. . . မြန်မာ့တပ်မတော်ရဲ့ လေကြောင်းစွမ်းအားကို ကန့်သတ်နိုင်ဖို့ မြန်မာနိုင်ငံထဲမှာ No Fly Zone သတ်မှတ်ဖို့ တောင်းဆိုနေကြတာတွေရှိတယ်။ တောင်းဆိုနေကြတာတော့ အရင်ကတည်းကပေမယ့် အခုနောက်ပိုင်း ပိုပြီးအသံကျယ်လာတာပေါ့
.
. . . ဒါပေမယ့် လူတော်တော်များများ သိပ်သတိမပြုမိတဲ့အချက်က ဘာလဲဆိုတော့ No Fly Zone ဆိုတာ သတ်မှတ်ပြီးရင် လိုက်နာအောင်လုပ်ဖို့လိုတယ်ဆိုတာပါပဲ၊ ဆိုပါတော့ မြန်မာ့တပ်မတော်လေယာဉ်တွေ ဘယ်နေရာ မပျံသန်းရဆိုပြီး ကုလသမဂ္ဂလုံခြုံရေးကောင်စီက သတ်မှတ်လိုက်ပြီ ဆိုပါတော့၊ မြန်မာ့တပ်မတော်က အလွယ်တကူ လိုက်နာပါ့မလား၊ လိုက်နာအောင်ရော ဘယ်သူတွေက ကြပ်မတ်မှာလဲ၊ ကြပ်မတ်တယ်ဆိုတာ ထိုင်ကြည့်နေရုံနဲ့ မရဘူး၊ တိုက်လေယာဉ်တွေ၊ ကင်းထောက်လေယာဉ်တွေ ရေဒါတွေနဲ့ စောင့်ကြည့်တာ ဖိအားပေးတာ စတာတွေလုပ်ဖို့လိုတယ်
.
. . . ပိုင်နက်နယ်မြေ ကျူးကျော်တာကို လက်မခံတဲ့ မြန်မာ့တပ်မတော်က မြန်မာ့အချုပ်အခြာ ပိုက်နက်ထဲဝင်လာတဲ့ ပြည်ပလေယာဉ်တွေကို ပစ်ချလိုက်လို့ပဲဖြစ်ဖြစ်၊ မြန်မာ့တပ်မတော်ရဲ့ စစ်လေယာဉ် ဒါမှမဟုတ် မြေပြင်က ယန္တရားတွေ ပြည်ပတိုက်လေယာဉ်လက်ချက်နဲ့ ပျက်စီးသွားခဲ့ရင်ဖြစ်ဖြစ် တစ်ခုခုများ ဖြစ်ခဲ့သည်ရှိသော် ပြဿနာက အကြီးကြီးတက်ပြီ၊ အခုလက်ရှိက ပြည်တွင်းကိစ္စလို့ ဆိုရအုံးမှာပေမယ့် အာ့လိုဖြစ်ရင် ပြည်ပစစ်သဘောကို ချက်ချင်းရောက်သွားမှာ
.
နောက်တစ်ခုက မြန်မာ့မြေပေါ်ကို အာ့လိုနည်းနဲ့ လာစောင့်ကြည့်ဖို့ကို အိမ်နီးချင်းနိုင်ငံတွေက လက်ခံပါ့မလား
.
No Fly Zone နဲ့ပတ်သက်တဲ့ သိသင့်သိထိုက်တာတွေကို ပြည့်ပြည့်စုံစုံရေးထားတဲ့ ကိုအောင်သူရိန်ရဲ့ စာ နဲ့ မြန်မာပြည်မှာ No Fly Zone သတ်မှတ်ဖို့ဆိုတာ မဖြစ်နိုင်ဘူးလို့ သုံးသပ်ထားတဲ့ Andrew Selthရဲ့ စာတစ်ပုဒ် ကို ကွန်းမင့်မှာ လင့်တွေထည့်ပေးထားပါတယ်
.
ဗိုလ်ကောင်း
၂၀ ဖေဖော်ဝါရီလ
No comments:
Post a Comment