. . . သင်္ကြန်အကြောင်း ပြောကြစတမ်းဆိုရင်တော့ ဗိုလ်ကောင်းမှာလည်း လွမ်းစရာလေးတွေ အပုံကြီး ရှိပါသော်ကောဗျာ။ ပန်းပွင့်လေး မေမေကို ပြန်မပြောဘူး ဆိုရင်တော့ ဗိုလ်ကောင်းရဲ့ ဆယ်ကျော်သက် ရင်ခုန်သံလေးကို စမြုံ့ပြန်ပြချင်သဗျ။
. . . လွန်ခဲ့တဲ့ နှစ်ပေါင်း နှစ်ဆယ်နီးပါး တိတိကျကျပြောရရင်တော့ လွန်ခဲ့တဲ့ ဆယ့်ကိုးနှစ် ၁၉၉၆ မြန်မာ့ခရီးသွားနှစ်ရဲ့ နှစ်သစ်ကူး နှစ်ဆန်းတစ်ရက်နေ့မှာပေါ့ဗျာ။ နေရာကတော့ နေပြည်တော် ပျဉ်းမနားက နာမည်ကြီး လှေခွင်းတောင်ခြေက ပေါင်းလောင်းမြစ်ထဲမှာပေါ့။ ဆယ်တန်းဖြေပြီးလို့ စိတ်ရောလူရော အနားရနေတဲ့အချိန် အိမ်ကလည်း ခွင့်ပေးထားတဲ့အချိန်ဆိုတော့ ၀မ်းကွဲအစ်ကိုတွေရှိတဲ့ ပျဉ်းမနားမှာ အစ်ကို့သူငယ်ချင်းတွေနဲ့အတူ သင်္ကြန်ကို ကျော်ဖြတ်ကြတာ။ အဲသည် အစ်ကို့ သူငယ်ချင်းဆိုတာလည်း ယောက်ျားလေးရော မိန်းကလေးရောဗျ။ တော်တော်လည်း ချစ်ကြတဲ့ သူငယ်ချင်းတွေဗျာ။ အရင်ရက်တွေ လည်နေပတ်နေကြတုန်းကတော့ အဲသည်ကောင်မလေးကို သတိမထားမိဘူးဗျ။ နောက်ဆုံးနေ့ နှစ်ဆန်း တစ်ရက်နေ့ကျမှ သူ့ကို သတိထားမိတာ။
. . . ဇာတ်လမ်းက ဒီလို။ ဗိုလ်ကောင်းသူငယ်ချင်းဖြစ်လာတဲ့ အစ်ကို့သူငယ်ချင်းက လှေခွင်းတောင်ခြေ ပေါင်းလောင်းမြစ် တစ်ဘက်ကမ်းက သာယာဝှမ်းဆိုတဲ့ ရွာလေးမှာ နေတယ်။ နာမည်နဲ့လိုက်အောင်လည်း ရွာလေးက တကယ်ကို သာသာယာယာ ချစ်စရာလေးဗျ။ အဲသည်ရွာကို သွားမယ်ဆိုရင် ဒီဘက်ကမ်းက ကျည်တောင်ရွာနဲ့ ဆက်ထားတဲ့ သစ်သားတံတားလေးပေါ်ကနေ သွားလို့ရတယ်။ အဲသည်တံတားအောက်က စီးနေတဲ့ရေ ကျွန်တော်တို့တွေ ရေအမြဲသွားသွားချိုးကြတဲ့ ပေါင်းလောင်းမြစ်ရေ ကြည်နေ စိမ်းနေပုံများတော့ ခါးလည်လောက် မြုပ်တဲ့နေရာတောင်မှ ရေအောက်ကြမ်းပြင်က ကျောက်စရစ်ခဲလေးတွေကို မြင်ရတယ်။ ပြောရင်တော့ ပိုတယ်ထင်ကြလိမ့်မယ်။ သာယာဝှမ်းသား ကျည်တောင်သားတွေ မေးကြည့်။ မြစ်ဘေးက သောင်ပြင်ဖွေးဖွေးဆိုတာလည်း နေ့ခင်း နေပူပူမှာသာ မလှရင်ရှိမယ်။ မနက် နေထွက်တပြူ ညနေစောင်းနဲ့ လသာသာ ညများမှာ ဘယ်လောက်တောင် လှလိုက်လိမ့်မလဲဆိုတာ မှန်းသာကြည့်တော့။ လသာသာညတွေမှာ ပေါင်းလောင်းသောင်ခုံပေါ် သွားပြီး လေညင်းမခံဖူးပေမယ့် သာယာဝှမ်းသား သူငယ်ချင်း ညီအစ်ကိုတွေ ပြောပြတာ နားထောင်ရတာနဲ့တင်ကို တော်တော် ဟုတ်နေလှပြီ။
. . . အဲသည်နေ့က သူလေးလည်း ပေါင်းလောင်းမြစ်ရေထဲမှာ ရေလာကစားတယ်။ ရေကစားတာတော့ အသေးစိတ် မပြောပြတော့ဘူးဗျာ။ ရေစိုစိုမှာ ကျွန်တော် မြင်ခဲ့တာလေးတွေ ဖောက်သည်ချချင်တယ်။ သူဝတ်ထားတာ ကြက်သွေးရင့်ရောင် ၀မ်းဆက်။ လက်စကအင်္ကျီလေးမှာ လည်ပင်းက ပစောက်ပုံလေးနဲ့။ ဘာလို့ အသေးစိတ် အဲသည်လောက်တောင် မှတ်မိနေရလဲ အကြောင်းရှိတယ်ဗျ။ သူလေးက အသားလေးက ဖြူဖြူလေး။ နေပူထဲမှာ တစ်နေကုန် ရေဆော့တော့ အသားဖြူဖြူလေးက နေလောင်ပြီး အသားနီနီလေး ဖြစ်နေတာပေါ့ဗျာ။ အဲသည်မှာ သူ့လက်ကလေးတွေကို ပြတယ်ဗျ။ ပြတယ်ဆိုတာထက် ဒီလိုဗျာ။ ရေထဲမှာ ကျောက်စရစ်ခဲ ရောင်စုံလေးတွေကို ကျွန်တော်က သဘောကျပြီး ကောက်တော့ သူကလည်း ကောက်တယ်ဗျ။ အီဖေကိုယ်ကလည်း အကြံနဲ့ဆိုတော့ နင်နဲ့ငါနဲ့ ကျောက်စရစ်ခဲလေးတွေ တစ်ယောက်နဲ့တစ်ယောက် အပြန်အလှန် လက်ဆောင်ပေးကြမယ်ပေါ့။ ရော့နင်က အသားနီနီလေးဆိုတော့ အနီရောင်လေးယူ ဆိုတော့ ။ အမယ် သူများက မနီပါဘူးနော်တဲ့ အခု နေလောင်ထားလို့ အသားလေးတွေ နီနေတာ ဒီမှာကြည့် နဂိုအသားကဆိုပြီးတော့ ဘာလှန်ပြတယ်မှတ်တုန်း။ ပြောတာကို ဆက်ဖတ်အုံး ထင်ရာမြင်ရာတွေ လျှောက်တွေးမနေနဲ့အုံး။ သူ့အင်္ကျီ လက်စကလေး အစလေးကို နည်းနည်း လှန်ပြတယ်။ ဒီမှာ တွေ့လားတဲ့။ ဟုတ်ပါပြီဟာပေါ့။ ပြီးတော့ သူလည်း ကျွန်တော့်ကို ကျောက်စရစ်ခဲလေးတစ်လုံး လက်ဆောင်ပေးတယ်။ နင်က အသားညိုတဲ့သူဆိုတော့တဲ့ ဒီကျောက်ခဲ ညိုညိုလေး ယူထား တဲ့။ အဲသည်လို ကျောက်စရစ်ခဲ လက်ဆောင်လေးတွေ အပေးအယူလုပ်ရင်းနဲ့ သူ့ကုပ်ပိုးက မှည့်နီနီလေးတွေကို သတိထားမိသွားတယ်။ ဒါကြောင့် အဲသည်နေ့က သူလေး ၀တ်ထားတဲ့ အကျီင်္ဘယ်လိုပုံဆိုတာ မှတ်မိနေရတာပါဗျာ။
. . . နောက်ပိုင်းတော့ ခေတ်ကာလ ဆက်သွယ်ရေးစနစ်အတိုင်း သူ့ဆီကို ပန်းပုံလေးတွေ အသည်းပုံလေးတွေ အင်္ဂလိပ်ကဗျာအပိုင်းအစလေးတွေပါတဲ့ စာအိတ်ရောင်စုံ စာရေးစက္ကူရောင်စုံလေးတွေနဲ့ စာရေးတယ်ဗျ။ သူကတော့ စာမပြန်ပါဘူး။ ဖုန်းဆက်ရင်တော့လည်း ကောင်းကောင်းမွန်မွန် ပြန်ပြောသားဗျ။ ဘ၀ချင်းကလည်း ခြားခဲ့သကိုးဗျာ။ သူက ပျဉ်းမနားမြို့ပေါ်က အဖေဆရာဝန် အမေဆရာဝန်ရဲ့ ကြေးရေတတ်သမီးချော။ ဒီကမောင်က ပျဉ်းမနားဆိုတာ တစ်ခါတစ်လေမှ သွားခွင့်ကြုံရတဲ့ ဇနပုဒ် ကျေးတောသား။ ဘ၀ချင်းက တကယ်ကို ခြားခဲ့တာပါဗျာ။ ဘ၀ချင်း ခြားခဲ့ပေမယ့် သူပေးခဲ့တဲ့ ကျောက်စရစ်ခဲ အညိုလေးကတော့ ကျွန်တော့် အမှတ်တရလေးတွေ သိမ်းထားတဲ့ ကတီပါသေတ္တာလေးထဲမှာ ပေးခဲ့တဲ့ ရက်စွဲအချိန်နေရာမှတ်တမ်းစာရွက်လေးနဲ့တကွ အခုထိ ရှိနေတုန်းပါပဲ။
. . . ဒီလိုနဲ့ သူလေးရယ် ပေါင်းလောင်းမြစ်ကြီးရယ်နဲ့ ဝေးကွာခဲ့တာ နှစ်တွေ အတော်ကြာပေါ့။ လွန်ခဲ့တဲ့ လေးငါးနှစ်လောက်က သူငယ်ချင်းတွေ ဆုံကြရင်း လှေခွင်းတောင်ခြေက ပေါင်းလောင်းမြစ်ကမ်း သွားကြမယ့်အကြောင်း စပ်မိကြတယ်။ ဆယ်ကျော်သက်လေး မဟုတ်တော့ပေမယ့် ကျွန်တော် ရင်ခုန်မိတယ်။ တစ်ချိန်တုန်းက ကျွန်တော် ရင်ခုန်ခဲ့ဖူးတဲ့ ကျောက်စရစ်ခဲလေးတွေပေါ်က ရေကြည်ကြည်လေးတွေ စီးနေတဲ့မြစ်။ နေရောင်မှာများဆို ကြယ်လေးတွေ ပွင့်သလို တလက်လက်နဲ့ ဖိတ်ဖိတ်ထနေတဲ့ မြစ်။ ကျွန်တော်ရဲ့ အသည်းနှလုံးလေး နုနယ်စဉ်က ပုဇွန်ဆိတ်ကလေးလို တဆတ်ဆတ်ခုန်စေတဲ့ ကောင်မလေးနဲ့ ဆုံခဲ့တဲ့ မြစ်။ မြစ်ပေါ်က ဖြတ်တိုက်လာတဲ့ ရေကြည်နံ့သင်းတဲ့ လေညှင်းကလေးကိုများ ရှူမိရင် ပင်ပန်းသမျှတွေ ပြေပျောက်ခဲ့ရတဲ့မြစ်။ ဒီမြစ်နံဘေးမှာ နေခွင့်ရကြတဲ့ သာယာဝှမ်းနဲ့ ကျည်တောင်ကလူတွေကို မနာလို ဖြစ်ရလောက်အောင် သိပ်လှတဲ့မြစ်။ အခု အဲသည်မြစ်ကို တစ်ခေါက် သွားရတော့မယ်ဆိုတော့ အတော်အတန် ရင့်မာနေတဲ့ ကျွန်တော့် နှလုံးသားလေး တဆတ်ဆတ်နဲ့ ထခုန်တာ လွန်သလားဗျာ။
. . . ဒါပေမယ့် ဒါပေမယ့်ဗျာ
. . . ကျွန်တော်သိတဲ့ ပေါင်းလောင်းမြစ်ကြီးရဲ့ နုပျိုလန်းဆန်းတဲ့ အလှတွေနဲ့ အိပ်မက်ခဲ့ရတဲ့ ကျွန်တော် အဲသည်နေ့မှာပဲ အိပ်မက်က လန့်နိုးခဲ့ရတယ်။ မြစ်ကမ်းကိုဆင်းတဲ့ လမ်းရဲ့ မြင်ရခါနီးအကွေ့မှာ ရည်းစားနဲ့ချိန်းထားတဲ့ကောင်လေးလို ရင်ခုန်နေတဲ့ ကျွန်တော့်ကို အရင်ဆုံး နုတ်ဆက်လိုက်တာက လှောင်ထားလို့ အောက်သိုးသိုးဖြစ်နေတဲ့ ရေနံ့ဗျ။ မြစ်ကိုလည်း ဘွားကနဲ မြင်လိုက်ရရော ကျွန်တော် မယုံနိုင်လောက်အောင် ဖြစ်သွားမိတယ်။ မြစ်ကြမ်းပြင်က ကျောက်စရစ်ခဲလေးတွေကို မြင်ရလောက်အောင် ကြည်စိမ်းနေတဲ့ ပေါင်းလောင်းမြစ်ကြီးကို အလွမ်းတွေတဝေေ၀နဲ့ မျှော်လင့်ခဲ့မိတဲ့ ကျွန်တော် တကယ်မြင်လိုက်ရတာက အနယ်တွေဒင်းကြမ်းနဲ့ ရေစိမ်းနောက်နောက်တွေ စီးနေတဲ့ မြစ်ကြီးဗျ။ ကျွန်တော်သိပ်သဘောကျတဲ့ သောင်ခုံဖြူဖြူလေးကိုလည်း မတွေ့တော့ဘူး။ နောက်ဆုံးတော့ ကျွန်တော် တကယ်သိလိုက်ရပါတယ်။ ကျွန်တော်သိပ်ချစ်ခဲ့တဲ့ ကောင်မလေး မရှိတော့သလို ကျွန်တော်ရဲ့ နှလုံးသားထဲမှာ ကြည်ကြည်လင်လင် စီးနေတဲ့ ပေါင်းလောင်းမြစ်ကြီးလည်း မရှိတော့ပါဘူး။ အမှန်ကတော့ ကျွန်တော် ပေါင်းလောင်းမြစ်ကြီးကို သွားမကြည့်ခဲ့သင့်ဘူး။ အလာတုန်းက လမ်းမှာ တဂျိမ်းဂျိမ်းမောင်းနေတဲ့ ပေါင်းလောင်းရေအားလျှပ်စစ်စီမံကိန်း တံဆိပ်တပ်ထားတဲ့ ကားတွေကို တွေ့ရတတည်းက ကျွန်တော် သဘောပေါက်ဖို့ ကောင်းခဲ့တာ။
. . . ဗျာ . . .
ကောင်မလေးနာမည်တော့ မပြောပါရစေနဲ့တော့ဗျာ
ပန်းပွင့်လေးမေမေကို တွေ့ကတည်းက သူ့နာမည်ကို မေ့သွားတာ ခုထိပဲ
No comments:
Post a Comment