အိုင်ယူဂျေမှ ရေးတဲ့စာ (၃)

သူငယ်ချင်း...၊
အလုပ်တွေနဲ့ မအားတဲ့ကြားကနေ ငါ့ဆီကို တကူးတက အီးမေးလ်ပို့တဲ့အတွက် ကျေးဇူးတင်ပါတယ်။ ငါ့စာတွေဖတ်ပြီး သဘောကျတယ်လို့ ရေးထားတဲ့အတွက်လည်း ကျေနပ်မိ၊ ပီတိဖြစ်မိပါတယ်။ မင်းအနေနဲ့ ငါတို့တက္ကသိုလ်မှာ လာရောက်ပညာသင်ကြားရမှာကို အရမ်းရင်ခုန်နေတယ်၊ အရမ်းတက်ကြွနေတယ်ဆိုတာ မင်းရေးထားတဲ့ စာတွေထဲမှာ အတိုင်းသား မြင်နေရတာမို့ ငါဝမ်းသာမိတယ်။ အထူးသဖြင့် မင်းတက်ရမယ့် နိုင်ငံတကာဆက်ဆံရေး ဘာသာရပ်နဲ့ ပတ်သက်ပြီး ဘယ်လိုဘာသာရပ်တွေ သင်ကြားပေးသလဲ၊ ဘာတွေကြိုတင်ပြင်ဆင် လာရမလဲ၊ ဘာစာအုပ်စာတမ်းတွေ လိုအပ်မလဲလို့ မေးလာတဲ့အတွက် ပိုပြီးတော့ ကျေနပ်မိတယ်။ ဒါမှ ငါ့သူငယ်ချင်းကွ ဆိုပြီးတော့လည်း စိတ်ထဲမှာ ကြုံးဝါးမိတယ်။ ဒီလိုလူမျိုးနဲ့ သူငယ်ချင်းဖြစ်ရတာကိုလည်း ဂုဏ်ယူမိတယ်။ ငါတို့တွေ ဒီနိုင်ငံ၊ ဒီတက္ကသိုလ်ကို လာရောက်ရခြင်းရဲ့ အဓိကရည်ရွယ်ချက်ဟာ ပညာသင်ကြားဖို့ဆိုတဲ့ ခံယူချက်ထားတဲ့နေရာမှာ မင်းနဲ့ငါဟာ စိတ်ချင်းဆက်အမြွှာတွေလား အောက်မေ့ရပါတယ်။ သိပ်ပြီးတော့လည်း ကိုယ့်ကိုယ်ကိုယ် ဖိအားမပေးပါနဲ့ကွာ။ IUJ ကို လာဖို့အတွက် ဘာတွေပြင်ဆင်လာရမလဲ ဆိုတဲ့မေးခွန်းကို အတိုဆုံးဖြေစမ်းပါလို့ ငါ့ကိုများ တစ်ယောက်ယောက်က မေးလာခဲ့မယ်ဆိုရင် အချိန်မဆိုင်းဘဲ တစ်ခွန်းပဲ ငါပြန်ဖြေပေးလိုက်မယ်။ "ကြိုးစားမယ်၊ ဖြစ်အောင်လုပ်မယ်ဆိုတဲ့ စိတ်ဓာတ်တစ်ခုပဲ ယူလာခဲ့ပါ" လို့။ ငါ့အယူအဆကတော့ ကျန်တဲ့အရာတွေအားလုံး ပြည့်စုံနေပြီး ကြိုးစားချင်စိတ် ပျောက်ဆုံးနေတဲ့ ကျောင်းသားဆိုတာ ခန္ဓာကိုယ်အချိုးအဆက် ပြောစရာမရှိ၊ ထိရက်စရာမရှိ မြင်သူတကာငေးအောင် ချောမောလှပ၊ တန်ဖိုးကြီးလက်ဝတ်လက်စားတွေ အပြည့်အစုံ ဆင်မြန်းပေးထားပြီး ၀တ်ကောင်းစားလှတွေ ၀တ်ဆင်ပေးခြင်း ခံထားရပေမယ့် အသက်မဲ့နေတဲ့ အလောင်းကောင်တစ်ခုပါပဲ။ အဲဒီတော့ ကြိုးစားချင်စိတ်တစ်ခုသာ ပါလာအောင် ယူခဲ့ပါကွာ။ ပြောမယ့်သာ ပြောရတာပါလေ.. ကြိုးစားချင်စိတ်ဆိုတာ မင်းနဲ့အတူ အမြဲတမ်း မခွဲမခွာ ရှိနေပြီးသားအရာမို့ ငါမမှာရင်လည်း ပါလာမယ်ဆိုတာ ယုံကြည်ထားပြီးသားပါ။ သင်ကြားရတဲ့ ဘာသာရပ်တွေနဲ့ ပတ်သက်ပြီး သီးသန့်စာတစ်စောင် ရေးပါ့မယ်။ ဒီစာမှာတော့ ပေါ့ပေါ့ပါးပါးလေးတွေပဲ ရေးပါရစေ။ အရင်စာထဲမှာ ငါပြောခဲ့တဲ့အတိုင်းပဲ ငါတို့တက္ကသိုလ်ဟာ တောကြိုအုံကြားမှာ ထည်းတည်းကြီး တည်ရှိနေတဲ့ သီးသန့်နေရာလေးတစ်ခုပေါ့ကွာ။ အဲဒါနဲ့ ပတ်သက်ပြီး နောင်တော်ကျောင်းသားတွေ အစဉ်အဆက်က နောက်ပြောင်ခဲ့ကြတာ ရှိတယ်ကွ။ IUJ ရဲ့ မူလအဓိပ္ပါယ်က International University of Japan ပေါ့ကွာ။ ဒါပေမယ့် ကျောင်းသားတွေရဲ့ အဓိပ္ပါယ်ဖွင့်ဆိုချက်ကျတော့ တစ်မျိုးဖြစ်သွားပြန်ရော။ I & U in the Jungle (တောကြီးမျက်မည်းထဲမှာ မင်းနဲ့ငါ) လို့ ပြောကြသလို၊ I & U in the Jail (အကျဉ်းထောင်ထဲမှာ မင်းနဲ့ငါ) လို့လည်း နောက်ပြောင် ပြောဆိုတတ်ကြတယ်။ တက္ကသိုလ်ဝန်းကျင်မှာ လယ်ကွင်းကြီးတွေ၊ တောင်တန်းကြီးတွေ၊ တောအုပ်ကြီးတွေပဲ ရှိတာဖြစ်လေတော့ အဲဒီလို ပြောကြမယ်ဆိုရင်လည်း ပြောသင့်ကြပါတယ်လေ။ ဆောင်းတွင်းမှာကျတော့ ကြည့်လေမြင်လေရာ ပတ်ပတ်လည်မှာ ဖွေးဖွေးဖြူတဲ့ နှင်းတွေနဲ့ ပိန်းအုပ်နေသလို၊ နည်းနည်းလေးပူလာတော့လည်း ဘယ်ကထွက်လာမှန်းမသိတဲ့ မြွှေတွေကြောင့် စိတ်ညစ်ရတာမို့ ထောင်အဖြစ်၊ ဂနိုင်အဖြစ် ချစ်စနိုးနဲ့ တင်စားကြတာ အပြစ်တော့ မဆိုသာပါဘူးလေ။ ကမ္ဘာ့စီးပွားပျက်ကပ်နောက်ပိုင်း ခက်ခဲသွားတဲ့ ရန်ပုံငွေ အခြေအနေအရ တက္ကသိုလ်မှာ ဟိုးအရင်တုန်းက ရှိခဲ့၊ ပေးခဲ့ဖူးတဲ့ ၀န်ဆောင်မှုတွေ ပျောက်ဆုံးသွားတယ်လို့ ရှေ့မီနောက်မီ ဆရာတွေက ပြောပြကြတာမို့ အရင်တုန်းက တက္ကသိုလ်ကြီးကိုတောင် လွမ်းမိပါသေးတယ်။ အခြားလူတွေရဲ့အမြင် ဘယ်လိုရှိမယ်ဆိုတာ မသိပေမယ့် ငါ့တစ်ယောက်တည်းရဲ့ အမြင်အရဆိုရင်တော့ အခုအချိန်အထိ IUJ ရဲ့ နာမည်ဂုဏ်သတင်းကို ထိန်းထားနိုင်သေးတယ် ဆိုတာဟာ နိုင်ငံတကာအဆင့်မီ သင်ရိုးတွေနဲ့ ထက်မြက်တဲ့ ပါမောက္ခတွေကြောင့်လို့ ဆိုချင်တယ်။ ဒီတက္ကသိုလ်မှာ ပညာရပ်အသီးသီးကို သင်ကြားပို့ချပေးနေကြတဲ့ ပါမောက္ခတွေ၊ ဧည့်ပါမောက္ခတွေ အားလုံးဟာ အမေရိကနဲ့ ဥရောပက နာမည်ကြီးတက္ကသိုလ်တွေကနေ ပါရဂူဘွဲ့ ရလာခဲ့ကြသူတွေချည်း ဖြစ်ကြတယ်။ သူတို့ကိုယ်တိုင် ထူးချွန်ထက်မြက်သူတွေ ဖြစ်ကြလေတော့ ကိုယ်တိုင်တိုးတက်အောင် ကြိုးစားနေကြသလို သူတို့တပည့်တွေကိုလည်း သင်ကြားနည်းစနစ် ပေါင်းစုံနဲ့ တတ်ကျွမ်းနားလည်အောင် သင်ကြားပေးနေကြပါတယ်ကွာ။ င့ါစာကို နိဂုံးချုပ်ရရင် တပည့်တွေ စိတ်ညစ်လောက်အောင် အမြဲတမ်း ဦးနှောက်မုန်တိုင်းဆင်တတ်တဲ့ ဒီတက္ကသိုလ်က ပါမောက္ခတွေနဲ့ ကြုံခဲ့ဖူးသမျှ ဆရာတိုင်းကို တသသဖြစ်ကျန်ခဲ့အောင် အမြဲတမ်းလုပ်နိုင်ခဲ့တဲ့ ငါ့သူငယ်ချင်းတို့ တွေ့ဆုံတဲ့အခါ ဘယ်လိုတွေ ဆက်ဖြစ်ကြမလဲဆိုတာကို ကမ္ဘာ့ဖလားဗိုလ်လုပွဲကို စိတ်ဝင်စားတာထက်တောင် ပိုပြီးတော့ စိတ်ဝင်စားတဲ့ ရင်ခုန်မှုတွေနဲ့ ကြိုတင်တွေးတောရင်း စိတ်လှုပ်ရှားနေမိတယ် ဆိုတာပါပဲ။ မင်းရောက်လာမယ့် နေ့ရက်ကို မစောင့်နိုင်အောင်ပါပဲ။
မင်းဆီကို စာတွေဆက်ရေးပါဦးမယ်။ အခုတော့ ဒီနေရာမှာ ရပ်နားပါရစေဦး။
 ( Ichiro Nyanmyokyaw @ IUJ )