အီလစ်

.
. . . ဘီဘီစီ ဗွီအိုအေက သတင်းထောက် ဦးသန်းလွင်ထွန်း တင်ထားတဲ့ ပိုစ့်တစ်ခုမှာ အီလစ်တွေအကြောင်းပြောတာနဲ့ ပတ်သက်ပြီး နည်းနည်းပြောချင်လာလို့ ဒီစာကိုရေးပါတယ်။
.
. . . အီလစ်ဆိုတဲ့ စကားလုံးကို စကြားဖူးတာက အောင်ထွဋ်လို့ အများက သိကြတဲ့ ဆရာနေ၀င်းမောင် ရဲ့ ခေါင်းကြီးပိုင်းတွေ ဆောင်းပါးတွေကနေ သိခဲ့ရတာပါ။ ဆရာနေ၀င်းမောင်က နိုင်ငံတော် တည်ဆောက်ရေးမှာ အီလစ်တွေရဲ့ အခန်းကဏ္ဍ အရေးကြီးပုံကို တော်တော်လေး ပြောသွားခဲ့တာလို့ မှတ်မိနေပါတယ်။ .
.
. . . ဦးသန်းလွင်ထွန်းရဲ့စာမှာ အီလစ်ကို အခုလို အဓိပ္ပာယ်ဖွင့်ပြထားပါတယ်

Elitism ဆိုတာဟာ လူတန်းစားတခုက သူတို့ဟာ ပိုသိ ပိုတတ်လို့ (ဒါမှမဟုတ် ပိုအနစ်အနာခံခဲ့လို့) ထိုက်ထိုက်တန်တန် အားလုံးရဲ့အထက်မှာရောက်နေရတာဖြစ်တယ်ဆိုတဲ့အယူအဆဘဲ .. ရေပေါ်ဆီတွေပေါ့ ..
.
. . . လွှတ်တော်မှာ ပင်နီဝတ်တွေကို စစ်ယူနီဖောင်းဝတ်တွေက အစက နည်းနည်းလေးစားသလို ရှိပေမယ့် အခုတော့(လုံးဝ) အထင်မကြီးတော့တာ တွေ့ရပါတယ်ဆိုပြီး အစချီထားပေမယ့် နောက်ဆုံးမှာတော့ စစ်သားတွေက ကိုယ်စစ်သားမို့လို့ အသားလွတ် မာန်တက်ပြီး ပင်နီဝတ်တွေကို အထင်မကြီးတာဖြစ်သယောင် သုံးသပ်ထားတာ တွေ့ပါတယ်။ အဲဒီသုံးသပ်ချက်က လက်တွေ့အခြေအနေနဲ့ အတော်ကို ကွဲလွဲပါတယ်။
.
. . . စစ်ယူနီဖောင်းဝတ်တွေက အီလစ်ဖြစ်တယ်ဆိုတဲ့ အယူအဆ အရာရှိငယ်တွေကြား ပြန်လွှမ်းမိုးလာတဲ့ အဓိက အကြောင်းရင်းက လက်ရှိအာဏာရပါတီရဲ့ ၀ရုန်းသုန်းကားစီမံခန့်ခွဲမှုတွေကို နှစ်နှစ်ကျော်ကြာ မြင်ကြားသိနေရတာက လာတာပါလို့ ပြောချင်ပါတယ်။
.
. . . အာဏာရပါတီကို ကြိုက်ခြင်းမကြိုက်ခြင်းက တစ်ကဏ္ဍထားလို့ ရွေးကောက်ပွဲနိုင်ပြီး တက်လာတဲ့အချိန်မှာ ကောင်းတဲ့အပြောင်းအလဲတွေတော့ မြင်ရကောင်းရဲ့ ဆိုတဲ့ မျှော်လင့်ချက်နဲ့ တပ်မတော်သားတော်တော်များများက အကောင်းမြင်ပေးခဲ့ကြပါတယ်။ တက်လာတဲ့အစိုးရ ငါ့အစိုးရဆိုပြီး လေးစားပေးခဲ့ပါတယ်။ လွှတ်တော်ထဲက တပ်မတော်သားတွေလည်း ဒီလိုပဲ နေမှာပါပဲ။ ပြည်သူက ရွေးကောက်တင်မြှောက်ပေးလိုက်တယ်ဆိုတဲ့ ဂုဏ်ဒြပ်ကို အသိအမှတ်ပြု လေးစားခဲ့ကြမှာပါပဲ။ အမျိုးသားရေးကို ဦးစားပေး နိုင်ငံ့အကျိုးစီးပွားကို ဦးစားပေးစဉ်းစားတတ်အောင် စနစ်တကျ လေ့ကျင့်သင်ကြားပေးခြင်းခံလာရတဲ့တပ်မတော်လို အင်စတီကျူးရှင်းကြီးရယ် ခေတ်သစ်လစ်ဘရယ်ဝါဒကို အတင်းကာရော ရှေ့တန်းတင်ပြီး အမျိုးသားအကျိုးစီးပွားကို နောက်တန်းပို့ထားချင်တဲ့ အာဏာရပါတီရယ်ဟာ သဘောတရားရေးရာအရ ပြဒါးတစ်လမ်းသံတစ်လမ်းပါ။ အဲဒီလို ပြဒါးတစ်လမ်း သံတစ်လမ်း ဖြစ်တဲ့ တပ်မတော်အင်စတီကျူးရှင်းဝင်အများစုက လေးစားအသိအမှတ်ပြုမှုတွေ တစ်ဖြည်းဖြည်းလျော့လာတာ လုံးဝကို အထင်မကြီး မလေးစားတော့တာကို ထားလိုက်ပါအုံး။ တစ်ချိန်တုန်းက အတူတူလက်တွဲပြီး စစ်အာဏာရှင်ကို တော်လှန်ခဲ့ကြပါတယ်ဆိုတဲ့၊ ဒီမိုကရေစီပန်းတိုင်ကို အတူတူ ချီတက်ခဲ့ကြပါတယ်ဆိုတဲ့ သူတွေကတောင် အခုအချိန်မှာ (တစ်ချိန်တုန်းက သူတို့ရဲ့ ရဲဘော်ရဲဘက်) အာဏာရပါတီနဲ့ ပတ်သက်ရင် ဘယ်လိုသဘောထားတွေ ရှိနေပြီလဲဆိုတာ သတင်းသမားဖြစ်တဲ့ ဦးသန်းလွင်ထွန်းက ပိုသိပါတယ်။ ဒီအခြေအနေတွေကို မျက်ကွယ်ပြုပြီး စစ်တပ်က အလကားနေရင်း မာန်တက်ပြီး နေရာယူချင်နေတာထင်ရင်တော့ မျှတတဲ့ သုံးသပ်ချက် မဖြစ်နိုင်ပါဘူး။
.
{https://www.facebook.com/photo.php?fbid=667127283650550&set=a.110405775989373.1073741828.100010598527758&type=3&theater}
.
. . . နိုင်ငံနဲ့ပတ်သက်ပြီး ဘာတာဝန်မှ ကြီးကြီးမားမား မယူထားဘဲ ကိုယ့်တပ်ကအလုပ်ကိုတောင် အလျဉ်မီအောင် မနည်းရုန်းကန်နေကြရတဲ့ တပ်မတော်သား အရာရှိငယ်တွေ အပါအ၀င် အခြားသော တပ်မတော်သားအများ လိုချင်တာက ကိုယ့်နိုင်ငံအကျိုးစီးပွားနဲ့ အမျိုးသားရေးကို ရှေ့တန်းတင်ပြီး စွမ်းစွမ်းတမံ လုပ်ပြနိုင်တဲံ အစိုးရဖြစ်ပါတယ်။ တက်လာသမျှ အစိုးရတွေ သောက်သုံးမကျလို့ပဲဖြစ်ဖြစ် နိုင်ငံ့အကျိုးစီးပွား မျက်ကွယ်ပြုပြီး အမေကျော်ဒွေးဒေါ်လွမ်းပြနေလို့ပဲဖြစ်ဖြစ်၊ စာမတတ်ပေမတတ် ငမိုက်သားတွေ အစိုးရထဲများနေတာကို မြင်ရလို့ပဲဖြစ်ဖြစ် အထင်အမြင်သေးနေသမျှ ကာလပတ်လုံး ငါတို့တပ်မတော်က ၀င်မလုပ်ရင်မဖြစ်သေးပါဘူးလေဆိုတဲ့ အတွေးမျိုးကို ပိုပိုပြီးသာ တွေးစေမှာဖြစ်ပါတယ်။
.
. . . တပ်မတော်နဲ့ နိုင်ငံရေးပါတီဆိုတာ နှိုင်းယှဉ်ပြစရာ မဟုတ်ပေမယ့် တပ်မတော်အပါအ၀င် နိုင်ငံတစ်ခုလုံးကို စီမံခန့်ခွဲရမယ့် နိုင်ငံရေးပါတီတွေ နိုင်ငံရေးသမားတွေကို ကိုယ့်ထက်ပိုတတ် ပိုတော် ပိုစမတ်ကျပြီး ပိုအလုပ်လုပ်နိုင်တာကိုသာ တပ်မတော်သားတွေက လိုလားတာပါ။ သုံးယောက်ပေါင်းလို့ လေးတန်းမအောင်တဲ့ တပ်မတော်ဘ၀ကနေ နယ်ပယ်အသီးသီးမှာ ပညာရှင်တွေ အတွေ့အကြုံရင့်ကျက်သူတွေ အများကြီး ပြုစုပျိုးထောင်မွေးမြူထားပြီးဖြစ်တဲ့ ဆက်လက်ပြီးလည်း ပြုစုပျိုးထောင်နေပြီး ပညာတတ်မျိုးဆက်တွေ လက်ဆင့်ကမ်းနေတဲ့ တပ်မတော်က အတန်းပညာနတ္တိ၊ အတွေ့အကြုံမရှိ၊ ဆင်ခြင်တွေးခေါ်မှုချို့တဲ့ပြီး ပါတီခေါင်းဆောင်ပုံရိပ်နဲ့ လွှတ်တော်ထဲ အခန့်သားလာထိုင်နေသူကို ဘယ်လိုနည်းနဲ့ လေးစားနိုင်ပါ့မလဲ ခင်ဗျာ။
.
. . . ချုပ်ပြီးပြောရရင် လွှတ်တော်ထဲက ပင်နီဝတ်တွေကို ယူနီဖောင်းဝတ်တပ်မတော်သားတွေ လုံးဝ အထင်မကြီးတော့တာသာ မှန်တယ်ဆိုရင် အဲဒါဟာ ဦးသန်းလွင်ထွန်းသုံးသပ်သလို ငါတို့က စစ်သားမို့ပိုလုပ်နိုင်တယ်လို့ အရင်တွေးလို့ မဟုတ်ပါဘူး။ နိုင်ငံကို တာဝန်ယူနေတဲ့အစိုးရနဲ့ အာဏာရပါတီထဲက လူတွေရဲ့ ၀ရုန်းသုန်းကား အရူးချီးပန်း စီမံခန့်ခွဲမှုတွေတွေနဲ့ ပေါက်လွှတ်ပဲစား လူပြိန်းကြိုက်စကားလုံးတွေပိပြီး နိုင်ငံအကျိုးစီးပွားကို နောက်တန်းပို့ထားတဲ့ မူဝါဒတွေကြောင့်သာဖြစ်ကြောင်း ပြောပါရစေ
.
ဗိုလ်ကောင်း
၁၆ ဇူလိုင် ၂၀၁၈
.
စာကြွင်း ။ စိတ်ကြီးဝင်နေတယ်ဆိုတဲ့ တပ်မတော်သားတွေ အသာထားလို့ ဦးလေးရော အဲသည် ခပ်တုံးတုံးအမတ်တွေကို အထင်ကြီးလို့လား
.
ဦးသန်းလွင်ထွန်းရဲ့ ပိုစ့်ကို အောက်မှာ ဖတ်နိုင်ပါတယ် https://www.facebook.com/photo.php?fbid=10157498915175410&set=a.10150513263115410.464146.827665409&type=3&theater
.
တင်ထားတဲ့ပုံက ဦးသန်းလွင်ထွန်းပိုစ့်အောက်မှာ ဦးရော်နီငြိမ်း ပေးထားတဲ့ မှတ်ချက်ဖြစ်ပါတယ်