အိုင်ယူဂျေမှ ရေးတဲ့စာ (၁၁)

သူငယ်ချင်း...၊
အရင်စာထဲမှာ စာသင်ချိန်တွေနဲ့ ပတ်သက်ပြီး ပြောပြခဲ့ပြီးပြီ။ ဒီစာထဲမှာတော့ အခြားသော အချိန်သတ်မှတ်ချက်တွေနဲ့ ပတ်သက်ပြီး မင်းကို ပြောပြချင်တယ်။ ပထမဆုံး ပြောချင်တာကတော့ ငါတို့ကျောင်းသားတွေ ဘယ်လိုမှ ကင်းလွတ်လို့ မဖြစ်နိုင်တဲ့ နေရာတစ်ခုနဲ့ သူ့ရဲ့ အချိန်သတ်မှတ်ချက်တွေအကြောင်း ပြောပြလိုတယ်။ အဲဒါကတော့ အခြားနေရာ မဟုတ်ဘူး။ စာကြည့်တိုက်ပဲ။ အခြားသော ကမ္ဘာကျော် တက္ကသိုလ်ကြီးတွေရဲ့ စာကြည့်တိုက်တွေလို မခမ်းနား၊ မထည်ဝါ၊ မကြီးမားပေမယ့် ဒီတက္ကသိုလ်မှာ မဟာဘွဲ့ရဖို့အတွက် ၂ နှစ်တာ ပညာသင်ကြားစဉ် ကာလအတွင်း မင်းအတွက် လုံလုံလောက်လောက် အထောက်အကူပြုနိုင်မယ့် စာကြည့်တိုက်တစ်ခု ဆိုတာကတော့ အသေအချာပါပဲ။ နွေရာသီရက်ရှည် ကျောင်းပိတ်ရက်ကာလနဲ့ သင်တန်းကာလတစ်ခုစီအကြား အားလပ်ရက်ကာလတွေမှာ စာကြည့်တိုက်ကို အထူးအစီအစဉ်နဲ့ အချိန်သတ်မှတ်ပြီး ဖွင့်လှစ်တာကလွဲရင် ကျန်တဲ့ကျောင်းဖွင့်ရက် ကာလတွေမှာ ပုံမှန်အချိန်ဇယားနဲ့ ဖွင့်လှစ်တယ်။ အဲဒီလို ပုံမှန်အနေအထား ဆိုရာမှာ ၂ မျိုး ခွဲခြားနိုင်တယ်။ ပထမတစ်မျိုးဖြစ်တဲ့ တနင်္လာကနေ သောကြာနေ့အထိ ၅ ရက်မှာ စာကြည့်တိုက်ဖွင့်ချိန်ဟာ မနက် ၈ နာရီ ၃၀ မိနစ်ဖြစ်ပြီး၊ ဒုတိယတစ်မျိုးဖြစ်တဲ့ စနေ၊ တနင်္ဂနွေ ၂ ရက်မှာတော့ မွန်းတည့် ၁၂ နာရီကျမှ စတင်ဖွင့်လေ့ရှိတယ်။ စာကြည့်တိုက် ပိတ်ချိန်ကတော့ ည ၁၁ နာရီ ၄၅ မိနစ် ဖြစ်တယ်။ စာကြည့်တိုက် ဖွင့်/ပိတ် အချိန်ဇယားတွေကို အွန်လိုင်းကနေ ကြည့်ရှုနိုင်သလို ကျောင်းသားရေးရာဌာနရှေ့က ကြော်ငြာသင်ပုန်းနဲ့ စာကြည့်တိုက်ရှေ့ ကြော်ငြာသင်ပုန်းတွေမှာလည်း ကြေညာပေးထားတာကို ဖတ်ရှုနိုင်တယ်။ အချို့ကျောင်းသားတွေဆိုရင် မနက်စာကြည့်တိုက်ဖွင့်တဲ့ ၈ နာရီ ၃၀ မိနစ်ကတည်းက စာကြည့်တိုက်မှာ နေရာယူ၊ စာဖတ်၊ အတန်းတက်စရာရှိရင် သွားတက်၊ ပြီးရင်စာကြည့်တိုက်ပြန်လာ၊ စာဖတ်၊ ထမင်းစားချိန် သွားစား၊ ပြီးရင် စာကြည့်တိုက်ပြန်လာ စာဖတ်၊ ညစာကြည့်တိုက်ပိတ်ချိန်ကျမှ အခန်းကိုပြန်သွား စသဖြင့် စာကြည့်တိုက်မှာ အချိန်ပြည့်နီးပါး စာဖတ်နေသူတွေ ဖြစ်ကြတယ်။ အများအားဖြင့် အဲဒီလို ကျောင်းသားတွေဟာ အေးအေးဆေးဆေး စာဖတ်လို့ရမယ့် ချောင်ကျကျ နေရာတစ်ခုခုကို စိတ်ကြိုက်ရွေးချယ်ထားပြီး သူတို့ရဲ့ စာအုပ်စာတမ်းတွေ၊ ကွန်ပျူတာတွေ၊ ကော်ဖီဗူးတွေ၊ ရေဗူးတွေ စသဖြင့် ပစ္စည်းအစုံအလင်နဲ့ တစ်နေကုန်လာပြီး စာကြည့်တိုက် ထိုင်နေတတ်တာမို့ အဲဒီလို နေရာတွေကို မင်းရဖို့ဆိုရင် အတော်ကြီးကို ၀ီရိယပြိုင်နိုင်ဖို့ လိုအပ်တယ်။ ဒုတိယတစ်ခုအနေနဲ့ အားကစားခန်းမရဲ့ အချိန်သတ်မှတ်ချက်ကို ပြောပြချင်တယ်။ တစ်နေကုန် အားကစားနည်းအမျိုးမျိုးကို လေ့ကျင့်ကစားနေတတ်ကြတဲ့ ကျောင်းသားတွေနဲ့ လူပြတ်လေ့မရှိတဲ့ အားကစားခန်းမကို မင်းအသုံးပြုနိုင်တဲ့ အချိန်ကတော့ မနက် ၇ နာရီကနေ ည ၁၂ နာရီအထိ ဖြစ်တယ်။ အားကစားခန်းမက နှစ်ထပ်အဆောက်အဦ ဖြစ်တယ်။ ပထမထပ်မှာ ဘက်စုံသုံးနိုင်တဲ့ အားကစားခန်းမတစ်ခု၊ ၂၄ နာရီ သောက်သုံးနိုင်တဲ့ ရေသောက်ရန်နေရာတစ်ခု၊ အမျိုးသားသီးသန့် ရေချိုးခန်း၊ အိမ်သာ၊ အမျိုးသမီးသီးသန့် ရေချိုးခန်း၊ အိမ်သာတို့ ရှိကြတယ်။ ခန်းမထဲမှာ ဖူဆယ်ဘောလုံး၊ ဘောလီဘော၊ ဘတ်စကတ်ဘော၊ ကြက်တောင်နဲ့ အခြားသော အခန်းတွင်းအားကစားနည်း မျိုးစုံကို လေ့ကျင့်ကစားနိုင်ကြတယ်။ ဒုတိယထပ်မှာတော့ အလေးမစက်တွေ၊ လမ်းလျှောက်/အပြေးစက်တွေ၊ လက်ဝှေ့ထိုးအိတ်၊ ဘယ်ရီစင် စတာတွေပါဝင်တဲ့ ခန်းမတစ်ခု၊ တူရိယာပစ္စည်းမျိုးစုံကို လေ့ကျင့်တီးခတ်နိုင်တဲ့ ဂီတအခန်းတစ်ခုနဲ့ စားပွဲတင်တင်းနစ်ခုံတစ်ခုတို့ ရှိကြတယ်။ ဒုတိယထပ်က အားကစားနည်းတွေကို မနက် ၇ နာရီကနေ ည ၁၂ နာရီအတွင်း မင်းကြိုက်တဲ့အချိန်မှာ လေ့ကျင့်ကစားနိုင်ပေမယ့်၊ ပထမထပ် ခန်းမကတော့ သီးသန့်အချိန်ဇယားတွေနဲ့သာ လေ့ကျင့်ကစားနိုင်ကြတယ်။ ရက်သတ္တပတ်တစ်ခုမှာ နေ့ရက်အလိုက် ဘယ်အားကစားနည်းတွေ ကစားလို့ရတယ်ဆိုတာကို သတ်မှတ်ထားပြီးဖြစ်တယ်။ ဥပမာအားဖြင့်... ဗုဒ္ဓဟူး၊ ကြာသပတေး၊ တနင်္ဂနွေနေ့တွေဟာ ဘောလုံးကစားနိုင်တဲ့ ရက်တွေဖြစ်ကြတယ်။ အဲဒီလို ပြောတဲ့အတွက် အဲဒီရက်တွေမှာ တစ်နေကုန် ဘောလုံးကန်နေတာလို့ မမှတ်ယူစေချင်ဘူး။ သာမန်အားဖြင့် မနက်ပိုင်းနဲ့ နေ့လည်ပိုင်း အချိန်တွေဟာ ကျောင်းသားတွေ စာသင်ခန်းမှာ ရောက်နေကြတာမို့ အားကစားခန်းမမှာ လူမရှိသလောက် ဖြစ်နေတတ်တယ်။ ကျောင်းသားတွေ အချိန်အားရပြီး အားကစားခန်းမကို အများဆုံး လာတတ်ကြတဲ့ အချိန်က ညနေ ၆ နာရီနောက်ပိုင်း ဖြစ်လေ့ရှိတယ်။ အဲဒီတော့ စောစောက နေ့ရက်အလိုက် အားကစားနည်းတွေဟာ သတ်မှတ်တဲ့ နေ့ရက်တွေမှာ ညနေ ၆ နာရီကနေ အချိန်အတိုင်းအတာ တစ်ခုအထိ ဖြစ်တတ်ကြတယ်။ ဒီလောက်ဆိုရင် အားကစားခန်းမအကြောင်း မင်းအနေနဲ့ အကြမ်းဖျင်း သဘောပေါက်လိမ့်မယ် ထင်ပါရဲ့။ နောက်ထပ်တစ်ခု ပြောပြလိုတာ တစ်ခုကတော့ QUIET Policy ဆိုတာပါပဲ။ ရည်ရွယ်ချက် ကောင်းပေမယ့်လည်း ကျောင်းသားတွေအနေနဲ့ သိပ်ပြီးတော့ အလေးထားလှတာ မရှိတာကို မြင်ရတယ်။ ဘာပြဿ     နာမှ မဖြစ်သေးလို့လည်း အားလုံးက ပေါ့ပေါ့လျော့လျော့ ဖြစ်နေတာလည်း ဖြစ်မှာပါ။ ဘာပဲပြောပြော အဲဒီအကြောင်းက မင်းအနေနဲ့ မသိမဖြစ် သိဖို့လိုအပ်တာမို့ ပြောပြပါ့မယ်။ အဆောင်နေ ကျောင်းသားအားလုံးဟာ တနင်္ဂနွေ၊ တနင်္လာ၊ အင်္ဂါ၊ ဗုဒ္ဓဟူး၊ ကြာသပတေး စတဲ့ ၅ ရက်မှာ ည ၁၁ နာရီနောက်ပိုင်း ဆူဆူညံညံ မဖြစ်အောင် ထိန်းသိမ်းကြရပါတယ်။ ကိုယ့်အခန်းက စကားပြောသံကြောင့်၊ သီချင်းသံကြောင့်၊ အခြားကိစ္စရပ်တစ်ခုခုကြောင့် ဆူညံမှုဖြစ်ပြီး အခြားအခန်းဖော်တွေ အနှောင့်အယှက် မဖြစ်ရအောင် ထိန်းသိမ်းကြရတယ်ဆိုပါတော့။ သောကြာနဲ့ စနေညဆိုရင်တော့ ည ၁၂ နာရီ နောက်ပိုင်းကျမှ Quiet Policy စတင်ပါတယ်။ အချို့သော ကျောင်းသားတွေဟာ ည ၁၁ နာရီ ကျော်ပေမယ့်လည်း အလိုက်ကမ်းဆိုးမသိ သီချင်းအကျယ်ကြီး ဖွင့်နေတာမျိုး၊ လိုက်ဆိုနေတာမျိုး၊ ခုနစ်အိမ်ကြား ရှစ်အိမ်ကြား ဖုန်းအော်ပြောနေတာမျိုး၊ အခန်းထဲမှာ ဘာတွေထုရိုက်နေမှန်း မသိဘဲ တဒုန်းဒုန်း လုပ်နေတတ်တာမျိုးတွေ ရှိတတ်ကြတယ်။ အဲဒီအခါမျိုးမှာ မင်းအနေနဲ့ နားမခံသာတာ၊ ဒါမှမဟုတ် မင်းစာကြည့်နေတာကို အနှောင့်အယှက်ဖြစ်စေတာ၊ ဒါမှမဟုတ် မင်းအိပ်ပျော်ဖို့ အခက်အခဲ ဖြစ်စေတာ စသဖြင့် ဖြစ်ခဲ့မယ်ဆိုရင် အဲဒီအခန်းကိုသွား တံခါးခေါက်ပြီး "Quiet Policy ကို လိုက်နာပါ" လို့ ပြောနိုင်တယ်။ အဲဒီလို မပြောချင်ဘူးဆိုရင်တော့ လုံခြုံရေးကို ဖုန်းဆက်ပြီး အခန်းနံပါတ် ဘယ်လောက်ကတော့ ဆူညံနေပါတယ်လို့ ပြောလိုက်ပေတော့။ လုံခြုံရေးဝန်ထမ်းက အဲဒီအခန်းကို သူ့ဘာသာသူ သွားပြောပါလိမ့်မယ်။ ငါပြောတာတွေလည်း အတော်ရှည်သွားပြီမို့ စာကို ဒီနေရာမှာတင် ရပ်ကြရအောင်။ မင်းအနေနဲ့ အခုပြောခဲ့တဲ့ အချိန်သတ်မှတ်ချက်တွေကို ရှင်းရှင်းလင်းလင်း ဖြစ်စေဖို့ အနှစ်ချုပ်အနေနဲ့ အောက်မှာ ဖော်ပြပေးလိုက်တယ်။

စာကြည့်တိုက်
တနင်္လာ မှ သောကြာ - မနက် ၈း၃၀ မှ ည ၁၁း၄၅ ထိ
စနေ၊ တနင်္ဂနွေ  -  မွန်းတည့် ၁၂း၀၀ မှ ည ၁၁း၄၅ ထိ

အားကစားခန်းမ
မနက် ၇း၀၀ မှ ည ၁၂း၀၀ အထိ

အဆောင်နေသူများအတွက် QUIET Policy
တနင်္ဂနွေ မှ ကြာသပတေး - ည ၁၁း၀၀ နာရီနောက်ပိုင်း
သောကြာ၊ စနေ    -          ည ၁၂း၀၀ နာရီနောက်ပိုင်း

နောက်စာတွေကျမှ အခြားသော အချိန်သတ်မှတ်ချက်တွေအကြောင်း ဆက်ပြောကြသေးတာပေါ့။ ရွှင်လန်းချမ်းမြေ့ပါစေကွာ...။
( Ichiro Nyanmyokyaw @ IUJ )