ဂီတဖျော်ဖြေပွဲ

    ကျောင်းကို အရာရှိကြီးတစ်ယောက် တပ်စစ်လာပါတယ်။ အရာရှိကြီး လာမယ်ဆိုတော့ ထုံးစံအတိုင်း အလံတွေလွှင့် သန့်ရှင်းရေးတွေလုပ် စာရွက်စာတမ်းတွေ ပြင်ဆင်၊ ဌာနတွေမှာလည်း ကျောင်းသားအချက်အလက်တွေ သင်ခန်းစာဆိုင်ရာ အချက်အလက်တွေ ပြဌာန်းစာအုပ်တွေ လက်ရှိသင်နေတဲ့ သင်ခန်းစာတွေ ခင်းကျင်းပြသ၊ သက်ဆိုင်ရာ စာရင်းဇယားတွေ ပြင်ကြဆင်ကြပေါ့။ နည်းနည်းတော့ အလုပ်များကြတယ်။ အရာရှိကြီးရောက်လာတော့ ဌာနတွေ စာသင်ခန်းတွေ ကို ပတ်ကြည့်တယ်။ ကျောင်းသားတွေနဲ့ စကားစမြည်နည်းနည်းပါးပါး ပြောတယ်။ အရာရှိကြီး ဆိုတော့ သူ့နောက်မှာ ဦးစီးအရာရှိတွေလည်း ပါတာပေါ့။ ဦးစီးအရာရှိ ဗိုလ်မှူးမမ တစ်ယောက်တောင် ပါသေးသဗျ။
    ကျွန်တော်တို့ ကျောင်းမှာ တေးဂီတတပ်ခွဲတစ်ခွဲရှိတယ်။ တစ်နိုင်ငံလုံးက သင်တန်းသားတွေနဲ့ မိတ်ဆွေနိုင်ငံတွေက သင်တန်းသားတွေကို တေးဂီတတွေ သင်ကြားပို့ချပေးတဲ့ တပ်ခွဲပေါ့။ တေးဂီတဆိုင်ရာ ညွန်ကြားရေးမှူးက ဗိုလ်ကြီးပဲ ရှိသေးတယ်။ ညမှာ အဲသည် တပ်ခွဲက တေးဂီတ ဖျော်ဖြေပွဲ လုပ်ပါတယ်။ သီချင်း ခြောက်ပုဒ် မှာ ဂီတအမျိုးအစားကို စုံလင်အောင် ထည့်သွင်း စီစဉ်ထားပါတယ်။ တေးဂီတ ဖျော်ဖြေပွဲဆိုလို့ သာမန် တီးကြမှုတ်ကြ သဘောမျိုး မဟုတ်ပါဘူး။ လူငါးဆယ်လောက်ပါတဲ့ သြခတ်စတြာ တီးဝိုင်းကို ဂီတပညာရှင် တစ်ယောက်စီက သီချင်းတစ်ပုဒ်စီနဲ့ ကြီးကြပ် တီးမှုတ်ကြတာ ဖြစ်ပါတယ်။ ဗိုလ်ကောင်း အကြိုက်ဆုံးကတော့ တုတ်ကလေး တစ်ချောင်းကိုင်ပြီး ရှေ့ကနေ ကြီးကြပ်တဲ့သူရဲ့ ဟန်ပန် ဖြစ်ပါတယ်။ တီးဝိုင်းကြီးတစ်ခုလုံးကို တစ်ယောက်တည်း တီးခတ်နေဘိသည့်အလား ဟန်နဲ့ ပန်နဲ့ ကြီးကြပ်နေတဲ့ပုံက တကယ်ကို ကည့်ကောင်းပါတယ်။
    တီးဝိုင်းကြီး တစ်ခုလုံးကလည်း သူကတဲ့ ကကြိုးအတိုင်း အသံတွေ နိမ့်သွားလိုက် မြင့်လာလိုက် တစ်ချို့နေရာတွေမှာ လေမှုတ်တူရိယာသံတွေချည်း ထွက်လာလိုက်၊ တစ်ခါတစ်ခါ ဗုံတစ်လုံးတည်းကို စည်းချက်ကျကျ ထုနှက်တဲ့အသံ ထွက်လာလိုက်၊ ပလွေသံလေးတွေက အောက်သံထွက်နေချိန်မှာပဲ လေမှုတ်ခရာကြီးတွေက အထက်သံနဲ့ သံစဉ်နှစ်ခုကို ပေါင်းစပ်ထားတာမျိုးတွေ လုပ်လိုက်၊ ရိုးရာဂီတသံကို ရိုးရာတူရိယာတစ်လှည့် ခေတ်ပေါ်တူရိယာတစ်လှည့် တီးလိုက် နှစ်ခုပေါင်းပြီး တီးလိုက်၊ ကြေးပတ္တလားလေးက ထွက်တဲ့ အသံစီစီလေးကို လေမှုတ်တူရိယာကြီးတွေကထွက်တဲ့ အသံသြသြကြီးတွေနဲ့ ပေါင်းပြီး သံစဉ်တွေ ဖန်ဆင်းလိုက်၊ လေအိတ်ပလွေကို ရိုးရာဝတ်စုံနီကြီးတွေနဲ့ စစ်သည်တွေက ဟန်ကျပန်ကျ လျှောက်လှမ်းရင်း ဝင်လာလိုက် ထွက်သွားလိုက် စသည်ဖြင့် သီချင်းတစ်ပုဒ်နဲ့ တစ်ပုဒ်ကို မရှိုးနိုင်အောင် တီးခတ်ကြပါတယ်။

    ပထမဆုံးသီချင်းက တေးဂီတဆိုင်ရာ ညွန်ကြားရေးမှူး ဗိုလ်ကြီး ရေးဖွဲ့ထားတဲ့ မြောက်ပိုင်းကကြယ်တစ်ပွင့် ဆိုတဲ့ စစ်ချီသီချင်း ဖြစ်ပါတယ်။ မြူးမြူးကြွကြွနဲ့ စစ်သွေးစစ်မာန် တက်ကြွစေတဲ့ သီချင်းတစ်ပုဒ် ဖြစ်ပါတယ်။ ဒုတိယ သီချင်းက ကြေးပတ္တလားလေးကို အသားပေး တီးခတ်သွားတဲ့ မီးပွားလေးတစ်ပွင့် ဆိုတဲ့ သီချင်း ဖြစ်ပါတယ်။ ဗိုလ်ကောင်းတို့ ဗိုလ်လောင်းတုန်းက စာပေသင်တန်းသွားရင် လေချွန်ရတဲ့ သီချင်းကို ရေးဖွဲ့ခဲ့တဲ့ ဂီတစာဆိုပဲ ရေးဖွဲ့ခဲ့တာပါ။ တတိယသီချင်းက လေအိတ်ပုလွေနဲ့ တီးမှုတ်ထားတဲ့ အံ့ဖွယ်ကျက်သရေ အမည်ရှိ ခရစ်ယန် ဓမ္မတေးတစ်ပုဒ် ဖြစ်ပါတယ်။ ရေးဖွဲ့ခဲ့တဲ့သူက ပင်လယ်ကူးသင်္ဘော မာလိန်မှူး ဘဝကနေ ခရစ်ယန် ဘုန်းကြီး ဖြစ်လာခဲ့တဲ့သူတစ်ယောက်ပါ။ စတုတ္ထသီချင်းက လေမှုတ်တူရိယာ အသားပေး ဂျက်ဇ်ဂီတ သံစဉ် တစ်ခု ဖြစ်ပါတယ်။ သံစဉ်ဖွဲ့သီတဲ့ ဂီတပညာရှင်ကိုယ်တိုင် ဆက်ဆိုဖုန်းမှုတ်ပြီး တီးဝိုင်းနဲ့ တွဲဖက် ဖျော်ဖြေခဲ့ပါတယ်။ နောက်တစ်ပုဒ်ကတော့ ရိုးရာဂီတ တူရိယာကို လည်း ရိုးရာမပျက် တီး ခေတ်ပေါ်ဂီတတူရိယာတွေကိုလည်း ရိုးရာသံစဉ်နဲ့ တစ်လှည့်စီ တီးခတ်တဲ့ သီချင်းတစ်ပုဒ် ဖြစ်ပါတယ်။ နောက်ဆုံးတစ်ပုဒ်ကတော့ အတီးအမှုတ်တင်မကပဲ အဆိုပါ ပါပါတယ်။ ကမ္ဘာပေါ်မှာရှိတဲ့ ရေးသားထားသမျှ အခြေခံ ဥပဒေတွေထဲမှာ အရှည်ဆုံးအခြေခံဥပဒေဆိုပြီး ဂုဏ်ယူကြတဲ့ အခြေခံဥပဒေကို ဂုဏ်ပြု သီဆိုထားတာပါ။ သူတို့ အခြေခံ ဥပဒေဟာ ၁၉၅၀ ဇန်နဝါရီလ ၂၆ ရက်နေ့မှာ စတင် အာဏာသက်ရောက်တာမို့ အဲသည်နေ့ကို အမျိုးသားနေ့အဖြစ် နှစ်စဉ်နှစ်တိုင်း ကျင်းပကြတာလည်း ရှိပါတယ်။
    စုစုပေါင်း သီချင်းခြောက်ပုဒ်ကို နားဆင်ပြီးတဲ့အခါမှာ မဆုံးနိုင်တဲ့ အတွေးတွေလည်း ရခဲ့ပါတယ်။ (21-2-2013)