တတိယတစ်ယောက်

.
. . . ထိုင်းဘုရင်မင်းမြတ် ဘူမိဘောအဒူလျာဒက် အပါအ၀င် ကိုယ်သံယောဇဉ်အရှိဆုံး ထိုင်းလူမျိုး သုံးယောက်ရှိတယ်။ ထိုင်းလူမျိုးတွေက မြန်မာတွေနဲ့ ရုပ်ရည်သွင်ပြင် တူတာရယ်၊ ထေရ၀ါဒ ဗုဒ္ဓဘာသာချင်း တူတာရယ်ကြောင့် ထိုင်းဆိုလိုက်ရင် ကိုယ့်သွေးသားရင်းချာလို့ပဲ အောက်မေ့မိတယ်။ နိုင်ငံရေး စစ်ရေးအရ သူတို့ညစ်လို့ ကိုယ့်မြန်မာတွေ ခံခဲ့ရတာတွေလည်း အရှိသားပေါ့။ အကြောင်းအပေါင်း မသင့်တဲ့အခါ သူတို့မကြိုက်တဲ့ ယိုးဒယားဆိုတဲ့ နာမည်ကို ခေါ်လေ့ရှိပေမယ့် ထိုင်းဘုရင်မင်းမြတ်ကိုတော့ ကိုယ်က ချစ်တယ်။ ကမ္ဘာ့သက်တမ်းအရှည်ဆုံး ဘုရင်လည်းဖြစ် ထိုင်းပြည်သူတွေရဲ့ အသည်းကျော်လည်းဖြစ်တဲ့ ဘုရင်ဘူမိဘောကတော့ မနှစ်က အောက်တိုဘာလမှာ နတ်ရွာစံလို့ တစ်နှစ်ကြာတဲ့ ဒီကနေ့မှာ မသာတော်အခမ်းအနားကျင်းပလေတယ်။ မီးသဂြိုလ်တာဆိုတော့ အန္တိမအဂ္ဂိလို့ခေါ်သလား သေချာတော့ နားမလည်ဘူး။ ထိုင်းဘုရင်အကြောင်းကို ငယ်ငယ်ကတည်းက ကြားဖူးနားဝရှိခဲ့တယ်။ ကိုယ်သိသလောက်တော့ ကိုယ်တို့ငယ်ငယ်က ကြီးပြင်းခဲ့တဲ့ ကျေးလက်မှာတောင် ထိုင်းဘုရင်ကို သိတယ်ဆိုရင် အကောင်းနဲ့ သိတာများတယ်။ လေးစားစရာကောင်းတဲ့ ဘုရင်တစ်ပါးအဖြစ် သိကြတာများတယ်။ ထိုင်းဘုရင့်သမီးတော် သီရိဒုံမင်းသမီး မြန်မာပြည် လာလာလည်တာလည်း ထိုင်း တော်ဝင်မိသားစုနဲ့ ပတ်သက်ပြီး မြန်မာတွေ အသိများတဲ့ အချက်တစ်ခုပဲလို့ ထင်တယ်။ ပြီးတော့ ထိုင်းဘုရင်မင်းမြတ်က မြန်မာပြည်မှာလည်း သာသနာရေးဆိုင်ရာ အလှူအတန်းတွေ လုပ်လေ့ရှိတာကိုး . . .
.
. . . ထိုင်းဘုရင်မင်းမြတ်အကြောင်း နည်းနည်း ပိုသိခွင့်ကြုံလာခဲ့တာက ထိုင်းရေးရာ ကျွမ်းကျင်သူ သြစတေးလျ အမျိုးသားတက္ကသိုလ်က ပါမောက္ခ ကီဗင်ဟီဝစ်ဆင်ရဲ့ အတန်း တက်တဲ့အခါမှာပဲ။ ဆရာဟီဝစ်ဆင်က ထိုင်းသူလေးကို ယူထားပေမယ့် ထိုင်းနိုင်ငံထဲ ၀င်ခွင့်မရတဲ့သူ၊ ထိုင်းတော်ဝင်မိသားစုနဲ့ ပတ်သက်ပြီး သူက သူသိတာတွေလျှောက်ရေး၊ ထိုင်းတော်ဝင်မိသားစုနဲ့ ပတ်သက်ပြီး နာမည်ပျက်အောင် ပြောရင်ရေးရင် ရာဇ၀တ်မှုအဖြစ် အရေးယူလို့ရတဲ့ lese majeste ဥပဒေဆိုတာ ရှိတော့ ဆရာက အဲသည်ဥပဒေနဲ့ ငြိစွန်းတာလား၊ ထိုင်းနိုင်ငံက သူ့ကို နာမည်ပျက်စာရင်းသွင်းထားလို့ဆိုလား ထိုင်းရေးရာကျွမ်းကျင်သူ ဆရာဟီဝစ်ဆင်က ထိုင်းနိုင်ငံထဲ သွားလို့မရရှာဘူးတဲ့။ ဒီခေတ်ဒီအခါကြီးမှာ အဲလို ဥပဒေမျိုးရှိနေတာကို သဘောမကျပါဘူး။ စိတ်ထားမြင့်မြတ်တဲ့ ဘုရင်မင်းမြတ်၊ ပြည်သူတွေ ဆင်းရဲတွင်းကလွတ်အောင် ကိုယ်တိုင် စိုက်ပျိုးရေး သုတေသနတွေလုပ် ကိုယ်တိုင်ပြည်သူတွေနဲ့အတူ အလုပ်လုပ် အားပေး၊ ကိုယ့်ပိုက်ဆံနဲ့ကို အဖွဲ့အစည်းတွေ ထူထောင်ပြီးတော့ ပြည်သူ့ရှေ့ဆောင်လုပ်နေတဲ့ ဘုရင်ကြီးက အဲသည်ဥပဒေကို လက်ခံရသလားပေါ့လေ၊ ကိုယ်လည်း သဘောမကျခဲ့ဘူး . . .
.
. . . ဆရာဟီဝစ်ဆင်နဲ့ ထိုင်းအကြောင်း သင်နေတုန်းက ၂၀၁၄ စစ်တပ်အာဏာမသိမ်းခင် ရှပ်နီတွေ ရှပ်ဝါတွေ ဘန်ကောက်လမ်းမတွေပေါ် ရုတ်ရုတ် ရုတ်ရုတ် လုပ်နေတုန်းအချိန်ပေါ့။ (ဒီနေ့ ဘုရင့်ဈာပန ကြည့်ရင်း ဘုရင့်ကို ၀ပ်တွားခယ နောက်ဆုံးအကြိမ်အဖြစ် ကန်တော့နေကြတဲ့ ထိုင်းပြည်သူတွေကို ၀တ်စုံနက်တွေကိုယ်စီနဲ့ မြင်လိုက်တော့ ရှပ်နီရှပ်ဝါပြဿနာကို သွားသတိရလိုက်သေးတယ်၊ အရင်တုန်းက ၀ရုန်းသုန်းကား ဘန်ကောက်လမ်းမကြီးတွေက အခုကျတော့လည်း ၀ပ်တွားခယလို့)၊ ကိုယ်ကတော့ စစ်သားမို့လို့လား မသိဘူး၊ အဲသည်တုန်းက ထိုင်းနိုင်ငံရေး အကျပ်အတည်းတွေကို ဖြေရှင်းဖို့ နည်းလမ်းတစ်ခုပဲ စဉ်းစားမိတယ်။ သက်ဆင်ကလည်း ကျေးလက်က ဆင်းရဲသားပြည်သူတွေကို ကူညီထောက်ပံ့ပြီး ကျေးလက်အများစုမဲနဲ့ တက်လာတဲ့ ၀န်ကြီးချုပ်၊ ဒီမိုကရေစီမဲနဲ့ဆိုလို့ကတော့ သက်ဆင်ပဲ နိုင်မှာ၊ အဲဒါကို သိတဲ့ ပြိုင်ဘက်အုပ်စုက သက်ဆင်ကို ဘုရင်နဲ့ လှည့်တိုက်ပါလေရောလား၊ သက်ဆင်က ဘုရင့်အာဏာကို စင်ပြိုင်ထောင်တဲ့သူပေါ့၊ အဲသည်အချိန်မှာ ဘုရင်မင်းမြတ်က ကျန်းမာရေး မကောင်းဖြစ်နေပြီဆိုတော့ နိုင်ငံရေးထဲလည်း ၀င်ထိန်းနိုင်တဲ့အခြေအနေ မရှိတော့ဘူး။ ဒီမိုကရေစီလည်း လက်မခံ၊ ဘုရင်မင်းမြတ်လည်း ၀င်မပါနိုင်တော့တဲ့ အခြေအနေ ထိုင်းနိုင်ငံရေးမှာ ၀င်ထိန်းပေးနိုင်မယ့်သူက ရှည်ရှည်ဝေးဝေး လိုက်ရှာနေစရာ မလိုတော့ဘူး။ အားကိုးစရာ စစ်တပ်ပဲ ရှိတော့တယ်။ သူတို့ စစ်တပ်က အာဏာသိမ်းလည်း ကျွမ်းတယ်။ ကျွမ်းဆို ခဏခဏ သိမ်းနေတာကိုး။ ထိုင်းရဲ့ လက်ရှိအကျပ်အတည်းအကြောင်းကို ဆွေးနွေးတိုင်း ကိုယ်ကတော့ အထက်ကပြောခဲ့တဲ့ အချက်တွေကို မူတည်ပြီး ထိုင်းစစ်တပ်က အာဏာသိမ်းမှသာ အခု အကျပ်အတည်းက ပြေလည်စရာရှိတယ်။ အခုတစ်ခေါက် စစ်တပ်က အာဏာသိမ်းရင်လည်း အရင်လို ရွေးကောက်ပွဲတွေ မကြာခင်လုပ်ပြီး အာဏာပြန်လွှဲပေးနိုင်ခြေ နည်းတယ်။ ဘာလို့လည်း ဆိုတော့ နိုင်ငံရေးကို ဘက်ညှိပေးနိုင်မယ့် ဘုရင်မင်းမြတ်က သက်တော်လည်း ကြီးလှပြီ၊ ဒီတောင်က ကျော်ဖို့ အလားအလာလည်း မရှိနိုင်တော့ဘူး၊ အဲသလို ကျွန်တော်က သုံးသပ်တဲ့အခါ အခန်းထဲက ဒီမိုခလေဇီ ကိုကိုမမများက သဘောကျဟန် မတူဘူး။ ကိုယ်ကပဲ လူမိုက်အားပေးလုပ်သလိုလို။ မကြာပါဘူး စစ်တပ်က အာဏာ ကောက်သိမ်းလိုက်ရော၊ ထိုင်းလည်း ပြဿနာတွေ တစ်ခန်းရပ်သွားတာပဲ၊ ၂၀၁၄ မေလက အာဏာသိမ်းတာဆိုတော့ ထိုင်းမှာ စစ်တပ်က အုပ်ချုပ်နေတာ သုံးနှစ်တောင် ကျော်သွားပေါ့။ အခြေခံဥပဒေ အသစ်လည်း ရေးပြီးပြီ ပြောတာပဲ၊ ဘုရင်မင်းမြတ်ဈာပန ပြီးရင်တော့ ရွေးကောက်ပွဲတွေဘာတွေ လာလောက်တယ် . . .
.
. . . ဘုရင့်အကြောင်းပြောရင်း လေနည်းနည်း ရှည်သွားလို့။ အဲသည် အထက်မှာ ပြောခဲ့တဲ့ ကိုယ်မကြိုက်တဲ့ ဥပဒေဆိုတာကို ဘုရင်မင်းမြတ်ကလည်း မကြိုက်ဘူး ဆိုတဲ့အကြောင်း နောက်ပိုင်းသိလာရတယ်။ ထိုင်းစစ်တပ်ရဲ့ နိုင်ငံရေးမှာပါပုံတွေကို လေ့လာတဲ့စာတမ်းကို ကိုယ်ကရေးရင်း သိလာရတာလေ။ ပြည်သူတွေဟာ ဘယ်သူ့ကိုမဆို သူတို့ စိတ်ထဲရှိသလို ဝေဖန်ပိုင်ခွင့် ရှိသင့်တယ်ဆိုတဲ့ သဘောမျိုး ဘုရင်က အင်တာဗျူးတစ်ခုမှာ ပြောဖူးသတဲ့။ နောက်ပြီး အဲသည် ဥပဒေကလည်း တော်ဝင်မိသားစုက သုံးတာကနည်းနည်း၊ ကိုယ်ကြည့်မရတဲ့သူကို အဲသည်ဥပဒေနဲ့ လျှောက်စွဲနေတာက များများဆိုတော့ ဘုရင်ကလည်း အဲသည်ဥပဒေကို မရှိစေချင်တော့ဘူးဆိုပဲ။ ဒါပေမယ့် ဘာလို့လဲ မသိဘူး၊ အဲသည်ဥပဒေက ခုထိ ရှိနေသေးတယ်။ ထိုင်းဘုရင်ကို ချစ်တယ်ဆိုတဲ့အထဲမှာ ဘုရင်မင်းမြတ်ရဲ့ ပြည်သူတွေအပေါ် စိတ်ဝင်တစား ကူညီပံ့ပိုးတာတွေ လုပ်နေတာရယ်၊ ကိုယ်ငယ်ငယ်က သဘောကျခဲ့တဲ့ ဓာတ်ပုံသမားဖြစ်တယ်ဆိုတာရယ်အပြင် နောက်တစ်ချက်က ကိုယ့်ရဲ့ အချစ်ဆုံး အစ်ကိုတစ်ယောက်နဲ့ ရုပ်ချင်းဆင်တာ (လို့ကိုယ်ထင်တာ) လည်းပါတယ်။ အစ်ကိုရင်းလည်းမရှိ၊ အမေ့ဘက် အမျိုးထဲမှာလည်း အစ်ကိုလို သူငယ်ချင်းလို ပေါင်းစရာ မရှိတဲ့ ကိုယ့်အတွက် ကိုယ်နဲ့ အတန်းလည်းတူ အသက်ချင်းလည်း မတိမ်းမယိမ်းဖြစ်တဲ့ အဖေ့ဘက်က အစ်ကို တစ်ဝမ်းကွဲ ကိုကိုဇော်ကို အချစ်ဆုံးပဲ။ အတန်းတူတယ်ဆိုပေမယ့် ကိုယ့်ထက် အသက်နည်းနည်းကြီးတာမို့ မောင်နှမတွေထဲက အငယ်တွေခေါ်သလို ကိုယ်ကလည်း ကိုကိုဇော်လို့ပဲခေါ်တယ်။ အဲသည် ကိုကိုဇော်က ထိုင်းဘုရင်ငယ်ငယ်တုန်းကလို ရုပ်မျိုး ခပ်ချောချောဗျ . . .
.
. . . ဒုတိယ သံယောဇဉ်အရှိဆုံး ထိုင်းလူမျိုးကတော့ ဘုရင့်အတိုင်ပင်ခံကောင်စီ ဥက္ကဌ ဖရမ် တင်ဆူလန်နိုဒါ ဆိုတဲ့ အဖိုးကြီးပဲ၊ ထိုင်းဘုရင်ထက် ရှစ်နှစ်တောင်ကြီးတဲ့ ဘကြီးဖရမ် အကြောင်းကတော့ ထိုင်းစစ်တပ်အကြောင်း လေ့လာရင်းနဲ့ သိခဲ့ရတာ။ ၀န်ကြီးချုပ်လည်း လုပ်ဖူးတယ်၊ စစ်ဦးစီးချုပ်လည်း လုပ်ဖူးတယ်၊ ဘုရင့်အတိုင်ပင်ခံကောင်စီမှာလည်း ဥက္ကအဖြစ် နှစ်ပေါင်းများစွာ လုပ်လာခဲ့တဲ့ အငြိမ်းစားဗိုလ်ချုပ်ကြီး ဘကြီးဖရမ်က မြန်မာ့တပ်မတော်နဲ့လည်း အတော်နီးနီးစပ်စပ် ဆက်ဆံရေးရှိတဲ့လူပဲ။ ဘူမိဘောဘုရင်မင်းမြတ် နတ်ရွာစံပြီး လက်ရှိဘုရင်သစ် ၀ဇီရာလောင်ကွန်း နန်းမတက်ခင် ကြားကာလမှာ နန်းတော်ထိန်းတာဝန်ယူခဲ့တဲ့ ဘကြီးဖရမ် ဟာ ဘုရင်သစ်လက်ထက်မှာလည်း အတိုင်ပင်ခံကောင်စီဥက္ကအဖြစ် ဆက်လက်ခန့်အပ်ခံထားရဆဲ ဖြစ်ပါတယ်။ နှစ်သစ်ကူးနဲ့ မွေးနေ့ အခါသမယတွေမှာ ထိုင်းနိုင်ငံရဲ့ နိုင်ငံရေးစီးပွားရေး အသိုင်းအ၀ိုင်းက တလေးတစား လာကန်တော့ခံနေရတဲ့ ဘကြီးဖရမ်ကို မြန်မာ့တပ်မတော် တပ်ချုပ်ကြီးကလည်း ထိုင်းသွားတိုင်း သွားတွေ့ ဂါရ၀ပြုလေ့ရှိသတဲ့။ တပ်ချုပ်ကြီးကို သားအဖြစ် မွေးစားထားတယ်လို့ စာနယ်ဇင်းတွေက ရေးကြတဲ့ ဗိုလ်ချုပ်ကြီးဖရမ်ဟာ အိမ်ထောင်မရှိတဲ့ လူပျိုကြီးပါတဲ့၊ ဘာလို့ လူပျိကြီးဖြစ်နေတာလဲလို့ မေးရင် သူက လူပျိကြီးမဟုတ်ပါဘူး စစ်တပ်နဲ့ အိမ်ထောင်ပြုထားတာပါလို့ ဖြေလေ့ရှိသတဲ့၊ တကယ့်ကို စစ်သားရင့်မာကြီးပေါ့။ အခု အသက် ၉၇ နှစ်ရှိပြီဖြစ်တဲ့ ဘကြီးဖရမ် အသက်ရာကျော်ရှည်ပါစေ၊ ဘုရင်သစ်လေးကို မြန်မာအပေါ် သဘောထားပျော့ပျောပျောင်းပျောင်း ထားနိုင်ဖို့ သွန်သင်ပေးနိုင်ပါစေလို့ ဆန္ဒပြုပါတယ်။ ဘကြီးဖရမ်ကို အပြင်မှာ တစ်ခါလောက်ဖြစ်ဖြစ် တွေ့ဆုံဂါရ၀ပြုခွင့် ရချင်ပါသေးတယ် . . .
.
. . . ကိုယ်သံယောဇဉ်အရှိဆုံး ထိုင်းလူမျိုး သုံးယောက်ထဲက တတိယ တစ်ယောက်ကတော့ . . .
.
ဗိုလ်ကောင်း
၂၆ အောက်တိုဘာ ၂၀၁၇