အမှောင်ထဲမှာပဲနေချင်တယ်
စမ်းတဝါးဝါးလျှောက်ရင်း
တစ်ချိန်ချိန်တော့ရောက်မှာပဲဆိုတဲ့
မျှော်လင့်ချက်ကိုမီးအိမ်လုပ်ပြီး
ယုံကြည်တဲ့ခြေလှမ်းတွေနဲ့
မမြင်မစမ်းလို့ပဲဆိုစေအုံးတော့
ပျော်ပျော်ရွှင်ရွှင်နဲ့
လျှောက်နေချင်တယ်
ဘွားကနဲပေါ်လာတဲ့အလင်းရောင်
ခဏတာမျက်စိကျိန်းပြီး
ပြန်ဖွင့်ကြည့်လို့
ဘေးဘီဝဲယာကြည့်ခါမှ
လမ်းမှားရောက်နေတာသိရသလိုမျိုးတော့
အလင်းလာမပြကြပါနဲ့
အမှောင်ထဲမှာပဲ
ပျော်ပျော်ရွှင်ရွှင်
ဆက်လျှောက်နေပါရစေ
ထပ်ပြောပါမယ်
ချောက်ထဲကျခါမှကျရော
အမှောင်ထဲမှာပဲ
ပျော်ပျော်ရွှင်ရွှင်ဆက်လျှောက်နေပါရစေ
လမ်းအပျောက်မှာ
ဆက်လျှောက်သူ
No comments:
Post a Comment