New Year Resolution

. . . ဒီစိတ်ကူးနဲ့ စပြီး မိတ်ဆက်ပေးခဲ့တာတော့ ဗိုလ်ကောင်းတို့ကို သားတွေလို ချစ်တဲ့ ဗိုလ်ကောင်းတို့ကလည်း အမေလိုချစ်တဲ့ ဆရာမကြီး ဒေါ်ဝင်းရှီရှို ဖြစ်ပါတယ်။ တီချယ်ဝင်းက အင်္ဂလိပ်စာ စွမ်းရည်လေးခု သင်တဲ့အခါ စကားပြောစွမ်းရည်အတွက် ခေါင်းစဉ်တွေပေးပြီး အခါအားလျော်စွာ အတန်းရှေ့ ထွက်ပြောခိုင်းတတ်ပါတယ်။ အရင်ကတော့ ဒီအကြောင်းအရာမျိုး တစ်ခါမှ မကြားဖူးပါဘူး။ တီချယ်ဝင်း မိတ်ဆက်ပေးလို့သာ နှစ်သစ်အဓိဌာန်ဆိုတာမျိုး ထားရကောင်းမှန်းသိပြီး အမြဲတမ်းလည်း ချမှတ် ကျင့်သုံးဖြစ်တာဖြစ်တဲ့အတွက် တီချယ်ဝင်းကို အများကြီး ကျေးဇူးတင်ပါတယ်။
. . . မြန်မာလို နှစ်သစ်အဓိဌာန်ပဲ ဆိုကြပါစို့။ ငါသည် ဒီနေ့မှစ၍ ဒီတစ်နှစ်အတွင်း ဘာလုပ်မယ်ညာလုပ်မယ်။ ဆင်ဖမ်းမယ် ကျားဖမ်းမယ်ပေါ့ဗျာ။ ကျွန်တော်ကတော့ တီချယ်ဝင်း ရဲ့ စကားပြောသင်ခန်းစာ ပြီးကတည်းက နှစ်တိုင်းလိုလို နှစ်သစ်အဓိဌာန်တွေ ချမှတ်ပြီး ကိုယ့်ကိုယ်ကို တည်ဆောက်ပြုပြင် မြန်ပြည်တစ်ခွင် လုပ်လာခဲ့တာ အခုဆိုရင် ဆယ့်သုံးနှစ်တောင် တိုင်ခဲ့ပြီပေါ့ဗျာ။ အခု ဒီစာကို မရေးခင် ကျွန်တော့်ရဲ့ မှတ်စုတွေ သိမ်းထားတဲ့ ဘလော့ထဲ ၀င်ကြည့်မိတော့ ကိုယ်ကိုယ်တိုင် လိုက်နာစောင့်ထိန်းဖို့ ချမှတ်ခဲ့တဲ့ အဓိဌာန်တွေထဲမှာ လေးလေးနက်နက် စကားလုံးကြီးကြီးတွေ ပါသလို ပေါ့ပေါ့ပါးပါး ကိစ္စလေးတွေလည်း ပါခဲ့တာကို တွေ့မိပါတယ်။ ဥပမာ ပြောရရင် လမ်းလျှောက်တာ တအားမြန်လို့ လမ်းလျှောက်တဲ့အခါ ခုန်ဆွခုန်ဆွ ဖြစ်နေတယ်လို့ သူငယ်ချင်းတွေက ပြောကြလွန်းလို့ ငါသည် အိနြေ္ဒရရ လမ်းလျှောက်ပါမည်။ အထူးသဖြင့် တက္ကသိုလ်ဝင်းထဲတွင်လည်းကောင်း မိန်းမချောလေးများ ရှေ့တွင်လည်းကောင်း အထူးအိနြေ္ဒရစွာ လမ်းလျှောက်ပါမည် ဆိုပြီး ကိုယ့်ကိုယ်ကို စည်းကမ်းထုတ် ပြုပြင်ခဲ့ရဖူးတယ်ဗျ။ နောက်တစ်ခုက ကျွန်တော်ကိုယ့်ကိုယ်ကို ပြုပြင်ဖို့ လိုအပ်ချက်လို့ ထင်မိတဲ့ ကိစ္စတစ်ခုကိုလည်း အဓိဌာန်နဲ့ ထိန်းသိမ်းခဲ့ဖူးတယ်။ တစ်ခုခုဆို ကျွန်တော်က ဒေါသကြီးတတ်တယ် ပြီးတော့ စိတ်ထဲမှာ ရှိရင် ရှိသလို မတိုင်းမဆ ပြောပြောမိတတ်လို့ နောက်ကျမှ စိတ်မကောင်းတွေဖြစ်ပြီး ပြန်တောင်းပန်ရ ပြန်ချော့ရ မိတ်တွေပျက်ရတွေလည်း ဖြစ်ဖြစ်နေတာလေးတွေကို လျော့နည်းသွားအောင်ဆိုပြီး ငါသည် ယနေ့မှစ၍ တစ်နှစ်အတွင်း စိတ်လိုက်မာန်ပါ မလုပ်တော့ပါ ဆိုပြီး လည်း အဓိဌာန်ဖူးတယ်ဗျ။ နောက်ဥပမာ တစ်ခုပေးရရင် အားကစားမလုပ်ဖြစ်လို့ နေ့စဉ်ပုံမှန် အပြေးလေ့ကျင့်ပါမည်ဆိုပြီး အဓိဌာန်ထားမိလို့ အဆောင်အောက် ဆင်းမပြေးချင်တာတောင် အဆောင်ကော်ရစ်ဒါမှာ ပတ်ပြေးနေရလို့ တစ်ဆောင်တည်းနေ သူငယ်ချင်းတွေ မေတ္တာပို့တာကိုလည်း ခံရဖူးသဗျ။ အဲသည်နှစ်က ရန်ကုန်တက္ကသိုလ်ပတ် အပြေးပြိုင်ပွဲမှာ ပထမရခဲ့သေးတယ်
. . . အဓိဌာန်တွေကတော့ အမျိုးမျိုးပေါ့လေ။ ကာယကံ စောင့်ထိန်းမယ့်အဓိဌာန်၊ ၀စီကံစောင့်ထိန်းမယ့် အဓိဌာန်၊ မနောကံ စောင့်ထိန်းမယ့်အဓိဌာန်၊ ကိုယ့်ကိုယ်ကို တားမြစ်တဲ့ အဓိဌာန်၊ ကိုယ့်ကိုယ်ကို တိုက်တွန်းတဲ့ အဓိဌာန်၊ မိသားစုနဲ့ ပတ်သက်တဲ့အဓိဌာန်၊ သူငယ်ချင်း အပေါင်းအသင်းနဲ့ ပတ်သက်တဲ့ အဓိဌာန်၊ သောက်ကျင့်လေးတွေနဲ့ ပတ်သက်တဲ့ အဓိဌာန် စသည်ဖြင့် အမျိုးမျိုးပေါ့။ အဓိဌာန်ပြီး လုပ်ရော လုပ်ရဲ့လားဆိုတာကတော့ ကိုယ့်အပေါ်နဲ့ ကိုယ့်ပတ်ဝန်းကျင်အပေါ်တော့ မူတည်သေးတာပေါ့။ ဒါပေမယ့် ဒီစာကို ဖတ်ရင်း အဲသည်လို နှစ်သစ်အဓိဌာန်လုပ်ချင်စိတ်ပေါက်သွားလို့ လုပ်တော့မယ်ဆိုရင် အဓိဌာန်အောင်ရာသော အချက်လေးတွေ ပြောပြမယ်ဗျ။
. . . ပထမဆုံး အရေးကြီးဆုံးအချက်က ကိုယ်လုပ်နိုင်တာကိုပဲ အဓိဌာန်ဖို့ပါ။ တကယ်လုပ်လို့ရတဲ့ လက်တွေ့ကျတဲ့ အဓိဌာန်မျိုးမှ တကယ်လုပ်ဖြစ်လိမ့်မယ်။ အဲသည် အဓိဌာန်ကို စာရွက်နဲ့ ချရေးဗျ။ သိပ်တော့ မများစေနဲ့။ ကျွန်တော်ဆိုရင် လေးချက် ငါးချက် အလွန်ဆုံးပဲ။ ကိုယ်တိုင် ပြုပြင်ယူရင်လည်း ရတယ်။ လိုက်နာစောင့်ထိန်းခြင်းအားဖြင့်လည်း ကိုယ့်အတွက် တကယ်အကျိုးရှိတယ်လို့ ယုံကြည်တဲ့ အချက်တွေထဲက လက်တွေ့အကျဆုံးနဲ့ တကယ် အလိုအပ်ဆုံး လေးငါးချက်လောက်ကို ရွေးပြီး စာရွက်ပေါ် ချရေးလိုက်။ ပြီးရင် နေ့တိုင်း ကိုယ်တိုင်မြင်နေရမယ့် နေရာမှာ အဲသည်စာရွက်ကို ကပ်ထားလိုက်ဗျ။ အဲဒါ ကိုယ့်ကိုယ်ကို သတိပေးနေသလိုပဲ။ အရေးကြီးတာ တစ်ခုက ပတ်ဝန်းကျင်ရဲ့ ပူးပေါင်းကူညီမှုကိုလည်း ယူဖြစ်အောင် ယူဗျ။ ကိုယ်နဲ့ အတူနေတဲ့ သူငယ်ချင်းတွေ ကိုယ်နဲ့ နီးနီးစပ်စပ် ဆက်ဆံ ပေါင်းသင်းနေတဲ့အထဲက လုပ်ငန်းခွင်ထဲက ကိုယ့်အဓိဌာန်ကို ပျက်ရယ်မပြုလောက်မယ့် သူတွေကို ကိုယ့်ကိုယ်ကိုယ် ဘာတွေလုပ်ဖို့ မလုပ်ဖို့ ပြုပြင်ဖို့ ဆုံးဖြတ်ထားတဲ့အကြောင်း သူတို့ကို အသိပေးထားဗျ။ အဲဒါဆို ဒီမိုကရေစီ စကားနဲ့ ပြောရရင် ထိန်းကျောင်းမယ့်သူတွေ ရှိသွားသလိုပဲ။ တကယ်ပြောတာ။ ကိုယ့်ကိုယ်ကို တိတ်တိတ်ကလေး ဆုံးဖြတ်ပြီး လုပ်နေတာနဲ့ စာရင် ဘေးပတ်ဝန်းကျင်ကပါ သိနေတော့ ပိုလိုက်နာဖြစ်တယ်ဗျ။ ဘာနဲ့ တူလဲ ဆိုတော့ ကိုယ့်အခန်းကိုယ် စာကြည့်တာနဲ့ စာကြည့်တိုက်ထဲ သွားထိုင်ကြည့်တာ ကွာသလိုပဲဗျ။ စာကြည့်တိုက်မှာက ဘေးမှာလည်း ကိုယ့်လို စာဖတ်တဲ့သူတွေ ရှိနေတော့ ဘယ်သူကမှ တကူးတက ကိုယ့်ကို စောင့်မကြည့်နေဘူး ဆိုတာတောင် ပိုပြီး ဖင်မြဲတယ်ဗျ။ ကိုယ့်အခန်းထဲမှာကိုယ်ဆို ရေထသောက်သလိုလို သီချင်းထဖွင့်သလိုလို၊ တံမျက်စည်းထလှည်းသလိုလိုနဲ့ ဂနာမငြိမ်တတ်ဘူးလေ။
. . . နောက်ပြီးရင် အခါအားလျော်စွာ ကိုယ့်ရဲ့ လိုက်နာလုပ်ဆောင်နိုင်စွမ်းအားကို ပြန်ပြန် သုံးသပ်ဖို့လည်း လိုသေးတယ်။ ဘယ်လောက် လိုက်နာနိုင်ခဲ့လဲ။ ဘယ်လောက် ပျက်ကွက်ခဲ့သလဲ။ လိုက်နာနိုင်တာ ဘာကြောင့်လဲ။ ပျက်ကွက်ခဲ့တာရော ဘာကြောင့်လဲ။ ဒီအကြောင်းဒီအကြောင်းတွေကြောင့် ဆိုတာ သိရင် ကိုယ့်အဓိဌာန် အောင်မြင်ဖို့အတွက် ဘယ်လိုရှေ့ဆက်လျှောက်ရမလဲဆိုတာ ပိုပြီး ရှင်းရှင်းလင်းလင်း မြင်ရတယ်ဗျ။
. . . တစ်ချို့က ပြောကြမှာပဲ။ ဒါလေး ပြုပြင်ဖို့များတော့ တစ်နှစ်မလိုပါဘူး။ တစ်လလောက် အလေ့အကျင့်လုပ်လိုက် ရတာပဲဆိုပြီး။ မှန်ပါသော်ကောဗျာ။ ဗိုလ်ကောင်း သူငယ်ချင်းတစ်ယောက်ဆို တစ်ပတ်တစ်ခါ အဓိဌာန်ချတယ်။ အဲသည်တစ်ပတ်အတွင်းမှာ အဲဒါကို သေချာ လိုက်နာတယ်။ တစ်ပတ်ပြည့်ရင် အဓိဌာန်အသစ်ချတယ် လိုက်လုပ်တယ်ပေါ့။ အဲသည်နည်းကလည်း တော်တော်လေး အလုပ်ဖြစ်တဲ့နည်းလို့ ဆိုရမယ်ဗျ။ အဲသည်သူငယ်ချင်းကဆို သူဘာလုပ်မယ်ဆိုတာ ကျွန်တော့်ကိုလည်း ပြောပြတယ်။ အနည်းဆုံး ကျွန်တော့်ရှေ့မှာတော့ သူစောင့်ထိန်းစရာကို စောင့်ထိန်းနိုင်တာတွေ့ရတယ်ဗျ။ အဲသည်နည်းက တော်တော် အောင်မြင်တယ်လို့လည်း ပြောပါတယ်။ ဒါကြောင့် နှစ်သစ် အဓိဌာန်အကြောင်း ပြောပြတယ် ဆိုပေမယ့် အပတ်စဉ် အဓိဌာန် လစဉ် အဓိဌာန် စသည်ဖြင့်လည်း လုပ်လို့ ရပါတယ်ဆိုတာ ပြောပြတာပါ။ တစ်ချို့ကျတော့လည်း မွေးနေ့ရောက်တိုင်း အဓိဌာန်လုပ်သတဲ့။ နောက်နှစ်မွေးနေ့မှာ ငါ့ကိုယ်အလေးချိန် ဘယ်လောက်ထက် မကျော်စေရဘူး စသည်ဖြင့်ပေါ့။
. . . ဗိုလ်ကောင်းလည်း ဒီနှစ်အတွက် နှစ်သစ်ကူး အထိမ်းအမှတ် ဘာအဓိဌာန်လုပ်ရရင် ကောင်းမလဲဆိုတာ စဉ်းစားနေတာ။ ဟိုဟာလေးဆို ကောင်းမလားလို့။ ဘာတဲ့ . . . ငါသည် ကျောင်းသူလှလှလေးများကို တွေ့သောအခါတိုင်း . . . . .
(Photo : "The Spring has come to my window)