ဒါကတော့ ကျောင်းမှာသင်ဖူးတဲ့ ဝတ္ထုတိုတစ်ပုဒ်ပါ။ စာရေးဆရာက ဂျက်လန်ဒန်ထင်ပါရဲ့။ ထားပါတော့လေ။ ဝတ္ထုကြောင်းက ရေခဲမှတ်အောက်ရောက်အောင် အေးနေတဲ့ တောထဲတောင်ထဲ ရေခဲပြင်တွေထဲမှာ လျှောက်သွားနေတဲ့ လူတစ်ယောက် အနွေးဓာတ်ကလေးလိုချင်လို့ မီးဖိုဖို့ ကြိုးစားတဲ့အကြောင်းကို စာတစ်တန် ပေတစ်တန် ဖွဲ့ထားတဲ့ ဝတ္ထုပါ။ အင်မတန် ကောင်းတဲ့ အရေးအသားလို့ အဆိုရှိပါတယ်။ ဗိုလ်ကောင်းတို့လို မြန်မာပြည် အလယ်ပိုင်းမှာ နေတဲ့လူတစ်ယောက် ဒါမျိုးဒုက္ခတော့ ရောက်စရာအကြောင်း မရှိဘူးလို့ အရင်တုန်းက ထင်ခဲ့မိပါတယ်။ အခုတော့ အဲသည်အထင် မှားပြီဆိုတာ သိလိုက်ရပါပြီ။
ကိုယ့်မြေကိုယ့်ရေ မဟုတ်တဲ့နေရာမှာ ရက်ရှည်လများ နေတဲ့သူတွေ အစားအသောက် ဒုက္ခရောက်တတ်တာ အားလုံးအသိပဲ ဖြစ်ပါတယ်။ ဘယ်လောက်ကောင်းတယ်ပြောပြော ကိုယ့်ထမင်း ကိုယ့်ဟင်းလောက် အာမတွေ့ပါဘူး။ အချိန်အတိုင်းအတာတစ်ခုအထိ နေရအုံးမယ်ဆိုတော့ အစားအသောက် ချက်ပြုတ်စားသောက်ဖို့ စီစဉ်ရပါတယ်။ ကိုယ်ချက်မှ ကိုယ်စားချင်တာ စားရတဲ့ ဘဝကိုး။ ပိုက်ဆံရှိလို့လည်း ဝယ်စားလို့မရ။ မှာစားလို့လဲ မရ။ ကဲ ကိုယ်စားချင်တာလေးတွေ အခါအားလျော်စွာ ကိုယ့်ဘာသာ ချက်စားတော့မယ်လို့ ဆုံးဖြတ်ပြီး သကာလ ပထမဆုံး ဖြစ်နိုင်ခြေရှိမရှိ စူးစမ်းလေ့လာရပါတယ်။ အသီးအရွက် ရှိတယ် ပေါတယ်။ ကောင်းပြီ၊ အသားငါး ကြက်ဥ ရှိတယ် ပေါတယ် ကောင်းပြီ။ ငရုတ် ကြက်သွန် ဆီ ဆား ဟင်းချိုမှုန့် အားလုံးရှိတယ် ဝယ်လို့ရတယ်။ ငါးပိကလွဲရင် အားလုံးရမယ်။ တစ်ခုပဲ လိုတယ်။ ဟင်းချက်ဖို့အိုး။ ကျန်တာအားလုံး အဆင်ပြေပါလျက်ကယ်နဲ့ ဟင်းချက်ဖို့ အိုးကျခါမှ ခက်နေတယ်ဗျာ။ တစ်မြို့လုံးမှာ လျှပ်စစ်နဲ့ ချက်တဲ့ အိုး မရှိပါတဲ့ဗျာ။ သူတို့က သုံးလည်း မသုံးပါတဲ့ဗျာ။ သူတို့က ဓာတ်ငွေ့မီးဖိုပဲ သုံးတာပါတဲ့။ လျှပ်စစ်မီးဖို လျှပ်စစ်ဟင်းချက်အိုးကို မသုံးပါဘူးတဲ့ဗျာ။ အင်မတန် ခင်မင်နေတဲ့ ဝယ်နေကျဆိုင်ကတောင်မှ သူတို့လည်း မှာပေးချင်ပါတယ်တဲ့ ဒါပေမယ့် ဘယ်မှာ မှာရမှန်းမသိပါဘူးတဲ့။ ကြုံကြုံဖူးပေါင်ဗျာ လျှပ်စစ်မီးဖို မသုံးကြဘူးရယ်လို့။ အဆောင်နေ ကျောင်းသားဆိုတော့လည်း မီးခိုးတွေ တလူလူနဲ့ ဟင်းချက်နေလို့ကလည်း မဖြစ်ပြန်။ မီးမွှေးပြီးချက်မယ်ဆိုရင်တောင်မှ ဘယ်မှာလဲ ထင်း။ တောထဲကို တစ်ပတ်တစ်ခါ ထင်းခွေထွက်ရမလို ဖြစ်နေပြီ။ ပြီးတော့ သူတို့က မီးသွေးလည်း သုံးတာမဟုတ်။ ဘယ်လိုများ လုပ်ရပါ့။ ဂျက်လန်ဒန် ဝတ္ထုထဲမှာတော့ အဲသည်ဇာတ်လိုက်ဟာ မီးဖိုဖို့ ကြိုးစားရင်းနဲ့ အအေးလွန်ပြီး သေသွားရှာတယ်။ ဗိုလ်ကောင်းကတော့ မီးဖိုဖို့အတွက် အားမလျှော့တမ်း ကြိုးပမ်းနေတုန်း။ (27-2-2013)
No comments:
Post a Comment