္ရြက္ေနတဲ့ တစ္ခ်ိန္တည္းမွာပဲ ႏိုင္ငံေတာ္လံုၿခံဳေရးအတြက္ မိမိတို႕သင့္ေလ်ာ္ေကာင္းမြန္မယ္လို႕ ယူဆတဲ့ နည္းလမ္းမ်ားနဲ႕လည္း အျခားပူးေပါင္းေဆာင္ရြက္မွုမ်ားကို ဆက္လက္ လုပ္ေဆာင္သြားမယ္လို႕ သတင္းစကား ပါးလိုတာလည္း ျဖစ္ႏိုင္ပါတယ္။ ၾသဂုတ္လ ကိုးရက္မွာ က်င္းပခဲ့တဲ့ ျပည္ေထာင္စုအစိုးရနဲ႕ တပ္မေတာ္တို႕ရဲ႕ အစည္းအေ၀းမ်ားအၿပီး လာလတၱံ႕ေသာအခ်ိန္မ်ားမွာ ျဖစ္ေပၚလာမယ့္ ရခိုင္ေဒသ လံုၿခံဳေရးဆိုင္ရာ အေရးယူေဆာင္ရြက္မွဳမ်ား မည္သို႕မည္ပံုထူးျခားေျပာင္းလဲလာမလဲ ဆိုတာကေတာ့ စိတ္၀င္တစား ေစာင့္ၾကည့္ရမယ့္ အေျခအေနျဖစ္ပါေၾကာင္း . . .
.
ဗိုလ္ေကာင္း
၉ ၾသဂုတ္ ၂၀၁၇
.
The Voice Daily 2017 August 11

ၿငိမ္းခ်မ္းေရးညီလာခံ ရလဒ္မ်ားကို သံုးသပ္ၾကည့္ျခင္း

.
. . . ျပည္ေထာင္စုသေဘာတူစာခ်ဳပ္ အစိတ္အပိုင္း(၁) ကို ဒုတိယအႀကိမ္ ျပည္ေထာင္စု ၿငိမ္းခ်မ္းေရးညီလာခံ ေနာက္ဆံုးရက္ျဖစ္တဲ့ ၂၀၁၇ ေမလ ၂၉ ရက္စြဲနဲ႕ ထုတ္ျပန္လိုက္ပါတယ္။ စုစုေပါင္း ကိုးမ်က္နွာရွိတဲ့အထဲမွာ မူ၀ါဒ သေဘာတူညီခ်က္အေနနဲ႕ ႏိုင္ငံေရးက႑မွာ ၁၂ ခ်က္၊ စီးပြားေရးက႑မွာ ၁၁ ခ်က္၊ လူမွဳေရးက႑မွာ ၄ ခ်က္၊ နဲ႕ ေျမယာႏွင့္ သဘာ၀ပတ္၀န္းက်င္က႑မွာ ဆယ္ခ်က္၊ စုစုေပါင္း ၃၇ ခ်က္ ပါရွိပါတယ္။ စာခ်ဳပ္မွာ လက္မွတ္ေရးထုိုးသူ ငါးဦး၊ အသိသက္ေသအျဖစ္ လက္မွတ္ေရးထိုးသူ ေျခာက္ဦး စုစုေပါင္း ဆယ့္တစ္ဦးအမည္မ်ားကို ေဖာ္ျပထားပါတယ္။ 
.
. . . ေနာက္ဆက္တြဲမ်ားအပါအ၀င္ စာခ်ဳပ္တစ္ခုလံုးမွာ သံုးထားတဲ့ ေ၀ါဟာရမ်ားကို ေလ့လာၾကည့္တဲ့အခါ အမ်ားဆံုး သံုးထားတဲ့ ေ၀ါဟာရက "ျပည္ေထာင္စု"
ျဖစ္ၿပီး ၂၉ ခါ သံုးစြဲထားပါတယ္။ ဒုတိယအမ်ားဆံုးက "တန္းတူ၊ မွ်တ၊ မွ်ေ၀၊ ညီမွ်" ဆိုတဲ့စကားလံုးေတြျဖစ္ၿပီး ၁၈ ခါသံုးစြဲေရးသားထားပါတယ္။ "ဖက္ဒရယ္" နဲ႕ "ဒီမိုကေရစီ" ဆိုတဲ့ စကားလံုးေတြကို ခုနစ္ခါစီ ေရးသားထားၿပီး "အခြင့္အေရး" ဆိုတဲ့ စကားလံုးကို ေလးခါ သံုးစြဲထားကာ၊ "အမ်ိဳးသားေရး" နဲ႕ "ႏိုင္ငံတကာ" ဆိုတဲ့ စကားလံုးေတြကို ႏွစ္ခါစီ သံုးစြဲထားေၾကာင္းေတြ႕ရပါတယ္။
.
. . . "ျပည္ေထာင္စု" ဆိုတဲ့ ေ၀ါဟာရကို ႏိုင္ငံေတာ္ဖြဲ႕စည္းတည္ေဆာက္ထားတဲ့ ပံုသ႑ာန္ကို ေဖာ္ညႊန္းတဲ့အေနနဲ႕ သံုးတဲ့အျပင္ ႏိုင္ငံေတာ္ရဲ႕ နယ္နိမိတ္နယ္နိမိတ္ပိုင္နက္ကို ညႊန္းဆိုရာမွာလည္းေကာင္း၊ ဗဟိုအစိုးရကို ညႊန္းဆိုရာမွာလည္းေကာင္း၊ ႏိုင္ငံေတာ္အခ်ဳပ္အျခာအာဏာကို က်င့္သံုးသည့္ အဆင့္အျမင့္ဆံုး ယႏၱရားကို ညႊန္းဆိုရာမွာလည္းေကာင္း သံုးစြဲေရးသားထားတာကို ေတြ႕ရပါတယ္။ "ဖက္ဒရယ္" ဆိုတဲ့ ေ၀ါဟာရကိုေတာ့ ႏိုင္ငံေတာ္က က်င့္သံုးမယ့္ ႏိုင္ငံေရးစနစ္နဲ႕ စီးပြားေရးစနစ္အျဖစ္ ရည္ညႊန္းသံုးစြဲထားပါတယ္။ 
.
. . . ႏိုင္ငံေရးက႑မူ၀ါဒ သေဘာတူညီခ်က္ အပုိဒ္ ၄ (ဆ) မွာ "သီးျခားလြတ္လပ္ေသာ" ႏိုင္ငံေတာ္ဖြဲ႕စည္းပံုအေျခခံဥပေဒဆိုင္ရာ ခံုရံုးကို တည္ေထာင္မယ္ လို႕ ပါရွိတဲ့အတြက္ အခုလက္ရွိ ဖြဲ႕စည္းထားတဲ့ အေျခခံဥပေဒခံုရံုးကို သီးျခားလြတ္လပ္တဲ့ ခံုရံုးတစ္ခုအျဖစ္ ျပန္လည္ဖြဲ႕စည္းမယ္လို႕ နားလည္ရပါတယ္။ လက္ရွိမွာ သမၼတ၊ အမ်ိဳးသားလႊတ္ေတာ္ဥကၠဌနဲ႕ ျပည္သူ႕လႊတ္ေတာ္ ဥကၠဌတို႕က အမည္စာရင္း သံုးေယာက္စီတင္သြင္းၿပီး ျပည္ေထာင္စုလႊတ္ေတာ္သေဘာတူညီခ်က္နဲ႕ ခန္႕အပ္ရတဲ့ အေျခခံဥပေဒ ခံုရံုးအဖြဲ႕၀င္ေတြရဲ႕ သက္တမ္းဟာ သမၼတသက္တမ္းနဲ႕ အတူတူ ျဖစ္ေနၿပီး သမၼတ တစ္ဆက္ေျပာင္းတိုင္း အသစ္ျပန္လည္ခန္႕အပ္ဖို႕ လိုအပ္တာမို႕ တရားစီရင္ေရးမ႑ိဳင္ျဖစ္တဲ့ အေျခခံဥပေဒခံုရံုးရဲ႕ သီးျခားလြတ္လပ္မွဳဟာ ေမးခြန္းထုတ္စရာျဖစ္ေနပါတယ္။ အစိုးရတစ္ဆက္ေျပာင္းတိုင္း အုပ္ခ်ဳပ္ေရးအႀကီးအကဲနဲ႕ ဥပေဒျပဳေရးအႀကီးအကဲ ႏွစ္ေယာက္တို႕က စိတ္ႀကိဳက္ေရြးခ်ယ္ အမည္စာရင္းတင္သြင္းခန္႕အပ္ထားတဲ့ ပုဂၢိဳလ္ေတြနဲ႕ ဖြဲ႕စည္းထားတဲ့ ခံုရံုးရဲ႕ ဆံုးျဖတ္ခ်က္မ်ားဟာ အုပ္ခ်ဳပ္ေရးနဲ႕ဥပေဒျပဳေရးတို႕ရဲ႕ လႊမ္းမိုးမွဳက လြတ္ကင္းမွဳအတိုင္းအတာ ဘယ္ေလာက္ထိ ရွိႏိုင္မလဲဆိုတာေမးခြန္းထုတ္စရာ ျဖစ္ေနတာပါ။ 
.
. . . စီးပြားေရးက႑ မူ၀ါဒ သေဘာတူညီခ်က္ အပုိဒ္ ၄ မွာလည္း ျပည္ေထာင္စုအစိုးရႏွင့္ တိုင္းေဒသႀကီး/ျပည္နယ္ အစိုးရမ်ားအၾကား ဘ႑ာေငြႏွင့္ အခြန္ေငြမ်ားကို ဖြဲ႕စည္းပံုအေျခခံဥပေဒႏွင့္အညီ မွ်တစြာ ခြဲေ၀ရန္ ဆိုၿပီး ေရးသားထားမွဳဟာလည္း စဥ္းစားစရာျဖစ္ပါတယ္။ "မွ်တစြာ ခြဲေ၀ရန္" ဆိုတာ ဘာကို ဆိုလိုပါသလဲ။ လူဦးေရနည္းပါးတဲ့ ကယားျပည္နယ္နဲ႕ လူဦးေရထူထပ္တဲ့ ရန္ကုန္တိုင္းေဒသႀကီးတို႕ကို ပမာဏအတူတူ ခြဲေ၀ေပးမွာကို ဆိုလိုသလား၊ လူဦးေရအခ်ိဳးအစားနဲ႕ ခြဲေ၀ေပးမွာလား၊ နယ္ေျမအက်ယ္အ၀န္းနဲ႕ အခ်ိဳးခ်ၿပီး ခြဲေ၀မွာလား။ မွ်တစြာ ဆိုတဲ့စကားလံုးေလးက တရားမွ်တမွဳကို ေဖာ္ညႊန္းတယ္လို႕ ယူဆစရာျဖစ္ေပမယ့္ ဒီေနရာမွာ ဒီစကားလံုးကို သံုးစြဲေရးသားထားတာကေတာ့ အျငင္းပြားစရာေတြ ရွိလာႏိုင္တဲ့ အေျခအေနျဖစ္ပါတယ္။ ဘယ္သို႕ဘယ္ပံု ခြဲေ၀ရမယ္ဆိုတာကို ဖြဲ႕စည္းပံုအေျခခံဥပေဒမွာ ျပဌာန္းထားလို႕ ရေပမယ့္ "ဖြဲ႕စည္းပံုအေျခခံဥပေဒႏွင့္အညီ" ဆိုတဲ့ အထူးျပဳပုဒ္ဟာ ေနာက္မွာ ကပ္လ်က္ေရးထားတဲ့ "မွ်တစြာ" ဆိုတဲ့ အထူးျပဳပုဒ္နဲ႕ ၀ိေရာဓိျဖစ္ႏိုင္စရာရွိေနတယ္လို႕ ထင္ျမင္မိပါတယ္။ 


. . . စီးပြားေရးက႑မူ၀ါဒ သေဘာတူညီခ်က္ေအာက္က ေဒသႏၱရဖြံ႕ၿဖိဳးေရးဆိုင္ရာ အေျခခံမူမ်ား အပိုဒ္ တစ္ရဲ႕ ေအာက္မွာ "ျပည္ေထာင္စုအစိုးရက ခ်မွတ္ေသာ မူ၀ါဒမ်ားႏွင့္ေသာ္လည္းေကာင္း၊ ျပည္ေထာင္စုဥပေဒမ်ားႏွင့္ေသာ္လည္းေကာင္း မဆန္႕က်င္ေစဘဲ ေဆာင္ရြက္ရန္" ဆိုတဲ့ မွတ္ခ်က္အပိုဒ္ကို ထည့္ထားတာကေတာ့ အစိုးရိမ္ႀကီးတဲ့သေဘာကို ျပေနတယ္လို႕ ယူဆမိပါတယ္။ ဘာလို႕လဲဆိုေတာ့ ႏိုင္ငံေရးက႑မူ၀ါဒ သေဘာတူညီခ်က္ အပိုဒ္ ၄ (ဃ) မွာပါတဲ့ "ျပည္ေထာင္စု၊ တိုင္းေဒသႀကီး/ျပည္နယ္မ်ား၊ ကိုယ္ပိုင္အုပ္ခ်ဳပ္ခြင့္ရ တိုင္း/ေဒသမ်ားအၾကား ဥပေဒျပဳေရးဆိုင္ရာ အာဏာမ်ားႏွင့္ ပူးတြဲအာဏာမ်ားကို ႏိုင္ငံေတာ္ဖြဲ႕စည္းပံုအေျခခံဥပေဒက ခြဲေ၀အပ္ႏွင္းေပးရမည္" လို႕ ဆိုထားၿပီးသားျဖစ္တဲ့အတြက္ အထက္ကေျပာခဲ့တဲ့ မွတ္ခ်က္စာပိုဒ္ကို မထည့္သြင္းဘဲနဲ႕လည္း အဲသည္ကန္႕သတ္ခ်က္က ရွိေနၿပီးသားျဖစ္ေနလို႕ျဖစ္ပါတယ္။ 
.
. . . ျပည္ေထာင္စုသေဘာတူညီခ်က္ အစိတ္အပိုင္း (၁) အပိုဒ္ ၅ အရ ဒီသေဘာတူညီခ်က္ေတြဟာ တစ္ႏိုင္ငံလံုးပစ္ခတ္တိုက္ခိုက္မွဳ ရပ္စဲေရး သေဘာတူစာခ်ဳပ္ (NCA) အပိုဒ္ ၂၀ (င) အရ ေဆြးေႏြးေရးသား သေဘာတူလက္မွတ္ေရးထိုးၾကတာျဖစ္တဲ့အတြက္ NCA လက္မွတ္ထိုးထားၿပီးတဲ့ လက္နက္ကိုင္အဖြဲ႕အစည္းမ်ားနဲ႕ ႏိုင္ငံေတာ္အစိုးရအၾကား ၿငိမ္းခ်မ္းေရးတိုးတက္မွဳ အဆင့္တစ္ဆင့္အျဖစ္ ရွုျမင္ရမွာျဖစ္ပါတယ္။ တစ္ပိုင္းကလည္း NCA ကို လက္မွတ္ေရးထိုးျခင္း မျပဳဘူးဆိုရင္ ဒီအဆင့္ကို တက္လွမ္းခြင့္ရမွာမဟုတ္ဘူးဆိုတဲ့ သေဘာျဖစ္တယ္လုိ႕လည္း နားလည္ရပါတယ္။ အကယ္၍ NCA လက္မွတ္ထိုးဖို႕ က်န္ေနတဲ့ အဖဲြ႕ေတြထဲက တစ္ခ်ိဳ႕ကျဖစ္ေစ အားလံုးကျဖစ္ေစ လက္မွတ္ေရးထိုးတဲ့ အဆင့္ကို တက္လွမ္းလာခဲ့မယ္ဆိုရင္ အခုေဆြးေႏြးသေဘာတူညီထားတဲ့အခ်က္ေတြကို ျပန္လည္ေဆြးေႏြးျပင္ဆင္မြမ္းမံခြင့္ ရွိမရွိကေတာ့ ရွင္းရွင္းလင္းလင္း မသိရေသးပါဘူး။ တကယ္လို႕သာ ျပန္လည္ေဆြးေႏြးျပင္ဆင္ခြင့္ ရွိေနအံုးမယ္ဆိုရင္ အခုအေျခအေနမွာေတာင္ ဘယ္ေလာက္ၾကာၾကာထိ ဆက္ေလွ်ာက္ေနရအံုးမလဲ မသိတဲ့ ၿငိမ္းခ်မ္းေရးခရီးရွည္ႀကီးဟာ ဒီထက္မက ပိုၿပီး ၾကာရွည္သြားဖို႕သာ ရွိပါလိမ့္မယ္။ အဲသည္လို ကာလရွည္ၾကာသြားတာနဲ႕အမွ် ႏိုင္ငံေတာ္ရဲ႕ အခ်ဳပ္အျခာအာဏာပိုင္စိုးမွဳ၊ တပ္မေတာ္နဲ႕တိုင္းရင္းသားညီအစ္ကိုေမာင္ႏွမမ်ားရဲ႕ အသက္ေသြးေခၽြးေတြနဲ႕ ေျမေပၚေျမေအာက္သယံဇာတေတြ ဘယ့္ကေလာက္အထိ ဆံုးရွံုးထိပါး စေတးခံရအံုးမလဲဆိုတာ မမွန္းဆႏိုင္ေအာင္ပါပဲ။ 
.
. . . ေဆြးေႏြးမွဳေတြမွာ အဓိက အျငင္းပြားစရာ ျဖစ္ခဲ့တဲ့ "ျပည္ေထာင္စုက ခြဲမထြက္ရ" ဆိုတာရယ္ "တစ္ခုတည္းေသာ တပ္မေတာ္" ဆိုတာေတြရယ္ကေတာ့ ဒီညီလာခံမွာ သေဘာတူညီမွဳ မရခဲ့တဲ့အတြက္ ညီလာခံရလဒ္အျဖစ္ ပါ၀င္လာခဲ့ျခင္း မရွိပါဘူး။ ေနာင္ညီလာခံမ်ားမွာ ဆက္လက္ေဆြးေႏြးၾကမယ္လို႕ သိရပါတယ္။ အခုညီလာခံရဲ႕ ရလဒ္ေတြက ေက်နပ္အားရစရာေကာင္းတယ္ဆိုတဲ့ မွတ္ခ်က္ေတြ ရွိသလို မ်ားမ်ားေဆြးေႏြးေလ သေဘာထားကြာဟခ်က္ေတြ မ်ားလာေလ ဆိုတဲ့ မွတ္ခ်က္မ်ိဳးကိုလည္း ၾကားရပါတယ္။ သို႕ေသာ္လည္း ဘယ္ေလာက္ပင္ ခက္ခဲတဲ့ စိန္ေခၚမွဳေတြ ရွိေနပါေစ ဒီလမ္းကို ေလွ်ာက္မိမွေတာ့ ဆံုးေအာင္ေလွ်ာက္ရေတာ့မွာမို႕ လာမယ့္ ညီလာခံမ်ားမွာ တစ္ဦးနဲ႕တစ္ဦး တစ္ဘက္နဲ႕တစ္ဘက္ စကားေတြေျပာရင္း ေဆြးေႏြးညွိႏွိဳင္းတိုင္ပင္ၾကရင္း မ်က္နာစိမ္းရာက မ်က္နာက်က္၊ တစိမ္းျပင္ျပင္မွ ခင္မင္ရင္းႏွီးမွဳေတြ တိုးပြားလာၿပီး တစ္ေယာက္နဲ႕တစ္ေယာက္ တစ္ဖြဲ႕နဲ႕တစ္ဖြဲ႕ တစ္ဘက္နဲ႕တစ္ဘက္ သံေယာဇဥ္တရား ခ်စ္ခင္ျခင္းတရားမ်ားကို အေျခခံလို႕ သံသယမ်ား ပါးသထက္ပါးၿပီး အျပန္အလွန္ ယံုၾကည္မွဳမ်ားနဲ႕ အခက္အခဲ စိန္ေခၚမွဳမ်ားကို ညီညီညြတ္ညြတ္ ေက်ာ္လႊားႏိုင္ၾကပါေစေၾကာင္း ျပည္ေထာင္စုႀကီးတစ္ခုလံုး ၿငိမ္းခ်မ္းသာယာေရးကို ရည္ေမွ်ာ္ဆႏၵျပဳလိုက္ရပါတယ္။
.
ဗိုလ္ေကာင္း
၂၉ ေမ ၂၀၁၇

The Voice Daily 31 May 2017 Download here