နှင်းလှောင်ဆန်

.
. . . ကျွန်တော်တို့နေတဲ့ အွန်နူမာမြစ်ဝှမ်းက ထွက်တဲ့ ကိုရှီဟီကာရီဆန်က ဂျပန်မှာ အကောင်းဆုံးဆန်တစ်မျိုးဖြစ်ကြောင်း ပြောပြဖူးပါတယ်။ နေ့ညအပူချိန်ကွာခြားမှု၊ နှင်းအောက်မှာ လေးလလောက်မြုပ်နေတဲ့ လယ်မြေတွေရဲ့ လိုအပ်တဲ့ အချဉ်ဓာတ်ပြည့်ဝမှု၊ နှင်းတောင်ကြီးတွေပေါ်ကနေ နွေရာသီမှာ အရည်ပျော်စီးဆင်းလာတဲ့ နှင်းပျော်ရည်တွေရဲ့ သတ္ထုဓာတ်ကြွယ်ဝမှု နဲ့ သန့်စင်ကြည်လင်မှုတွေအပြင် တောင်ပတ်လည်ဝန်းရံထားတဲ့ ယာအီရိုလွင်ပြင်က ဖြတ်သန်းတိုက်ခတ်လာတဲ့ လတ်ဆတ်သန့်ရှင်းတဲ့ လေပြေလေညင်း စတာတွေက ဒီဒေသထွက်စပါးကို အကောင်းဆုံးအရည်အသွေးဖြစ်စေတဲ့ အကြောင်းတွေလို့ဆိုပါတယ်။ အခုတစ်ခါမှာတော့ အွန်နူမာမြစ်ဝှမ်းလို နှင်းပွင့်တိုင်းပြည်တွေမှာပဲ ရနိုင်တဲ့ ဆန်တစ်မျိုးအကြောင်း ပြောချင်ပါတယ် . . .
.
. . . ကျွန်တော်တို့ မြန်မာပြည်မှာ ငယ်ငယ်က အမေထမင်းချက်ကျွေးတဲ့အခါ ဆန်အသစ် ဆန်အဟောင်း ဆိုတဲ့စကားကို ကြားရလေ့ရှိပါတယ်။ အထူးသဖြင့် စပါးပေါ်ပြီးချိန်တွေမှာ အဲသည်စကားကို မကြာမကြာ ကြားရတတ်ပါတယ်။ ဆန်အသစ်ဆိုရင် ဆန်က စိမ်းဆတ်ဆတ်ဖြစ်ပြီး ဆန်ဟောင်းကတော့ စားရတာ ပိုအဆင်ပြေလေ့ရှိတယ်လို့ ခံစားရမိပါတယ်။ အိမ်ရှင်မတွေကတော့ ဆန်သစ်ထက် ဆန်ဟောင်းကို ပိုကြိုက်ပါတယ်။ အိုးတက်လို့တဲ့။ အိုးတက်တယ်ဆိုတာ များများပွားတာပေါ့ . . .
.
. . . ကျွန်တော်တို့နေတဲ့ နှင်းပွင့်တိုင်းပြည်မှာလည်း နာမည်ကျော်တဲ့ ဆန်ဟောင်းတစ်မျိုးရှိပါတယ်။ နာမည်ကျော်တဲ့ ဆန်မွှေး ကိုရှီဟီကာရီ ကိုပဲ နှင်းအအေးဓာတ်နဲ့ နှစ်ပေါက်အောင် လှောင်ထားတဲ့ ဆန်ကို ယူကီမူရိုမာအိ လို့ခေါ်ပါတယ်။ ဆောင်းတွင်းမှာကျတဲ့ နှင်းကို ဂိုဒေါင်ကြီးတွေနဲ့ သေချာလှောင်ထားပြီး အဲသည်နှင်းအအေးဓာတ်ကို သဘာဝအအေးစွမ်းအင်အဖြစ် အသုံးပြုပြီး စပါးကျီထဲမှာ လိုအပ်တဲ့အပူချိန်ပေးပြီး လှောင်ထားတဲ့ စပါးကထွက်တဲ့ဆန် ဖြစ်ပါတယ်။ သဘာဝနှင်းအအေးဓာတ်ကို အသုံးပြုထားတဲ့ စပါးကျီကြီးတွေကို 雪を使った冷蔵庫 လို့ခေါ်ပါသတဲ့။ အဲဒီနှင်းစပါးကျီကြီးတွေထဲ လှောင်ထားတဲ့ ဆန်စပါးကိုတော့ ゆきむろまい ခေါ်တာပါ . . .
.
. . . အဲသလို နှင်းစပါးကျီကြီးတွေထဲ လှောင်တယ်ဆိုတာ တစ်ရာသီစာသာ မကပါဘူးတဲ့။ တစ်ချို့ဆို သက်တမ်း ဆယ့်နှစ်နှစ်လောက်ရှိတဲ့ ဆန်တောင်ရှိပါသတဲ့။ အပူချိန် ငါးဒီဂရီစင်တီဂရိတ်နဲ့ ရေငွေ့စိုထိုင်းဆ ၇၅ ရာခိုင်နှုန်းမှာ ထိန်းသိမ်းထားလို့ ဆန်ရဲ့ သဘာဝ အနံ့အရသာက မဆိုသလောက်သာ လျော့သွားပေမယ့် စပါးခြောက်သွားလို့ဖြစ်တဲ့ အဆီဓာတ်တိုးလာမှုကိုတော့ တားဆီးပေးပါသတဲ့။ အဲသည်ဆန် တစ်ခါမှတော့ မစားဖူးသေးဘူးထင်တာပဲ၊ ကြုံရင် စမ်းစားကြည့်အုံးမှ . . .
.
ဗိုလ်ကောင်း
၃၀ အောက်တိုဘာ ၂၀၁၇