သက်တော်ရှည် ဘိုးဘိုးကြီးတို့အကြောင်း

          အနော့်ကို အကြားအမြင်ရနေတယ်ထင်လို့လား ဘာလားတော့ မသိပါဘူး။ ညီငယ်တွေ သူငယ်ချင်းတွေက ဒီရက်ပိုင်း လာလာမေးကြတဲ့ မေးခွန်းတစ်ခု ရှိပါတယ်။ သူတို့ကိုလည်း ဖြေရင်း ကိုယ်လည်း မှတ်စုတစ်ခု ရသွားအောင် ဒီစာကို ရေးလိုက်ပါတယ်။

           မေးခွန်းက နောက်အစိုးရလက်ထက်ကျရင် ပြည်ထောင်စုတရားသူကြီးချုပ် နဲ့ ပြည်ထောင်စု ရှေ့နေချုပ် ဘယ်သူတွေ ဖြစ်မလဲ. . . တဲ့

          တရားသူကြီးနဲ့ ရှေ့နေဆိုတာ လုပ်ငန်းသဘောသဘာဝအရ နီးစပ်တာ ဖြစ်တဲ့အတွက် ဒီလို မေးကြတယ်ဆိုတာ နားလည်ပါတယ်။ ဒါပေမယ့် ဒီရာထူးနှစ်ခုရဲ့ သဘောသဘာဝတော့ အင်မတန်ကို ကွဲပြားခြားနားပါတယ်ဆိုတာကို အရင်ဆုံး ရှင်းပြချင်ပါတယ်။ အတိုချုပ်ပြောရရင် တရားသူကြီးချုပ်ဆိုတာ အစိုးရ မဏ္ဍိုင်ကြီး သုံးရပ်ထဲက တရားစီရင်ရေး မဏ္ဍိုင်ရဲ့ အကြီးအကဲ ဖြစ်ပြီး ရှေ့နေချုပ်ဆိုတာကတော့ နိုင်ငံတော်သမ္မတနဲ့ အစိုးရအဖွဲ့ရဲ့ လက်အောက်က ဥပဒေအကြံပေး လက်ရုံးဝန်ထမ်းတစ်ဦးမျှသာ ဖြစ်တယ် ဆိုတာပါပဲ။

          အစိုးရတစ်ရပ်မှာ ဥပဒေပြုရေး၊ အုပ်ချုပ်ရေး၊ တရားစီရင်ရေးဆိုပြီး မဏ္ဍိုင်ကြီး သုံးခုရှိတဲ့အနက် ဥပဒေပြုရေးရဲ့ အကြီးအကဲက ပြည်ထောင်စုလွှတ်တော် နာယက၊ အုပ်ချုပ်ရေး အကြီးအကဲက နိုင်ငံတော် သမ္မတဖြစ်ပြီး တရားစီရင်ရေး အကြီးအကဲက ပြည်ထောင်စု တရားသူကြီးချုပ် ဖြစ်ပါတယ်။ အထက်မှာ ပြောခဲ့တဲ့ ပြည်ထောင်စု ရှေ့နေချုပ်ဆိုတာ သမ္မတလက်အောက်က ဥပဒေရေးရာကိစ္စတွေအတွက် ဆောင်ရွက်ပေးဖို့ သမ္မတ စိတ်ကြိုက်ခန့်ထားတဲ့ ရာထူးဖြစ်တာမို့ ပြည်ထောင်စုရှေ့နေချုပ် ဘယ်သူ ဖြစ်မလဲ ဆိုတာ သမ္မတစိတ်ထဲမှာပဲ ရှိပါလိမ့်မယ်။

          ဒါဆို ပြည်ထောင်စု တရားသူကြီးချုပ်ကရောတဲ့။ ဟုတ်ကဲ့ အင်မတန်မှ အရေးပါလှတဲ့ ရာထူးတစ်ခု ဖြစ်ပါတယ်။ နိုင်ငံတော်သမ္မတက အမည်စာရင်းတင်သွင်းပြီး ပြည်ထောင်စုလွှတ်တော်ရဲ့ သဘောတူညီချက်နဲ့ ခန့်ရတဲ့ အဲသည် ရာထူးက ဘယ်လောက်တောင် အရေးပါသလဲ ဆိုရင် သမ္မတနဲ့ အစိုးရအဖွဲ့တွေ လွှတ်တော်ဥက္ကဌတွေ အမတ်တွေ ငါးနှစ် သက်တမ်းပြည့်လို့ ရာထူးက ဆင်းသွားရင်တောင် သူက လိုက်ဆင်းစရာ မလိုပါဘူး။ အဲသလောက်တောင် အရေးပါပါတယ်။ ငင် . . . ဒါဆိုရင် အရင် ဦးသိန်းစိန် သမ္မတဖြစ်စက ခန့်ခဲ့တဲ့ တရားသူကြီးချုပ်က ဆက်ရှိနေအုံးမှာပေါ့ ဆိုရင် ဟုတ်ကဲ့လို့ပဲ ဖြေရပါလိမ့်မယ်ဗျာ။

          ဒီလိုပါ။ သမ္မတ တစ်ယောက်တက်တိုင်း တရားသူကြီးချုပ်နဲ့ တရားလွှတ်တော်ချုပ် တရားသူကြီးတွေကို တက်လာတဲ့ သမ္မတတွေက ခန့်နေရရင်တဲ့ တရားစီရင်ရေးမဏ္ဍိုင်က အုပ်ချုပ်ရေးမဏ္ဍိုင်ရဲ့ လွှမ်းမိုးမှုအောက်ကို ရောက်သွားနိုင်စရာ ရှိပါတယ်တဲ့။ ဒါကြောင့် ပြည်ထောင်စု တရားလွှတ်တော်ချုပ် တရားသူကြီးရဲ့ ရာထူးသက်တမ်းကို သတ်မှတ်ကြပြီလား ဆိုရင် သမ္မတသက်တမ်းနဲ့ အတူတူ သတ်မှတ်လို့ မဖြစ်ပါဘူးတဲ့။ မြန်မာပြည်က ပြည်ထောင်စုတရားသူကြီးချုပ်ရဲ့ သက်တမ်းကို ရာထူးတာဝန် ထမ်းဆောင်တဲ့ကာလနဲ့ သတ်မှတ်ခြင်း မရှိပါတဲ့။ ဥပမာ သမ္မတ၏ ရာထူးသက်တမ်းသည် ငါးနှစ်ဖြစ်တယ် လို့ သတ်မှတ်ထားပေမယ့် ပြည်ထောင်စု တရားသူကြီးချုပ်ကတော့ အသက်ခုနစ်ဆယ် ပြည့်တဲ့အထိ တာဝန်ထမ်းဆောင်ခွင့် ရှိပါသတဲ့။ အခြေခံဥပဒေ ပုဒ်မ ၃၀၁(က) နဲ့ ပုဒ်မ ၃၀၃ တို့အရ ပြည်ထောင်စု တရားသူကြီးချုပ်နဲ့ တရားသူကြီးတွေအဖြစ် အသက်ခုနစ်ဆယ် ပြည့်တဲ့အထိ တာဝန်ထမ်းဆောင်ခွင့် ပေးထားတော့ သူတို့တွေရဲ့ ရာထူးသက်တမ်းက အများဆုံး အနှစ်နှစ်ဆယ်တောင် ရှိတဲ့သဘောပါပဲ။ ( သမ္မတလေးဆက်လောက် ဆက်ပြီး တာဝန်ထမ်းဆောင်နိုင်တဲ့ သဘောပါပဲ။)အဓိပ္ပာယ်ကတော့ သမ္မတကြီး ဦးသိန်းစိန် ခန့်အပ်ခဲ့တဲ့ ပြည်ထောင်စု တရားသူကြီးချုပ်နဲ့ တရားသူကြီးတွေက ဘယ်အစိုးရပြောင်းပြောင်း ဘယ်သမ္မတ ပြောင်းပြောင်း သူတို့တွေက အငြိမ်းစား ယူစရာမလိုဘဲ သက်တော်ရှည် ဘိုးဘိုးကြီးတွေအဖြစ် အသက်ခုနစ်ဆယ်ပြည့်တဲ့အထိ တာဝန်ထမ်းဆောင်ခွင့် ရှိနေပါသတဲ့ ခင်ဗျာ

           ပြည်ထောင်စုတရားသူကြီးချုပ်နဲ့ ပြည်ထောင်စုတရားလွှတ်တော် တရားသူကြီးတွေရဲ့ ရာထူးသက်တမ်းကို ဒီလို သတ်မှတ်ရခြင်းရဲ့ အနှစ်သာရကတော့ ဥပဒေပြုရေးမဏ္ဍိုင်ရဲ့ ခိုင်မာတောင့်တင်းစေမှုကို အားကောင်းစေဖို့ပဲ ဖြစ်ပါတယ်။

ဒီအနှစ်သာရရဲ့အလှတရားကို မသိတာပဲလား သိသိကြီးနဲ့ပဲလားတော့ မသိပါဘူး။ ဟိုတစ်လောက အခြေခံဥပဒေ ပြင်ဖို့ ကြိုးစားကြတုန်းက တရားသူကြီးချုပ်နဲ့ ပြည်ထောင်စု တရားသူကြီးတွေရဲ့ သက်တမ်းကို သမ္မတ သက်တမ်းနဲ့ အတူတူထားဖို့ လွှတ်တော်ထဲက ဥာဏ်ကြီးရှင်များက လုပ်ခဲ့ကြသေးသဗျ။ တော်သေးတယ်လို့ ပြောရမယ်။ သူတို့ ရွှေဥာဏ်တော် စူးရောက်တိုင်းသား အလုပ်ဖြစ်ခဲ့ရင် အခုလို ကာလပျက်ကြီးမှာ ပေါ်လာတဲ့ အာဏာရှင်လက်ထဲ အာဏာသုံးရပ်စလုံး ရောက်သွားမှာဗျ။ အဲသည် ပုဒ်မ ပြင်ဆင်မှု အထမမြောက်ခဲ့ပေလို့သာပေါ့။

          လိုရင်းကို ပြောရရင် ခုတက်လာမယ့် သမ္မတက ပြည်ထောင်စု တရားသူကြီးချုပ်နဲ့ တရားလွှတ်တော်ချုပ် တရားသူကြီးတွေကို ခန့်အပ်နိုင်မလားဆိုတာ ခုလက်ရှိ ဦးသိန်းစိန် ခန့်ခဲ့တဲ့ တရားသူကြီးတွေ အသက်ဘယ်လောက် ရှိနေပြီလဲဆိုတဲ့အပေါ် မူတည်ပြီး အသက်ခုနစ်ဆယ် မပြည့်ကြသေးလို့ ဆက်ပြီးလည်း တာဝန်ထမ်းနိုင်သေးတယ်ဆိုရင် ခုတက်လာမယ့် သမ္မတက တစ်ယောက်မှ ထပ်ခန့်စရာ မလိုတဲ့အကြောင်း၊ တစ်ယောက်စ နှစ်ယောက်စ အသက်ခုနစ်ဆယ်ပြည့်လို့ အငြိမ်းစားယူမှသာ လစ်လပ်သွားတဲ့ နေရာလေးတွေကို ဖြည့်စွက် ခန့်အပ်ပေးရမှာ ဖြစ်ကြောင်း ပြောပြချင်တာပါ။

ခင်ဗျာ . . . ဓီမိုကလေစီ ဟုတ်လား။

အဲဒါ ဓိမိုကလေစီ မကျဘူး လို့ ပြောချင်တာလား . . .

          ဓီမိုကလေစီ ကျမကျတော့ မသိဘူးဗျ။ အမေရိကန်မှာဆိုရင် အသက်ခုနစ်ဆယ်ပြည့်တောင် အငြိမ်းစား ယူစရာမလိုဘဲ တစ်ခါခန့်တာနဲ့ ရာသက်ပန် မသေမချင်း တာဝန်ထမ်းဆောင်ခွင့် ပေးထားတယ်။ အမေရိကန်ပြည်ထောင်စုရဲ့ ပထမဆုံး သမ္မတကြီး ဂျော့ဝါရှင်တန် လက်ထက်ကနေ ဒီနေ့ အိုဘားမား လက်ထက်အထိ နှစ်ပေါင်း နှစ်ရာနှစ်ဆယ့်ခြောက်နှစ်အတွင်း သမ္မတ လေးဆယ့်လေးယောက် တာဝန်ထမ်းဆောင်ခဲ့ပေမယ့် တရားသူကြီးချုပ်ကတော့ ဆယ့်ခုနစ်ယောက်ပဲ ရှိပါသေးတယ်။ အခု အိုဘားမားကြီးတောင် ဒုတိယ ရာထူးသက်တမ်းကုန်လို့ ဆင်းရတော့မယ်။ သူ့အရင်သမ္မတ ဂျော့ဒဗလျူဘုရှ် ခန့်သွားတဲ့ တရားသူကြီးချုပ်နဲ့ပဲ စခန်းသွားနေရတုန်း . . .

. . .ခုလတ်တစ်လောလေးမှာပဲ အမေရိကန် နိုင်ငံတော်တရားရုံးချုပ်မှာ သက်တမ်းအကြာဆုံး တရားသူကြီး Antonin Scalia ဟာ ဖေဖေါ်ဝါရီလ ၁၆ ရက်နေ့က ကွယ်လွန်သွားခဲ့တာပါ။တရားသူကြီး Scalia ဟာ Texas ပြည်နယ်အတွင်းက အပန်းဖြေမြို့တခုဖြစ်တဲ့ Ciblol Creek Ranch မှာ လူကြီးရောဂါနဲ့ အိပ်နေရင်း ကွယ်လွန်သွားတာလို့ ဆိုပါတယ်။ အသက် ၇၉ နှစ်ရှိပြီတဲ့ ရှေးရိုးစွဲဝါဒီ Scalia ကို ကွယ်လွန်သူ အမေရိကန်သမ္မတဟောင်း Ronald Reagan က ၁၉၈၆ ခုနှစ်မှာ ခန့်အပ် တာဝန်ပေးခဲ့တာကြောင့် သူဟာ နှစ်ပေါင်း ၃၀ ခန့် တာဝန်ထမ်းဆောင်ခဲ့တဲ့ သက်တမ်းအကြာဆုံး တရားသူကြီးလည်း ဖြစ်ပါတယ်။

ဆက်စပ်ပြီး ဖတ်ချင်ရင် (http://irrawaddy.blog.mmbloggers.com/…/…/4550547144687485242)