အိုင်ယူဂျေမှ ရေးတဲ့စာ (၁)

သူငယ်ချင်း...၊
ငါ အခုတက်နေတဲ့ တက္ကသိုလ်ကို နောက်နှစ်မှာ မင်းလာတက်မယ်လို့ သိရတဲ့အတွက် ၀မ်းသာမိတယ်။ ပြီးခဲ့တဲ့နှစ် ငါတို့ လာတဲ့အချိန်ကတည်းက အတူတူလာခဲ့မယ်ဆိုရင် စိတ်တူကိုယ်တူ နှစ်ယောက်သား ဘယ်လောက်များ အတွဲညီညီနဲ့ ပညာသင်ကြားလို့ ကောင်းလိုက်လေမလဲလို့ တွေးမိတယ်။ ဒါပေမယ့် အဲဒီလိုသာ နှစ်ယောက်အတူ လာခဲ့မယ်ဆိုရင် ငါတို့နှစ်ယောက်လုံး ကိုယ့်မှာရှိတဲ့ အစွမ်းအစတွေကို ထင်သလောက် အသုံးချနိုင်လိမ့်မယ် မဟုတ်ဘူးလို့လည်း တွေးမိတယ်။ မင်းကျွမ်းကျင်တယ်လို့ ငါသိထားတဲ့ နယ်ပယ်တွေနဲ့ ပတ်သက်လို့ တစ်ခုခုလုပ်မယ်ဆိုတိုင်း ငါ့အတွက် ဒွိဟစိတ်တွေ ဖြစ်ရသလို၊ ငါကျွမ်းကျင်တယ်လို့ မင်းယုံကြည်တဲ့ နယ်ပယ်တွေမှာလည်း မင်းအနေနဲ့ လုပ်ကိုင်ဆောင်ရွက်ဖို့ မယုံမရဲ ဖြစ်နေလိမ့်မယ်လို့ ငါထင်မိတယ်။ အခုတော့ မင်းသိတဲ့အတိုင်းပဲ မင်းမပါဘဲ ငါတစ်ယောက်တည်းဆိုတော့ ပြီးခဲ့တဲ့ စာသင်နှစ်တစ်ခုလုံး ငါစိတ်ထဲမှာ လုပ်ချင်တာတွေ အကုန်လုံးကို အကောင်အထည်ဖော် ဆောင်ရွက်နိုင်ခဲ့တယ်။ အောင်မြင်တယ်၊ မအောင်မြင်ဘူးဆိုတဲ့ ပေတံတွေနဲ့ တိုင်းတာမယ်ဆိုရင်တော့ ဘယ်လိုရှိမယ် မသိပေမယ့် ငါစိတ်ကူးထားတဲ့အတိုင်း၊ ငါစိတ်ဆန္ဒရှိတဲ့အတိုင်း ဆောင်ရွက်နိုင်ခဲ့တဲ့အတွက် ငါကဖြင့် ကျေနပ်မိတယ်။ လူမှုပေါင်းသင်းဆက်ဆံရေးမှာ ရှောင်လွှဲမရတဲ့ အခက်အခဲအချို့ ကြုံတွေ့ခဲ့ရလို့ စိတ်ညစ်ခဲ့ရတာကလွဲရင် ပြီးခဲ့တဲ့ စာသင်နှစ်တစ်ခုလုံးကို ငါကျေနပ်မိတယ်။ ငါတို့တက္ကသိုလ် IUJ ကို မင်းလာတက်မယ်လို့ သိရတဲ့အတွက် ပျော်ရွှင်ရတဲ့ ခံစားမှုကို ပြောပြဖို့ ခက်တယ်။ ဒါပေမယ့် ငါတို့နိုင်ငံရဲ့ဂုဏ်၊ ငါတို့အဖွဲ့အစည်းရဲ့ဂုဏ်ကို စွမ်းစွမ်းတမံ မြှင့်တင်မယ့် ကျောင်းသားတစ်ဦးအနေနဲ့ မင်းကို မျှော်လင့်နေမိတာကိုတော့ ငါဝန်ခံတယ်။ သိပ်မကောင်းလှတဲ့ ငါ့ရဲ့ အင်္ဂလိပ်စာစွမ်းရည်ကြောင့် ငါ့အနေနဲ့ စိတ်သွားတိုင်း ကိုယ်မပါနိုင်ခဲ့တဲ့ အရာတွေကို မင်းအနေနဲ့ အတိုးချပြီး အစွမ်းပြနိုင်မယ်ဆိုတာ ငါသေချာပေါက် သိရှိ ယုံကြည်နေမိတယ်။ နိုင်ငံတကာဆက်ဆံရေး ဘာသာရပ်ဆိုတာ ဒီတက္ကသိုလ်မှာ ဒိတ်ဒိတ်ကြဲ ပါမောက္ခတွေနဲ့ စနစ်တကျ မသင်ကြားရခင်ကတည်းက ငါတို့တွေ ရူးသွပ်စွာ လေ့လာဖတ်မှတ် ဆည်းပူးနေခဲ့တဲ့ ပညာရပ်တစ်ခု ဖြစ်လေတော့ ဒီလိုတက္ကသိုလ်မှာ အဲဒီဘာသာရပ်ကို ၂ နှစ်တာကာလ ဆရာကောင်းတွေနဲ့ သင်ယူလေ့လာ ဆည်းပူးခွင့်ရခြင်းဆိုတာ ငါ့အတွက်သာ မဟုတ်ဘူး၊ မင်းအတွက်ပါ ဘုရားပေးတဲ့ ဆုလာဘ်တစ်ခု ဖြစ်မယ်ဆိုတာ အသေအချာပါပဲ။ အဲဒီလို သင်ကြားခွင့်ရခြင်းအပြင် နောက်ထပ် အဖိုးမဖြတ်နိုင်တဲ့ ဆုလာဘ်တစ်ခုကတော့ မင်း အမြဲတမ်း မျှော်လင့်တောင့်တတတ်တဲ့ ကိုယ်ပိုင်အချိန်တွေကို ကိုယ်တိုင်စီမံခန့်ခွဲပိုင်ခွင့်ရှိခြင်း ဆိုတာပါပဲ။ သင်ခန်းစာချိန်တွေနဲ့ မသွားမဖြစ် တွေ့ဆုံမှုတွေကလွဲရင် ကျန်တဲ့အချိန်အားလုံးကို မင်းပိုင်တယ်။ မင်းရောငါရောဟာ စာနဲ့စာသာ လုပ်စရာလို့ ခံယူကြသူတွေ မဟုတ်တဲ့အတိုင်း အခြားသော ပြင်ပအပိုအလုပ်တွေကို စိတ်တိုင်းကျ လုပ်ခွင့်ရှိတဲ့ဘ၀ဟာ ဘယ်လောက်များ ကျေနပ်စရာ ကောင်းမလဲဆိုတာ မင်းနားလည်မယ်လို့ ငါအသေအချာ ယုံကြည်တယ်။ ကမ္ဘာမှာ ဒုတိယအမြန်ဆုံး အင်တာနက်ဆက်သွယ်မှုစနစ်ရှိတဲ့ ဒီနိုင်ငံမှာ မင်းအနေနဲ့ ကမ္ဘာ့ရွာကြီးထဲကနေ မထွက်နိုင်အောင် မအိပ်မစားဘဲ တ၀ဲလည်လည် ဖြစ်နေမှာကိုလည်း ငါမြင်ယောင်နေမိပါရဲ့။ ဒါ့အပြင် ဘောလုံး၊ ဘောလီဘော၊ ဘတ်စကတ်ဘော၊ ကြက်တောင်၊ တင်းနစ်၊ စားပွဲတင်တင်းနစ်၊ အပြေး စတဲ့ အားကစားနည်းတွေကို မင်းစိတ်တိုင်းကျ လေ့ကျင့်ကစားခွင့် ရမယ့်အပြင် မင်းရဲ့ခန္ဓာကိုယ် ကြံ့ခိုင်လှပမှုအတွက် လေ့ကျင့်ကစားနိုင်မယ့် အားကစားပစ္စည်းအစုံအလင်နဲ့ အားကစားခန်းမလည်း ရှိပါလေရဲ့ဗျာ။ အင်း... ပြောရမယ်ဆိုရင်တော့ ပြောမဆုံးပေါင် တောသုံးထောင် ဖြစ်မှာပေါ့လေ။ ငါ့စာကို နိဂုံးချုပ်ရရင် "မြန်မာဆိုတာ ဒီလိုကွ" ဆိုပြီး လက်မထောင်ပြီး ဂုဏ်ယူရမယ့် ကျောင်းသားတစ်ဦးအဖြစ် ရောက်လာမယ့်မင်းကို ငါ စိတ်လှုပ်ရှားစွာနဲ့ စောင့်ကြိုနေတယ် ဆိုတာပါပဲ။

မင်းဆီကို စာတွေ ဆက်ရေးမယ်။ အခုတော့ ခေတ္တနားပါရစေဦး။
( Ichiro Nyanmyokyaw @ IUJ )