အလံခေါက်

တိုင်းပြည်တာဝန်ထမ်းဆောင်ရင်း အသက်ပေးသွားတဲ့ ညီငယ်လေး ဗိုလ်ကြီးရဲစည်သူအောင်ရဲ့ ဈာပနကို ကြည့်မိတော့ ပြောပြစရာလေး တစ်ခု ရှိလာလို့ပါ။ တပ်မတော်သားတစ်ယောက်ရဲ့ ဈာပနကို စစ်အခမ်းအနားနဲ့ သဂြိုလ်တာကို ပထမဆုံး မြင်ဖူးခြင်းပဲ ဖြစ်ပါတယ်။ ကျဆုံးရဲဘော်အလေးပြုခရာသံနဲ့ သေနတ်မြေစိုက် အလေးပြုနေတဲ့အခမ်းအနားကို ကြည့်ပြီး ဘယ်သူမှတော့ စိတ်ကောင်းနိုင်ကြလိမ့်မယ် မထင်ပါဘူး။ ဒီလိုကိစ္စတစ်ခုကို အကြောင်းပြုပြီး ရေးသင့်ရဲ့လားလို့လည်း အကြိမ်ကြိမ် စဉ်းစားမိပါတယ်။ တကယ်လို့ ဒီစာကြောင့် တစ်ယောက်ယောက် စိတ်အနှောင့်အယှက် ဖြစ်သွားမယ်ဆိုရင်လည်း ပိုပြီးကောင်းစေချင်တဲ့ အကြံပြုချက်အဖြစ် နားလည်ခွင့်လွှတ်ပေးဖို့ ကြိုတင် ပန်ကြားလိုပါတယ်။
စစ်ဘက်ဆိုင်ရာ ဈာပန အစီအစဉ် လုပ်ထုံးလုပ်နည်းကို ဘယ်လို ပြဌာန်းသတ်မှတ်ထားသလဲဆိုတာတော့ သေချာ မသိပါဘူး။ နောက်ဆုံး အလေးပြုနေတဲ့ စစ်သည်တွေ တန်းဖြုတ်သွားပြီးချိန်မှာ ခေါင်းတလားပေါ် အုပ်ထားတဲ့ နိုင်ငံတော် အလံကို ပြန်ရုပ်တဲ့အပိုင်းနဲ့ ပတ်သက်ပြီး ပြောပြချင်ပါတယ်။ ၂၀၀၈ ခုနှစ် ဖွဲ့စည်းပုံအခြေခံဥပဒေ အတည်ပြုပြီးတဲ့အချိန်မှာ နိုင်ငံတော်အလံအသုံးပြုခြင်းဆိုင်ရာ တပ်မတော် စည်းမျဉ်းတစ်ခု ထုတ်ပြန်ထားတာ ရှိပါတယ်။ (နိုင်ငံတော်အလံ နည်းဥပဒေကို ပြောတာမဟုတ်ပါဘူး) တပ်ရင်း တပ်ဖွဲ့ ဌာနချုပ်တွေမှာ နိုင်ငံတော်အလံ အသုံးပြုပုံနဲ့ ပတ်သက်ပြီး အသေးစိတ်ပြဌာန်းထားတဲ့ စည်းမျဉ်းဖြစ်ပါတယ်။ အဲသည် စည်းမျဉ်းထဲမှာ နိုင်ငံတော်အလံကို ဘယ်လို ခေါက်ပြီး သိမ်းရမယ်ဆိုတာ ပါပါတယ်။ ခေါက်ရမယ့်ပုံစံကိုလည်း အမေရိကန်ရေတပ်က နိုင်ငံတော်အလံ ခေါက်နည်းကို ရည်ညွှန်းကိုးကားထားတယ်လို့ ဆိုပါတယ်။ ကျွန်တော်တို့တွေ အမေရိကန် စစ်ကားတွေထဲမှာ မြင်ဖူးနေကျ သုံးမြှောင့်ပုံ အလံခေါက်နည်းနဲ့ ခေါက်ရမယ်လို့ သတ်မှတ်ထားပါတယ်။ အဲသည်လို အလံခေါက်တာ တစ်ယောက်တည်း ခေါက်လို့ မရပါဘူး။ အနည်းဆုံး နှစ်ယောက်က အလံအလျားလိုက်မှာ တစ်ဘက်ထိပ်စီကနေ ကိုင်ပြီး ခေါက်ရတာပါ။ အမေရိကန် ဇာတ်ကားတွေ ထဲမှာတော့ အဲသည် သုံးမြှောင့်ပုံ အလံခေါက်လေးကို ကျန်ရစ်သူမိသားစုထံ တရိုတသေ ပေးပါတယ်။ ခေါက်ပေးတဲ့သူတွေကတော့ ခေါင်းတလားကို ထမ်းလာတဲ့ ကျဆုံးစစ်သည်နဲ့ အဆင့်တူ စစ်သည်တွေက ခေါင်းတလား ဘေးနှစ်ဘက်မှာ ရပ်ပြီး အလံကို ခေါက်တာပါ။
ကျဆုံးစစ်သည်ကို သေသေချာချာ အလေးပြု အမိန့်တွေဘာတွေ ကျကျနန ပြန်ပြီးချိန်မှာ အလံခေါက်ဖို့ အမိန့်စဉ်တစ်ခု လိုနေသေးတယ် ထင်မိပါတယ်။ မြန်မာ့တပ်မတော်သားအပေါင်း တရားသော စစ်ပွဲများကို အောင်အောင်မြင်မြင် ဆင်နွှဲနိုင်ကြပါစေ။