လှမေ

. . . ခုတစ်လော လှမေကိုပဲ သတိရရနေမိတယ်။ တိုက်ဆိုင်လို့လား ဆိုတော့လည်း မဟုတ်ဘူး။ လှမေနဲ့ ပတ်သက်တာလည်း တစ်ခုမှ ကြုံရကြားရတာ မရှိဘူး။ မရှိဆို လှမေနဲ့ နည်းနည်းလေးလောက် တူတာတောင်မှ ဒီအရပ်မှာ ရှိတာမဟုတ်။ ဒါနဲ့များ လှမေကို ဘာလို့ သတိရနေမိတာပါလိမ့်။
.
. . . ခါတိုင်းလည်း သတိရတဲ့အခါ ရှိပါတယ်။ ပန်းပွင့်လေး သိပ်ကြိုက်တဲ့ ဘာဘီကာတွန်းကားလေးထဲမှာ လှမေကို သတိရစရာလေးတွေရှိတယ်။ အခုတော့ ပန်းပွင့်လေးလည်း အနားမှာမရှိတော့ ဘာဘီကာတွန်းကားလည်း မရှိ၊ လှမေကို သတိရစရာလည်း မရှိ။ ဒါပေမယ့် လှမေကို ဘာကြောင့်များ သတိရရနေမိပါလိမ့် တွေးရခက်တယ်
.
. . . လှမေဆိုတာ အင်မတန်ချော အင်မတန်လှ အင်မတန် လိမ္မာတဲ့ ကိုပွကြီးရဲ့ သမီးလေးနာမည်။ ကိုပွကြီးကလည်း သူ့သမီးလေးဆို သိပ်ချစ်တဲ့ပုံပဲ။ ရိုက်ဟယ်နှက်ဟယ်ဆိုတာများ မမြင်ဖူးမကြားဖူး၊ တစ်ခါတစ်လေ ပြောမရ ဆိုမရ ဖြစ်ရင်တောင် သမီး လှမေ ဆိုပြီး လေအေးလေးနဲ့ ချော့လိုက်တာနဲ့ လှမေတို့က ချက်ချင်းကို လိမ္မာသွားတာ ဆိုတာမျိုး။ လှမေ ဆိုတဲ့ နာမည် ဘယ်သူပေးထားတာလဲ ဆိုတာတော့ မသိပေမယ့် နာမည်လိုပဲ ဒေါင်ကောင်းကောင်း ချောချောသန့်သန့်ကြီး။ လှမေဆိုတဲ့ နာမည်နဲ့ သိပ်လိုက်တယ်။
.
. . . လှမေ လှမေ နဲ့ တစ်လှမေတည်း လှမေနေတော့ လှမေဆိုတာ ရွာမှာ ကျန်ခဲ့တဲ့ ဗိုလ်ကောင်းရဲ့ ငယ်ကျွမ်းဆွေလေးတွေထဲက တစ်ယောက်လို့ ထင်နေအုံးမယ်။ ငယ်ကျွမ်းဆွေတော့ ငယ်ကျွမ်းဆွေပါ ဒါပေမယ့် လှမေက လူမဟုတ်ဘူးဗျ။ ကိုပွကြီးရဲ့ မြင်းမလေး နာမည်။ ကျွန်တော်တို့ရွာနီးချုပ်စပ်မှာ ရှိသမျှ မြင်းလှည်းတွေထဲမယ် ကိုပွကြီးမြင်းလှည်းလောက် စတိုင်ကျတဲ့ မြင်းလှည်း မရှိသလို ကိုပွကြီးသမီး လှမေလောက် ချောတဲ့ သန့်တဲ့ မြင်းလည်း မရှိဘူးဗျ။ မရှိဆို ကိုပွကြီးက ကိုယ်ကိုယ်တိုင်လည်း သန့်သန့်ပြန့်ပြန့်နေတဲ့ လူချောလူလှ ဖြစ်တဲ့အပြင် သူ့မြင်းကိုလည်း တကယ့်သမီးလေးလို သဘောထားတာကိုး။ ညနေတိုင် မြင်းလှည်းဖြုတ်ပြီးလို့ နားပြီလားဆိုရင် ကိုပွကြီးက ဘယ်သူခေါ်ခေါ် မလိုက်တော့ဘူးဗျ။ ဘာလို့လည်း ဆိုတော့ သူ့သမီး စပါးတွေစားထားတာ အစာမကျေသေးတော့ ပြေးလိုက်ရင် ဗိုက်ထဲမှာ စူးမှာစိုးလို့တဲ့။ သူ့သမီးကို အဲသလောက် အရိပ်တကြည့်ကြည့် ဂရုစိုက်မှတော့ လှမေ လှတာပတာ သခင့်စကား နားထောင်တာ အဆန်းလားဗျာ
.
. . . ကျွန်တော်တို့ ရှင်ပြုတော့ လှမေကို စီးချင်လို့ လုရသေးတယ်။ အလှူမတိုင်ခင် အစောကြီးကတည်းက ကြိုပြောထားရတာ။ ကိုပွကြီး အနော်ရှင်ပြုရင် လှမေကို စီးမှာနော်။ ကိုပွကြီးက မြင်းထိန်းလုပ်ဆိုပြီး။ တကယ်လည်း ရှင်ပြုတော့ လှမေကို စီးခဲ့ရပါတယ်။ ကိုပွကြီးကတော့ မိုးချုပ်မျက်မှန်နဲ့ ကော်လာပြား အကျီင်္ဖြူနဲ့ ပလေကပ်ပုဆိုးနဲ့ မြင်းထိန်းကြီးပေါ့။ အနီးအနား ရေနီလောက်ဘာလောက် သာရေးနာရေး ရှိရင်လည်း လေးငါးဆယ်ယောက် စုသွားမယ်ဆို ကိုပွကို ခေါ်ရတယ်။ ခရီးထောက်တဲ့အခါကျတော့ မြင်းပိန်မြင်းကတ်ဆိုရင် အလုပ်မဖြစ်ဘူးလေ။ လှမေလို လိမ္မာတဲ့မြင်းမျိုး ကိုပွကြီးလို စိတ်သဘောကောင်းတဲ့ မြင်းလှည်းသမားမျိုးမှ ခရီးဝေးခေါ်ရဲတာကလား။ နို့မဟုတ်ရင် လမ်းမှာ ကိုးတိုးကတ်တတ် လုပ်နေရင် ခက်ရချည်ရဲ့ ဆိုပြီး
.
. . . ကိုပွကြီးကလည်း ကိုပွကြီးပဲဗျ။ အသားညိုညို ပိန်ပိန် သွယ်သွယ် မျက်နှာချိုတဲ့အပြင် အားနေရင် သီချင်းလေး တညည်းညည်း လေကလေး တချွန်ချွန်နဲ့။ ဂီတနက်သန် ကိုစောညိမ်း သီချင်းတွေဆို ကိုပွကြီးရဲ့ အကြိုက်ဆုံးတွေထဲများ ပါမလားပဲ။ ငယ်ငယ်က အိမ်မှာ လေဒီယိုလေး တစ်လုံးပဲ ရှိတော့ သီချင်းတွေဘာတွေဆိုတာလည်း အကျအန သိပ်နားထောင်ဖြစ်တာ မဟုတ်။ ကိုပွကြီးကတော့ သီချင်းကို အသံနေအသံထားနဲ့ ဆိုလိုက် လေလေးချွန်ပြီး တီးလုံးလေးလိုက်လိုက် ဆိုတော့ ကိုပွကြီးတို့အိမ်မှာ သွားဆော့နေချိန် ကိုပွကြီးများ ရှိနေလို့ကတော့ သီချင်းသံလေးတွေ အကျအနကို နားထောင်ရတာ။ ရွာကြီးသူစံပယ်နွဲ့ ဆိုတဲ့သီချင်းကို ကိုပွကြီး ဆိုဆိုနေတာ အခုနေတောင် နားထဲမှာ ကြားယောင်နေမိပါသေးရဲ့
.
. . . ကိုပွကြီးကတော့ အေလာဘက်က အစ်မတစ်ယောက်နဲ့ အိမ်ထောင်ကျပြီး အေလာမှာပဲ လိုက်နေနေသလား၊ ကလေးတွေရော ဘယ်နှစ်ယောက်တောင် ရနေပြီလဲ၊ လှမေကြီးရော။ အခုနေ ရှိနေသေးရင် လှမေအသက်ကြီးလှရောပေါ့။ ဒီတစ်ခါ ကိုပွကြီးနဲ့တွေ့ရင် ကျွန်တော့်ရဲ့ ငယ်ကျွမ်းဆွေ လှမေကြီးအကြောင်း မေးအုံးမှပါ။ ဒီစာဖတ်မိတဲ့ သူတွေလည်း ကိုပွကြီး နဲ့ မိသားစု ကျန်းခန့်သာလို့ မာပါစေကြောင်း ကျွန်တော့်ရဲ့ မေတ္တာဆုတောင်းကို လက်ဆင့်ကမ်းပေးလိုက်ကြပါအုံးဗျာ

ဆနွင်းမကင်း စားချင်တယ်

. . . ငါးတန်းကျောင်းသားဖြစ်လို့ အထက်တန်းကျောင်းကြီးကို တက်ရတော့ အမေက တစ်နေ့ကို မုန့်ဖိုး တစ်ကျပ်ပေးတယ်။ တစ်ကျပ်ဆိုတာ ကျောင်းက ဒေါ်သန်းလှ မုန့်ဟင်းခါး တစ်ပွဲ စားလို့ ရပေမယ့် မကျွက် မုန့်ဟင်းခါးမှ မုန့်ဟင်းခါး ထင်နေတဲ့သူဆိုတော့ ဒေါ်သန်းလှရဲ့ တစ်ကျပ်တန်က ဘယ်လိုမှ ပါးစပ်ထဲ မတိုးဘူး။ တစ်ခြား ကိုယ်စားချင်တာ တစ်ခုရှိတယ်။ အဲဒါက အနည်းဆုံး ငါးကျပ်ဖိုးမှ ရောင်းတာဆိုတော့ တစ်ပတ်နေမှ တစ်ခါပဲ စားလို့ ရမှာ။ ဒါပေမယ့် ကိုယ်က သည်းခံပါတယ်။ အမေပေးတဲ့ မုန့်ဖိုးတစ်ကျပ်ကို အမေ့ ပြန်အပ်ထားပြီး ငါးရက်တစ်ဈေး ဈေးနေ့ကျမှ ဈေးထဲမှာ ဗန်းဝိုင်းကြီးတွေနဲ့ တည်ရောင်းတဲ့ ဆနွင်းမကင်းနဲ့ ကျောက်ကျောရောရာ ငါးကျပ်ဖိုး ၀ယ်ပေးဖို့ အမေ့ကို မှာပါတယ်။ အမေက ငါ့သား စားချင်ရင် အမေ၀ယ်ကျွေးပါ့မယ် တစ်နေ့တစ်ကျပ် မုန့်ဖိုးကို သုံးပါ ဆိုပေမယ့် မောင်နှမတွေကြားမှာ ဒီလို အခွင့်အရေးယူရင် မမျှတဘူး ထင်လို့ လက်မခံခဲ့ဘူး။ မုန့်ဖိုးတစ်ကျပ်ကို အမေ့ကို ပြန်အပ်သလို အမေကလည်း မမေ့မလျော့ ၀ယ်ဝယ်လာပေးပါတယ်။ နောက်ပိုင်းကျတော့ အမေ့ကို ဆနွင်းမကင်း ၀ယ်လာပေးဖို့ မမှာတော့ဘူး။ ခြောက်တန်း ခုနစ်တန်းလောက်ကစပြီး တစ်နေ့တစ်ကျပ် မုန့်ဖိုးကိုတောင် မတောင်းဖြစ်တော့တာ ဆယ်တန်းအောင်တဲ့အထိပဲ။
.
. . . ဘာရယ်မဟုတ်ဘူး ဒီအချိန်ဆို ဗိုက်က ဆာဆာလာတတ်လို့ စားချင်တာလေးတွေ လျှောက်တွေးမိရင် ငါးတန်းတုန်းက အကြောင်းကို သတိရသွားတာ။ လောလောဆယ်တော့ ဆနွင်းမကင်းလေး ရရင် စားချင်သား
.
(ဂျပန်စံတော်ချိန် မနက် လေးနာရီဆယ့်ငါး)

. .This is the class presentation of International Politics course. My topic is “Myanmar’s Reform and Opening”. To be specific, the topic is “Why the military leaders made a strategic decision to pursue reform and opening although they are believed to have enough capacity to control the authority of the state for many more years?” The photos on the screen simply show that the president is listening very attentively to the state counsellor in two different occasions, and the state counsellor alone is confidently smiling. The photos definitely reflect the current polity of Myanmar where the constitutional head of state has to listen to the person whose governmental post was artificially created out of the constitutional provisions.

စိတ်ပျက်ခြင်းကြီးစွာ

. . . နိုင်ငံခြားရေးမူဝါဒချမှတ်ကျင့်သုံးခြင်းဆိုင်ရာစိစစ်လေ့လာရေး ဘာသာရပ် (Foreign Policy Analysis) မှာ ဒီကနေ့ ပို့ချတဲ့ သင်ခန်းစာနဲ့ ပတ်သက်ပြီး ဆရာက စဉ်းစားစရာ မေးခွန်းတစ်ခု မေးပါတယ်။ ပညာရေးနောက်ခံအခြေအနေချင်းတူတဲ့ မျိုးဆက်နှစ်ခုဟာ ဆုံးဖြတ်ချက်တစ်ခုကို ချမှတ်ရာမှာ စဉ်းစားပုံချင်း တူသလားဆိုတဲ့ သဘောဆန်ဆန် မေးခွန်းဖြစ်ပါတယ်။ ဆရာက အဲသည်မေးခွန်းကို မေးတဲ့အချိန်မှာ (မေးခွန်းနဲ့ ဆိုင်လား မဆိုင်လားတော့ မသေချာပေမယ့်) ကျွန်တော့်ခေါင်းထဲ ကာလကြာရှည် စွဲစွဲမြဲမြဲ မှတ်မိနေတဲ့ အကြောင်းအရာတစ်ခုကို ထပ်ပြီး စဉ်းစားသွားမိပါတယ်။
.
. . . ကျွန်တော် ရန်ကုန်တက္ကသိုလ်ကနေ ဘွဲ့မရခင် တစ်နှစ်အလို ၂၀၀၄ ခုနှစ်လောက်တုန်းက ဝေသာလီဆောင် နိုင်ငံတကာဆက်ဆံရေးပညာဌာနမှာ အချိန်ပိုင်း ဘွဲ့လွန်ဒီပလိုမာ တစ်နှစ်သင်တန်းတစ်ခု ဖွင့်ပါတယ်။ တစ်ခြား ဌာနအသီးသီးကလည်း လူ့စွမ်းအားအရင်းအမြစ်ဖွံ့ဖြိုးရေး အစီအစဉ်အရ အချိန်ပိုင်း ဘွဲ့လွန်ဒီပလိုမာ သင်တန်းတွေ အပြိုင်အဆိုင် ဖွင့်နေကြတဲ့အချိန်ပါ။ ကံအကြောင်းအားလျော်စွာ နိုင်ငံတကာဆက်ဆံရေးပညာ ဒီပလိုမာ သင်တန်း အပတ်စဉ် တစ်မှာ တစ်ရက်ကို နှစ်နာရီနဲ့ တစ်နှစ်ကြာ တက်ခွင့်ရပြီးတဲ့နောက် ကျွန်တော့်နှလုံးသားထဲ ယုံကြည်ချက်တစ်ခု တစ်ခုရောက်လာပါတယ်။ အဲဒါကတော့ နိုင်ငံတော် တည်ဆောက်ရေးမှာ ၀ိဇ္ဇာပညာလို့ ကျွန်တော်တို့ခေါ်ကြတဲ့ ပထ၀ီ သမိုင်း နိုင်ငံတကာဆက်ဆံရေး စတဲ့ ပညာရပ်တွေ တတ်မြောက်ဖို့ အရေးကြီးတယ်ဆိုတာပါပဲ။ အထူးသဖြင့် နိုင်ငံကို ဦးဆောင်ပဲ့ကိုင် မောင်းနှင်နေကြတဲ့ မူဝါဒချမှတ်သူများမှာ ဒီပညာရပ်ကို မလွဲမသွေ တတ်မြောက်ထားဖို့ လိုအပ်တယ်ဆိုတာ ယုံကြည်လာမိပါတယ်။
.
. . . တပ်မတော်က နိုင်ငံရေးဦးဆောင်မှု အခန်းကဏ္ဍမှာဆက်လက် ပါဝင်မယ်လို့ အမျိုးသားညီလာခံ ဦးတည်ချက်တွေ ချမှတ်တဲ့အထဲ ပါနေတော့ တပ်မတော်ကလည်း အဲသည်ဝိဇ္ဇာပညာတွေ သေသေချာချာ တတ်မြောက်ထားမှ ဖြစ်မယ်လို့ နားလည်ထားပါတယ်။ ကျွန်တော် ရန်ကုန်တက္ကသိုလ်မှာ တက်နေတုန်းအချိန်က ရန်ကုန်မှာ ရှိတဲ့ နိုင်ငံတော်ကာကွယ်ရေးတက္ကသိုလ်မှာ ဆရာတစ်ယောက်နဲ့အတူ စာတွေလုပ်ကူဖူးတော့ အဲသည်မှာ သင်ကြားပို့ချ လေ့လာရတဲ့ ဘာသာရပ်တွေထဲမှာ အထက်က ပြောခဲ့တဲ့ ၀ိဇ္ဇာပညာရပ်တွေလည်း တော်တော်များများပါတယ်ဆိုတာ (ကျွန်တော်မြင်ခဲ့သလောက်) တွေ့ခဲ့ရပါတယ်။ ဒါပေမယ့် များသောအားဖြင့် စစ်မြေပြင်မှာ တပ်ရင်းတပ်ဖွဲ့တွေမှာ ဌာနချုပ်တွေမှာ စစ်ဆင်ရေးအလုပ် အုပ်ချုပ်စီမံခန့်ခွဲရေးအလုပ် ဦးစီးအလုပ်တွေနဲ့ ကျင်လည်ခဲ့ရတာများတဲ့ အဆင့်မြင့်တပ်မှူးကြီးတွေ အဆင့်ရောက်မှ တက်ခွင့်ရတဲ့ နိုင်ငံတော်ကာကွယ်ရေးတက္ကသိုလ်လို နေရာမျိုးရောက်မှ တစ်နှစ်တာအတွင်း တက်သုတ်ရိုက် သင်ကြားပို့ချလေ့လာကြရတာက နောင်အခါမှာ ထမ်းဆောင်ရနိုင်ဖွယ်ရှိတဲ့ မူဝါဒပိုင်းဆိုင်ရာ တာဝန်တွေအတွက် အဆင်သင့် ပြင်ဆင်ပေးနိုင်ပါရဲ့လားဆိုတာ တွေးမိပါတယ်။ နောက်ပြီးတော့ ခုနင်က ပြောခဲ့တဲ့ တာဝန်တွေကို အပတ်တကုတ် ထမ်းဆောင်ရင်း အဆင့်မြင့်တာဝန်တွေ ထမ်းဆောင်ရတဲ့ အခြေအနေကို ရောက်လာခဲ့ကြတဲ့ တပ်မှူးကြီးများက ကိုယ့်ဘာသာ ၀ါသနာပါလို့ လေ့လာ ဖတ်မှတ်ခဲ့တာ မရှိခဲ့ဘူးဆိုရင် နိုင်ငံတော်ကာကွယ်ရေးတက္ကသိုလ်မှာ တစ်နှစ်တာအတွင်း ပို့ချပေးလိုက်တဲ့ ပညာရပ်တွေကို ထိုက်တန်သရွေ့ ခံယူနိုင်ကြရဲ့လား ဆိုတာကိုလည်း အတွေးပွားမိပါတယ်။ စစ်တက္ကသိုလ်လို ကျောင်းမျိုးကနေ တက္ကသိုလ်အဆင့်လောက်က စသင်ပေးတာ၊ ဘွဲ့ရပြီးပြီ ဆိုရင်လည်း အကြောင်းအားလျော်စွာ ဆက်လက် ပညာဆည်းပူးဖို့ အခွင့်အလမ်းတွေ ဖန်တီးပေးတာ စတာတွေကို စဉ်ဆက်မပြတ် လုပ်နေဖို့လိုအပ်နေတယ် ဆိုတာလည်း ထင်မြင်ယူဆမိပါတယ်။ ရန်ကုန်တက္ကသိုလ်က ဆင်းရင် စစ်တက္ကသိုလ်မှာ ဆရာလုပ်ကြမယ်။ တို့ရဲ့ စိတ်ကူးယဉ်အိပ်မက်တွေကို တတ်နိုင်သလောက် အကောင်အထည်ဖော်ကြမယ်ဆိုပြီး လက်တောက်လောက်ရှိတဲ့ ကိုယ့်ရာထူး ကိုယ့်အဆင့်မှ အားမနာ စိတ်တူကိုယ်တူ စေတနာတူ သူငယ်ချင်းတွေ တိုင်ပင်အိပ်မက် မက်ခဲ့ကြပါသေးတယ် . . .
.
. . . အဲသည်စိတ်ကူးတွေ အတွေးတွေ တွေးမိတယ်ဆိုတဲ့ ၂၀၀၅ ခုနှစ်လောက်က စစ်တက္ကသိုလ်မှာ ၀ိဇ္ဇာပညာသင်ကြားပို့ချတဲ့ အခြေအနေလေးတွေလည်း ရှိပါတယ်။ ၁၉၉၉ ခုနှစ် အမှတ်စဉ် ၄၀ အထိ စစ်တက္ကသိုလ်မှာ ၀ိဇ္ဇာဘွဲ့နဲ့ သိပ္ပံဘွဲ့ နှစ်မျိုး အပ်နှင်းပြီး ၂၀၀၀ ပြည့်နှစ် အမှတ်စဉ် ၄၁ နဲ့ ၄၂ အတူတူ ကျောင်းဆင်းကြတဲ့ နှစ်မှာ ကွန်ပျူတာသိပ္ပံဘွဲ့ ထပ်တိုး အပ်နှင်းတယ်လို့ မှတ်သားမိပါတယ်။ အမှတ်စဉ် ၄၃ ကျောင်းဆင်းတဲ့ ၂၀၀၁ ခုနှစ်က စပြီး ဘာသာရပ်အထူးပြုစနစ်နဲ့ ဘွဲ့အပ်နှင်းပြီး အမှတ်စဉ် ၄၃ ၄၄ ၄၅ သုံးပတ်စဉ်မှာ မြန်မာစာ အင်္ဂလိပ်စာ သမိုင်း ပထ၀ီ စတဲ့ ၀ိဇ္ဇာဘာသာရပ်လေးမျိုး အထူးပြု အပ်နှင်းပါတယ်။ အပတ်စဉ် ၄၆ ကစပြီး ၀ိဇ္ဇာဘာသာရပ်တွေ အထူးပြု သင်ကြားပို့ချတဲ့ စနစ်ကို ရပ်ဆိုင်းလိုက်ပြီး သိပ္ပံပညာရပ်တွေကိုပဲ ဘာသာရပ်ခွဲတွေ တိုးမြှင့်ပြီး အထူးပြုစနစ်နဲ့ ဆက်လက် သင်ကြားပါတယ်။ ဗိုလ်လောင်းအင်အား ထောင်နဲ့ချီပြီး လက်ခံသင်ကြားနေတဲ့ ကာလမို့ ၀ိဇ္ဇာပညာရပ် အထူးပြု သင်ကြားခြင်းတွေကို လုံးလုံး ဖြုတ်ပယ်ပစ်မယ့်အစား တစ်ပတ်စဉ်ကို ဆယ်ဂဏန်းအစွန်းထွက်လောက်ပဲ ဖြစ်ဖြစ် ဆက်သင်ပေးနေရင် ကောင်းမှာပဲလို့ တောင့်တမိခဲ့ပါတယ်။ စစ်ရုံးမှာ ဦးစီးအရာရှိ တာဝန်ထမ်းဆောင်ရတဲ့ အခါမှာလည်း အဲသည်ကိစ္စနဲ့ ပတ်သက်ပြီး လက်လှမ်းမီသရွေ့ မေးမြန်းစပ်စုကြည့်ခဲ့ပေမယ့် စိတ်ကျေနပ်လောက်တဲ့ အဖြေကို မရခဲ့ပါဘူး။
.
. . . နိုင်ငံရေးအခြေအနေဘက်မှာ အမျိုးသားညီလာခံလည်း ပြီးသွား၊ အခြေခံဥပဒေလည်း မူကြမ်းရေးဆွဲပြီးလို့ ၂၀၀၈ ခုနှစ် မေလလောက်မှာ ပြည်လုံးကျွတ်ဆန္ဒခံယူပွဲနဲ့ အတည်ပြုလိုက်တဲ့အခါ၊ ကိုယ့်နိုင်ငံ ရှေ့ဆက်လျှောက်ရမယ့် ခရီးကို စိတ်ဝင်စားလို့ အခြေခံဥပဒေကို သေသေချာချာ လေ့လာဖြစ်ပါတယ်။ အပေါ်မှာတုန်းက တစ်ခါပြောခဲ့တဲ့ တပ်မတော်က အမျိုးသားနိုင်ငံရေးဦးဆောင်မှု အခန်းကဏ္ဍမှာ ဆက်လက်ပါဝင်နေမယ်ဆိုတာကလည်း စိတ်ဝင်စားစရာတစ်ခု ဖြစ်ခဲ့ပါတယ်။ ဒါပေမယ့် ကျွန်တော့်စိတ်ထဲမှာ မရှင်းလင်းတဲ့ မေးခွန်းက အခြေခံဥပဒေမှာအဲသလို ပြဌာန်းထားပါလျက်နဲ့ စစ်တက္ကသိုလ်လို နေရာမျိုးမှာ ၀ိဇ္ဇာပညာရပ်တွေ အထူးပြု ဘာလို့ မသင်တော့တာလဲ၊ ပြန်မသင်သေးတာလဲ ဆိုတဲ့အချက်ကို ဘယ်လိုမှ ဘ၀င်မကျနိုင်ခဲ့ပါဘူး။ အနည်းဆုံးတော့ တပ်မတော်အနေနဲ့ အစိုးရ သုံးလေးဆက်လောက်ဖြစ်ဖြစ် (ဆယ့်ငါးနှစ် အနှစ်နှစ်ဆယ်လောက်) နိုင်ငံရေးမှာ ပါနေရအုံးမယ်ဆိုတာ မှန်းဆထားမိတာကြောင့် အဲသည်တာဝန်ကို နောက်မျိုးဆက်တွေ ကောင်းကောင်းထမ်းဆောင်နိုင်အောင် စစ်တက္ကသိုလ်မှာတော့ ၀ိဇ္ဇာအထူးပြု သင်ကြားနေသင့်တယ်လို့လည်း စွဲစွဲမြဲမြဲ ယုံကြည်နေခဲ့တာပါ။ ကိုယ်လိုလူကတောင် ဒီလောက် စဉ်းစားမိမှတော့ တပ်မတော်အကြီးအကဲတွေဆို ကိုယ့်ထက် အဆပေါင်းများစွာ စဉ်းစားမိမှာပဲ ဆိုတဲ့ ယုံကြည်ချက်ကလည်း ရှိနှင့်နေတော့ တစ်နေ့နေ့မှာ ဒါကို အကောင်အထည် ဖော်မှာပါပဲလေလို့ပဲ တွေးပြီး အဲသည် တစ်နေ့နေ့ကိုသာ မျှော်လင့်စောင့်စားနေမိပါတော့တယ်
.
. . . ဒါပေမယ့် ကျွန်တော့်ရဲ့ သံသယတွေ ရှင်းသွားတာနဲ့အတူ ကျွန်တော့်ရဲ့ မျှော်လင့်ချက်တွေ တစ်စစီပြိုကွဲခဲ့တဲ့ နေ့တစ်နေ့ကို ရောက်လာခဲ့ပါတယ်။ စစ်တက္ကသိုလ်နဲ့ အခြားတက္ကသိုလ်များမှာ ဖွင့်လှစ်ထားတဲ့ ဘွဲ့လွန်သင်တန်း ပါရဂူသင်တန်းတွေနဲ့ ပတ်သက်တဲ့ အစည်းအဝေးတစ်ခုကို ဦးစီးအရာရှိ ပေါက်စနလေး ကျွန်တော် တက်ဖို့ အကြောင်းဖန်လာတဲ့ နေ့ပါပဲ။ အစည်းအဝေးကို ဦးစီးနေတာက အဲသည်တုန်းက နိုင်ငံတော်မှာ ဒုတိယအဆင့်ရှိတဲ့ ပုဂ္ဂိုလ်ကြီးပါ။ သူ့ထက်ကြီးတာဆိုလို့ ဒီနေ့ထိ လူတွေ တသသ ဖြစ်နေကြတဲ့ လူကြီးတစ်ယောက်ပဲ ရှိတော့ပါတယ်။ သူက ဘယ်လိုပြောသလဲ ဆိုတော့ " ၀ိဇ္ဇာပညာကွာ စစ်တိုက်လို့ ရတာမဟုတ်ဘူး သင်မနေနဲ့" တဲ့။ ကျွန်တော့်မှတ်မိသလောက် စကားလုံး အတိအကျ နီးပါးပါ။ အဲသည် စကားလုံးဟာ ကျွန်တော့်ရဲ့မျှော်လင့်ချက်တွေကို တစ်စစီ ရိုက်ချိုးဖျက်ဆီးပစ်လိုက်ပါတယ်။ ကျွန်တော့်ကို ဒီအခြေအနေထိ ပညာသင်ဖို့ အခွင့်အလမ်းတွေ ဖန်တီးပေးခဲ့တဲ့ ပညာရေးနဲ့ ပတ်သက်ပြီး ကျွန်တော် အထင်ကြီးလေးစားခဲ့တဲ့ ပုဂ္ဂိုလ်ကြီးက အဲသည်စကားကို ပြောခဲ့တယ်ဆိုတာ တပ်မတော်ရဲ့ အနာဂတ် နိုင်ငံရေး ဦးဆောင်မှု အခန်းကဏ္ဍအတွက် မျှော်လင့်ချက်တွေ အများကြီး ထားခဲ့တဲ့ ကျွန်တော့်အတွက် ကိုယ်တိုင်ကိုယ်ကျ ကြားခဲ့ရတာသာ မဟုတ်ရင် ဘယ်လိုမှ ယုံကြည်လက်ခံနိုင်မှာ မဟုတ်ပါဘူး။ ဒါပေမယ့် တကယ့် အဖြစ်မှန်ကို နဖူးတွေ့ဒူးတွေ့ ယုံကြည်လက်ခံခဲ့ရပါတယ်။ ကျွန်တော့်ရဲ့ မျှော်လင့်ချက်တွေလည်း ယုံကြည်ဖို့ခက်ခဲစွာ၊ စိတ်ပျက်ခြင်းကြီးစွာနဲ့ ကျေမွပျက်စီးခဲ့ရပါတယ်။ ဒါပေမယ့် မေ့တော့ မမေ့ပစ်ခဲ့ပါဘူး။
.
. . . တပ်တော်အစိုးရက အာဏာစွန့်လွှတ်ပြီး ရွေးကောက်ခံအစိုးရကို တာဝန်လွှဲ၊ မြန်မာပြည်လည်း ပြုပြင်ပြောင်းလဲရေးတွေနဲ့ တစ်ခေတ်ဆန်းလာခဲ့တဲ့အချိန်၊ ကျွန်တော့်ရဲ့ မျှော်လင့်ချက်တွေ အရည်ပျော်ခဲ့ရပြီး လေးနှစ်ခန့်အကြာမှာ စစ်ရုံးထဲမှာပဲ ဦးစီးအရာရှိတာဝန်ကို နောက်တစ်ခေါက် ထပ်မံထမ်းဆောင်ခွင့် ရခဲ့ပြန်ပါတယ်။ ၂၀၁၂ ခုနှစ်ဟာ မြန်မာနိုင်ငံအတွက် မျှော်လင့်ချက်တွေ လင်းလက်တောက်ပတဲ့ ခုနှစ်ပါ။ ကျွန်တော်စွန့်လွှတ်ခဲ့တဲ့ မျှော်လင့်ချက်တစ်ခုကလည်း မထင်မှတ်ပဲ ပြန်လည်ရှင်သန်ခဲ့ပါတယ်။ အဲဒါကတော့ စစ်တက္ကသိုလ်မှာ ၀ိဇ္ဇာပညာရပ် အထူးပြုစနစ် ပြန်လည် အကောင်အထည်ဖော်တော့မယ် ဆိုတဲ့ သတင်းပါပဲ။ တကယ်လည်း အကောင်အထည် ဖော်ခဲ့လို့ အခုဆို ပထမဆုံး ပြန်လည်ဆန်းသစ်တဲ့ အပတ်စဉ်တောင် ဘွဲ့ရတော့မယ် ထင်ပါတယ်။
.
. . . ဒီစာရေးတဲ့ အဓိက ရည်ရွယ်ချက်ကို အခုပြောပါမယ်။ တပ်မတော်က အမျိုးသားနိုင်ငံရေးဦးဆောင်မှု အခန်းကဏ္ဍမှာ ပါဝင်မယ်လို့ ဦးတည်ချက်ချင်းတူတဲ့ အခြေအနေ တစ်ခုတည်းမှာပဲ ပထမ ခေါင်းဆောင်တစ်ယောက်က ၀ိဇ္ဇာပညာကို ဘွဲ့ကြိုအဆင့်မှာ သင်ကြားတာ ရပ်ဆိုင်းဖို့ ဆုံးဖြတ်ခဲ့ပေမယ့် နောက်ခေါင်းဆောင်က ပြန်လည်သင်ကြားဖို့ ဆုံးဖြတ်လိုက်တာကို သုံးသပ်ကြဖို့ပါ။ လက်တစ်ဆုပ်စာလောက်ပဲ ကြာခဲ့တဲ့ နှစ်အပိုင်းအခြားအတွင်း ခေါင်းဆောင်နှစ်ယောက်ရဲ့ ဆုံးဖြတ်ချက်ကို ဘယ်အချက်တွေက လွှမ်းမိုးခဲ့ပါသလဲ။ လိုအပ်ချက် အတူတူပဲ ရှိနေတဲ့ အခြေအနေ၊ လိုအပ်ချက်ကိုလည်း ဖြည့်ဆည်းနိုင်စွမ်းချင်း တူညီတဲ့ အခြေအနေမှာ ပထမ ခေါင်းဆောင်က လိုအပ်ချက်ကို အသိအမှတ်မပြု မဖြည့်ဆည်းခဲ့ဘဲ နောက်ခေါင်းဆောင်က လိုအပ်ချက်ကို အသိအမှတ်လည်းပြု ဖြည့်လည်းဖြည့်ဆည်းတဲ့ မတူကွဲပြားတဲ့ ဆုံးဖြတ်ချက် ချမှတ်တဲ့ ဖြစ်စဉ်နှစ်ခုကို စနစ်တကျ လေ့လာသုံးသပ် သုတေသန ပြုသင့်တယ်လို့ ထင်မြင်မိလို့ ဒီစာကို ရေးရပါကြောင်း . . .
.
၂၀၁၆ နိုဝင်ဘာလ ၁၇ ရက် ကြာသပတေးနေ့

သစ်ရွက်ကလေးတွေ

အဆောင်ပြန် နေ့လည်စာစားပြီး စာကြည့်ခန်းကို ပြန်လာတော့ စင်္ကြန်လမ်းရိုးအတိုင်း မသွားဘဲ အဆောင်သုံးဘက်ကနေ လှည့်လျှောက်ခဲ့တယ်။ မရောက်တာကြာတဲ့ ချယ်ရီပင်တန်းကို ကြည့်ချင်တာလည်း ပါတာပေါ့။ အဆောင် နှစ်နဲ့ အဆောင်သုံး ကူးတဲ့ ကော်ရစ်ဒါနားအရောက်မှာ ကျွန်တော့်ခြေလှမ်းတွေ တုန့်သွားခဲ့တယ်။ အပင်ခြေမှာ ကြွေကျနေတဲ့ မေဘယ်ရွက်နဲ့တူတဲ့ ရွက်ဝါလေးတွေ တွေ့လိုက်လို့ . . .
အဲသည် မေဘယ်ဆိုတဲ့ အရွက်လေးတွေကို မမြင်ဖူးခင်ကတည်းက ရင်းနှီးနေခဲ့ပြီးသား။ ခုနစ်တန်းလောက်တုန်းက စဖတ်ဖူးတဲ့ တက္ကသိုလ်ဘုန်းနိုင်ရဲ့ သူငယ်ချင်းလို့ဘဲ ဆက်၍ခေါ်မည်ခိုင် ဆိုတဲ့ ၀တ္ထုထဲမှာ အင်္ဂလန်ကို ဆေးကျောင်းသွားတက်တဲ့ မောင် က သူတို့ဆီက ဆောင်းဦးရွက်ကြွေ ရာသီအကြောင်းကို မြန်မာပြည်မှာ ကျန်ခဲ့တဲ့ သူ့သူငယ်ချင်းဆီကို ရေးတဲ့ စာထဲမှာ အဲသည်အရွက်လေးတွေအကြောင်း ပါတယ်။ အဲဒါ ဖတ်ပြီးကတည်းက မေဘယ်ရွက်ဝါလေးတွေကို အပြင်မှာ မြင်ဖူးချင်ခဲ့တာ။ လွန်ခဲ့တဲ့ ဆယ်နှစ်ကျော်လောက်ကတော့ မေဘယ်ရွက်ဝါလေးတစ်ခု လက်ဆောင်ရဖူးတယ်။ ကျွန်တော့်လိုပဲ ရွက်ဝါလေးတွေ ချစ်တတ်တဲ့ သူငယ်ချင်းတစ်ယောက်က မိုင်ပေါင်းထောင်ချီအရပ်ကနေ ပို့ပေးလိုက်တာ။ တို့ဆီမှာတော့ မေဘယ်ရွက်နဲ့ တူတာဆိုလို့ ချဉ်ပေါင်ရွက်ပဲ ရှိတာလေ။ ချဉ်ပေါင်ရွက်ကတော့ ဘယ်လိုမှ ကဗျာမဆန်တဲ့အရွက်။ ကြော်စားဖို့လောက်သာ ကောင်းတဲ့အရွက်။ ထားပါတော့လေ . . .
ငယ်ငယ်ကတည်းက ကိုယ့်ကိုယ်ကို ၀တ္ထုထဲက ဇာတ်လိုက်ကျော် မောင် ရဲ့နေရာမှာထားပြီး စိတ်ကူးယဉ်ခဲ့ဖူးတယ်။ ဒါပေမယ့် မောင့်လိုတော့ ချစ်စရာကောင်းတဲ့ သူငယ်ချင်း ခိုင် မရှိခဲ့ဘူး။ ဒါပေမယ့် သစ်ရွက်ဝါ၀ါလေးတွေတွေ့ရင် တမြတ်တနိုး သိမ်းထားတဲ့ အကျင့်လေး ရလာခဲ့တာတော့ အခုထိပဲ။ အစတုန်းကတော့ ခိုင် လိုမျိုး ချစ်စရာကောင်းတဲ့ ကောင်မလေးတစ်ယောက်က ပေးတယ်လို့ စိတ်ကူးယဉ်ပြီး ကိုယ့်ဘာသာ ကောက်သိမ်းထားခဲ့ဖြစ်တာ။ နောက်ပိုင်းကျတော့ သစ်ရွက်ဝါ၀ါလေးတွေကို တကယ်ကို ချစ်တတ်လာခဲ့တယ် . . .
သစ်ရွက်ဝါလေးတွေကို ချစ်တာနဲ့အတူ သစ်ရွက်စိမ်းစိမ်းလေးတွေကိုလည်း ချစ်တတ်လာတယ်။ သစ်ပင်လေးတွေကိုလည်း ချစ်တတ်လာတယ်။ သစ်ပင်သစ်တော ရေမြေသဘာဝပတ်ဝန်းကျင် နဲ့ အင်းအိုင်ချောင်းမြောင်း ကြွယ်ဝတဲ့ ကိုယ့်နိုင်ငံကိုယ်လည်း မြတ်မြတ်နိုးနိုးကို ချစ်တတ်လာခဲ့တယ်။ နောက်ပြီး ပန်းပွင့်လေးတွေကိုလည်း ချစ်တတ်လာတယ်။ သမီးလေးကိုတောင် ပန်းပွင့်လေးလို့ နာမည်ပေးထားတာသာကြည့်တော့ . . .
အခု နောက်ပိုင်း သဘာဝပတ်ဝန်းကျင် ထိန်းသိမ်းရေးတွေဘာတွေ ခေတ်စားလာတော့ ဆရာကြီး တက္ကသိုလ် ဘုန်းနိုင်ကို သတိရမိတယ်။ ဆရာကြီးက သဘာဝပတ်ဝန်းကျင်ထိန်းသိမ်းရေးတို့ဘာတို့ဆိုတဲ့ စကားလုံး မတန်ရင်ကာကြီးတွေကို (ကျွန်တော်ဖတ်ဖူးသလောက်) တစ်ခါမှ မသုံးခဲ့ဘူး။ ဒါပေမယ့် သူ့စာလေးတွေ သူ့ကဗျာလေးတွေ သူ့ဝတ္ထုလေးတွေ ဖတ်နေရင်းနဲ့ အထက်က ပြောခဲ့သလိုပဲ ရွက်ဝါလေးတွေ လိပ်ပြာလေးတွေ ပန်းပွင့်လေးတွေ သစ်ပင်သစ်တော ရေမြေတောတောင်ကို ချစ်ခင်မြတ်နိုးတဲ့စိတ်တွေ ကိုယ့်နှလုံးသားထဲမှာ အလိုလို ကိန်းအောင်းလာခဲ့တယ်။ ဒီလိုသာ သဘာဝရဲ့ အလှအပကို သတိထားမိပြီး ချစ်တတ်မြတ်နိုးတတ်တဲ့သူတွေ များနေမယ်ဆိုရင် ကျွန်တော်တို့ ရေမြေတောတောင်ကို ထ်ိန်းသိမ်းကြပါ သစ်ပင်တွေ မခုတ်ကြပါနဲ့ ငှက်တွေကို ဘေးမဲ့ပေးကြပါ ဘာညာသာရကာ အခု လုပ်နေကြသလို လိုက်ပြီး ဆော်သြနေဖို့တောင် မလိုလောက်ဘူး။ ကိုယ်သာ တကယ်ချစ်ခင်မြတ်နိုးတယ်ဆိုရင် ဘယ်သူကမှ ဖျက်လိုဖျက်ဆီးလုပ်ဖို့ စိတ်အားထက်သန်ကြမှာ မဟုတ်ဘူးလေ။ သစ်ပင်ကိုချစ်ရင် သစ်ပင်စိုက်ကြမယ်၊ ဒီလိုမဟုတ်လား . . .
အဲသည်တော့ လုပ်စရာရှိရင် ကိုယ့်အိမ်ထဲက စလုပ် ဆိုသလို ကျွန်တော်လုပ်နိုင်တဲ့ အလုပ်ကတော့ ချစ်သမီး ပန်းပွင့်လေးကို ရေမြေတောတောင် သစ်ပင်သစ်တော ပန်းပွင့်လိပ်ပြာလေးတွေ ကျေးငှက်သာရကာလေးတွေ ချစ်ခင်မြတ်နိုးတတ်အောင် သင်ပေးတဲ့ အလုပ်ပဲ။ သူချစ်လာအောင် ကိုယ်ကလည်း သူ့ရှေ့မှာ ချစ်ပြရတယ်။ တန်ဖိုးထားပြရတယ်။ ကားနဲ့ဖြစ်ဖြစ် ရထားနဲ့ဖြစ်ဖြစ် တစ်နေရာရာ သွားတဲ့အခါ တယ်လီဖုန်းကို ပိတ်ပြီး ဘေးပတ်ဝန်းကျင်က တောင်တန်းကြီးတွေ တိမ်တွေ မိုးကောင်းကင်တွေ ပျံနေတဲ့ ငှက်ကလေးတွေကို ပန်းပွင့်လေးနဲ့ အတူတူ ကြည့်တယ်။ အရောင်တွေ သင်ပေးရင်းနဲ့ လမ်းဘေးမှာ တွေ့တဲ့အရောင်တွေကို ဦးသူပြောစတမ်း ကစားကြတယ်။ တိမ်တွေကိုကြည့်ပြီး စိတ်ကူးယဉ် ဇာတ်လမ်းဆင်ကြတယ်။ လမ်းဘေးက သစ်ပင်တွေ ရိပ်ကနဲ ရိပ်ကနဲ ကျန်ခဲ့ပေမယ့် တိမ်တွေနဲ့ တောင်တန်းကြီးကတော့ ကိုယ့်နောက်ကို လိုက်လာတာကိုကြည့်ပြီး ရယ်ပွဲဖွဲ့ကြတယ်။ စနစ်တကျ စိုက်ထားတဲ့ပန်းဆိုတာ မခူးရဘူးဆိုတဲ့ စည်းကမ်းကို နားလည်ထားပြီးသားမို့ အလေ့ကျ ပန်းလေးတွေ တွေ့တဲ့အခါ ဒီပန်းလေးကို သမီးသဘောကျသလို တစ်ခြားလူတွေလည်း သဘောကျမှာပဲ။ သမီးက ခူးလိုက်ရင် ကျန်တဲ့သူတွေ မကြည့်ရတော့ဘူး ဖြစ်သွားမှာပေါ့၊ သမီးက ခူးလိုက်ရင် ပန်းလေး နာသွားမှာပေါ့  စသည်ဖြင့် အလှအပကို အခြားသူတွေနဲ့ မျှဝေခံစားတတ်တဲ့ ကိုယ်ချင်းစာတတ်တဲ့ ဥာည်ကလေး သူ့နှလုံးသားထဲမှာ ပျိုးပေးတယ်။ သစ်ရွက်ဝါလေးတွေ တွေ့တဲ့အခါ အတူတူ ကောက်ကြတယ်။ သစ်ရွက်ပေါ်က အရောင်လေးတွေကို သမီးကို ပြောပြခိုင်းတယ် . . .
အခုလည်း လမ်းမှာကောက်လာတဲ့ မေဘယ်ရွက်နဲ့တူတဲ့ ရွက်ဝါလေးတွေရယ် အနီတစ်ချို့ အ၀ါတစ်ချို့ အစိမ်းတစ်ချို့ ရောင်စုံရောယှက်နေတဲ့ ချယ်ရီရွက်လေးတွေရယ်ကို ကောက်လာခဲ့တယ်။ စာရွက်ကြားထဲမှာ ညှပ်ပြီး သွေ့အောင်ထားမယ်။ အရောင်တွေ မပြယ်လွင့်ပဲ သွေ့ခြောက်သွားတဲ့အခါ မြန်မာပြည်က ပန်းပွင့်လေးဆီ ပို့ပေးမယ် . . .
စိတ်ကူးတွေ ယဉ်လို့တော့ အကောင်းသားရယ်ပါ။ သစ်ပင်သစ်တောထက် ကွန်ကရိတောထဲမှာသာ ရှင်သန်ကျင်လည်နေရတဲ့ ပန်းပွင့်လေးကတော့ ဖအေက အလှကြည့်စေချင်လို့ ပို့ပေးလိုက်တဲ့ သစ်ရွက်ရောင်စုံလေးတွေကို ထမင်းချက်တမ်း ဟင်းချက်တမ်း ကစားတဲ့အခါ ဟင်းတစ်ခွက်လုပ်ရင်လုပ်ပစ်လိုက်မှာ . . .

တော်တော်လိမ္မာလာပြီ

မြန်မာနိုင်ငံက နိုင်ငံတော်အတိုင်ပင်ခံပုဂ္ဂိုလ်ဆိုတဲ့ ရာထူးကို ဖန်တီးရယူထားတဲ့ ဒေါ်အောင်ဆန်းစုကြည်ရဲ့ ဂျပန်ပြည်ခရီးစဉ် ပွဲဦးထွက် မြန်မာပြည်သူများနဲ့ တွေ့ဆုံပွဲအပြီးမှာ ဒီစာကို ရေးပါတယ်။ ဂျပန်ပြည်ဧည့်သည်တော်ကြီး ပြောခဲ့ဆိုခဲ့တဲ့ စကားတွေကို လုံးစေ့ပတ်စေ့ မှတ်တမ်းတင်တဲ့ စာမဟုတ်ဘဲ ပြောသွားတဲ့ စကားတစ်ချို့နဲ့ ပတ်သက်တဲ့ ကျွန်တော့်ရဲ့ ကိုယ်ပိုင်သုံးသပ်ချက်တွေကို တင်ပြမှာ ဖြစ်ပါတယ်။

ပထမဆုံး ချီးကျူးလိုတာကတော့ ဧည့်သည်တော်ရဲ့ မြန်မာစကားပြေစွမ်းရည် ဖြစ်ပါတယ်။ ပြောချင်တဲ့ အချက်အလက်လေးတွေ တေးမှတ်လာပြီး လက်တန်း ပြောသွားတဲ့ အထဲမှာ မြန်မာစကားကို ချောချောမွေ့မွေ့ပြောသွားတဲ့ အချက်ကို အခြားသော မြန်မာအစိုးရ အရာရှိကြီးများ မှတ်သား အတုယူစေချင်ပါတယ်။ ကျွန်တော်က မြန်မာစာ မြန်မာစကားကို တန်ဖိုးထားတဲ့သူလို့ကိုယ့်ကိုယ်ကို ခံယူထားပြီး မြန်မာစကားပြောရင် မြန်မာစာရေးရင် မြန်မာလိုပဲ ချောချောမွေ့မွေ့ရေးနိုင်ပြောနိုင်အောင် အမြဲ ၀ါယမစိုက်ထုတ်ပါတယ်။ အထူးသဖြင့် အင်္ဂလိပ်စကားလုံးတွေ ညှပ်ပြောတာကို အတတ်နိုင်ဆုံး ရှောင်ပါတယ်။ အစိုးရလူကြီးမင်းများ နဲ့ အခြားသော အဖွဲ့အစည်းခေါင်းဆောင်များ အရေးကြီး တာဝန်ထမ်းဆောင်နေသူများ စကားပြောတဲ့အခါမှာလည်း မြန်မာစကားကို မြန်မာလို ချောချောမွေ့မွေ့ ပြောကြစေချင်ပါတယ်။ အလွယ်တကူပဲဖြစ်ဖြစ် အကျင့်ပါနေလို့ပဲ ဖြစ်ဖြစ် အင်္ဂလိပ်စကားလုံးတွေ ညှပ်ညှပ်ပြောတာကို ရှောင်ကျဉ်ပြီး ကြွယ်ဝလှတဲ့ မြန်မာဝေါဟာရတွေကို အချက်ကျကျ သုံးကြစေချင်ပါတယ်။ ဧည့်သည်တော်ဟာ မြန်မာစကားကို ပြေပြေပြစ်ပြစ် ပြောတတ်တဲ့နေရာမှာ ကျွန်တော်သဘောကျတဲ့ အစိုးရလူကြီးမင်းတစ်ယောက်ဖြစ်ပါတယ်။

အခမ်းအနား စစချင်း ပရိတ်သတ်ကို နုတ်ခွန်းဆက်စကားပြောတဲ့ နေရာမှာ တည်တည်တံ့တံ့ သိမ်သိမ်မွေ့မွေ့ ပြောသွားသလောက် မေးခွန်းတွေကို ဖြေတဲ့ နေရာမှာတော့ ဧည့်သည်တော်ရဲ့ ရှင်းရှင်းဗွင်းဗွင်း ပြောတတ်တဲ့ ဥာဉ်ကလေးကို လှစ်ကနဲ လှစ်နဲ မြင်ခဲ့ရပါတယ်။ ဥပမာ တစ်ယောက်က မေးတဲ့ ဘွဲ့ရပညာတတ်တွေဖြစ်ဖို့ ဘာလုပ်ပေးပါမလဲ ဆိုတဲ့ မေးခွန်းကို တုန့်ပြန်တာမျိုးပေါ့။ သူဖြေလိုက်တာက ဘွဲ့နဲ့ ပညာဆိုတာ တိုင်းတာလို့ မရကြောင်း ပညာတတ်ဖို့ အရေးကြီးကြောင်းပေါ့။ ရှင်တို့ ဘွဲ့ရဆိုတာကြီးကို အဲလောက် မရူးကြပါနဲ့ တဲ့။ မရှင်းပေဘူးလား။ နောက်ပြီးတော့ သူပြောသွားတဲ့အထဲမယ် အစွန်းလွတ်အောင် ရှောင်ပြောတတ်တာကလည်း စကားပြောအနုပညာတစ်ခု ပါပဲ။ ဥပမာ အစိုးရထဲမယ် နေရာရချင်လို့ လုပ်တဲ့သူတွေလည်း ရှိချင်ရှိမှာပဲ ဆိုတာမျိုးပေါ့။ ဒါတွေကတော့ ကျွန်တော်တို့ ကြားနေကျစကားတွေဖြစ်လို့ သိပ်မဆန်းကြပါဘူး။ ဗိုလ်ချုပ်သမီးပဲ ဒီလောက်တော့လည်း တဲ့တိုးနိုင်ပေလိမ့်မပေါ့။ မေးခွန်းတွေကို မဖတ်ခင် သူပြောတာက တစ်ချို့က ကိုယ်သိချင်လို့ မေးတာထက် သူများကို ဆော်ချင်နှက်ချင်လို့ မေးတာ တိုင်တာတွေလည်း ရှိပါတယ်တဲ့။ အဲဒီလို တိုင်စာမျိုးဆိုရင်တော့ ကျွန်မ မဖြေဘူးနော် တဲ့။

မြန်မာနိုင်ငံရဲ့ အစိုးရခေါင်းဆောင်တစ်ယောက်အနေနဲ့တော့ ဧည့်သည်တော်ကြီး တော်တော် လိမ္မာလာတာ ပိုသေချာသွားတဲ့ စကားတွေကိုလည်း ဒီနေ့ကြားခဲ့ရပါတယ်။ ဒေါ်အောင်ဆန်းစုကြည် လိမ္မာလာတယ် ဆိုတာထက် အာဏာရပါတီ အစိုးရအဖွဲ့ကြီး လိမ္မာလာတယ် ဆိုရင် ပိုများ ဆီလျော်မလား မသိပါဘူး။ ၂၀၁၂ ကြားဖြတ်ရွေးကောက်ပွဲနဲ့ ၂၀၁၅ ရွေးကောက်ပွဲတွေကို အခြေခံဥပဒေပြင်ဆင်ရေး၊ တရားဥပဒေစိုးမိုးရေး၊ အမျိုးသားရင်ကြားစေ့ရေးဆိုတဲ့ မူဝါဒ သုံးရပ်နဲ့ ကြွေးကြော်ပြီး တက်ရောက်လာခဲ့တဲ့ အမျိုးသားဒီမိုကရေစီ အဖွဲ့ချုပ်ဟာ အခြေခံဥပဒေကို ပြင်ဆင်ပြီး တပ်မတော်သား ကိုယ်စားလှယ် ၂၅ ရာခိုင်နှုန်းကို လွှတ်တော်ထဲက ရတဲ့နည်းနဲ့ မောင်းထုတ်ဖို့ အမျိုးမျိုး ကြိုးပမ်းခဲ့တာ အားလုံးအသိ ဖြစ်ပါတယ်။ ၂၀၁၂ ခုနှစ်မှာ လွှတ်တော်ထဲ ၀င်ထိုင်တော့မယ်ဆဲဆဲ မှာတောင်မှ အခြေခံဥပဒေက သတ်မှတ်ပြဌာန်းထားတဲ့ ကတိသစ္စာကို မပြုနိုင်ပါဘူးဆိုပြီး အခြေခံဥပဒေ ပြင်ဆင်ရေး ဂယ်ပေါက်ကို ဖွင့်ဖို့ သူမကိုယ်တိုင် ကြိုးစားခဲ့သေးတာ မဟုတ်လား။ ဒီနည်းနဲ့တော့ အလုပ်မဖြစ်မှန်း ရိပ်မိသွားမှသာ အရင်က အခြေခံဥပဒေကို သေချာ မလေ့လာထားမိလို့ပါဆိုပြီး ချော်လဲရောထိုင်နဲ့ ကတိသစ္စာပြု လွှတ်တော်ထဲ ရောက်လာခဲ့တာ။ တစ်ခါ ၂၀၁၄ ခုနှစ်ကလည်း အခြေခံဥပဒေ ပြင်မလား အသစ်ရေးမလား ဆိုပြီး လက်မှတ်စုဆောင်းတဲ့ လူထုလှုပ်ရှားမှုတွေကို စီမံဦးဆောင်ပြီး အခြေခံဥပဒေကို ချက်ချင်းဆိုသလို ပြင်ဖြစ်အောင် နိုင်ငံရေးဖိအားပေးခဲ့ပါသေးတယ်။ လွှတ်တော်ထဲမှာကျတော့ အင်အားကြီးတဲ့ ပြည်ခိုင်ဖြိုးပါတီက ဦးဆောင်ပြီး အခြေခံဥပဒေ ပြင်ဆင်ရေးကိစ္စကို စလုပ်လိုက်တော့ မျှော်လင့်ထားတဲ့အတိုင်း တပ်မတော်ရဲ့ ထောက်ခံမှု မရလို့ အခြေခံဥပဒေ ပြင်ဆင်ရေး အရေးနိမ့်ခဲ့ရတာလေ။

ဒီနေ့ မေးတဲ့ မေးခွန်းထဲမှာ လွှတ်တော်ထဲက တပ်မတော်သားကိုယ်စားလှယ်တွေ ကိစ္စနဲ့ ပတ်သက်ပြီး ကျေနပ်အားရမှု ရှိပါသလား ဆိုတဲ့ မေးခွန်းကို ပြန်ဖြေတဲ့ အဖြေမှာ ခုနင်က ကျွန်တော်ပြောခဲ့တဲ့ ဒေါ်အောင်ဆန်းစုကြည်တို့ လိမ္မာလာတယ်ဆိုတာ ပိုပြီး သေချာတဲ့ စကားတွေကို ကြားခဲ့ရတာပါ။ မေးခွန်းကို တိုက်ရိုက် မဖြေပေမယ့် နိုင်ငံရေးမှာ တပ်မတော် ပါဝင်နေမှု နဲ့ ပတ်သက်တဲ့ သဘောတရားကို ပြောသွားတာ ဖြစ်ပါတယ်။ အလားတူ သဘောတရားမျိုးကို ကြားရတာ အခုက ပထမဆုံး မဟုတ်ပါဘူး။ ဒီနှစ်ထဲမှာပဲ ပြီးခဲ့တဲ့ ဇွန်လ ၁၀ ရက်နေ့က လွှတ်တော်မှာလုပ်တဲ့ သတင်းစာရှင်းလင်းပွဲမှာ ပြည်သူ့လွှတ်တော် ဥက္ကဌ ဦးဝင်းမြင့်ကလည်း ဒီသဘောထားမျိုးကို ပြောသွားခဲ့ပြီဖြစ်ပါတယ်။ အခု အာဏာရလာပြီဆိုတော့ အခြေခံဥပဒေ ပြင်ဆင်ရေးကို ဘယ်လို ဆက်လုပ်မှာလဲ ဆိုတာနဲ့ ပတ်သက်တဲ့ အချိန်ဇယား သတ်မှတ်ချက်ကို သတင်းထောက်တစ်ယောက်ကမေးတောကို ဦးဝင်းမြင့်က ပြန်ဖြေခဲ့တာ ဖြစ်ပါတယ်။ ဦးဝင်းမြင့် ဖြေတာက အမျိုးသားပြန်လည်သင့်မြတ်ရေး ပြည်တွင်းငြိမ်းချမ်းရေး လုပ်ငန်းစဉ်တွေ ပြီးဆုံးမှသာ အခြေခံဥပဒေ ပြင်ဆင်ရေးကို ဆက်လက်လုပ်ဆောင်နိုင်မှာဖြစ်ကြောင်း၊ အခြေခံဥပဒေကို အလောတကြီး ပြင်ဖို့ ကြိုးစားရင် ကောင်းကျိုးထက် ဆိုးကျိုးပိုများသွားနိုင်တယ် ဆိုတာကို "စစ်ကျွံရင် စစ်ရှုံးမယ်" ဆိုတဲ့ စကားလုံးဥပမာနဲ့ ဦးဝင်းမြင့်က ဖြေကြားခဲ့ပါတယ်။ စိတ်ဝင်စားစရာ ကောင်းတဲ့အချက်ကတော့ လက်ရှိ တပ်မတော်ကာကွယ်ရေးဦးစီးချုပ်ကို ပြည်ပ ရုပ်သံတစ်ခုက အင်တာဗျူးတုန်းက တပ်ချုပ်ကြီး ဖြေခဲ့တဲ့ အဖြေနဲ့ ဦးဝင်းမြင့် ဖြေခဲ့တဲ့ အဖြေက တစ်ထပ်တည်းနီးပါး ဖြစ်နေတာပါပဲ။ အရင်တုန်းက တပ်မတော်ကို နိုင်ငံရေးထဲကနေ အမြန်ဆုံးထွက်ပြီး စစ်တန်းလျားပြန်သွားဖို့ နည်းမျိုးစုံနဲ့ မောင်းထုတ်ဖို့ အားကြိုးမာန်တက်လုပ်ခဲ့တဲ့ နိုင်ငံရေးပါတီကြီးတစ်ခုဟာ အစိုးရတာဝန်ထမ်းဆောင်တဲ့ သက်တမ်းသုံးလ မပြည့်ခင်မှာပဲ မိမိတို့ မူလက ကြွေးကြော်ခဲ့တဲ့ မူဝါဒကြီး သုံးရပ်ထဲက တစ်ရပ်ကို အခုလို ဖြေလျှော့လိုက်တာဟာ မြန်မာ့နိုင်ငံရေးရဲ့ လက်တွေ့အရှိတရားကို ထင်ဟပ်တာကြောင့် ကျွန်တော်က ကြိုဆိုခဲ့ပါတယ်။

ဒီနေ့လည်း ဒီကိစ္စနဲ့ ပတ်သက်ပြီး ဧည့်သည်တော်ပြောတာက ရွေးကောက်ခံကိုယ်စားလှယ်တွေချည်းပဲ ရာနှုန်းပြည့်နဲ့ ဖွဲ့စည်းထားတဲ့ ပြည့်ဝတဲ့ ဒီမိုကရေစီ စနစ်ကို ဦးတည်ထားပေမယ့် ကိုယ်လိုချင်တာကို ချက်ချင်း မရမက လုပ်လိုက်လို့ ဖြစ်လာမယ့် ဒဏ်ရာဒဏ်ချက်တွေ ပြန်လည်ကုစားဖို့က အချိန်ပိုကြာတတ်ပါသတဲ့။ လက်ရှိအနေအထားအတိုင်း ညှိနှိုင်းတိုင်ပင်လုပ်ဆောင်ကြရင်း ဖြည်းဖြည်းမှန်မှန်နဲ့ ရည်မှန်းချက်ကို သွားတာဟာ အချိန်ပိုကြာပေမယ့် ဒဏ်ရာဒဏ်ချက်တွေ မဖြစ်စေတာကြောင့် ဒဏ်ရာတွေပျောက်ဖို့ ကြာတဲ့အချိန်ပါ ထည့်တွက်ရင် ဒီနည်းက ပိုတောင်မြန်တယ်ပါတယ် ဆိုတာကို ပြောသွားတာပါ။ နိုင်ငံရေး ပညာရှင်လည်းဖြစ် မိမိနိုင်ငံရဲ့ နိုင်ငံရေးအပြောင်းအလဲတွေမှာလည်း ထဲထဲဝင်ဝင် ပါဝင်လုပ်ဆောင်ခဲ့တဲ့ နိုင်ငံခြားက ပုဂ္ဂိုလ်ကြီးတစ်ယောက်က သူမကို ဒီသဘောတရား ပြောပြသွားတာလို့ ဆိုပါတယ်။( အဲဒီလို ပြောသွားတာ ဘယ်သူများပါလိမ့် ????? ) သူ့ရဲ့အတွေ့အကြုံနဲ့ ပြောသွားတဲ့ ဒီသဘောတရားကို သူမကိုယ်တိုင်ကလည်း ယုံကြည်ပါသတဲ့။ "အမြန် ကိုယ်လိုချင်တာရဖို့ ဘယ်လိုနည်းနဲ့ရရ ဆိုတဲ့ စိတ်ဓာတ်ဟာ တကယ်တော့ ကိုယ့်နိုင်ငံရဲ့ အနာဂတ်အတွက်ကို ထည့်ပြီး မစဉ်းစားတဲ့ စိတ်ဓာတ်တွေပဲလို့ ကျွန်မယုံကြည်ပါတယ်" လို့ ပြောလိုက်သံကြားတော့ အရင်တုန်းက ဧည့်သည်တော်ကြီး အတိုက်အခံဘ၀က ပြောခဲ့တဲ့ စကားတစ်ချို့ကိုတောင် ပြန်လည် ကြားယောင်မိလို့ ပြုံးလိုက်မိပါသေးတယ်။ ဂျပန်ပြည်ဧည့်သည်တော်ကြီးကို တပ်မတော်ကာကွယ်ရေးဦးစီးချုပ်ကပဲ အစ်မကြီး အစ်မကြီးဆိုပြီး စည်းရုံးသိမ်းသွင်းတာ အောင်မြင်သွားတာလား၊ အစ်မကြီးကိုယ်တိုင်ကပဲ လက်တွေ့ကျကျ စဉ်းစားတွေးခေါ်ပြီး ဒီလိုသဘောထားတွေ ပြောင်းသွားတာလား ဆိုတာကတော့ ကာယကံရှင်တွေကိုယ်တိုင်သာ သိနိုင်ပါပေလိမ့်မယ်။

မေးတဲ့ မေးခွန်းတွေထဲမှာ မောင်မောင်တာ မေးခွန်းတွေလည်း ပါလာတာကို တွေ့ရပါသေးတယ်။ ဥပမာ မေးခွန်းတစ်ခု၊ မြန်မာနိုင်ငံသားတွေရဲ့ စိတ်ဓာတ်ကို ဘယ်လိုပြုပြင်ပေးရမှာလဲ အမေစုပြုပြင်ပေးမှ ရမှာပါ ဆိုတာမျိုးပေါ့။ ဧည့်သည်တော်ကြီးကတော့ သိတဲ့အတိုင်း ဘွင်းဘွင်းပဲ ကိုယ့်ကိုယ်ကို ပြုပြင်မှ ရမယ် . တဲ့. . .

အကြိမ်ရေအများဆုံး တိုက်တွန်းသွားတဲ့ စကားလုံးကတော့ မြန်မာနိုင်ငံကို အစိုးရကို တတ်နိုင်တဲ့ အကူအညီ ပေးကြဖို့ ငွေကြေးတတ်နိုင်တတ်နိုင် လုပ်အားတတ်နိုင်တတ်နိုင် စတာတွေ ဖြစ်ပါတယ်။
ခြုံငုံ သုံးသပ်ရရင် ရှင်းရှင်းဘွင်းဘွင်းနဲ့ နားထောင်နေသူတွေ လက်ခုပ်သြဘာသံတွေ ညံနေအောင် စကားပြောကောင်းတဲ့ အပြောကောင်းသမားကြီးတစ်ယောက် အခုတော့ လက်တွေ့နဲ့ ထင်ဟပ်တဲ့ စကားတွေကို ချင့်ချင့်ချိန်ချိန် ပြောတတ်လာပြီမို့ ဒေါ်အောင်ဆန်းစုကြည် တော်တော်လိမ္မာလာပြီလို့ပဲ မှတ်ချက်ပြုလိုက်ပါတယ် . . .
.
၂၀၁၆ နိုဝင်ဘာလ ၂ ရက်
RIHGA Royal Hotel

ဖနွမ်ပင်လက်ဆောင်

. . . မြန်မာပြည်ကပဲဖြစ်ဖြစ် တစ်ခြားနိုင်ငံတစ်ခုခုကပဲဖြစ်ဖြစ် ပြန်လာတိုင်း ကျွန်တော်တို့အတွက် တစ်ခုခုတော့ ၀ယ်လာပေးလေ့ရှိတဲ့ ဆရာဟာ ဒီတစ်ခေါက်မှာလည်း ကမ္ဘောဒီးယားနိုင်ငံကအပြန် ကျွန်တော်တို့အတွက် ကော်ဖီမစ်ထုပ်လေးတွေ ၀ယ်လာပြီး အဆောင်အောက်ဆုံးထပ်က တစ်ကိုယ်ရည်သုံး စာတိုက်ပုံးလေးတွေထဲကို လိုက်ထည့်ပေးထားခဲ့ပါတယ်။ ဒါပေမယ့် ဆရာ ကျောင်းကိုပြန်မရောက်ခင်မှာပဲ ရှေ့ပြေး လက်ဆောင်တစ်ခုက ကျွန်တော့်တို့ဆီကို ရောက်နှင့်ပြီးသားပါ။ အဲဒါကတော့ "ကျွန်တော်တို့ဟာ အရှေ့တောင်အာရှမှာ အားလုံးထက် နောက်ကျ ကျန်ရစ်ခဲ့တယ်ဆိုတာ သေချာသွားပြီ" ဆိုတဲ့ ဖေ့ဘုတ်ပေါ်က စာလေးတစ်ကြောင်းဖြစ်ပါတယ်။ ဂျပန်ကို ပြန်မလာခင် ကမ္ဘောဒီးယားနိုင်ငံ ဖနွမ်းပင်လေဆိပ်ထဲကနေ ရေးတင်လိုက်တဲ့ပုံပါပဲ။
.
. . . ဒီလိုမှတ်ချက်မျိုးကို ဒီလိုလေးစားရတဲ့ ဆရာတစ်ယောက်ဆီက ကြားရတာ ဒါဟာ ဒုတိယအကြိမ် ဖြစ်ပါတယ်။ ပထမအကြိမ်ကတော့ ကုန်ခဲ့တဲ့ ဆယ့်သုံးနှစ်နီးပါးက ရန်ကုန်မြို့မှာ ကြားခဲ့ရတာပါ။ နိုင်ငံတော် ကာကွယ်ရေးတက္ကသိုလ်တက်နေတဲ့၊ စစ်တက္ကသိုလ်တုန်းက ကျွန်တော်တို့ နည်းပြမှူးချုပ်တာဝန်းဆောင်ခဲ့တဲ့ ဗိုလ်မှူးကြီး ယုလွင်အောင် ပြောခဲ့တာဖြစ်ပါတယ်။ နွေရာသီကျောင်းပိတ်ရက်မှာ ဗိုလ်မှူးကြီးရေးနေတဲ့ စာတမ်းတစ်စောင်အတွက် လိုအပ်တဲ့ စာအုပ်စာတမ်းကိစ္စလေးတွေ ၀ိုင်းလုပ်ပေးနေရင်း အလားတူ မှတ်ချက်ကို ကြားခဲ့ရတာပါ။ ကျွန်တော့်ကို ပြောတာတော့ မဟုတ်ပါဘူး။ အိမ်ကို ခဏလာတဲ့ မိတ်ဆွေတစ်ယောက်နဲ့ စကားပြောနေရင်း "ဗီယက်နမ်က ကျွန်တော်တို့ကို ကျော်တက်သွားပြီ" လို့ မချိတင်ကဲလေသံနဲ့ ပြောပြနေတာကို နံဘေးက ကြားခဲ့ရတာပါ။ ဘယ်လိုအချက်အလက်တွေကို အခြေခံပြီး ပြောခဲ့တာလည်း မသိခဲ့ပေမယ့် စာတွေအများကြီး ဖတ်နေတဲ့သူတစ်ယောက် ပြောတဲ့စကားဖြစ်တဲ့အတွက် အဲသည်မှတ်ချက်ကို အလေးအနက်ထား မှတ်မိနေခဲ့ပါတယ်။ အဲသည်မှတ်ချက်ဟာလည်း ကျွန်တော်တို့တွေ အချင်းများနေခဲ့ကြတဲ့ ကုန်ခဲ့တဲ့နှစ်တွေအတွင်းမှာ တဖြည်းဖြည်း မှန်လာခဲ့ပါတယ်။
.
. . . အခုလည်း ဆရာက ကမ္ဘောဒီးယားကို သုံးရက်လောက် သွားရောက်ခဲ့တဲ့ ခရီးစဉ်အဆုံးမှာ ဒီလိုမှတ်ချက်မျိုး ပြုခဲ့တာဆိုတော့ ကျွန်တော်တို့နဲ့ မတိမ်းမယိမ်း ကျွန်တော်တို့ထက်တောင်မှ နောက်ကျနေသေးတယ်လို့ ကျွန်တော်တို့ ထင်နေတဲ့ အဲသည်နိုင်ငံထဲက ကျွန်တော်တို့ကို ကျော်တက်နေတဲ့ တိုးတက်တဲ့ အလားအလာကောင်းတွေကို တွေ့ခဲ့မြင်ခဲ့တဲ့ပုံပါပဲ။ သိပ်မကြာခင်မှာလည်း ဆရာနဲ့ စကားတွေ ပြောဖြစ်တဲ့အခါ ကမ္ဘောဒီးယားမှာ ဆရာတွေ့ခဲ့မြင်ခဲ့ ကြားခဲ့ရတာတွေနဲ့ ဆရာ့သုံးသပ်ချက်တွေ နောက်ပြီး ကျွန်တော်တို့အတွက် အဖိုးတန်တဲ့ သင်ခန်းစာတွေကို နားထောင်ရဖို့ မျှော်လင့်ပါတယ်။
.
. . . ကိုယ့်နိုင်ငံချမ်းသာအောင် တိုးတက်အောင် လုပ်ရမယ့်အချိန် ညီညီညွတ်ညွတ်နဲ့ နိုင်ငံမျက်နာပဲ ကြည့်ရမယ့်အချိန် တက်ညီလက်ညီကြိုးစားကြရမယ့် အချိန်တွေကို ဘယ်လို သောက်ရေးမပါတဲ့ အရှုပ်ထုပ်တွေရှင်းရင်း ငါတို့တွေ အချိန်ဖြုန်းခဲ့မိပါလိမ့်လို့ တွေးမိရင်း ဆရာ့ကိုတော့ လေးစားပေမယ့် ဆရာ ဖနွမ်ပင်လေဆိပ်မှာရေးခဲ့တဲ့ မှတ်ချက် တဖြည်းဖြည်း မှားသွားပါစေလို့ ဆုတောင်းမိပါတယ် . . .

Third Victory Over Mount Hakkaisan

. . . တောင်တွေပတ်လည်ဝိုင်းနေတဲ့ မီနာမီအွန်နူမာ မြို့လေးရဲ့ အထင်ကရ တောင်တစ်လုံးဖြစ်တဲ့ ဟာကိုင်းစံတောင်ကို ဒီနေ့ တတိယအကြိမ် အနိုင်ယူဖို့ သွားခဲ့တယ်။ သုံးနှစ်ဆက်တိုက် ဒီလို ဆောင်းဦးရွက်ကြွေရာသီ တောတောင်တစ်ခုလုံး ဆေးရောင်စုံ ခြယ်ထားတဲ့အချိန်မှာ တောင်ထိပ်ကို ရောက်အောင်တက်ရတာ တောင်ထိပ်ရောက်တဲ့အခါမှာ ၀န်းကျင်တောတောင်တွေရဲ့ အသွေးအရောင်စုံ ပန်းချီကားကြီးကို အမြင့်ကနေ စီးမိုးကြည့်ရတာက ဒီတောင်ထိပ်ထိ ရောက်အောင် တက်နိုင်ခဲ့ပါလားဆိုတဲ့ အရသာတွေကို ခံစားပြီး ဘ၀အတွက် ခွန်အားသစ်တွေမွေးဖွားပေးတဲ့ ဒီခရီးစဉ်ကို တတိယအကြိမ် သွားခဲ့တယ်။ အရင်တက်နေကျ နေရာထက် ပိုဝေးတဲ့ နေရာကို သွားဖို့ကြံရွယ်ခဲ့ပေမယ့် ဆိုးရွားပြင်းထန်တဲ့ ရာသီဥတုရယ် အတူပါလာတဲ့ မရောက်ဖူးသေးသူတွေရယ်ကို လက်တွဲခေါ်ဖို့အတွက် ခရီးပြင်း မနှင်တော့ဘဲ အရင်က နှစ်ခေါက်တိတိ ရောက်ခဲ့ဖူးတဲ့ တောင်ထိပ်ကိုပဲ သုံးကြိမ်မြောက် ရောက်ခဲ့ပါတယ်။

.

. . . ခါတိုင်းတော့ တောင်ထိပ်ရောက်ပြီဆိုတာနဲ့ ပါလာတဲ့ နေ့လည်စာကို သူငယ်ချင်းတွေနဲ့ အတူတူစား ပတ်ဝန်းကျင်ကို တစ်ဝကြီးရှုစား ဓာတ်ပုံတွေ သေချာရိုက်ပြီးမှ ပြန်ဆင်းတာပေမယ့် ဒီနေ့တော့ ဘယ်ကိုမှလည်း ကောင်းကောင်း မမြင်ရအောင် လွှမ်းထားတဲ့ မြူတိမ်တွေ၊ တဖွဲဖွဲကျနေတဲ့ မိုး၊ တ၀ုန်းဝုန်းတိုက်နေတဲ့ လေနဲ့ တစ်ကိုယ်လုံး မိုးစိုပြီး ခိုက်ခိုက်တုန်နေတာမို့ ဓာတ်ပုံကိုတောင် ကသောကမျော ရိုက်ပြီး အမြန် ပြန်ဆင်းလာခဲ့ရတယ်။ စခန်းတစ်ထောက်ရောက်မှ နားနေဆောင်ပေါ်တက် အ၀တ်ရေစိုတွေလဲ၊ အသင့်ပေးထားတဲ့ စောင်ကိုခြုံပြီး ပါလာတဲ့ ထမင်းဆုပ်နဲ့ ကြက်သားကြော်ကို သူငယ်ချင်းတွေနဲ့အတူစားရပါတယ်။

.

. . . အသွားတုန်းက တစ်တက်တည်း တက်နေရသလောက် အပြန်ကျတော့လည်း တစ်ဆင်းတည်း ဆင်းနေရတော့ ငါတို့ အလာတုန်းက ဒီနေရာတွေကို ဘယ်လိုများ တက်ခဲ့မိပါလိမ့်ဆိုပြီး အရင်နှစ်တွေတုန်းက အခုလို အပြန်ခရီးမှာ တွေးမိတဲ့ အတွေးကိုပဲ တွေးဖြစ်အောင် တွေးမိပါသေးတယ်။

.

. . . နောင်နှစ်တွေ ကျရင်တော့ ဟာကိုင်းစံရဲ့ အမြင့်ဆုံးတောင်ထိပ် ရှစ်ခုလုံးကို ရောက်ဖြစ်အောင် သွားပြီး မြန်မာနိုင်ငံတော်အလံ တက်လွှင့်ပါဦးမယ်

မီးလာပြီဟေ့

. . . ပစိဖိတ်သမုဒ္ဒရာထဲက ၂၀၁၆ ခုနှစ်ရဲ့ ၁၈ ခုမြောက် တိုင်ဖွန်းမုန်တိုင်း (Chaba) က အောက်တိုဘာလ ၅ ရက်နေ့မှာ ကျွန်တော်တို့နေတဲ့ ဂျပန်နိုင်ငံ အနောက်ဘက်ခြမ်းက နိဂါးတား ပြည်နယ်ကို ဒီနေ့ည ဖြတ်ကျော်ဝင်ရောက်မှာ ဖြစ်ပါတယ်။ အရင့်အရင်တုန်းကဆို ပစိဖိတ်သမုဒ္ဒရာထဲက တိုင်ဖွန်းမိုင်တိုင်းတွေဟာ အရှေ့ဘက် ကမ်းခြေကနေပဲ ၀င်ရောက်လေ့ရှိခဲ့ပေမယ့် ဒီတစ်ခေါက် မုန်တိုင်းကတော့ ထူးထူးခြားခြား ဆိုသလို ဂျပန်နဲ့ကိုရီးယားကျွန်းဆွယ်ကြားထဲကနေ ၀င်လာပြီး အနောက်ဘက်ကို ဆက်မရွေ့၊ မြောက်ဘက်တည့်တည့်ကိုလည်း ဆက်မရွေ့ဘဲ ဂျပန်ရဲ့ အနောက်ဘက် ကမ်းခြေ နိဂါးတားပြည်နယ်ဘက်ကနေ ကွေ့ဝင်လာပြီး ဂျပန်ကို ခါးလည်ကနေ ဓားလွယ်ခုတ်ဖြတ်ပြီးတော့ အရှေ့ဘက် ပစိဖိတ် သမုဒ္ဒရာထဲ ပြန်ထွက်သွားမယ့် အခြေအနေ ရှိပါတယ်။ အခု ဒီစာရေးနေချိန် ဂျပန်စံတော်ချိန် ကိုးနာရီ သတင်းတွေအရ ကျွန်တော်တို့နေရာကို ညသန်းခေါင်မှာ ဖြတ်သန်းသွားမယ်လို့ ဆိုပါတယ် . . .
.
. . . နေ့လည်တုန်းက တစ်ချက်တစ်ချက် လေပြေလေညင်းတွေ ဝေ့ကနဲ ဝေ့ကနဲ မွေ့လိုက်ပြီး စတင်အချက်ပြခဲ့တဲ့ ဒီမုန်တိုင်းဟာ ညနေ ငါးနာရီလောက်မှာတော့ လေပြင်းတွေ သိသိသာသာ စတိုက်လာပါတယ်။ မုန်တိုင်းလာတော့မယ်ဆိုကာမှ အနောက်ဘက် တောင်တန်းတွေပေါ်က ၀င်လုဆဲ နေရောင်နဲ့ ခြယ်သထားတဲ့ တိမ်ရောင်စုံကလည်း လှချင်တိုင်း လှနေတော့တာပါ။ အရှေ့ဘက်နဲ့ တောင်ဘက်တွေမှာလည်း တိမ်နီတွေ တောက်လို့ပေါ့။ ငယ်ငယ်တုန်းက လူကြီးတွေပြောပြောနေတဲ့ လေနီကြမ်းဆိုတာကြီး စလာတဲ့ အချိန်က တကယ့်ကို လှပနေပါသေးတယ်။
.
. . . ညဘက်မှာ အခန်းပြတင်းတံခါးကို တစ်ဝက်တစ်ပျက် ဖွင့်ထားပြီး တ၀ုန်းဝုန်းတိုက်နေတဲ့ လေပြင်းကို ခံစားကြည့်ရင်း ဟိုးပြီးခဲ့တဲ့ တစ်နှစ်ကျော်က အခုလို လေကြမ်းတွေတိုက်တဲ့ တစ်ညနေကို သွားသတိရမိပါတယ် . . .
.
. . . အဲသည်နေ့က နုတ်ဆက်ပွဲလုပ်တဲ့နေ့ပါ။ ကျောင်းဆင်းတော့မယ့် စီနီယာကျောင်းသားတွေကို နုတ်ဆက်ပွဲ လုပ်ဖို့ ပြင်ဆင်နေကြတဲ့ ညနေခင်းပေါ့။ လေတွေတိုက်တာ တိုက်ချင်သလောက်တိုက် မမှုပေမယ့် ညနေ ငါးနာရီလောက်မှာ ဗြုန်းဆို မီးပြတ်သွားတော့မှ အဆင်က လှပါတော့တယ်။ ညပွဲမှာ ကျွေးဖို့ ပြင်ဆင်ထားတဲ့ စားစရာတွေ ကျက်ပြီိဆိုပေမယ့် အထူးဟင်းလျာ ငါးကင်ကတော့ ကင်နေတုန်းပဲ ရှိသေးတာပါ။ ကင်တာမှ အစပဲ ရှိသေးတာပါ။ ကင်တယ်ဆိုတာလည်း မီးဖိုပြီး ကင်တာမဟုတ်ဘဲ လျှပ်စစ် ကင်စက်နဲ့ ကင်နေတာဆိုတော့ မီးလည်း ပြတ်သွားရော ဘာဆက်လုပ်လို့ လုပ်ရမှန်းမသိ ဖြစ်သွားပါတယ်။ နောက်ဆုံး ဆရာ့အိမ်မှာ ဟိုတစ်လောက အသားကင်စားကြတုန်းက မီးသွေးတွေ ပိုသေးတာနဲ့ မီးသွေးမီးဖိုပြီး ကင်တော့မယ်ဆိုမှ အကင်ပြဿနာ စိတ်အေးသွားရပါတယ်။ အဲသည် အကင်တွေ ဆရာ့အိမ်ရောက်ဖို့ကတော့ တော်တော့်ကို ပြေးရလွှားရ ပြောရဆိုရသေးတာပါ။ ဘာလို့လဲ ဆိုတော့ မီးလည်း ပြတ်ရော အင်တာနက် ၀ိုင်ဖိုင်တွေလည်း အကုန်ပြတ်ပြီး ညပွဲအတွက် အဆောင်သုံးဆောင်ခွဲပြီး ပြင်ဆင်နေတဲ့သူတွေ အကုန် အဆက်အသွယ် ပြတ်ကုန်ပါရောလား။ ကိုယ်တိုင် သွားမယ်လည်း ဆိုရော အခန်းတက်သွားတယ်ဆိုလို့ အခန်းကို လိုက်သွားမယ်လုပ်တော့ ဓာတ်လှေခါးက သုံးမရပြန်ပါဘူး။ အဆောင် တစ် မှာဆိုရင်လည်း ရဲတိုက်တစ်ခုလို လှေခါးတွေက မျက်စိလည်စရာဖြစ် အဆောင်သုံးမှာဆိုရင်လည်း လှေခါးတွေက တစ်ခါမှ မသုံးဖူးတော့ လှေခါးရှာရတာနဲ့တင် တော်တော်မောခဲ့ရပါတယ် . . .
.
. . . ငါးကင်တဲ့ ကိစ္စ ငြိမ်းသွားပြန်တော့ ညကျရင် ပါတီပွဲကို အမှောင်ကြီးထဲမှာ ဘယ်လို ကျင်းပရပါ့မလဲ ဆိုတာ ခေါင်းစားပြန်ပါတယ်။ ဖယောင်တိုင်မီးထွန်းဖို့လည်း ခွင့်ပြုထားတာမရှိ၊ မြန်မာပြည်လိုလည်း မီးစက်ပြေးနှိုးစရာမရှိ၊ ဖယောင်းတိုင်မီးထွန်း လုပ်မယ်ဆိုရင်တောင် ဖယောင်းတိုင်က မရှိနဲ့ အားလုံး ပြင်ဆင်ပြီး အသင့်ဖြစ်ကာမှ နောက်တစ်နာရီကျော်လောက်နေရင် စရတော့မယ့် နုတ်ဆက်ပွဲကို ဘယ်လို ဆက်လုပ်ရပါ့မလဲ ခေါင်းခဲခဲ့ရတာပါ။ နောက်ဆုံးမှ အကြံတစ်ခုရပြီး ကျွန်တော်တို့ အခန်းတွေမှာ ကိုယ်စီပေးထားတဲ့ အရေးပေါ်အခြေအနေကျရင် ထုတ်သုံးရမယ့် အိတ်ကလေးတွေထဲမှာ ဓာတ်မီးလေးတွေ ရှိတာပဲ။ ကဲ ကဲ ခုမှတော့ မတတ်နိုင်ဘူး။ ကိုယ်စီကိုယ်စီ ဓာတ်မီးလေးတွေ ယူလာခဲ့ကြ။ အဲသည် ဓာတ်မီးအလင်းရောင်နဲ့ ပွဲကျင်းပမယ်လို့ စီစဉ်လိုက်ရပါတယ်။ အဲသည်လို ဟိုပြေးသည်ပြေး ရွာဆော်ကြီးခွေးလို လူကလည်း ဖတ်ဖတ်မော၊ ညပွဲအတွက် မီးအလင်းရောင်လည်း စီစဉ်လို့ ရပြီဆိုတော့မှ ကိုရွှေလျှပ်စစ်မီးက ဗြုန်းဆို ပြန်လာပါလေရော . . .
.
ဝမ်းသာလိုက်တာ ၀မ်းသာလိုက်တာ ဆိုတာလေ
မြန်မာပြည်မှာတောင် မီးလာရင် အဲသည်လောက် တစ်ခါမှ မပျော်ခဲ့ဖူးဘူး

အလေ့ကျ

သည်းမခံနိုင်တော့တဲ့အဆုံး ဆောင်းတွင်းရောက်မှ ၀တ်မယ့် ဂျာကင်အကျီင်္အထူကိုထုတ် ၀တ်၊ ထီးတစ်လက်ဆောင်းပြီး ထွက်လာခဲ့တယ်။

နွေအနှောင်း ဆောင်းအကူးမှာ တိုင်ဖွန်းမုန်တိုင်းအရှိန်နဲ့ တစိမ့်စိမ့်စွေနေတဲ့ မိုးကလည်း လုံးလုံးလျားလျား တိတ်သွားတယ်လို့ မရှိဘဲ နည်းနည်းလေးဖွဲလိုက် ခဏလေး ရပ်သွားလိုက်၊ ကောင်းကင်ကလည်း တိမ်ညိုတိမ်သား ကင်းစင်တယ်ရယ်လို့ မရှိဘဲ အုံ့တစ်ခါ မှိုင်းတစ်လှည့်နဲ့ ပျင်းစရာကောင်းလောက်အောင် စွေနေတာမို့၊ မိုးတိတ်သွားတဲ့အချိန် မိုးသားကင်းစင် ကြည်လင်တဲ့အချိန်မှ သွားမယ်လို့ စိတ်ကူးထားပေမယ့် အခုတော့ ဘယ်လိုမှ စောင့်ဆိုင်းမနေနိုင်တော့တာနဲ့ပဲ စောစောစီးစီး မနက်စာစားပြီးတာနဲ့ ထီးတစ်လက်ဆောင်းပြီး ထွက်လာလိုက်တာ။

ဒီနေရာက အပြီးတိုင် စွန့်ခွာခြင်းမျိုးနဲ့ စွန့်ခွာခဲ့ပြီးတဲ့နောက် တစ်ခေါက် ပြန်လာရတော့မယ်လို့ သိလိုက်ရတဲ့အချိန်မှာ ပထမဆုံး ရင်ခုန်မိတာက ကျွန်တော်စိုက်ခဲ့တဲ့ မျိုးစေ့လေးတွေအကြောင်းပါ။ ကျွန်တော် မြေချခဲ့တဲ့ မျိုးစေ့လေးတွေ အပင်မှပေါက်ရဲ့လား၊ အပင်တွေ ဘယ်လောက်တောင် ကြီးနေပြီလဲ၊ လောင်းရိပ်ကြီးတွေအောက်မှာ မထူနိုင်မထောင်နိုင်နဲ့ ခေါင်းငုံ့ မျက်နှာငယ်နေရပြီလား၊ ရေခံမြေခံမတူတဲ့ မိခင်တိုင်းပြည်နဲ့ မိုင်ထောင်ချီဝေးတဲ့ အရပ်မှာ ဘယ်လောက်တောင် ရုန်းကန်ရှင်သန်နေနိုင်နေပြီလဲ၊ ဒါမှမဟုတ် အပင်ဘ၀တောင် မရောက်နိုင်တော့ဘဲ မြေဆွေးစာဖြစ်သွားပြီလား၊ ငှက်ကလေးတွေ စားလိုက်လို့ အပင်ပေါက်ဖို့တောင် အခွင့်အရေးရလိုက်ရဲ့လား၊ စတဲ့ လားပေါင်းများစွာနဲ့ ရင်ခုန်ခဲ့ရတာ . . .

ဂျပန်ကို သွားတော့မယ်ဆိုတော့ အရင်ရောက်နေတဲ့ သူငယ်ချင်းကို မေးခဲ့မိတာကို သတိရတယ်။ ရောက်ရာအရပ်မှာ သစ်ပင်တစ်ပင်လောက်တော့ အနည်းဆုံး အမှတ်တရ စိုက်ခဲ့လေ့ရှိတဲ့ ကျွန်တော်ဟာ ရေခြားမြေခြားမှာလည်း ကိုယ့်ကိုယ်စား အပင်လေးတစ်ပင်လောက်တော့ ချန်ထားခဲ့ချင်တယ်။ တက္ကသိုလ်ဆိုတာ နေရာကျယ်မယ် မြေလွတ်မြေလပ်တွေ ပေါမယ်။ သစ်ပင်လေး တစ်ပင်စာလောက်တော့ ဘယ်လိုပဲဖြစ်ဖြစ် နေရာရှိရမယ်လို့ ကိုယ့်ရှိနှင့်ပြီးသား ဗဟုသုတလေးကို အခြေခံပြီး မြန်မာလို တွေးမိတာကိုး။ အပင်စိုက်ဖို့ နေရာမရှိဘူး၊ တကယ်လို့ စိုက်တယ်ဆိုရင်တောင် မျိုးစေ့ကနေ တိုက်ရိုက်စိုက်ဖို့ မလွယ်လှဘူး၊ တစ်နှစ်မှာ လေးငါးလလောက် နှင်းဖုန်းနေတဲ့ ဒီအရပ်ဒေသမှာ မြန်မာနိုင်ငံလို အပူပိုင်းဒေသက အပင်တွေ ရှင်သန်ဖို့က သာမန်အားဖြင့် မဖြစ်နိုင်လောက်ဖူးလို့ သူပြောတုန်းက လက်မခံချင်ခဲ့ဘူး။ မဖြစ်နိုင်ဘူးဆိုတာတော့ မဟုတ်သေးပါဘူး၊ နည်းလမ်းတော့ ရှိရမှာပေါ့ လို့ အထွန့်တက်တော့ ပျိုးခြံထဲမှာသေချာပျိုး အပင်ကြီးထွားမှု အတိုင်းအတာ တစ်ခုအထိ ရောက်လာပြီဆိုမှ သေသေချာချာ သူတို့ စိုက်နေတဲ့ နည်းပညာနဲ့ အပင်ရွှေ့ပြီး ကိုယ်လိုချင်တဲ့နေရာမှာ စိုက်ရင်တော့ ဖြစ်ကောင်းဖြစ်နိုင်တယ်လို့ သူငယ်ချင်းကဆိုတော့ ပိုလွန်းတယ် ထင်မိခဲ့တယ်။ ကဲ ဒါဆိုရင်လည်း ရှိစေတော့၊ နှစ်ပေါင်းများစွာ ရှိနေနိုင်မယ့် အပင်ကြီး မစိုက်ဖြစ်ရင်တောင် တစ်ရာသီခံ တစ်နှစ်ခံ သီးပင်စားပင်လေးတွေ စိုက်ရင်ရော မဖြစ်နိုင်ဘူးလားဆိုပြီး နည်းနည်း ဈေးဆစ်ကြည့်တော့ မင်းလုပ်ကြည့်ပေါ့ကွာ ဆိုလို့ လာခါနီးမှာ အမေ့ဆီက ခြံထွက်မျိုးစေ့လေးတွေ တောင်းယူလာခဲ့တယ်။ တကယ့်တကယ်ကျတော့ ဥပဒေအရ အဲဒီလို စိုက်ပျိုးဖို့ ရည်ရွယ်ချက်နဲ့ သစ်ပင်မျိုးစေ့တွေ သယ်လာတာကို နိုင်ငံတော်တော်များများက လက်ခံလေ့ မရှိပါဘူး။ နာရီတာ လေဆိပ်ရောက်တော့လည်း သစ်ပင်မျိုးစေ့တွေ ပါသလားလို့ လာမေးတာ ခံခဲ့ရပါသေးတယ်။

၂၀၁၄ စက်တင်ဘာလ ၁၉ ရက်နေ့ ညကြီးမိုးချုပ်မှာ ကျောင်းကို ရောက်ပြီး နောက်တစ်နေ့ မနက်မှာ ပထမဆုံး လုပ်တဲ့ အလုပ်က ကျောင်းဝင်းကို ပတ်ကြည့်တာပါပဲ။ အမေပေးလိုက်တဲ့ သစ်ပင်မျိုးစေ့လေးတွေ အတွက် နေရာလိုက်ရှာတာပါ။ ကျောင်းဝင်းကြီးက ကျယ်တယ်ဆိုပေမယ့် နေရာတော်တော်များများက ရာသီမရွေး မြက်ခင်းပြင်အဖြစ် ထိန်းသိမ်းထားပြီး မြက်ရိတ်ပေါင်းရှင်းတာကိုလည်း ပုံမှန် လုပ်တဲ့အတွက် အပင်တွေကို ဖာသိဖာသာ စိုက်ထားလို့ မရနိုင်ပါဘူး။ မြက်ဖြတ်တဲ့အထဲမှာ ပါသွားမှာပါ။ တောရိုင်းအဖြစ် ထိန်းသိမ်းထားတဲ့ နေရာလေးတွေလည်း ရှိတန်သရွေ့ ရှိပေမယ့် အဲသည်နေရာတွေကလည်း အပင်ရိုင်းတွေ ဖုံးထားလို့ စိုက်ဖို့ မလွယ်ပါဘူး။ ဒီလိုနဲ့ အမေပေးလိုက်တဲ့ မျိုးစေ့လေးတွေက ကျွန်တော့် ဗီရိုထဲမှာပဲ အိပ်ပျော်နေခဲ့ရတာ ကြာသွားခဲ့ပေမယ့် ဘယ်အချိန် ဘယ်လိုစိုက်ရပါ့မလဲ ဆိုတဲ့အတွေးကတော့ စိတ်ကူးထဲမှာ အမြဲ ရှိနေခဲ့တာပါ။

ပြီးခဲ့တဲ့ ဆောင်းအကုန် နှင်းတွေ ပျော်တဲ့အချိန်မှ မြေကြီးပေါ် ချမစိုက်ဖြစ်ရင်တောင် အိုးနဲ့ စိုက်တော့မယ်လို့ စိတ်ကူးပြီး ရေသန့်ဗူးခွံလေးတွေဖြတ်၊ သစ်ပင်တွေအောက်က သစ်ရွက်ဆွေးမြေတွေကို သွားကျုံးပြီး မျိုးစေ့လေးတွေ ချပါတယ်။ မကြာခင်မှာပဲ ချဉ်ပေါင်ပင်လေးတွေ အပင်ပေါက်လာပါတယ်။ ပုံမှန်ရေလောင်းပေါင်းသင်လုပ်ရင်း အပင်လေးတွေလည်း တဖြည်းဖြည်း ပင်လားမြောက်လာရင်း ကျွန်တော်လည်း ဒီမြေဒီရေကို အပြီးတိုင် စွန့်ခွာရတော့မယ့် အချိန်ရောက်လာပါတယ်။ နှစ်ပင်သုံးပင် ပေါက်နေတဲ့ ချဉ်ပေါင်ပင်လေးတွေကို တစ်ပင်ချင်းစီ အိုးခွဲစိုက်ပြီး မြန်မာပြည် ပြန်ခါနီးမှာ ဆရာ့အိမ်ကို သွားပို့ခဲ့ပါတယ်။ ဆရာ့အိမ်နားက မြေကွက်လပ်မှာ ထားခဲ့တဲ့ အပင်လေးတွေကို ကျောင်းမှာ ကျန်ခဲ့တဲ့ ညီငယ်လေးတစ်ယောက်က မြေချ ပြုစုပျိုးထောင်ပေးလို့ အပင်လေးတွေ လူလူသူသူ ကြီးထွားခွင့်ရခဲ့တာကို ခေတ်သစ်ဆက်သွယ်ရေးနည်းပညာနဲ့ မြန်မာပြည်ကနေ မြင်ခွင့်ရခဲ့တုန်းက တော်တော် ပျော်မိခဲ့တာပါ။

သစ်ပင်လေးတွေကို အိုးနဲ့ စိုက်တဲ့ နေ့နဲ့ တစ်ရက်တည်းမှာပဲ ခုနင်က ပြောခဲ့တဲ့ တက္ကသိုလ်ဝင်းထဲက တောရိုင်းချန်ထားတဲ့ အပင်ကြီးတွေကြားမှာလည်း မျိုးစေ့တွေ သွားချထားခဲ့ပါသေးတယ်။ ပေါက်လိုပေါက်ငြားပေါ့။ အပင်ပေါက်ခဲ့တယ်ဆိုရင်လည်း ဆောင်းနှင်းထုဒဏ်ကို ခံနိုင်လို ခံနိုင်ငြားပေါ့။ တစ်နှစ်ပြီးတစ်နှစ် မျိုးဆက်တွေ ကျန်ခဲ့လိုကျန်ခဲ့ငြားပေါ့။ အိုးနဲ့သေချာစိုက် ရေလောင်းပေါင်းသင် မြေပေါ်ချစိုက်တဲ့ အပင်လေးတွေရဲ့ ဘ၀ကတော့ အနည်းဆုံး ဒီတစ်ရာသီစာ စိတ်ချရသွားပြီ ဆိုပေတဲ့ တောရိုင်းပင်တွေ ကြားထဲမှာ ချခဲ့တဲ့မျိုးစေ့လေးတွေရော ဘယ်လိုအခြေအနေရှိပါလိမ့်ဆိုတာ ကိုယ်တိုင်ကိုယ်ကျ တွေ့ခွင့်ရတော့မယ်ဆိုတဲ့ စိတ်ကူးနဲ့ ဒီကို တစ်ခေါက်ပြန်လာရမယ်ဆိုကတည်းက ရင်ခုန်စိတ်လှုပ်ရှားခဲ့တာပါ။

ဒီတစ်ခေါက် ကျောင်းကို ရောက်ပြီဆိုကတည်းက တိုင်ဖွန်းမုန်တိုင်းတစ်ခါလာ၊ ပထမတစ်ခုက အရှိန်ပျော့ရုံရှိသေး နောက်ထပ်တိုင်ဖွန်းတစ်ခုက ထပ်ပြီးချဉ်းကပ်လာ၊ ကျောင်းမှာလည်း နေသာတဲ့ ရက်က လက်ချိုးရေလို့ရအောင် နည်းတယ်။ နေသာတဲ့ ရက်တွေမှာလည်း တစ်ခြားအလုပ်တွေနဲ့မို့ ဒီနေ့မနက်တော့ မိုးတွေ တစိမ့်စိမ့် စွေနေတဲ့ကြားက ထီးတစ်လက်ဆောင်းပြီး အပင်တွေ လိုက်ရှာဖို့ ထွက်လာခဲ့တယ်။ ဆောင်းဦးပွင့်ဝေရဲ့ ခြေခင်းလက်ခင်းသာတဲ့ ညနေခင်းတစ်ခုမှာ ပန်းပွင့်လေးတို့ သားအမိနဲ့အတူ မျိုးစေ့လေးတွေ လိုက်ချခဲ့တာမို့ ဘယ်နေရာရောက်ရောက် ဘာကိုပဲတွေ့တွေ့ အမေးအမြန်းထူတတ်တဲ့ ပန်းပွင့်လေးကို လွမ်းနေမိသေးတယ်။

တောရိုင်းပင်တွေကြားထဲမှာ အပင်ချခဲ့တဲ့ နေရာလေးတွေကို သေသေချာချာ စေ့စေ့စပ်စပ်ကြည့်တာတောင် တစ်ပင်တစ်လေတောင် မတွေ့ရဘဲ အိမ်ထောင်သည်အဆောင်နားက ထင်းရှူးပင်တွေအခြေမှာပဲ အပင်ပေါက်အရွယ် ချဉ်ပေါင်ပင် သေးသေးလေးတွေကို တွေ့ခဲ့ရတယ်။ နေ့စဉ်မှတ်တမ်းမှာ ပြန်ရှာကြည့်တော့ ၂၀၁၆ မေလ ၂ ရက်နေ့ ရက်စွဲနဲ့ ဒီလိုရေးထားတာ တွေ့တယ်။ "အိမ်ကယူလာတဲ့ မျိုးစေ့လေးတွေကို သစ်ပင် မရှင်းမယ့်နေရာမှာ မြေလေးတွေ တူးဆွပြီး စိုက်တယ်။ နှင်းဒဏ်ကို မခံနိုင်ဘူးလို့ ထင်ပေမယ့် တစ်ရာသီတော့ ရှင်ကြမှာပါ" လို့ ကျွန်တော် မျှော်လင့်ထားလေး အချည်းအနှီးမဖြစ်တော့ဘူးပေါ့။ သစ်ပင်သက်တမ်း ငါးလနီးပါး ရှိနေတာတောင် အပင်အမြင့် လေးငါးလက်မလောက်ပဲရှိနေကြသေးရှာတဲ့ အပင်ပေါင်း ဆယ့်လေးပင်တိတိ။ ဆယ့်ငါးပင်များ ပြည့်အုံးမလားဆိုပြီး စေ့စေ့စပ်စပ် ရှာပေမယ့် ထပ်မတွေ့တော့တာမို့ ဆယ့်လေးပင်နဲ့ပဲ ကျေနပ်လိုက်ရတယ်။

ဂျပန်ပြည်ဆိုတာ ရေခြားမြေခြားက ရောက်လာတဲ့ အလေ့ကျသစ်ပင်တွေ ရှင်သန်ကြီးထွားလေ့မရှိတဲ့ တိုင်းပြည်၊ စနစ်တကျလည်း ပြုစုပျိုးထောင်ပေးကြတဲ့ တိုင်းပြည်၊ ပြုစုပျိုးထောင်တိုင်းလည်း အောင်မြင် ဖြစ်ထွန်းတဲ့ တိုင်းပြည်။ ကံအကြောင်းတရား မျက်နာသာပေးလို့ ဒီမြေဒီရေမှာရောက်ခဲ့ရင်တောင် စနစ်တကျ ပြုစုပျိုးထောင်တာ မရှိရင် ထွန်းကားပေါက်ရောက်ဖို့ မျှော်လင့်စရာအခြေအနေမရှိတဲ့ တိုင်းပြည် . . .

ဂျပန်ပြည်သို့ နောက်တစ်ခေါက်

ကုန်ခဲ့တဲ့ နှစ်နှစ်တာ ဘွဲ့လွန်ကျောင်းသားအဖြစ် တက်ခဲ့တဲ့ တက္ကသိုလ်မှာ ပြီးခဲ့တဲ့ ဇွန်လက ကျောင်းဆင်းပြီး အခု စက်တင်ဘာလထဲမှာ ကျောင်းသားသစ်အဖြစ် ပြန်ရောက်လာခဲ့တယ်။ ကျောင်းသားသစ်ဆိုပေမယ့်လည်း ကြားထဲမှာ နွေရာသီကျောင်းပိတ်ရက်သာ ခြားတာမို့ ကျောင်းကို အရင်တုန်းက နွေရာသီခွင့်ပြန်ပြီး ပြန်လာရသလိုပါပဲ။ မနှစ်က ပြန်လာချိန်တုန်းက UNU Global Seminar တက်ပြီး ဟိုဟိုသည်သည် လျှောက်လည်ဖို့ တိုကျိုမှာ တစ်ပတ်လောက် နေဖြစ်ခဲ့သလို အခုလည်း တိုကျိုက ဂျိုက်ကာဆန်တာမှာ သုံးနှစ်တာ ပညာသင်ကာလအတွက် လိုအပ်တဲ့ ဆောင်ရွက်ဖွယ်ရာလေးတွေ ပြင်ဆင်ဖို့ တစ်ပတ်လောက် နေရပါတယ်။ ဆန်တာမှာ နေတဲ့ တစ်ပတ်အတွင်း ကိုယ်ပိုင်ချိန် များများကြီး ရတာမို့ အတူရောက်လာတဲ့ ကျောင်းသားသစ်တွေကို တိုကျိုမြို့က ရောက်သင့်ရောက်ထိုက်တဲ့ နေရာလေးတွေ လိုက်ပို့ သိသင့်သိထိုက်တာလေးတွေ မျှဝေရင်းနဲ့ စရိတ်လည်း တော်တော်ပွန်းသွားပါတယ်။ ဒါပေတဲ့ အသစ်ရောက်လာတဲ့ သူတွေ နောက်တစ်ခါ ကိုယ့်ဘာသာ တိုကျိုလာရင် သွားဖို့လာဖို့ ရထားစီးဖို့ ဈေးဝယ်ဖို့ ထမင်းစားဖို့ အခုလို ရောက်ရောက်ချင်းအချိန်မှာ တစ်ခြားဖိစီးမှုတွေ မရှိသေးတဲ့အချိန်မှာ လိုက်ပို့ခွင့်ရလိုက်လို့ သူတို့တွေ နောင်အခါ တိုကျိုကို ကိုယ့်ဘာသာ သွားဖို့လာဖို့ ယုံကြည်မှုလေးတွေ ရသွားတယ်ဆိုရင် ကျွန်တော် ပိုက်ဆံကုန်ရကျိုး နပ်တယ်လို့ပဲ ဖြေသိမ့်လိုက်ပါတယ်။

တိုကျိုမှာနေတဲ့ တစ်ပတ်အတွင်း ဂျပန်-မြန်မာအသင်း ဥက္ကဌ မစ္စတာ ၀ါတာနာဘေးတည်ခင်းတဲ့ နေ့လည်စာစားပွဲ၊ သံအမတ်ကြီး ဖိတ်ခေါ်ကြိုဆိုပြီး တည်ခင်းတဲ့ နေ့လည်စာ၊ စစ်သံမှူး နဲ့ ဂျပန်မှာ သင်တန်းတက်နေတဲ့ အရာရှိကြီးတွေနဲ့အတူ ဆုံကြတဲ့ပွဲ၊ စစ်သံမှူးက စစ်သံရုံးကို ဖိတ်ခေါ်ပြီး ကြိုဆိုတဲ့ပွဲတွေ တက်ဖြစ်လိုက်ပါတယ်။ ဒါ့အပြင် မြန်မာပြည်မှာတောင် မဖူးဖြစ်တဲ့ ဆရာတော် အရှင်ဆေကိန္ဒရဲ့ လူငယ်များနဲ့ တွေ့ဆုံပွဲကိုလည်း ရောက်ဖြစ်အောင် ရောက်လိုက်ပါသေးတယ်။

တိုကျိုမှာ တစ်ပတ်လောက်နေပြီးတော့ ကျောင်းကို ချီတက်ကြပါတယ်။ ပထမဆုံး အခေါက် ကျောင်းကိုလာတုန်းကလိုပဲ စင်းလုံးငှား ဘတ်စ်ကားကြီးနဲ့ပါ။ အရင်တစ်ခေါက်တုန်းက ကျောင်းက ဆရာမျိုးနဲ့ စီနီယာကျောင်းသားတွေ လာကြိုတဲ့ ဘတ်စ်ကားဖြစ်ပြီး ဒီတစ်ခေါက်ကတော့ ဂျိုက်ကာက လိုက်ပို့တဲ့ ကားနဲ့ ဖြစ်ပါတယ်။ ကျောင်းကို ရောက်ရောက်ချင်း အဆောင်တစ်မှာ ပစ္စည်းတွေချ အခန်းသော့ယူပြီး ကျောင်းသားရေးရာကို သတင်းပို့ရပါတယ်။ တစ်ခြားသူတွေက ဘဏ်စာရင်းအသစ် ဖွင့်ရပေမယ့် ကျွန်တော်ကတော့ ကျွန်တော့် ဘဏ်စာရင်းကို ယန်းလေးရာလောက်ချန်ပြီး မပိတ်ဘဲ ထားခဲ့တာကြောင့် အဲသည်ဘဏ်စာရင်းကို ဆက်သုံးမယ်ဆိုတဲ့အကြောင်း ငွေစာရင်းဌာနကို အသိပေးရပါတယ်။ မိတ္တူကူးတဲ့အခါမှာ အသုံးပြုတဲ့ ကတ်ကလေးတစ်ခုကို ငွေစာရင်းဌာနက ကျောင်းသားတွေကို ထုတ်ပေးပါတယ်။  ညနေပိုင်းမှာ ကျောင်းသားရေးရာ ဌာနမှူး ဂရစ်ချန်ရဲ့ ကျောင်းနဲ့ ပတ်သက်တဲ့ နေမှုထိုင်မှုဆိုင်ရာ ရှင်းလင်းပွဲကို နားထောင်ပြီး စီနီယာတွေ ပြင်ဆင်ထားပေးတဲ့ ညစာကို အဆောင်သုံးမှာ စားပါတယ်။

ကြားထဲက ရုံးပိတ်ရက်တစ်ရက်မှာ ဆရာ့အိမ်နောက် မြေကွက်လပ်မှာ ကျူးလစ်ပင်တွေ စိုက်ဖြစ်ပြီး ရုံးပြန်ဖွင့်တဲ့ သောကြ်ာနေ့မှာ နေရပ်လိပ်စာ နဲ့ ကျန်းမာရေးအာမခံ မှတ်ပုံတင်ကိစ္စအတွက် မြို့တော်ရုံးက လာလုပ်ပေးပါတယ်။ ဟီရိုရှီးမားတက္ကသိုလ်မှာ ကျွန်တော်တို့လိုပဲ ပါရဂူလာတက်တဲ့ အိုင်ယူဂျေ ကျောင်းသားဟောင်း အစ်ကိုကြီးတစ်ယောက် ရောက်နေလို့ ညပိုင်းမှာ ဆရာ့အိမ်မှာ ၀ိုင်းကြပါတယ်။ အသောက်အစားထက် စကားစမြည်ပြောကြတဲ့သဘောပါ။

စနေနေ့မနက် လာအိုကျောင်းသားတွေ လုပ်တဲ့ ပစ္စည်းဟောင်းဈေးပွဲတော် (Flea Market) ကိုတော့ အိပ်ယာထ ပျင်းတာရယ် အဲသည်က ပစ္စည်းတွေ မကြိုက်တာရယ်ကြောင့် မသွားဖြစ်တော့ဘဲ တစ်မြို့ကျော် မူအီကာမာချီမြို့က AEON ကို လိုက်ပို့ပေးတဲ့ ကျောင်းကားစီးဖို့ သွားတန်းစီပါတယ်။ ဒီလို ကျောင်းဖွင့်ရက်မျိုးမှာ ကျောင်းသားတိုင်းနီးပါး ဘ၀အသစ် စကြရတာမို့ သွားချင်တဲ့ ကျောင်းသားက ကားဆန့်တာထက် နှစ်ဆလောက် ဖြစ်နေတတ်ပါတယ်။ အဲဒါ နှစ်တိုင်း ဖြစ်နေကျကို ကျောင်းသားရေးရာက ဘာကြောင့် အဆင်ပြေအောင် မလုပ်ပေးမှန်း နားမလည်ပါဘူး။ တစ်နာရီခွဲလောက် တန်းစီအပြီး ဈေးကား ထွက်တဲ့အခါ ထုံးစံအတိုင်း ကျောင်းသားတစ်ဝက်လောက် ကျန်ခဲ့ပါတယ်။ AEON မှာ အခန်းအတွက် လိုအပ်တာတွေ ၀ယ်ခြမ်းပြီး ပြန်လာတော့ ကျောင်းကားကို မီတယ် ဆိုရုံလေးပါ။ နောက်များကျလို့ကတော့ မတွေးရဲစရာပါပဲ။ ကားနဲ့ ရထား တက္ကစီ သုံးဆင့်စီးပြီးမှ ပြန်လို့ရမှာမို့ ပိုက်ဆံကလဲ သောက်သောက်လဲ ကုန်မှာပါ။ လိုအပ်တဲ့ ပစ္စည်းပစ္စယလေးတွေကို ယန်းတစ်ရာဆိုင်မှာ ၀ယ်တာတောင်မှ ယန်းခြောက်ထောင်ကျော်ဖိုး ဖြစ်သွားပါတယ်။ ဒါတောင် တိုကျိုမှာ ယန်းရှစ်ထောင်ကျော်ဖိုးလောက် ၀ယ်လာခဲ့ပြီးသားပါ။

တနင်္ဂနွေနေ့ မနက်ကျတော့လည်း ဟင်းချက်စရာဝယ်ဖို့ Rara ကို သွားရပါတယ်။ ထုံးစံအတိုင်း တစ်နာရီလောက် တန်းစီပြီးသကာလ၊ စည်းမရှိ ကမ်းမရှိ ယဉ်ကျေးမှု မရှိတဲ့ အရိုင်းအစိုင်းတိုင်းပြည်တစ်ချို့ကလာတဲ့ ကျောင်းသားလက်တစ်ဆုပ်လောက်ကို အကြောင်းပြုပြီး ဒေါမနဿပွားပြီးသကာလမှာ Rara ကိုရောက်ပါတယ်။ အခြေခံစားသောက်ကုန် ဆန် ဆီ ဆား ကြက်သွန် ဖြူ နီ သကြား ကော်ဖီ နို့မှုန့် ပေါင်မုန့် အချိုမှုန့် အသားနည်းနည်း နဲ့ မုန်လာဥနီ နည်းနည်း ၀ယ်လာပြီး ဆယ့်ငါးမိနစ်လောက် လမ်းလျှောက်ရတဲ့ အဟောင်းဆိုင်တစ်ခုကို သွားပါတယ်။ အဓိကက ရေခဲသေတ္တာ သင့်သင့်တော်တော် တစ်လုံးလောက် လိုချင်လို့ပါ။ ဒါပေမယ့် အဲသည်ဆိုင်က ပစ္စည်းတွေက ဈေးကြီးလွန်းတယ်ထင်လို့ ကြွေရေနွေးခရားလေးတစ်လုံးပဲ ၀ယ်လာဖြစ်ပါတယ်။

ညနေပိုင်းမှာ ဇူလိုင် သြဂုတ် စက်တင်ဘာ မွေးနေ့ရှင်တွေရဲ့ မွေးနေ့ပွဲမှာ ကာရာအိုကေ ဆိုနိုင်ဖို့ စက်ဆင်တာ ဆောင်းဘောက်ဆင်တာ အသံစမ်းတာတွေ လုပ်ပြီး ပျော်စရာကောင်းတဲ့ မွေးနေ့ပွဲကို ပျော်ပျော်ရွှင်ရွှင်ဆင်နွှဲနေလိုက်တာ ပန်းပွင့်လေးတို့ သားအမိကို ဖုန်းဆက်ဖို့တောင် မေ့သွားပါတယ် . . .

ပါရဂူတန်း

ပါရဂူကျောင်းသားတွေကို ဒီနေ့ အကြိုမိတ်ဆက်ရှင်းလင်းပွဲ လုပ်တယ်။ ပါရဂူသင်တန်းဒါရိုက်တာ ဆရာမ ကူမာဂအိ က ရှင်းလင်းဆွေးနွေးတာပါ။ ဒီနှစ် ပါရဂူ သင်တန်းသား လေးယောက်နဲ့ မနှစ်က သင်တန်းသားတစ်ယောက်၊ ဂျပန် ကာကွယ်ရေးဝန်ကြီးဌာနက ပြည်သူ့ရေးရာမူဝါဒ မဟာသင်တန်းသူတစ်ယောက် နဲ့အတူ ဆရာမျိုး ဆရာကိုရေး နဲ့ စာပေရေးရာက နှစ်ယောက်တက်ကြတယ်။ စီနီယာကျောင်းသားက အင်္ဂလန်သားပေမယ့် အမေရိကန်မှာလည်း အကြာကြီးနေဖူးတာမို့ အမေရိကန်လေသံပေါက်နေတဲ့ နစ် ဆိုတဲ့ အိုင်ယူဂျေ ကျောင်းဆင်း၊ အခုနှစ်တက်မယ့် ပါရဂူသင်တန်းသား လေးယောက်အနက် ပြည်သူ့ရေးရာမူဝါဒဆိုင်ရာ ပါရဂူသင်တန်းသူက မြန်မာ၊ နိုင်ငံတကာဆက်ဆံရေးပညာအပိုင်းက ပါရဂူသင်တန်းသား သုံးယောက်ရှိတဲ့အထဲ နှစ်ယောက်က မြန်မာဖြစ်ပြီး တစ်ယောက်ကတော့ လီဆာလို့ခေါ်တဲ့ တောင်အာဖရိကက အဖြူမလေး။ သူလည်း မိခင်ဘာသာ အင်္ဂလိပ်စကား ဖြစ်ရုံမက အခုလက်ရှိ ကမ္ဘာပတ်ပြီး အင်္ဂလိပ်စာ သင်ကြားပို့ချနေတဲ့သူဆိုတော့ မွေးကတည်းက အင်္ဂလိပ်လို အူဝဲခဲ့တဲ့သူတွေနဲ့ အတူ အင်္ဂလိပ်လို သင်တဲ့ကျောင်းမှာတက်ရမှာ ဆိုတော့ စိန်ခေါ်ချက်က မသေးလှဘူးရယ်။
ဆရာမက သင်တန်းနဲ့ ပတ်သက်ပြီး သိသင့်သိထိုက်တာတွေ ရှင်းပြတယ်။ ပထမနှစ် သုံးတန်းမှာ အိုင်အာနဲ့ ပတ်သက်တဲ့ ဘာသာရပ်သုံးခုကို တစ်တန်းစီ ယူရမယ့်အပြင် ပြည်သူ့ရေးရာမူဝါဒနဲ့ ပတ်သက်ပြီးတော့လည်း တစ်တန်းတက်ရမယ်။ ပထမနှစ် အပြီး နွေရာသီ အစပိုင်းရောက်ရင် ၀င်ခွင့်စာမေးပွဲ ဖြေရမယ်။ ပြီးတော့ ကိုယ်တင်မယ့် စာတမ်းခေါင်းစဉ်နဲ့ ပတ်သက်ပြီးတော့လည်း ခုခံစာမေးပွဲ  ဖြေရမယ်တဲ့။ ပါရဂူစာတမ်းမှာ ပညာရပ်ဆိုင်ရာ နိုင်ငံတကာ ဂျာနယ်မှာ ပုံနှိပ်ဖော်ပြဖို့ အဆင့်အတန်းရှိတဲ့ စာတမ်းသုံးစောင် (သုံးစောင်ပေါင်းရင် ပါရဂူစာတမ်းဖြစ်)  ရေးရမှာဖြစ်ပြီး ဘွဲ့ယူတဲ့ အချိန်မှာ အနည်းဆုံး စာတမ်းတစ်စောင်က နိုင်ငံတကာ ရည်ညွှန်းဂျာနည် တစ်စောင်စောင်မှာ ပုံနှိပ်ဖော်ပြပြီး ဖြစ်နေရမယ်လို့ ဆိုပါတယ်။
ရှင်းလင်းပွဲပြီးတော့ ဆရာမျိုးနဲ့ ဆရာကိုရေးက မှာစရာရှိတာလေးတွေ မှာ၊ ကျောင်းသားတွေက တစ်ယောက်ချင်း ကိုယ့်ကိုယ်ကို မိတ်ဆက်။ ပြီး ကျွန်တော်တို့ ပါရဂူသင်တန်းသားတွေအတွက် ပေးထားတဲ့ စာဖတ်ခန်းကို ခေါ်သွားတယ်။ အထဲမှာ မီးခလုတ် မီးချောင်း ပလပ်ပေါက် အပြည့်အစုံနဲ့ သီးသန့်စာကြည့်စားပွဲတစ်ခုစီရယ်၊ ကိုယ့်လျို့ဝှက်နံပတ်နဲ့ကိုယ် ဖွင့်ရတဲ့ ဗီရိုအရှည်တစ်လုံး အပုတစ်လုံးစီရယ် ပေးတယ်။ အခန်းထဲမှာ ပရင်တာတစ်လုံးရှိတယ်။ အင်တာနက် ၀ိုင်ဖိုင်နဲ့ လန်ကြိုးပေါက်တို့ကတော့ စာကြည့်တိုက်ထဲကလိုပေါ့။ အခန်းကိုလည်း လျို့ဝှက်နံပတ်နဲ့ ဖွင့်မှ ရတယ်။ ပါရဂူကျောင်းသားတွေကို ပေးထားတဲ့ စာကြည့်ခန်းကို ပါရဂူကျမ်းကြီးကြပ်သူ ဆရာကို ပေးမသိရင် ဆရာက ကိုယ့်ကျောင်းသားကို ဘယ်လို စောင့်ကြည့်လမ်းညွှန်လုပ်ရပါ့မလဲဆိုလို့ ဆရာ့ကိုပါ အခန်းလျို့ဝှက်နံပတ် ပေးတယ်။ ဓာတ်ခွဲခန်း ဆန်လှတဲ့ အဲသည်စာဖတ်ခန်းမှာ ထက် ကဗျာဆန်တဲ့ ကိုယ့်အခန်းထဲမှာကို စာဖတ်ရင် ပိုများ ကောင်းမလား တွေးမိတယ်။ 

ကျန်းမာပါစေ

အချိန်အတိုင်းအတာတစ်ခု လုံလုံလောက်လောက် ရခဲ့ပါလျက်ကနဲ့ ကိုယ့်ရဲ့ အဖွဲ့အစည်းကို ပြုစုပျိုးထောင်ပြီး မျိုးဆက်သစ်ကို မွေးထုတ် ကိုယ့်နေရာမှာ အစားဝင်ပြီး ကိုယ်မရှိရင်တောင် ရပ်တည်ရှင်သန်နိုင်အောင် လုပ်ခဲ့သင့်ပါလျက်နဲ့ ကိုယ့်ကိုယ်ကို ဇမ်းတင်တဲ့အလုပ်၊ အရေးကြီးသော်လည်း ဦးစားမပေးသင့်တဲ့ အလုပ်တွေနဲ့ အချိန်ဖြုန်းခဲ့တဲ့ အခါကျတော့ အခုနေများ ခေါက်ကနဲ ဖြစ်သွားလို့ကတော့ ကျန်ခဲ့တဲ့ ငတာတွေ အကုန် ခွေးဖြစ်မှာပဲ။ ငုတ်တုတ်ကြီး ရှိနေတာတောင်၊ အရှင်လတ်လတ် အာပေါက်မတတ် ပြောဟောဆုံးမပြီး ဘယ်သူ့ကိုမှ တာဝန်ခွဲမပေးဘဲ တစ်ယောက်တည်းဒိုင်ခံ သေလုမျောပါး အလုပ်တွေ လုပ်ပြနေတာတောင် အကွက်တွေ လှတယ်ဆိုတာလောက် တာတတ်တဲ့ ငတုံးတွေနဲ့သာ ဆက်စခန်းသွားရရင်၊ ကိုယ့်အရည်အချင်းကိုယ် ဖြည့်ဆည်းပြင်ဆင်ထားဖို့ထက် စစ်တပ်ထွက်သွားဆိုတာလောက် အော်တတ်တဲ့ ငဖျင်းတွေနဲ့သာ ဆက်စခန်းသွားရရင်၊ လွတ်လပ်ပြီဆိုပြီး လမ်းပေါ်ထွက် စပါးလှမ်းတဲ့ ပြည်သူဆိုသူတွေနဲ့သာ ဆက်စခန်းသွားရရင် . . .
.
.
.
ဒေါ်အောင်ဆန်းစုကြည် အမြန်ဆုံး ကျန်းမာပါစေ

ရောမသောက်နဲ့

သူငယ်ချင်း မိဘ နဲ့ အိမ်ထောင်ဘက်တို့ဟာ

ရမ် ဗော့ဒကာ နဲ့ ဆာကေး တို့လိုပဲ

တစ်မျိုးချင်းစီဆို အရသာရှိပေမယ့်

ရောသောက်လိုက်မိလို့ကတော့

ငါးပါးကို မှောက်ကရော

အီကွေနော့

. . . ဒီနေ့က 秋 分の日 (Autumnal Equinox Day) လို့ခေါ်တဲ့ ဆောင်းဦးရွက်ကြွေရာသီ အကြို - နေ့တာညတာ ထပ်တူအကျဆုံးနေ့ ဖြစ်ပါတယ်။ နေ့တာရှည်ပြီး ညတာတိုတဲ့ နွေရာသီဟာ မနေ့ကပဲ ကုန်ဆုံးပါပြီ။ ဒီနေ့မှာ နေ့တာနဲ့ညတာ အညီအမျှဖြစ်ပြီး နက်ဖြန်ကစလို့ နေ့တာတိုပြီး ညတာရှည်တဲ့ ဆောင်းနှင်းဝေရဲ့ ရှေ့ပြေးဖြစ်တဲ့ ဆောင်းဦးရွက်ကြွေရာသီ စပါပြီ။ နွေရာသီကို နုတ်ဆက်ပြီး ဆောင်းဦးရွက်ကြွေရာသီကို ကြိုဆိုတဲ့ အထိမ်းအမှတ်နဲ့ ဒီနေ့ ဆရာ့အိမ်မှာ ကျူးလစ်ပန်းတွေ စိုက်ကြတယ်။ ရောင်စုံကျူးလစ်ပန်း မျိုးဥတွေကို အကွက်ဖော်ပြီး စိုက်တာပါ။ ဒီပန်းဥတွေဟာ နက်ဖြန်ကစတဲ့ ဆောင်းဦးရွက်ကြွေ တစ်ရာသီလုံး ရော်ရွက်ဝါကြွေတွေ အောက်မှာနေ၊ ဆောင်းရာသီတစ်ခုလုံး နှင်းဖြူဖြူတွေ အောက်မှာ ပုန်းခိုပြီးရင် နွေဦးပေါက်လို့ ဆီးနှင်းတွေ ပျော်ဆင်းသွားပြီဆိုတာနဲ့ မြေကြီးအောက်က ပျော်ပျော်ရွှင်ရွှင် လန်းလန်းလှလှ ထွက်လာကြတော့မှာပါ။ တစ်ဆောင်းတွင်းလုံး နှင်းတွေပိတ်ဖုံးနေတဲ့ လောကကြီးကို ရောင်စုံတောက်ပတဲ့ ပန်းလေးတွေနဲ့ တန်ဆာဆင်ကြတော့မှာပါ။ အနွေးထည် ထူထူကြီးတွေရဲ့ ဖိစီးမှုအောက်က လွတ်မြောက်လာကြတဲ့ မိန်းမလှလေးတွေရဲ့ နုနယ်ပျိုမြစ်တဲ့ ကိုယ်ခန္ဓာအလှနဲ့ လုလင်ပျိုတွေကို ရူပါရုံဒါနပြုကြသလို ငွားငွားစွင့်စွင့်နဲ့ ပွင့်လာတဲ့ ကျူးလစ်ပန်းပွင့်လေးတွေကလည်း နွေဦးပွင့်ဝေရာသီရဲ့ အလှကို ပိုပြီး ပဏာတင့်စေတော့မှာပါ
.
. . . ဒီနေ့မှာ နေမင်းကြီးဟာ အီကွေတာမျဉ်းကြောင်းပေါ်ကို ထောင့်မှန်တည့်တည့်ကျလို့ နေ့တာနဲ့ ညတာ ထပ်တူညီသွားတာ ဖြစ်ပါတယ်။ ဒီနေ့လို နေ့မျိုး တစ်နှစ်မှာ နှစ်ခါ ဖြစ်ပါတယ်။ ဒီနှစ်မှာဆိုရင် ပြီးခဲ့တဲ့ မတ်လ ၂၀ ရက်နဲ့ စက်တင်ဘာလ ၂၂ ရက်တို့မှာ နေဟာ အီကွေတာပေါ်ကို ထောင့်မှန်ကျ ရောက်ရှိပါတယ်။ အလားတူစွာပဲ နေ့တာ အရှည်ဆုံးနဲ့ နေ့တာ အတိုဆုံးရက်တွေလည်း ရှိပါသေးတယ်။ ဒီနှစ်အတွက် ပြီးခဲ့တဲ့ ဇွန်လ ၂၀ ရက်နေ့မှာ နေ့တာ အရှည်ဆုံးဖြစ်ပြီး လာမယ့် ဒီဇင်ဘာလ ၂၁ ရက်နေ့ကျရင် နေ့တာအတိုဆုံး ဖြစ်အုံးမှာပါ။ အင်္ဂလိပ်လိုတော့ Solstice လို့ ခေါ်ပါသတဲ့။
.
. . . အခုလို ဖြစ်ရတဲ့ အကြောင်းရင်းကတော့ ကမ္ဘာကြီးရဲ့ ၀င်ရိုးဟာ ၂၃ ဒီဂရီခွဲ တိမ်းစောင်းလည်ပတ်နေတာကြောင့် ဖြစ်ပါတယ်။ ၀င်ရိုးပေါ်မှာ တစ်ရက်ကို တစ်ပတ်နှုန်း လည်။ နေကိုလည်း တစ်နှစ်ကို တစ်ပတ်နှုန်းနဲ့ လှည့်ပတ်နေတဲ့ ကမ္ဘာကြီးသာ ၀င်ရိုးတည့်တည့်ပေါ်မှာ လည်နေရင် အခုလိုမျိုးတွေ ရှိမှာ မဟုတ်ဘဲ နေ့တိုင်းနေ့တိုင်း နေ့တာနဲ့ ညတာက ထပ်တူကျနေမှာပါ။ အခုတော့ ကမ္ဘာကြီးက နည်းနည်းလေး စောင်းနေတာကြောင့် နွေဦးပေါက်လိုက် နွေရောက်လိုက် ဆောင်းဦးရွက်ကြွေဖြစ်လိုက် ဆောင်းနှင်းဝေဖြစ်လိုက် ဖြစ်နေရတာ ဖြစ်ပါတယ်။ ဒီလိုသာ မဟုတ်ရင် တစ်နှစ်လုံး ရာသီတွေက အတူတူပဲ ဖြစ်နေမလားတောင် မသိပါဘူး။
.
. . . ကျူးလစ်ပန်းလေးတွေ စိုက်တော့ ပန်းပွင့်လေးနဲ့ သူ့မေမေကို လွမ်းမိရပါသေးတယ်။ ကျူးလစ်ပန်းတွေ ပွင့်ရင် ပိုတောင်လွမ်းရအုံးမယ်ထင်ပါရဲ့။ အို ဒီလိုလည်း မဟုတ်သေးပါဘူး။ ဒီနေ့စိုက်တဲ့ ကျူးလစ်တွေ ဝေေ၀ဆာဆာ ပွင့်ပြီဆိုမှဖြင့် မြန်မာပြည်ခဏပြန်ပြီး ပန်းပွင့်လေးနဲ့ ကစားဖို့ ပုံတွေပြောပြဖို့ သစ်ပင်တွေ အတူစိုက်ဖို့ အရုပ်ကလေးတွေ အတူတူလုပ်ကြဖို့နဲ့ ပန်းပွင့်လေးမေးတဲ့ မဆုံးနိုင်တဲ့ မေးခွန်းတွေကို ကိုယ်တိုင်ကိုယ်ကျ ဖြေပေးဖို့ အခွင့်ရချင်ရအုံးမှာပါလေ . . .
.
၂၀၁၆ စက်တင်ဘာလ ၂၂ ရက်

စဆရက

သူများနည်းတူပဲ ဖွဘုတ်ကို သုံးနေပေမယ့် ဖွဘုတ် ဘာသာစကားထဲက ဝေါဟာရတွေကိုတော့ အကုန်လုံး မသိဘူးဗျ။ မသိလို့ မေးပြန်ရင်လည်း တုံးရာကျမှာစိုးလို့ ဘယ်သူ့မှ မမေးရဲ။ သူများတွေ ပြောနေကြတော့ ကိုယ်လည်း သိသလိုလို ဘာလိုလို လုပ်ရတာပေါ့။ အဲဒီထဲက ကြားဖူးတာ တော်တော်ကြာနေပေမယ့် အဓိပ္ပာယ်သိတာ သိပ်မကြာသေးတဲ့ စကားလုံးကတော့ စဆရကပဲ။

တကယ့်ကတယ်ကျတော့ ဖွဘုတ်ဆိုတာ စဆရက လောကကြီးပေပဲ။ ဖွဘုတ်မှာ တတ်သိနားလည်တဲ့သူ တော်တော် များတာကလား။ သူ့နယ်ပယ်နဲ့သူကတော့ စူ့ထက်စူလူစွမ်းကောင်းတွေချည်းပဲ ဆိုတာလိုပဲ။ ကမ္ဘာမှာပဲဖြစ်ဖြစ် မြန်မာမှာပဲဖြစ်ဖြစ် တစ်ခုခု ဖြစ်လိုက်ပြီလားဆိုရင် အဲသည် စဆရကများက အမြင်အမျိုးမျိုး ရှုထောင့်အမျိုးမျိုး အစွဲအမျိုးမျိုးကနေ သုံးသပ်ပြတော့တာကလား။ ဆရာဆရာကြီးတွေ များလွန်းအားကြီးလို့ ဘယ်ဆရာက ပိုဆရာကျသလဲဆိုတာကိုတောင် မသိတတ်လောက်အောင်ကိုပါပဲ။

အင်း . . . သူများကို လက်ညှိုးတစ်ချောင်းထိုးတော့ ကိုယ့်ဘက်ကို သုံးချောင်းပြန်ထိုးတယ်ဆိုတာကလည်း ရှိသေးတာကိုး။ ကိုယ့်ကိုယ်ကို ပြန်ကြည့်လိုက်တော့ ကိုယ်လည်းပဲ ငယ်ရွယ်နုပျိုစဉ် အခါတုန်းများဆို တယ်လဲ စဆရက ဖြစ်ခဲ့တာပေပဲ။ သူများတွေ တစ်ခုခု ပြောနေပြီလားဆိုရင် အသာလေး နားထောင်နေတယ် ကိုယ်သိတဲ့အပိုင်းရောက်လို့ကတော့ ဘယ်လို ၀င်ပြီး စဆရက လုပ်ရမလဲ ချောင်းနေတော့တာ။ တစ်ခါတစ်လေ ကိုယ်လုံးလုံးမသိတဲ့ နယ်ပယ်က ကိစ္စတစ်ခုခု ပြောနေတယ်ဆိုရင်တောင် ကိုယ်သိထားတာလေးနဲ့ ဘယ်လိုဆက်စပ်ပြီး ဘယ်လို စဆရက လုပ်ရမလဲ ဆိုတာ ကြံဖန်ဝင်လုံးတတ်သေးတာ။ ဆိုင်ဆိုင်မဆိုင်ဆိုင် ကိုယ်သိထားတာတွေဘက်ကိုပဲ အတင်းဆွဲဆွဲပြောတတ်လွန်းလို့ သူငယ်ချင်းတစ်ယောက်ကဆို ကျွန်တော့်ကို ကြမ်းပိုးပုံပြင်ပြောပြပြီး သာသာနဲ့ နာနာနှက် ဆုံးမပါရောလား။ ကြမ်းပိုးပုံပြင်ဆိုလို့ ငယ်ငယ်က ပုံပြောကောင်းတဲ့ ဆရာမ ဒေါ်ဌေးအောင်ကို သတိရမိသေးတယ်။ အကောင်းသတိရတာတော့မဟုတ်ဘူး။ ဆရာမက မြန်မာစာသင်တာ၊ ပုံပြောလည်းကောင်းတယ်။ ဆရာမ ပုံပြောနေရင် ကိုယ်က ကြားက ဖြတ်ဖြတ်ပြောလို့ ဆရာမက ကဲမောင်ကောင်း မင်းဒီလောက် သိနေတယ်ဆိုရင်လည်း ငါမပြောတော့ဘူး အတန်းသားတွေကို မင်းပဲ ပြောပြလိုက်တော့ ဆိုပြီး အူတိအူကြောင်နဲ့ အတန်းထဲမှာ မတ်တပ်ရပ်နေရဖူးတာကို သတိရသွားတယ်ပြောတာ။

အခုတော့လည်း အသက်တွေကြီးလာလို့လား မသိဘူး။ တစ်ခုခုဆို သူများတွေပြောရင် ဘာမှကို ၀င်မပြောချင်တော့ဘူး။ ကိုယ်က အစီအစဉ်တကျလုပ်နေတုန်း ကိုယ့်လောက်လည်း မသိဘဲနဲ့ ကြားထဲကဖြတ်ပြီး စဆရက ၀င်လုပ်ရင် ငယ်ငယ်ကဆို စိတ်ဆိုးမာန်ဆိုး တုန့်ပြန်မိတတ်ခဲ့ပေမယ့် အခုတော့လည်း အဲဒါမျိုးတွေ ကြုံရရင် ဘာမှကို ပြောချင်စိတ်မရှိဘဲ စိတ်ပျက်လက်ပျက်နဲ့ ကြည့်နေတတ်တော့တာ။ ကဲကဲ မင်းပဲလုပ်တော့ဆိုတဲ့ အထာနဲ့ အဲလိုလူမျိုးကို ရှေ့ကသွားခိုင်းချင်နေတော့တာ။ အဲဒီလို စိတ်ပျက်စရာတွေ များများ ကြုံလာရလေ ဆရာမကြီး ဒေါ်ဌေးအောင်ကို သတိရလေပဲ။ အင်း ကျွန်တော့် ဆရာသမား လူကြီးမိဘများ သူတို့လုပ်နေ ပြောနေတဲ့ နေရာတွေမှာ ကျွန်တော့်ရဲ့ မတောက်တခေါက် ဗဟုသုတလေးတွေနဲ့ စဆရက ၀င်လုပ်ခဲ့တဲ့ဒဏ်ကို ဘယ်လောက်တောင် ခံခဲ့ရတယ်မသိ . . .

မျက်လုံးတစ်ဘက်

လွန်ခဲ့တဲ့ နှစ်နှစ်နဲ့ နှစ်ရက်တိတိတုန်းက အခုလိုပဲ တိုကျိုကနေ ကျွန်တော်တက်ရမယ့် တက္ကသိုလ်ဆီကို ဒီလို ဘတ်စ်ကားကြီးနဲ့ပဲ သွားနေခဲ့တာကို သတိရမိတယ်။ အဲသည်တုန်းက ကားပေါ်ပါလာတဲ့ သူတွေထဲမှာ ကျွန်တော်ရယ် အစ်ကိုကြီးတစ်ယောက်ရယ် နှစ်ယောက်တော့ အခု ကားပေါ်မှာ ပြန်ပါလာတယ်။ အဲသည်တုန်းကတော့ အစ်ကိုကြီးက စီနီယာကျောင်းသားတစ်ယောက်အဖြစ် လာကြိုတဲ့သူဖြစ်ပြီး ကျွန်တော်ကတော့ ကျောင်းသားသစ်လေးဖြစ်ခဲ့ပါတယ်။ အခုတော့ ကျွန်တော်တို့ နှစ်ယောက်လုံး ကျောင်းသားသစ်လေးတွေအဖြစ် ဒီကားပေါ်က အခြား ကျောင်းသားသစ်လေးတွေနဲ့အတူ ကျောင်းကို ချီတက်နေကြတာပါ။
အဲသည်တုန်းက ဒီလိုကားကြီးပေါ်မှာ ပြောဖြစ်ခဲ့တဲ့အကြောင်းလေးတွေကို ပြန်စဉ်းစားနေမိတယ်။ တိုကျိုက ညရှစ်နာရီကျော်လောက်မှ ထွက်လာတာမို့ တစ်လမ်းလုံး အပြင်ကို ကြည့်ရှုစရာ နည်းပြီး စကားတွေပဲ ပြောဖြစ်ခဲ့ကြတာပါ။ မတိုင်ခင်ညက ညလုံးပေါက် လေယာဉ်စီးခဲ့ရတာရယ် တိုကျိုရောက်ရောက်ချင်း တစ်နေကုန် မနားဘဲ လျှောက်လည်ခဲ့ရတာရယ်ကြောင့် ပင်ပန်းပြီး ကိုယ်ခန္ဓာက နွမ်းနယ်နေပေမယ့် ကိုယ်ရချင်တဲ့ နိုင်ငံရပ်ခြားတက္ကသိုလ်တစ်ခုရဲ့ ကျောင်းသားဘ၀ကို ဒုတ်ဒုတ်ထိ ရောက်ရှိတော့မှာမို့ စိတ်တွေလှုပ်ရှားပြီး ကားပေါ်မှာလည်း မအိပ်ဖြစ်တော့ဘဲ စကားတွေ ပြောနေဖြစ်ခဲ့တာ။
ငယ်ငယ်ကတည်းက သူငယ်ချင်းတွေကို ကြည့်ပြီး အားကျခဲ့ရတဲ့ နိုင်ငံရပ်ခြား တက္ကသိုလ်ကျောင်းသားဘ၀ကို အသက် သုံးဆယ်ကြီးကျော်မှ ရခဲ့ပေမယ့် ကိုယ်ကိုယ်တိုင် ဆုံးဖြတ်ရွေးချယ်ခဲ့တဲ့ ဘ၀ရဲ့ လမ်းကြောင်းအရ နိုင်ငံတကာဆက်ဆံရေးဆိုတဲ့ ဘာသာရပ်ကို မဟာဘွဲ့လောက်နဲ့ တင် ကျေနပ်မနေဘဲ ပါရဂူဘွဲ့အဆင့်ထိ တက်လှမ်းဖို့ လိုတယ်ဆိုတာ အဲသည်တုန်းက သူငယ်ချင်းနဲ့ ဆွေးနွေးဖြစ်ခဲ့တယ်။ သူငယ်ချင်းကတော့ ဘာမှ အထွေအထူး မှတ်ချက်မပေးဘဲ စိတ်ကူးယဉ်တာ စောသေးတယ်ဆိုတဲ့ အကြည့်နဲ့ပဲ တုန့်ပြန်ခဲ့တာကို မှတ်မိနေပါသေးတယ်။ တဖြည်းဖြည်းနဲ့ သဘောပေါက်လာတာက ကိုယ့်မှာသာ ဘ၀ပေးအခြေအနေအရ ပါရဂူဆိုတဲ့ ဘွဲ့တစ်ခုကို လိုအပ်ချက် ဖြစ်နေပေမယ့် ကံအကြောင်းတရားတွေ ပေါင်းဆုံပါမှ ဒီလိုအခွင့်အရေးမျိုးကို ရနိုင်စရာရှိတယ် ဆိုတာပါပဲ။ အသက်အရွယ်အကန့်အသတ်၊ ငွေရေးကြေးရေး အကန့်အသတ်၊ ရာထူးတာဝန် အကန့်အသတ်နဲ့ ကိုယ်ရဲ့ ပညာရေးအခြေခံအကန့်အသတ်တွေကြောင့် ကိုယ့်အိပ်မက်တွေ တကယ်ဖြစ်နိုင်မဖြစ်နိုင်ဆိုတဲ့ ပူပင်သောကကို အသာလေးဘေးချိတ်ပြီး ဘွဲ့လွန်တက်နေတဲ့ နှစ်နှစ်တာကာလမှာ ကိုယ်လုပ်သင့်လုပ်ထိုက်တာတွေကို လုပ်နေခဲ့ပါတယ်။
တကယ့်တကယ်တော့ ဒီကတက္ကသိုလ်မှာပဲ ပါရဂူသင်တန်း ဆက်တက်ဖို့ဆိုတာ အကန့်အသတ်တွေ အမျိုးမျိုးကြားထဲမှာ အလားအလာက နည်းလှပါတယ်။ မဟာဘွဲ့ရပြီးပြီးချင်း ပါရဂူပြန်တက်ရဖို့ဆိုတာလည်း စိတ်ကူးထဲတောင် ထည့်မယဉ်ခဲ့ဖူးတဲ့ ကိစ္စပါ။ သို့သော်လည်း အခြေအနေတွေက ဖန်တီးပေးလာတဲ့အခါ အဲသည် အခွင့်အရေးကို အရအမိ ဖမ်းဆုပ်ပြီး အကောင်းဆုံးကို ကြိုးစားဖို့က ကိုယ့်ရဲ့ တာဝန်တစ်ခု ဖြစ်လာပါပြီ။ ဘာလို့လဲဆိုတော့ အခုလို ရခဲ့တဲ့ အခွင့်အရေးဟာ အခွင့်အရေးသက်သက်သာ မဟုတ်ဘဲ အောင်မြင်ပြီးမြောက်အောင် ထမ်းဆောင်မှရမယ့် ကြီးလေးတဲ့ တာဝန်တစ်ခုလည်း ဖြစ်နေလို့ပါပဲ။
ဂျပန်တွေရဲ့ ရိုးရာဓလေ့တစ်ခုအတိုင်း ဒါရူးမား ပစ်တိုင်းထောင်မှာ မျက်လုံးတစ်ဖက်ကိုတော့ ရေးခြယ် သန္နိဌာန်ပြုခဲ့ပါပြီ။ ကျန်တဲ့ မျက်လုံးတစ်ဖက်ကို ရေးခြယ်အောင်ပွဲခံနိုင်ဖို့ကတော့ လာမည့် သုံးနှစ်တာ ကာလကို ဘယ်လို စီမံခန့်ခွဲ အသုံးပြုသလဲဆိုတဲ့အပေါ်မှာ မူတည်နေတာမို့ ပန်းပွင့်လေးနဲ့ သူ့မေမေကို လွမ်းတဲ့အလွမ်းတွေကို ရင်ထဲကတစ်နေရာမှာ ခဏသိုဝှက်ထားရင်း . . .

ဝါးတီးနေ့

.
. . . ဒီနေ့တော့ ၀ါးတီးနေ့လို့ ပြောရမယ်ထင်တယ်။ ဂျပန်မြန်မာအသင်း ဥက္ကဌ မစ္စတာ ၀ါတာနာဘေး က မြန်မာပြည်က ရောက်လာတဲ့ ကျောင်းသားသစ် လတ်လတ်ဆတ်ဆတ် ကလေးတွေကို နေ့လည်စာနဲ့ တည်ခင်း ဧည့်ခံတယ်။ တိုကျို အစိုးရရပ်ကွက်က သူ့ရုံးခန်းနဲ့လည်းနီးတဲ့ စီချွမ် တရုတ်စားတော်ဆက်မှာ။ နေ့လည် ဆယ့်နှစ်နာရီ ချိန်းထားပေမယ့် ကြိုရောက်သွားတော့ မစ္စတာဝါတာနာဘေး နဲ့အတူ သံအမတ်ကြီး ဦးသူရိန်သန့်ဇင်တို့ပါ ရောက်နေနှင့်ကြပြီ
.
. . . ကြိုနှင့်နေတဲ့ လူကြီးတွေက ရောက်လာတဲ့ ကျောင်းသားတွေကို တစ်ယောက်ချင်း ကြိုဆို နှုတ်ဆက်ပါတယ်။ ကျွန်တော့်အလှည့်ရောက်တော့ သေချာကြည့်ပြီး မြင်ဖူးတယ် အရင်ကျောင်းသားဟောင်းလား ပါရဂူလာတက်တာလား နဲ့မေးပြီး ဂုဏ်ယူပါတယ် လုပ်နေလို့ စကားပြန်ကို အပြေးအလွှားခေါ်ပြီး စကားတစ်ခွန်းစ နှစ်ခွန်းစ ပြောရပါသေးတယ်။ ပြီးခဲ့တဲ့ နှစ်က ကျွန်တော်ရယ် သံအမတ်ကြီးရယ် နဲ့ တစ်ဝိုင်းတည်းထိုင်မိပြီး ကျွန်တော်နဲ့ စကားတွေ အကြိတ်အနယ်ပြောခဲ့ရတဲ့ ဒုက္ကဌ မစ္စတာ ဆန်ဂိုးကုကလည်း ၀မ်းပန်းတသာနဲ့ နှုတ်ဆက်ပါတယ်။ သူက ကျွန်တော့်ကို ဘယ်မေ့ပါ့မလဲ။ မနှစ်က မြန်မာပြည် မပြန်ခင်က ဂျပန်မြန်မာအသင်း ရုံးခန်းမှာ သွားနှုတ်ဆက်တော့ သူလည်း ရွေးကောက်ပွဲ အလုပ်တွေနဲ့ ခရီးထွက်ဖို့ ရှိတယ်ဆိုလို့ အောင်မြင်ပါစေလို့ ဆုတောင်းပေးလိုက်သေးတာကိုး။ နောက်ပြီးတော့ ဂျပန်ဝန်ကြီးချုပ်ဖြစ်ရင်လည်း ကျွန်တော့်ကို မမေ့နဲ့အုံးလို့တောင် ပြောလိုက်သေးတယ်။ ပြီးတော့မှ သိရတယ်။ သူက ကိုယ်တိုင် ၀င်မပြိုင်တော့ဘဲ အငယ်တွေအတွက်ပဲ အလုပ်လုပ်နေတော့တာတဲ့
.
. . . ထုံးစံအတိုင်း ဥက္ကဌက စကားတွေ အများကြီးနဲ့ နှုတ်ခွန်းဆက်တယ်။ အဘိုးက မြေးတွေကို မှာသလို တတွတ်တွတ်နဲ့ မပြီးနိုင်မစီးနိုင် သွန်သင် မှာကြား ဆုံးမနေတယ်။ သူတို့ မြန်မာပြည်ကို ကူညီနေတာ ဘာမှ ပြန်လိုချင်လို့ မဟုတ်ကြောင်း၊ တကယ်လို့ တစ်ခုခု လိုချင်တယ်ဆိုတာ ရှိရင်တောင် အဲဒါက မြန်မာပြည် တိုးတက်ကြီးပွားတာကို လိုချင်တာဖြစ်ကြောင်း၊ အသက်ငယ်ငယ်တွေကို တွေ့ရတာ အားကျကြောင်း သူ့မှာတော့ အသက် ၈၃ နှစ်ရှိပြီဖြစ်လို့ ကြာကြာနေရတော့မှာ မဟုတ်ကြောင်း မြန်မာပြည်ကြီး တိုးတက်ဖို့ အားသွန်ခွန်စိုက် ကြိုးစားကြစေလိုကြောင်း၊ ဂျပန်မျိုးဆက်ငယ်ရွယ်သူများက လူမှုဆက်ဆံရေး လူတစ်ဖက်သားကို ကူညီစောင့်ရှောက်ရေးတွေမှာ အားနည်းလာကြလို့ အဆင်မပြေတာတွေရှိရင်လည်း နားလည် ခွင့်လွှတ်ပေးကြစေလိုကြောင်း၊ ပညာသင်ကြားရာမှာ အဆင်မပြေတာတွေ အခက်အခဲတွေ ရှိတဲ့အခါ ချက်ချင်း အသိပေး စေလိုကြောင်း၊ မြန်မာတွေက နားလည် ခွင့်လွှတ် သည်းခံစိတ်များတဲ့အတွက် တော်ရုံတန်ရုံအခက်အခဲလောက်ကို မပြောပြတဲ့အခါ မကူညီနိုင်တာ ဖြစ်မှာစိုးလို့ အချိန်မရွေး ဆက်သွယ်ပြောပြစေလိုကြောင်း စသည်ဖြင့် စကားတွေ အများကြီးပြောပါတယ်။
.
. . . ၀ိုင်းနှစ်ဝိုင်း ထိုင်တဲ့အခါ ဥက္ကဌ နဲ့ ဒုဥက္ကဌ မစ္စတာ ဆန်ဂိုးကု ထိုင်တဲ့ဝိုင်းမှာ မြန်မာစကားပြန်ရှိလို့ မြန်မာလိုပြောကြပေမယ့် ကျွန်တော်တို့ဝိုင်းမှာတော့ မြန်မာစကားပြန်မရှိလို့ အင်္ဂလိပ်လိုပဲ ပြောကြပါတယ်။ ဥက္ကဌက ဟိုဘက်ဝိုင်းမှာ စကားနည်းနည်းပြောပြီး ကျွန်တော်တို့ဝိုင်းကို ရွှေ့လာ စကားတွေ ပြောပြန်ပါတယ်။
.
. . . စားသောက်ဖွယ်ရာတွေကတော့ အရင်ဇွန်လတုန်းက ညစာစားပွဲနဲ့ အတူတူနီးပါးပါပဲ။ ဘီယာကို တစ်ခါသောက်စာပဲ ပေးတာတစ်ခုပဲ ကွာတာပါ။ သူတို့ အထူးတလည် တည်ခင်းတဲ့ ငါးမန်းတောင် ဟင်းချိုနဲ့ ပြီးခါနီးမှာ တည်ခင်းတဲ့ တို့ဖူးဟင်းတို့ကတော့ ကျွန်တော် အရသာ အတွေ့ဆုံး အမယ်တွေဖြစ်ပါတယ်။
.
. . . ခါတိုင်းကတော့ စားသောက်ပြီးတာနဲ့ မှတ်တမ်းတင် ဓာတ်ပုံရိုက်ပေမယ့် အခုတစ်ခါမှာတော့ သူတို့လည်း ချက်ချင်းဆိုသလို ပြန်သွားကြလို့ စုပေါင်းဓာတ်ပုံမရိုက်ဖြစ်လိုက်ပါဘူး။
.
. . . ဂျပန်မြန်မာ စစ်ဘက်ဆိုင်ရာ ဆက်ဆံရေးမှာ အခုရောက်နေတဲ့ စီချွမ် စားတော်ဆက်က သမိုင်းမှာ အရေးပါတဲ့ မှတ်တိုင်တွေ စိုက်ထူခဲ့တဲ့ သမိုင်းဝင်နေရာလေး ဖြစ်နေတော့မှာပါ။
.
. . . ညပိုင်းကျတော့ စစ်သံမှူးရယ်၊ ဂျပန်ပြည်မှာ သင်တန်းလာတက်နေတဲ့ ဗိုလ်မှူးကြီးတွေရယ် ကျွန်တော်တို့ရယ်ကို ဆရာမျိုးက ရှင်ဂျုကုဘူတာနားက ဆိုင်တစ်ဆိုင်မှာ ညစာကျွေးပါတယ်။ ဒီညစာကတော့ နေ့လည်တုန်းကလို ကိန်းခန်းမကြီးလှပါဘူး။ ညီအစ်ကိုတွေ လွတ်လွတ်လပ်လပ် ပျော်ပျော်ရွှင်ရွှင် စားကြသောက်ကြတာပါ။ အဲ သောက်ကြတာပါဆိုတာ ဟင်းချိုသောက်တာကို ပြောတာပါ။ တလွဲမထင်ပါနဲ့။
.
. . . ညစာစားပြီးတော့ ဆရာတော် အရှင်ဆေကိန္ဒ လူငယ်တွေနဲ့ ဆွေးနွေးပွဲလုပ်တဲ့ နေရာကိုသွား ဆရာတော် ဆုံးမစကားတွေ နားထောင်ပြီး အဆောင်ပြန်လာခဲ့တယ်။ ဗိုက်ကပြည့်နေပြီမို့ အဲသည်က ကျွေးတဲ့ နွားနို့ခေါက်ဆွဲကို မစားနိုင်ဖြစ်ခဲ့ပါဘူး။
.
. . . တိုကျိုရောက်တော့ လည်ရပတ်ရတာ မောပေမယ့် မောနေတဲ့ကြားကပဲ ပန်းပွင့်လေးကို လွမ်းမိပါသေးရဲ့

မဂျိုးဘယ်လိုပြောရမယ်

ဒါရိုက်တာ မောင်မောင်မြင့်ရဲ့ သား ပြေငြိမ်း ဆိုတာ ကျွန်တော်တို့ ငယ်ငယ်တုန်းက သိပ်ကြိုက်ခဲ့တဲ့ သဘာဝ မင်းသားတစ်လက်ပေါ့။ ပြေငြိမ်းဇာတ်ကားတွေဆို မလွတ်တမ်းလောက်ကို ကြည့်ဖြစ်ခဲ့ရဲ့။ ခပေါင်းဘူတာမှာ ရထားပေါ်က ပြုတ်ကျလို့ မင်းသားပြေငြိမ်း ဆုံးပြီလည်းဆိုရော ကိုယ်တွေပါ အမျိုးအရင်းအချာတစ်ယောက် ဖြစ်သလိုကို ၀မ်းနည်းခဲ့ရတာ။
.
. . . ပြေငြိမ်းဇာတ်ကားတွေထဲမှာ အခုထိ မှတ်မိနေသေးတဲ့ ဇာတ်ကားကတော့ မဂျိုးဘယ်လိုပြောရမယ် ဆိုတဲ့ ဇာတ်ကား။ ပြေငြိမ်းနဲ့ ဇင်မာဦး။ သူတို့နှစ်ယောက်က မြို့က သူဌေးအိမ်က အိမ်ဖော် နဲ့ ဒရိုင်ဘာလား မာလီလားမမှတ်မိတော့။ တစ်နေ့မှာ သူဌေးက ညပိုင်း မူးမူးနဲ့ ပြန်လာ ထုံးစံအတိုင်း အိမ်ဖော်မလေး ဇင်မာဦးက တွဲပြီး အခန်းကိုပို့။ ပန်းအိုးလေးကျကွဲ။ နောက်တစ်နေ့ကျတော့ ဇင်မာဦးက အန်။ ဆရာဝန်ပြတော့ ကိုယ်ဝန်ရှိပေါ့။ သူဌေးကလည်း စားပြီးနားမလည် မူးနေလို့ မမှတ်မိဘူးဖြစ်။ ပန်းဦးကြွေခဲ့တဲ့ ဇင်မာဦးကို ပြေငြိမ်းက အနစ်နာခံပြီး ရွာကို ခိုးပြေး၊ ရွာရောက်တော့ တစ်အိမ်တည်းမှာ အရပ်ကို လင်မယားလို့ပြောပြီး မောင်နှမလိုနေကြ။ ကလေးမွေးတော့ ကလေးက အဖေအမေတွေဖြစ်။ နောက်ကျမှ သူဌေးက အဖြစ်မှန်သိပြီးပြန်လာ ကလေးကိုခေါ်။ စသည်ဖြင့်ပေါ့လေ
.
. . . အဓိက ပြောချင်တာက အဲသည်ဇာတ်လမ်းထဲမှာ မဂျိုးလို့ ခေါ်တဲ့ ဇင်မာဦး ကဗျာလေး ရွတ်ပြတဲ့အခန်းပဲ။ နေ၀င်စ ချိုးမရယ်ကူ ဆိုတဲ့ ကဗျာလေးကို သူသိပ်ဘ၀င်ခိုက်တဲ့အကြောင်း၊ ကဗျာထဲက ချိုးမလေးက သူ့လင်ပျောက်လို့ ရှာရင်း သူ့လင် ချိုးဖိုက နွားကျောင်းသားလက်ချက်နဲ့ မီးဖိုထဲ အကင်ဘ၀ ရောက်ရတာကို ချိုးမလေးက လွမ်းလွမ်းဆွေးဆွေး နဲ့ နေ၀င်ရိုးရီမှာ ကူလေရှာတဲ့ အကြောင်း ဖွဲ့ထားတဲ့ ကဗျာလေးကို သူရွတ်မိတိုင်း ငိုရတဲ့အကြောင်း။
.
. . . ကျွန်တော်တို့ ငယ်ငယ်ကလည်း ဒီကဗျာလေးကို သင်ခဲ့ရတယ်။ ထူးထူးခြားခြားကြီးရယ်လို့ မဟုတ်ပေမယ့် အခြားကဗျာတွေကို ကြိုက်သလောက်တော့ ဒီကဗျာလေးကိုလည်း ကြိုက်ပါတယ်။ ပြီးခဲ့တဲ့ ရက်ပိုင်းက အဖြူအစိမ်းဝတ်ထားတဲ့ ဆရာမလေးတစ်ယောက်က အဲသည်ကဗျာကို သံနေသံထားလေးနဲ့ သူ့ဘာသာဆိုပြီး ဖေ့ဘုတ်မှာ တင်လိုက်တာကို ဂီတသမားနှစ်ယောက်က တယောတစ်လက် စန္ဒရားတစ်ခုနဲ့ သံစဉ်ပံ့ပေးထားတာလေး တက်လာတော့ တော်တော်လေးကို ကြည်ကြည်နူးနူး နားထောင်မိတယ်။ ကြည်နူးတယ်ဆိုတာ ကဗျာရဲ့ အကြောင်းအရာကို ပြောတာ မဟုတ်ဘူး။ မြန်မာကဗျာလေး တစ်ပုဒ်ကို ဒီလို ဆရာမလေးက သံနေသံထားလေးနဲ့ ကျကျနန ဆိုပြီး တင်ထားတာရယ်။ မြန်မာဂီတသမားလေးတွေက သံစဉ်လေးပိုးပြီး ပေါင်းစပ်ပေးထားတာရယ်ကို ကြည်နူးမိတာ။ ဆရာမလေး အသံကလည်း ကြည်ကြည်မြမြနဲ့ နောက်ခံဂီက အပိုးကလည်း ချွဲချွဲနွဲ့နွဲ့နဲ့ဆိုတော့ ကဗျာထဲက ချိုးဖိုလေးကို သနားမိလို့ ရင်မှာ လှုပ်ခတ်ရတာကတစ်မျိုး ဒီဆရာမနဲ့ တစ်ခါမှ မမြင်ဖူး မသိဖူးတဲ့ ဂီတသမားတွေက အသံလေးပံ့ပြီး တီးပေးထားတာကတစ်ဖုံ အဲသည်နှစ်ခုကို သပ်သပ်ရပ်ရပ်လေး ပေါင်းစပ်ပြီး ရုပ်မြင်ဖိုင်လေးလုပ်လို့ ဖေ့ဘုတ်ပေါ် တင်ပေးထားတဲ့ နည်းပညာလေးကတစ်သွယ်နဲ့ အင်မတန် ကြည်နူးစရာကောင်းတဲ့ ကဗျာလေးတစ်ပုဒ်ကို ဖတ်ရသလို ပန်းချီကားလေးတစ်ချပ်ကို ကြည့်ရသလို၊ အေးချမ်းဆိတ်ငြိမ်တဲ့ စမ်းရေလေးသောက်ရသလို ကြည်နူးရချက်က ပြောမပြတတ်အောင်ပါပဲ။
.
. . . ဆက်စပ်ပြီးစဉ်းစားမိတာက ဒီလို မြန်မာ ကဗျာလေးတွေကို ဒီလို သံစဉ်လေးတွေ ထည့်ဆိုလို့ ရတာကို ကဗျာကို မြတ်နိုးတတ်တဲ့ကျွန်တော် အခုမှ သိလိုက်ရတာ နောက်များ မကျလွန်းနေဘူးလား။ ငါးစီးရှင်ကျော်စွာရဲ့ တာဝတိံသာနတ်ရွာလော ဆိုတဲ့ အားမာန်တက်ကြွစရာကောင်းတဲ့ ကာချင်းကို ပြီးခဲ့တဲ့ နေပြည်တော် ဆီးဂိမ်းကျမှ ကျကျနန နားထောင်ခံစားခွင့်ရခဲ့တာကရော ကျွန်တော် မြန်မာဖြစ် မရှုံးပေဘူးလား။
.
. . . အသက်လေးဆယ်နားနီးနေတဲ့ ကျွန်တော်အပါအ၀င် ကျွန်တော်တို့ မျိုးဆက်တွေ တော်တော်များများ မြန်မာဖြစ်ရှုံးခဲ့ပေမယ့် ကျွန်တော်တို့ သမီးလေး သားလေးတွေကိုတော့ ကျွန်တော်တို့လို မြန်မာဖြစ် မရှုံးစေချင်ဘူး။ မြန်မာစာဆိုတာ ပျင်းစရာကောင်းတဲ့ ခက်ဆစ်တွေကျက် စကားပြေတွေကျက် မှတ်စုတွေကျက်နေရတဲ့ ဘာသာတစ်ခု ဆက်မဖြစ်စေချင်ဘူး။ ကျောင်းသားနည်းနည်းလေး မြန်မာစာအမှတ်တွေကောင်း ဂုဏ်ထူးတွေ ထွက်တာထက် ကျောင်းသားတွေ အများကြီး မြန်မာ့စာပေယဉ်ကျေးမှု အဆင့်အတန်းကို ကိုယ်တိုင်ကိုယ်ကျ ခံစားနားလည်ခွင့်ရပြီး ငါတို့မှာ ဒီလို အဆင့်အတန်းမြင့်တဲ့ စာပေယဉ်ကျေးမှု ရှိတယ်ကွ လို့ ဂုဏ်ယူမော်ကြွားစေချင်တယ်။ မြန်မာပြည်မှာ ရှိတဲ့ကျောင်းသားတွေ အားလုံးအတွက် အစိုးရမင်းက တာဝန်ယူလုပ်မပေးနိုင်ရင်တောင် ပန်းပွင့်လေးနဲ့ သူ့သူငယ်ချင်းတွေကို အဲဒီလို မြန်မာ့စာပေယဉ်ကျေးမှု ရသခံစားချက်လေးတွေ သူတို့လေးတွေ နှလုံးသားမှာ ကိန်းအောင်းနေအောင် အဖေတစ်ယောက်အနေနဲ့ တတ်နိုင်သလောက်ကလေး ဖန်ဆင်းပေးချင်မိတယ်။
.
. . .
နေ၀င်စ ချိုးမရယ်ကူ ဆိုတဲ့ ရုပ်သေးသီချင်းလေးကို ကလေးတွေကိုဆိုပြနေတဲ့ ဆရာမ ဒေါ်မြင့်မြင့်ဇော် ရဲ့ မူရင်းလင့် https://www.facebook.com/myintmyint.zaw.750/videos/326690514346195/
. . .
ဆရာမ ဒေါ်မြင့်မြင့်ဇော်ကို အင်တာဗျူးထားတဲ့ The Voice စာမျက်နှာ http://thevoicemyanmar.com/education/1883-mmz
. . .
ဆရာမရဲ့ ဖေ့ဘုတ်ပေါ်က အဆိုလေးကို တယော စန္ဒရားလေးနဲ့ ပံ့ပိုးပြီး ပေါင်းစပ်ပြန်လည်တင်ဆက်ပေးလိုက်တဲ့ မူရင်းလင့် https://www.facebook.com/wai.phyo.50999405/videos/559354394266529/

ကူမင်းမြို့ပေါ်အဖြတ်

၂၀၁၆ ခုနှစ် စက်တင်ဘာလ ၁၄ ရက်
ရန်ကုန်မင်္ဂလာဒုံလေဆိပ်ကနေ ည ကိုးနာရီ လေးဆယ့်ငါးမိနစ်မှာ တက်တဲ့ ရန်ကုန်-တိုကျို ထိုင်းလေကြောင်းဟာ ည တစ်နာရီ လေးဆယ့်ငါးမှာ တရုတ်နိုင်ငံ ယူနန်ပြည်နယ် ကူမင်းမြို့ပေါ်ကို ဖြတ်သန်းပါတယ်။ မီးရောင်စုံနဲ့ တောက်တောက်ပပ လှနေတဲ့ ကူမင်းမြို့ကို ကြည့်ပြီး ဒီမီးတွေက ငါတို့နိုင်ငံက အောက်ဈေးနဲ့ နှိုက်ထားတဲ့ စွမ်းအင်တွေနဲ့များ ထွန်းထားတာလား မသိဘူးလို့ ရင်နာနာနဲ့ တွေးနေခဲ့မိပါတယ် . . .

အပူးဓေါ်ဘုံ သြောင်ယမြီ

.
. . . အဲဒါ အင်းလျားကန်စောင်းက လုံခြုံရေး ထူပြောလှတဲ့ ခြံကြီးထဲကနေ လှည်းတန်းကသာလာယံကို ရောက်ပြီကြားတော့ ချက်ချင်းတောင် လေယာဉ်စီးပြီး အပြေးသွားလိုက်ချင်တာ။ ကိုယ်တွေက ကောင်မလေး ချောချောလှလှများဆိုရင် လူမျိုးဘာသာ မခွဲခြားဘူးရယ်။ အော် လက်တွေ့မှာမဖြစ်နိုင်တော့ အွန်လိုင်းက တက်လာတဲ့ သတင်းလေးတွေပဲ ရသေ့စိတ်ဖြေ ဖတ်ရတော့တာ။ ပြီးတော့ ဆရာမ သင်ထားသလို ကိုယ့်ရဲ့ ထင်မြင်ယူဆချက်လေးလဲ ပေးရအုံးမယ်ဆိုတော့ သေသေချာချာ လေ့လာ သုံးသပ်ရတာပေါ့။
.
. . .ဒါပေမယ့် ကိုယ့်အထင် ကိုယ့်အမြင်ကို ချက်ချင်းကြီးတော့ မပြောရဲဘူးရယ်။ အုပ်စုတိုက်ပွဲတွေ ပြင်းထန်လှတဲ့ အခုလို ရာသီဥတုမျိုးမှာ ဘယ်အုပ်စုက ဘယ်ဘက်လိုက်နေသလဲဆိုတာ အရင်ဆုံး စူးစမ်းရသေးတာ။ ဘယ်သူတွေက ဘယ်လို ဝေဖန်သလဲ။ အားပေးသလား ရှုံ့ချသလား။ ဘယ်အုပ်စုက အားသာနေသလဲ။ မတော် ကိုယ့်စိတ်ထဲ ထင်ရာလျှောက်ပြောမိလို့ အားနည်းတဲ့ အုပ်စုထဲ မယောင်မလည် ရောက်သွားခဲ့ရင် ကိုယ်ပြောခဲ့တဲ့စကားတွေကို အတိတ်မေ့သလို ရွှေပျောက်သလို ရူးချင်ယောင်ဆောင်ပြီး သာကူးလုပ်ဖို့ကလည်း ကိုယ့်လိပ်ပြာ ကိုယ်မလုံလှလေတော့ ကြည့်နေတယ် မပြောသေးဘူး ပေါ့ဗျာ
.
. . . အမယ် ဒီနည်းက မဆိုးဘူး ပြောရမယ်။ ထင်တဲ့အတိုင်းပဲ တစ်ရက်တန်သည် နှစ်ရက်တန်သည် သည်းခံပြီး စောင့်ကြည့်နေလိုက်တော့ အဖြူအမဲ ကွဲပါလေရောလား။ ကြီးမြတ်လှတဲ့ တို့မြန်မာ သမိုင်းအစဉ်အလာအတိုင်း လက်ခံတဲ့ဘက်နဲ့ လက်မခံတဲ့ဘက်။
.
. . . လက်ခံတဲ့ ဘက်ကလည်း လူမျိုးဘာသာကို မခွဲခြားကြောင်း ပြသရာမှာ စရိတ်လည်း သက်သာ လူလည်းသက်သာ ချစ်ခင်ရင်းနှီးမှုကိုလည်း ဖော်ကျူးတဲ့ ဒီလို လှည်းတန်းအပူးတော်ပုံကို ဘယ်လို ထောက်ခံသင့်ကြောင်း အနော်တို့ မသိတဲ့ ကမ္ဘာ့သမိုင်းနဲ့ချီပြီးတော့ ပွဲစီစဉ်သူတွေကိုပဲ ဒီနှစ်အတွက် ငြိမ်းချမ်းရေးနိုဘယ်ဆုကြီး ပေးဝယ်တော့မတတ် ရွှန်းရွှန်းဝေအောင် အမွှန်းတင်တာကလား။
.
. . . လက်မခံတဲ့ဘက်ကလည်း ဒီပွဲဟာ ဘာစပွန်ဆာ ညာစပွန်ဆာနဲ့ ဘယ်လူမျိုး ဘယ်ဘာသာတွေက အမျိုးကောင်းသားသမီးတွေကို ကျုံးသွင်းပြီး မြန်မာ့ယဉ်ကျေးမှုကို ဖျက်ဆီးဖို့ ရည်ရွယ်ချက်ရှိရှိ လုပ်တာဖြစ်ကြောင်း၊ အဲသည်ပွဲမှာ ခေါ်လာတဲ့ ဘယ်ကောင်မလေးဟာဖြင့် ကိုယ်လုံးတီးမော်ဒယ်လုပ်စားသူဖြစ်ကြောင်း၊ မုတ်ဆိတ်ရှည်နဲ့ သတ္တ၀ါတွေရဲ့ အကွက်ကျကျ စီစဉ်ဖန်တီးတဲ့ ရွံရှာစရာ ပွဲတစ်ပွဲဖြစ်ကြောင်း စသည်ဖြင့် မထိတစ်ထိ တစ်မျိုး ပိုးစိုးပက်စက်တစ်မျိုး ဝေဖန်ရှုံ့ချကြတာပေါ့
.
. . . အမှန်က အဲသည်အထဲမှာ ဘာမှဝင်မပြောဘဲ ကြည့်နေတဲ့ တတိယအုပ်စုက ရှိနေသေးတာဗျ။ သူတို့ကတော့ ကောင်းတယ်မကောင်းဘူး ပြောနေကြမှာ မဟုတ်ဘူးရယ်။ အရွယ်ကြီးအရွယ်ငယ်အရွယ်လတ် ကျားသတ္တ၀ါအစုံက အစာရှိရင်တော့ စားကြမှာပဲဗျ။ အဲ မ ဆိုတဲ့ သတ္တ၀ါတွေရော။ (မိန်းမတွေကို သတ္တ၀ါလို့ပြောတော့ မဟာမိန်းမကြီးတွေက နှုတ်သီးကောင်းလျှာပါးနဲ့ ခေါင်းတစ်ခါခါ လည်တစ်ခါခါ မီဒီယာမှာ ရန်တွေ့သလို ရန်တွေ့တာခံရမှာတော့လည်း အကြောက်သားရယ်)။
.
. . . ခင်ဗျား စဉ်းစားကြည့် သားနဲ့အမိ မောင်နဲ့နှမ လူလယ်ခေါင်မှာ မပြောနဲ့ ကိုယ့်အိမ်ကိုယ့်ရာ ကိုယ့်မိသားစုထဲမှာတောင် လူလားမြောက်လာကြပြီဆို ဒီလို ဓလေ့ ရှားတောင့်ရှားခဲရှိလှတဲ့ လူ့အဖွဲ့အစည်း တစ်ခုမှာ ဒီလိုအပြုအမူမျိုးကို ကိုယ်မသိတဲ့ လူတွေ ဆန့်ကျင်ဘက် လိင်တွေနဲ့ လူရှေ့သူရှေ့ လုပ်ဖို့ဆိုတာ တော်ရုံ သောက်ရှက်ကင်းရုံနဲ့ မဖြစ်ဘူးရယ်။ သမီးရည်းစားချင်း အများပြည်သူမြင်ကွင်းမှာ ပလူးပလဲ လုပ်ရင်တောင် နှာခေါင်းရှုံ့ကြတဲ့ ခေတ်ကြီးမှာ ဒီအပြုအမူကို လက်ခံအပ် မခံအပ် ကိုယ်တိုင်သာ စဉ်းစားကြည့်ပါတော့ဗျာ။ အဲသည်ပွဲမှာ စာတမ်းကြီးချိတ်ပြီး ၀မ်းသာအားရ ၀င်ရောက်ဆင်နွှဲနေတဲ့ ဗိုင်းတာမလေးတွေဆိုတာလည်း ပိုက်ဆံရလို့ လာလုပ်စားကြတဲ့ ကြေးစားလေးတွေ ဖြစ်ရင်ဖြစ် မဖြစ်ရင် အထိအတွေ့ကို ခုံမင်သာယာတတ်တဲ့ နေရာမှာ တင်းတိမ်ရောင့်ရဲခြင်းမရှိလောက်အောင် သောက်ရှက်မရှိလို့သာ ဒီလိုနေရာရောက်နေတာနေမှာပါ။ အမှန်က အဲသလောက်တောင် သောက်ရှက်မရှိနိုင်အားဘဲ အထိအတွေ့ကို ခုံမင်မက်မောနေရင် ဒီလောက်နဲ့တင် မတင်းတိမ်သင့်ပဲ ဟိုအတန်းမှာ သွားလုပ်စားသင့်တာ။
.
. . . ကဲ ကဲ ဘာမှ ဝေ့လည်လည် လုပ်မနေနဲ့ ဒီအပူးတော်ပုံကို မင်း ထောက်ခံသလား မထောက်ခံဘူးလား တစ်ခွန်းပဲပြော ဆိုလို့ကတော့ ထောက်ခံပါတယ် ထောက်ခံပါတယ်ခင်ဗျ။ ပိုးစိုးပက်စက်ကို ထောက်ခံပါတယ်။ အူလှိုက်သည်းလှိုက်ကို စိတ်ပါလက်ပါ ထောက်ခံပါတယ်။ ဘုရားသိကြား ကျိန်တွယ်ပြီးတော့ကို ထောက်ခံပါတယ်ခင်ဗျလို့ ပြောရမှာပါပဲ၊ ဒီလိုဆိုတော့ မောင်ကောင်း ဏှာဘူးထတယ် ထင်ကြအုံးမယ်။ အမှန်က တဏှာရူးကြွပြီး နှာဘူးထတာ မဟုတ်ရပါဘူးခင်ဗျ။ ဒီမိုကလေဆီခေတ်ကြီးမှာ မြန်မာ့ ဒီမိုကလေဆီ မယ်တော်ကြီး ပရိသတ်ဗိုလ်ပုံအလယ် ယိုသူမရှက် မြင်သူရှက်အောင် ကိုယ့်အသက်အရွယ်မှကိုယ်အားမနာ ပါးချင်းအပ် ရင်ချင်းထပ်ခဲ့ကြတဲ့ ကမ္ဘာကျော် နိုင်ငံရေးသမားအဖိုအမစုံတွဲတစ်ခု ပူးနေတဲ့ပုံကို မြင်ဖူးကတည်းက စွန့်ဦးတီထွင် အပူးရှင်များကို ထောက်ခံခဲ့တာမို့ အခု လှည်းတန်းအပူးတော်ပုံကိုမှ မထောက်ခံရင် မောင်ကောင်းတစ်ယောက် ဒီမိုကလေစီ ဘက်တော်သားတွေရဲ့ကြားမှာ တစ်စစီလိုက်ကောက်လို့ရရင်တောင် ကံကောင်းဆိုတဲ့အဖြစ်မျိုး ရင်ဆိုင်ရမှာပေါ့ဗျာ။ ဒီမိုကလေစီသမားတွေ ကောင်းစားတဲ့ခေတ်ဆိုတော့ မောင်ကောင်းလည်း လှည်းတန်းအပူးတော်ပုံကို ထောက်ခံရုံမှတစ်ပါး . . .
.
အပူးဓေါ်ဘုံ သြောင်ယမြီ
အပူးဓေါ်ဘုံ သြောင်ယမြီ
အပူးဓေါ်ဘုံ သြောင်ယမြီ
.
မြန်မာသက္ကရာဇ် ၁၃၇၈ ခုနှစ် ကဆုန်လဆန်း ၃ ရက် တနင်္လာနေ့

ပစ္စည်းသိမ်း

. . . ပစ္စည်းက တစ်ခါသိမ်းရပြန်ပါပြီ။ လွန်ခဲ့တဲ့ ဇူလိုင်လဆန်းကပဲ နေပြည်တော်မှာ အခြေချတော့မယ်ရယ်လို့ ရန်ကုန်က ပစ္စည်းတွေ သိမ်းဆည်းယူလာပြီး နှစ်လလောက်ရှိသေး ခုတစ်ခါ ပစ္စည်းက တစ်ခါသိမ်းရပြန်ပါပြီ။ သူများမိသားစုတွေ တည်တည်ငြိမ်ငြိမ်နဲ့ နေကြတာကို အားလည်းကျမိတယ်ဆိုပေတဲ့ ကိုယ့်ဘ၀ရွေးချယ်မှုနဲ့ကိုယ်ဆိုတော့လည်း ကိုယ့်ရွေးချယ်တဲ့ လမ်းကြောင်းပေါ်က ကြုံလာသမျှကိုလည်း အပြုံးမပျက် ရင်ဆိုင်ရုံပဲပေါ့။ ဒါပေမယ့် ဒီတစ်ခေါက် သိမ်းရတာက ရန်ကုန်မှာ သိမ်းရသလောက်တော့ မပင်ပန်း။ နေပြည်တော်အိမ်ကို အတည်တကျရယ်လို့ သတ်မှတ်ထားတော့ အတည်တကျ ပစ္စည်းတွေက ဒီအိမ်မှာပဲ ကျန်ရစ်မည်။ အသုံးလိုပစ္စည်းတွေ ရန်ကုန်ကို ပြန်သယ်ဆိုသော်လည်း အ၀တ်အစား နဲ့ စာအုပ်စာတမ်း အချို့လောက်သာ သယ်ရမည်။ ဒါပေသိ ပန်းပွင့်လေးရဲ့ အရုပ်အိတ်နဲ့ စာအုပ်သေတ္တာကိုတော့ သေချာပါအောင် သယ်ပေးရအုံးမည်။ အတန်းကျောင်းပညာရေး အခုမှ စတယ်ဆိုသော်လည်း ကိုယ်တွေ ဆယ်တန်းလောက်ကထက် စာအုပ်များသော ပန်းပွင့်လေး။ စာအုပ်တွေကို ချစ်တတ်သော ပန်းပွင့်လေး။ အိပ်ခါနီးမှာ ကြိုက်တဲ့စာတစ်အုပ် ဆွဲယူလာပြီး စာဖတ်ပြခိုင်းတတ်သော ပန်းပွင့်လေး။ ဖေဖေ အနားမှာ မရှိရင် စာဖတ်ပြခိုင်းစရာ တစ်ယောက် လျော့ပြီပေါ့ . . .
.
. . . အပြင်က ပစ္စည်းတွေ သိမ်းပြီးတော့ ရင်ထဲက ပစ္စည်းကိုလည်း သိမ်းရအုံးမည်။ ပန်းပွင့်လေးကို လွမ်းမယ့်အလွမ်းတွေကိုလည်း သိမ်းရအုံးမည်။ ခုနလေးတင်ကမှ ရန်ကုန်ရောက်နေသော ပန်းပွင့်လေးကို ဖုန်းဆက်ပြီး မေးကြည့်တာ။ ပန်းပွင့်လေး ရန်ကုန်နဲ့ နေပြည်တော် ဘယ်မှာ ပိုပျော်သလဲဆိုတော့ နေပြည်တော်မှာ ပျော်ပါသတဲ့။ ဘာလို့လဲဆိုတော့ နေပြည်တော်မှာ ဖေဖေနဲ့ မေမေ ရှိလို့ပါတဲ့။ နောက်ထပ် သုံးနှစ်လောက် ဖေဖေနဲ့ ခွဲနေရအုံးမယ့် ပန်းပွင့်လေးလည်း ဘယ်လို အတိတ်ကံကြောင့်ပါလိမ့်လို့ တွေးမိသည်။ ပန်းပွင့်လေး မွေးကတည်းက ဖအေနှင့် သိပ်နေခွင့်မကြုံ၊ ဒါတောင် တကူးတကန့် နေခွင့်ရအောင်ဖန်တီးပြီး နေလို့ အချိန်နည်းနည်း နေခွင့်ရခဲ့တာ . . .
.
. . . အခုလည်း ပန်းပွင့်လေးနဲ့ အတူတူ နေတော့မယ်ဆိုပြီး အိမ်ကို လှလှပပ ပြင် ပန်းပွင့်လေးကို အခန်းလေးတစ်ခု လှလှလေး လုပ်ပေးမယ်လို့ စိတ်ကူးယဉ် ပြင်ဆင်နေရာကနေ တစ်ဝက်တစ်ပျက်နဲ့ ရပ်ပြီး ပန်းပွင့်လေးကို ထား တစ်ခါ ထွက်သွားရအုံးမယ်။ နေရစ်ခဲ့ပေအုံးတော့ ပန်းပွင့်လေးရေ။ ကံမကုန်ရင်တော့ တို့သားအဖ အတူတူ နေရအုံးမှာပေါ့။ ဖေဖေလည်း ပစ္စည်းဆက်သိမ်းလိုက်အုံးမယ်။ နောင်သုံးနှစ်တာအတွက်ကတော့ ပန်းပွင့်လေးကို အဝေးကနေပြီးတော့ပဲ ပုံပြင်တွေ ဖတ်ပြခွင့်ရတော့မယ်။ ဖေဖေ ဒီတစ်ခါ ပြန်လာရင်တော့ ပန်းပွင့်လေးနားက မခွာတော့ပါဘူး။ ပန်းပွင့်လေး တက္ကသိုလ် မတက်ချင် အချိန်အထိ အတူတူနေနိုင်အောင် ကြိုးစားပါ့မယ် . . .
.
. . . ပန်းပွင့်လေးလည်း ပစ္စည်းသိမ်းတော့ကွယ်

သေတ္တာလှပ်

ဒီသေတ္တာကို မဖွင့်ဖြစ်တာ ဘယ်နှစ်နှစ်တောင် ရှိနေပြီပါလိမ့်။ ဒီသေတ္တာထဲမှာ ရှိတာတွေထဲက ဘယ်နှစ်ခုက အမှိုက်ဖြစ်သွားပြီလဲ။ ပစ္စည်းလေးတွေကို တယုတယ ကိုင်ကြည့်လိုက် ပြန်ချလိုက်နဲ့ နှစ်ပေါင်းများစွာကြာတာတောင် အမှိုက်မဖြစ်သေးတဲ့ ပစ္စည်းလေးတွေ

ဆေးစာရွက်လေးတစ်ရွက်၊ အိမ်မှာ ပိုက်ဆံမရှိပဲနဲ့ ကျွန်တော့်ကို ဆေးမကုပါတော့နဲ့ဆိုပြီး ဆေးသောက်ဖို့ ငြင်းဆန်ရင်း ဘ၀ကို အရှုံးပေးသွားတဲ့ ညီလေး။ ဆေးကို လိပ်ပတ်လည်အောင်သောက်မှ အသက်ရှင်မယ်ဆိုတာ သိသိကြီးနဲ့ ဆေးတိုက်တဲ့အခါ သွားကြီးစေ့ထားပြီး ငြင်းဆန်တဲ့ ညီလေး။ ညီညီ့ကို ကုဖို့ အစ်ကိုကြီးတို့မှာ ပိုက်ဆံတွေ ရှိပါတယ်ကွာဆိုပြီး ပိုက်ဆံတွေကို အထပ်လိုက်ပြပြီး ဆေးသောက်ဖို့ အစ်ကိုကြီးနဲ့ အစ်မတွေက ငိုယိုတောင်းပန်တာတောင်မှ ကျွန်တော်ဆေးဆက်သောက်နေရင် ဒီပိုက်ဆံတွေ ကုန်သွားမှာပေါ့ဆိုပြီး သေမယ့်လမ်းကို ရွေးခဲ့တဲ့ ညီလေး။ ငွေမရှိတဲ့ ရောဂါနဲ့ သေသွားခဲ့တဲ့ ညီလေးရဲ့ ဆေးစာရွက်။ သေသွားတာ ခြောက်နှစ်ရှိပြီပေမယ့် ညီလေးရဲ့ ဆေးစာရွက်လေးကတော့ အခုထိ အမှိုက်အဖြစ် မပစ်ရက်နိုင်သေးဘူး။

သစ်ရွက်ထုပ်လေး။ ဒါက လက်ပံရွက်တွေ။ ကျွန်တော် သိပ်သဘောကျတဲ့ အိမ်ဝိုင်းအနောက်ဘက် ချောက်ကြီးထဲက လက်ပံပင်ကြီးကို ခုတ်ပစ်လိုက်ကြတော့ လက်ပံရွက်တွေကို သွားကောက်ပြီးသိမ်းထားခဲ့တာ။ လက်ပံပင်ကြီး အခုတ်ခံရတာ ကျွန်တော်ဆယ်တန်းနှစ် ၁၉၉၆ မြန်မာ့ခရီးသွားနှစ်ကဆိုတော့ ခုဆို နှစ်ပေါင်းနှစ်ဆယ်တောင် ကြာခဲ့ပြီ။ အခွင့်ကြုံလို့ အဲသည်လက်ပံပင်ကြီးရှိတဲ့နေရာက ဖြတ်သွားမိတိုင်း လက်ပံပင်ကြီးကို ရော်ရမ်းပြီး မော့ကြည့်နေမိဆဲ။ ကျွန်တော့်စိတ်ထဲမှာတော့ ဒီလက်ပံပင်ကြီး ရှိနေတုန်းပဲ။ နွေဦးပေါက်ရင် ဆက်ရက်သံတညံညံ အပွင့်တွေ တဝေေ၀နဲ့ လှပနေဆဲ

မဟော်ဂနီနဲ့ ကန့်ကော်ရွက်လေးတွေ။ သူတို့ သက်တမ်းက အတူတူ။ ရန်ကုန်တက္ကသိုလ် တောင်ငူဆောင်ရှေ့က ဦးချစ်ဆိုင် မဟော်ဂနီပင်က ကြွေတဲ့ မဟော်ဂနီရွက်ခြောက်တွေနဲ့ ကန့်ကော်ရွက်ခြောက်တွေ။ ဒါတွေက ၂၀၀၅ ခုနှစ်လောက်က ဆိုတော့ ဆယ်နှစ်ကျော်သွားပြီပဲ။ ဘယ်အပင်နဲ့မှ မတူဘဲ နွေဦးပေါက်လို့ သစ်ရွက်တွေကြွေချိန်ရောက်ရင် လေတစ်ခါဝေ့လိုက်တိုင်း မိုးကြီးသည်းသည်းရွာသလို ရက်ရက်ရောရော အရွက်တွေ ချွေချတတ်တဲ့ မဟော်ဂနီပင်ကြီး အခုရော ရှိသေးလားမသိ

ပို့စကတ်တွေ။ မွေးနေ့တိုင်းမှာ အစ်မသုံးယောက်က အတူတူ ဆုတောင်းပေးတဲ့ ကတ်ပြား၊ မိုင်ပေါင်း ထောင်ချီဝေးတဲ့အရပ်ကနေ တကူးတက နှစ်သစ်ကူးဆုတောင်းပို့ပေးတဲ့ သူငယ်ချင်းရဲ့ ကတ်ပြား၊ တီချယ်ဝင်းအတန်းမှာ ကိုယ်တိုင် လက်နဲ့ လုပ်ပြီး အချင်းချင်း လဲလှယ်ရင်းရတဲ့ ကတ်ပြား၊ ကျွန်တော့်ကို သိပ်ချစ်တဲ့ မမတစ်ယောက်ရဲ့ ကတ်ပြား၊ သူငယ်ချင်းတွေက အမှတ်တရ ပို့ကြတဲ့ ကတ်ပြားလေးတွေ

စာအိတ်တွေ စာတွေ။ မန္တလေးတကက္ကသိုလ်မှာ ကျောင်းတက်နေတဲ့ အစ်မဖြစ်သူရဲ့ သူငယ်ချင်းကို မမြင်ဖူးဘဲ ကြွေနေမိပြီး စာတွေအပေးအယူ လုပ်ထားတဲ့ စာတွေ၊ ချယ်ရီပန်းခြောက်လေးတွေ ပို့ပေးလို့ စာပြန်တဲ့ ရွာက ငယ်သူငယ်ချင်းရဲ့စာ၊ အိမ်ရဲ့အဝေးမှာရောက်နေတုန်း အမေက အားပေးစကားတွေ ရေးထားတဲ့စာ၊ လူကုံတန်မိသားစုဝင် ကောင်မလေးတစ်ယောက်နဲ့ ပတ်သက်မိလို့ အစ်မတွေက စိုးရိမ်တကြီးဝိုင်းရေးကြတဲ့စာ၊ အဖေ့စာ အဖေက ကျွန်တော့်ဆီ တစ်ခါမှ စာမရေးဖူး၊ အင်းလေ ကျွန်တော် ဆယ်တန်းအောင်လို့ အိမ်က ထွက်သွားပြီး နောက်တစ်နှစ်မှာ အဖေမှ မရှိတော့ပဲ။ အဖေရှိတုန်းကလည်း ကျွန်တော့်ဆီ စာမရေးဖူးပါဘူးလေ။ သားကို ဆုံးမစရာ မလိုဘူးဆိုပြီး လျစ်လျှူရှုထားတတ်တဲ့အဖေ၊ လေးတန်းတုန်းက ကျွန်တော် နေမကောင်းလို့ ကျောင်းပျက်တော့ အတန်းပိုင်ဆရာမှတစ်ဆင့် ကျောင်းအုပ်ကြီးထံသို့ ဆိုပြီး ခွင့်တိုင်ပေးတဲ့ အဖေ့လက်မှတ်နဲ့ စာလေး။ ဒီစာလေးက ဘယ့်နှယ်လုပ် ကျွန်တော့်ဆီ သိမ်းထားမိပါလိမ့်။ ခွင့်စာရေးပြီးမှ မတိုင်ဖြစ်လိုက်တာလား ဘာလား သိပ်တော့မသေချာ။ ဒါပေမယ့် အဖေ့ရဲ့ ကျွန်တော်နဲ့ ပတ်သက်ပြီး ရေးထားတဲ့ တစ်စောင်တည်းသော စာ။ ကျွန်တော် လေးတန်းတုန်းကဆိုတော့ ဒီစာရဲ့ သက်တမ်းက ဆယ်စုနှစ် သုံးခုတောင် ပြည့်တော့မှာပါလား။ စာရွက်ခေါက်လေးက ၀ါကျင်နေပြီဆိုပေမယ့် အခုထိ အမှိုက်မဖြစ်သေးတဲ့ စာလေး။ စာလေးကို ကိုင်မိဖတ်မိတိုင်း အဖေအနားမှာ ဂရုစိုက်ပေးနေသလိုမျိုး နွေးထွေးမှုပေးနိုင်စွမ်းတဲ့ တန်ခိုးကြီးတဲ့ စာရွက်ဝါကျင်ကျင်လေး၊

နောက်ပြီးတော့ ကျွန်တော် မပေးဖြစ်ခဲ့တဲ့ မေတ္တာသ၀ဏ်လွှာလေးတွေ၊ မရှိမဲ့ရှိမဲ့ မုန့်ဖိုးလေးတွေ အိမ်မှာသီးတဲ့ မာလကာသီး ဇီးသီးရောင်းလို့ မုန့်ဖိုးရတဲ့အထဲက လိုချင်လွန်းလို့ မနည်းဖြစ်ညှစ်ပြီး ၀ယ်ထားတဲ့ ပန်းပွင့်လေးတွေ အသည်းပုံလေးတွေပါတဲ့ စာရွက်လေးတွေမှာ အကြမ်းသုံးလေးခါလောက်ရေးပြီးမှ အချောရေးကူးထားတဲ့ မေတ္တာသ၀ဏ်လွှာလေးတွေ။ အော် ဒီစာလေးတွေ ကျွန်တော့်ဆီမှာ ရှိနေမှတော့ ရည်စူးထားတဲ့သူကို မပေးဖြစ်ခဲ့ဘူးပေါ့။ ပေးဖြစ်ခဲ့တဲ့စာတွေလည်း ရှိတန်သရွေ့တော့ ရှိခဲ့မှာပါ။ သူတို့လေးတွေရော ဘယ်ဆိုကိုရောက်နေကြပါလိမ့်။ အခုချိန်ဆို သားတွဲလောင်း သမီးတွဲလောင်းဖြစ်နေကြရောပေါ့။

ကဗျာစာအုပ်လေး။ ဆယ်တန်းစိတ်ကြိုက်မြန်မာစာထဲက ကဗျာဖွဲ့နည်းတွေကို ဖတ်ပြီး ရေးထားတဲ့ ကဗျာလေးတွေ။ ကာရန်တွေ သိပ်မလှပေမယ့်လည်း ကိုယ့်ကိုယ်ပိုင်ကဗျာလေးတွေမို့ အခုထိတော့ မြတ်နိုးတန်ဖိုးထားတုန်း။ ဒီကဗျာလေးတွေ ရေးဖြစ်ဖို့ ရှေးကဗျာတွေ အများကြီး ဖတ်ဖြစ်ခဲ့တာ ကဗျာတော်တော်များများကို နှလုံးသားထဲမှာ စွဲနေအောင် အလွတ်ရတဲ့အထိ မြတ်နိုးတန်ဖိုးထားခဲ့ရတာတွေရဲ့ ဘေးထွက်ရလဒ်တစ်ခုဖြစ်တဲ့ ကဗျာလေးတွေ။ ကျွန်တော့်ကဗျာလေးတွေကို ပန်းပွင့်လေးတွေ အသည်းပုံလေးတွေပါတဲ့ ရောင်စုံစက္ကူပေါ်မှာ ကျွန်တော့်လက်ရေးနဲ့ ရေးထားတဲ့ ကိုယ်ပိုင်ကဗျာလေးတွေက ဖတ်ခွင့်ကြုံခဲ့သူ ဘယ်နှစ်ယောက်လောက် ရှိပါလိမ့်။ တစ်ယောက်... နှစ်ယောက် . . . သုံးယောက် . . . လေးယောက် . . . အင်း ရေသာ ရေနေရတာ သူတို့က ဖတ်တောင် ဖတ်ဖြစ်ကြပါ့မလား။

ညီငယ်လေးရဲ့ ကဗျာစာရွက်လေးတွေ။ ညီတစ်ယောက် မရှိတော့တဲ့ နောက်ပိုင်း အဖေလည်း မရှိတော့တဲ့နောက်ပိုင်း ကျန်ခဲ့တဲ့ ညီငယ်လေးကို အချစ်သည်းခဲ့တယ်။ ညီလေးလိုချစ်တယ်။ သားလေးလိုချစ်တယ်။ ညီလေးလိုချင်တာတွေကို အကုန်မဖြည့်ဆည်းပေးနိုင်ခဲ့ပေမယ့် စိတ်ပိုင်းဆိုင်ရာ လုံခြုံမှုပေးနိုင်ဖို့ ညီလေးကို အစစ အရာရာ နားလည်နိုင်အောင် ကြိုးစားပြီး ချစ်ခဲ့တယ်။ စာအုပ်ပုံတွေရှင်းရင်း ထွက်လာတတ်တဲ့ ညီငယ်လေးရဲ့ ကဗျာရေးထားတဲ့ စာရွက်အပိုင်းအစလေးတွေ၊ ပြီးတော့ လက်ချောင်းလေးနဲ့ ဆွဲတဲ့ပန်းချီတဲ့။ အစ်ကိုကြီး ဒါဘာပုံလဲ သိလားလို့ ပြတုန်းက ကိုယ်မြင်တာတော့ လက်ငါးချောင်းနဲ့ ဆေးရောင်စုံကို စာရွက်ပေါ် အတိုင်းသားဆွဲချထားတာပဲ။ သေချာကြည့်လေ အစ်ကိုကြီးတဲ့ ကောင်မလေးတွေကို နောက်ကနေမြင်ရတဲ့ ပုံတဲ့၊ သူပြောတာလည်းဟုတ်သလိုလို။ ဘာပဲပြောပြော အဲသည်စာရွက်လေးတွေကို ညီငယ်လေးကဖြင့် အခုနေမြင်ရင်တောင် သတိရတော့မှာမဟုတ်။ ကျွန်တော့်အတွက်တော့ ညီငယ်လေးကို ချစ်ဖို့အတွက် နားလည်မှုပေါင်းကူးတစ်ခု

တီချယ်ဝင်းရဲ့ ခရစ္စမတ်လက်ဆောင်လေးတွေ။ တီချယ်ဝင်းက ကျွန်တော်တို့ကို သားတွေလို ဂရုစိုက်ပြီး ကျွန်တော်တို့ကလည်း အမေလိုချစ်တယ်။ ခရစ္စမတ်များရောက်ပြီလားဆိုရင် တီတီထွင်ထွင်လုပ်ပြီးပေးတဲ့ ကတ်ပြားလေးတွေ ပစ္စည်းအတိုအစလေးတွေကို ကျွန်တော်က အင်မတန် မြတ်နိုးတယ်။ နှစ်ပေါင်းများစွာတိုင်တဲ့အထိကို သေသေချာချာ သိမ်းထားပြီး ထုတ်ကြည့်မိတဲ့အခါတိုင်း ရန်ကုန်တက္ကသိုလ် ကျောင်းသားဘ၀ကို ပြန်ရောက်သွားသလို ခံစားရမိစေတဲ့ တီချယ်ဝင်းရဲ့ လက်ဆောင်လေးတွေ၊ အော် တီချယ်ဝင်းနဲ့ အပြင်မှာ မတွေ့ဖြစ်တာတောင် ကြာပါပေါ့

စာစီစာကုံးစာအုပ်။ ကိုးတန်းဆယ်တန်းတုန်းက ကိုယ့်ဘာသာရေးပြီး ကိုယ့်ဘာသာ သိမ်းထားတဲ့ စာစီစာကုံး စာအုပ်လေး။ ကျွန်တော်အိမ်က ထွက်သွားတော့ အမေက အဲသည်စာအုပ်လေးကို သိမ်းပေးထားတယ်။ တစ်ခါတစ်ခါ အဲသည်စာအုပ်ထဲမှာ ရေးထားတဲ့အကြောင်းအရာလေးတွေ အမေပြောပြတယ်ဆိုတာ ပြန်ကြားရတယ်။ ဘိလပ်မြေအိတ်ခွံစက္ကူအ၀ါရောင်နဲ့ ဖုံးထားတဲ့ စာအုပ်လေး။ ရေးထားတာ လေးငါးပုဒ်ပဲရှိတယ်ဆိုပေမယ့် ကျွန်တော့်ရဲ့ ငယ်ဘ၀ စကားပြေ အရေးအသားလေး။

ကျွန်တော့် အချစ်ဆုံး သူငယ်ချင်းတစ်ချို့ရဲ့ မှတ်စုစာအုပ်လေးတွေ။ ဒီစာအုပ်လေးတွေကို မှတ်စုစာအုပ်အဖြစ် ရခဲ့တာမဟုတ်။ သူတို့တွေ ပစ်ဖို့ လုပ်နေတဲ့အချိန်မှာ တောင်းယူပြီးသိမ်းထားမိတဲ့ စာအုပ်လေးတွေ။ ဒီစာအုပ်လေးတွေထဲမှာ ကျွန်တော်တို့ သူငယ်ချင်းတွေရဲ့ ချစ်ခြင်းမေတ္တာအကြောင်းတွေ ရေးမထားပေမယ့် စာအုပ်ကလေးကို ဖွင့်ကြည့်လိုက်ရင် အချစ်ဆုံးသူငယ်ချင်းတွေနဲ့ တစ်ခန်းတည်းရောက်နေသလို ခံစားရမိစေတဲ့ စာအုပ်လေးတွေ၊ နှစ်ပေါင်းများစွာ အဆက်အစပ်မရှိတော့ပေမယ့် ခုထိ နှလုံးသားကို နွေးထွေးစေတဲ့ ချစ်ခြင်းမေတ္တာတွေ ဝေ့သီနေဆဲ သူငယ်ချင်းရဲ့ လက်ရေးလေးတွေ

အစ်ကိုကြီးတစ်ယောက်ရဲ့ ဆုံးမစာ စာအုပ်။ ဆုံးမစာဆိုတာ ကျွန်တော်တို့ သင်ရလေ့ရှိတဲ့ ဆုံးမစာမျိုးမဟုတ်။ ဆယ်တန်းဖြေပြီးချိန် သူငယ်ချင်းတွေနဲ့ ခွဲရတော့မယ်ဆိုတော့ သိပ်ပြီး ကြေကွဲခံစားနေတဲ့ ကျွန်တော့်ကို လူငယ်တစ်ယောက် လုပ်သင့်လုပ်ထိုက်တာ ဘယ်လို လုပ်ရတယ်။ အလွမ်းကို ဘာနဲ့ဖြေရတယ်။ စသည်ဖြင့် ရှည်ရှည်ဝေးဝေး ဥပမာ ဥပမေယျတွေနဲ့ ရေးထားတဲ့ စာအုပ်။ ကျွန်တော့်ဘ၀မှာ စိတ်ရှည်လက်ရှည်ဆုံးမတတ်တဲ့ အစ်ကိုကြီးရဲ့ ဆုံးမစကားတွေကို တစ်ကြိမ်တည်းသာ ရဖူးတဲ့ဆုံးမစာ စာအုပ်။ ကျွန်တော့်သူငယ်ချင်းရဲ့ အစ်ကိုကြီးကတော့ အခု ကျွန်တော့်သူငယ်ချင်း အစ်မတစ်ယောက်နဲ့ပဲ အိမ်ထောင်ကျလို့ သားတွေသမီးတွေနဲ့။ ကျွန်တော့်ကို ဆုံးမခဲ့သလိုသာ သူ့သားသမီးတွေကို ဆုံးမဖြစ်ရင် သူ့သားသမီးတွေလည်း လူကောင်းလူတော်လေးတွေ ဖြစ်ကြမှာပါ။

ပန်းကတ်လေး။ အဖေ့အတွက် လက်ဆောင်လုပ်ထားတဲ့ ပန်းကတ်လေး။ အဖေသေပြီဆိုလို့ အဖေ့ကို မြှပ်ထားတဲ့ အုတ်ဂူကိုသွားပြီး ပေးမလို့ စိတ်ကူးနဲ့ လုပ်ထားတဲ့ ပန်းကတ်လေး။ ခရမ်းပြာရောင် ပန်းခြောက်လေးကို စာရွက်ကြားမှာ အခြောက်ခံပြီး စက္ကူပေါ်မှာ တိပ်လေးနဲ့ သပ်သပ်ရပ်ရပ်ကပ်ထားတဲ့ ပန်းကတ်လေး။ နှစ်ပေါင်း အစိတ်လောက်ကြာတာတောင် ခရမ်းပြာရောင်လေးတွေ သန်းနေဆဲ ပန်းကတ်လေး။ အဖေ့အုတ်ဂူရှိရာကို သွားပေးမယ် စိတ်ကူးပြီး လုပ်ထားခဲ့ပေမယ့် အိမ်ရောက်တော့ စိတ်ထဲမှာ အဖေသေတာကို မယုံနိုင်ဘူး။ ကျွန်တော် အိမ်က ထွက်သွားတဲ့အချိန်မှာ အဖေက ခြံထဲမှာ သစ်ပင်တွေနဲ့ အလုပ်ရှုပ်နေခဲ့တာလေ။ အိမ်ရောက်တော့ အထုပ်အပိုးပစ်ချပြီး အဖေ့ကို ခြံထဲမှာ လှည့်ပတ်ရှာမိသေးတယ်။ အဖေသေလို့ သချိင်္ုင်းမှာသွားမြှပ်လိုက်ပြီဆိုတာလည်း ကျွန်တော့်အတွက်တော့ ယုံတမ်းစကားတစ်ခုလိုပဲ။ ကျွန်တော့်စိတ်ထဲမတော့ အဖေက မသေဘူး။ ဒါကြောင့်မို့ အဖေ့အုတ်ဂူကိုလည်း အဲသည်ပန်းလေး သွားမပေးဖြစ်တော့ဘူး။ ကိုယ့်ဘာသာ သိမ်းထားလိုက်တော့တာ အခုထိပဲ။ အဖေသာသိရင် တော်တော်စိတ်ကူးယဉ်တဲ့ကောင်လို့ ပြောမှာ သေချာတယ်။

ကဗျာတစ်ပုဒ် ဖတ်ဖူးတယ်။ ဘ၀ရဲ့ နေ၀င်ချိန်မှာ တစ်ယောက်တည်း အထီးကျန် ဖြစ်နေတဲ့အခါ ပါးရေနားရေတွေ တွန့်နေတဲ့ မျက်နှာပေါ် အပြုံးလေးတွေ ဖြတ်ပြေးသွားအောင် ဘ၀ရဲ့ အမှတ်တရတွေက စွမ်းဆောင်နိုင်ပါသတဲ့။ ကျွန်တော့်ရဲ့ သေတ္တာလေးကတော့ ကျွန်တော့်ဘ၀ရဲ့ အမှတ်တရ မော်ကွန်းတိုက်လေးပေါ့။ သိမ်းထားတဲ့ ပစ္စည်းတစ်ချို့က ကျွန်တော့်ကို ပြုံးစေပါလိမ့်မယ်။ တစ်ချို့ကတော့ ငိုစေပါလိမ့်မယ်။ ဘာပဲဖြစ်ဖြစ် ကျန်တဲ့အချိန်တွေမှာလည်း အမှတ်တရလေးတွေကို တတ်နိုင်သလောက် စုဆောင်းရင်းနှီးမြှပ်နှံထားပါအုံးမယ်။ ကျွန်တော့် ဘ၀ရဲ့ နေ၀င်ချိန်မှာ တစ်ယောက်တည်း အထီးကျန်နေတဲ့အခါ သူတို့လေးတွေကို အဖော်ပြုရင်း ကျွန်တော်ပြုံးမယ် ငိုမယ်