ပူဆာ

.
တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီး မင်းအောင်လှိုင်နာမည်နဲ့ ဖေ့ဘုတ် စာမျက်နှာ https://www.facebook.com/seniorgeneralminaunghlaing/ ကိုယ်က တော်တော် သဘောကျတယ်။ ကိုယ့်မြန်မာ့တပ်မတော်က ခေါင်းဆောင်တစ်ယောက်ရဲ့ လုပ်ငန်းဆောင်တာတွေကို အချိန်နဲ့တစ်ပြေးညီနီးပါး သိခွင့်ရတဲ့အပြင် ပြည်တွင်းပြည်ပ လေ့လာသူတွေကိုလည်း မှန်ကန်တဲ့ သတင်းအချက်အလက်တွေ အချိန်မဆိုင်း ပေးနိုင်နေတော့ ဂုဏ်သတင်းပုံရိပ်တစ်ခုကိုလည်း ထိထိရောက်ရောက် တည်ဆောက်နေရာကျတယ်။
.
. . . သာမန် ဖေ့ဘုတ်သုံးသူတစ်ယောက်အနေနဲ့ အဲသည်စာမျက်နှာကို ဒီလိုလေးသာဆို ပိုကောင်းမှာပဲလို့ မြင်မိတာလေးတွေရှိတယ်။ ဆိုကြပါစို့ . . . အဲသည်စာမျက်နှာကို တာဝန်ယူပြင်ဆင်တင်ပြပေးရတဲ့ အက်ဒမင်က ကိုယ်ဆိုးလို့နွဲ့လို့ရတဲ့ ကိုယ့်အစ်ကိုကြီးတစ်ယောက် ဆိုပါစို့ . . . ဒီလိုလေးတော့ လုပ်ပေးပါ အစ်ကိုကြီးရယ်ဆိုပြီး ပူဆာမိမှာပဲ။
.
၁။ #အကြောင်းအရာတစ်ခုကိုတစ်ခါပဲတင်ပေးပါ။ အခုလောလောဆယ် တွေ့မိသလောက်ဆိုရင် အကြောင်းအရာ သတင်းတစ်ပုဒ်ကို ကနဦးသတင်းနဲ့ သတင်းရှည်သဘောမျိုး နှစ်ခါခွဲတင်တာ တွေ့နေရတယ်။ ကိုယ်သာဆိုရင် အချိန်နဲ့ တစ်ပြေးညီ တင်ပြချင်တဲ့ ကနဦးသတင်းကို အရင်တင်လိုက်မယ်။ သတင်းအပြည့်အစုံ တင်ပြမယ့်အချိန်ကျရင် မူလတင်ထားတဲ့ ကနဦးသတင်းကိုပဲ #edit လုပ်ပြီး သတင်းအပြည့်အစုံ ပြန်တင်လိုက်မယ်။ အဲလိုသာဆိုရင် အကြောင်းအရာခေါင်းစဉ်တစ်ခုတည်းက ကနဦးသတင်းတိုနဲ့ သတင်းအပြည့်အစုံ ဆိုတဲ့ Post နှစ်ခု မဖြစ်တော့ဘူး။ ၀င်ကြည့်တဲ့သူ မျက်စိမလည်တော့ဘူးပေါ့။ ဖုန်းဘေ အကုန်သက်သာတာပေါ့။
.
၂။ #အင်္ဂလိပ်နဲ့မြန်မာစာမျက်နှာနှစ်ခုခွဲပေးပါ။ အခုက သတင်းတစ်ပုဒ်တည်းကိုပဲ အင်္ဂလိပ်လိုရေးလိုက် မြန်မာလိုရေးလိုက်ဆိုတော့ ဖတ်ရတာ နည်းနည်း မျက်စိလည်တယ်။ သေချာတာကတော့ ပြည်တွင်းပရိသတ်က အင်္ဂလိပ်လို မဖတ်လောက်ဘူး။ အဲလိုပဲ ပြည်ပက လေ့လာသူတွေကလည်း မြန်မာလို မဖတ်တတ်လောက်ဘူး။ အင်္ဂလိပ်ပေ့ခ်ျ နဲ့ မြန်မာပေ့ခ်ျ ခွဲလိုက်တော့ ပိုပြီး ရှင်းသွားတာပေါ့။ ပိုပြီးလည်း ထိရောက်သွားတာပေါ့။
.
၃။ #သတင်းစီးရီးတွေဆိုအယ်လ်ဘမ်ဖွင့်ပေးပါ။ ဥပမာ ပြည်ပခရီးစဉ်တစ်ခု သတင်းဆိုပါစို့။ မြန်မာပြည်က စထွက်ကတည်းက ပြည်ပတိုင်းပြည်မှာ လှုပ်ရှားသွားလာ ဆောင်ရွက်တာတွေက ရက်ကြာရင်ကြာသလို အစီအစဉ်များရင် များသလို သတင်းပုဒ်တွေ များမှာပဲ။ ဒီကြားထဲ အဲသည်သတင်းကိုပဲ သတင်းတိုတင်လိုက် သတင်းရှည်တင်လိုက် မြန်မာလိုတင်လိုက် အင်္ဂလိပ်လိုတင်လိုက်နဲ့ဆိုတော့ စိတ်ဝင်စားလို့ ၀င်ကြည့်တဲ့သူအနေနဲ့ တိုင်းလိုင်းမှာ တော်တော်ကို ကျော်ရခွရ ဒီကြားထဲ အင်တာနက်က ဒုက္ခပေးရင် အောက်ကိုဆက်ဆင်းလို့မရ တော်တော်ဂွကျတယ်။ ဒါကြောင့် ကိုယ်သာ အဲသည်လိုသတင်းမျိုးကို တင်မယ်ဆိုရင် အယ်လ်ဘမ်တစ်ခု ဖွင့်လိုက်မယ်။ အဲသည်အယ်လ်ဘမ်ထဲမှာပဲ ခရီးစဉ်အစကနေ အဆုံးအထိ တန်းစီပြီး ထည့်ထည့်သွားမယ်။ ကြည့်ရတဲ့သူ မျက်စိမလည်တော့ဘူး။
.
၎။ #Noteတွေကိုထိထိရောက်ရောက်သုံးပေးပါ။ တစ်ချို့မိန့်ခွန်းတွေ အင်တာဗျူးတွေကို Note အနေနဲ့ တင်ပေးထားတာ တော်တော်လေး ကောင်းတယ်။ ဒါပေမယ့် အက်ဒမင် စိတ်ကူးပေါက်မှ တင်ပေးသလို ဖြစ်နေတယ်။ တကယ်သာဆို ပြောခဲ့တဲ့ မိန့်ခွန်းတွေ၊ ဖြေခဲ့တဲ့ အင်တာဗျူးတွေ နည်းတာမှ မဟုတ်ဘဲ၊ အဲဒါတွေ အကုန်လုံးသာ Note အဖြစ်တင်ပေးထားမယ်ဆို ပိုကောင်းမလားပေါ့။
.
၅။ #ပိုစ့်တစ်ခုအတွက်ဓာတ်ပုံတစ်ပုံပဲသုံးပါဗျာ။ ဒါကတော့ ကိုယ့်အကြိုက်သက်သက်ပဲ ထင်ပါရဲ့။ ကိုယ်ကတော့ ပိုစ့်တစ်ခုတိုင်းမှာ အထိရောက်ဆုံးလို့ ထင်တဲ့ ပုံတစ်ပုံကိုပဲ တင်လေ့ရှိတဲ့သူ၊ တစ်ပုံထက်ပိုတင်ရင်တောင် ပုံများများ တင်လေ့မရှိတဲ့သူဆိုတော့ ပုံများများ တင်တာထက်စာရင် ပုံနည်းနည်းတင်တာကို ပိုသဘောကျတယ်။
.
. . . Senior General Min Aung Hlaing Page နဲ့ပတ်သက်တဲ့ တင်ဆက်ပုံတင်ဆက်နည်းအကြောင်း ကိုယ်လိုချင်တာလေးတွေ ပူဆာတာဖြစ်ပေမယ့် စပ်မိလို့ ပြောလိုက်ချင်တာက #မြ၀တီတီဗီချယ်နယ် အကြောင်းပါ။ ဟိုး အရင့်အရင်တုန်းကဆို တပ်မတော်ဇာတ်ကားကောင်းကောင်းတွေ လွှင့်တော့မယ်တဲ့ ဆိုလိုက်ရင် http://www.myanmartvchannel.com/mwd.html ချယ်နယ်ကနေ အချိန်နဲ့တစ်ပြေးညီ စောင့်ကြည့်တယ်။ သဘောလည်း ကျတယ်။ တပ်မတော်နေ့ စစ်ရေးပြအခမ်းအနားတွေ ဘာတွေဆိုလည်း ဒီလိုင်းကပဲ စောင့်ကြည့်ပြီး အလွမ်းဖြေရတာ။ ဒါပေမယ့် ဘာလို့ရယ်မသိဘူး။ ပြီးခဲ့တဲ့ ပြည်ထောင်စုသစ္စာ ဇာတ်လမ်းလွှင့်တုန်းက ကိုယ်တွေမှာ ကြည့်ချင်တာ တစ်ပိုင်းကိုသေလို့ ၊ အခုနပြောတဲ့ လိုင်းကလည်း ဘယ်လိုမှ ဖမ်းမရ။ နောက်ဆုံး အွန်လိုင်းပေါ်က စေတနာ့ဝန်ထမ်း မိတ်ဆွေတစ်ချို့ကောင်းမှုနဲ့ မြန်မာပြည်က တီဗီကလာနေတာကို ရိုက်ပြီး တစ်ဆင့်ခံ ပြန်လွှင့်ပေးလို့သာ ကိုယ်တွေမှာ ကြည့်ခွင့်ရခဲ့လေတယ်။ ကောင်းလွန်းလို့ သုံးလေးခါပြန်မက ပြန်ပြန်ကြည့်ရတဲ့ အဲလိုဇာတ်ကားမျိုး တိုက်ရိုက်ကြည့်ရတာ မဟုတ်ဘဲ တီဗီကို ရိုက်ပြထားတာကြီးကို ကြည့်ရတဲ့သူအဖို့ ဘယ်လောက်တောင် မချင့်မရဲ ဖြစ်ခဲ့လိမ့်မလဲ စဉ်းစားသာကြည့်ပါရော့။ အခုရော မြ၀တီလိုင်းကို အင်တာနက်က ကြည့်လို့ ပြန်ရနေပြီလားတော့ မသိဘူး။ ရရင်သိပ်ကောင်းမှာပဲ။ ရအောင်လုပ်ပေးပါ အစ်ကိုကြီးရယ် . . .
.
ဗိုလ်ကောင်း
၃၀ အောက်တိုဘာ ၂၀၁၇