ကျနော်ဘယ်သူ့ကိုမှလွမ်းမနေပါဘူး
အသည်းကွဲတယ်တွေဘာတွေဆိုတာ
ဟာသလျှောက်လုပ်နေတာပါ
တစ်ယောက်တည်းလည်း
နေသားကျနေပြီမို့
ကျနော်အဆင်ပြေပါတယ်
သောက်ဖက်လုပ်မခံရတာတွေ
သောက်ရေးမပါဆက်ဆံခံရတာတွေလည္း
အခုတော့ အရေထူပြီး
ကျနော်အဆင်ပြေနေပါပြီ
ဒီရှေ့ဆို
ပိုပြီးအဆင်ပြေသွားမှာပါ
ဖုန်းတွေလည်းမဆက်တော့ဘူး
မက်ဆေ့တွေလည်းမပို့တော့ဘူး
မီးစိမ်းလေးထိုင်ကြည့်ပြီး
ပြန်လာနိုး စာတွေလည်းမမျှော်တော့ဘူး
မနက်လင်းရင် အိပ်ယာထမယ်
ကိုယ်လက်သန့်စင် ဘုရားရှိခိုးပြီး
ညကချက်ထားတဲ့ထမင်းလေးချိုင့်ထဲထည့်
အလုပ်သွားမယ်
ညနေအလုပ်ကစောစောပြန်ပြီး
အားကစားလုပ်မယ်
အာမီရမ်သောက်ရင်းရုပ်ရှင်ကြည့်မယ်
အိပ်ချင်တဲ့အချိန်အိပ်လိုက်မယ်
အိပ်မပျော်တဲ့အခါလည်း
ကဗျာတွေဖတ်မယ်
ရေးချင်ရာတွေလျှောက်ရေးမယ်
မူးမူးနဲ့အိပ်ပျော်သွားတော့
အလွမ်းရသက်သာတာပေါ့
ကျနော်အဆင်ပြေပါတယ်
တကယ်ပြောတာပါ
No comments:
Post a Comment