.
အလွန်ရိုးရှင်းတိတ်ဆိတ်တဲ့ အခမ်းအနားဖြစ်ပါတယ်။ အင်ပါယာနန်းတော် ခန်းမဆောင်မှာ ကျင်းပတဲ့ ထီးနန်းဆက်ခံပွဲကို တော်ဝင်အနွယ် အရွယ်ရောက်ပြီး ယောက်ျားသားများသာ တက်ရောက်ခွင့်ရှိပြီး ကလေးများနဲ့ မိန်းမများ တက်ခွင့်မရှိပါဘူး။ ညီတော် အိမ်ရှေ့မင်းသား တက်ရောက်ပေမယ့် သူ့နောက်မှာ ထီးနန်းဆက်ခံခွင့်ရှိတဲ့ တူတော်မင်းသားလေးက အခုမှ ကလေးပဲရှိသေးလို့ အခမ်းအနား မတက်ရပါ။ ရှင်ဇိုအာဘေး အစိုးရအဖွဲ့ဝင်အဖြစ်တက်ရောက်တဲ့ အမျိုးသမီးရေးရာဝန်ကြီးသာ တစ်ဦးတည်းသော တက်ရောက်ခွင့်ရတဲ့ မိန်းမဖြစ်ပါတယ်။
အစိုးရအဖွဲ့ အသင့်စောင့်နေတဲ့ ခန်းမထဲ ဧကရာဇ်မင်းမြတ် ၀င်လာပြီး စင်မြင့်မှာနေရာယူတယ်။ နန်းတော်အမှုထမ်းတွေက မင်းမြောက်တန်ဆာတွေ ယူလာတယ်။ ဧကရာဇ်မင်းကို အပ်နှင်းတယ်၊ ဒါပါပဲ။ အင်မတန် ရိုးရှင်းတိတ်ဆိတ်တဲ့ ဘိသိတ်ခံပွဲပါ။
နောက်နာရီဝက်လောက်နေမှ ဧကရာဇ်အသစ်က မိန့်ခွန်းပြောတဲ့အခမ်းအနားလုပ်ပါတယ်။ အဲသည်ကျမှ တော်ဝင်မိသားစုတွေ မိန်းမတွေနဲ့ တခြား ဧည့်သည်တော်တွေ ခန်းမထဲမှာ ၀င်ခွင့်ရပါတယ်။
ဒီနေရာမှာကြည့်နိုင်ပါတယ်
No comments:
Post a Comment