ပြေးပွဲဝင်ဖို့ စာရင်းပေးထားပေမယ့် မနက်မနက် ထပြေးရမှာ ပျင်းလို့ တစ်ရက်မှတောင် မလေ့ကျင့်လိုက်ရပါဘူး။ လမ်းကြောင်းလေးက တိုတိုလေး ဆိုပေမယ့် မောတော့လည်း အမောသားဗျ။ သင်တန်းမှာတုန်းကလို ပြေးလိုက်လျှောက်လိုက် လုပ်ချင်ပေမယ့် အားပေးနေတဲ့သူတွေက လမ်းတစ်လျှောက်လုံး ရှိနေပြီး ဂမ်ဘာဒယ် ဂမ်ဘာဒယ် ၀ိုင်းအော်ကြ လက်ခုပ်တွေတီးကြနဲ့ (သူတို့ပြေးရတာမဟုတ်တိုင်း လူကိုဝိုင်းပြီး တွန်းအားပေးနေကြတော့) လူရှင်းတဲ့နေရာရောက်မှ လမ်းလျှောက်ပါတော့မယ်လေဆိုပြီး ပြေးရင်းပြေးရင်း ပန်းသာဝင်သွားရော လူရှင်းတဲ့နေရာက ရောက်ကို မရောက်လိုက်ပါဘူး။ ပန်းဝင်လာတဲ့မျက်နှာက မောတဲ့မျက်နှာ မဟုတ်ပါဘူးလို့တော့ မပြောနဲ့ဗျ။ ညီလေးတစ်ယောက်က စောင့်ပြီး ဓာတ်ပုံရိုက်မှာဆိုတော့ ပန်းအ၀င်ကို မနည်းအားတင်းပြီး ပြုံးထားရတာ။
Thank you Nann Winn for taking this memorable photo
No comments:
Post a Comment