အိန္ဒိယနိုင်ငံ အောက်ခြေအဆင့် အုပ်ချုပ်ရေးစနစ်

    အိန္ဒိယနိုင်ငံမှာ အခြေခံအကျဆုံး အုပ်ချုပ်ရေးအဖွဲ့အစည်းက ဂရင်းဆာဗားလို့ခေါ်တဲ့ ကျေးရွာအုပ်ချုပ်ရေးအဖွဲ့ ဖြစ်ပြီး အုပ်ချုပ်ရေးအဖွဲ့ဝင်တွေကို သက်ဆိုင်ရာ ပြည်သူက တိုက်ရိုက်ရွေးကောက်တင်မြှောက်ရတာ ဖြစ်ပါတယ်။ ရွေးကောက်ပွဲများကိုတော့ သက်ဆိုင်ရာ ရွေးကောက်ပွဲ ကော်မရှင်တွေက ကြီးကြပ်တာပါ။ ကျေးရွာအုပ်ချုပ်ရေးအဖွဲ့ရဲ့ အထက်မှာ အုပ်ချုပ်ရေးအဖွဲ့ အဆင့် သုံးဆင့် ရှိနေပါတယ်။ ပန်ချာယပ် လို့ခေါ်တဲ့ ကျေးရွာအုပ်စု အုပ်ချုပ်ရေးအဖွဲ့၊ အင်တာမီဒီယိတ်လို့ခေါ်တဲ့ မြန်မာပြည်မှာဆိုရင်တော့ မြို့နယ်အဆင့် သဘောမျိုး အုပ်ချုပ်ရေးအဖွဲ့ နဲ့ ခရိုင်အဆင့် အုပ်ချုပ်ရေးအဖွဲ့ ဆိုပြီး ရှိပါတယ်။ ဒါက လူဦးရေ နှစ်သန်းကျော်တဲ့ ပြည်နယ်တွေမှာ ဖြစ်ပြီး လူဦးရေ နှစ်သန်းအောက်နည်းတဲ့ ပြည်နယ်တွေမှာ ဆိုရင်တော့ မြို့နယ်အဆင့် အုပ်ချုပ်ရေးအဖွဲ့ မရှိဘဲ ကျေးရွာအုပ်စု နဲ့ ခရိုင်အဆင့် အုပ်ချုပ်ရေးအဖွဲ့သာ ရှိပါတယ်။ သက်တမ်းကတော့ ငါးနှစ်ဖြစ်ပါတယ်။ အဲသည်အုပ်ချုပ်ရေးအဖွဲ့တွေမှာ အဖွဲ့ဝင်ဖြစ်ဖို့က အသက် ၂၁ နှစ်ထက် မငယ်ရင် ရပါတယ်။ ကျန်တဲ့အရည်အချင်းတွေကတော့ သက်ဆိုင်ရာ ပြည်နယ်လွှတ်တော်အမတ်များရဲ့ အရည်အချင်းအတိုင်းပဲ ဖြစ်ပြီး သက်ဆိုင်ရာ ပြည်နယ်များက ပြဌာန်းထားတဲ့ သတ်မှတ်ချက်တွေနဲ့ လည်း ကိုက်ညီဖို့ လိုပါတယ်။ အုပ်ချုပ်ရေးအဖွဲ့ရဲ့ သက်တမ်းက ငါးနှစ်ဖြစ်ပါတယ်။ ကျေးရွာအဆင့်ထက် မြင့်တဲ့ အုပ်ချုပ်ရေးအဖွဲ့တွေမှာ အုပ်ချုပ်ရေးအဖွဲ့ ဥက္ကဌကို အဖွဲ့ဝင်များက မဲပေးရွေးချယ်ရပါတယ်။ ကျေးရွာအဆင့်မှာတော့ မဲပေးရွေးချယ်ဖို့ မလိုဘူးလို့ ပြဌာန်းထားပေမယ့် ဘယ်လို ရွေးချယ်ရမယ်ဆိုတာ ဖော်ပြထားခြင်း မရှိပါဘူး။
    အောက်လွှတ်တော် အမတ်များနဲ့ ပြည်နယ်လွှတ်တော် အမတ်များကလည်း သက်ဆိုင်ရာ အုပ်ချုပ်ရေးအဖွဲ့တွေမှာ ကိုယ်စားလှယ် အဖြစ် ပါဝင်ပြီး ဆုံးဖြတ်ချက်များကို မဲပေးခွင့်ရှိပါတယ်။ အုပ်ချုပ်ရေးအဖွဲ့ဝင်များအနေနဲ့ ဇာတ်နိမ့်တွေ အမျိုးသမီးတွေလည်း ပါဝင်ထမ်းဆောင်လို့ ရအောင် ဥပဒေက နေရာပေး ခွင့်ပြုထားပါတယ်။ အုပ်ချုပ်ရေးအဖွဲ့တွေမှာ သက်ဆိုင်ရာ ဒေသက ဇာတ်နိမ့် သုံးပုံတစ်ပုံ ပါဝင်ရမယ်လို့ ပြဌာန်းထားပေမယ့် တကယ်တမ်း အလုပ်ဖြစ်ရဲ့လား ဆိုတာတော့ သေချာ မသိပါဘူး။ ဘာလို့လဲဆိုတော့ သူတို့ဆီမှာ ဇာတ်နိမ့်ဆိုရင် သိပ်ကို အနှိမ်ခံရလွန်းလို့ ဖြစ်ပါတယ်။
    အခြေခံဥပဒေ ဇယား ၁၁ မှာ ဖော်ပြပါ အုပ်ချုပ်ရေးအဖွဲ့များရဲ့ လုပ်ငန်း တာဝန်များကို ဖော်ပြပေးထားပါတယ်။ ကျေးလက်စိုက်ပျိုးရေး၊ မြေယာဖွံ့ဖြိုးတိုးတက်ရေး၊ မြေယာပြုပြင်ပြောင်းလဲရေး၊ မြေယာပြုပြင်ထိန်းသိမ်းရေး၊ ရေပေးမြောင်းများ၊ ရေအသုံးချစီမံခန့်ခွဲမှု၊ တံငါလုပ်ငန်း၊ လူထုအခြေပြု သစ်တောကဏ္ဍနဲ့ လယ်ယာအခြေပြု သစ်တောကဏ္ဍ၊ အသေးစား သစ်တောထွက်ပစ္စည်း ထုတ်လုပ်ရေး၊ လက်ယက်ကန်း၊ အိမ်တွင်းမှုလုပ်ငန်း၊ သောက်သုံးရေ၊ လောင်စာနှင့် တိရစ္ဆာန်အစားအစာ၊ လမ်းများ၊ မြေအောက်ရေမြောင်းများ၊ တံတားများ၊ ခရီးသည်ပို့ဆောင်ရေး၊ ရေလမ်းခရီးနှင့် အခြား ပို့ဆောင်ဆက်သွယ်ရေး လုပ်ငန်းများ၊ ကျေးလက် လျှပ်စစ်မီးပေးဝေခြင်း၊ ပုံမှန်မဟုတ်သော စွမ်းအင် အရင်းအမြစ်များ၊ ဆင်းရဲမှုတိုက်ဖျက်ရေး အစီအမံများ၊ ပညာရေး၊ စာကြည့်တိုက်၊ ယဉ်ကျေးမှုအစီအစဉ်များ၊ ဈေးများ၊ ကျန်းမာရေးနှင့် သန့်ရှင်းရေး၊ မိသားစုသက်သာချောင်ချိရေး၊ အမျိုးသမီးနှင့် ကလေးများ ဖွံ့ဖြိုးတိုးတက်ရေး၊ လူမှုဖူလုံရေး၊ မသန်စွမ်းသူများ ဇာတ်နိမ့်များ၏ သက်သာချောင်ချိရေး ကိစ္စရပ်များ၊ ပြည်သူပိုင်ပစ္စည်းများ ထိန်းသိမ်းစောင့်ရှောက်ရေး စသည်ဖြင့် ကျေးလက်ဖွံ့ဖြိုးရေး အစီအစဉ်များစွာ ပါဝင်ပါတယ်။
    ငွေကြေးရှာဖွေ သုံးစွဲမှုနဲ့ ပတ်သက်ပြီး သက်ဆိုင်ရာ ပြည်နယ်ရံပုံငွေက ထောက်ပံ့ပေးခြင်း၊ အခွန် အကောက် လမ်းဖြတ်သန်းခ တံတားအသုံးပြုခ စတာတွေ ကောက်ခံခွင့်ကို ပြည်နယ်လွှတ်တော်တွေက ဥပဒေပြဌာန်း ခွင့်ပြုပေးနိုင်ပါတယ်။ သက်ဆိုင်ရာ ပြည်နယ် အုပ်ချုပ်ရေးမှူးက ကျေးရွာအုပ်စုအုပ်ချုပ်ရေး အဖွဲ့များရဲ့ ငွေကြေးဆိုင်ရာ ကိစ္စများကို စစ်ဆေးဖို့ ငွေကြေးကော်မရှင်တစ်ရပ် ဖွဲ့ပေးပြီး ငါးနှစ်တစ်ကြိမ် စစ်ဆေးပါတယ်။ အဲသည်အဖွဲ့က စစ်ဆေးပြီးရင် အုပ်ချုပ်ရေးမှူးကို အကြံပြုချက်များနဲ့တကွ အစီရင်ခံ တင်ပြရပါတယ်။
    အထက်မှာ ဖော်ပြခဲ့တဲ့ အုပ်ချုပ်ရေးအဖွဲ့များနဲ့ ပတ်သက်တဲ့ ပြဌာန်းချက်များဟာ ပြည်နယ်တွေ အားလုံးနီးပါးနဲ့ ပြည်ထောင်စု နယ်မြေအချို့မှာပါ အကျုံးဝင်ပါတယ်။ တစ်ချို့နေရာတွေမှာတော့  သီးခြားပြဌာန်းချက်တွေ နဲ့ ဆောင်ရွက်ရတာလည်း ရှိပါတယ်။
    အခုတင်ပြခဲ့တာကတော့ အိန္ဒိယက ကျေးရွာအုပ်ချုပ်ရေးနဲ့ ပတ်သက်ပြီး သိသင့်သိထိုက်တာလေးတွေကို အကျဉ်းချုံး ရေးသားထားတာဖြစ်ပါတယ်။ တို့မြန်မာနိုင်ငံမှာတော့ ရပ်ကွက်ကျေးရွာအုပ်စု အုပ်ချုပ်ရေးနဲ့ ပတ်သက်ပြီး အခြေခံဥပဒေမှာ ဖော်ပြထားတာ တစ်ခုပဲ ရှိပါတယ်။ အခြေခံဥပဒေ ပုဒ်မ ၂၈၉ မှာ ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးကို ရပ်ရွာက ကြည်ညိုလေးစားပြီး သိက္ခာသမာဓိရှိသည့် ပုဂ္ဂိုလ်တစ်ဦးဦးကို ဥပဒေနှင့်အညီ ခန့်အပ် တာဝန်ပေး ဆောင်ရွက်စေရမည် လို့
တစ်ချက်ပဲ ပြဌာန်းထားပြီးအသေးစိတ်ကိုတော့ ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးဥပဒေ မူရင်း နှင့် ပြင်ဆင်ချက် မှာ ရေးသားပြဌာန်းထားပါတယ်။ စိတ်ဝင်စားသူများ နှိုင်းယှဉ်လေ့လာကြည့်နိုင်ပါတယ် ခင်ဗျာ။ ရွှင်လန်း ချမ်းမြေ့ကြပါစေဗျ။ (14-5-2013)