. . . နွေဦးပွင့်ဝေတန်း ဖွင့်ပြီဆိုတော့ ပထမဆုံး လုပ်ရတဲ့အလုပ်က ဘယ်အတန်းတွေကို တက်ရင် ကောင်းမလဲ စဉ်းစားရတာပါပဲ။ စဉ်းစားတယ်ဆိုတာထက် မေးမြန်း စူးစမ်း စမ်းတက် လေ့လာ ဝေဖန် သုံးသပ် ဆုံးဖြတ်ရတာပါ။ အရင်အတန်းတွေတုန်းကတော့ အိုင်အာကျောင်းသားတွေ မယူမနေရ ဘာသာတွေ များတာရယ် ရွေးရတဲ့ ဘာသာရပ်ထဲမှာလည်း မယူမဖြစ် အရေးပါတဲ့ဘာသာတွေ ဖြစ်နေတာရယ်ကြောင့် ဘာသာရပ်ရွေးဖို့ သိပ်ခေါင်းမစားခဲ့ဘူး။ ဒီတစ်တန်းမှာတော့ မယူမနေရ လုံခြုံရေးနှင့် မဟာဗျူဟာ ဘာသာရပ် တစ်ခုပဲ ဆိုတော့ ခရက်ဒစ် ဆယ်ခုလောက်ရအောင် ကျန်တာ ဘယ်ဘာသာတွေ ယူရမလဲ ဆိုတာ စဉ်းစားရပါတော့တယ်။
. . . ဘာသာရပ် ရွေးချယ်တာကလည်း စိတ်ဝင်စားစရာတော့ အကောင်းသားဗျ။ ကိုယ်ယူချင်တဲ့ ဘာသာရပ်တွေက အချိန်ဇယား တိုက်နေသလား ကြည့်ရတယ်။ အချိန်ဇယား တိုက်နေတဲ့ ဘာသာရပ်တွေ တစ်ပြိုင်တည်းတက်ဖို့ဆိုတာ ဖြစ်မှ မဖြစ်တာကိုး။ အချိန်ဇယား မတိုက်ဘူးဆိုရင် အတန်းတက်ရမယ့် ရက်တွေ အချိန်တွေ ကြည့်ရတယ်။ တစ်ရက်ကို တစ်ဘာသာလောက် တက်ရရင်တော့ အကောင်းဆုံးပေါ့ဗျာ။ တစ်ခါတစ်လေလည်း တစ်ရက်တည်း နှစ်ဘာသာ တက်ရတဲ့ ရက်တွေရှိပါတယ်။ နည်းနည်းတော့ ပြိုင်းတာပေါ့။ နောက်ပြီး ကိုယ်စိတ်ဝင်စားတဲ့ ဘာသာရပ်ကို ဘယ်သူသင်သလဲ။ ဘယ်လို သင်သလဲ။ ဘယ်လို အမှတ်ပေးသလဲ။ ဟဲ ဟဲ အဲဒါကလည်း အရေးကြီးသဗျို့။ တစ်ချို့ ပါမောက္ခတွေက စာတွေလည်း နင်းကန် ဖတ်ခိုင်းတယ်။ အခန်းထဲမှာ လုပ်ရမယ့် အစီအစဉ်တွေလည်း အပြည့်။ တင်ဆက်မှု လုပ်ရတယ်။ တန်းလယ် စာမေးပွဲဖြေရတယ်။ စာတမ်းလည်း တင်ရတယ်။ အတန်းဆုံးစာမေးပွဲလည်း ဖြေရတယ်။ အတန်းထဲမှာလည်း တက်တက်ကြွကြွ ဆွေးနွေးစေချင်တယ်။ အမှတ်ပေးကလည်း ကပ်စေးနဲသေးတယ်။ အဲလို ဆရာမျိုးဆိုလို့ကတော့ ဘာသာရပ်ကို သိပ်စိတ်ဝင်စားတယ် ဆိုရင်တောင် ဝေါင်ဝေါင်ရှေး ဝေးဝေးရှောင်ရတယ်။ ဒါပေမယ့်။ ဘယ်လောက်ပဲ ပွဲကြပ်တဲ့ ပါမောက္ခဖြစ်ဖြစ် မရှောင်နိုင်တာတွေလည်း ရှိတယ်ဗျ။ အထူးသဖြင့် ကိုယ့်စာတမ်း ကြီးကြပ်တဲ့ ပါမောက္ခအတန်းဆိုရင်တော့ ရှောင်ဖို့ ခပ်ခက်ခက်ပေါ့။ နောက်တစ်ခုက ကိုယ့်စာတမ်းနဲ့ တိုက်ရိုက်သက်ဆိုင်လို့ဆိုပြီး စာတမ်းကြီးကြပ်တဲ့ ပါမောက္ခက တက်စေချင်တဲ့ အတန်းမျိုးဆိုလည်း ရှောင်လို့ မရဘူးဗျ။ တစ်ချို့ကတော့ ပညာပါရမီပါတယ် ပြောရမလား ပညာ အဆစ်ရတယ်ပြောရမလားတော့ မသိ။ ခရက်ဒစ်လည်း မရ ဘာမရနဲ့ ကိုယ့်စာတမ်းကြီးကြပ်တဲ့ ပါမောက္ခ အတန်းတွေကို အကုန် လိုက်တက်ရတာမျိုးတွေလည်း ရှိသဗျ။ ကိုယ်ယူထားတဲ့ ခရက်ဒစ်ဆယ်ခု ဆယ့်တစ်ခုပေါ့ဗျာ အဲဒါကလည်း ပြည့်နေပြီ ဒါပေမယ့် ကိုယ့်ကျမ်းကြီးကြပ်သူ ပါမောက္ခ အတန်းတွေကိုလည်း အကုန်လိုက်တက်ပြီး ပို့ချချက်တွေ လိုက်နားထောင်၊ တစ်ချို့ဆို စာတမ်းဘာညာတောင် ရေးရတယ်ဆိုလား။ အရင်ဘ၀က ဈေးဝယ်ရင် အဆစ်တောင်းတာ အထုံပါခဲ့တဲ့ သူတွေထင်ပါရဲ့ဗျာ။ အတန်းတက်တာတောင် အဆစ်ရတယ်၊ ကံတွေများ ထူးချက်။
. . . ဘာသာရပ်ရွေးဖို့ ဘယ်လိုတွေ လေ့လာရသလဲ ဆိုရင် ပထမဆုံး ပါမောက္ခ တင်ထားတဲ့ သင်ခန်းစာအကျဉ်းချုပ်ကို အရင်ဝင်ကြည့်ရတယ်။ ဘာခေါင်းစဉ်တွေပို့ချမယ်။ ဘယ်စာတွေ ဖတ်ရမယ်။ ဘာတွေလုပ်ရမယ်။ လေ့လာခရီးထွက်ရမယ်။ အမှတ်ပေးစည်းမျဉ်းက ဘယ်လိုရှိတယ် စသည်ဖြင့်ပေါ့။ ဒါက သင်ခန်းစာအကျဉ်းချုပ်ကိုကြည့်ပြီး လေ့လာတဲ့အပိုင်း။ နောက်တစ်ပိုင်းက
ကျောင်းသားချင်း မေးမြန်းစူးစမ်းရတယ်။ အဲသည် ဆရာက ဘယ်လိုနေလဲ အမှတ်ပေးရက်ရောသလား။ ပို့ချချက်တွေ ရှင်းရှင်းလင်းလင်း ရှိရဲ့လား၊ အတန်းထဲမှာ စာတွေ သိပ်မေးသလား။ အတိုချုပ်တွေ အမြဲရေးခိုင်းသလား။ စာတမ်းစာလုံးရေ ဘယ်လောက်တင်ရလဲ၊ စာတမ်းတင်ဖို့ အချိန်ဘယ်လောက်ပေးလဲ စသည်ဖြင့်ပေါ့။ သူ့အတန်းတက်ဖူးတဲ့ ကျောင်းသားတွေ စီနီယာကျောင်းသားတွေကို မေးမြန်းကြည့်ရတာပေါ့။ တက်မယ်လို့ ကြံရွယ်ချက်ရှိတဲ့ အတန်းတွေကို ပထမဆုံး တစ်ပတ်တန်သည် နှစ်ပတ်တန်သည် လိုက်တက်ကြည့်ရတာ။ ဘာသာရပ်မှတ်ပုံတင်က ဒုတိယပတ်မှာ အပြီးတင်ရတာဆိုတော့ ပါမောက္ခရဲ့ သင်ကြားမှုကို လေ့လာဖို့ နှစ်ပတ်လောက်တော့ အချိန်ရတဲ့ သဘောပါပဲ။ ကြိုက်ပြီ ကိုယ်နဲ့လည်း ကိုက်တယ် ဆိုရင်တော့ ဆက်တက်ပေါ့လေ။ ကီးမကိုက်ဘူး ထင်ရင်လည်း ဆက်မတက်နဲ့ပေါ့။ အဲ ပါမောက္ခ သင်တာကိုလည်းကြိုက်တယ်။ အမှတ်ပေးစည်းမျဉ်းကိုလည်း သဘောကျတယ် ဆိုတာချင်းတူရင်တောင် ကျွန်တော့်ညီလေးတွေ ရွေးချယ်တဲ့ နည်းလမ်းတစ်ခု ရှိသေးသဗျ။ ( ဟဲ ဟဲ . . .ညီလေးတွေကို လွှဲချလိုက်ပြီနော်) အဲဒါကတော့ ဘယ်အတန်းက ကျောင်းသူလေးတွေက ပိုလန်းသလဲ ဆိုတာပါပဲ။
. . .ကျွန်တော် မောင်ဗိုလ်ကောင်းကတော့ နွေဦးပွင့်ဝေတန်းအတွက် ဘာသာရပ် လေးခု ယူမယ်လို့ စိတ်ကူးထားတယ်။ နက်ဖြန်ခါ အပြီးသတ် မှတ်ပုံတင်ရမယ့်ရက်။ ဘယ်ဘာသာတွေ ယူရင်ကောင်းမလဲ ဆိုတာ ခုထိ ခေါင်းစားတုန်း။ အတန်းတွေစုံအောင် လိုက်တက်ကြည့်ပြီး ဘယ်အတန်းက . . .
No comments:
Post a Comment