အခု သာသနာရေးက လုပ်တဲ့ ကြည်ညိုဖွယ်အဆင်းမဆောင်တဲ့ ဆင်းတုတော်တွေကို ဖယ်ရှားသလို ရှေးဟောင်းဘုရားဆင်းတုတော်များ အသရေပျက်စီးစေတဲ့ ရွှေသင်္ကန်းကပ်ကြတဲ့ ကိစ္စကိုလည်း အစိုးရမင်းများ အာဏာစက်နဲ့ တစ်ခါတည်း တားမြစ်လိုက်စေချင်တာပါပဲ
.
. . . ဆင်းတုတော်တွေ ရွှေသင်္ကန်းကပ်တဲ့ကိစ္စ၊ ဖောင်တော်ဦးဘုရားများ ရွှေတွေနဲ့ ဖို့ထားလိုက်တာ ရုပ်တောင်မပေါ်တော့ဘူးမဟုတ်လား၊ ဘယ်လို သဒ္ဓါတရားကြောင့်ပဲဆိုဆို ဒါမျိုးဟာ လွဲမှားတဲ့ သဒ္ဓါပဲ၊ နောက်တစ်နည်းနဲ့ကြည့်ရင် ရှေးဟောင်းပစ္စည်းကို ဖျက်ဆီးခြင်းတစ်မျိုးပဲ၊ မဟာမုနိကိုယ်တော်ကြီး မျက်နာတော်ရွှေသင်္ကန်းကပ်ခွင့်မပေးတာပဲ ကျေးဇူးတင်ရသေးတာပ၊ လုပ်ပါ သုံးစမ်းပါ၊ ဘုရားမှာ ရွှေဆိုင်းတွေ ကပ်နေတာထက်စာရင် ဒီဘုရားကြီးအတွက် တခြားသုံးစရာတွေ အများကြီးပါ၊ ဘုရားဖူးတွေ ချမ်းချမ်းသာသာ ဘုရားဖူးရအောင် လုပ်ရမယ့်ကိစ္စတွေ အများကြီးမှ အများကြီး သူများနိုင်ငံတွေမှာ ဘယ်လိုတွေ စီမံခန့်ခွဲနေသလဲလေ့လာစမ်းပါ၊ တို့နိုင်ငံက ဘုရားတော်တော်များများ ကိုယ်ရောက်ဖူးသလောက်မှာ ဘုရားတွေက တောရွာက အင်မတန်ကပ်စေးနဲပြီး ပိုက်ဆံစုနေတဲ့ သဌေးတွေလိုပဲ၊ ပိုက်ဆံတွေတော့ ချမ်းသာပါရဲ့၊ ပြောင်ပြောင်ရောင်ရောင်မရှိ၊ လာဖူးတဲ့သူတွေအတွက်လည်း ချမ်းချမ်းသာသာ ဖူးလို့ရအောင် စီစဉ်ပေးတာမရှိ၊ ရသမျှအလှူငွေတွေ ဘဏ်ထဲထည့်သိမ်းပြီး ထမင်းကြမ်းခဲစားနေတဲ့ တောကသဌေးကပ်စေးနဲလို့ဘုရားတွေမှ အများကြီး၊ ဘာကြောင့်များ ပြောင်ပြောင်ရောင်ရောင်ဖြစ်အောင် မလုပ်ကြလဲ စဉ်းစားမတတ်ဘူးရယ်.
.
ဗိုလ်ကောင်း
၁၁ ဇူလိုင် ၂၀၂၀
.
ပုံစာ။ ၂၀၁၉ အောက်တိုဘာ ၅ ရက်နေ့က ဒေါ်အောင်ဆန်းစုကြည် ဖောင်တော်ဦးဘုရားဆင်းတုတော်ကို ရွှေသင်္ကန်းကပ်နေတဲ့ပုံ
No comments:
Post a Comment