Sharp Power

. . . Sharp Power ဆိုတဲ့ ဝေါဟာရအသစ်တစ်ခုကို ၂၀၁၇ နိုဝင်ဘာလ ၁၆ ရက်စွဲနဲ့ Foreign Affairs အွန်လိုင်းစာမျက်နှာမှာ ခရစ်စတိုဖာဝေါ့ကာ နဲ့ ဂျက်ဆီကာလုဒွစ်တို့ စတင်မိတ်ဆက်ခဲ့ပါတယ်။ အဲသည် အွန်လိုင်းဆောင်းပါး နာမည်ကိုက "The Meaning of Shapr Power" ဖြစ်ပါတယ်။ Sharp Power အကြောင်း ရှင်းမပြခင် အဲသည်စကားလုံးလေးရဲ့ ဖြစ်ပေါ်လာတဲ့ သမိုင်းကြောင်းနဲ့ နောက်ခံအဖွဲ့အစည်းအကြောင်း အရင်ပြောပြချင်ပါတယ်။
.
. . . ဒီဆောင်းပါးကိုရေးခဲ့တဲ့ ခရစ်စတိုဖာဝေါ့ကာ နဲ့ ဂျက်ဆီကာလုဒွစ်တို့ နှစ်ဦးလုံးဟာ အမေရိကန်ကွန်ဂရက်အထောက်အပံ့နဲ့ ရပ်တည်နေတဲ့ National Endowment for Democracy (NED) မှာ တာဝန်ထမ်းဆောင်နေသူတွေဖြစ်ပါတယ်။ ကမ္ဘာတစ်ဝန်းလုံးမှာ ဒီမိုကရေစီမြှင့်တင်ရေး ရည်ရွယ်ချက်နဲ့ ၁၉၈၃ ခုနှစ်က စတင်တည်ထောင်ခဲ့တဲ့ အဲသည် NED ရဲ့ အဓိကလည်ပတ်ငွေကို အမေရိကန်ကွန်ဂရက် နှစ်စဉ်ခွင့်ပြုငွေ ပြဌာန်းသတ်မှတ်ပေးပြီး USIA (United States Information Agency) ကနေတစ်ဆင့် ထောက်ပံ့ပါတယ်။ NED ရဲ့ အောက်မှာ the World Movement for Democracy, the International Forum for Democratic Studies, the Reagan–Fascell Fellowship Program, the Network of Democracy Research Institutes, နဲ့ the Center for International Media Assistance တို့ရှိပြီး Journal of Democracy ကိုလည်း သုံးလတစ်ကြိမ်ထုတ်ဝေပါတယ်။ အမေရိကန်ပြင်ပမှာရှိတဲ့ ဒီမိုကရေစီရေး လှုပ်ရှားတက်ကြွတဲ့ အဖွဲ့အစည်းတွေကို ငွေကြေးထောက်ပံ့ပေးတဲ့ ကိစ္စနဲ့ ပတ်သက်ပြီး အမေရိကန်နိုင်ငံခြားရေးမူဝါဒကို အကောင်အထည်ဖော်နေတယ်ဆိုတဲ့ ဝေဖန်မှုတွေလည်း ရှိပါတယ်။ ဒီမိုကရေစီနဲ့လူ့အခွင့်အရေး လှုပ်ရှားတက်ကြွသူတွေကို ဆုတွေပေးလေ့ရှိရာမှာ ပထမဆုံးပေးတဲ့ ၂၀၁၂ ခုနှစ်မှာပဲ မြန်မာနိုင်ငံက ဦးခွန်ထွန်းဦး၊ ဦးကျော်သူ၊ ဒေါက်တာစင်သီယာမောင်တို့ ရရှိခဲ့ပါတယ်။ ကမ္ဘာတစ်လွှားမှာ ဒီမိုကရေစီနဲ့ လူ့အခွင့်အရေးခေါင်းစဉ်နဲ့ လှုပ်ရှားထောက်ပံ့နေတဲ့ NED ကို ရုရှားနိုင်ငံက သူ့နိုင်ငံထဲ လှုပ်ရှားဆောင်ရွက်ခွင့်ပိတ်ပင်ခဲ့ပါတယ်။ ရုရှားနိုင်ငံရဲ့ ရွေးကောက်ပွဲရလဒ်တွေနဲ့ ပတ်သက်ပြီး ၀င်ရောက်စွက်ဖက်မှု၊ အာဏာပိုင်တွေရဲ့ ဆုံးဖြတ်ချက်တွေကို လွှမ်းမိုးစေမယ့်နိုင်ငံရေးလှုပ်ရှားမှုတွေ လုပ်ဆောင်မှု၊ စစ်တပ်ကိုအကြည်ညိုပျက်စေမှုတွေအပြင် ရုရှားဖက်ဒရေးရှင်းရဲ့အခြေခံဥပဒေကို မူလအနှစ်သာရတွေကို ပျက်စီးစေခြင်း၊ ရုရှားရဲ့ကာကွယ်ရေးစွမ်းရည်နဲ့ နိုင်ငံတော်လုံခြုံရေးကို ထိပါးစေခြင်း စတဲ့အကြောင်းပြချက်တွေနဲ့ NED ရဲ့ လှုပ်ရှားမှုတွေကို ၂၀၁၅ ဇူလိုင်လက စတင်အမိန့်ထုတ်ပိတ်ပင်ခဲ့တာဖြစ်ပါတယ်။
.
. . . အဲသည် NED လိုအဖွဲ့အစည်းမှာ တာဝန်ထမ်းဆောင်နေတဲ့သူတွေ ရေးသားတီထွင်လိုက်တဲ့ Sharp Power ဆိုတဲ့ စကားလုံးက ဘယ်လိုအဓိပ္ပာယ်ဘက်ကို ယိမ်းတဲ့ စကားလုံးလဲဆိုတာ မှန်းဆကြည့်လို့ ရနိုင်ပါတယ်။ ဒီဝေါဟာရကို ၂၀၁၇ နိုဝင်ဘာလမှာ လူသိရှင်ကြား စတင်သုံးစွဲခဲ့တယ်ဆိုပေမယ့် အဲသည်မတိုင်ခင်ကတည်းက NED က ဦးစီးကျင်းပတဲ့ ဒီမိုကရေစီနဲ့လူ့အခွင့်အရေးဆိုင်ရာ ဆွေးနွေးပွဲနှစ်ခုမှာ စတင်သုံးစွဲခဲ့တယ်လို့ ယူဆရပါတယ်။ Sharp Power ဆိုတဲ့ အဓိပ္ပာယ်ကို အကျယ်တ၀င့်ရှင်းလင်းတင်ပြထားတဲ့ ၂၀၁၇ ဒီဇင်ဘာလထုတ် NED Forum အစီရင်ခံစာအရ ၂၀၁၆ မေလနဲ့ ၂၀၁၇ ဇန်န၀ါရီလတို့မှာ ကျင်းပပြုလုပ်ခဲ့တဲ့ ဆွေးနွေးပွဲတွေမှာ အဲသည်ဝေါဟာရသစ်ကို စတင်သုံးစွဲခဲ့ဟန်တူပါတယ်။ လက်တင်အမေရိက၊ ပီရူး၊ ပိုလန်၊ အာဂျင်တီးနားနဲ့ စလိုဗက်ကီးယားတို့ရဲ့ နိုင်ငံရေးအခြေအနေတွေနဲ့ ပတ်သက်ပြီး အဓိကလေ့လာသုံးသပ်ထားတဲ့ အဲသည်အစီရင်ခံစာရဲ့ အဖွင့်မိတ်ဆက်အခန်းမှာ Sharp Power ဆိုတဲ့ အဓိပ္ပာယ်ကို ရှင်းပြထားတာပါ။
.
. . . Sharp Power ရဲ့ ဆိုလိုရင်းကို စေ့ငုမိစေဖို့အတွက် ပထမဆုံး Soft Power နဲ့ Hard Power တို့ရဲ့ အဓိပ္ပာယ်တွေကိုလည်း နားလည်ထားဖို့ လိုပါသေးတယ်။ Hard Power ဆိုတာကတော့ ရှင်းပါတယ်။ ကိုယ်လိုချင်တာကို ဖိအားပေး အင်အားသုံးအနိုင်အထက်ပြုပြီး ရယူတဲ့စွမ်းရည်မျိုးကို ခေါ်တာပါ။ Soft Power ဆိုတာကတော့ နိုင်ငံတစ်နိုင်ငံကို ဖိအားပေးခြင်းအနိုင်အထက်ပြုခြင်းမပါဘဲနဲ့ ကိုယ်လိုချင်တာကို လုပ်ဆောင်လာအောင် ဆွဲဆောင်စည်းရုံးနိုင်တဲ့ စွမ်းရည်လို့ အကြမ်းဖျင်းအဓိပ္ပာယ်ဖွင့်လို့ ရပေမယ့် တကယ့်နိုင်ငံတကာဆက်ဆံရေးနယ်ပယ်မှာတော့ အဲသည်ထက် အများကြီးပိုပြီး ကျယ်ပျံ့တဲ့ အဓိပ္ပာယ်ကို ဆောင်ပါတယ်။ Soft Power ဆိုတဲ့အမျိုးက ခင်ဗျားကို ဘာမှ အတင်းအကျပ်မလုပ်ဘဲနဲ့ကို ကိုယ့်ဘာသာအလိုလို အထင်ကြီးပြီး သူဖြစ်စေတာတွေ လျှောက်လုပ်နေဖြစ်တဲ့ သဘောပါ။ ရုပ်ရှင်ထဲက မင်းသမီးလေးတွေလို လှချင်တော့ သူတို့လို အတုခိုးပြီး ၀တ်စားပြင်ဆင်ကြတာ Soft Power လွှမ်းမိုးမှုကိုပြတဲ့ ထင်ရှားတဲ့ ဥပမာတစ်မျိုးဖြစ်ပါတယ်။ အမေရိကန်ဒီမိုကရေစီစနစ်ရဲ့ Soft Power က ကမ္ဘာကို လွှမ်းမိုးနေတာ ကြာကြာလှပါပြီ။ အမေရိကန်ဒီမိုကရေစီစနစ်အောက်က လွတ်လပ်ပွင့်လင်းတဲ့ အမေရိကန် လူ့အဖွဲ့အစည်းမျိုးမှာသာ အမေရိကန်လို အဆင့်အတန်းမြင့်တဲ့ လူနေမှုစနစ်ကို ဖန်တီးပေးနိုင်တယ်လို့ လူတော်တော်များများ ယုံကြည်နေကြတာလည်း အမေရိကန်ရဲ့ Soft Power သြဇာသက်ရောက်မှုတစ်ခုဖြစ်ပါတယ်။
.
. . . အစီရင်ခံစာမှာ တရုတ်နဲ့ ရုရှားတို့ရဲ့ Soft Power တည်ဆောက်ကြပုံနဲ့ ပတ်သက်ပြီး မီးမောင်းထိုးတင်ပြထားပါတယ်။ ၂၀၀၇ အောက်တိုဘာလတုန်းက ကျင်းပခဲ့တဲ့ ၁၇ ကြိမ်မြောက် တရုတ်ကွန်မြူနစ်ပါတီအမျိုးသားကွန်ဂရက်မှာ Soft Power ကိုမြှင့်တင်ဖို့လိုတယ်ဆိုတဲ့အကြောင်း သမ္မတဟူကျင်တောင်ပြောကြားခဲ့သလို၊ ရုရှားကလည်း သူ့နိုင်ငံပုံရိပ်မြှင့်တင်ရေးအတွက် RT လို့နာမည်ကြီးတဲ့ Russia Today ရုပ်သံလိုင်းကို ၂၀၀၅ ခုနှစ်က စတင်တည်ထောင်ခဲ့ပါတယ်။ ဒီလိုနဲ့ပဲ တရုတ်နဲ့ရုရှားတို့ဟာ သူတို့အပေါ်ကမ္ဘာကြီးက မြင်စေချင်တဲ့ပုံရိပ်ကို ဖော်ဆောင်ဖို့ရန်အတွက် ပြီးခဲ့တဲ့ ဆယ်စုနှစ်မှာ ငွေကြေးဒေါ်လာ သန်းထောင်ပေါင်းများစွာ သုံးစွဲလုပ်ဆောင်ခဲ့ပါသတဲ့။ သူတို့လုပ်ဆောင်ချက်တွေထဲမှာ နိုင်ငံသားတွေချင်း ကူးလူးဆက်သွယ်မှု မြှင့်တင်တာ၊ ယဉ်ကျေးမှုဖလှယ်ခြင်းဆိုင်အစီအစဉ်တွေ၊ ပညာရေးဆိုင်ရာအစီအစဉ်တွေ နဲ့ သတင်းအချက်အလက်ဆိုင်ရာ အစီအစဉ်တွေအတွက် ငွေကြေးပုံအောသုံးစွဲပြီး သူတို့နိုင်ငံများ ပုံရိပ်မြင့်တက်အောင် လုပ်ဆောင်ခဲ့ကြကြောင်း အထက်ဖော်ပြပါ အစီရင်ခံစာမှာ ရေးသားထားပါတယ်။ "အာဏာရှင်နိုင်ငံများ" လို့ အစီရင်ခံစာက ရည်ညွှန်းဖော်ပြထားတဲ့ တရုတ်နဲ့ရုရှားတို့ရဲ့ ဆိုခဲ့ပါ ကြိုးပမ်းအားထုတ်မှုများဟာ အထက်မှာ ရှင်းပြခဲ့တဲ့ Soft Power အတွက် လုပ်နေတာ မဟုတ်ပါဘူးတဲ့။ သူတို့လုပ်နေတာက သူတို့ကို သဘောကျလာအောင် ဆွဲဆောင်စည်းရုံးနေရုံသက်သက်မဟုတ်ဘဲ ကမ္ဘာ့လူထုကို လိမ်လည်လှည့်စားပြီး သွေးဆောင်ဖျားယောင်း အမြတ်ထုတ်ဖို့ဖြစ်တယ်။ တစ်နည်းအားဖြင့် Sharp Power ကို တည်ဆောက်နေကြတာဖြစ်တယ်လို့ ကောက်ချက်ချထားပါတယ်။ ကမ္ဘာတစ်လွှားမှာရှိတဲ့ ကွန်ဖြူးရှပ်အင်စတီကျုတွေရယ် တက္ကဆက်တက္ကသိုလ်တို့ရယ်ကို ဟောင်ကောင်အခြေစိုက် တရုတ်-အမေရိကန်ဖောင်ဒေးရှင်းက ငွေကြေးထောက်ပံ့ပေးနေတာတွေကလည်း တရုတ်ရဲ့ Sharp Power ဥပမာဖြစ်တယ်လို့ဆိုပါတယ်။ သူတို့ဦးတည်ချက်ပစ်မှတ်ထားတဲ့နိုင်ငံရဲ့ နိုင်ငံရေးဝန်းကျင်မှာ သူတို့လိုချင်တာကို နှက်ကြောင်းပေး ပုံဖော် ထိုးဖောက်ဖို့အတွက် လိုအပ်တဲ့ နိုင်ငံရေးလွှမ်းမိုးမှုစွမ်းအားကို Sharp Power လို့ ဖွင့်ဆိုပြထားပါတယ်။
.
. . . Sharp Power နဲ့ ပတ်သက်ပြီး အကြောင်းအချက်သုံးခုနဲ့ ရှင်းပြထားပါတယ်။ ပထမတစ်ခုကတော့ သိသာထင်ရှားတဲ့ဘက်မညီတဲ့အခြေအနေပေါ်မှာ အမြတ်ထုတ်ခြင်း ဖြစ်ပါသတဲ့။ ရုရှားနဲ့ တရုတ်တို့ဟာ သူတို့နိုင်ငံတွေမှာ ပြင်ပကမ္ဘာရဲ့ နိုင်ငံရေးနဲ့ယဉ်ကျေးမှုဆိုင်ရာ လွှမ်းမိုးမှုတွေကိုတော့ ပိတ်ပင်တားဆီးထားပြီး နိုင်ငံရပ်ခြားက ဒီမိုကရေစနစ်ရဲ့ ပွင့်လင်းမြင်သာမှုတွေကိုတော့ ကိုယ့်အတွက်အကျိုးရှိအောင် ရသလောက်အမြတ်ထုတ်ပါသတဲ့။ ဒုတိယတစ်ခုက သူတို့ရဲ့ အာဏာရှင်လွှမ်းမိုးမှုကို ချဲ့ထွင်ခြင်းဖြစ်ပါတယ်တဲ့။ အစီရင်ခံစာမှာတော့ လက်တင်အမေရိကနဲ့ဥရောပအလယ်ပိုင်းက နိုင်ငံလေးခု (အာဂျင်တီးနား၊ ပီရူး၊ ပိုလန်၊ စလိုဗက်ကီးယား) ကိုပဲ အထူးပြုလေ့လာရေးသားထားပေမယ့် ကမ္ဘာတစ်ဝန်းက ဒီမိုကရေစီနိုင်ငံတွေအပေါ် တရုတ်နဲ့ရုရှားတို့ရဲ့ လွှမ်းမိုးမှုက သိသာထင်ရှားနေကြောင်း ဖော်ပြထားပါတယ်။ တတိယတစ်ချက်ကတော့ သိပ်အခြေမခိုင်သေးတဲ့ဒီမိုကရေစီနိုင်ငံတွေအပေါ် ခြိမ်းခြောက်မှုရှိနေတယ်ဆိုတဲ့အချက် ဖြစ်ပါတယ်။ အာဏာရှင်ဦးဆောင်နိုင်ငံတွေရဲ့ ကမ္ဘာလုံးချီရည်မှန်းချက်ကြီးတွေရဲ့အောက်မှာ ဒီမိုကရေစီနုနယ်သေးတဲ့ နိုင်ငံတွေက လွှမ်းမိုးမှုကိုအခံရဆုံးဖြစ်နေပြီး အဲသည်ထဲကမှ နိုင်ငံချင်းနီးကပ်မှု နဲ့ မဟာဗျူဟာအရ အကွက်အကွင်းကောင်းတဲ့ မြောက်အမေရိကနဲ့ ဥရောပအနောက်ပိုင်းနိုင်ငံတွေက အာဏာရှင်နိုင်ငံကြီးတွေရဲ့ ပစ်မှတ်ဖြစ်နေရပါတယ်လို့ ဆိုပါတယ်။
.
. . . အထက်ပါရှင်းပြချက်တွေအရဆိုရင် Sharp Power ဆိုတာ Soft Power နဲ့ ဆင်သလိုလိုရှိပေမယ့် Sharp Power ကိုပဲ ရန်လိုတဲ့ဦးတည်ချက်နဲ့အသုံးပြုတယ်ဆိုရင် Hard Power သဘောသက်ရောက်ပါသတဲ့။ ကိုယ့်ဦးတည်ရန်သူကို တိုက်ခိုက်ချေမှုန်းဖို့အတွက် သတင်းအချက်အလက်တွေကို ပုံဖျက်တာ လှည့်ဖျားတာ ဖုံးကွယ်တာ လိုတဲ့အပိုင်းပဲဖော်ပြပြီး မလိုတဲ့အပိုင်းကို အမှောင်ချထားတာ စသည်ဖြင့် လုပ်လာခဲ့ကြတာ စစ်အေးခတ်တစ်လျှောက်လုံး အမေရိကန်ရော ဆိုဗီယက်ရော နှစ်ဘက်စလုံးကပါပဲ။ နာမည်က အသစ်ပေမယ့် သဘောတရားကတော့ အဟောင်းပါ။ ဒါပေမယ့် အရင်နဲ့ မတူတာက ဘာလဲဆိုရင် အဲသည်သတင်းအချက်အလက်တွေ ဖြန့်ဖြူးဖို့အတွက် ကုန်ကျစရိတ်နဲ့ အချိန်ကတော့ အခုခေတ်အခါမှာ အရင်တုန်းကနဲ့ မတူအောင် သက်သာလျင်မြန်သွားပြီဖြစ်ပါတယ်။ ဒါ့အပြင် Soft Power နဲ့ Sharp Power တို့ကို အသုံးချပုံခြင်း ဦးတည်ချက် မတူကြပေမယ့် အဲသည်နှစ်ခုကို ခွဲခွဲခြားခြား မြင်နိုင်ဖို့တော့ အင်မတန်ခက်တဲ့အတွက် Sharp Power ကို ဘယ်လိုဘယ်နည်းတုန့်ပြန်ရမယ်ဆိုတာလည်း စိန်ခေါ်ချက်တစ်ခုဖြစ်ပါသတဲ့။ ဒီခေတ် နည်းပညာတိုးတက်မှုတွေကြောင့် မိတ်ဆွေရော မိတ်ဆွေယောင်ဆောင်သူတွေရောဟာ ကလစ်တစ်ချက်နှိပ်စာအကွာအဝေးမှာပဲ ရှိနေကြတဲ့အတွက် သူတို့ပေးတဲ့ သတင်းတွေက သတင်းအစစ်လား ဒါမှမဟုတ် တစ်ယောက်ယောက်က ရည်ရွယ်ချက်ရှိရှိ လုပ်ကြံဖြန့်ဖြူးလိုက်တဲ့ သတင်းတုလားဆိုတာ အစိုးရတွေသာမက ပုဂ္ဂလိက တစ်ဦးချင်းမှာတောင် ခွဲခြားရခက်တဲ့အခြေအနေ ဖြစ်နေပါပြီတဲ့။ အာဏာရှင်နိုင်ငံကြီးတွေရဲ့ Sharp Power ကို တိုက်စစ်ဆင်မယ်ဆိုရင်လည်း အတော်ကို သတိထားဖို့ လိုပါလိမ့်မယ်တဲ့။ အာဏာရှင်တွေသုံးတဲ့နည်းတွေနဲ့ အာဏာရှင်ကိုတိုက်ခိုက်ရင် ဒီမိုကရေစီနိုင်ငံကြီးတွေရဲ့ Soft Power ကျဆင်းလာနိုင်တဲ့ အန္တရာယ်ရှိလို့ဖြစ်တယ်လို့ သတိပေးထားပါတယ်။
.
ဒါပေမယ့်. . .
. . . တရုတ်နဲ့ရုရှားတို့ကို အာဏာရှင်နိုင်ငံကြီးတွေအဖြစ် ရည်ညွှန်းပြီး သတင်းအချက်အလက်တွေကို လိုသလိုပုံဖော်လှည့်ဖျားနေတယ်ဆိုတဲ့ Sharp Power ဆိုတဲ့ ပညာရပ်ဆိုင်ရာဝေါဟာရအသွင်ဖမ်းထားတဲ့ စကားလုံးဟာ အနောက်နိုင်ငံကြီးတွေရဲ့ ကိုယ်လိုရာကိုယ်ဆွဲဘက်လိုက်ဖော်ပြတတ်တဲ့ သဘောသဘာဝရှိတယ်ဆိုတာကို ထပ်လောင်းအတည်ပြုပေးလိုက်တဲ့ စကားလုံးသာဖြစ်တယ်လို့ တရုတ်အစိုးရအာဘော် အွန်လိုင်းစာမျက်နာက တုန့်ပြန်ပါတယ်။ တရုတ်တို့အနေနဲ့ အဲသလောက်ကြီး လုပ်ဆောင်နိုင်စွမ်းမရှိသလို မိတ်ဆွေနိုင်ငံများနဲ့ နားလည်မှုတိုးပွားစေဖို့လုပ်ဆောင်နေတဲ့ ယဉ်ကျေးမှုဖလှယ်ရေး အစီအစဉ်တွေနဲ့ အနောက်ဒီမိုကရေစီသဘောတရားတွေထဲမှာ တရုတ်အမှတ်တံဆိပ်လာခတ်နှိပ်ဖို့ဆိုတာ စိတ်ထဲတောင် မတွေးမိဖူးပါဘူးလို့ တုန့်ပြန်ပါတယ်။ တရုတ်တို့ရဲ့ လုပ်ဆောင်ချက်တွေက အနောက်နိုင်ငံကြီးတွေရဲ့ နိုင်ငံရေးနဲ့ယဉ်ကျေးမှုကို ထိုးဖောက်နှောက်ယှက်ဖို့ မြင်နေပြီဆိုရင် တရုတ်နဲ့ပတ်သက်ပြီး အနောက်ကမ္ဘာရဲ့ ကိုယ့်ကိုယ်ကိုယုံကြည်မှု ကျဆင်းနေလို့သာဖြစ်ပြီး တရုတ်အပေါ် တိုက်စစ်ဆင်နေရာက ခံစစ်အဖြစ်အခြေအနေပြောင်းလဲလာခြင်းရဲ့ အစကနဦး လက္ခဏာသာဖြစ်တယ်လို့ ကောက်ချက်ပြုထားတာကို တွေ့ရပါတယ်။
.
. . . အခု ရေးသားတင်ပြခဲ့တာတွေကတော့ နိုင်ငံတကာဆက်ဆံရေးနယ်ပယ်မှာ လတ်တလောပေါ်ထွက်လာတဲ့ Sharp Power ဆိုတဲ့ ဝေါဟာရနဲ့ ပတ်သက်တဲ့ သဘောတရားမိတ်ဆက်မျှသာဖြစ်တာမို့ စိတ်ပါဝင်စားသူများ ဆက်လက် လေ့လာနိုင်ကြပါကြောင်း . . .
.
ဗိုလ်ကောင်း
၃၀ ဇန်န၀ါရီ ၂၀၁၈
၂၀၁၈ ဇွန်လထုတ် သုတအလင်း မဂ္ဂဇင်း ဆောင်းပါး
.
 https://www.foreignaffairs.com/articles/china/2017-11-16/meaning-sharp-power
 https://www.ned.org/
 http://genproc.gov.ru/smi/news/genproc/news-832994/
 https://www.ned.org/sharp-power-rising-authoritarian-influence-forum-report/
 https://www.foreignaffairs.com/articles/china/2018-01-24/how-sharp-power-threatens-soft-power
 http://www.globaltimes.cn/content/1087165.shtml
https://www.economist.com/news/leaders/21732524-china-manipulating-decision-makers-western-democracies-best-defence
https://www.project-syndicate.org/commentary/china-soft-and-sharp-power-by-joseph-s--nye-2018-01

သွေးဖြူဥတွေများ

. . . အပေါ်သွေး ကိုးဆယ့်သုံး အောက်သွေး ငါးဆယ့်လေးဆိုတော့ သွေးပေါင်နည်းနည်းကျနေတာပေါ့။ သွေးဖောက်တဲ့အချိန်တုန်းက မနက်စာမစားရသေးလို့ သွေးပေါင်ကျနေတာလားတော့မသိဘူး။ သွေးပေါင်ဆိုတာကလည်း တက်လိုက်ကျလိုက်ဖြစ်တတ်လို့ ကိစ္စမရှိဘူး သဘောထားလိုက်တယ် . . .
.
. . . ကိစ္စရှိတာက သွေးဖြူဥအရေအတွက်။ တစ် မိုက်ခရိုလီတာမှာ သွေးဖြူဥကောင်ရေ သုံးထောင်ကနေ ကိုးထောင်ကြား ရှိသင့်တာဖြစ်ပေမယ့် ကိုယ့်မှာက သွေးဖြူဥကောင်ရေ တစ်သောင်းတောင်ရှိနေတယ်ဆိုပဲ။ ထင်တော့ထင်သား . ခုတစ်လော ဆံပင်ဖြူတွေ ပိုမိုများလာနေတယ်လို့ သတိထားမိနေတာ လက်စသတ်တော့ သင်းတို့လက်ချက်ကိုး ။ ပိုနေတဲ့ အကောင်တစ်ထောင်ကို ထုတ်ရောင်းစားလို့ရရင်လည်း အကောင်းသား။ ဆေးရုံကိုသွားပြီး ဆရာဝန်နဲ့တွေ့ဖို့ သွေးထပ်စစ်ဖို့ ကျောင်းသားရေးရာဌာနက အီးမေးတဂျီဂျီပို့နေတာ ဒါကြောင့်ကိုးလို့ ခုမှ သဘောပေါက်တယ်။ ကိုယ်ကလည်း မြန်မာပြည်ရောက်နေ၊ ဆေးစစ်အဖြေကလည်း ဘာမှန်းညာမှန်း မသိတော့ ခပ်ပေါ့ပေါ့ပဲ သဘောထားခဲ့တာ။ ခုတော့ ခရီးရောက်မဆိုက် စာတိုက်ပုံးထဲရောက်နေတဲ့ ဆေးစစ်အဖြေစာရွက်ကိုကြည့်လိုက်တော့မှ သွေးပေါင်ကျနေတယ်ဆိုတာရယ်၊ သွေးဖြူဥများနေတယ်ဆိုတာရယ်၊ ဆေးရုံကိုသွားပြီး ဆရာဝန်နဲ့တိုင်ပင်ဆွေးနွေးဖို့တိုက်တွန်းထားတဲ့စာရယ်ကို တွေ့ရတော့တာပဲ။ အစစအရာရာ ဒီလောက် ဆုတ်ယုတ်နေတဲ့ ခေတ်ကြီးမှာ ကိုယ့်ကိုယ်ထဲ သွေးဖြူဥတွေ တိုးလာတယ်ဆိုတာ သိပ်တော့ မယုံချင်ဘူးရယ်၊ ကိုယ့်မှာ တိုးတက်မှုရှိတဲ့အတွက် ဂုဏ်တောင် ယူရမလိုလို။ မဖြစ်နိုင်ပါဘူးလေ ၊ ဧကန္တ အကောင်ရေတဲ့သူ မှားရေမိတာဖြစ်မှာပါ . . .
.
. . . ဒီတစ်ခါ သွေးထပ်စစ်ရင်တော့ သွေးထဲမှာ အဆီနဲ့ ကိုလက်စထရောတွေ များနေတယ်ဆိုတာ ပေါ်တော့မှာပဲ။ မပြန်ခင် အစားအသောက်ဂရုစိုက်ခဲ့သမျှ မြန်မာပြည်ရောက်တုန်း တွေ့ကရာ အကုန်စားလာခဲ့တာကိုး . . .
.
၁၉ ဇန်န၀ါရီ ၂၀၁၈

မောင့်ဒုက္ခ

.
. . .     ညာဘက်အစွန်ဆုံးခုံမှာ နေရာရလို့ အပြင်လေးဘာလေး ကြည့်ရမလားမှတ်တယ်၊ အရေးပေါ်ထွက်ပေါက်နေရာဖြစ်နေလို့ ဘာမှကို မမြင်ရဘူး။ ဒါပေမယ့် ကောင်းတာလေးတွေလည်းရှိတယ် . . .
.
. . .     နံပတ်တစ်ကတော့ ကိုယ့်ခုံနေရာက အရေးပေါ်ထွက်ပေါက် လမ်းကြောင်းပေါ်မှာဆိုတော့ နေရာက တော်တော်ကျယ်တယ်၊ အိမ်သာသွားဘာသွား ဘေးလူကို အားနာနေစရာ မလိုဘူး၊ ခြေဆန့်လက်ဆန့်လည်း နေလို့ရတယ်၊ အညောင်းပြေ လမ်းထွက်လျှောက်နေလို့တောင်ရတယ် . . .
.
. . .     နံပတ်နှစ်က ကိုယ့်ခုံမှာ ရုပ်မြင်သံကြားမပါတဲ့အတွက် ဘာဇာတ်ကားကြည့်ရင်ကောင်းမလဲ ဗျာမများတော့ဘူး၊ ဝိုင်လေး တစ်ခွက်ပြီးတစ်ခွက် မှာသောက်ရင်း ပန်းပွင့်လေးအကြောင်း တွေးရင်း စိတ်အေးနားအေး လွမ်းနေလို့ရတယ် . . .
.
. . .     နံပတ်သုံးက တကယ်လို့များ လေယာဉ် တစ်ခုခုဖြစ်ခဲ့ရင် ကိုယ်က အရင်ဆုံးလွတ်မယ့်သူပဲ၊ အရေးပေါ်ထွက်ပေါက်က ကိုယ့်ဘေးတင်ကိုး . . .
.
. . .     အဲ ဆိုးတာတစ်ခုတော့ရှိတယ်၊ တော်တော့်ကိုဆိုးတဲ့ကိစ္စ၊ လေယာဉ်အတက်အဆင်းနဲ့ လေကြောင်းမကောင်းတဲ့အချိန်တွေမှာ လေယာဉ်မယ်လေးတွေ ထိုင်နေကြဖို့ လေယာဉ်မှူးက သတိပေးတဲ့အခါ ကိုယ့်ရှေ့တည့်တည့် ဒူးနှစ်ပြန်လောက်က ထိုင်ခုံမှာ လေယာဉ်မယ်လေးတစ်ယောက် လာလာထိုင်တယ်၊ ခရီးသည်နဲ့ မျက်နာခြင်းဆိုင် ထိုင်မိတဲ့အခါ သူ့ခမျာ အလုပ်သဘောအရပဲဖြစ်ဖြစ် ပြုံးပြရရှာတာပေါ့ . . .
.
. . .     ပေါင်လည်လောက်ပဲရှိတဲ့ စကပ်တိုကပ်ကပ်လေးဝတ်ထားတဲ့ ကောင်မလေးတစ်ယောက် ကိုယ့်ရှေ့တည့်တည့်မှာ ဒူးလေးနှစ်လုံး ဟစိဟစိနဲ့ လာထိုင်ပြီး အပြုံးစစလေးနဲ့ ဝန်ဆောင်မှုပေးတာကို မရည်သော်ရှိရွယ်သော်ရှိ အခမဲ့ သုံးဆောင်ရတဲ့ ယောက်ျားသားတစ်ယောက်ရဲ့ ကာယိကဒုက္ခကို ကိုယ်တိုင်မကြုံဖူးသရွေ့ ကိုယ်ချင်းစာနားလည်ပေးဖို့တော့ မလွယ်လောက်ဘူး ထင်တာပဲ၊ နဖူးတွေ့ဒူးတွေ့မှ တကယ့်ကိုနဖူးတွေ့ဒူးတွေ့။ ဒီလို ကာယိကဒုက္ခမျိုးဆိုတာကလည်း အဘထရှူရုံ ဘာမီတွန်သောက်ရုံ တစ်မှေးလောက်အိပ်လိုက်ရုံနဲ့ ပျောက်ပါရိုးလား . . .
.
. . .     ငယ်ငယ်တုန်းက လူကြီးတွေပြောပြောနေတဲ့ မောင့်ဒုက္ခဆိုတာ ဒါမျိုးမှအစစ်၊ နောက်ဆုံး ဘယ်လိုမှ မနေသာတော့တာနဲ့ စောင်လေးတစ်ထည်တောင်း၊ လုံနေအောင်ခြုံတဲ့ပြီးသကာလ . . .

တိမ်တွေနောက်မှာပုန်းတဲ့လ

.
. . . ပြာသိုလဆန်း ဆယ့်လေးရက် . . ထိန်ထိန်သာနေမည့် လရောင်အောက်မှာ တောက်ပစွာစီးဆင်းနေသည့် ဧရာဝတီမြစ်ပြင်ကမ်းနံဘေး အေးအေးလူလူလမ်းလျှောက်ရင်း ကြယ်တွေကိုငေးကာ တွေးချင်ရာတွေးနေဖြစ်မည်ဟု စိတ်ကူးယဉ်ခဲ့သော်လည်း တကယ်တမ်းကျတော့ လက မသာ။ ဘယ်ကဘယ်လိုရောက်လာမှန်းမသိသည့် အခါမဲ့မိုးသားတိမ်ရိပ်များကြောင့် မိုးလေးတွေတောင် ဖြိုးတိုးဖျောက်တောက်ကျလို့။ မြေငွေ့အပူဟပ်ရုံရွာသည့် မိုးကြောင့် မြေထဲတွင်းထဲ မနေနိုင်ဘဲ ထွက်လာကြမည့် အကောင်ရှည်ရန်ကိုကြောက်သဖြင့် လက်ကိုင်ဖုန်းမီးရောင်လေးအားကိုးဖြင့် ရိပ်သာရှေ့ အပင်တန်းမှာ စုန်ကာဆန်ကာလျှောက်ရင်း ရောက်ဖြစ်ခဲလှသော မြန်မာပြည်အထက်အညာရဲ့ ညဦးပိုင်းအသံကို နားဆင်ကြည့်နေမိသည်။ ဟိုမှသည်မှ စည်းချက်ညီညီသံစုံမြည်နေသော ပုရစ်သံ ပိုးသံ ပုစဉ်းရင်ကွဲသံ၊ တစ်ချက်တစ်ချက် ပေါ်ထွက်လာတတ်သည့် အိပ်တန်းတက်ငှက်တစ်ကောင်တစ်လေ၏ အိပ်မက်ယောင် ကယောင်ကတမ်းအော်မြည်သံ၊ ထိုထိုသော သာယာနာပျော်ဖွယ် သဘာဝညအသံလေးတွေကြား မြစ်ထဲက စက်တပ်လှေသံ တဒုတ်ဒုတ်ကလည်း ညဥ့်ဂီတကို စည်းချက်လိုက်ပေးနေသလိုလို . . .
.
နှစ်သစ်ကူးည
.
. . . ဒီလိုအခါမျိုးရောက်တိုင်းမှာ အမြဲတမ်းလိုလို သတိရမိသည်က သူ့ဘ၀မှာ ပထမဆုံး လက်ခံရရှိခဲ့ဖူးသည့် နှစ်သစ်ကူးနုတ်ခွန်းဆက် ကတ်ကလေး။ ရေခြားမြေခြား မိုင်ပေါင်းထောင်ချီ အရပ်ကနေ လေယာဉ်တစ်တန် ကားတစ်တန် လူတစ်တန်ဖြင့် မိမိလက်ဝယ် ဒုတ်ဒုတ်ထိ ရောက်လာခဲ့သော ကတ်ပြာပြာကလေး။ သူတစ်ခါမှ မသင်ယူခဲ့ဖူးသည့် ဘာသာစကားအက္ခရာများဖြင့် ရေးသားထားသောကြောင့် ကတ်ပြားပေါ်က ပုံနှိပ်စာလုံး ဆယ့်လေးငါးလုံးကို မဖတ်တတ်သော်ငြား ကတ်အပြင်အဆင်ရုပ်ပုံလေးများကို ကြည့်ခြင်းအားဖြင့် နှစ်သစ်ကူးနုတ်ခွန်းဆက်လွှာဟု အလွယ်တကူ သိနိုင်လောက်သော ငွေမှင်မှုန်လေးများ ထည့်သွင်းအလှဆင်ထားသည့် ကတ်ပြာပြာကလေး။ စာရေးကောင်း အတွေးလှသလို လက်ရေးလေးတွေကလည်း သူငယ်ငယ်က အားကျခဲ့ဖူးသည့် အင်းသာမြောက်ကျောင်းက ကိုရင်ကြီးများရေးသလို ၀ိုင်းဝိုင်းကြီးကြီး လက်ရေးထင်းထင်းကြီးဖြင့် ရေးထားသည့် သူ့သူငယ်ချင်း၏ နုတ်ခွန်းဆက်စကား။ စာလေးနှစ်ကြောင်းလောက်နဲ့ တစ်မျက်နှာလုံးပြည့်အောင် လှလှပပ နေရာချရေးသော ထိုနုတ်ခွန်းဆက်လွှာတွင် ပေးပို့သူလက်မှတ်ကလည်း တကယ့်ကို တခမ်းတနား။ ဒီလောက်ဝေးလံလှသည့် ရေမြေခြားအရပ်ကနေ ဘယ်နေ့ပို့လို့ ဘယ်နေ့ရောက်မယ်မှန်း ဘယ်တော့မှ မသေချာသည့် မြန်မာပြည်ဆက်သွယ်ရေးစာတိုက်ကတစ်ဆင့် သူ့ထံသို့ နှစ်သစ်ကူးနေ့မနက်မှာ အတိအကျ ရောက်လာသည့် စာကိုကြည့်ပြီး အံ့သြရသလို ကိုယ့်ကို အလေးဂရုပြုနိုင်အားသည့် သူငယ်ချင်းတစ်ယောက်ရှိနေခြင်းအတွက်လည်း နွေးထွေးသောမေတ္တာကို ဘယ်အခါပြန်တွေးတွေ ဖော်ကျူးနေသေးသည့် ဒီစာလေးကို သူ တန်ဖိုးတထား သိမ်းထားခဲ့သည့်မှာ ဆယ့်လေးနှစ်ပင် တိုင်ခဲ့ပါပကော . . .
.
. . . ဆယ်တန်းအောင်ပြီး အထက်တန်းကျောင်းသားဘ၀ကို စွန့်လွှတ်ပြီးသည့်နောက် ငယ်ပေါင်းများနှင့် ခွဲခွာခဲ့ရပြီးကတည်းက သူငယ်ချင်းဆိုတာ နောက်ထပ် ရှိနိုင်လိမ့်မည်မဟုတ်တော့ဟု မှတ်ထင်ထားရာက ပုံစံခွက်တစ်ခုအတွင်း သုံးနှစ်တာ ကျင်လည်ရင်း အရင်းနှီးဆုံးဖြစ်လာခဲ့ရသည့် သူငယ်ချင်းများစွာထဲက တစ်ယောက်။ သဘာဝအလှအပတွေကို ခံစားတတ်တာချင်းလည်းတူ၊ စာတွေကဗျာတွေကို ချစ်တတ်တာချင်းလည်းတူ၊ ဗဟုသုတလေ့လာလိုက်စားရာမှာလည်းအတူတူ နောက်ပြီး ဂဂျီဂဂျောင်ကျ ဂျစ်တစ်တစ်လုပ်တတ်တာချင်းလည်း အတူတူဆိုတော့ တော်ရုံတန်ရုံလူဆိုလျှင် ဝေးဝေးက ရှောင်သွားခံရသည့် သူတို့နှစ်ယောက်က ရွာပြင်ထွက်ပြီး လေပေးဖြောင့်နေခဲ့ကြသလိုလို။ လေပေးဖြောင့်သည်ဆိုသော်လည်း ကုန်ခဲ့သည့် ဆယ့်လေးနှစ်အတွင်း သူတို့နှစ်ယောက်က ရန်ဖြစ်လိုက် ပြန်ချစ်လိုက်၊ တစ်ခါတစ်ခါ ဘာကြောင့် ရန်ဖြစ်တယ်ဆိုတာကိုမေ့သွားပြီး ဟေးလေးဟားလား ပြန်ဖြစ်သွားကြသလို တစ်ခါတစ်ခါကျပြန်တော့လည်း ပြန်ခေါ်ဖို့မေ့တာရယ် တစ်ယောက်ပြန်အခေါ် တစ်ယောက်က စောင့်နေတာရယ်နဲ့ နှစ်နဲ့ချီပြီး ဆက်ဆံရေးပြတ်တောက်သွားခဲ့ရသည်လည်း ရှိသည်။ ဒါပေမယ့် ခုနောက်ဆုံးအခေါက်မှာတော့ . . .
.
. . . ခုနှစ်သက္ကရာဇ်များကို သေသေချာချာ မှတ်သားလေ့မရှိခဲ့သော်လည်း နောက်ဆုံးအခေါက် သူတို့ ပြန်စကားပြောဖြစ်ကြသည့်အချိန်ကမူ သူ့အတွက် အမှတ်ထင်ထင် ဖြစ်စရာ။ ဖေ့ဘုတ်လူမှုကွန်ယက်မှာ သူ့ကို ကြည့်ခွင့်မြင်ခွင့်မရအောင် လုပ်ထားသူတစ်ယောက်က သူငယ်ချင်းအဖြစ်အသိအမှတ်ပြုပေးရန် တောင်းဆိုချက်သင်္ကေတ ပို့လာတာမြင်ရတော့ သူ့မှာ ယုံရခက် မယုံရခက်။ တောင်းဆိုချက်ကို လက်ခံလိုက်ပြီးနောက် ကိုယ့်ရဲ့ နုတ်ခွန်းဆက်စကားတွေ ရေးပြီး သူ့ထံက ပြန်ကြားချက်ကို မမျှော်ဝံ့ဝံ့ မျှော်ဝံ့ဝံ့ စောင့်စားရင်း တစ်ရက်မပြည့်မီမှာပင် သူ့သူငယ်ချင်းဆိုတာ သေချာသွားသည့် ပြန်ကြားချက်ကိုရတော့ သူ့မှာ ပျော်လို့ မဆုံးခဲ့။ သူဘယ်တော့မှ မစွန့်လွှတ်ချင်သည့် သူငယ်ချင်းတစ်ယောက် ပြန်ရလိုက်တာကိုလည်း ကျေနပ်ဝမ်းသာလို့မဆုံးခဲ့။ သို့သော် . . .
.
. . . တဖျောက်ဖျောက်ကျလာသောမိုးက သူ့အတွေးများကို ရပ်တန့်ပစ်လိုက်သလိုလို။ ခေါင်းမိုးစိုလျှင် နှာစေးခေါင်းကိုက်တတ်သော သူ ရိပ်သာထဲအမြန်ပြန်ပြေးဝင်လာခဲ့ရသည်။ ဆင်ဝင်အောက်ရောက်တော့ ခုနလျှောက်နေတွေးနေခဲ့သည်တို့ကို သံယောဇဉ်မဖြတ်နိုင်သည့်အလား မိုးသားတိမ်ရိပ်တွေပြည့်နေသည့် ကောင်းကင်ကြီးကို သမင်လည်ပြန်ကြည့်နေမိပြန်သည်။ ဒီတိမ်တွေမရှိရင်ကောင်းမှာဘဲဟုလည်း တောင့်တလိုက်မိပြန်သည်။ လက်ရှိအခြေအနေမှာတော့ သူ့ဆန္ဒတို့ တကယ်ဖြစ်လာစရာအကြောင်းမမြင် . . .
.
. . . နှစ်သစ်ကူးညရဲ့ ပြည့်လုဆဲ လမင်းကြီးကတော့ တိမ်တွေနောက်မှာ ပုန်းခိုနေဆဲ . . .
.
မောင်လွမ်းဝေ
၃၁ ဒီဇင်ဘာ ၂၀၁၇

သူစိမ်းတို့ရဲ့အလယ်မှာ

.
. . . သူ ဆယ်တန်းအောင်ပြီး ရန်ကုန်ရောက်သည့် နှစ်မှာပင် ဒီသစ်ပုတ်ပင်ကြီးကို စတင်သိကျွမ်းခဲ့ရသည်။ မဟုတ်သေးပါဘူး။ အပြင်မှာ တကယ်မြင်ဖူးခဲ့ရသည်ဆိုမှ မှန်တော့မပေါ့။ သူဖတ်ဖူးတဲ့ ၀တ္ထုတွေထဲ ဒီသစ်ပုတ်ပင်ကြီးကို ရင်းနှီးခဲ့ရတာ ကြာခဲ့ပြီလေ။ အဲသည်နေ့က သစ်ပုတ်ပင်ကြီးကို မြင်ဖူးခဲ့ရသည် ဆိုသော်လည်း သူ့ကိစ္စနဲ့ ရောက်နေတာတော့ မဟုတ်။ သူနေသည့်အိမ်က မမငယ် မဟာဘွဲ့ယူ အစမ်းလေ့ကျင့်သည့်နေ့မှာ သူက ပါလာရင်း ဒီသစ်ပုတ်ပင်ကြီးကို မြင်ဖူးခဲ့ရတာကလား။ အခုနေ မမငယ်တို့ ဘွဲ့ယူတုန်းက ပုံတွေ ပြန်ကြည့်လျှင် မည်းမည်းပိန်ပိန် ကောင်လေးတစ်ယောက် သစ်ပုတ်ပင်ရှေ့က အဖွဲ့လိုက်ပုံတွေထဲ ပါနေနိုင်သေးသည်လေ။ ဘာပဲပြောပြော ဘွဲ့ယူမိသားစုတစ်ဦးအနေနှင့် ရန်ကုန်တက္ကသိုလ်ထဲ ရောက်ခဲ့သည့် အဲသည်နေ့ကို ပထမအကြိမ်ဟု မှတ်ထားလိုက်သည်။ ဆယ်တန်းအောင်စာရင်း ထွက်ပြီးခါစ ပူပူနွေးနွေး ဆယ်တန်းအောင် ကျောင်းသားလေးတစ်ယောက် ဂုဏ်ရှိန်ထည်ဝါလှသည့် တက္ကသိုလ်ကြီးထဲသို့ ပထမဆုံးအကြိမ် ရောက်ဖြစ်ခဲ့သည့် အမှတ်တရနေ့။ သည်လောက် ကြီးကျယ်ခမ်းနားသည့် တက္ကသိုလ်ကြီးမှာ ကျောင်းတော်သားကြီးလုပ်ဖို့တော့ စိတ်ကူးတောင် မယဉ်ဝံ့ခဲ့ရသည့် အခြေအနေ။ သမိုင်းအနေနှင့် မှတ်တမ်းတင်မည်ဆိုလျှင် ထိုနှစ်သည် တစ်ထောင့်ကိုးရာကိုးဆယ့်ခြောက် မြန်မာ့ခရီးသွားနှစ် . . .
.
. . . ဒုတိယအကြိမ်ကတော့ တစ်ခါမှ စိတ်ကူးမယဉ်ခဲ့ဖူးသည့် ရန်ကုန်တက္ကသိုလ် ကျောင်းတော်သားကြီးအဖြစ် သုံးနှစ်သုံးမိုး ပညာဆည်းပူးဖို့ဆိုပြီး ရောက်လာသည့် အခါတွင်ဖြစ်သည်။ ကြိုတင်သတိပေးခြင်း ဆန္ဒရှိမရှိ မေးမြန်းခြင်း တစ်စုံတစ်ရာ မရှိဘဲ ကျောင်းဖွင့်ရန် လ၀က်ခန့်အလိုမှာ ရန်ကုန်တက္ကသိုလ် အင်္ဂလိပ်စာမဟာဘွဲ့လွန်သင်တန်း တက်ရောက်ရန် ဘယ်နေ့ထက် နောက်မကျဘဲ သွားရောက်သတင်းပို့ရမည်ဆိုသော အမိန့်စာကြေးနန်းလေးတစ်ခုကို အကိုးအကားပြုပြီး ရန်ကုန်တက္ကသိုလ်ထဲ ရောက်လာခဲ့ရသည့်အဖြစ်။ စိတ်ကူးထဲတောင် အိပ်မက် ထည့်မမက်ဖြစ်ဖူးသည့် ရန်ကုန်တက္ကသိုလ်ကျောင်းသားဘ၀ဆိုတာကြီးကို ယောင်ချာချာ အူလည်လည် ဘ၀ဖြင့် စတင်ခဲ့ရသည်။ ကိုယ်မျှော်လင့်ရင်ခုန်ခဲ့ရသည့် ဘ၀မျိုး မဟုတ်ပင်မဟုတ်ငြားသော်လည်း တကယ်ကြီး တက္ကသိုလ်ကျောင်းသားဖြစ်ပြီဆိုတော့ ပျော်စရာကြည်နူးစရာ စိတ်ညစ်စရာ စိတ်ပင်ပန်းစရာ ရင်ခုန်စရာ စိတ်ချမ်းမြေ့စရာ စသည့် ရသစုံဖြင့် တက္ကသိုလ်ကျောင်းသားဘ၀ကို အပြည့်အ၀ဖြတ်သန်းခွင့်ရခဲ့သည် . . .
.
. . . ၂၀၀၄-၂၀၀၅ ပညာသင်နှစ်မှာ တက်စရာအတန်းတွေလည်းကုန် စာမေးပွဲတွေလည်း ပြီးသောအခါ တက္ကသိုလ်ကြီးကို တကယ်ခွဲခွာရတော့မည်ဆိုသည့်အသိနှင့် ၀မ်းနည်းပက်လက် ဖြစ်ခဲ့ရသည့် အချိန်လေးတွေကို သူတကယ် မမေ့နိုင်သေး။ ရှုပ်ထွေးလှသည့် ရန်ကုန်မြို့ထဲက အိုအေစစ်လေးပမာ စိမ်းမြအုံ့ဆိုင်းသော မြကျွန်းညို၊ စစ်သားတွေဆိုတာ ကြမ်းကြမ်းတမ်းတမ်း ယဉ်ကျေးမှုနိမ့်ပါးသူများပေလားလို့ ထင်ယောင်မှားခဲ့ကြကြောင်း ရယ်ပွဲဖွဲ့ပြောပြခဲ့သော သူတို့ဘ၀ကို စာနာနားလည် သံယောဇဉ်တွယ်ခဲ့ကြသည့် အတန်းဖော် သူငယ်ချင်းများ၊ စည်းကမ်းကြီးသော်လည်း သားများကို အမေအုပ်ထိန်းသလို စောင့်ရှောက်ခဲ့သော အင်္ဂလိပ်စာဌာနက ဆရာမကြီးများ၊ စစ်သားများ၏ဘ၀ကို နားလည်မှုရှိစွာဖြင့် မေတ္တာပေးလိုက်လျော ပညာသင်ကြားပေးခဲ့ကြသော ဆရာဆရာမများ၊ ကွန်ပြူတာပညာကို အခြေခံမှသည့် အဆင့်မြင့်ပရိုဂရမ်များအထိ သင်ကြားပေးခဲ့သော သင်္ချာဌာန၊ လူပြည့်လို့ လက်မခံနိုင်တော့ပါဘူးဆိုတာတောင် တက်ခွင့်မရရင် မပြန်တော့ပါဘူးရယ်လို့ ဇွတ်အတင်း ကျားပိန်တွယ်တဲ့ သူတို့ဇွဲကို အသိအမှတ်ပြုပြီး ပထမဆုံးဖွင့်သည့် အပတ်စဉ်မှာ ဒီပလိုမာတန်း တက်ခွင့်ပေးခဲ့တဲ့ အိုင်အာဌာန၊ နေ့တိုင်းကျောင်းအကြိုအပို့လုပ်ပေးတဲ့ ဖယ်ရီကြီးနဲ့ ဆရာကား၊ လူတိုင်းစေ့ထီးမပါလို့ အဓိပတိလမ်းမကြီးထဲ မိုးထဲရေထဲ အတူလျှောက်ခဲ့ဖူးတဲ့ သူငယ်ချင်းတွေ၊ သူတို့မစားချင်တော့လောက်အောင် ရိုးအီနေတဲ့ ရိပ်သာချက်ဟင်းတွေကို အားပေးဖော်ရတဲ့ နေ့လည်စာထမင်းဝိုင်းက အပေါင်းအသင်းမမများ၊ နွေဦးမှာ ကြားရတဲ့ ဥသြငှက်သံချိုချိုလေးတွေ၊ အတန်းအားတိုင်း သွားသွားထိုင်ပြီး ဖြစ်သွားဖြတ်လာ ကောင်မလေးတွေကို ငေးဖြစ်ခဲ့တဲ့ အဓိပတိလမ်းဘေးက ရေတမာပင်ခုံဝိုင်းလေးတွေ၊ မပေးဖြစ်ခဲ့တဲ့ စာတွေနဲ့ မပြောဖြစ်ခဲ့တဲ့ စကားတွေ၊ ပေးမယ်လို့ ရည်စူးပြီးခါမှ စာအုပ်ကြားမှာပဲ ပန်းခြောက်လေးတွေအဖြစ် အရိုးထုတ်သွားခဲ့ရတဲ့ ကံ့ကော်ပန်းလေးတွေ၊ ခိုးခိုးကြည့်ခဲ့ရတဲ့ တစ်ယောက်သောသူရဲ့ အပြုံးချိုချိုလေးတွေ၊ ဒါတွေနဲ့ဝေးပြီး သွားရတော့မယ်ဆိုတော့ ဘယ်သူကများ ၀မ်းနည်းပက်လက် မဖြစ်ဘဲ နေစိမ့်နိုင်မှာပါလိမ့် . . .
.
. . . တတိယအကြိမ် ရန်ကုန်တက္ကသိုလ်ကိုရောက်တော့ တက္ကသိုလ်ကြီးက တော်တော်ကို ပြောင်းလဲသွားပြီ။ အရင်တုန်းက မဟာတန်းတွေနဲ့ မှိုင်းညို့အုံ့ဆိုင်းခဲ့သော တက္ကသိုလ်ကြီးဟာ ၂၀၁၃ ခုနှစ်မှာ တစ်နှစ်တာပြည်လည်ခြေချချိန်မှာတော့ ဘွဲ့ကြိုတန်းက မောင်မယ်သစ်လွင်လေးများနဲ့ နုနယ်ပျိုမြစ်နေပေပြီ။ ဟိုးတစ်ခါတုန်းက ကျောင်းသားတွေနေခွင့်မပေးခဲ့တဲ့ ပင်းယ အင်းဝ စစ်ကိုင်း ဒဂုံ မာလာ သီရိ စတဲ့ တက္ကသိုလ်ပရ၀ုဏ်ထဲက ကျောင်းသားကျောင်းသူဆောင်တွေမှာ ဖြူစင်တက်ကြွတဲ့ လူ့လောကထဲ တိုးဝင်ခါစ လူငယ်လေးများရဲ့ ရယ်သံလွင်လွင်လေးတွေနဲ့ စည်ကားနေခဲ့ပြီ။ လွန်ခဲ့တဲ့ ဆယ်စုနှစ်တစ်ခုလောက် သူတက္ကသိုလ်ကျောင်းသားဘ၀တုန်းက ညနေကျောင်းဆင်းချိန်ပြီးတာနဲ့ တိတ်ဆိတ်မှောင်မည်းသွားတဲ့ တက္ကသိုလ်ကြီးဟာ ညရောက်တာတောင် မီးရောင်တွေ တထိန်ထိန်နဲ့ လူငယ်လူရွယ်လေးတွေနဲ့ စည်းကားနေခဲ့ပြီ။ သူ ငယ်ငယ်က ၀တ္ထုတွေထဲမှာ ဖတ်ဖူးခဲ့တဲ့ တက္ကသိုလ်ကျောင်းသားဘ၀ကို အပြင်မှာ တကယ်မြင်နေရသလို ဖြစ်တာမို့ ငယ်ရွယ်စဉ်တုန်းကတောင် မတောင့်တခဲ့ဖူးတဲ့ တက္ကသိုလ်အဆောင်နေ ကျောင်းသားဘ၀ကို အိုကြီးအိုမကျခါမှ သူ တောင့်တတတ်လာခဲ့ပြီ . . .
.
. . . နောက်လေးနှစ်လောက်အကြာမှာ ကံ့ကော်မြေကို တစ်ခါ ခြေချမိပြန်တော့ ရွှင်လန်းကြည်နူးစရာကောင်းတဲ့ အပြောင်းအလဲတွေကို ပိုလို့မြင်တွေ့လာခဲ့ရသည်။ ပြောင်းရင်းပြောင်းရင်း အပြောင်းလဲကြီး ပြောင်းလဲနေတာတွေကို မြင်ခဲ့ရသလို ပြောင်းရင်းပြောင်းရင်း သမိုင်းတစ်ပတ်ပြန်လည်သွားတဲ့ အပြင်အဆင်တွေကိုလည်း မြင်ရပြန်သည်။ ဥပမာအနေနဲ့ဆို ကျောင်းသားရေးရာဌာနပေါ့။ သူတို့ နေခဲ့စဉ်က သစ်ပုတ်ပင်ကြီးရှေ့က သိပ္ပံဆောင်ဆင်ဝင်အောက်မှာ ကျောင်းသားရေးရာဌာနရှိခဲ့သလို အခုလည်း အဲသည်နေရာမှာပဲ ကျောင်းသားရေးရာဌာန ပြန်ရောက်လာတာတွေ့ရသည်။ တက္ကသိုလ်ကိုရောက်ဖူးခဲ့သမျှ တစ်ခါမှ မမြင်ဖူးခဲ့သော အရာတစ်ခုကိုလည်း တွေ့ရပြန်သည်။ ရန်ကုန်တက္ကသိုလ် ကျောင်းသားများ သမဂ္ဂ တဲ့။ နိုင်ငံရပ်ခြားက တက္ကသိုလ်တွေမှာ ကျောင်းသားတွေကိုယ်တိုင် ကျောင်းသားပွဲတွေ လှုပ်ရှားမှုတွေ လုပ်နေသော အတွေ့အကြုံတွေကို မြင်ခဲ့ကြုံခဲ့ရသူတစ်ယောက်အနေနှင့် ကျောင်းသားသမဂ္ဂ ရှိလာတာကို ကြိုဆိုရပါသည်။ ကျောင်းတော်သူကျောင်းတော်သားတို့ ဗလငါးတန် ဖွံ့ဖြိုးရေး ကျောင်းသားသမဂ္ဂများက ဦးစီးပေးနိုင်ပါစေကြောင်း ဆန္ဒပြုမိခဲ့သည် . . .
.
. . . တောင်ငူဆောင်ညာဘက်ထောင့်က ဦးချစ်ဆိုင်အပါအ၀င် ဆိုင်တန်းတွေ တစ်ခုမှ မရှိတော့။ နှစ်ထပ်စားသောက်ဆိုင်ဆောက်ဖို့ အားလုံးကို ဖျက်လိုက်သည်ဆိုလား။ ဒါနဲ့ ရာမညဆောင်ဘယ်ဘက်ထောင့်မှာ အသစ်ဖွင့်ထားတဲ့ ဆိုင်တန်းတွေထဲ ခဏ၀င်ထိုင်ရင် ဦးချစ်ဆိုင်အကြောင်းမေးကြည့်တော့ လေလံမအောင်လို့ ဦးချစ်ဆိုင် မရှိတော့သည့်သဘော ပြောကြသည်။ အော် . ဈေးကွက်စီးပွားရေးခေတ်ကြီးမှာ ရန်ကုန်တက္ကသိုလ်ရဲ့ ဂန္တ၀င်ဦးချစ်တစ်ယောက် ပျောက်ကွယ်ရလေပြီလား . . .
.
. . . အာစီလို့ခေါ်တဲ့ အပန်းဖြေရိပ်သာထဲက ဈေးဆိုင်ခန်းတွေ မရှိတော့၊ သူတို့တက္ကသိုလ်ကျောင်းသားတုန်းက ဆိုင်းဘုတ်သာသာရှိခဲ့သော အနုပညာအသင်း ပန်းချီအသင်း စတာတွေကို အားကောင်းမောင်းသန် ပြန်လည်ရှင်သန်ထမြောက်လာစေချင်လှသည်။ ကြည့်ရတာတော့ သူမြင်ချင်တာတွေ မကြာခင် ဖြစ်လာတော့မည့် အားယူနေသည့်ဟန်ရှိသည်။ သူတို့ကျောင်းသားဘ၀က လွတ်လွတ်လပ်လပ် ရှင်သန်ကြီးပြင်းနေခဲ့သော နာမည်ကျော် သစ်ပုတ်ပင်ကြီးကတော့ ခြံစည်းရိုးအ၀ိုင်းကြီးတစ်ခုထဲရောက်လို့။ သစ်ပုတ်ပင်ကြီး အခေါင်းထဲ ကျောင်းသားကျောင်းသူတွေ ၀င်ဝင်ပြီး ဓာတ်ပုံရိုက်၊ သစ်ပုတ်ပင်ကြီးကို ဟိုဟာတွေရေးခြစ် ဒီဟာတွေရေးထွင်း လုပ်ကြလွန်းလို့ ခြံခတ်လိုက်ရတာဆိုလား။ ဂန္တ၀င်သစ်ပုတ်ပင်ကြီး ဆက်လက်ရှင်သန်နိုင်ရေးအတွက် အကျဉ်းချခံလိုက်ရတာများလား၊ သူ့ကို အကျဉ်းချလိုက်မှ သူ့ရဲ့လုံခြုံရေး စိတ်အေးရမှာလား၊ အကျဉ်းမချဘဲ တစ်ခြားနည်းနဲ့ရော ဆက်လက်ထိန်းသိမ်းထားဖို့ မဖြစ်တော့ဘူးလားဆိုတာတော့ ရန်ကုန်တက္ကသိုလ် စီမံခန့်ခွဲရေးအဖွဲ့က ပိုသိမယ်ဆိုတာ သေချာရဲ့လား၊ အငြင်းအခုံတွေ အားပေးတာစားလှတဲ့ ဒီမိုကရေစီဆိုတဲ့ ခေတ်ကြီးမှာ ဒီသစ်ပုတ်ပင်ကြီးကို အကြောင်းပြုပြီး အတွေးအခေါ်အသစ်တွေ ပေါ်ထွက်လာနိုင်မလား၊ ဒါမှမဟုတ် သဘောထားကွဲလွဲတာတွေနဲ့ အချိန်ကုန်ပြီး အလုပ်တွေ နှေးဖင့်ကုန်မလားဆိုတာကတော့ ဘုရားသာ သိနိုင်လိမ့်မည်ထင်ပါသည် . . .
.
. . . ဘွဲ့နှင်းသဘင်ခန်းမကြီးနားရောက်တော့ သူတို့ တက်ခွင့်မကြုံလိုက်သည့် ဘွဲ့နှင်းသဘင် အခမ်းအနားကို မြင်ယောင်ကြည့်မိသည်။ တက္ကသိုလ်ကျောင်းကြီးကို စွန့်ခွာသွားကတည်းက တာဝန်တွေကိုယ်စီကြားမှာ သူတို့တွေ တစ်ယောက်မှ ဘွဲ့နှင်းသဘင်တက်ဖို့ ကျောင်းဘက်ကို ခြေဦးမလှည့်နိုင်ခဲ့ကြ။ သူတို့သူငယ်ချင်းတွေ ဘွဲ့ယူကြတော့ အခမ်းအနားသို့ ရောက်မလာနိုင်သည့် သားတွေကို အမေဆရာမတွေက မျှော်ခဲ့ကြသတဲ့။ ဘွဲ့နှင်းသဘင်အခမ်းအနားမှာ ကိုယ်တိုင်နာမည်ထုတ်ဖော်ခေါ်ယူချီးမြှင့်နိုင်ခြင်းမရှိသည့် သားတွေအတွက် အမေလို ပါမောက္ခဆရာမကြီးက စိတ်စက်မကောင်းဖြစ်မိခဲ့သတဲ့ဆိုတာ သူ့သူငယ်ချင်းတွေပြောပြလို့ သိခဲ့ရသည်။ သူတို့ကတော့ စစ်သားတွေပီပီ ဘွဲ့တက်မယူနိုင်တာလောက်ကို စိတ်ထဲထည့်ပြီး ခံစားမနေခဲ့သော်လည်း အဲသည်လိုကြားရပြန်တော့လည်း ဘွဲ့သွားယူနိုင်ခဲ့ရင်အကောင်းသားလို့ တွေးခဲ့မိကြပြန်သည် . . .
.
. . . ဂျပ်ဆင်ဘုရားရှိခိုးကျောင်းဆင်ဝင်အောက်က ဖြတ်မိတော့ ဂျပ်ဆင်မှာ ပွဲရှိတိုင်း ဖိတ်လေ့ရှိတဲ့ တီချယ်ဝင်းကို လွမ်းမိသည်။ ဒီဘုရားရှိခိုးကျောင်းထဲမှာ သူတို့တွေ ပွဲတစ်ချို့ တက်ဖူးခဲ့ကြသည်။ အလှူငွေစ နည်းနည်းမျှ လှူဒါန်းဖူးခဲ့ကြသည်။ သူတို့နားနှင့် စိမ်းသော်လည်း နားဝင်ပီယံကျက်သရေရှိလှသည့် ဓမ္မတေးများကြားမှာ ကြည်နူးဝမ်းသာ ဖြစ်ခဲ့ကြဖူးသည်။ ခရစ္စမတ်ကန်တာတာ ပွဲတွေမှာ တက်ဆက်မှုများကို သောတဆင်ရင်း တက်ဆက်သူမောင်မယ်များကို အားကျခဲ့ဖူးသည်။ ဘုရားကျောင်းရှေ့က မြက်ခင်းပြင်ကတော့ အရင်ကလို စိမ်းစိုမြဲ။ သူအရင်က ဖြစ်စေချင်ခဲ့ဖူးသော သန့်ရှင်းသပ်ရပ် ခမ်းနားသည့် ဘုရားကျောင်းမျက်နာစာကို အခုတစ်ခေါက်မှာလည်း မမြင်မတွေ့ခဲ့ရ။ ဂုဏ်ရှိန်ကြီးမားလှသည့် ရန်ကုန်တက္ကသိုလ် ယုဒသန်ဘုရားကျောင်းဥပစာကို ဒီထက်ပိုပြီး သန့်ရှင်းသပ်ယပ် လှပထည်ဝါစေချင်မိသည် . . .
.
. . . ကျောင်းတက်စဉ်တုန်းက ဒီကျောင်းသားတွေ တက္ကသိုလ်စာကြည့်တိုက်ကြီးကို လိုအပ်ခဲ့သလား မလိုအပ်ခဲ့သလား မသေချာသော်လည်း ဘွဲ့ယူတဲ့နေ့နဲ့ အစမ်းလေ့ကျင့်တဲ့နေ့မှာတော့ ရန်ကုန်တက္ကသိုလ်ထဲက စာကြည့်တိုက်ကြီးနှစ်ခုက ဘွဲ့ရမောင်မယ်များအတွက် မရှိမဖြစ် လိုအပ်ချက်ရှိသွားခဲ့တာ လွန်ခဲ့တဲ့ ဆယ်စုနှစ်တစ်ခုခွဲတုန်းကနဲ့ အခုနဲ့ အတူတူပါပဲလားလို့သူ တွေးမိသည်။ စာကြည့်တိုက်ကြီးတွေရှေ့မှာ တောက်တောက်ပပ အ၀တ်အစားတွေဝတ်ပြီး ပုံစံအမျိုးမျိုးနဲ့ ဓာတ်ပုံရိုက်ကြတဲ့ ဘွဲ့ယူမောင်မယ်တွေကိုမြင်တိုင်း သူတွေးနေကျအတွေး . . .
.
. . . သိပ္ပံဆောင်ဘယ်ဘက်တောင်ပံမှာရှိသည့် ရူပဗေဒဌာကတော့ သူတို့ခေတ်နှင့် လုံးလုံးခြားနားခဲ့သလိုလို။ သူတို့ခေတ်တုန်းက ဆရာကြီး ဒေါက်တာစိန်ထွန်းဆိုတာ ကျောင်းသားတွေ ဖိန့်ဖိန့်တုန်။ ဌာနအ၀င်ဝမှာ ကျောက်သင်ပုန်းအမည်းကြီးပေါ် မြေဖြူစာလုံးကြီးတွေနှင့် အသေအချာ ရေးထားသည့် ကျောင်းသားများ လိုက်နာရန် စည်းကမ်းများဆိုသည့် အမှတ်သညာကို အစွဲပြုပြီး ပညတ်တော်ဆယ်ပါးဌာနလို့ သူတို့ အမည်ပြောင်ပေးခဲ့ကြတဲ့ ဌာနက အခုတော့လည်း သူလိုငါလို တစ်ခြားဌာနတွေလိုဖြစ်သွားပါပြီကော . . .
.
. . . သိပ္ပံဆောင်ကော်ရစ်ဒါကနေ ဓာတ်ခွဲခန်းတွေဘက်ကိုအသွား စင်္ကြန်အထွက်မှာ တစ်ဦးတည်းသော ဗန်းသည်အစ်မကြီးဆီက ဒိန်ချဉ်တစ်ခွက်သုံးရာအားပေးရင်း စကားစမြည်ပြောကြတော့ တက္ကသိုလ်ထဲ ဒီလိုဗန်းသည်တွေ ဈေးရောင်းခွင့်မပေးတော့တဲ့။ အာစီထဲက မိတ္တူဆိုင်တွေလည်း အရင်တုန်းက ကံ့ကော်ရွာ ကင်တန်းခေါ်တဲ့ ကင်တန်း နှစ်ထပ်အပေါ်ထပ်ကို ရောက်နေကြပြီတဲ့။ တစ်ခြားနေရာတွေမှာ ဈေးသည်မရှိတော့ သိပ္ပံကင်တန်းလည်း စည်ကားလို့ . . .
.
. . . ကျောင်းသားရေးရာဌာနရှေ့ စူးစမ်းကြည့်မိတော့ ဖွင့်တော့မည့် ပညာသင်နှစ်အတွက် ကျောင်းသားကျောင်းသူတွေ ကျောင်းအပ်ကြ ပိုက်ဆံသွင်းကြနှင့် စည်ကားသိုက်မြိုက်နေတာကို တွေ့သည်။ အင်တာနက်တွေ ဘဏ်စနစ်တွေ ဒီလောက် အပြိုင်အဆိုင်ဝန်ဆောင်မှုပေးနေကြတဲ့ ခေတ်ကြီးထဲ မြန်မာနိုင်ငံက သက်တမ်းအကြီးဆုံး တက္ကသိုလ်ကြီးတစ်ခုမှာ ကျောင်းသားတွေ ပိုက်ဆံတွေကိုင်ပြီး သွင်းနေကြတာတွေ့တော့ နည်းနည်းတော့ မျက်မှောင်ကျုံ့မိသည်။ ဘဏ်တွေက ၀န်ဆောင်မှုပေးဖို့ မကမ်းလှမ်းကြဘူးလား၊ တက္ကသိုလ် အာဏာပိုင်တွေကရော ကျောင်းသားတွေကို ဘဏ်အကောင့်ဖွင့်ပေး ဘဏ်အကောင့်နဲ့လက်ခံ၊ တက္ကသိုလ်ကျောင်းသားဘ၀ကတည်းက အွန်လိုင်းဘဏ်စနစ်နှင့် ရင်းနှီးကျွမ်းဝင်အောင် လေ့ကျင့်ပေးဖို့အတွက် ဘဏ်တွေနဲ့ ချိတ်ဆက်ဆောင်ရွက်ဖို့ စိတ်မကူးမိကြတော့ဘူးလား။ ကျောင်းဝင်ကြေး အဆောင်ကြေးတွေရေးထားတာကိုကြည့်ရင်း ကျောင်းသားကျောင်းသူစာရင်းကိုကြည့်ရင်း တစ်နှစ်တစ်နှစ် ကျောင်းက ကိုင်တွယ်ဆောင်ရွက်ရမည့် ငွေသားပမာဏကို စိတ်တွက်တွက်ကြည့်နေမိသည်။ ဒီတက္ကသိုလ်တစ်ခုလောက်က ပိုက်ဆံငွေသားမကိုင်ဘဲ အွန်လိုင်းဘဏ်စနစ်လုပ်ရင်တောင် ဗဟိုဘဏ်က ငွေသားတွေ ရိုက်နှိပ်ရတာ တော်တော် သက်သာမယ်လို့ တွေးမိသည်။ ဒါရော သူနဲ့ ဆိုင်လို့လား။ ဆိုင်လားမဆိုင်လား သူလည်း သေချာ မသိ၊ တွေးမိနေတာတော့ သေချာသည်လေ။ ဟိုဟိုသည်သည်ကြည့်ရင်း တက္ကသိုလ် နှစ်လည်မဂ္ဂဇင်းအတွက် စာမူဖိတ်ခေါ်သော လက်ရေးကြော်ငြာလေးကိုတွေ့တော့ အနုလုံပဋိလုံ အစုန်စုန် အဆန်ဆန် ဖတ်ရင်းကြည့်ရင်းက ကိုယ့်ဘာသာ မေးခွန်းတွေ ထုတ်နေမိပြန်သည်။ စာမူလက်ခံရက်က မနှစ်က မတ်လနောက်ဆုံးဆိုတော့ အတော်ကြီးကို ကျော်ခဲ့ပြီ။ သို့သော် သူစိတ်ဝင်စားတာက အဲဒါမဟုတ်။ စာမူကို ဘယ်လို ပို့ပေးရမယ်ဆိုသော နည်းလမ်းဖြစ်သည်။ တောင်ငူဆောင်၊ ၀ိဇ္ဇာခန်းမ၊ ရန်ကုန်တက္ကသိုလ်စာကြည့်တိုက်၊ အပန်းဖြေရိပ်သာ၊ ကျောင်းသားရေးရာဌာန၊ ဘွဲ့နှင်းသဘင်ရှိ စာမူပုံးများသို့ ပေးပို့ရမည်တဲ့။ လူတိုင်းရဲ့ လက်ဝါးပြင်ပေါ်မှာ အင်တာနက်တွေ ဒီလောက်ဖောဖောသီသီ ရနေနိုင်သော ခေတ်ကြီးမှာ အွန်လိုင်းက ပို့ပေးစရာ အီးမေးလိပ်စာလေးတစ်ခုသော်မှ ဖော်ပြထားခြင်းမရှိတဲ့ မြန်မာနိုင်ငံရဲ့ ဂုဏ်ရှိန်ကြီးများလှတဲ့ တက္ကသိုလ်ကြီးတစ်ခုရဲ့ နှစ်ပတ်လည် မဂ္ဂဇင်း စာမူဖိတ်ခေါ်ခြင်း လက်ရေးကြော်ငြာလေးကို သူ အတော်ကြာကြာ ငေးစိုက်ကြည့်နေဖြစ်ခဲ့သည် . . .
.
. . . ကိုအောင်ဆန်းသာ အခုနေ အိုးဝေမဂ္ဂဇင်း အယ်ဒီတာဆိုရင် စာမူခေါ်တဲ့ ကြော်ငြာမှာ အီးမေးလိပ်စာလေးတစ်ခုလောက် ရေးပေးဖြစ်မလား စသည်ဖြင့် မဆီမဆိုင် မရှိတော့တဲ့သူကို တ မိရင်းက ရန်ကုန်တက္ကသိုလ်ဥပဒေပြဌာန်းခဲ့သည့် လွန်ခဲ့တဲ့ ၉၇ နှစ်ဆီကို အတွေးရောက်သွားပြန်သည်။ ကျွန်ပညာရေးတဲ့၊ ရေပေါ်ဆီလူ့မလှိုင်တွေ မွေးထုတ်ပေးတဲ့ ပညာရေးတဲ့။ ကိုယ်က သမိုင်းဆရာမဟုတ်တော့ အဲသည်တုန်းက ပညာရေးဥပဒေ သပိတ်မှောက်တုန်းက ကိစ္စကို ကျယ်ကျယ်ပျံ့ပျံ့ကြီး နားမလည်သော်လည်း ရေပေါ်ဆီပညာတတ်လူတန်းစားတစ်ရပ် ခိုင်ခိုင်မာမာမွေးထုတ်ပေးမည့် မူဝါဒကိုတော့ ကိုယ်သာဆိုရင် ထောက်ခံမိမည်ထင်သည်။ အခုနေ သူသာ တန်ခိုးရှိလို့ကတော့ ရန်ကုန်တက္ကသိုလ်ကြီးကို ကမ္ဘာ့အဆင့်မီ အကုန်အကျကျောင်းဝင်ကြေးမြင့်သော ကမ္ဘာ့အဆင့်မီ ကျောင်းဝင်ခွင့်အရည်အချင်းမြင့်သော ကမ္ဘာ့အဆင့်မီ ဆရာဆရာမများသာ ခန့်ထားသော ကမ္ဘာ့အဆင့်မီ ပညာတတ်များ မွေးထုတ်ပေးမည့် ကျောင်းကြီးအဖြစ် အုံဖွဆိုပြီး ဖန်ဆန်းပစ်လိုက်မည်ဟု တွေးနေမိသည်။ မြန်မာနိုင်ငံမှာ ကမ္ဘာ့အဆင့်မီ ပညာတတ်တွေ ထွက်တဲ့ ရန်ကုန်တက္ကသိုလ်ဆိုတာကြီး ရှိတယ်ကွဟု ငါးပိသံမပျောက်သော အင်္ဂလိပ်စကားဖြင့် ကမ္ဘာပတ် ကြွားပစ်လိုက်ချင်သည်။ အခုနေများတော့ မင်းတို့နိုင်ငံက ပညာရပ်တွေထိပ်တန်းရှိတဲ့က နေရာက ဘယ်နေရာလဲဟု တစ်ယောက်ယောက်က မေးလာလျှင် သူ့မှာ ဘာကိုပြောရမှန်းမသိ . . .
.
. . . စတင်ဖွင့်လှစ်သည်မှာ လပိုင်းမျှသာရှိသေးသော အင်္ဂလိပ်စာဌာန အခြေစိုက်သည့် ပင်လုံဆောင်ကြီးကတော့ ရန်ကုန်တက္ကသိုလ်ပရ၀ုဏ်ထဲက အသစ်လွင်ဆုံး ကျောင်းဆောင်ကြီးဖြစ်လိမ့်မည်ထင်သည်။ ပင်လုံဆောင်ထဲကိုအ၀င်မှာ အရင့်အရင်တုန်းက ဆရာကြီးဒေါက်တာမျိုးမြင့်ရဲ့ အမွေများဖြစ်ဟန်တူသော ပန်းအိုးများနှင့် ရှေးအိုးကြီးများ နံရံတွေအနားမှာ စီကာစဉ်ကာချထား အလှဆင်တာကို မြင်ရတော့ ဆရာမျိုးကို အလွမ်းမိသား။ သားက အရင်ကလိုပဲ ဘာမှမပြောင်းလဲဘူးလို့ပြောပြီး နုတ်ဆက်သော မြင်မြင်ချင်း ချက်ချင်းမှတ်မိသည့် တီချယ်ဂျူးလည်း သူ့မျက်စိထဲ လွန်ခဲ့တဲ့ ဆယ့်ငါးခြောက်နှစ်တုန်းကလိုပင် သစ်လွင်လန်းဆန်းနေတုန်း၊ ပင်စင်ယူဖို့အချိန်ကျော်ခဲ့ပြီဖြစ်သော်လည်း လိုအပ်ချက်ကို ဖြည့်ဆည်းပေးနေဆဲ ဆရာမကြီးကိုမြင်တော့ ဟိုအရင်က တောင်ငူဆောင်အောက်ဆုံးထပ် အခန်းထဲ စာသင်ပေးနေခဲ့သည့် တီချယ်ဂျူးကို ပြန်လည် မြင်ယောင်ကြားယောင်မိသည်။ မပြောင်းပါဘူး။ တီချယ်ဂျူးက အရင်ကလည်း ဒီပုံ အခုလည်းဒီပုံပါပဲ။ တီချယ်ဂျူး သူ့ကိုကြည့်သော မျက်လုံးတွေက ဟိုးအရင်ကလည်း နွေးထွေးဆဲ လှိုက်လှဲဆဲ။ ဂျပ်ဆင်ရှေ့မှာ တွေ့ခဲ့တဲ့ တီချယ်ဝေလည်း လုပ်သက်ပြည့်လို့ အငြိမ်းစားယူသွားတယ်သာပြောတာ။ သူ့အမြင်မှာတော့ ဘာမှ ပြောင်းလဲသွားတာမတွေ့။ ပါမောက္ခဌာနမှူး တီချယ်ပိုးက ပွဲဈေးခင်းထဲက ဆိုင်မှာများ ရောက်နေမလား မသိဘူး ဆိုသောကြောင့် ပွဲဈေးခင်းထဲ ဆင်းလာခဲ့မိသည် . . .
.
. . . ဈေးရောင်းပွဲတော်ကျင်းပနေသည့် ၀ိဇ္ဇာခန်းမရှေ့ မြက်ခင်းပြင်ကတော့ သူတို့တုန်းကထက် ပိုပြီး စည်ကားနေသလို။ အင်္ဂလိပ်စာဌာနစာတန်းထိုးထားသော ဆိုင်ခန်းရှေ့ မယောင်မလည်ရပ်ရင်း ကိုယ်သိသူတစ်ယောက်ယောက်များ တွေ့လိမ့်နိုး ရှာကြည့်မိသည်။ တစ်ချိန်တုန်းက ကိုယ်တိုင် လက်မှတ်လုပ် ကိုယ်တိုင်လက်မှတ်ရောင်း ကိုယ်တိုင် ကြာဇံချက်သွားမှာ ကိုယ်တိုင်ဈေးရောင်းရင်း ရံပုံငွေရှာခဲ့သော သူတို့တွေသူငယ်ချင်းတွေကို များများကြီး လွမ်းလိုက်မိသည်။ အရင်တုန်းက သူတို့တွေ တရုန်းရုန်းရှိခဲ့သောနေရာ။ အခုတော့ သူ့မှာ တစ်ယောက်တည်း ယောင်ချာချာ . . .
.
မောင်လွမ်းဝေ
၇ ဒီဇင်ဘာ ၂၀၁၇

ပန်းပွင့်လေးရေးတဲ့ မနှင်းဖြူပုံပြင်

232 (k)

. . . The Union Minister for Foreign Affairs who has also assumed a post called “the State Counsellor” which creation was highly controversial for its unconstitutionality pays an official visit to China to attend the “CPC in Dialogue with World Political Parties” High-Level Meeting. This event indicates two major factors in Myanmar polity.
.
. . . The first one is that she does not respect to one slogan of her own electoral campaign “rule of law” since a union minister is not allowed to take part in the party activities, and attending such a meeting as a party leader is unconstitutional.
.
. . . The second factor this event indicates is that the NLD seems to have no reliable leadership to send to this meeting as the representative of the party.
.
Ref: Section 232 (k) of the Constitution of the Republic of the Union of Myanmar (2008) page. 87